رواية أصدقاء للأبد الفصل الثامن 8 بقلم هنا حسين
رواية أصدقاء للأبد الجزء الثامن
رواية أصدقاء للأبد البارت الثامن
رواية أصدقاء للأبد الحلقة الثامنة
في صباح يوم جديد تفيق ملاك من النوم تلاقي حور لسه نايمه قامت اتسحبت وجابت كوب ماء وسكبته علي حور
حور قامت مفزوعه
حوريه/اه الحقوني انا غرقت. وملاك ميته منه الضحك
حوريه بغضب/اه يا بت الجزمه وجريت وراها
ملاك/خلاص حرمت خلاص ونبي مش قارده
حوريه/وربنا ما اسيبك يا سهتانه أنت.
جريت ملاك استخبت ورا زينب
حوريه/بتستخبي وراها يا جبانه
زينب/ايه الدوشه إللي عملينها من الصبح دي
حوريه/دلقت عليا الميا
ملاك ببراءة/أبدا يا خالتو انا كنت بوفر ليها وقت عسل وشها
حوريه بغيظ/يا بنتي بطلي كدب ودانك طولت من كتر الكدب
ملاك من ورا زينب بطلع لسانها وتغيظها
ملاك/حرام عليكي يا حوري أنا مستحيل اكدب صح يا خالتو
زينب/بطلو مناقره واجهزو علي شان الجامعه
حور وملاك/حاضر
ذهبو كي يجهزو ولبسو مناطيل جينز وتشرتات نص كم باللون الاسود وكوتشهات باللون الأبيض وعملو شعرهم ذيل حصان وكانو قمرات وطبعاً محطوش مكياج مكتفين بجمالهم راحو الجامعه وطبعاً حور زعلانه من ملاك على تصرفها في الصباح
ملاك بعبوثه/يعني مافيش صلاح
حوريه/لا وبطلي كلام معايا احسن ازعلك
ملاك/خلاص بقا قلبك ابيض
حوريه/لا مين قالك ان قلبي أبيض أنا قلبي احمر
ومشيو زعلانين من بعض من الجامعه راحو الشركه
اذكروا الله
************************************
ادم/مش عارف اوصفلك بحبها إزاي عامله زي الأطفال بتزعل بسرعه وتتراضي بسرعه
ماجد قاعد بيسمع كلامه وماسك نفسه من الضحك
ادم/مالك مش بترد
ماجد ممسكش نفسه وفضل يضحك
ماجد/هههههه يخربيت عقلك انت بقيت مراهق كده إزاي
ادم/انت بتتريق عليا بكره تحب وتتجوز وتقول نفس الكلام
ماجد/هي ايه حكايتك انت وبسمه في موضوع جوازي
هوانا تعبكو أوي كده
ادم/اه تعبنا بس انت لما تحب هتعرف اني معايا حق
ماجد/مدام انت واقع كده متطلبوها من خالتها
ادم/المشكله انها خام وبتتكسف وخايف يرفضوني عاوزها تاخد عليا الأول
ماجد بضحك/هههه وقعت ولا حد سمي عليك
ادم بكره تقع زيي قاطع كلامهم خبط علي الباب سمح ماجد للطارق بدخول دخلت حور وادت التحيه ادم ماصدق إن ملاك وصلت واستاذن ماجد لاحظ إن حوريه زعلانه بس مهتمش اوعمل نفسه مش مهتم
ماجد/ايه مواعيد النهاردة
ملته حوريه المواعيد وكادت إن تخرج اوقفها ماجد
ماجد/اعمليلي قهوه وهتيها
حوريه/بس دي مش شغلتي دي شغلت الساعي
ماجد/وأنا طلبت منك وماتنسيش انك هنا شغاله عندي ويلا بلاش كلام كتير روحي اعملي القهوه
حور بغيظ/ماشي
ذهبت تحضر القهوه وهي تتمتم بغيظ ماشي يا ماجد الكلب اماوريتك
اذكروا الله
***********************************
كانت ملاك قاعده علي المكتب بعبوثه
ادم/مال الجميل زعلان
ملاك بخضه/خضتني
ادم/هههه أنا اسف يا قمر
ملاك/لو سمحت بطل تقولي الكلام ده
ادم/حاضر يا ستي ها قوليلي مالك زعلانه
ملاك ببكاء/اصل حوريه مخصماني
ادم/طب اهدي كل ده على شان حوريه مخصماكي
ملاك/طبعا حور مش بس بنت خالتي لا دي اختي وصحبتي وأنا مقدرش استغني عنها
ادم/كل ده حب لحوريه وأنا ماليش نصيب
ملاك بزعل/تصدق أنا غلطانه اني بتكلم معاك في حاجه تخصني
ادم/ملاك مش قصدي أنا بهزر معاكي علي شان تضحكي
ها يا ستي قولي ايه اللي زعل حوريه
حكت ملاك لادم ادم مقدرش يمسك نفسه من الضحكخ
ادم/ههه مش باين عليكي أبدا انك تعملي كده بقا انت الكيوت تعملي كده
ملاك بزعل/ انا غلطانه اني حكتلك وأنا هخاصمك ومش هكلمك تاني
ادم بحنيه/صدقيني أنا مقدرش علي زعلك ويستي علي شان زعلك هخلي حوريه تصالحك
ملاك بفرحه/بجد خلاص انا هصالحك لو عملت كده
ادم بضحك/ماشي
اذكروا الله
*************************************
دخلت حوريه لماجد وقدمت ليه القهوه وخرجت وهي كاتمه الضحكه شويه وسمعت صوته يناديها بغضب دخلت له
حوريه/نعم
ماجد/ايه القرف اللي أنت عملاه ده
حوريه بتتصنع عدم الفهم/أنا مش فاهمه بتتكلم عن ايه
ماجد بغضب/انت بتستعبطي يا بت انت الملح اللي أنت حطاه في القهوه ده ايه
حوريه/اسكت هو انا ماقلوتلكش ان أنا مش بعرف أعمل قهوه وكمان بتلخبط بين الملح والسكر المره الجايه ابقي خلي الساعي يعملها
ماجد بنفاذ صبر/اسمعي يا حوريه هعيد تاني احنا هنا في شغل مش بنلعب وأنا مش عيل معاكي علي شان تعملي الحركه دي معايا وصدقيني المره الجايه هعاقبك وهتزعلي مني بجد فاهمه
حوريه بعصبية/هو أنت ليه دايما شايف نفسك عليا لا وكمان شايفني عيله
ماجد ببرود/على شان مش هينفع اشوفك غير عيله ولو شفتك غير كده هتكوني معايا علي السرير
حوريه وشها احمر من جرائته ووقاحته وكانت هتضربه بس هو مسك ايدها ولفها ورا ضهرها
حور بألم/سيبني يا حيوان ايدي هتتكسر
ماجد بغضب/مافيش غيرك حيوان يا بنت الحرامي
حوريه ماحستش بوجع دراعها قد ما الكلمه وجعتها
مانتسوش ذكر الله *****************************
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أصدقاء للأبد)
