رواية أسيل الفصل الأول 1 بقلم نور عصام
رواية أسيل الجزء الأول
رواية أسيل البارت الأول
رواية أسيل الحلقة الأولى
اسيل. بغصب مش هتجوزه يا بابا لو السما انطبقت علي الارض
عامر. هتتجوزيه ورجلك فوق رقبتك
اسيل. مش هيحصل يا بابا حرام عليك
عامر. انتي بتعصي أوامري يا اسيل خلاص كبرتي وهتمشي كلامك عليا
اسيل. لا يا بابا انا طول عمري بسمع كلامك وعمري معصيتك ف اي حاجه وبصوت عالي وعصبيه قالت قولتلي ادخلي كليه ادارة اعمال علشان تبقي معايا ف الشركه قولت حاضر برغم اني مبحبهاش وكنت حابه ادخل كليه تانيه قولتلي كفايه سفر برا وانزلي علشان تبقي معايا ف الشركه قولت ومالو قولتلي ابعدي عن سامر ابن خالتك واد لعبي ومستهتر وانا اقولك حاضر يا بابا نور عصام وكمان المعيد بتاعي ف الجامعه اما طلب يتجوزني قولتلي لااا معيد ايه هو حيلته غير مرتبه انتي مش شايفه عايشه ازاي وانا حاضر يابابا وبردو بشمهندس ايمن اللي اتحايل عليك علشان يتجوزني وانت لا مش من مستوانا وانا حاضر يابابا ولما جيت قولتلي هتتخطبي ل ياسين ابن اونكل شهاب من العيله ونفس مستوانا معترضتش وقولت حاضر يا بابا وف نفسي قولت بابا بيحبني وبيخاف عليا واكيد عارف مصلحتي اكتر مني وف الاخر طلع حقير وزباله وحضرتك اللي فسخت الخطوبه وانا كل دا ماشيه وراك وف الاخر تيجي دلوقتي وتقولي هتتحوزي ومش عاوزني اتكلم ولا اقول رايي مش هيحصل يا بابا انا مستحيل اتجوز بالطريقه دي
عامر. بعصبيه قالها الجوازه هتم غصب عنك
اسيل. بتجوزني مصلحه يا بابا صفقه من صفقاتك انا يعني، عمري ماهوافق علي كدا ولا هتجوز واحد معرفوش
عامر. يابنتي الشركه
اسيل قاطعته وقالت الشركه زي الفل ولا حضرتك ناسي اني بشتغل معاك فيها وسيبك بقا من جو الشركه بتخسر ولازم يكون معانا شريك وطبعا مفيش غير العريس واهله اللي هينقذو الشركه انسي يا عامر بيه انا مش لعبه ف ايدك تحركها زي ما انته عاوز اذا كنت فاكر ان علشان بسمع كلامك ف كل حاجه ابقي معنديش شخصيه تبقي غلطان واعتقد حضرتك عارف كدا كويس وبقوه قالت المره دي مستحيل اسمع كلام حضرتك لانها حياتي انا والمفروض الكلمه الاولي والاخيره لي انا
عامر. قرب عليها ولاول مره يمسكها من ايدها ويضغط عليها وقالها هتتجوزيه يعني هتتجوزيه واهله هينزلو الاسبوع الجاي وان كان علي انك متعرفهوش ف انا هعزمه عندنا بكرا وتتعرفي عليه هو وصل قبل اهله وهنا ف مصر من اسبوع واعتقد بردو انتي تعرفي والدته ووالده
اسيل. بدموع قالت مش موافقه يابابا وبصت لايده اللي ماسكها دراعها
عامر. ساب ايدها وقالها انا هروح اكلمه واتفق معاه يجي بكرا الساعه 8 وتقعدي معاه وتتعرفي عليه فاهمه
اسيل. بعند وعصبيه اكتر قالت لا مش فاهمه ولا هتجوز بالطريقه دي ابدا
عامر. هنشوف انا ولا انتي يابنت عامر ويلا علي اوضتك ومش عاوز اشوف وشك غير بكرا وقت يوصل
اسيل. ومش هتشوف وشي خالص يا عامر بيه وخرجت من قدامه وطلعت برا الفيلا
عامر. دخل مكتبه وهو متعصب وف نفسه انها هتخرج شويه وترجع ومحبش يوفقها علشان مش يضغط عليها اكتر من كدا
اسيل. خرجت برا الفيلا ماشيه بتفكر ف مليون حاجه وفاجأه سمعت شخص بيكلم البواب اللي ف الفيلا اللي جنبهم وبيقوله عم احمد ياريت تشوف واحده تيجي تطبخ وتروق الفيلا لان عزه خلاص بنتها هتولد بكرا وطبعا مش هتقدر تيجي الفتره اللي جايه اسيل ف لحظه فكرت وابتسمت وقالت تمام قوي كدا وبس سمعت صوت العربيه بتتحرك علشان يخرج من الفيلا التفتت وبس خرج الشخص اللي كان بيتكلم وبعد شويه راحت عند البواب وقالت السلام عليكم
عم احمد. ببتسامه قالها وعليكم السلام ازيك يا اسيل هانم
اسيل. الحمد لله انت اخبارك ايه يا عم احمد
عم احمد. الحمد لله يا بنتي رايحه فين كدا وماشيه من غير العربيه بتاعتك اول مره اشوفك تتمشي برا الفيلا
اسيل. اتنهدت وقالت ابدا حبيت اتمشي شويه وزهقت من جوا الفيلا والجنينه جوا قولت اخرج وبعدين قالت المهم انا سمعت حد بيكلمك ويقولك انو محتاج بنت تشتغل ف الفيلا
عم احمد. ايوا دا شريف بيه
اسيل. شريف بيه دا اللي اشتري الفيلا
عم احمد. ايوا يابنتي شاب محترم وابن ناس
اسيل. ابتسمت وقالت ف نفسها كويس انو محترم ودا شجعها علي اللي ف دماغها وقالت طيب بقولك ايه يا راجل ياطيب انته انا عندي بنت غلبانه ومحتاجه شغل ايه رايك اخليها تيجي تشتغل بدل الست اللي مشيت
عم احمد. فرح وقالها ياريت يابنتي انا كنت لسه هدور علي بنت تكون ثقه انتي عرفه
اسيل. قاطعته وقالت متقلقش يا عم احمد انا اعرفها كويس بنت غلبانه جدا وقمة الاخلاق وتعرف ربنا كويس بس كنت عاوزه اعرف هو شريف بيه دا ساكن لوحده ولا مع عيلته علشان بردو البنت وكدا واهلها يوافقو
عم احمد. لا لا شريف بيه معاه والده ووالدته بس هما حاليا مسافرين يومين كدا وهيرجو بالسلامه
اسيل. تمام ياراجل ياطيب انا هروح اكلمها واشوف كدا
عم احمد. لا تشوفي ايه انتي تجبيهالي علطول يا اسيل هانم
اسيل. ابتسمت وقالت حاضر يا عم احمد هكلمها وساعه كدا وتيجي وبعدين قالت ببتسامه هو انا مش قولتلك ياراجل انت بلاش اسيل هانم دي انا زي بنتك
عم احمد. ببتسامه قالها ربنا بحفظك يابنتي ويسعد قلبك ويريح بالك ويرزقك الزوج الصالح يارب
اسيل. امين تسلملي يا عم احمد وبعدين قالت همشي انا بقا وابعتلك البنت بس بالله عليك تخلي بالك منها احسن دي غاليه عندي قوي وبعزها كتير
عم احمد. متقلقيش يا بنتي ف عنيا واتطمني شريف بيه شاب محترم وعارف ربنا واهله ناس طيبين
اسيل. ماشي ياعم احمد سلام بقا ومشيت وبعد ساعه ونصف راحت وخبطت عالفيلا
عم احمد. فتح الباب واتصدم وبعدين قال سلام قول من رب رحيم انتي مين
اسيل. بتحاول تكتم ضحكاتها وبتحاول تغير صوتها قدامه وقالت انا اللي الانسه اسيل قالت عليها
عم احمد. انتي اللي جايه تشتغلي هنا
اسيل. ايوا
عم احمد. بيحاول يهدي وقال ازاي بس يابنتي انتي مش شايفه نفسك عامله ازاي دا
اسيل. قاطعته وقالت مالي يعني خلقة ربنا لو تعرف تخلق نمله
عم احمد. قاطعها وقال استغفر الله تعالي يابنتي باين عليكي غلبانه بس يارب شريف بيه يوافق يشغلك عنده ولا الست والدته يلا الامر لله وخدها ودخل
اسيل. ابتسمت ودخلت معاه
عم احمد. دخلها المطبخ وقالها دي عزه اللي انتي هتشتغلي مكانها وهي هتعرفك علي كل حاجه
عزه. التفتت وصرخت وبعدين قالت استغفر الله العظيم مين دي
اسيل. كاتمه الضحكه بالعافيه
عم احمد. دي البنت اللي هتشتغل مكانك ياعزه يلا عرفيها كل حاجه قبل تمشي وخرج وسابهم
عزه. غمضت عنيها وفتحتها وبعدين قالت انتي اسمك ايه
اسيل. قالت انا ليه حاسه انك قرفانه مني او خايفه
عزه. استغفر الله العظيم
اسيل. بزعل مصتنع قالت هو انا وحشه قوي كدا دي خلقة ربنا
عزه. زعلت من نفسها وبعدين قالتلها تعالي اقعدي وقالتلها كلنا خلقة ربنا وقعدت تتكلم معها وتعرفها كل حاجه وبعدين مشيت
واخر النهار وصل
شريف. وبس دخل الفيلا قال ازيك يا عم احمد
عم احمد. تسلم من كل شر ياشريف بيه
شريف. نزل من عربيته ودخل
عم احمد. ف نفسه قال يارب عدي اليوم دا علي خير ورجع مكانه بالجنينه
شريف. رن الجرس مره وبعدين فتح ودخل وقال عزه عزه
اسيل. طلعت وقالت نعم ياستاذ شريف
شريف. التفت لها وشهق وقال اعوذ بالله انتي مين انصرفي
اسيل. ببتسامه مخفيه قالت انا شمس
شريف. ايييييه
اسيل. انا الشغاله الجديده يا بيه
شريف. استغفر الله العظيم هو حد قالك اني عاوز انتحر ولا اكفر عن ذنوبي والله العظيم انا كويس وعارف ربنا
اسيل. قربت منه وقالت ليه كل دا
شريف. علشان يبعتوكي ليا حرام حررررام
اسيل. بصتله وقربت منه اكتر
شريف. ابعدي ابعدي عني شويه مش كدا
تسيل. ف ايه بس يا بيه الله
شريف. الله ياخدك ياشيخه
اسيل. الله يسامحك يابيه
شريف. اتنهد وقالها انا عاوز افهم مين جابك هنا
اسيل. بحزن قالت اكل العيش يابيه
شريف. صعبت عليه اخد نفس بصوت عالي وبعدين قالها وبتعرفي تطبخي ولا اكلك زي وشك كدا
اسيل. اكيد بعرف يابيه
شريف. استغفر الله ليه كدا بس يارب انا عملت ايه بس ف دنيتي علشان انام واقوم علي الخلقه دي واتنهد وقالها قولتيلي اسمك ايه
اسيل. ببتسامه قالت شمس
شريف. اتقي الله شويه وكمان بتضحكي ومبسوطه قوي شمس ايه حرام عليكي
اسيل. خلاص قولي ياقمر
شريف. كمان قمر
اسيل. لو مش عجبك قولي يانجمه او نور او بدر
شريف. بغيظ قالها انتي ليه مصممة علي الاسامي اللي كلها نور وبهجه وفرح وسعاده
اسيل. ليه يعني ياشريف بيه هو انا وحشه ولا ايه
شريف. لا سمح الله دا انتي قمر
اسيل. اهو شوفت اني قمر ومش قمر واحد دا انا قمرين
شريف. قمرين دا انتي زفتتين عتمتين اترنتين بلوتين مصبتين عاوزه تفاعل كتيييير واعملو متابعه لصفحتي الشخصيه علشان يوصلكم الفصل الجديد 👈 #نورعصام
اسيل. عوجت بوئها وقال دا الكل بيحلف بجمالي والحاره بتاعتنا كلها بتجري ورايا
شريف. اكيد عاوزين يموتوكي لانك مستحيل تكملي وتعيش خايفين تتفشي وتملي البلد من خلقتك دي
اسيل. والله ماهي رد عليك
شريف. لا يابت ردي
اسيل. خلاص ياشريف بيه شوف الاسم اللي يريحك وناديني بيه ان شالله حتي تقولي ياسيلا
شريف. يا ايييه
اسيل. رفعت حاجبها وسكتت
شريف. خلاص انا هقولك وبعدين سكت وقال استغفر الله العظيم والله مالاقي حاجه تليق علي الخلقه دي
اسيل. خلاص ابقي شاورلي
شريف. ابتسم وعملها حرقه بايده انها تمشي
اسيل. عقدت حاجبها وقالت ودا ايه بقا ان شاء الله
شريف. مش قولتيلي اشاورلك
اسيل. ابتسمت
شريف. بصي انا هانديكي ب عزه علشان واخد عليها
اسيل. لا مش عجبني
شريف. هههههه كمان مش عجبك طيب بصي يا شمس سامحني يارب ممكن بقا تروحي تجهزي الاكل لاني عاوز اكل وانام شويه
اسيل. من عنيا ودخلت المطبخ وبعد شويه جهزت الاكل وحطته عالسفره وشريف كان قاعد عليها
شريف. معلش بس يا شمس ممكن اطلب منك طلب
اسيل. اتفضل يا شريف بيه
شريف. بلاش البرفان اللي انتي حطاه دا الله يخليكي
اسيل. ليه دا رحته جميله وكل بنات حارتنا بتحط منه
شريف. معلش علشان خاطري انا تعالي علي نفسك وبلاش تحطيه لاني بجد خلاص قربت ارجع منه
اسيل. شمت نفسها وقالت دي من اغلي الروايح دي ريحة التنيين المقنع
شريف. ريحة اييييه
اسيل. التنيييين المقنع
شريف. طيب ياشمس المره الجايه ابقي حطي ريحة الحرباية الملونه علشان تتلوني علي كل لون انتي بردو محتاجه التغير
اسيل. من عنيا والله انت شكلك طيب وهنعمر مع بعض والتفتت لتلفزيون وكان فيلم غرام الافاعي شغال ابتسمت وقالت ايه رايك ياشريف بيه ف ريحة غرام الافاعي
شريف. غرام الافاعي ومالو وابقي بوخلنا منها ف الاكل اهو بردو طعمه يبقي احلي ونخلص ونرتاح من اللي احنا فيه
اسيل. والله انت م ليك ف الطيب نصيب ودخلت المطبخ تفكر باللي عملته ونسيت وراحت تغسل وشها وفجأه
شريف. دخل و …….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أسيل)
