رواية أسيرة عائلة القناوي الفصل السادس والثلاثون 36 بقلم يوستينا سامي
رواية أسيرة عائلة القناوي الجزء السادس والثلاثون
رواية أسيرة عائلة القناوي البارت السادس والثلاثون
رواية أسيرة عائلة القناوي الحلقة السادسة والثلاثون
في الصالة
عاصي كان شايل نور على ايده لانها كانت رافضه تخرج من الاوضه او تتكلم معاه
نور وهي عماله ترفص برجليها / وبعدين معاك بقى
يا عاصي نزلني قلتلك مش عايزه افطر معاك يا اخي هو بالعافيه
عاصي / اه يا اختي بالعافيه وبالعافيه قوي كمان انا ما اقفش كل دوت اعمل فطار في الاخر ما حدش ياكل .. اترزي هنااا جمبي
واول ما قعدها على كرسي ملك كانت لسه هتقوم لكن عاصي مسك ايديها وقالها بنبره وجع لمست قلبها اوي / ان شاء الله تعدميني يا رب لو قمتي من مكانك
نور قلبها اتقبض اول ما دعى الدعوه دي وزقت ايده وقالتله/ ان شاء الله يا عاصي بس مش هقوم عشان انا اصلا جعانه بس ما تتكلمش معايا خالص ولا حتى تبصلي سامع
عاصي ضحك و مسك خدها بايده وقالها /حاضر يا صغنن انت يلا كلي بقى قولي ايه رايك طبيخي
نور وهي مكشره / وحش من قبل ما اذوق واوعى ايدك دي هو انت بتكلم بنت اختك
سجي قربت ناحيه عاصي وقعدت على رجليه بحب / لا لا حرام عليكي ده حتى عملي بطاطس حلوه قوي ميرسي يا اونكل عاصي
عاصي باس راسها بهزار / يا خرابي على اونكل دي عارفه لما اخلف انا ونور بنت هسميها سجي و انتي اللي هتربيها
نور بصيتله بذهول وقالتله/ ايه يا جدع انت هو انت بتربطني معاك في جملة واحدة ليه . بص عايز تخلف خلف لوحدك ده لو عرفت
عاصي بصلها بخبث وغمزها / هعرف وهتشوفي كلي بقى بدل ما البسك الصينيه دي في وشك
نور / اففف هاكل اهووو
_____________________________________
في الاوضة عند تمارا
تمارا بعصبيه./ هو ايه ده اللي اقوم افطر معاكم هو انا طايقه ابص في وشه اساسا ، بقولك ايه انا مش جعانه ومش هخرج برا وفهمي نور انها لو عايز ترجعله يبقى تاخده و تغور من هناا
ملك/ وبعدين معاكي بقى يا تمارا زودتيها قوي
ما تنسيش ان احنا برده اللي بدانا بالغلط مش عاصي ، و كمان انا وانتي كنا المفروض نشرف مع ماجده في الحبس ولا مش واخده بالك
تمارا / يا شيخة و المفروض انه كده ليه عندنا جميلة طب ده يا ريته كان عملها على الاقل ابقى عارفه ان دنيتي وحياتي انتهت وما ببقاش عامله زي دلوقتي . ملك اطلعي و سيبيني انا مش هخرج
وقعدت على السرير بارهاق كان باين جدا في ملامحها وملك ما حبتش تتعبها اكثر وسابتها وخرجت
__________________________________________
المستشفى
اسر وهو بيبوس ايد رهف بخوف / لو كنت اعرف انك هتتعبي قوي كده كنت قلتلك كل حاجه من اول ما اتجوزنا . بس صدقيني انا مكانش قصدي اخبي عليكي انا بس كنت موجوع ومش عايزه افتح الوجع ده تاني
رهف بتردد / انا كويسة يا اسر متخافش علينا بس برده هتفهمني مين دينا دي وعايزه منك ايه
اسر / حاضر والله بس قوليلي الدكتور قالك اي الاول
رهف بعند / لااا هعرف الاول
اسر بتنهيده / اففف . بصي يا ستي دينا دي كانت مراتي بس اتجوزنا في السر ما كانش حد يعرف الا مراد لان كان عندها مشاكل مع عيلتها
المهم اني كنت بحبها قوي والمفروض انها كمان
رهف بغيره خبطته في كتفه / حبك برص يا اخي منك ليها .. المهم كمل القصة الزفت دي
اسر ابتسم و باسها من خدها / ماشي . انا كنت في الوقت دوت بشتغل مع مراد في الشركه وكنت بعتبر ابوه طاهر زي ابويا لانه وقف معايا كتير … و وقتها دينا طلبت مني انها تشتغل معانا وانا اكيد وافقت ويا ريتني ما وافقت
رهف بصيتله باستغراب / ليه هو حصل حاجه من مراد .. صاحبها يعني ولا اي
اسر بوجع /كنت اتمنى ان هو اللي يطلع عيل واطي على الاقل بيني وبين نفسي هقول واد طايش
بس اللي حصل كان اكبر بكتير
رهف / ما تحكي يا عم بلاش جو التشويق ده
اسر قام و قعد جنبها في السرير و حضنها بضعف و اتنهد بوجع / طاهر ابوه هو اللي لاف عليها و زغلل عينيها بالفلوس و العربيات واخدها مني وهي عشان رخيصه سلمتله لنفسها
رهف بصدمه حطت ايديها على راسها/ هو كان يعرف انها مراتك
اسر بحزن / اه
______________________________________________
علي السفره
ملك قربت وقعدت جنب عاصي الناحيه الثانيه وهي بتاكل من على السفره / امممم الاكل فظيع شكلك ياض يا عاصي بتعرف تطبخ
عاصي وهو بيمسك شبسايه موجوده وحذفها عليها وقالها / ياض !! خدتي عليا انتي قوي يا ملك لمي نفسك عشان مراتي بتغير وقاعده جنبي
ملك وهي بتبربش بعينيها بهزار / وانا عملت ايه بس يا صاصا ده انا بشكرك على وجبه الفطار اللي ترم العضم دي
نور كانت فاتحة بقها بزهول ومش مصدقه ان ملك اخدت على عاصي بالدرجه دي وقالتها بغل / جرى ايه ما تظبطي نفسك يا ملك .. ايه صاصا دي
عاصي ابتسم بفرحه ومسك ايد نور و بص لملك بخباثة / مش قلتك انا مراتي حبيبتي بتغير عليا .. جبت حاجة من عندي
نور اضايقت قوي انها معرفتش تتحكم في غيرتها وزقت ايديه وبصيتلهم هم الاثنين وقالت / لا مش غيرانه انا بس مستغربه انها بتتعامل مع بني ادم زيك بعد كل اللي عملته فينا … اقولك انا اصلا مش عايزه افطر
وقبل ما تقوم من على الكرسي عاصيضحك بشماته وقال / اه هو في اكل فاضل يا حرام على السفره عشان تسبيه … تعالي كليني يا ماما
نور بصت بعينيها على سفره وفعلا لقيت انها اكلت كثير جدا و ضغطت علي شفتها باحراج و نسيت ان الحركة دي عاصي منبه انها ممنوعه تماااما واتكلمت برقتها المتعود عليها اللي بتبقى مكسوفه
وقالت/ لظاهر اني ما اكلتش حاجه من امبارح فكلت شويه بس مش كثير يعني انا رايحه اعمل الشاي ومش هعملك معايا على فكره
وسابتهم ومشيت وملك اللي كانت بتاكل بجوع بصت لعاصي / بالراحه على نور عشان نونه مش بتيجي بالطريقه دي يا عم الشرس
عاصي بخبث / هتيجي هي اصلا بتموت فيا بس بتكابر بس انا هخليها تعترف وتنسى كل اللي فات تماما صبرك عليا .. وبعدين ايه ده فين تمارا ليه ما خرجتش تاكل معانا
ملك بلا مبالاه / عادي مش طايقه تشوفك دي حتى عايزه تقول لنور تمشيك من البيت .. ولو هترجعلك تمشي معاك
عاصي بص لملك بغيظ وقالها / طب اطفحي اطفحي شبه مراد في كل حاجه حتى وانتي بتاكلي يخرب بيتك
______________________________________________
برا المستشفى
مراد كان بيتمشى مع كريم وباصصله بغيظ وقاله /على فكره انت عيل واطي واطيانه فظيعه
كريم رفع حاجبه بغيظ وقاله / ما تلم نفسك يا مراد عشان ما اقلش منك في الشارع اكده وسط الناس والخلج
مراد / يا شيخ اتلهي على عينك انت بق بس على فكره وبعدين بقولك ايه هو احنا هنفضل ناقر ونقير لحد امتى .. طب ده احنا حتى ولاد عم ونسايب كمان يعني كلك نظر
كريم / لاااه خليك انت يبجى عندك نظر وخد اخوك وامشوا من البلد لاني مش طايق اشوف خلجتكم
مراد اتغاظ منه وقاله بحده / ان شاء الله عنك ما طقتنا .. اي يلا هو انت هتسوق فيها
تصدق انا غلطان اني بعتبرك بني ادم وجاي اتكلم معاك اساسا ده الله يكون في عون جميله
كريم اتعصب قوي ومسكوا من كتفه وقاله بغل/ بجولك ايه اسم مرتي ما تجيش على لسانك
سامع يا مراد والا والله هنسى انك ابن عمي و هخلص عليك
لكن مواد ابتسم ببرود و بعتبه بوسه في الهوا قاله / ولا تزعل نفسك مش هجيب اسم جميله تاني على لساني عشان انا عارف انك بتضايق لما راجل بيقول اسم جميله قدامك .. على الرغم ان اسمي جميله دوت لذيذ جدا .. اسم قمر كدة و
ومالحقتش يكمل باقي الجمله ولقى بوكس في وشي من كريم / جولتلك ما تختبرش صبري يا ابن طاهر
وسابه كريم ومشي عشان يروح شركته اما مراد كان حاطط ايده على مكان البوكس وبيقول بشماته / احسن حرقت دمه اي نعم اتضربت بس مش مشكله
وركب تاكسي ورجع تاني للبيت بتاع البنات عشان كان عايز يسيب اسر ورهف يصفوا مشاكلهم لوحدهم
_____________________________________________
في اوضة تمارا كانت فاتحة الانستجرام بتاع زين بس من اكونت فيك لانه عاملها بلوك و كانت بتعيط علي صوره اللي بينزلها مع بنات
تمارا / للدرجه دي انا كنت رخيصة بالنسبالك كل دي بنات عرفتهاا في الفتره اللي بعدنا فيها .. ليه كدة يا زين ده انا مستعده اعمل اي حاجه بس عشان نرجع لبعض تاني ربنا ينتقم منك يا عاصي
و قامت فتحت الدولاب وطلعت التيشرت من هدوم زين وحضنته وقالت / مش هنساك و واثقه ان في يوم من ايام هنرجع لبعض تاني
______________________________________________
في البيت
كان عاصي قاعد قدام التلفزيون بيتفرج على فيلم ريبونزل عشان سجى بتحبه وجنبه ملك اللي كانت بتشرب شاي وبتاكل كيكه
عاصي وهو بيزق في ايد ملك / ما تجيبي حته كيكة من الطبق اللي مستولية عليه ده وتخليكي اصيله
ملك وهي حاضنه الطبق / لا انا واطيه ما لكش دعوه بيه
عاصي / ابو شكلك مفجوعه .. طب بلاش انا هاتي حته للبنت الصغيره دي اختك ها
ملك / ما قلتلك اني واطيه بقى ما فرقتش منك انت واختي و بعدين ما حدش هياكل من اكلي
نور بصيتلهم بغيره وحست ان عاصي بجد كان نفسه في حته كيكه وقامت اديته من طبقها وقالتله/ خد اهو اللي سقا كلب دخل الجنه
عاصي اخد كيكه وهو مبتسم وقالها / عندك حق
ما بالك اللي اكل البني ادم حته كيكه هيخش فين
يلا اقول اي ما انتوا متربتوش اساسا
و هما بيتكلموا لقوا الباب بيتفتح ودخل مراد اللي كان معاه مفتاح ملك
مراد قرب ناحيتهم وهو بيرفع ايده / السلام عليكم يا جماعة الخير .. اي ده الله كيكة ملك هاتي حتة
عاصي وهو بيشده من البنطلون / خد مني انا دي مفجوعه
بس ملك كانت مسكت حتة من كيكه وقامت من مكانها واديتهاله في بقه وقالتله بحب / حته واحده بس ده انت تاخد حتة او اتنين.. انت تأمر
مراد غمزلها بعينه و بتسها من خدها قدامهم عادي وقالها / ده العشم برده يا ام فهد .
عاصي وهو مربع ايده / كمان بقت ام فهد سبحانك يا رب بس هقول ايه ما انت كنت بايت امبارح في الاوضه بتاعتها الله اعلم ايه ممكن يحصل بكره
نور شهقت بصدمه وقربت من ملك ومسكتها من شعرها وقالتلها / الكلام اللي انا بسمعه ده يا بنت
حقيقي
مراد بغيظ/ شيلي يا بت ايدك من شعرها اما والله اديكي بلحة في راسك ، وبعدين انت ايش ده اخششك في حياتنا امال لو ما كنتيش اتباستي امبارح قدام العيله كلها و كان نايم معاكي في اوضتك كمان يا بت
عاصي وهو بيحدف المخده عليه بغل / يا حيوان دي مراتي نقي الفاظك
مراد استهبال / والله مراتك … بنت يا ملك اعملي نفسك مصدقه معايا ..
عاصي قام من على الكنبه بغيظ / مراد هزعلك والله
مراد وهو بيرفع حاجبه باستهبال / وبتقوم ليه من مكانك طالما ضايقتك قوي كده يبقى كلامي صح صح يا لوكا
لوكا وهي بتمسكه من خده حب وهزار / و انت عمرك قلت حاجه غلط يا ميمو . يا خلاسي علي الخبيث يا ناس
عاصي / الله ما يحرمكم من الهبل ابداااا ..
_______________________________________________
في المستشفى
رهف غصب عنها دمعت / يعني كان عارف انها مراتك وعمل كده ازاي ، ازاي ما عندوش قلب للدرجه دي
اسر / بصي الشهاده لله طاهر ماكانش يعرف انها مراتي بس كان عارف انها حبيبتي و اني انا اللي جايبها الشركه .. عارفه في وقت كده مراد جالي وحذرني وقالي خدها وامشي بس انا كنت غبي
رهف مسكت ايد اسر بحب علشان تهون عليه/ و بعد ما عمل كدة قدر بعدها يواجهك ازاي
اسر ضحك جامد بوجع/ اه قدر و جيه وقف قدامي وقالي انت لسه قدامك كثير عقبال ما تكون نفسك وان دينا ما تنفعكش ودي نصيحه مني ليك .. استغربت وقلت يمكن شاف منها حاجه وما قاليش
و قررت اروحله الشقه اللي كان ماجرها و كان معايا المفتاح بس لما دخلت اتفاجات احلي مفاجاه
رهف كانت ماسكة دموعها بالعافية و مسكت ايده بخوف / اي يا اسر .. شوفت اي
اسر بغل / شوفتها في حضنه علي سرير واحد . شفت الراجل اللي اعتبرت ابويا وسند داس علي شرفي و بعد كل ده الزبالة راجعة تاني
رهف حطت ايديها علي بقها و هي بتعيط بوجع و اترمت في حضن اسر / انا اسفة والله ما كنت اعرف .. ازاي عمي كان مقرف اوي كدة .. ازاي
اسر غمض عيونه بندم / انا مكنتش عايز احكي لحد ومكنتش عايز افتح في ذكريات بس انتي كمان حقك تعرفي
عارفه يا رهف بعدها انا بعدت عن الشركه وعن مراد .. خسرته برغم انه ما يستاهلش كده
ده عادي ابوه عشان خاطري ، مراد و طاهر علاقتهم كانت زفت بسبب اللي عمله فيا
بس غصب عني بعد ما حبيتك لقيت نفسي باخدك و ببعد عن مراد ما اعرفش ليه خايف منه ومش واثق فيه …. انا وجعته اوي
رهف وهي بتمسح دموع اسر اللي على خده / ماتقولش كده مراد بيحبك قوي ده نزل وراك النهارده جري لما شافك زعلان .. صدقني هيسامحك
اسر / يا ريت انا مش عايزه اخسر مراد بس انا خذلته و سبته في اكثر وقت هو كان محتاج صاحبه واخوه فيه … مراد اتوجع مني قوي لما قلتله اني مش واثق فيه وكاني بفكره وبعايره باللي ابوه عمله وهو بجد مالوش ذنب
رهف وهي واخداه في حضنها عشان تهديه / عشان خاطري يا اسر خلاص بطل تفكر نفسك بالحاجات دي وبعدين ده انا حتى عندي مفاجاه حلوه قوي
ومسكت ايده وحطيتها على بطنها وقالتله/ هنا في بيبي .. ابننا يا اسو هيجي بعد ثمان شهور
اسر بصلها بصدمة و ضحك جامد و هو مش مصدق اللي بيسمعه / لالا .. انتي اكيد بتقولي اي كلام
رهف بالله عليكي بجد
رهف بحماس طفولي / ايوة والله يا أسر هيبقي عندنا بيبي صغير نلعب بيه انا و انت بقي .. و هيبقي بتاعتا
اسر اخدها في حضنه جامد و بيبوس راسها/ يا قلب و روح اسر .. ده اي المفاجاه دي انا مش مصدق
انا .. انا لازم ابلغهم كلهم لازم كلهم يعرفوا ابن اسر عزام هينور الدنيا
رهف قربت وبجراءة باسته و هو بادلها بوستها بحب شديد و لكن بعدوا عن بعض بفزع اول ما لقوا الباب بيتفتح و …
احم احم تفتكروا مين دخل
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أسيرة عائلة القناوي)
