رواية أسيرة جحيم انتقامه الفصل الخامس عشر 15 بقلم نيرة عبدالله

رواية أسيرة جحيم انتقامه الفصل الخامس عشر 15 بقلم نيرة عبدالله

رواية أسيرة جحيم انتقامه الجزء الخامس عشر

رواية أسيرة جحيم انتقامه البارت الخامس عشر

رواية أسيرة جحيم انتقامه الحلقة الخامسة عشر

البارت الخامس عشر 👇
عند مصطفي كان طالع أوضته وإتفاجئ لما فتح الباب وشاف دينا واقعة علي الأرض مغمي عليها ؛ مصطفي جري عليها وقال بخضة: دينا حبيبتي ردي عليا؛ وقال بصوت عالي: جمال إلحقني بسرعة

جمال طلع بسرعة علي صوته هو ورقية وإتخضوا لما شافوا دينا واقعه علي الارض؛ جمال جري عليها وقال: هي مالها ي عمي؛ مصطفي بعصبية: معرفش ي جمال إتصرف رقية: إهدي ي مصطفي حطها بس علي السرير الأول
وبالفعل حطها علي السرير؛ وجمال بدأ يكشف عليه

داليا كانت قاعده قلقانه وبتعيط وفي الوقت ده رجع من برا غيث وأول ما شافها جري عليها وقالها: مالك ي داليا بتعيطي لي؛ داليا بدموع: طنط دينا تعبانه أوي
غيث بخضة: ماما وطلع مره واحده علي فوق؛ وقال بنهجان: ماما مالها ي بابا؛ رقية: متقلقش ي حبيبي هتبقي كويسة؛ مصطفي: إي الاخبار ي جمال
جمال: متقلقش ي عمي هي بس ضغطها وطي بس انا إديت لها دواء وهتبقي كويسة بس اي السبب اللي خلي ضغطها يوطي كده؛ رقية بحزن: أكيد بسبب موضوع سفر سليم؛ جمال: هو سليم هيسافر طب ليه؛مصطفي: غيث هيفهمك كل حاجة؛ رقية: يلا نطلع ونسيبها ترتاح

**كريم طلع عشان ينام وبص شاف مريم نايمه علي الكنبة إتنهد وشالها حطها علي السرير وغطها كويس وباس جبينها؛ وقلع الجاكت ونام علي الكنبه وبص عليها وقال في نفسه: يتري حكايتك معايا اي ي بنت عدنان ؛ وفضل يبص عليها لحد ما نام

**جمال: إحكيلي بقي إي حكايه سفر سليم دي؛ غيث إتنهد وقال: هحكيلك وحكي له كل حاجة؛ جمال: فيه حاجة مش مفهومة في الموضوع ده؛ غيث: قصدك إي
جمال: إيه اللي يخلي داليا تقطع علاقتها بسليم وهي روحها فيه أصلا الموضوع مش موضوع عصبية الموضوع أكبر من كده؛ غيث: أنا كمان شكيت في كده بس محدش منهم راضي يتكلم؛ جمال: انا هتكلم مع داليا
غيث: أخبار مريم إي؛ جمال: مريم فاقت وخرجت إنهارده
غيث:ي تري كريم هيرجع الشركة؛ جمال: هو مكنش بيجي
غيث: هز رأسه ب لا؛جمال بضحك:شكل كريم باشا وقع

سليم رجع الفيلا وشاف رقية وداليا قاعدين سوا؛ سليم إتجاهل داليا اللي كانت بتبص له بحزن وراح ناحية رقية وقالها بهدوء: إزيك ي طنط؛ رقية بإبتسامة: كويسه ي حبيبي؛ سليم: فين ماما؛ رقية: دينا تعبت شويه فنايمه في أوضتها؛ سليم بخضة: حصل ليها إي؛ رقية: إهدي ي حبيبي هي بقت كويسه؛ سليم: انا هطلع اطمن عليها؛ وطلع تحت نظرات داليا الحزينة

**كريم كان بيلبس هدومه ولمح مريم واقفة وقالها بهدوء:صباح الخير ي مريم؛ بس مريم بصتله ومردتش
كريم إتنهد وقالها:إنتي محتاجة حاجة؛ مريم: عاوزه أروح لماما؛ كريم بحزن: مش هينفع دلوقتي؛ مريم بعياط: هو إي اللي مش هينفع إنت إي معندكش رحمة مش كفايه حرمتني منها وهي عايشة عايز تحرمني من إني أروح ليها وهي ميته وفضلت تعيط؛ كريم بصلها بحزن وقال: انا مش عاوز أمنعك ي مريم الدكاتره قايلين لازما ترتاحي بس طالما دي رغبتك هنفذها ليكي إجهزي وأنا مستنيكي

**سليم دخل لدينا وهو بيقول: أخبار حبيبتي إي؛دينا بصتله بزعل وديرت وشها؛ سليم بص لمصطفي اللي بيحاول ميضحكش؛ سليم مسك إيديها وباسها وقال: إنتي زعلانه مني ليه؛ دينا: بقي مش عارف عاوز تسافر وتسبني ي سليم عاوز توجع قلبي عليك واللي يضحك بقالك شهر بجهز لسفرك ومخبي عليا إنت وأبوك كنت عاوز تقولي إمتي؛ سليم بحزن: غصب عني ي ماما أسافر وأسيبك بس لازم اعمل كده إنتي ميرضكيش أتعذب صعب انسي اللي عمله عمي فيا واللي داليا كمان عملته لمامسعمتيش ومشت ورا أبوها عشان كده السفر هو الحل؛ دينا كانت بتبص لابنها بحزن وخدته في حضنها وبصت لمصطفي والدموع في عنيها؛ ومصطفي إبتسم وطبطب علي إيديها

**مريم وصلت المقابر وكريم نزل معاها بس هي شاورت بإيديها إنه ميجيش معاها؛ وراحت وقفت قدام قبر مامتها ولمست إسمها ونزلت منها الدموع بشده وقالت: ليه سبتيني ي ماما لي سبتيني هو ده وعدك ليا إنك مش هتسبيني أنا مليش حد بعدك ي ماما مين هيطبطب عليا لما أزعل ومين هياخدني في حضنه هتوحشيني أوي ي ماما؛ كريم كان بيبص عليها بحزن شديد وبيحاول يتحكم في دموعه

وفي الوقت ده جه يزيد وقالها بحزن: مريم؛ مريم أول ما سمعت صوته جرت عليه وحضنته وسط غضب كريم
مريم بدموع: سابتني ليه ي يزيد ليه؛يزيد بحزن:إهدي ي مريم ده قدرها إدعيلها بالرحمة؛ وخدها وراح ناحية كريم اللي كان بيبص له بغضب؛ يزيد:أهلا ي إستاذ كريم؛ كريم ببرود: أهلا بيك والبقاء لله؛ يزيد: الدوام لله ووجه كلامه لمريم وقال: إنتي إتأخرتي كده ليه في السفر؛ كريم: مريم لما عرفت الخبر تعبت أوي ومكنش ينفع نرجع وهي تعبانة؛مريم بصتله بكره وقالت ليزيد: انا عاوزه أروح لبيتنا ي يزيد
كريم: طب يلا عشان أوصلك؛ مريم بحدة: انا هروح مع يزيد ومشت مع يزيد تحت غضب كريم

مريم أول ما وصلت بيتها دخلت علي أوضة مامتها ومسكت صورتها وفضلت تعيط وتقول: ليه سبتيني ليه أنا محتجالك أوي؛وفي الوقت ده دخلت عليها إسراء وقالت بحزن: أخيرا رجعتي ي مريم؛مريم بصتلها بحزن وحضنتها وإسراء ضمتها لحضنها أوي وفضلت تواسيها

**داليا كانت قاعدة زعلانة وفي الوقت ده دخلت عليها نهال وهي بتقول بمرح: الجميل زعلان ليه؛ داليا بضحك: مفيش حاجة ي بنتي؛ نهال: هو انا هتوه عنك فيه إي
ودخل عليهم جمال ولما شاف نهال قال بمرح:هو إنتي هنا وفي المستشفي مش عارف إرتاح منك؛ نهال:براحتي ي عثل براحتي؛ جمال بضحك : عيله رخمه والله وبص لداليا وقال: هتفضلي زعلانه كده كتير؛ نهال: هو فيه إي بالضبط
جمال: هي وسليم سابوا بعض ومش بس كده سليم هيسافر؛ نهال: إنت بتقول إي إزاي تسيبي سليم وإزاي تسمحيله يسافر؛ داليا بعصبية: أظن إن أنا حره ودي حياتي أنا أما بقي لو هو عاوز يسافر يتفضل يسافر هو حر؛جمال بهدوء: تمام ي داليا بس مترجعيش تندمي وسابها ومشي

**مريم وإسراء كانوا قاعدين سوا وقطع كلامهم خبط علي الباب وإسراء فتحت وكانت أمنية اللي دخلت بسرعة وحضنت مريم وقالتها: إنتي كويسه مش كده؛ مريم بحزن: متقلقيش عليا أنا كويسه؛ أمنيه حضنتها وقضوا باقي اليوم سوا
وأخر اليوم كريم جه خدها وطول الطريق متكلموش سوا لحد ما وصلوا الفيلا وطلعوا أوضتهم

**كريم كان ماشي وسمع صوت مريم بتقوله: إرتحت وخدت حقك مني ولا لسه وأكملت بزعيق ودموع: إنطق أخدت حقك مني ولا لسه إنا عملتك إي عشان تعمل فيا ده كله دمرتني بدل المره ألف وجيت عليا بزياده وكسرتني ومسكت هدومه وقالت ذنبي إي عشان تعمل فيا ده كله

كريم زق إيديها وقال بزعيق: ذنبك إنك بنت عدنان اللي بسببه أغلي الناس علي قلبي ماتوا ظلم؛مريم بسخرية: بنت عدنان مش كده؛ عدنان اللي رمي بنته في الملجأ أول ما إتولدت عشان كان عاوز ولد؛ رماني سنتين في الملجأ ولولا ولاد الحلال اللي عرفوا أمي الحقيقة اللي راحت لعمي وخدني وأنقذ أمي من ظلم أبويا؛ حتي يوم ما أبويا إفتكرني كان علشان يستخدمني عشان يخلص شغله؛ أي كان اللي عمله فيك مش زي اللي عمله فيا أبدا ومره واحدة أغمي عليها وكريم جري عليها وشالها وحطها علي السرير وقال بحزن: سامحيني علي اللي عملته فيكي سامحيني وباس جبينها وإيديها

**تاني يوم كريم كان رايح الشغل ولمح مريم قاعده علي السرير؛ كريم وقف قدامها وقال: بقيتي أحسن؛ مريم بصتله ومردتش عليه؛ كريم إتنهد وقعد قدامها وقال: أبوكي قتل أخويا قدام عيني ومش بس كده إتسبب في موت خطيبتي وشلل أختي
مريم بصدمة: بتقول إي
🌼🌼🌼🌼🌼🌼🌼🌼🌼🌼🌼🌼🌼🌼🌼🌼
تفتكروا رد فعل مريم إي بعد ما تعرف الحقيقه ؟!
نفسي تتفاعلوا ب لايك وكومنت حلو
#أسيرة جحيم انتقامه
بقلم نيرة عبدالله

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية أسيرة جحيم انتقامه)