رواية أسيرة جحيم انتقامه الفصل الثالث 3 بقلم نيرة عبدالله
رواية أسيرة جحيم انتقامه الجزء الثالث
رواية أسيرة جحيم انتقامه البارت الثالث
رواية أسيرة جحيم انتقامه الحلقة الثالثة
غيث: في حاجة لازما تعرفها يكريم
كريم:حاجة إي إنطق
غيث:عدنان الشهاوي مات
كريم بصدمة: إنت متأكد من الكلام ده
غيث هز رأسه بأه وقاله:أسد نزل بيان بكده من شويه
كريم أول ما سمع كده عيونه إتحولت للاسود القاتم وضغط علي إيده بعصبيه لدرجة إن عروق إيده إبيضت؛غيث أول ما شافه كده قلق عليه وقاله:كريم إنت كويس
ومره واحده كريم قام بكل عصبية وورمي كل االحاجات اللي علي المكتب بغضب وقال بصوت عالي:إزاي يعني مات إزاي مات إزاي وأنا لسه مجبتش حقي منه مكنش ينفع يموت مكنش ينفع؛إنطق وقول مات إزاي
غيث:كان تعبان بقاله فترة؛ كريم:ربنا نفذه مني ومن عذابي بس ناري لسه قدايه ولازما أطفيها
غيث:هتعمل إي؛ كريم:بكرا الصبح عاوز أسد عندي في المخزن؛ غيث:بس يا كريم
كريم بغضب: كلمه واتقالت يغيث إتفضل إمشي؛ غيث مشي وساب كريم في حالة غضب عارمة
**في الليل(عند مريم)
كانت راحة تشرب وسمعت والدتها بتتكلم في التليفون وبتقول حاضر هحاول أقولها وقفلت السكه وسمعت مريم بتقولها هتقوليلي اي يسمر
سمر بضحك:سمر كده من غير ماما يبت؛مريم: أمي إي بس ده انتي اللي يشوفك يقول أختي
سمر بضحك:يبت يبكاشة؛ مريم: متغيريش الموضوع وقوليلي كنتي بتكلمي مين؛ سمر بتنهيدة: ده إيهاب الايد اليمين لأبوكي
مريم بضيق: هو بالليل واللي إسمه أسد الصبح عاوزين إي مننا؛ سمر: أبوكي مات
مريم: بتتكلمي جد؛ سمر: أيوه إيهاب لسه قايلي دلوقتي
مريم: والمطلوب مننا إي؛ سمر:نروح علي الاقل نعزي متنسيش إنو أبوكي؛ مريم بعصبية: أنا وانتي مش هنروح من حتة سامعة وأنا مليش أب ولا إنتي ناسيه عمل فينا إي وسابتها ودخلت أوضتها؛ وأمها بصت ليها بحزن علي حالتها وقالت ربنا يسامحك يعدنان علي اللي عملته
**عند خالد؛مكرم ومصطفي كانوا قاعدين مع خالد اللي كان قاعد بيشرب قدامهم بطريقة هسترية؛مصطفي مقدرش يستحمل شكله ومرة واحدة أخد منه الكأس ورماه وقال بعصبية: ما تفوق بقي يا أخي إنت كده بتأذي نفسك
خالد بصله بغضب وقاله بزعيق:إنت إتجننت إنت إزاي تعمل كده ولسه هيقوم يضربه مكرم وقف بينهم وقال إهدي يخالد وبعدين مصطفي معاه حق إنت كده بدمر نفسك
خالد بعصبية:ده علي أساس إني مش مدمر مراتي محملاني ذنب موت إبني واللي حصل في بنتي كأني أنا اللي عملت فيهم كده؛ وإبني التاني معتبرني عدوه مش أبوه وكل ده عشان معملتش اللي كان عاوزه زمان لاني كنت خايف عليه كل ده ولسه مدمرتش أنا ادمرت من زمان؛ مصطفي ومكرم كانوا بيبصوا له بحزن وزعل ومش عارفين يقولوا له إي
**صباح يوم جديد
في مكان جديد أول مره نروحه؛في قصر ضخم ملئ بالحراس
وصل كريم ونزل من عربيته بكل وقار وهيبه وراح ناحيه غيث اللي كان مستنيه ومسكه من هدومه وقاله بغضب مكتوم: أسد فين يغيث مش قولتك يبقى عندي
غيث وهو بينزل إيده:صدقني روحت أنا والحراس عشان نجيبه مش لاقيناه في الفيلا؛ كريم بغضب:يعني هيكون لحق يروح فين إسمع تقلب الدنيا وتجيبه ليا فاهم؛غيث: حاضر يكريم خلينا بس نشوف الإمبراطور عاوز إي الاول
**في أحد المستشفيات كانت ماشية في أحد الممرات وقابلت أحد الممرضات وقالتها: دكتور جمال فين
الممرضة:في مكتبه يدكتورة نهال؛نهال راحت لمكتبه وخبطت علي الباب ولاقته نايم؛نهال ضحكت وقالت بقي بذمتك ده منظر مدير مستشفى
جمال فتح عينه ببطء وقال بضيق:بت إنتي بطلي دوشة أنا من إمبارح في عمليات مش زيك بروح بيتي بعد العشا نهال ضحكت عليه وقطع كلامهم صوت رنه تليفون نهال وقالت دي أمك؛جمال:دي بترن عليا من إمبارح وانا مش بترد ردي عليها وقولي لها نايم؛نهال بخبث: من عيوني وردت وقالت ألو يطنط رقيه جمال قدامي أهو وصاحي
جمال بصلها بغيظ وقالها بهمس إما وريتك وأخد منها التليفون وقال ألو يماما عامله اي؛ رقية:كويس إنك فاكر إنك عندك أم بكلمك من إمبارح ومش بترد لي وبقالك يومين بايت برا البيت؛ جمال: غصب عني والله يماما كان عندي عمليات كتير بس متقلقيش هاجي إنهارده
رقية: لما نشوف يجمال وقفلت معاه؛وبص جمال بغيظ لنهال اللي واقفة بتحاول تكتم ضحكتها وقالها بغيظ غوري من وشي بدل ما أبيتك شهر في المستشفى؛ نهال بضحك براحه يعم متزقش ماشيه أهو وطلعت وسابته
**كريم بعصبية: يعني إي مش عاوزني اقرب من أسد يا يونس باشا
يونس ببرود:اللي سمعته يكريم مشكلتك كانت مع عدنان وعدنان مات وأسد ملوش ذنب في اللي حصل
كريم بعصبية:طب وإنتقامي والنار اللي جوايا
يونس:تحاول تطفيها والانتقام مش بيرجع اللي راح أعقل يكريم ومضيعش نفسك وسابه ومشي وكريم بص لاثره بعصبية وطلع تليفونه وقال لغيث عاوز واحده بسرعه في الشقة بتاعتي إنجز وركب عربيته ومشي بسرعة
**عند رقية كانت بتحاول ترن علي كريم بس مكنش بيرد وقالت بحزن معقولة يكريم مش عاوز ترد عليا وسمعت صوت بيقول ليها يمكن مشغول وبصت لمصدر الصوت ولاقت دينا وقالتها مشغول من إمبارح تخيلي برن عليه من إمبارح ومش بيرد
دينا قعدت جنبها وقالت: إنتي عارفة إن كريم رجل أعمال وشغله كتير
رقية بدموع: بس أنا أمه أنا أولي من شغله ده تخيلي بقالي شهرين مش عارفة أشوفه انا ميته من القلق عليه ولا أخته اللي بتتمني بس تسمع صوته وهو عارف قد اي هي متعلقه بيه
دينا اخدتها في حضنها وقالت:إهدي بس يرقيه ولما يجي غيث هخليه يكلم كريم ويطمنك عليه؛ رقيه هزت رأسها بحزن
**في شقة كريم
فتح عيونه ولاقي واحده نايمه جنبه من دون ملابس وكانت مغطيه نفسها بملايه السرير؛ كريم بصلها بأرف وقام لبس هدومه ورمي الفلوس في وشها وسابها ومشي
ونزل من العمارة ولسه رايح يفتح باب عربيته لاقي اللي بيمسك إيده يتبع
🌼🌼🌼🌼🌼🌼🌼🌼🌼🌼🌼🌼🌼🌼🌼🌼
تفتكروا مين اللي مسك إيد كريم؟توقعاتكم
#أسيرة جحيم انتقامه
بقلم نيرة عبدالله
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أسيرة جحيم انتقامه)
