رواية أسيرة المتملك الفصل الأول 1 بقلم جودي عماد

رواية أسيرة المتملك الجزء الأول

رواية أسيرة المتملك البارت الأول

رواية أسيرة المتملك الحلقة الأولى

كانت قاعده بنت في الارض و هي بـ ترجع لـ ورا من الخوف، قرب الشخص منها و هو بـ يبص لها بـ خذلان، خافت البنت منه بسبب اللي عمله فيها و اللي لسه هـ يعمله فيها، اتكلمت البنت بـ ضعف ونبرة صوت مهزوزة من الخوف و قالت له:-
_حرام عليك أرحمنى…..ارجوك….. أرحم ضعفى ارحمني من العذاب ده أنا تعبت.
قرب منها اكتر و اتكلم بـ صوت عالي لانه مش طايق يسمع صوتها او كلامها:-
_ إنتي تخرسي خالص بدل ما أعمل تصرف من هـ يعجبك .. العذاب ده إنتي اللى جبتيه لـ نفسك و لسة يا فيروز هـ حاسبك على كل غلطة خونتي فيها ثقتى فيكي.
نزلت دموع فيروز و قالت بـ صوت عالي:-
_انا معملتش حاجة لـ كل اللي انت عملته فيا ده … مالك بصلى و الله يا مالك انا مظلومة.
زقها مالك بعيد عنه لما حاولت تلف وشه بـ ايديها عشان يبصلها، اتكلم مالك بعد ما بص لها:-
_ شيطانى حضر و هو اللى هـ يحدد مصيرك معايا و ساعتها يا هكون رحيم معاكي او لاء.
قربت منه فيروز و هى بـ تترجاه:-
_مالك و الله العظيم مظلومه انا معملتش حاجه صدقني معملتش حاجه.
مالك و هو بـ يبعد عنها و كـ انها شيئ مش كويس هـ يضره:-
_قولت لك أخرسي…. انا مش طايق أسمع صوتك لان انتى طلعتى زيهم يا فيروز طلعتي خاينه.. كلكم زى بعض خاينين..
قامت فيروز من مكانها بـ صعوبه لكنها اتحاملت على نفسها و راحت ناحيته وقفت قدامه و هى بـ تقول له بـ عياط:-
_لاء يا مالك انا عمري ما كنت كده ابداً و انت عارف كده و عارف اني اتربيت على ايد بابا الله يرحمه و ايديك انت كمان يعني مستحيل اعمل كده.
في لحظه واحده كان شعرها بين قبضه ايده القويه، قرب من ودنها و اتكلم بـ غضب و عصبيه:-
_و الصور يا فيروز ده اكبر دليل علي كلامي اللي انتي بـ تنكريه يا فيروز.
ردت فيروز عليه بـ عياط و هي ماسكه ايده اللي في شعرها و قالت:-
_كله كدب و الله العظيم كله كدب يا مالك.
زقها مالك و سابها و خرج من الاوضة بـ عصبية من غير ما يشمع حتي دفعها عن نفسها، أما فيروز فـ هي قعدت على الارض و هي بـ تعيط بـ حرقه و قهر لأن خلاص مبقاش عندها امل في انه يسمعها.
♕♕♕♕♕
فى جامعة القاهره كانت قاعدة بنت فى الكافتيريا بتاعت الجامعه و هي بـ تلعب فى التليفون بتاعها فـ قعد شاب قدامها و قال لها بـ صوت واطي:-
_كل حاجه اتنفذت فين بقيت حسابي.
انتفضت البنت من صوته، رفعت راسها على التليفون و قالت له بـ حاجب مرفوع:-
_انت مش اخدت فلوسك عايز فلوس ايه تاني بقي ان شاء الله انت مبتشبعش فلوس يا فادي.
لمس فادي خصله من شعرها و قال لها بـ استفزاز:-
_لاء مبشبعش فلوس يا حلوه و انا عايز فلوس بكره و لو الفلوس مجتش فيديو صغير اوى هـ يكشف كل حاجه لـ عيلتك يا قطه سلام.
سابها فادي و قام، أما البنت فـ هي بصت حواليها بعد ما هو مشي عشان تتأكد ان مفيش حد شافها و هي معاه، لمت حاجتها في شنطتها و قامت مشيت هي كمان.
♕♕♕♕♕
فى شركه استيراد و تصدير كان قاعد على مكتبه و هو مركز على الملف اللى فاتحه على اللاب توب اللى شغال عليه دخلت السكرتيرة و قالت له:-
_فى واحد اسمه مازن عايز يقابل حضرتك يا فندم.
اتعدل هو و رفع راسه و بص لها و قال لها:-
_خليه يدخل يا نهى.
خرجت نهى و دخل مازن و قعد على الكرسي و هو بـ يقول له كلمه واحده بس:-
_فيروز.
بصله اسامه بـ فزع و هو بـ يسأله بـ سرعه:-
_مالها يا مازن فيروز حصلها حاجه.
سكت مازن شويه و هو مش عارف هـ يقول له ايه، لكنه اتكلم لما شاف نظرات القلق و الخوف في عين اسامه:-
_مالك أخوك اخدها عنده البيت و شكله كده مش هـ يرجع عن اللي في دماغه غير لما فيروز يحصلها حاجه.
بص له اسامه و هو مش فاهم حاجه و سأل له:-
_اخدها عنده البيت ليه يا مازن.
سكت مازن شويه لما عرف ان اسامه ميعرفش حاجه عن اللي حصل، ضغط عليه اسامه عشان يتكلم فـ اتكلم مازن و قال له:-
_بص هو بـ صراحه كده….. فيروز ارتكبت اكبر غلطه فى حياتها و عملت حاجه محدش يتوقع انها تطلع منها خالص.
اتعصب اسامه منه، قام من كرسيه و قرب منه و هو بـ يقول له بـ زعيق:-
_انت مش عايز تقولي فى ايه ليه يا مازن .
هز مازن راسه و قام من كرسيه و اتكلم بـ توتر:-
_اسف يا اسامه مش هـ اقدر اقول لك حاجه….. اللى يقدر يقول لك هو مالك اخوك او فيروز نفسها…..انا بس جيت اقول لك عشان تلحق مالك قبل ما يعمل حاجه يندم عليها بعدين مع السلامه يا صاحبي.
خرج مازن من مكتب اسامه اللي كان بـ يفكر في كلامه و اصراره على انه مش هـ يقدر يقول له، فكر ايه اللي عملته فيروز يخلي مالك ياخدها عنده البيت، مسك الجاكيت بتاعه و لبسه وخرج من مكتبة.
♕♕♕♕♕
اما في بيت مالك اللي ساب فيروز في اوضتها و دخل على اوضته عشان يخرج اي شحنه غضب جواه على راحته و بعيد عنها عشان ميأذيهاش، كسر كل حاجه حواليه ينفع انها تتكسر، قعد على السرير و هو بـ ينهج من المجهود اللي بذله في تكسير كل حاجه، كان بـ يفكر في السبب اللي خلى فيروز تعمل كده، هو لحد دلوقتي مش مصدق ان فيروز تعمل كده، ميعرفش عدى عليه وقت قد ايه، اتفاجأ بـ اسامه اخوه الكبير اللي فتح الباب و دخل و هو مصدوم من شكل الاوضة، وقف قدامه و قال له:-
_فيروز هنا بـ تعمل ايه.
قام مالك وقف قدامه و قال له بـ كره:-
_و انت مالك.. و بعدين مين سامح لك تدخل بيتى اطلع برا يا اسامه.
اسامه و هو بـ يقرب منه و بـ يقول له بـ زعيق:-
_لـ اخر مره بـ اقول لك فيروز هنا ليه.
رد عليه مالك بـ برود:-
_و انا بـ اقول لك اطلع برا عشان انا مش مضطر اجاوبك على حاجه.
اسامه بـ صوت عالي:-
_لاء مضطر عشان انا اخوك الكبير فـ أنت مضطر تبرر ليا اى حاجه و بـ الذات وجود فيروز هنا.
رد مالك و قال له بـ أستهزاء:-
_و انا مش هـ برر حاجه لـ واحد قاتل زيك و لـاخر مره بـ اقول لك بـ الذوق اطلع برا يا اسامه.
مشي اسامه لحد الباب لما اتأكد ان مالك مش هـ يقول له حاجه وقف مره تانية و بعدين لف له و قال له:-
_و انا هـ اعرف بـ طريقتي يا مالك و لو حصل حاجه لـ فيروز انا مش هـ ارحمك
♕♕♕♕♕
طلع مالك لـ فيروز أوضتها و فتح الباب و دخل الاوضه لقاها نايمه على السرير و رايحه فى النوم قرب منها و لمس خدها اللى لسه احمر من ضربه ليها شاف دموعها على خدها قعد جنبها و وطي جنب ودنها و قال لها:-
_ليه يا فيروز تعملي فيا كده انا كنت بحبك يا فيروز و لسه لحد دلوقتى بحبك بس بسبب اللى انتى عملتيه هـ تشوفى ايام حجيم على ايديا .
نام مالك مالك جنبها و اخدها فى حضنه بـ تملك و نام جنبها.
♕♕♕♕♕
أما عند مالك اللي صحي بدري الصبح و راح اوضته و غير هدومه و نزل على شغله و هو فى الطريق اكتشف انه نسي ملف مهم جدا، فـ رجع البيت تاني عشان ياخد الملف بس سمع صوت فى اوضة فيروز فـ راح ناحيه الاوضه و فتح الباب بـ هدوء لقاها واقفه قدام المرايا و هى بـ تعيط دخل الاوضه انتهبت له فيروز و بصت له بـ لوم و كـ أنها بـ تلومه على اللى عمله فيها، سابته و قعدت على السرير قرب منها مالك و قعد على ركبته و مسك ايديها و قال لها:-
_لسه بردو مش عايزة تقولي الحقيقه.
بصت له فيروز و هى حاسه من جواها انها خلاص اتكسرت و قربت تستسلم و تعترف بـ حاجه هى معملتهاش بصت له جامد و نطقت بـ كلمه واحده :-
_بكرهك يا مالك.
_اخرسي يا فيروز اخرسي اوعى تقولي الكلمه دى تاني.
محسش مالك بـ نفسه لما ايده عليها، أما فيروز فـ هي وقعت على الارض و اتخبطت في سن الكومدينوا اللي جنب السرير وقعت على الارض و هي قاطعه النفس نهائي، نزل مالك جنبها بـ سرعه و ابتدي يطبطب على وشه بـ خوف لانه نسي انها بـ تعاني من ضيق في التنفس، حاول معاها و هو بـ يقول لها:-
_فيروز فوقى رودى عليا اصحى بقى مش هـ سيبك كده.
حاول مالك يفوقها بـ كل الطرق لكن فيروز خالفت توقعاته و مستجبتش ليه و كـ أنها بـ الطريقه دي بـ تهرب من قسوة العالم الاسود اللي هي عايشه فيها، شالها مالك بين ايده و خرج من البيت و راح بيها لـ المستشفى.
♕♕♕♕♕
في المستشفى وصل مالك بـ فيروز اللي الدكاترة اخدوها منه و بدأ يعملوا لها الاسعافات اللازمه لـ جرح دماغها و نفسها اللي راح، بعد وقت خرج الدكتور من الاوضة و كانت فيروز فايقه لكن مش بـ تتكلم معاهم، حاول الدكتور معاها كتير لكن بردو مش بـ تتكلم، وقف الدكتور قدام مالك اللي جري عليه و قال له الدكتور:-
_هي فاقت لكن متعلق لها محاليل عشان هي ضعيف و كمان بسبب العلامات اللي واضحه على جسمها لكن المريضه فاقده القدره على النطق يعني مش عايزه تتكلم.
_انت بتقول ايه يا دكتور مستحيل.
قال لها مالك و هو واقف قدام الدكتور مصدوم، معقوله يكون هو السبب فى اللى حصلها لاء اكيد لاء، رفض مالك الفكره دي فى سرة و هو بـ يحمل نفسه كل الذنب فـ قال له الدكتور:-
_صدقني يا استاذ مالك الانسه فيروز من الواضح كده فقدت النطق بسبب ازمه حصلت لها و هي كانت السبب.
رجع مالك لورا كذا خطوه و هو بـ يكرر من غير وعي على نفسه:-
_يعنى ايه يعنى فيروز مش هـ تكلمني..مش هـ اسمع صوتها اكيد مستحيل.
دخل مالك الاوضه بـ عصبيه و هو بـ يقول للدكتور بـ زعيق:-
_انا هـ دخل اشوفها اوعي من وشي.
دخل مالك الاوضه و اتصدم لما شاف فيروز نايمه على السرير و موصلين فيها اسلاك فـ لف للدكتور و قال له بـ زعيق:-
_ليه الاسلاك دى متوصله فيها.
رد عليه الدكتور بـ خوف من حالةالمجنون ده، اه الدكتور قال عليه مجنون:-
_لازم دى محاليل تغذيه عشان هي ضعيفه و كمان بسبب العنف اللى اتعرضت له.
قعد مالك جنبها على السرير و هو بـ يقول لـ الدكتور:-
_اطلع برا.
خرج الدكتور من الاوضه و هو بـ يشفق على البنت دى اللى بـ تعاني بسببه و ده واضح عليها من العلامات اللى فى وشها بص لها مالك بـ غيظ و هو بـ يقول بـ صوت عالى:-
_عايزة تفقدي النطق بـ مزاجك…. لاء ده بعدك يا فيروز انتى هنا هـ تعملي كل حاجه على مزاجي فاهمه على مزاجي.
قام مالك من جنبها و خرج من الاوضه و لقي ممرضه ماشيه فى طرقة المستشفى قال لها بـ تكبر:-
_ادخلي لـ المريضه دي جهزيها عشان هـ نخرج و اه قبل ما انسي ادخلي اقعدي جنبها و خليكي معاها و اياك ارجع ألاقيها اشتكت منك فاهمه.
هزت الممرضه راسها بـ خوف و دخلت الاوضه و قعدت جنب فيروز اللى نامت بسبب المحلول و كأنها لقت حاجه تاخدها من واقعها اللى بـ يديها الالم.
♕♕♕♕♕
خرج مالك من المستشفى و راح بيت مي خبط على الباب فتحت ليه مي اللى عيناها بقت تطلع قلوب اول ما شافته و مالك لاحظ ده بس اتجاهلها و قال لها بـ غرور:-
_امك فين يا مي .
مي مسكت إيده و قالت له:-
_ماما فى المطبخ يا مالك…
مكملتش كلامها لان مالك زق إيديها بعيد عظه و سابها و كان هـ يدخل المطبخ لكن امها سابقته و خرجت و اول ما شافته قالت له بـ طمع:-
_جبت الفلوس يا مالك مش كده.
بص لها مالك بـ قرف و هو بـ يقول لها بـ سخريه بسبب كلامها اللى مش مصدقه:-
_فلوس.. فلوس ايه اللى بتسألي عليها و بنتك فى المستشفى….و لا هي عشان بنت جوزك يا داليا.
الام بـ خضه مصطنعه قالت له:-
_اخص عليك يا مالك فيروز زي مي بـ الظبط و بعدين هي ليه فى المستشفى يا مالك انت عملت فيها ايه.
مالك بـ برود و هو بـ يخرج من البيت:-
_ملكيش دعوة انتى بعتيها ليا بعد اللي عملته و قبضتي التمن.
سابهم و خرج فـ بصت مي لـ امها و قالت لها بـ تفكير:-
_تفكتري فى المستشفى ليه يا ماما أكيد مالك عمل فيها حاجه و بعدين انتى مأخدتيش منه الفلوس ليه.
بصت امها ليها و قالت لها:-
_يا غبيه بـ يقولك فى المستشفى لازم امثل عليه و اعمل نفسي زعلانه عشانها .
♕♕♕♕♕
فى البيت عند مالك دخل بيته و هو شايل فيروز اللى بـ تبص له بصات هو مقدرش يفسر معناها ابدا بص لها و هو سرحان فى ملامحها البريئه قعدها على السرير و قرب منها و هو بـ يقول لها:-
_انتى مش هـ تفضلي كده كتير يا فيروز انتى هـ تتكلمي فاهمه هـ تتكلمي و تقولي الحقيقه و الا العواقب مش هـ تكون سليمه.
الباب خبط جامد سابها مالك فى الاوضه و نزل تحت فتح الباب لقي اسامه فى وشه دخل اسامه البيت و هو بـ يدور عليها بـ عينه فـ قاله مالك بـ عصبيه:-
_لحقت تعرف يا اسامه مش كده
قعد اسامه على الكرسي:-
_سيب بنت عمك يا غبي.
نفخ مالك بـ عصبيه و قال له بـ تحذير:-
_انا مش غبي يا اسامه انا قولت لك ملكش دعوه بيها مفهوم اطلع برا بيتي و حياتي بقى كفايه اللى حصل بسببك.
قام اسامه و قرب منه و هو بـ يقول له:-
_انا هـ طلع بس صدقني هـ اخدها منك و احافظ انا على الامانه و اصونها.
♕♕♕♕♕
فى كافيه كان قاعد شاب على طرابيزة و معاه بنت قاعده قدامه بـ تشرب عصيرها، و الشاب فاتح اللاب توب و بـ يدوس على كذا زرار فى وقت واحد و بعدين ضحك و قال لـ البنت:-
_كده تمام بعتله كل حاجه..
ضحكت البنت و قالت له:-
_كده انت هـ تاخد مكافأتك يا فادى.
♕♕♕♕♕
عند مالك طلع اوضة فيروز و دخل لقاها قاعدة على السرير و بصه قدامها و هى سرحانه، فـ قرب منها و قعد جنبها على السرير و باسها فى راسها و كان هـ يخرج من الاوضه و لكن جت رساله على تليفونه اول ما فتحها عينه اتحولت و بقت حمرا من العصبيه و بص لـ فيروز بـ عنيه الحمرا فـ خافت فيروز منه و حطت إيديها على وشها و هي خايفه من اللي هـ يعمله فيها، و فعلا ابتدى يمد ايده عليها زي كل مره كان نفسها تصرخ في وشه و تقول له كفاية بس لـ الاسف هي مش قادره حتى تصرخ و تتكلم عشان تدافع عن نفسها.
♕♕♕♕♕
فى بيت بسيط جدا صحيت البنت من النوم على صوت امها اللى قعدت جنبها و مسكت ايديها و هى بـ تحط إيديها التانيه على دماغها و بـ تقول لها:-
_مالك يا سمر فيكي ايه يا بنتى.
رفعت سمر راسها و الدموع فى عينيها:-
_مفيش يا ماما انا بس تعبانه شويه.
حضنتها امها و قلبها بـ يوجعها على بنتها:-
_فيكي ايه يا بنتى تعبانه ازاي يا حبيبتى.
خرجت سمر من حضن امها و بعدت عنها:-
_سلامتك يا ماما مفيش حاجه انا شويه و هـ ابقى كويسه انا هـ اقوم البس عشان انزل الشغل.
♕♕♕♕♕
فى بيت مي اللى كانت قاعده لوحدها فى البيت فتحت تليفونها و دخلت على الصور اللي بقت على تليفونها، بصت فى الصور و ضحكت بـ صوت عالى و قالت:-
_هانت كلها شويه و يحصل اللى انا عايزاه و ابقى صاحبت كل حاجه.
ضحكت جامد اوى بـ صوت عالى، الباب خبط قامت فتحت لقت قدامها شاب ضحكت ليه اكتر و دخلته الشقه:-
_وحشتيني يا مي.
ردت عليه مي بضحكه:-
_و انت كمان….ها جبتلي معاك اللى قولت لك عليه.
طلع الشاب الشنطه:-
_اكيد يا مي ده نوع جديد بس خلى بالك اللى بـ يتعود عليه مبيعرفش يغيرة.
هزت مي راسها بـ لا مبالاة و قالت:-
_متقلقش عليا مبتعودش على حاجه معينه انا بحب اجرب.
♕♕♕♕♕
فى كافيه كان قاعد اسامه و معاه داليا ام مي و مرات ابو فيروز كانت قاعدة بـ تعيط و بـ تحاول تستعطفه بس هو فاهم كويس حركتها و قالـ لها:-
_انتى ازاى تخلي مالك ياخد فيروز.
ردت عليه داليا بـ عياط:-
_معرفتش الحقها منه انت عارف اخوك كويس.. اخوك مكانه مش معانا و اظن انت عارف مكانه فين كويس.
ضرب اسامه على الطرابيزه بـ عصبية و قال لها بـ تحذير:-
_اخرسي اتكلمي عن مالك كويس فاهمه يا داليا و على فكرا بقى…. انا فاهمك كويس اوى و عارف انتى عايزه ايه بس ده مش هـ يحصل طول ما انا و مالك عايشين.
سابها و قام خرج من الكافيه و هو متعصب ركب عربيته و ساقها بـ سرعه عاليه لحد ما وصل عند الطريق السريع،و في نفس الوقت كان فى بنت بـ تعدي الطريق بس هو مأخدش باله و خبطها بـ العربيه وقعت البنت فى الارض مغمي عليها.
♕♕♕♕♕
قامت فيروز بـ العافيه من على السرير و دموعها نازله على خدها من الالم اللى هى حسه بيه مشيت لحد المرايا بـ خطوات بطيئه و وقفت قدامها بصت لـ نفسها فى المرايا عيطت اكتر لما شافت العلامات اللي فى جسمها، قعدت فى الارض لانها مبقتش متحمله تقف على رجليها…. باب الاوضه اتفتح و دخل مالك و اول ما شافته فضلت ترجع لـ ورا و هى خايفه و جسمها بـ يترعش من الخوف، قرب مالك منها و هى فضلت ترجع لحد ما وصلت لـ الحيطه فـ قعد مالك قدامها و قعد على ركبته قدامها و مسك ايدها و قال لها:-
_اهدى متخافيش انا مش هـ اعملك حاجه يا حبيبتي اهدى يا فيروز.
حاولت فيروز تشيل ايديها من ايده بس معرفتش لان مالك كان ماسك ايديها جامد طلع تليفونها من جيبه و قال لها:-
_افتحي تليفونك يا فيروز.
خدت فيروز منه التليفون بـ خوف و ايد بـ تترعش و فتحته فـ نتشه هو من ايديها و فتح الواتساب شاف رقم غريب باعت لها خمس رسايل فتح الرسايل و برق بـ عينه و بص لـ فيروز و قال لها:-
_مين ده يا فيروز و ليه سيباه يهددك كده رودي عليا.
بصت له فيروز و هى بـ تبتسم فاكراه هـ يصدقها لكن مالك خالف كل توقعتها لما قال لها:-
_ماسك عليكي ايه ده. كمان عشان تسبيه يهددك بس خلاص ملحوقه من هنا و رايح مش هـ اخليكي تتنفسي غير بـ أذني لـ انك فتحتى على نفسك ابواب جهنم.
♕♕♕♕♕
فى المستشفى كان اسامه واقف مستني الدكتور يطلع من اوضة البنت اللى خبطها بـ عربيته هو مش قادر ينسى منظرها و هي بين ايده لا حول ليها و لا قوة، و اخيرا خرج الدكتور و وقف قدامه و قال له:-
_طمني عليها يا دكتور.
رد عليه الدكتور بأسف و قال له كلام اتصدم اسامه منه و قعد على الكرسي من الصدمه و بـ يفكر بينه و بين نفسه مين يجيله قلب يعمل فى بنت بريئة كده، ازاي قادرين يعملوا كده فيها بـ قلب بارد من غير ما تصعب عليهم، ايه لـ الدرجه دي مبقاش في رحمه في قلوب الناس خالص