رواية أسيرة الثائر الفصل الأول 1 بقلم نشوة عادل
رواية أسيرة الثائر الجزء الأول
رواية أسيرة الثائر البارت الأول
رواية أسيرة الثائر الحلقة الأولى
فى سكن الطلبات واحد من الشباب كان ماشى بالطرقة ومتجه لغرفة واحدة من البنات وضع يده ع الباب ليفتحه ولكن وجد يد اخرى عليه فنظر اليه بصدمة ثم اختفى الاثنان فى لمح البصر ليذهبوا الى مكان يشبه الغابة المخيفة
-حذرتك بدل المرة المليون متقربش من البنت دى بالذات يا مجد
مجد: انا عايز افهم اشمعنا البنت دى بالذات اللى دايما بتحميها
-مش شغلك ومتسألش عن حاجة متخصكش وخلى بالك يا مجد ده اخر تحذير ليك لو حاولت تقرب منها تانى صدقنى هنسى انك اخويا تماما وانت عارف انا ممكن اعمل ايه
ابتسم مجد بسخرية ثم اختفى …. فى صباح اليوم التالى كانت فتاة فى اوائل العشرينات تجلس بحديقة السكن وتقرأ كتاب وجدت يد احد تغمى عيناها ازالت تلك اليدين ثم هتفت بفرحة: نغم وحشتيني اوى
نغم: وانتى كمان يا جنتى وحشتينى اوى
جنة حضنتها جامد وبعدها بصتلها بعتاب: انا زعلانة منك اوى قولتى انك هتروحى البلد اسبوع وترجعى بقالك اسبوعين واكتر وارن عليكى فونك مقفول خضتينى عليكى
نغم: معليش يا قلبى غصب عنى حصل شوية حوارات كده هبقى احكيلك عليها ورينى بقى بتقرأى ايه؟
جنة: دى رواية جديدة رومانسية لسه نازلة جديد
نغم: والله يا بنتى الروايات دى هى اللى هتوديكى فى داهية
جنة بضحكة عالية: يا اختى اتنيلى يعنى لا اعيش الحب واقع ولا خيال
ضحك الاثنان بصوت عالى ودخلت عليهم بنوتة تانية: ايه يا جنة انتى اتجننتى ولا ايه؟ بتضحكى ع ايه؟
جنة: لا عادى يا بسمة عادتنا ولا هنشتريها يعنى لازم صوت ضحكنا يفضحنا
بسمة: ربنا يهديكى والله انا رايحة افطر مش هتيجى معايا
جنة: لا مليش نفس
بسمة: زى ما تحبى ….. سلام
جنة نظرت لنغم اللى كانت ساكتة: هو فى ايه انتم متخانقين؟
نغم: لا خالص
جنة: اومال مكلمتكيش ليه ولا انتى كمثل؟
نغم: وانا اكلمها ليه هى مدخلتش سلمت عليا هى حرة بقى
جنة: امممممم متزعليش يا نغومتى تعالى بقى نتصور صورتين بقالى اسبوعين مبتصورش
نغم بضحك: يالهوى منك انتى مبتزهقيش من التصوير ابدا
جنة: تؤ طول ما انا معاكى مبزهقش يا صاحبتى
اخرجت هاتفها وبدأت بالتقاط بعض الصور .. عدى اليوم بكل مرح وفرح وحل الليل … جنة: بقولك ايه ما تنامى معايا النهاردة بالغرفة انتى وحشتيني خالص
نغم: ليه يسطا خايف من العفريت ولا ايه😂
جنة ضربتها ع كتفها: يا خفة 😏 بس ماريان سافرت عند اهلها وانا بقعد لوحدى وبتخنق
نغم: اشطا وكمان هنام جنبك يا سيتى اى خدمة
بالفعل طلعت جنة ع السرير وجنبها نغم اللى فضلت تلعب بشعرها لحد ما نامت بعدها وشمت ريحتها ووضعت قبلة ع راسها وقالت: تصبحى ع خير يا جنتى
فى الصباح استيقظت جنة ولم تجد نغم بجانبها ولا بالغرفة …. جنة: هتكون راحت فين دى بدرى كده
قامت غسلت وجهها واتوضت عشان تصلى وقفت امام المرأة واندهشت لوجود اثار غريبة ع رقبتها وكأنها قبلات عنيفة ولكنها لم تهتم كثيرا ذهبت لتؤدى فرضها وبعدها وجدت الباب يفتح وكانت ماريان
جنة: حمدالله ع السلامة يا مارى وحشتينى
نظرت لها ماريان دون ان تتحدث ودخلت لتفرغ حقيبتها استغربت جنة فذهبت اليها: فى ايه يا بنتى انتى مش بتردى عليا ليه؟
ماريان بغضب: لانك مش صاحبة جدعة
جنة باستغراب: ليه بتقولى كده انا كنت بتصل عليكى دايما ومكنتيش بتردى عليا!
ماريان بسخرية: لا والله كتر خيرك وبعدين عايزانى ارد ع واحدة زيك ناكرة للجميل ليه ده انتى حتى مجتيش عزا اغلى صديقة ليكى
جنة بدهشة: عزا مين وصديقة مين انتى بتقولى ايه؟
ماريان: والله يعنى انتى عايزة تقنعينى انك معرفتيش ان نغم ماتت فى حادثة من اسبوعين
جنة بصدمة: ايييييييييه انتى بتقولى ايييييييه مش ممكن مستحيييييل و…………………………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أسيرة الثائر)
