رواية أسود الداخلية الفصل الثاني عشر 12 بقلم أسماء عبدالهادي

رواية أسود الداخلية الجزء الثاني عشر

رواية أسود الداخلية البارت الثاني عشر

رواية أسود الداخلية الحلقة الثانية عشر

مرام باعتذار
_اا انا اسفة منتبهتش
ادهم
_نور انتي كويسة القهوة سخنة يا بنتي
مرام مسكت ايديها
_جت ع ايدي يعني هي صعبة شوية
قصي_ اتفضلي التويليت ع شمالك حطي ايدك تحت الماية بسرعة
مرام _اوك هعمل دا
العامل _انا اسف يا قصي باشا
قصي_ ولا يهمك يا عم صابر اتفضل معلش هتضطر تعمل غيرهم
صابر
_حاضر يا بيه من عنيا
دخلت مرام التويليت وفتحت المية وحطت ايدها تحتها وبالايد التانية طلعت موبايل الطوارئ وكلمت ايهم
_خير يا ريت خبر مفيد
_ايهم انت باعت رجالتك لمهمة الليلة
_ايوة عرفتي ازاي اوعي تقولي ان المهمة اتفقست
_بالظبط كدا وفي اتم الاستعداد ليكم
_طب ماشي هعدل الخطة وهشوف ابن الاية الخاين اللي معايا وسرب المعلومة
_لا متعدلش الخطة ولا حاجة ضحي بحد من الرجالة مع بسيط من البضاعة مش عايزينهم يحسوا اننا عرفنا او بنعرف تحركاتهم
_لا ذكية يا مرام ماشي سلام
رجعت مرام موبايلها وقفلت المية وخرجت
لقت ادهم مجهز ليها الاسعافات الاولية
وبيناولها مرهم
_ادهني دا علشان الحرق ميسبش اثر ف ايدك
مرام بمكر
_شكرا يا ادهم
__
بعد فترة ولما مرام اخدت نظرة تفحيصية عن الشركة واللي كانت ماشية بشكل طبيعي جدا ومقدرتش تحصل منها ع معلومة واحدة قالت بضيق
_بخربيتك يا قصي دا انت مصيبة بجد… مش عارفة اخد منك معلومة واحدة ولو بسيطة… كويس انك خلاص مبقتش تبع المخابرات كنت هتكون خطر علينا وهتصفينا واحد واحد
علشان كدا خبطت ع مكتب قصي
قصي
_تعالي يا نور
مرام
_عرفت ازاي
_اكيد يعني من خبطتك دي مش خبطة السكرتير بتاعي
_اها تمام
وفي سرها_ انت داهية متنقلة خسارتك بجد ف رقدتك دي ما علينا
_ااا قصي انا بدأت احس بالملل وعايزة اروح
قصي_اه تمام من فضلك وصلها يا ادهم
ادهم بهدوء
_ماشي
قصي
_اه وانت ف الطريق احود ع الجامعة وشوفي اخوك غاطس فين علشان لو لقيته عند منة يبقى يا ويله مني
ضحك ادهم
_اااه احنا بدأنا يخربيته جايب لنفسه الكلام
قصي_ اخوك دا شكل نهايته ع ايدي
ضحك ادهم
_دا شىء مفروغ منه يا ابني
ضحكت نور
_ع فكرة انت مزودها اوي يا قصي
مردش قصي
فأدهم قال
_يا بنتي بيغير ع اخواته البنات جدا
نور بعند
_غيرة غميا .. غير عليهم بس مش كدا بصراحة كدا انت اوفر اوي
قصي بجدية
_لو خلصتي كلامك اتفضلي انا مش فاضي
كشرت مرام ومشيت من قدامه
اما ادهم فضحك
_معلش قصي وقت الشغل مبيرحمش… وبصراحة قصي فى موضوع اخواته البنات معندوش هزار .. هو بيغير عليهم ودا حقه لانه يعتبر اخوهم وابوهم وكل حاجة ف حياتهم
مرام هزت راسها بتفهم وسكتت
وفي العربية
مرام
_ايه انت هتوصلني وبعدين ترجع ع الجامعة ؟؟
_بالظبط كدا
_لا انا عايزة اجي معاك الجامعة
_ماشي زي ما تحبي
ولما راح ع الجامعة وتحديدا كلية منة
فضل يدور عليها ف الساحة ولما مشفهاش قرر انه يتصل بأخوه يشوفه هو فين
لكن نور شافت منة ولينا قاعدين بيفطروا مع بعض
_ادهم اهم البنات هناك
فلغى ادهم الاتصال وراح للبنات
واول ما شافته لينا
_الله ابيه ادهم جاي الجامعة ايه النور دا
ادهم ابتسم لاخته
_صباح الخير يا بنات عاملين ايه
منة
_الحمد لله يا ابيه
ادهم بمرح
_ازيك يا عروستنا
اتكسفت منة وسكتت
فأدهم قال
_مازن فين
لينا
_مشفناهوش
ادهم
_يعني مجالكيش هنا يا منة
منة _لا يا أبيه مجاش
مرام ضحكت
_شوف ظلمتوه ازاي
لينا
_هو ف ايه
مرام_ ولا حاجة قصي يا ستي مفكر ان مازن هنا مع منة فبعت ادهم يمسكه متلبس ويسلمه تسليم اهالي لقصي
البنات ضحكت
منة
_الحمد لله مازن فلت منها
ادهم ضحك
_متفرحيش الجيات كتير
لينا
_ع فكرة دا اخوك ها
ضحك ادهم
_اخويا وبحبه اوي ونفسي اخنقه
لينا
_يااه ع حب اخواتي لبعض مفيش منه اتنين
ادهم بجدية
_انتباه يا استاذة منك ليها ومننوع ضحك تاني برا البيت فاهمين
لينا بخوف
_انت اتحولت ياختاايى
مرام
_هو ايه اصله دا ايه عيلة المتحولين دي
لينا_ انتي لسه شوفتي حاجة .. العجب العجاب هتشوفيه عندنا
مرام ضحكت ادهم
_البريك دا هيخلص امتا
منة بصت ف الساعة
_كمان خمس دقايق يا ابيه
ادهم
_تمام خلصوا اكلكم وع محاضراتكم يلا
لينا_ حاضر
ادهم
_سمر فين مش معاكم
منة
_اكيد عندها محاضرة لانها متصلتش بينا لسه
ادهم_ تمام انا ماشي يلا يا نور
مرام
_اوك سلام يا بنات اشوفكم ف البيت
البنات _سلام يا نور
ادهم كان هيمشي بس قرر يروح كلية سمر يشوفها
سمر ف الوقت دا كانت خارجة من محاضرتها
فلقت اللي بينادي عليها فوقفت مكانها من غير ما تعطيله وشها وغمضت عنيها بضيق
_يا باااي اللي كنت عاملة حسابه حصل ومش هخلص بقا ياربي اتصرف انا ف المصيبة والتهمة دي ازاي
قرب منها وقفت قدامها وقال
_سمر استنى هتفضلي تتهربي مني كدا لحد امتا … سمر انا بحبك ومش عايز ءأذيكي
سمر بانزعاج
_اه فعلا وبأمارة رسايل التهديد اللي بتبعتها دي… مطارداتك ليا كل شوية في كل مكان
الشاب _يا سمر افهمي انا بحبك وعايز اتقدملك وانتي اللي رافضة فاضطريت استخدم اسلوب التهديد دا يمكن راسك دي تلين وتسمعيني
_لو خلصت كلامك من فضلك سيبني امشي وقلتلك اكتر من مرة انا بحذرك توقفني تاني ف الطريق انت فاهم اما بالنسبة لرسايل التهديد.. ف…
قاطع كلامها وفي لحظة مباغتة اتجرأ ومسك ايدها وقال
_سمر بقولك انا بحبك
ولسوء حظ سمر في الوقت دا جه ادهم وشاف الشاب ماسك ايدها
ولسه سمر هتشيل ايديها وتعنف الولد ع تجرؤه دا وتبهدله
لقت ادهم ف وشها
فشالت ايدها بسرعة والدم هرب من عروقها لانها عارفة انه مش هيمر اللي شافه بسلام
فلحظة. خاطفة ادهم كان منيم الشاب دا الارض وعدمه العافية لدرجة ان الولد كان هيموت في ايدين ادهم
سمر اول ما شافت كدا اترعبت اكتر
ومرام عرفت ان سمر هي كمان يا عيني هتروح ف خبر كان زي الشاب
الشاب حاول بأقصى جهده انه يهرب من ادهم اول ما بعد عنه ويفلت بعمره من شر ادهم
اما سمر لما بصلها ادهم بعد ما ساب الشاب
بلعت ريقها وقالت برعب
_والله لو حلفتلك اني ااا
ادهم بعيون كلها غضب
_ع العربية ومن سكات مش عايز اي كلام وسط الناس
سمر قلبها وقع ف رجليها ومشيت ع العربية وهي هتموت من الخوف
مرام قالت لادهم
_ممكن تهدا
لكن ادهم مسمعش لكلام مرام ومشي ع العربية
فجريت مرام بسرعة علشان تركب معاهم
وساق ادهم بأقصى سرعته لدرجة ان البنات كانت شبة طايرة وكل شوية يتخبطوا ف ازاز العربية
ولما وصلوا
زعق وقال
_انزلوا
البنات نزلت وسمر رجليها مكانتش شايلاها
ولسه هتأخد خطوة لقدام
ادهم زعق وقال
_استنى
سمر جت تتكلم لقد ادهم بيضربها بالقلم ع وشها
كانت مصدومة ازاي لحق بقا قدامها وبيضربها وهو من لحظات كان ف العربية وكمان مصدومة علشان فهم غلط وبيعاقبها ع دا
مرام حطت أيدها ع بوءها
وشهقت __سمر!!
سمر حطت أيدها ع خدها وحتى ملحقتش تصدر اي رد فعل
مسكها أدهم من دراعها بحدة وقال
_جهزي الليلة كتب كتابنا وساعتها هعرف اعاقبك كويس ع اللي حصل النهاردة وصدقيني الليلة هتكون اسوء ليلة ف عمرك
صدمات ورا التانية كانت بتخبط في دماغ سمر وهي مش لاحقة حتى انها تفتح بوءها بكلمة واحدة
سابهم ادهم ومشي وزعابيب الدنيا كلها بتتنطط ف وشه
ومرام واقفة مش مستوعبة اللي حصل
وسمر كانت زي اللي الهوا بيتسحب من حواليها… صحيح هي بتحب ادهم ابن عمها وصحيح عمرها ما اعترفت بدا حتى قدام نفسها.. وكمان مش متأكدة من مشاعرها دي اذا كانت حب ولا مجرد اعجاب وبس
الا انها ابدا مكانتش تتمنى او تتخيل تتجوز بالطريقة دي وهو كمان يطلبها للجواز علشان بس يقدر يعاقبها ع اللي عملته ..وفجأة افتكرت انه فعلا ناوي يعاقبها اكتر فاترعبت اكتر واكتر وحست ان الدنيا بتدور بيها
كانت هتقع ع الارض
لحقتها مرام وسندتها
في الوقت دا جه مازن من برا وشاف مرام مسندة سمر وبتحاول تدخل بيها لجوة
فجري ناحيتهم
_نور سمر مالها.. مالك يا سمر انتي كويسة
مرام
_سمر بس داخت شوية يا مازن وانا هدخلها اوضتها
مازن _الف سلامة عليكي يا سمر.. طب لو تعبانة اتصل بالدكتور
مرام
_ ملوش لزوم يا مازن هدخلها ترتاح ولو الامر استدعى لدا هقولك
_ان شاء الله ميستدعيش وتكون كويسة الف سلامة عليها
___
فاقت من اغماءتها وفضلت تبص حواليها برعب
_ انا فين وايه المكان الغريب دا … دا مش المكان اللي الراجل الحقير دا حابسني فين
وفجأة صرخت فكرت انه جابها الاوضة النضيفة دي علشان ينفذ اللي عايز يعمله فصرخت بأعلى صوتها
_لاااا مش هيحصل حرام عليك متعملش معايا كدا يارب اكفينهم بما شئت وكيف شئت
دخل سليم وهو خايف حد يسمع صوتها فيكتشف انها هنا فقال
_اشش بس بس ارجوكي اسكتي علشان محدش يكتشف اني جبتك هنا
البنت برعب
_ااا انت مين وعايز مني ايه ارجوك سيبني امشي لحال سبيلي من فضلك بالله عليك وانا والله العظيم مش هجيب سيرتكم لأي حد مهما حصل بس سيبوني امشي من هنا ومتخلبهوش يأذيني
_اطمني محدش هيأذيكي طول ما انتي هنا في بيتي
_ايه انا هنا في بيتك بعمل ايه ارجوك مشيني من هنا بالله عليك والله العظيم انا مش من البنات اللي تعرفوها أبدا انا غيرهم والله العظيم
رد سليم وهو سرحان فيها وقلبه مخطوف ليها
,_عارف دا من اول ما شفتك معاه
قالت بلهفة
_طب بالله عليك روحني من هنا انت شكلك انسان طيب وشهم ونبيل ومش هتوافق باللي بيحصلي دا
_ صحيح انا مش هسمح لحد انه يأذيكي علشان كدا ارجوكي اهدي
_لا لا اهدى ازاي وانا ف بيت واحد غريب
_اعتربيه بيتك وانا مش موجود فيه
_انت بتقول ايه
_انا في العادي مش بقعد هنا تقدري تأخدي راحتك وتعيشي بطبيعية وانا هتكفل بكل حاجة خاصة بيكي من أكل وشرب وكل حاجة
_انت مين
_مش مهم انا مين المهم انا انقذتك من ايده لانه مكانش هيرحمك
_جزاك الله خيرا والله بس ارجوك اعمل فيا معروف وسيبني امشي
_هتمشي تروحي فين… انتي مكان متروحي هيجيبك انا اكتر واحد عارفه كويس وخدى بالك هو علشان مشغول لسه مكتشفش غيابك ولو عرف هيقلب عليكي الدنيا وساعتها مش هيرحم حد لا انا ولا انتي
ردت برعب
_ايه لا لا بالله عليك مش عايزة ارجع ليه تاني ربنا ينجيني من اذاه
_علشان كدا بقولك انتي هتفضلي هنا واتعاملي كأنه بيتك وكل اللي تحتاجيه هجيبه ليكي
_في مقابل ايه بتعمل دا… ليه انقذتني منه … انت قولت لو عرف مش هيرحمك ليه بتأذني نفسك علشان تنقذني!!
سليم ارتبك لانه مش عارف هو ليه انقذها ومتحملش عليها اي اذى من ايهم
ومعرفش يرد فقال
_ااا انا لازم امشي دلوقتي هتلاقي عندك في الثلاجة كل الاكل اللي تحتاجيه بس اوعي تشغلي اي نور بالليل واتصرفي بس ع اساس النور اللي هيكون جاي من الحديقة لان طبعا معروف اني مش هكون ف البيت هنا واي نور يصدر من هنا معناه ان فيه حد ف البيت وبالتالي هينكشف امرك
البنت بخوف _ح حاضر مش هعمل اي صوت او اشغل اي نور
فجه يمشي فالبنت قالت واللي هنعرف هي مين او المفروض خلاص تكونوا خمنتوا هي مين
__ استنى من فضلك
_ نعم
_ ممكن من فضلك انا عايزة حجاب علشان اصلي
سليم باسف
_اا انا اسف مش موجود هنا بس اوعدك الزيارة الجاية اجيبلك واحد بس مش هعرف اجي هنا كتير علشان محدش بشك فيا
_طب انا هعمل ايه دلوقتي محتاجة اصلي انا فاتتني صلوات كتير اوي
سليم مكانش عارف يعمل ايه فالبنت قالت
_مم حضرتك عندك مقص
_عايزة المقص ليه
_ممم المفرش بتاع المكتب دا هقصه واعمله حجاب علشان اقدر اصلي
ابتسم وقال
_تعرفي انتي غريبة فعلا
_ليه
_المفروض واحدة زيك كانت مسحولة ومعدومة العافية ومقطوع عنها الاكل لكم يوم اول حاجة تسال عنها هي الأكل او حتي المية
البنت
_هتصدقني لو قلتلك أبدا انا مش جعانة او حتي عطشانة وكأنما اطعمني ربي وسقاني.
سليم جسمه قشعر وحس بفظاعة نفسه قدامها
فقال
_اا انا ماشي الاوضة فيها التويليت اتوضي براحتك وصلي سلام
ومشي سابها وقلبه بيدق بطريقة عجيبة مش عارف ماله وليه اتأثر او ما سمع كلامها
___
في البيت في اوضة سمر
فضلت سمر تعيط
ومرام تحاول تهديها
_سمر ارجوكي كفاية بكا بقا متعيطيش علشان خاطري
_ادهم فهمني غلط يا نور ومش هيعديها ع خير انا عارفة
_طب حاولي تفهميه الصح انتي
_افهمه ايه ولا اقوله ايه ادهم لما بيتعصب مش بيكون عنده تفاهم أبدا ومتأكدة انه مش هيسمعني
مرام_ طب تحبي انا اكلمه
سمر_ ياريت ياريت يا نور هكون شاكرة ليكي جدا
مرام بمكر
_طبعا طبعا هكلمه بس يارب يسمعني بس