رواية أسرار الماضي لبنت ناس الفصل الثالث عشر 13 بقلم رينا الهادي
رواية أسرار الماضي لبنت ناس الجزء الثالث عشر
رواية أسرار الماضي لبنت ناس البارت الثالث عشر
رواية أسرار الماضي لبنت ناس الحلقة الثالثة عشر
قسوة قلب (١٣)
وقفنا عند نهر قالت لمصطفي لية مش بتقول لة بابا.
مضت الأيام وكل يوم عن يوم يتأكد مصطفي أن اهم حاجة عند رقية بنتها و دة ضايقة جداً و خصوصا أن الرابط بينهم قوي وهو مصر أنة يكون اهم حاجة عندها لأنه مفتون بها لكن هذا لم يمنعة أن يإذيها بالكلام أو الفعل كي يكون محور اهتمامها بعد شهرين ونصف تقريبا قرر يزور عائلتة في البيت الكبير بيت والدة و ذلك كان وقت حصاد فأراد مساعدة اخوة طبعا كان و اخد مراتة رقية ونهر .
ما إن دخلوا .
إنتصار : يا اهلا يا اهلا نورتوا البيت .
الحاجة : يعني يا مصطفي تزونا و إحنا مسحولين كدة يا بني أخوك بيجمع الرز من الغيط و بيبعت القش علشان نخزنة فوق السطح.
مصطفي: ما أنا جاي علشان أساعدة و رقية تساعدكم.
الحاجة : إنت آة مراتك لا دي مش متعودة علي الحاجات دي وأول مرة تزورنا .
مصطفي بنرفزة: تتعود هي علي عوايدنا مش علي رأسها ريشة .
رقية : لأ يا ماما أساعدكم مافيهاش حاجة يعني!
الحاجة : كانت بترفع القش علي رأس إنتصار وإنتصار تطلع علي السطح .
الحاجة : جري إية يا ولا دي عشتنا هي مش متعودة.
مصطفي : طب اية رأيك يا آمة هي و نهر هيساعدوكم وانا هروح أساعد اخويا .
رقية بسرعة : أنا آة نهر لأ .
مصطفي بتحدي : أنا راجل البيت و بصرف عليكم وأنا الي أقرر .
رقية : بتصرف عليا ماشي و كلامك فوق راسي بنتي بتصرف من معاش أبوها و برضوا أنا آة نهر لأ .
الحاجة: مصطفي إنتصار بتشتغل معايا أيد بايد شوفت ورد معانا و آهي اكبر من نهر ومراتك عندها حق نهر مادخلهاش في مواضيعكم أنا نفسي مش هشغل حتة بنت لا راحت ولا جت.
مصطفي : قسما بالله….
الحاجة قاطعتة: قسما بالله إنت لو ما مشيت لأخوك ماهيحصل طيب اية بتبهدل فيهم قدامي علشان مالهمش ظهر لأ فوق كدة إنت مش هتحلف عليا في بيتي بدل ما أقول لا هي ولا بنتها.
علي إبن محمد طلع من الشباك : إية يا إخونا مش عارف أركز عندي إمتحانات بكرة حرام عليكم.
مصطفي : مش بتساعد أبوك لية يا بأف.
علي: بقولك عليا إمتحان بكرة إية يا عمي ركز .
الحاجة روح لأخوك الله يهديك و ما تخلنيش أطلع زرابني عليك يالاة الله يسهل لك.
مصطفي و هو ماشي بيرمي لرقية نظرت توعد و هي عارفة معناها كويس لانة بيطلع غلة فيها بس بتستحمل علشان ما تاخدش لقب مطلقة و تبقي مطمع للناس و علشان عاوزة إخوات و عزوة لبنتها بعد ما مشي .
رقية : إنتصار ممكن أخد حاجة من عندك ألبسها الفستان دة ما ينفعش أشتغل بة نظرت لعلي : أدخل ذاكر يالة مش هنعمل دوشة .
علي : سمعت إنك تعرفي إنجليزي كويس.
رقية : أيوة يا حبيبي و فرنساوي و تركي و ايطالي كمان.
علي : طب ما تجي تذاكريلي أحسن .
رقية : بعد ما نخلص أذاكر معاك .
علي : مش ضامن عمي هيعد قد ٱية و النبي تعالي ذاكري معايا .
الحاجة : يا بنتي مش هشيلك قش أول يوم تزورينا يعني.
رقية : لا يا طنط أنا حابة أساعد إعتبريني بنتك.
إنتصار : أنا راضية أشيل القش كلة مابشيلة كل مرة و بعدين هما مش هيجيبوا كتير فروحي ذاكري للفاشل دة علي الله يطمر فية ولا عوزاني أترجاك يعني.
رقية : يا خبر لا طبعا بس اساعدك شوية ونذاكر بعدين حاضر .
إنتصار : لا والبني دة مخة تخين روحي معاة وهي نهر تلعب مع ورد .
رقية ذهبت تذاكر مع علي هو في ثالثة إعدادي و محتاج حد يذاكر معاة إنجليزي و فرنساوي بعد تقريبا أربع ساعات مصطفي و محمد مروحين البيت .
اول ما مصطفي دخل كانت انتصار بنفس لبسها وسأل : رقية فين ؟
إنتصار : مع علي في الأوضة .
دخل عليهم الأوضة لقي رقية بفستانها فهم أنها لم تحمل القش .
مصطفي و هو غضبان بيشد رقية من درعها : إنت إزاي تكسري كلامي أحسن من مين إنت علشان تقعدي في الاوضة والباقي يخدم عليك دة انت حيالله واحدة لامنها هي وبنتها وقولنا نكسب فيها ثواب.
محمد جة جري : فية إية يا مصطفي ؟
مصطفي : الهانم أقول تساعد في القش الأول تقولي أنا آة بنتي لأ بمزاج أهلها هو ! وآجي الاقيها بفستانها يعني هي كمان ما ساعدتش .
محمد و هو مصدوم : تساعد في إية هي و بنتها إنت مجنون دي أول زيارة ليهم و هي متعرفش اصلا .
مصطفي : لية كانت متجوزة رئيس وزارة ؟ دة حتة تمرجي متخرج من معهد و لقيط .
رقية : كفاية تجريح بقي و ماسمحلكش تتكلم علية كدة تمرجي بس عندة إحساس و كرامة و كان بيحافظ عليا أكتر من مية زيك.
مصطفي رفع ايدة و ضرب رقية جامد علي وشها ضربة خلتها ترجع لورا و تقع و هو بيقول : ما إنت متعودة علي البيئة إللي زيك مش واحد محترم مستتك إنت و بنتك العقربة .
نهر كانت واقفة و سامعة من أول ما دخل مصطفي عليهم .
رقية : الدنيا بتلف بيها و فجأة أغمي عليها.
الحاجة جت تجري هي و إنتصار.
الحاجة : الله يخرب بيتك أنا وانتصار قولنالها تذاكر لعلي علشان عندة إمتحانات وأنت كدة كدة هتروح ماكنتش عاوزة و قالت تشيل مع إنتصار الأول بس إحنا حكمنا راسنا تذاكر لعلي.
إنتصار : الحقي يا آمة البنية : مغمن عليها.
محمد بيبص لمصطفي: إنت ما كنش لك جواز من واحدة محترمة كان لازم واحدة تعرف تاخد حقها منك أرفع مراتك من علي الارض.
نهر جريت علي مامتها و أخدت أيدها في حضنها و دموعها علي خدها : ماما أصحي يا ماما أرجوكي.
مصطفي : إبعدي يا مقصوفة الرقبة .
محمد : إية خايفة علي أمها يا أخي خلي عندك إحساس بتتهور وهتخسر , مراتك تفوق بس و تعتذر علي الكلام إللي زي السم دة .
مصطفي : مين دة إللي يعتذر لو مراتك ما سمعش كلامك إنت إللي هتعتذر .
الحاجة : قولتك أنا إللي قولتلها و أصريت و كلامي يمشي عليك و عليها ولا ناسي الأصول يا ابن بطني .
مصطفي : يووووة خليكم كدة قوها عليا.
إنتصار دخلت و معاها بصلة فتحاها نصين : خدي يا آمة صحي البنية .
الحاجة أخدت البصلة و قربتها من أنف رقية .
رقية بدأت تفوق و أول ما فتحت : نهر نهر حبيبتي نهر قربت رقية أخدت نهر في حضنها ما تخفيش حبيبتي أنا كويسة الحمد لله .
مصطفي : خلصتي سهوكة يلا علشان ماشين .
رقية و هي واخدة نهر في حضنها: إنت كويسة يا روحي چينم كيذم .
مصطفي : التعاويز أبدتت .
علي : إحنا لسة مخلصناش و كمان لسة الفرنساوي
رقية : أنا هروح أغسل وشي بشوية مية تعالي معايا يا نهر .
مصطفي : روحي معاها لحسن ناكل منك حتة .
رقية يا دوب و قفت و طلعت تجري علي الحمام راحت وارها نهر وإنتصار
إنتصار : تحبي أساعدك في حاجة .
رقية و هي بترجع في الحمام بعد شوية و هي بتنهج : لا شكرا الظاهر واخدة برد مش عارفة تعالي نهر أغسلك إيدك و وشك .
نهر : لا ماما روحي إرتاحي وأنا هغسل هعرف ماتقلقيش عليا المهم تكوني كويسة.
إنتصار : هقف جنبها وإنت روحي إرتاحي.
رقية : لأ هي خايفة ههديها وآجي وراك.
إنتصار راحت لعند الحاجة و كلمتها في ودنها والحاجة إبتسمت و قالت يسمع من بقك ربنا
مصطفي : هي الهانم مش عاوزة تجي ولا هتبات في الحمام .
إنتصار : لا و إنت الصادق تعبانة و ياعيني بترجع في الحمام و مش قادرة تاخد نفسها .
مصطفي : أهو أنا ما بحبش دلع الحريم دة.
إنتصار بتعجب : أو يمكن حبلة و دة اعراض حبلها يا سلفي .
محمد و مصطفي : حامل .
إنتصار : آة ماهي متجوزة ولا إية ؟
مصطفي : لا دي حملها صعب معتقدش.
إنتصار : طب هثبتلك هعمل ملوخية و هي مش هتقدر تاكل وهترجع اللي في بطنها.
رقية رجعت و كان وشها أصفر و بصت لمصطفي : إحنا جاهزين لو تحب نروح .
محمد : إزي يعني لازم تتغدوا الأول إنتوا هنا من ياما و بعدين أول مرة تنورونا هنا إنت و ست البنات دي و شال نهر علي إيدة اية رأيك تحبي نجيب حاجة حلوة من برة علي ما يعملوا الاكل.
نهر :شكرا يا أونكل مش عاوزة حاجة.
محمد : قولي عمو حبيبتي بلاش أونتل دي.
مصطفي: ما هي لازم تبين إنها بنت ناس بنت التمرجي.
محمد : لا اله الا الله ما تلم نفسك شوية هي بتكلمني أنا وانا وهي أصحاب.
رقية واقفة برة الاوضة وساندة علي الحيطة لأنها مش قادرة من الدوخة و التعب ودموعها نزلت وبتقول لنفسها: الظاهر إني اخترت غلط فينك يا أحمد لية بعد الحنية حظي يكون في معدوم الإنسانية دة.
رقية دخلت و فاتحة درعتها لبنتها : حبيبتي أخرجي مع عمو محمد عادي و ما تتقلقيش عليا .
نهر : بس انا مش عاوزة حاجة ولا حتي شيكولاتة .
رقية : لية ؟
نهر : مش عاوزة حد يصرف عليا عاوزة بس أصرف علي قد معاش بابا .
محمد : إية دة لية حبيبتي إنت زي ورد لية بتقولي كدة ؟
نهر : لان عمو مصطفي كل شوية يزعل ماما و يقول لها أنة بيصرف علينا لو معاش بابا مش هيكفي هشتغل بس مش يزعل ماما وأنا مش عاوزة حاجة من حد ابدأ ابدأ بس ماما ما تتعبش و ما تزعلش.
رقية و محمد و الحاجة بصوا لمصطفي بلوم وعتاب .
مصطفي بص لنهر بتوعد و غيظ و هي خافت وراحت عند رقية و خبت وشها فيها .
محمد : لا حبيبتي كل المتجوزين بيزعلوا و يتصالحوا عادي انت لسة صغيرة ولما تكبري هتفهمي تعالي يلا انت وورد نشتري حاجة حلوة لاحسن أنا ازعل عاوزاني ازعل .
رقية : روحي يا حبيبتي مع عمو أنا كويسة.
محمد شال نهر واخد ورد في إيدة : احنا مش هنتاخر جهزوا الاكل و بلاش تتعبوا رقية ومشي بالبنات.
رقية لمصطفي : أنا وثقت فيك وإنت دمرت نفسية بنتي صدقني لو هخسر بنتي يبقي العيشة في الدنيا ملهاش لازمة وانا أن خلص صبري يبقي احسن كل واحد يروح لحالة .
الحاجة : اهدي يا بنتي أنا الغلطانة كان لازم اقول لمصطفي اني دخلتك تذاكري لعلي وعلشان خاطري سامحيني.
مصطفي : مين دي اللي تسامحك دي الهانم بتهددني.
الحاجة بصت جامد لمصطفي : عاوزاك يا مصطفي لوحدينا وانت يارقية ادخلي ذاكري لعلي علي ما الاكل يخلص .
الحاجة اخدت مصطفي علي اوضة لوحدهم
الحاجة : عارفة انك عصبي لكن معرفش انك غبي غابوتك هتخسرك مراتك ، نهر بنت عادية بس حساسة وانت بتغير من حب رقية لبنتها بس يا غبي دة طبيعي ما أنا بحبك إنت واخوك واختك ولا يمكن افضل حد عليكم .
مصطفي : علشان كدة بتهزٱني علشان رقية وبنتها ؟
الحاجة : لا بهزآك لانك بتاذي نفسك ومراتك وبنت يتيمة كل الي عوزاة تلاقي حد حنين.
مصطفي: كفاية حنينة أمها عليها.
الحاجة : هي و امها عايشين مع بعض من زمان بس ما وعيتش علي حنان الاب ولو كسبت نهر هتكسب امها وهتديك عينيها وقلبها بس البعيد اعمي البصيرة.بتغير من حب ام لبنتها ولا هي كانت خبت عليك أن عندها بنت ؟
وإنت متعلم وانا جاهلة أعمل بعلامك وبعدين لو مراتك فعلا حامل لو كانت شالت قش و طلعت مرة واحدة بية علي السطح كان زمانها سقطتت
مصطفي : لية ما فيش حوامل بتشتغل.
الحاجة : لا يا فالح الشهور الأولي مينفعش الحبلة تشيل تقيل و كمان تطلع سلم و هي شايلة لازم العيل يثبت.
مصطفي : انتو خلاص خليتوها حامل.
الحاجة : مش بقولك أعمي البصيرة اية رأيك أن أنا متأكدة من حبلها من تعبها وشها الاصفر عينها الزايغة وسورقت وانت إيش عرفك بالحريم.
مصطفي : لا يا ستي هي مش بتحمل بسهولة.
الحاجة : يخرب بيت دماغك يا ولاااة إنت (وفجأة ) ولاة هو إنت مش مضبوط ولا إية لية متكونش حبلة ؟
مصطفي : يا آمة ما يروحش فكرك لبعيد أنا زي الفل إبنك مية مية .
الحاجة : طيب ما لاحظتش أن مراتك بترآف من الأكل و بنتفر من ريحتة أو حتي بترجع .
مصطفي : يوووووة دي قرفاني في عشتي و تخانقت معاها كذا مرة علي الموضوع دة .
الحاجة : انت يا بني متأكد إنك طبيعي ؟ ماهي دي أعراض الحبل أومال لو ما كنتش معانا في حمل إنتصار كذا مرة وإنت متعلم و فاهم ولاة أقوم أقوم بدل ما تعلي الضغط عليا و متزعلش مراتك و متتعبهاش في أي شغل لو عاوز عيال الله يكون في عونها قال و أنا فكراك بتفهمها و هي طايرة قوم قوم يخربيت غبوتك.
في أوضة علي
علي : تعرفي إنك أحسن من المدرسين عندنا والله أنا كنت بكرهة قوي الإنجليزي دة مع اني بروح درس .
رقية : مفيش شي صعب فية واحد بيستسلم و واحد بيتعب علشان يحقق هدفة بص يا علي أستأذن عمك لو فية حاجة مش فاهمها تجي اشرحهالك في أي لغة
English French German espanish Italy or Turkish
علي : يااااة كل دي لغات تعرفيها !
رقية : مش كلها متمكنة منها بس مثلا اعرف لو شفت فيلم افهم بيقول إية من غير ترجمه زي الانجليزي والالماني والايطالي والتركي لكن الفرنساوي والاسباني زي ما تقول مش متمكنة
علي : أنا نفسي أكون متمكن بس في الإنجليزي لأن علي ما سمعت موجود في كليات القمة .
رقية : وإنت عاوز إية ؟
علي : في القري هنا كلنا نفسنا نكون دكاترة ومهندسين والبنات بيكون نفسهم في طب وتربية .
رقية : أقدامك لسة فرصة تحدد إنت بتحب إية وعاوز تكون اية مش مهم تكون في كلية قمة المهم تكون متميز وسعيد في مهنة إنت شايف نفسك كفء فيها وتقدر تساعد نفسك وغيرك فيها يعني مثلا ممكن تكون مهندس زراعي تفيد البلد والناس هنا او مدرس جامعي في أي مجال تحبة أو حدد هدفك وحاول فية ويلا ضيعنا وقت كتير نرجع لل Grammer
محمد و ورد ونهر في طريقهم لدكان يشتروا ما يريدونه الصغار .
ورد وقفت: آباة هتسيبني اخد اللي عوزاة ؟
محمد : أيوة بس بلاش ٱفتري حاجتين ثلاثة وإنت يا نهر نفسك في إية ؟
نهر : عمو أنا نفسي يوم يعدي من غير ما ماما تعيط أو عمو مصطفي يزعق ويضرب ويكسر ممكن تكلمة أنا بخاف منة
ومش بقدر اتكلم معاة وهو مش بيحبني زي حضرتك .
محمد في سرة : والنبي حد عاقل يزعل البسكوتين دول الله يهديك يا مصطفي وصلوا الدكان .
ورد : أنا عاوزة دة ودة ودة نهر خدي من دة حلو قوي .
محمد : إشمعنا إنت ما قولتش علية لكي إنت ؟
ورد : لا ما هاخد حتة منها .
محمد : مش سهلة برضو إنت يا ورد نهر هاتي إلي يعجبك .
نهر : سفن اب لو سمحت .
محمد : لية مش إنت بتحبي الشوكولاتة ؟
نهر : علشان ماما معدتها تعبانة فهديها لماما .
محمد : ما شاء الله حنينة إنت يا نهر وإنت يا ورد هتجيبي لأمك حاجة ؟
ورد : لا لو جبت لأمي علي وعبد الله هيزعلوا وستي كمان أنا هجيب لنفسي بس دي حتي فرصة أجيب إللي في نفسي .
محمد : هو أنا حارمك من حاجة ؟ هاتي إللي عوزاة .
ورد اشترت حلوي كتيرة ومحمد نقي لنهر شوكولاتة و اشتري للجميع مشروبات غازية وعصير و سفن لرقية و أخدهم و رجع للبيت .
إنتصار سخنت الاكل و فرشت إياسين ( إياس شيئ شبة الحصيرة لكن مصنوع من خيوط بلاستيك يفرش علي الارض ويمكن طية وحملة بسهولة لاي مكان فهو خفيف ويمكن غسلة أيضا عندما يتسخ )
و وضعت طبليتين و بدأت بوضع الاكل عليهم عندما دخل محمد ونهر وورد .
إنتصار : كويس إنكم جيتوا يلا يا ورد إنت و نهر ساعدوني نحط الاكل .
ورد : مش عاوزة أكل عاوزة أكل الحاجات إللي جابها أبويا .
نهر : هاجي أنا اساعد حضرتك.
محمد : نحط الأول الحاجة الساقعة في الثلاجة يا نهر وبعدين إقعدي وأنا هساعد خالتك انتصار .
نهر : لا أن عاوزة أساعدها و بعدين حضرتك عارفة كنت طول اليوم في شغلك أكيد تعبان أنا هساعدها .
إنتصار : البت دي بتفهم و حنينة.
نهر : افرش حاجة علي الطبلية.
انتصار : لا دي مش سفرة زي اللي عندكم تعالي يلا خدي مني الاطباق
نهر : حاضر وبعرف اودي المياة و الكوبيات و اللي إنت عوزاة.
إنتصار : و النبي إنت قمر بس إحنا عندنا قلل تعرفي تمليها.
نهر : طبعا أنا كنت بملها عند جدو أبو إبراهيم بس مش بقدر اشيل الكبيرة .
جهزوا الاكل وقعدوا ياكلوا علي الارض في صمت قطعة علي
علي : عارف يابا خالتي رقية اشطر من مدرسين كتير عندنا لو كانت بتذاكر ليا من الأول اكيد كنت هحب الانجليزي.
محمد : يا ولا ما أنا قلت لك خلاص مش هتيجي تتشغل في الغيط معايا أنا عارف عاوز تهرب من الشغل .
علي : لا والله أنا فعلا ما كنتش اقدر الم المنهج وانا بكرة الانجليزي دة بس خالتي رقية بتشرح بطرقة بسيطة وبتسهل الامور وكمان نطقها ولا الأجانب طب تعرف أنا انصدمت لما عرفت إنها بتعرف لغات كتير غير الانجليزي.
محمد : كتير ما شاء الله بجد!
رقية : أيوة الحمد لله أعرف كذا لغة وعلي فكرة أنا برضوا كنت بشرح لاطفال البلد يعني اللي عاوز بس كنت بشرح لابتدائي و اولي وثانية إعدادي .
محمد : ما بعدتش كتير دة يا دوب ثالثة اعدادي.
علي : عمي هو ينفع آجي عندكم علشان خالتي رقية تذاكر معايا.
مصطفي : هو مش انت هتمتحن بكرة انجليزي الترم هتذاكرالترم الجاي يعني ولا علشان علي رأي ابوك تهرب من انك تساعدة.
علي : لا أنا همتحن بكرة إنجليزي بس كمان يومين همتحن فرنساوي عاوز بس تراجع معايا وتركزلي علي الحاجات اللي مش فاهمها .
مصطفي : فرنساوي هو انت بتعرفي فرنساوي مش كان في ثانوي الفرنساوي دة .
نهر : ماما بتعرف لغات كتير وعلي فكرة بتعلمني كمان.
مصطفي : لما الكبار يتكلموا بلاش تدخلي.
نهر : آسفة .
رقية : معلش يا جماعة أنا شبعت هقوم اعلق علي الشاي.
إنتصار : إنت ما اكلتيش حاجة.
رقية : معليش معدتي تعبانة شوية ومش قادرة حتي اشم ريحة الاكل الظاهر عندي برد.
الحاجة : أو حامل يا بنتي.
رقية بخضة : حامل ! !
مصطفي : و مالك مخضوضة لية مش متجوزة راجل .
رقية : إنت لية ماسكلي علي كل حاجة إية عادي يعني لما اكون مش متوقعة بس لأني حملت أول مرة بصعوبة.
مصطفي : وإنت مين علشان أمسك معها علي الواحدة و بعدين إنت متجوزة راجل مش كده( و بص لنهر ) هاااااة .
محمد :كفاية يا مصطفي فية إية من أمتي وإنت كدة ؟ إية مش عامل حساب أن فية عيال قاعدين ولا إحترام ليا أنا وأمك فية إية مالك ؟
اتفضلي يا ام نهر اغسلي ايدك وانتصار هتروح تعمل الشاي.
رقية : طيب هعلق علية بس .
محمد بص لها و إبتسم : براحتك يا ام نهر صحيح يا نهر نفسك في ولد ولا بنت .
مصطفي : هوا ….
محمد بص لة جامد وقال : بكلم نهر مش عاوز حد يدخل ممكن !
نهر : ولد إية وبنت إية مش فاهمة.
محمد : يعني لو ماما جواها عيل صغير هتجيبة كمان كم شهر عاوز اخ ولا اخت .
نهر : بجد هيكون ليا اخ او اخت.
محمد : أيوة
نهر : مش مهم عندي ولد او بنت المهم يكون كويس وبخير وانا هحبة أو احبها كتير و ألعب معاها كتير يااااة دة انا هكون مبسوطة اوي اوي يا رب يكون ولد وبنت الإثنين مع بعض .
إنتصار : يااااة كنت فاكرة انك هتغيري بس طلعتي عاوزة اثنين مرة واحدة .
نهر : علشان هنكون أخوات طبعا و هنلعب و نجري و نحكي لبعض , طيب هيجي أو هتيجي إمتي .
محمد : لسة لما نتاكد الاول .
نهر : إن شاء الله تكون عندها إثنين.
إنتصار : إثنين هيكونوا متعبين أوي علي ماما.
نهر : خلاص يا رب يكون واحد أو واحدة المهم يكون فية ، أنا رايحة لماما خلصت اكل خلاص وبصت لانتصار وهساعد حضرتك لما يخلصوا كلهم اكل.
إنتصار : يا خالاصي عسل رب يخليك ليا .
قامت نهر علشان تطمن علي أمها.
مصطفي : اكلت عقلكوا خلاص بنت التمرجي.
الحاجة : مصطفي إنت معاك جوهرتين مش واحدة نهر قلبها أبيض بلاش تخسرها وبعدين البت تتحط علي الجرح يبرد .
محمد : أسمع كلام أمك ولا هو لينا حلال وللناس حرام.
مصطفي : هو إية اللي لينا حلال وللناس حرام.
محمد : حب الام لولدها امك حبتنا وحاوطت علينا بعد ابوك ومفيش حد اغلي مننا عندها صح.
مصطفي : صح
محمد : أومال لية مش عاوز رقية تحب بنتها هاااة.
وانت عارف كويس انها اتجوزتك علشان نهر ماتكونش وحيدة و قالت كدة قدمنا كلنا لما طلبناها لية بقي دلوقتي منغص عشتهم لية ؟
مصطفي : علشان عاوز أكون رقم واحد في حياة مراتي من حقي.
محمد : لا مش من حقك و لو كنت عاوز تبقي رقم واحد كنت تتجوز واحدة بنت بنوت مش معاها عيلة أنا اهو قدامك هكون مبسوط وفرحان لو ولادي أهم مني عند مراتي.
مصطفي : علشان ولادك .
محمد :هما الستات كدة بيتولدوا بيلعبوا بعروسة ويعملوها بنتهم ما بالك لو عندهم بنت بلاش تحط نفسك في كفة ونهر في كفة وبعدين انت اللي اخذت امها منها مش هي اللي اخذت منك مراتك.
مصطفي : نهر كمان مش سهلة و بتغير مني علي امها.
محمد : حتي لو دة حقيقي وانت مش مكبر المواضيع برضوا هي عيلة وطبيعي لها تكون كل عائلتها تبقي مرتبطة بيها وإنت حاجة جديدة عليهم حتي لو كنت جوزها اعقل يا مصطفي بالاش تهد كل حاجة فوق راسك إنت الراجل والاعقل و بعدين مراتك اصرت معاك في حاجة.
مصطفي : لا بس بحس إنها مش بتحبني و نظرتها كأنها بتنفر مني.
محمد : أولا إنتم بقالكم شهرين و نصف بس يعني لسة ما اتعوتوش علي بعض وبعدين الراجل هو إلي بيخلي مراتة ما تقدرتش تعيش من غيرة لو حاوطها بحنيتة ووطبتة وإنت من أول يوم وانت واخدها عافية وإنت عارف قصدي اية الكرة لسة في ملعبك تخليها خاتم في صباعك بس عامل بنتها كويس وخليك اب ليها تاخد قلب مراتك والكلام دة قولتة ليك قبل كدة هدي أعصابك يا سيدي أعتبر نفسك كافل يتيم و ما تحسسهاش إنك بتمن عليهم هما كانوا عايشين قبل ما تتجوز بلاش تكسر نفسهم.
علي : عمي هو خالتي رقية هنكمل معايا مذاكرة ولا لٱ وابقي اجي عندكم ولا لٱ ؟
محمد : روح أوضتك ذاكر وأنا هيبقي أقول لك يلا مش وقتك خالص .
مصطفي : لية كدة يا محمد.
محمد : إنت بتغير من بنتها مش هتغير من الشحط دة .
مصطفي : مش فكرة شحط بس علي ممكن يجيب زمايلة وبعدين ممكن يعجبهم الشرح شوية شوية القيها بتدي دروس زي بس انا ابتدائي وهي اعدادي وممكن ثانوي يبقي ليها دخل اكبر مني وساعتها ممكن تسبني بسهولة.
محمد : يااااة كل دة عارف أننا منحبش يكون مراتتنا احسن مننا خصوصا لو بجمال ورقة مراتك بس انت دماغك راحت بعيد قوي إللي سمعتة من علي إنها كانت بتشرح لعيال البلد بس إعدادي قبل كدة و في عيال منهم مع علي بس كانت مساعدة ليهم مش دروس .
مصطفي : أيوة عارف الموضوع دة بس بتدي كتير وأحفاد أبو إبراهيم علشان بتعتبرة زي أبوها و بطلت من بعد جوازنا إللي عاوز اقولة أن علي ما يجبش حد من زمايلة بس كدة.
محمد : ماشي يا مصطفي حاضر هقول لعلي لو عاوز تقوية يروح لوحدة ويبقي ياخد ورد معاة اهي تلعب مع نهر .
مصطفي : ماشي مش عاوزك تزعل مني .
محمد : لا مش زعلان بس راضي مراتك أم إبنك او بنتك و خليك حنين و بلاش نكد لانة بياثر علي إللي بطنها .
مصطفي : ربنا يسهل يااللاة أنا هنادي علي رقية علشان نمشي .
محمد : ماشي دة حتي مراتك شكلها تعبان أهي تروح ترتاح شوية .
مصطفي : ياللاة يا رقية جهزي نفسك ماشين .
طلعت رقية من المطبخ : طيب مش هتشرب الشاي الاول .
مصطفي : لا هشرب بس بقول تجهزوا علشان نمشي بعدها علي طول يا فصيحة
رقية : حاضر
محمد بصوت واطي لاخوة: إنت هتموتني ناقص عمر بقولك راضيها بتسم بدنها بكلامك و أحرجتها قدامي لية الله يكون في عونها
مصطفي : ما هي غبية بتفهم بصعوبة
محمد : لله الأمر من قبل و من بعد كنت عاوز أقول تشرفونا شوية كمان بس شايفك تعبانة يا أم نهر لو تحبي تريحي شوية مع إنتصار أو تروحي إنت حرة
رقية : شكرا يا ابو علي هروح إن شاء الله بعد الشاي
محمد : إحنا اللي شكرا تعبناك معانا عارف علي متعب
رقية : ابدأ هو ذكي بس بيتوجة غلط لكن ما شاء الله و مجتهد و بيستوعب بسرعة
مصطفي : ادخلي شوفي الشاي زمانة نشف
إنتصار : من ورا رقية لا ما نشفش هي علقت علية وأنا صبيتة إتفضلوا و عملت ليك يا أم نهر شوية نعناع إية يستاهل بوقك و يروق معدتك
شربوا الشاي و رقية و نهر مشيوا مع مصطفي
إنتصار و محمد دخلوا اوضتهم
إنتصار : عارف يا محمد أنا معرفتش قمتك وذت عندي غلاوة غير لما مصطفي إتجوز ربنا ما يحرمنا منك يا ابو علي
محمد : قصدك اية ؟
أسرار الماضي لبنت ناس ( بقلم / رينا الهادي )
يا تري إنتصار قصدها إية دة هنعرفة الفصل الجاي …..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أسرار الماضي لبنت ناس)
