رواية أسد والمجهوله الفصل الثامن 8 بقلم فلوريدا ماجد
رواية أسد والمجهوله الجزء الثامن
رواية أسد والمجهوله البارت الثامن
رواية أسد والمجهوله الحلقة الثامنة
في الصباح ذهب طارق الي المستشفي وجد اسد نائم علي الكنبه وقلب نائمه ايضا ابتسم طارق علي اسد وقال في نفسه من امتي وانت بتهتم بحد كده
اسد اسد
فتح اسد عيونه بكسل وقال اي ياطارق في حاجه ولا اي
لا مفيش كله تمام بس انا روحت للدكتور اللي متابع حاله قلب وقال ممكن تخرجو كانو بيتكلمو بصوت واطي عشان متصحاش
القي اسد نظره علي قلب وقال طيب
انا هطلع استناكو بره عقبال متصحيها تمام
اتجه اسد نحو قلب وهو مبتسم لها تلك الملاك النائمه التي خطفت قلبه وعقله بعينيها اخذ يتأملها كثيرا وكان طارق متابع كل ده من بره لان الباب ازاز فشايف كل حاجه وظل يضحك علي اسد وقال مين كان يصدق اسد الدنجوان واقع اوي كده فرح طارق لان اسد لم يلمس قلب
ظل اسد هكذا حتي تململت قلب وابتسمت لان رائحه اسد تسللت الي انفها فتحت عيونها لقت اسد ينظر لها بشده وهو مبتسم قالت قلب بإبتسامه صباح الخير
ظل اسد ساكت قليلا وقال صباح الجمال ياقلبي
ابتسمت قلب بحرج علي تلك الياء الملكيه ونظرت اليه كان يفحص وجهها بشده وقالت بحرج اسد ممكن متقوليش كده عشان بتكسفني
في واحده تتكسف من جوزها
قالت قلب بكسوف وقد ظهرت الحمره علي خدها وقالت بصوت مهزوز
ا اانا انا لس لسه مش مراتك وووكده مينفعش
قال اسد بغمزه افهم من كده انك عاوزه تتجوزيني بسرعه بقا اههههه وانا اللي كنت فاكرك مؤدبه
اندهشت قلب من كلاام اسد ولم ترد عليه أدار اسد عينيه الي الباب لقي طارق ينظر إليهم وهو مبتسم بشده غمزله طارق
طب قومي يالاه عشان الواد الثقيل ده عمال يضحك شبه الأهبل يالاه يالاه
أدارت قلب عينيها الي الباب لقيت طارق بيشورلها إبتسمت له وقالت ل أسد طيب ممكن تطلع بره عقبال م ادخل الحمام بس اظبط نفسي
حاضر بس قومي كده وريني هتقدرى تمشي ولا لا
نهضت قلب وقالت اهو الحمد لله بقيت احسن انا هدخل ولما هخلص هنده عليك
خرج اسد من الغرفه واتجه الي طارق وجده مبتسم بشده
انت اهبل يالاه قالها اسد وهو يجلس بجانبه
بس يابني بس ده شكل الحب ولع في الدره ده انت طلعت واقع جامد
واقع بس قالها اسد بسرحان
قال طارق طب وانت ناوي تتجوزها امتي اصل مينفعش جو العشق الممنوع ده وتقعد تبص والجو ده
عندك حق ياطارق انا عايزها حالاالي عشان ابص براحتي
قال طارق طيب يالاه يا سا*فل احترمني حتي
هحترمك حاضر الا قولي البت صافي عملتو فيها اي
ولا اي حاجه زي مقولتلك إمبارح ودينها المخزن و مأكلنهاش حاجه من إمبارح وعماله تعيط وتقول طلعوني
خاليها كده ورحمه امي مهسيبها قاطع حديثهم صوت قلب وهي بتقول
باشمهندس انا خلصت
نهض اسد وكذلك طارق
الف سلامه عليكي ياانسه خضيتينا عليكي إمبارح
ربنا يخليك ياباشمهندس انا مش عارفه اشكر حضرتك ازاي علي وقفتك جنبي دي
متقوليش حاجه انتي زي اختي
طيب يالاه ياخويا مش هنفضل نسلم علي بعض كده كتير قالها بغيره واضحه
طيب انا هسبقكو وادور العربيه عقبال متجيبها وتيجي وخبطو في كتفه وقال بهمس براحه علي البت
ذهب اسد بجانب قلب وهو مبتسم لها وقال الف سلامه انتي حاليا هتروحي عشان تنامي وترتاحي ومن بكره بقا ابقي تعالي وإن شاء الله مش هيحصل مشاكل تاني
ركب اسد بجانب طارق وجلست قلب في الخلف واتجهو الي عماره اسد
______
الو انت ياروح ام*ك جيت إمبارح وملقتش حد ودلوقتي انا مرمي قدام الشركه من صبحيه ربنا انت استغفلتني وخت الفلوس
لا ياباشا عيب الكلاام ده انا شايفها إمبارح حبه وهتلقيها عندك دي مش بتاعتي انا جبتلك مكنها وخت فلوسي كده خالصين وقفل السكه قبل ان يسمع رده
تنهد صلاح بغضب وقال انا وراكي وراكي ياقلب والزمن طويل
______
اوصل طارق قلب الي الشقه ودخل هو واسد
ادخلي خدي شاور انتي دلوقتي ياقلب عقبال م اعمل حاجه ناكلها
ذهبت قلب وأخذت شاور ولبست بيجامتها وعليها إسدال وخرجت لقيت اسد وطارق بيعملو اكل اسد بيعمل ساندوتشات وطارق بيعمل عصير
جلست علي السفره وظلت تنتظرهم تقدم اسد إليها وهو يحمل الأطباق وقال لها قومي كده معلش قامت قلب اخذ اسد يتفحص ملابسها وقال بإبتسامه تمام اقعدي جلست قلب بإحراج وخرج طارق بالعصير وقال عملتلكو عصير مانجو إنما اي هو بصراحه انا ملقتش غيره في التلاجه اصلا
جلسو يأكلو سويا في جو من المرح انتهو من الطعام ولمو الأطباق والكوبيات وغسلهم طارق ونصف اسد السفره قالت لهم قلب بعد ان انتهو تعبتكو معايا والله ياباشمهندسين شكرا ليكو بجد
لا شكر علي واجب انا هخلع انا يااسد انا مستنيك قدام الباب يالاه سلام ياانسه
اقفلي علي نفسك ومتفتحيش الباب لحد ولو حاجه حصلت كلميني لو تعبتي رني عليا بردو انا صاحي للفجر
حاضر حاضر والله براحه بس انت روح ارتاح شويه وشكرا علي وقفتك جنبي انا بجد مطمنه وانا معاك
إبتسم لها اسد وقال مش مراتي لازم تطمني وانتي معايا طبعا اه وفكري نخلي شهر العسل فين عشان انا اخري معاكي اخر الشهر اللي هو بعد 6 ايام من دلوقتي يالاه سلاام وخرج اسد قبل ان يسمع ردها وقفل الباب
وضعت قلب يداها علي قلبها وابتسمت وذهبت الي غرفتها لكي ترتاح
______
ذهب اسد الي فيلاته لكي يرتاح قليلا ثم استيقظ ذهب الي المخزن وجد صافي نايمه علي الارض ومربوطه وشكلها متبهدل خالص ماسك جردل الماء و القي عليها فزعت صافي بشده وعندما رأت اسد فزعت اكتر وقالت اسد حبيبي انت هتعمل فيا اي انت عارف انها كانت ساعه شيطان وانا مقدرتش اشوف البت دي قدامي شكلها كانت بترسم انها تاخدك مني
ماسكها اسد من شعرها بقوه تاخدني منك انتي فاكره نفسك مين ياروح ا*مك اما خليتك تتمني الموت ومتطوليهوش انتي حظك اني مبمدش إيدي علي نس*وان هي لما تفوق هتيجي تاخد حقها بإيدها خاليكي انتي مرميه كده
______
اما عند قلب ظلت نائمه ولم تستيقظ بينما اسد كان قلق عليها بشده اخذ هاتفه وظل يرن عليها وهي مبترودش عزم أمره ان يذهب إليها لكن فتح الخط
الو كان صوت قلب نعسان للغايه
الو الو اي ياقلب مبتروديش ليه
معلش انا كنت نايمه ولسه صاحيه علي رنه تليفوني دلوقتي
طيب بعد كده ترودي علطول انتي عامله اي
حاضر انا الحمد لله بقيت احسن دلوقتي
طيب انا هقفل دلوقتي اكمل الشغل لو عاوزه حاجه رني عليا مع السلامه
______
اما عن صلاح ظل واقف أمام باب الشركه كي يلمح قلب لكنه لم يراها وكانت الساعه 11 ذهب الي منزله وعزم أمره ان يأتي غدا دخل الي منزله واستقبلته شيماء كعادتها انت ياراجل انت بتروح فين بقالي يومين مش بشوفك مالك في اي
مفيش حاجه ياشيماء حلي عني بقا ودخل الغرفه وقفل الباب
______
استيقظت قلب الفجر وصلت فرضها وقرأت وردها واحضرت الفطار وهي لسه بتعمل الاكل لقيت باب الشقه بيخبط ذهبت لكي ترتدي حجابها ورأت من العين السحريه انه اسد فتحت الباب وهي مبتسمه له لم يقل اسد شئ بل ظل ينظر اليها وهو مبتسم وقال مش هتدخليني ولا اي
قالت له قلب اتفضل دخل اسد الي الشقه ولم يقفل الباب سابه مفتوح دخلت قلب الي المطبخ كي تكمل إعداد الفطور وقف اسد أمام المطبخ وظل مبتسم وهو واضع يداه علي صدره ظل يتأمل قلب وحركتها ورائحه المنزل وصوت القرأن للحظه تخيل ان قلب تعد له الفطار له ول أولاده وهم اسره لان اسد مفتقد ذلك الاحساس منذ زمن فاق من تخيلته عندما قالت قلب
يالاه يااسد نفطر سوا
ابتسم لها اسد وقلع جاكيت بدلته وشمر أكمام القميص ها تحبي اسعدك
نظرت له قلب بحب وقالت صباح الخير الأول انت مصبحتش عليا
اقترب منها اسد لكن ظلت بينهما مسافه وقال انا مبحبش اتكلم بحب اعمل علطول وغمز لها أنزلت قلب عينيها ومدت يدها بالاطباق وقالت اتفضل
اخذ منها الأطباق وضعها علي السفره وظلو يأكلو سويا بصمت حتي قاطع تلك الصمت اسد
تعرفي ياقلب انا مفتقد إحساس البيت والعيله ده من زمان نفسي يكون عندي عيال كتير مش هحرمهم من حاجه ونفسي يبقي عندي بنوته شبهك كده
قالت قلب بصوت واطي إن شاء الله
ابتسم لها اسد خلصو فطار وقامت قلب لكي ترتدي ملابسها وظل ينتظرها اسد أمام باب الشقه حتي خرجت كانت ترتدي فستان ابيض وحجاب اسود وجزمه سوداء ولم تضع اي مساحيق تجميل قال لها اسد قمر قمر ياقلبي ابتسمت له وقالت شكرا نزلو سويا وفتح لها باب العربيه وربط لها الحزام واتجه الي الشركه
______
كان صلاح وقفا أمام الشركه من الفجر وهو فاقد الأمل لكنه انتفض واقفا عندما رأي قلب دخله الي الشركه بمفردها بعد اسد كان سوف يذهب إليها لكي يأخذها لكنه خاف بشده لوجود الناس وعزم أمره ان يأخذها عندما يمشي من بالشركه
______
انطلقت ساره في أحضان قلب وقالت لها ألف سلامه عليكي ياعيوني انا اتحيلت علي مستر اسد عشان اجيلك بس هو مرداش اقترب منهم علي وقال الف سلامه عليكي ياانسه قلب انتي والله يابنتي ملكيش عيشه في البلد دي الناس الرقيقه دول ميقعودوش هنا
اومال يقعودو فين يا عم النحنوح قالها اسد وهو يخرج من مكتبه
وعينيه لا تبشر بالخير
ابتلع علي ريقه ولم ينطق بكلمه وانطلق الي مكتبه
ظلت تضحك عليه قلب وقالت هو بيخاف منك كده ليه
ملكيش فيه ومتمشيش توزعي إبتسمات علي خلق الله
دخل ادم مكتب اسد وقال بقولك يااسد
هااا قول ياجلااب المصايب
خلااص ياعم اما المصيبه تجيلك فعلا ابقي متجيش تغني ظلمو
اخلص ياادم وقول في اي
جلس ادم علي الكرسي وقال وانا بعيد الكاميرات اللي قدام الشركه لقيت واحد واقف من إمبارح قدام بابا الشركه وشكله عينه علي حد خد بالك
ارجع اسد ظهره الي الوراء وقال تمام ماشي خاليك متابعهولي دخلت قلب وقالت باشمهندس الوفد الروسي بره
طيب دخليهم اوضه الاجتماعات وناديلي علي باشمهندس علي .
استقبلتهم قلب وانصدم اسد وقال ل قلب انتي بتعرفي تتكلمي روسي ابتسمت له قلب وقالت اه
وقال لسه فيكي اي تاني مدهش انا معرفتوش
ضحكت قلب بخفه وقالت لا في حجات كتير انت اكتشفها مع نفسك بقا
خرجت قلب وبداء الاجتماع
ساره ساره انا نازله اشم شويه هوا
طيب استني اجي معاكي
لا لا خاليكي لأحسن مستر اسد يحتاجك انا 5دقائق وطالعه علطول
______
كان صلاح واقف أمام الشركه وابتسم بخبث عندما رأي قلب نزلت بمفردها توجه صلاح إليها وتسمرت قلب حينما رأته اخذت هاتفها سريعا ورنت علي اسد وطلعت تجري الي الشركه مره اخري ولكن مسك صلاح بها وقال خلااص ياقطه وقعتي تحت إيدي ومحدش هيسمي عليكي
استغرب اسد عندما رأي قلب تتصل عليه طب عن إذنكو ياجماعه ثواني
الو الو قلب لم ترد عليه قلب ولكن انتفض اسد بشده عندما سمع صوت صرخها وهي تقول ااااااسد الحقني صلاح اخذ صلاح الهاتف ورماه قبل ان تكمل كلاامها
خرج اسد من الاجتماع سريعا وظل علي مع الوفد قابل في طريقه طارق وآدم
قال طارق اسد في اي
قال اسد بسرعه قلب اتخطفت
اي ده ازاي
سااااره ساااااااره ذهبت اليه ساره وهي تجري قالت في اي يا بشمهندس
تعرفي حد تبع قلب اسمو صلاح
اه اعرفه ده جوز اختها
طب وده ساكن فين
ساكن في ،،،،،،،،،،،،،،،، هو في اي لم يرد عليها اسد وقال ل طارق وآدم تعالو ورايا
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أسد والمجهوله)
