رواية أزهار الصبار الفصل الرابع 4 بقلم ولائيات
رواية أزهار الصبار البارت الرابع
رواية أزهار الصبار الجزء الرابع
رواية أزهار الصبار الحلقة الرابعة
خديجة: تقي تقي ياااه يا بنتي قطعتي نفسي انتي ايه بتجري ليه
تقي : خديجة اذيك خدي نفسك بس
خديجه : اخد ايه دا خلاص نفسي اتقطع
تقي: معلش مخدتش بالي تعالي اقعدي
خديجة : خلصتي محاضرات
تقي : لاء لسه عندي محاضره بس فاضل ساعه عليها
خديجة : لما فاضل ساعه بتجري ليه
تقي : اصل دكتور مكرم طالب مننا بحث خلصته واديته ل مصطفي يطبعه وقولت اروح استناه علي الباب علشان منتاخرش
خديجة : انتو اتصالحتو خالاص الحمد لله
تقي : بصي انا بعد ما قلعت له الدبله اداني واحده هو الي بينا دبله انتي مراتي وانا بقي قلبي فضل يدق
خديجة: نحنوحه والله بس انتي مش مراته يا خايبه انتي خطيبته ومعني الخطوبه انك تدرسيه كويس لانها وعد بالجواز
تقي : اه انا عارفه بس مصطفي كويس هو صحيح عليه تصرفات تجنن بس انا همشي ب مبدا جوزك علي ما تربيه
خديجه : تعوديه يا توتو تعوديه
تقي: لاء وحياتك تربيه هههههههههه ثم اني بحبه يا ديجا وهو بيحبني وبيخاف عليا اوي
خديجة : ربنا يهنيكم ببعض يا اختي المهم
تقي : اه صحيح ايه ايه مسيبك جزر صيدله وجاية لنا في قاره طب وشكلك كدا مبسوط خير احكي
خديجه : ههههههههههه بطمن عليكي
تقي : انا اهو كويسه الحمد لله احكي بقي
خديجة: اصل يعني بصي بقي مهو
تقي : اتعدلي يا ديجا واحكي قبل ما مصطفي يجي
خديجة : مش انا جايلي عريس
تقي : قولي والله خلاص لقيتي الي هينتشلك من العنوسه
خديجة : عنوسه اتلمي يا توتو احسنلك
تقي : خلاص خلاص مش برضه اول حرف من اسمه امجد سمعان
خديجه : الله عرفتي منين
تقي : من اهتمامه بمامتك حتي بعد ما خرجت من المستشفي يعني هصدق ان كل دا علشان مصطفي هو اه مصطفي قمر بس مش للدرجة دي
خديجه : الله بجد
تقي : جد الجد وانتي عنيكي الي اول ما بتشوفه بتتحط في الارض ووشك بيقلب الوان وفجاه صوتك الي عالي بيختفي خالص
خديجه : الله في ايه يا تقي
تقي : في اني هروح انا بقي
خديجة : هو مصطفي وصل ولا ايه
تقي : لاء يدوب الحق اجيب فستان احضر بيه فرحكم
خديجة : الله يا توتو بقي بطلي هزار
تقي : استني بقي زوج المستقبل وصل هروح له واوعي تروحي في اي مكان لازم احكي معاكي
خديجه : لا قديمه انتي وهو مش بتبطلو رغي انا عندي محاضره سلام
……………….
مصطفي: تقي تقي تعالي يلا
تقي: لاء مش هينفع هات بس الورق علشان اروح للدكتور اديه له
مصطفي : تروحي بقي فين ان شاء الله
تقي : للدكتور اسلم البحث
مصطفي : اه لاء مهو انك تروحي للدكتور مكتبه مش هسمح
تقي : مصطفي بتهزر هو انا راحه ارغي معاه انا هسلم البحث
مصطفي : طيب انا هاجي معاكي
تقي : ليه صغيره يعني
مصطفي :ك بقولك ايه انا مش هسيبك تروحي من غيري يلا وا ملوش لازمه البحث
تقي : يوووه علي تحكماتك ونظرت له بضيق
مصطفي : ايه يا قلبي زعلتي انا بغيير عليكي وبصراحة مش كل الناس ثقه وانتي ملكيش خبره غير انك قمر يلا يا قمر حياتي يا حبي كله
تقي : هههههههه مش بعرف ازعل منك
مصصطفي : هو ليه خلو طب كل السنين دي
تقي : علشان نتمكن من الدراسه ونعالج المرضي صح
مصطفي : طيب يلا بقي علشان تسلمي البحث ونلحق نشرب حاجة
تقي : بتخاف عليا يا مصطفي
مصطفي: لو مخفتش عليكي يعني هخاف علي مين عم عبده الساعي
تقي : مصطفي هو انت ممكن يجي اليوم الي تشوف ست غيري
مصطفي : دا انا ممكن اتعمي قبل ما اليوم دا يحصل انتي بالنسبة ليه الحياه يا تقي
تقي : حتي لو كبرنا وعجزنا
مصطفي : هتكوني اجمل عجوزة في العالم وهفضل اغير عليكي واخاف حد يبص لك يا تقي انا مش حبيتك لالا انتي خطفتيني
…………………
تجلس وتتذكر وتبكي
تقي : اهو جه اليوم الي مش بس شوفت غيري دا انت كسرتني وقهرت قلبي يا مصطفي
اليوم الي حسيت اني كان نفسي اموت قبل ما يجي ليه يا مصطفي دا انا نص عمري تقريبا عشته ليك وغفرتلك وسامحتك علي كتير ليه ليه تعمل في كدا وانهارت في البكاء
لتفيق علي خبط الباب
تقي : ايوه ادخل
نورين : توتو انتي بتعيطي
تقي : نوري الحلوه اذيك جيتي امتي
نورين : يدوب خلصت محاضرات وجيت والحكومه قالت لي انك هنا فرحت ودخلت اشوفك
تقي : اه لو سمعتك هتعلقك
نورين هستخبي في عزت حبيبي وروحي
تقي : برضه عزت دا انتي ناويه تجنني غاده بقي
نورين : اه دي تغيير مني عليه شوفتي بقي
سيبك مننا احنا تاقلمنا خلاص المهم مالك بقي ازاي قدرتي تسيبي حبيب القلب وتيجي
تقي: ايه امشي يعني
نورين : لاء والله مقصدش اصله قافش فيكي ورجله علي رجلك لولا العيبه كان قعد جنبك في العيادة دا انا متهيالي اونكل مصطفي دا ل طال يلزق فيكي هيعملها
تقي : لاء خلاص يا نورين خلاص
نورين: خلاص ايه انتو اتخانقتو يا نهار ابيض دا عين البت اسراء يوم عيد ميلادي فضلت تقولي جوز خالتك موز اوي ولازق فيها بغره انا هروح الزق فيها بعصايه بنت الصفره دي
تقي : هههههههههههه متشغليش بالك انتي المهم عامله ايه في الكليه
نورين : كلام في سرك بقي اناناويه انافس اختك واخد مكانها في الشركه واقع في حضن عزت
تقي : هههههههههه دا انتي مش سهله
نورين : اممم نفسي اتجوز واحد زيه كدا يالهوي لو مش ابويا كنت خطفته بس معلش
يوووه الحكومه بتنادي اوعي تقولي لها احسن تفرمني
تقي : ههههه لاء متخافيش سرك في بير
نورين : ربنا يستر يلا ادعيلي انا خارجه ليها
……………..غادة : ها يا نوري عملتي ايه
نورين : في ايه
غاده : يا بت ركزي مع توتو
نورين: مسيبتهاش الا وهي بتضحك
غاده : حبيبتي صعبانه عليا معلش قدرها كدا
نورين : انتي بتستهوني بقدراتي انا هضبط لها الدي واروق لها الجي
غاده : مخلفه سواق مكروباص
نورين: لاء يا بشمهندسه بنتك بشمهندس اد الدنيا يلا بقي ايدك
غاده : عاوزة ايه
نورين : اي حاجه كدا لزوم النعنشه يا غاده يا قمر
غاده : اطلعي بره احسن
نورين : بس سيبي الطاسه بس احسن الشيطان شاطر والسلاح يطول
غاده : ماشي يا نوري لولا خالتك هنا كنت
نورين : مهو النعنشه علشان توتو الله الحق عليا عاوزة اضبطهالك
غاده : طيب خدي من الدولاب جوا يلا امش قبل ما عزت يجي
نورين : اه يا عصافير الحب
غاده وهي ترفع الطاسه مره اخري: بطلي قر يا بنت عزت احسنلك
لتفر نورين من امام والدتها
……………………..
سوسن : عجبك المصيبه السودا دي
مصطفي : يا امي انا هصالحها
سوسن : والله لولا انك ابني كنت قولت كلام ميتقالش
مصلح: سيبيه يا سوسن انتي تعبانه يتحمل بقي نتيجه عمايله
سوسن : انت فكرك اننا مش عارفين انك كنت مجننها من عمايلك انت ناسي انها كانت زي بنتي واسرارها معايا
مصطفي : لاء مش ناسي وكنت دايما بتنصحيها نصايح تخلي البيت عندنا مستقر
سوسن : دا قبل ما تروح تكسرها وتتجوز عليها وقال ايه تشبع احساس الابوه عندك انت بذمتك عندك احساس
مصطفي : الله يخليكي يا امي متفتحيش عليا وتعايريني
مصلح : تعايرك اه مهو دا الي انت شاطر فيه تقلب التربيزه علي الي قدك
مصطفي : ارجوك يا بابا انا بجد ندمان ومستعد اطلق صافيه
سوسن: هي اسمها صافيه . وهي ذنبها ايه هي كمان انك تطلقها
مصلح : تطلقها متطلقهاش دا مش هيختلف مع تقي
مصطفي: ممكن اطلع شفتي ارتاح
سوسن : خد المفاتيح اهي واياك فعلا تكون مرتاح يا ابني يا كبير يا عاقل
اطلع يمكن لما تلاقي بيتك من غيرها تكون عرفت وصلت نفسك لايه
………………..
الو ايه الي انا سمعته دا
مصطفي: امجد طيب قول اذيك
امجد: اقول ايه انا عرفت المصيبه كلمتك علطول قولت اكيد محصلش
مصطفي: امجد ارجوك انا تعبان انا رديت عليك علشان تساعدني
امجد: واساعدك ازاي
مصطفي : تخلي خديجه تكلمها
امجد : دا خديجة نفسها قله عليا بسببك
مصطفي : وانا مالي بسببي ليه وانت مالك بالي حصل
امجد : بتقولي اذا كان صاحبك عمل كدا في تقي بع حب دا كله الي كل الناس بتحكي بيه يبقي انت اكيد زيه
مصطفي : امجد افهمني انا مقدرش اعيش من غير تقي
امجد: انت محتاج تتعالج يا مصطفي اعرف دكتور نفسي ممتاز
مصطفي : انا اتعالج هو انا مجنون
امجد : انت تصرفاتك متناقضه ودكتور النفسي مش للمجانين
مصطفي : امجد هتساعدني ولا لاء
امجد : ياريت اقدر للاسف انا محتاج الي يساعدني . انا راي تحاول تعتذرلها باي شكل ومصره علي الطلاق
مصطفي : دي سابت البيت وعملت لي بلوك من كل مكان ورافضه تبص في وشي
امجد: ليها حق انت ناوي علي ايه
مصطفي: استحاله اطلقها استحاله تقي دي قلبي من جوا مقدرش اعيش من غيرها
امجد: محدش بياخد كل حاجه لما هي كدا تتجوز عليها ليه
مصطفي : غباء مكنتش اعرف انها هتعرف
امجد: يا ابني دا الست دي عامله زي المخابرات بتشم ريحة الخيانه من علي بعد حتي لو في خيالك
مصطفي: يووه يا امجد هو انا برد عليك علشان نحلها ولا نعقدها بص فهم خديجه تفهم تقي اني طلاق مش هطلق حتي لو هخطفها واخبيها
امجد: ايوه الهندي وصل يا بشمهندس انت راجل عاقل عارف مفيش كدا فكر بشكل موضوعي في مشكله ولازم تحلها بص انا هقفل لان عندي مرضي بره ولازم اشوفهم بس فكر بموضوعيه الخيال الي بتحكيه دا مش حل يا سلام
……………………….
خديجه : وانتي هتعملي ايه يا تقي
تقي : هطلق يا خديجة
خديجة : متاكده من قرارك
تقي : اول مره اكون متاكده كدا
خديجة : يا تقي ما يمكن
تقي : خديجة مستحيل اكمل معاه علي اد حب السنين علي اد وجعي منه
خديجة : منها لله الي تلف علي واحد متجوز وتسحبه وراها وتخرب بيته
تقي : بجد ضحكتيني تلف وتسحبه ليه عيل صغير هتقولو تعالي اوديك ل ماما ولا هتقول تعالي اديك حاجه حلوة وتشيله وتجري
دا راجل ومسؤل وله عقل بيفكر ويقدر يقررعاوز ايه مش تابع بالعكس مفيش ست وبتضحك علي راجل وتخطفه يا خديجه ولا راجل بيضحك علي ست بس في مسؤليه وخطا مشترك بين الاتنين هو محترمنيش ومحترمش حياتنا واتفاقنا وهي مهماش ظروفه وكانت انانيه تبص بس لنفسها
خديجه : انتي متعرفيهاش
تقي : لاء وهعرفها منين
خديجه : مش معاكي صوره القسيمه
تقي : اه بس شبه ممسوح بيانتها مش واضحه وصورتها كمان مش واضحه
خديجه : عموما استخيري ربنا يا تقي ومش بالساهل تتخلي عن حب عمرك كدا
تقي: اه اروح اغير لون شعري واضرب فيلر وبوتكس في وشي والبس حاجه حلوة واروح اقوله شبيك لبيك انت تكسر فيا وانا اصالح غيم مش كدا
خديجة : مقصدش قصدي يعني
تقي: خديجه هو الي اتخلي عني احنا بينا وعد وعهد وعشره باعهم واشتري بتمنهم الي ناقصه وحرمني منه
خديجه : مش فاهمه
تقي : البيه بيقول انه اتجوزها علشان يربي اولادها ويشبع احساس الابوه الي اتحرم منه
خديجه : يا نهار ابوه اسود دا اتجنن رسمي
تقي : هو اناني يا خديجه طول عمره اناني حتي محولاته بقاله شهر اننا نرجع عاوز يرجعني علشان انانيته علشان مش قادر علي بعدي ومش متخيل حياته من غيري وبلا بلا بلا كلها اسباب تخصه وانا فين اسبابي
خديجه : وهو طول الشهر دا مشفتهوش
تقي : لاء جالي العياده واستني بعد المرضي ما خلصو وطردته ومن يومها كلمت ابيه مراد ووعدني هيبعده
خديجه : وانتي هتفضلي قاعده عند غاده
تقي: لاء انا رجعت بيت بابا امبارح هو بقي احسن كتير وانا حكيت له كل الي حصل
خديجه : وعمي رايه ايه يا تقي دا الله يكون في عونه
تقي: بابا شايف انها حياتي وقراري وقالي زي ما الجواز منه كان قرارك واحترمناه انك تكملي معاه من عدمه قرارك وهنسانط فيه وكلم عمي مصلح ومراد ان يحددو معاد قاعده مع مصطفي هيكون حاضر فيها بابا وابيه عزت وابيه مراد ومصطفي
ديجه : ربنا يصلح لك احوالك داومي علي الاستخاره يا تقي
تقي: تخيلي عمري ما تخيلت اني استخير علشان ابعد عن مصطفي لو حد كان قالي كدا كنت قولت عليه مجنون
خديجه : طالما بتحبيه كدا سامحيه وهو ممكن يطلق
تقي: لاء يا خديجه انا اخد قرار طلاقي انما طلاق غيري مش من حقي مش من حقي اتحكم في حياه غيري ولا اخرب بيتها
خديجه : انتي مستوعبه كلامك
تقي ك ايوه جدا كمان قبل جوازهم كان ممكن اقول يسيبها انما بعده مش حقي حقي تقرير مصيري انا بس
خديجه : يمكن ربنا عمل كدا علشان تتجوزي وتخلفي وتعيشي حياتي
تقي : لاء خلاص مبقاش عندي طاقة ولا قدره ابدا بعد ما انتهيت
خديجه : مين عالم ربنا كاتب ايه كله في علم الغيب وكل قدر ربنا خير
تقي: قوليلي بقي اخبار امجد والولاد ايه
خديجة : ههههههه صعبان عليا بس معلش بقي هو طيب ويستاهل
تقي: ايه يا مجنونه عملتي فيه ايه
خديجه : مفيش اتحججت انه هيعمل فيا زي صاحبه ورميت عليه مسؤليه ولاده
تقي : يا لهوي يا ديجا مفتريه
خديجه : لاء ولا مفتريه ولا حاجه قولت اشغله انا بدل ما يلاقي عنده فراغ غيري تشغله هي واهم ولاده مش حد غريب
تقي:ك مصيبه يا خديجه طول عمر دماعك دي مصيبه
خديجه : طبعا هو في مني اتنين يلا بالشفا بقي علي قلبه
……………………….
غادة : بتقول ايه يا عزت
عزت : زي ما بقولك كدا
غادة : يا نهار مش فايت منك لله يا مصطفي ملقتش الا ام اسراء
عزت : اه والله مش ممكن
غادة : يعني تقي لو عرفت ان ضرتها تبقي الست الي كانت بتساعدها في العياده وتقي بتقف جنبها علشان ظروفها تقوم تلف علي جوزها تعض الايد الي اتمدت ليها
عزت: المهم انتي عارفه معزة تقي من معزة نورين بلاش تعرفيها
غادة : لازم تعرف علشان تطردها من العيادة
عزت : لاء ما هو البيه اخد ليها شقه وسابت الشغل ونقل ولادها مدارس محترمه
غاده : كمان دا موضوع بقي قديم مش جديد
عزت بقاله 8 شهور دا غير انه لما كان بيسافر شغل كان بيطول المده ويروح من ورا تقي يقعد معاها
غادة : صحيح الواحد ميحسنش لحد تاني
عزت : استغفري يا غاده مش كل الستات زي بعض ولا كل الناس بتقابل الاحسان بالاساءه كل واحد بيتحاسب علي نيته
غادة : وبعدين هنعمل ايه
عزت هنشوف طلبات تقي ونقعد معاه نبلغه بيها
……………………………
تقي : يا بابا دا قرار نهائي ومستعده اسيبله كل حاجه
محمود: لاء يا بنتي عمري ما هفرط في حقوقك كفايه وقفتك جنبه
تقي : انا وقفت جنبه لانه جوزي ودا واجبي كونه مقدرش كل دا دا مش عيب فيا يا بابا
محمود: حبيبه قلب ابوها انتي كنتي كتير اوي عليه
تقي : دا نصيب يا حبيبي
محمود: طيب يلا انا هنزل انا
تقي: الله مش هما جايين هنا
محمود: لاء هنروح نتقابل في بيت غاده مش عاوزة يلمح طيفك ميستاهلش يشم الهوا من نفس المكان الي انتي فيه
تقي: ربنا يخليك ليا يا حبيبي
…………………………
في المستشفي
مش دي دكتورة تقي
ممرضه تانيه : اه هي يا عيني جوزها اتجوز عليا الست الي شغلتها في العياده
ممرضه 1 : يا لهوي وانتي عرفتي منين
ممرضه 2 : ناديه اختها جارتنا دي بتقول جاب لها شئ وشويات
ممرضه 1 : لا حول ولا قوة الا بالله
ممرضه 2 : بنت المحظوظه اوعدنا يا رب
ممرضه 1 : اسكتي دكتورة تقي متستحقش كدا دي اطيب خلق الله ناسيه الي بتعمله معانا
ممرضه 2 : عندك حق والله بس قصدي يوعدنا براجل يقدرنا
………………
امجد: دكتورة تقي اذيك
تقي : دكتور امجد اهلا ب حضرتك
امجد: جهزتي اوراقك ولا ايه
تقي : اوراق ايه
امجد: شكلك نسيتي مؤتمر الطبي الي في جينيف
تقي: لاء انا مش هقدر اروح
امجد: فكري دي فرصه ممتازه وانتي محتاجاها انا هروح انا وخديجه
تقي: هفكر يا دكتور واسال بابا
امجد : لسه برضه مفيش امل
تقي: من فضلك يا دكتور الموضوع دا اتقفل وعن اذنك
امجد : اتفضلي طبعا
…………………..
نسرين انتي اول مره تيجي بدري
نسرين: اعمل ايه يا تقي بس عندي حالات كتير انهارده
تقي: طيب لو محتاجه حاجه اساعدك انا انهارده العياده اجازة
نسرين تسلمي يا غاليه والله
تقي : عدي الجمايل دي
نسرين بوتر تقي عاوزة اقولك حاجة
تقي : ايه قولي عاوزة تزوغي خالص
نسرين : لاء تقي عاوزة اقولك ان ……………..
تقي: ايه انتي متاكده
نسرين : تقي بتعيطي ليه تقي تقي اي حد من التمريض يجي يساعدني بسرعه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أزهار الصبار)
