رواية أزهار الصبار الفصل الخامس 5 بقلم ولائيات
رواية أزهار الصبار البارت الخامس
رواية أزهار الصبار الجزء الخامس
رواية أزهار الصبار الحلقة الخامسة
جلست في غرفتها وهي تتذكر
في يوم مصطفي مر عليها في الجامعه لتاخر محاضراتها وكان ذلك اليوم شديد البروده ممطر مطر شديد
حتي وانهم علي الطريق الدائري اصطدمت سيارتهم بشئ ما في الطريق لتختل منه عجله القيادة ويحاول الثبات الا انه ينحرف عن الطريق ويدخل الي منعطف رملي لتغرس به السياره وتتعطل
تقي برعب : وبعدين يا مصطفي هنعمل ايه
مصطفي : اهدي بس متخافيش
تقي: احنا بعدنا عن الطريق اوي وكمان مفيش شبكه
مصطفي : بصي اقفلي علي نفسك العربية واوعي تنزلي وانا هنزل اشوف حاجة نطع بيها من الرمل
تقي: هتبعد لاء خليك انا خايفه اوي
مصطفي: تقي متخافيش طول ما انا معاكي اوعي تخافي عمري ما هسمح لاي حاجة تاذيكي حتي لو انا اقفلي بس لوك كويس
تقي: طيب تمام خلي بالك من نفسك
ليفاجا مصطفي باتنين من قطاع الطرق يعترضونه
م1 : خير رايح فين يا شبح
مصطفي: العربية غرست وانا بحاول اطلعها
م2 : لاء متتعبش نفسك احنا هنطلعها بمعرفتنا اتكل انت
مصطفي: امشي من هنا انت وهو مش عاوز وجع دماغ
م1 ينظر له بسخريه ثم ينظر لم2 بتسليه دا الظاهر مفهمش
م2 : هفهمه بطريقتي ليخرج من جيبه سلاح ابيض
ويصوبه نحوه
هات المفاتيح ياض وهات الي معاك واتكل
م1 : انفد بجلدك بدل ما نسلخه
مصطفي: وانت يلا منك ليه فاكريني هخاف وهتهدد شيل البتاعه دي يا شاطر بدل ما تعورم
م1 الله دا شكله عاوز عوق طيب انا هوريه
م2 : وهو يتجه نحو السياره يالهوي دا معاه حتة بت ايه تهوس
م1 : اه عاوز تتفرد قدام البت طيب يلا يلا بدل ما اشرحك العربية والبت من نصيبنا
مصطفي وهو يهجم عليهم ويحاول ان ياخذ السلاح منهم
تقي تنزل من العربيه وهي تصرخ : مصطفي خلي بالك
مصطفي في لحظة : ارجعي العربيه واقفليها واثناء صراخه وتشتته ب تقي يضربه احدهم في بطنه ويفاجا من بعيد بنور سياره
ليهرب اللصان
وتقع تقي منهاره خوفا عليه وهي تصرح بالم وكل ملابسهم متسخه بالرمال والمطر ودماء مصطفي
وهي تحاول ايقاف النزيف بالبالطو الابيض الذي في حقيبتها ط
لتتوقف السياره فجاه وكانت سياره الشرطه
……………………………………..
نورين : توتو انتي فين بكلمك بقالي ساعه
تقي : ها مفيش افتكرت حاجه
نورين : لاء تقعدي وتحكيلي
تقي : افتكرت كتب كتابي علي مصطفي
نورين : اه بعد ما راح المستشفي والحادثه الي اضرب بمطواه في بطنه فانتي اصريتي تفضلي معاه
تقي: وجدك اعترض بعد مافاق اني افضل معاه وبعدها اصريت اننا نكتب الكتاب
نورين: مش ساهله انتي برضه يا توتو ازاي جاتلك الفكره دي
تقي: وقتها كان هو الامان ليامكنش ينفع اسيبه كان لازم اكون جنبه
نورين : تضحي ان يتعملك حفله ويتكتب كتابك في المستشفي
تقي: لما القلب بيتحكم بيكون المهم انه يرتاحوبعدين ما خلاص كله راح
نورين : بصي انا هختلف معاكي يا توتو طالما بتحبو بعض كدا ما تديه فرصه
تقي: نوري في شرخ كبير اوي في حياتنا بقاله فتره وكنت فاكره اني السبب وبلوم نفسي مكنتش اعرف انه هو له ملجأ غيري نورين انا ومصطفي قضينا نص عمرنا سوا مكنش حد فينا يقدر يرتاح والتاني تعبان فجاه بقي يسافر شغل ويفضل فيه ويتلكك علي تفاهات ويبعد بمزاجه عني ولما انا قررت ابعد بقيت حلوة وميقدرش لا
نورين : غلطه
تقي: مش انا ومصطفي ومش كدا خالص
وبدات تنظر في ساعتها بتوتر
نورين : لسه جدو منزلش وماما وزعتني كنت عاوزة قعد علشان اننقل لك الاخبار
تقي: هروح اشوف بابا
محمود: بابا جاي يشوف القمر ها يا توتو ايه اخبارك انهارده
تقي وهي تبتسم له وتقبل يده : حبيبي الحمد لله
محمود : طيب ايه يا نوري مش هتعملي لي قهوة من اديكي الحلوة
نورين : اه يا جدو يا شقي عاوز تستفرد بالمزةوتوزني بس ماشي هعديها واعرف اني انا برضه الحب الحب
محمود ويبتسم : يا شقيه يلا بسرعه
…………………
مصطفي : في مكتبه يغمض عينيه بالم ويتذكر
فلاش باك
تقي : مصطفي انت بتقول ايه ازاي تفكر كدا
مصطفي : تقي بقول الي من حقك مش هظلمك وتعيشي معايا من حقك تكوني ام
تقي: مصطفي تفتكر ممكن اضحي بيك وانت بالنسبة لي زوجي وحبيبي واخويا والامان الي بيحاوطني
مصطفي: دا كلام مسيرك هتحني لاطفال
تقي : اطفال ايه وافرض جبنا طفل وطلع عاق ولا طلع فاشل ولا طلع مريض
مش هنعترض علي حكمة ربنا هو اراد ان ميكونش لينا اطفال
مصطفي : بس لو انتي
تقي: هتقدر تقولها هتقدر تعيش من غيري هتقدر يا مصطفي
مصطفي : مش هقدر يا تقي بس مش هقدر اعيش وانا حارمك من اعظم شعور في العالم انك تكوني ام
تقي: وناس كتير مبيكونش عندها مشاكل وربنا مش بيكتب لها ان يكون لها اطفال
ادخل يا مصطفي صلي ركعتين ل ربنا نشكره علي نعمته علينا بالصحة والعاميه وان زرع فينا حبنا لبعض ودي نعمهكبيره
ليفيق علي من يقف بجواره
سامح : مصطفي انت مروحتش من امبارح
مصطفي : مش قادر ادخل البيت وهي مش فيه
سامح: ما تروح البيت التاني
مصطفي: البيت السكن والراحه ليا يا سامح هي تقي طول ما هي بعيده عنه مفيش راحه
سامح : ربنا يصلح احوالكم يا مصطفي
مصطفي : خير يا سامح كنت عاوز ايه
سامح: المناقصه الاخيره رست علينا وهنبدا تنفيذ البرامج وانت بصراحه
مصطفي : معلش يا سامح انا عندي انهارده مقابله مع اهل تقي اخلص واروق لك
سامح : ايه صلح
مصطفي : هما عازيني اطلقها وانا استحاله
سامح : والتانيه ايه رايها
مصطفي : معرفش مش بكلمها وعاده هي ممنوع تتصل بيا الا لو في كارثه هي السبب
سامح : كل واحد مسؤل عن قراره يا صاحبي مترميش لوم عليها لوحدها
مصطفي: سامح مش ناقص انا ماشي
سامح : زعلت
مصطي: لاء يا دوب الحق معادي
……………………….
سوسن: مصلح هاتلي تقي يا مصلح
مصلح: سوسن ابنك الي عمل كدا
سوسن : بس انا بجد بعتبرها بنتي الي مخلفتهاش
مصلح : وعلاقتك بيها ملهاش علاقه بيه يا سوسن هي كمان بتحبك اوي يلا ربنا يسامحه بقي
سوسن : ايوه ادعيله ربنا يرد له عقله اوعي قلبك يقسي عليه يا مصلح دا مصطفي
مصلح : انا ماشي مش عارف هوري وشي للناس ازاي
يلا مراد وصل بيرن عليا انا ماشي
سوسن : وصي مراد يصلح ميكسرش يا مصلح اوعو تفرطو في تقي
مصلح: ابنك الي كسر يلا هنقول ايه خلي بالك من نفسك ونهال والولاد شويه وهيعدو عليكي
………………………………….
غادة : ها يا بابا ايه تقي عامله ايه انهارده
محمود: والله يا غاده بتحاول تكون كويسه بس الكاسره الي في عنيها مش هتخبيها عليا انا
عزت : والله يا عمي مش عارف اقول ايه
محمود: ولا تقول ولا تعيد احنا كل طلبنا منه نفارق بالمعروف
عزت : دا اخر كلام يا عمي
غادة : طبعا يا عزت مقول انت الي بتسال
عزت : خراب البيوت مش سهل يا غاده وتقي بتحبه
محمود : هي قالت ان دا قراها ورغبتها
غاده : هفتح الباب
عزت : خليكي انتي دا اكيد مراد وعم مصلح هما قالو هيجو بدري حبه
…………………………………………
الو ايوة يا نوري مبترديش عليا ليه
نورين: ايوة يا اياد في حاجه
اياد: نورين مالك في ايه
نورين : مفيش حاجة انت الي متصل
اياد: مهو بقالك كام يوم مبترديش وحتي في الجامعه بتختفي مش لاقيكي لازم افهم في ايه
نورين: في ان خلاص يا اياد انا شايفه اني اركز في مستقبلي
اياد : نورين ببساطة كدا هركز في مستقبلي وخلاص
نورين ظك ايوة ببساطه هتفضل انت المعيد بتاعي وانا تلميذه
اياد بنرفزه : لاء مهو انا لازم افهم في ايه
نورين : في ان الحب دا اكبر كذبه بتضحكو بيها علينا في انكم انانيين في اني مش هكون ضعيفه واستحمل خيانه
اياد: نورين اكيد في حاجة غلط انا عمري ما خنتك بالعكس انا بحبك وانتي الي ماجله اني اتقدم لك عاوزة اعرف انا عملت ايه او حد وقع بينا
نورين : ايوة انت معملتش حاجه بس انا مش هكون نسخه تانيه من خالتي بعد ما اونكل مصطفي عمله معاها
اياد : ويصمت ليستوعب ما يقال
نورين انا مالي ومال اونكل مصطفي ولا طنط تقي انا بتكلم عني انا وانتي
نورين: انت لو تعرف ان كان بينهم قصه حب كل ناس بتتحاكي عليهم عيونهم نظراتهم لمساتهم خوفهم علي بعض وبعد كل دا اتجوز عليها
اياد : يتنفس بعمق ويغمض عينيه ويمسك شعره بقوه من الامام ويخرج زفير قوي ويحاول ان يجد كلمات لكن كل حروف كلماته تبعثرت
نورين: ياريت بقي متتصلش تاني
اياد: نورين متبقيش مجنونه وتضيعي الي بينا بسهوله انا هسيبك وهنتكلم يا نورين مفهوم
نورين : لاء خلاص انا
يقاطعها اياد بضيق : انا قولك هنتكلم وبعدين انا اياد نصراوي يا نورين وانتي نورين عزت يعني ملناش علاقه بحد انا هقدر حالتك وقربك من طنط تقي وهسيبك بس متتوقعيش اني هسيبك كتير
نورين: وانا قولت قراري
اياد: تقي متخلنيش اقلب عيكي لان انتي عارفه انا مش هسمح اني اخسرك حتي لو انتي عاوزة كدا فياريت نقفل ونتكلم بهدوء وقت تاني يلا سلام
تقي : ليه يا نورين
نورين تلتفت بزعر : توتو انتي هنا من امتي
تقي : من زمان من اول ما سمعت اسمس طبعا انا مش قاصده اسمع كلامك بس لما هلاقيكي بتدمري حبك علشان خايفه بسببي يبقي كان لازم اسمع
نورين: دا اياد اصل
تقي: غادة وابيه عزت قصتهم من وانا لسه طفله وشوفي حبهم حتي بعد ما حصل مشكله ل غاده بعد ولادتك واتمنعت انها تخلف تاني بالرغم انه من اصل ريفي الا انه حبه ليها مقلش
مش كل الناس مصطفي يا نورين
نورين : اونكل مصطفي عنيه كانت بتنطق حب ليكي وبالرغم من كدا
تقي: يا نورين انا واثقه انه بيحبني بس خلاص مبقاش ينفع
نورين: تناقض بيحبك ويخونك ويتجوز عليكي ازاي
تقي: كل واحد له حساباته ومسؤل عنها انا عشت معاه 17 سنه حب وخطوبه وجواز من احلي سنين عمري ولو الزمن رجع هحبه تاني واختاره واسيبه دا قدر مين قالك ان اياد كدا
نورين: ايه دا مين بيخبط هروح افتح
تقي: وكلامنا مخلصش
…………………………
قسمت : مالك يا اياد
اياد: مفيش يا امي
قسمت : صوتك كان عالي وشكلك وعنيك
اياد: ضغط شغل الشركه والكليه وانتي عارفه اني كمان بجهز علشان مسافر
قسمت : بص يا اياد انا هسيبك يا حبيبي وهعمل نفسي مصدقاك ولما تحب تحكي انا هكون فاضيه ليك
اياد: ربنا يخليكي لينا يا امي عن اذنك انا اتاخرت وعندي اجتماع
وانصف من امامها صمتت واخذت نفس عميق : اياد
التفت اليها فاكملت ياريت تاخد السواق بلاش تسوق وانت مجهد كدا متقلقنيش عليك
اياد: حاضر يا امي متقلقيش
قسمت : انا هروح المصنع لو احتاجت حاجه
ابتسم لها ابتسامه باهته واستدار ليخفي المه وانصرف
……………………..
تقي : مين يا نورين
:دا انا
تقي : ايه الي جابك هنا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أزهار الصبار)
