رواية أريدك لقلبي الفصل السادس 6 بقلم ندى أحمد
رواية أريدك لقلبي الجزء السادس
رواية أريدك لقلبي البارت السادس
رواية أريدك لقلبي الحلقة السادسة
-يعني ايه مش هينفع يا مالك !! انت بتهزر صح ! انا كمان شايفه فعيونك اد ايه انت بتحبني ف بطل عند بقا
= انا متجوز يا حور
بضحك – بطل هزار
بس مالك مردش عليها
-مالك لا قول انك بتهزر .. اكيد دي مش الحقيقه .. انت بتحبني واكيد متجوزتش غيري
= فكراني هفضل احبك طول السنين دي ؟ هحب واحده مسحت بكرامتي الارض عشان انا كنت فقير و هي معاها فلوس ؟ فوقي يا حور انا طول السنين الي عدت لما بفتكرك بدعي عليكي
بعياط -بس انا ندمت بعدها يا مالك و دورت عليك كتير عشان اعتذرلك ..
= كملي مع خطيبك يا حور و سبيني فحالي .. هي قصتنا انتهت فاليوم من الي مسحتي فيه بكرامتي الارض
-هتكمل مع واحده مش بتحبها يا مالك ؟! انا واثقه انك مش بتحب مراتك زي م انا مش بحب خطيبي
= حور اطلعي برا عندي شغل
-طيب اخر سؤال و هخرج
= قولي
-متجوز بقالك اد ايه و اسمها ايه
= لما قابلتك هنا فالشركه كان بقالي اسبوع متجوز .. مراتي اسمها مريم .. اهو جاوبتك يلا اتفضلي برا علي شغلك وياريت تبطلي تتحججي عشان تشوفيني لان انا راجل متجوز و الي بتلف حوالين راجل متجوز عارفه كويس بيقولو عنها ايه
حور اتضايقت جدا من كلامه و خرجت من مكتبه ومن الشركه خالص و كانت بتتمشي وحدها فالشارع
حور فنفسها – يعني هو اتجوز و شاف حياته ومش بعيد مراته تكون حامل قريب و انا هسيب الشخص الي بيحبني .. اكيد لا انا هطنشه و كأني مش شيفاه و هكمل مع شادي .. هو الي يستاهل اني اكمل معاه
بعدها روحت بيتها و رنت علي شادي و هو رد علطول
بفرحه ~ ياه اخيرا رنيتي عليا يا حور انتي بقالك فتره متغيره ومش بترني عليا ولا بتردي عليا .. متتخيليش قد ايه فرحت ب اتصالك
لما حور سمعت الكلام الي قاله ضميرها انبأها اكتر انها كانت هتسيبه عشان مالك
-انا كمان فرحت اني سمعت صوتك يا شادي .. ايه رأيك ننزل مع بعض النهارده
~ ربع ساعه وهكون عندك .. جهزي بقا اسماء الاماكن الي نفسك تروحيها النهارده
ب ابتسامه -تمام يا شادي مستنياك
و فعلا قضت اليوم مع شادي و طول اليوم باصه عليه و بتراقب تصرفاته اكتر من الاول .. قررت لما شافت كميه الحب الي فعيونه و فتصرفاته انها خلاص هتكمل مع شادي و هتفكها من مالك الي بكل بساطه اتجوز غيرها رغم انه كان يقدر يوصلها فالتلت سنين دول .. فوجهه نظرها ان حتي لو قالتله كلام جارح اخر مره شافته فيها كان المفروض يحن بعد وقت و يرجع يكلمها تاني
*اليوم الي بعدو*
لبست و نزلت الشغل وهي حاطه فبالها قرار انها هتطنش و تتجاهل مالك وانه بس مديرها فالشغل
قعدت عالمكتب بتاعها وكانو المتدربين الي مكتبهم جمب مكتبها بيتهامسو وبيشاورو علي بنت واقفه فالطرقه عند السكرتيره
-هي مين البنت دي
ردت عليها واحده من المتدربين
£ دي مرات مستر مالك
حور دققت فشكل مراته وكانت حاسه بالغيره .. غيره مكنش ليها ايد فيها ومكنتش تقدر تتحكم فيها ولا تطفيها
حور فنفسها – هي دي الي اتجوزتها يا مالك !
حور كلمت المتدربه الي جمبها -هو ايه اللبس الي هي لابساه دا !! انا افتكرتها واحده جايه تنضف الشركه و كنت مستغربه الكل باصص عليها وبيشاور عليها ليه
£ عندك حق والله مش عارفه اتجوزها علي ايه يعني لا شكل ولا لبس ولا اي حاجه كويسه فيها
-بس عيب بردو نقول كدا .. حرام اولا و ثانيا لو سمحت كدا هتتجرح مشاعرها ..
وقامت بعدها حور من مكتبها و راحت تتعرف علي مريم
-ازيك انا حور
ب ب ابتسامه >وانا مريم
-عاشت الاسامي يا مريم .. شيفاكي مستنيه من بدري هنا
> اه مالك ف ميتنج ومستنياه يخلصه .. كنت جايه عشان اجبله الغدا بدل م ياكل من برا زي كل يوم .. طبختله اكتر حاجه بيحبها ( هي مريم طيبه بزياده ف بتحكي كتير )
-ممكن لو مش حابه تستني اخدها منك و اوصلهاله او اديها للسكرتيره
>ياريت والله يا حور اصل انا سايبه حماتي فالبيت و هي تعبانه ف مينفعش اسيبها كتير وحدها
-خلاص ولا يهمك هاتي الاكل وانا هوصلهوله
مريم شكرتها تاني و مشيت
حور كانت مستغربه اوي من براءه مراته و عرفت ان مالك لما اختار الي هيتجوزها كان اهم حاجه عنده واحده قلبها ابيض ..
مالك خلص الميتنج و بعدها حور دخلتله المكتب
-اتفضل اهو الاكل الي مراتك باعتاهولك .. عشان بس دي امانه ولازم توصلك
مسك منها الاكل و فتحه وهو عينه بتلمع
-هي طبخها حلو للدرجه يعني ؟
= ايوه دا انا بقيت اعمل دايت بسببها كل يوم
-تمام انا رايحه علي مكتبي عن اذنك
وخرجت من المكتب بتاع مالك
قعدت علي مكتبها وهي جواها نار مش قادره تتحكم فيها .. هي قررت تكمل مع شادي وتبعد عن مالك بس باين كدا ان لقلبها رأي اخر
خلصت الشغل و شادي فسحها فالاماكن الي بتحبها بس طول اليوم هي سرحانه
-شادي هو انا لو عايزه اتعلم اعمل اكل اتعلم منين
شادي فرح لما سمع سؤالها
~ ياه اخيرا قررتي تتعلمي الطبخ تصدقي انا بقالي ٣ سنين مستني اسمع منك السؤال دا .. دا انا هكون اسعد واحد فالدنيا لما اكل من ايدك
-لما تاكل من ايد شخص بتحبه دا بيفرح اوي ؟
~ طبعا دا بيكون احلي من اكل احسن مطعم
حور سرحت تاني
حور فنفسها -يعني لو بيحب اكلها معني كدا انه بيحبها ؟ يووه يا حور انتي مالك بيحبها ولا لا .. انا دلوقتي هكمل مع شادي و لازم مفكرش ف مالك .. انتي مش خاينه يا حور
~ حوور سرحتي فيين
-هاه .. لا معاك يا شادي
~ بصي انا هعلمك الاكل .. طبعا انتي عارفه ان هوايتي الطبخ ف اقدر اعلمك لو حابه
-ياريت تعلمني
اتفقو يعلمها الطبخ
اما ف بيت مالك ومريم
مريم كانت مستنيه مالك يرجع من شغله بفارغ الصبر
اول لما الباب اتفتح جريت عليه
>حمدلله علي السلامه يا مالك
=الله يسلمك .. ماما اخدت ادويتها ؟
>اه و اكلت ونامت وكله تمام وكمان حضرتلك الحمام
=تمام تسلمي ..
>ايه رأيك نسهر النهارده نشوف فيلم مع بعض ؟
=عندي شغل الصبح بدري
>طيب سيبك من الاكل الي عملته وننزل نتعشي برا ؟
=مش جاي علي بالي اكل
و دخل الحمام ياخد شاور
اما مريم ف اتضايقت .. كل يوم بيتكرر الكلام دا وكل يوم بتتأكد اكتر انه مش عايزها ولا بيحبها مع ان بقالهم اسبوعين بس متجوزين
بعد الشاور قالها انه تعبان وعايز ينام و سابها وهي متضايقه اكتر
*اليوم الي بعدو *
راحت الشركه وهي مصره المرادي انها متبصش اصلا علي مكتب مالك ولا تفكر فيه
>ازيك يا مريم
رفعت راسها عن المشروع الي بترسمه و شافت مريم
-ايه دا ازيك يا مريم .. مفاجأه حلوه
بس كان باين علي مريم انها كانت بتعيط
حور اخدتها علي جمب
-مالك يا مريم ؟ كنتي بتعيطي ؟!
>انا سبت حماتي نايمه ونزلت من البيت عشان اشوفك .. عارفه انها حاجه غريبه اني اخدت عليكي بسرعه بس انتي اول حد تعامليني بلطف . دايما البنات التانيين بيتريقو عليا ..
حور لما شافت مريم فالحاله دي صعبت عليها وقررت تساعدها
-طب تعالي نخرج من الشركه وقوليلي ايه مضايقك
خرجو من الشركه و راحو لمطعم عشان يتغدو بالمره
-ها ايه مضايقك يا مريم .. احكيلي وهشوف معاكي حل
> مالك يا حور .. مالك بيطنشني اغلب الوقت ومش بيرد علي مكالماتي مع اننا عرسان جداد . انا كنت فاكره الاول انه عشان مشغول بس طلع انه قاصد .. بيرجع البيت كل يوم متأخر عشان اكون نمت ومتكلمش معاه و بيخرج من البيت الصبح بدري قبل لما اصحي .. متخيله اد ايه هو مش طايقني يا حور ؟!
تفتكرو حور هتساعدها ولا هتستغل انها اتأكدت انه مش بيحب مراته و تتقرب اكتر من مالك وتسيب شادي ؟
يتبع…
لقراءة الفصل التالي : اضغط هنا
الرواية كاملة اضغط على : (رواية أريدك لقلبي)
