رواية أرض الهلاك الفصل التاسع 9 بقلم رشا منصور
رواية أرض الهلاك الجزء التاسع
رواية أرض الهلاك البارت التاسع
رواية أرض الهلاك الحلقة التاسعة
قمرالزمان. …
كنت ببكي ع حالي أنا إيه اللي رماني هنا كله بسببك يا كهرمان لو مكنتش سمعت كلامك كان زماني مع ولدى السلطان ياتري عامل إيه دلوقتي وبصيت ع التنين ولقيته بصلي
وسمعت صوت بيقول أهدي ومتبكيش قولت له أنت بتتكلم ولا أنا بيتهيقلي وبتكلم ازاى زينا كدا واستغربت لما قالي أنه 😲
لقيته قالي أنه جن مسحور وخادم للساحرة وعايش هنا من فترة ومقدرش اعمل حاجه غير إنى انفذ أمر الساحرة ولكن بأيدك أنتى تنهي الأمر ده لو عرفتي تفكي السحر وقتها هرجعك المكان اللى تقولى عليه قولتله طب ما تساعدنى وتعرفني مين السبب فى وجودى هنا قالي أنا خادم وليس لى حق ان أفصح عن شخصيتها
وردشان….
قولت ل رسلان انت بدور ع قمرالزمان عاوز تتجوزها ولا عاوز ملك السلطان لقيته قالي
رسلان….
مينفعشي اكون سلطان. إلا لما اتجوزها لولا كدا مكنتش دورت عليها بس عاوز أعرف طريق نجم الدين عاوز اخلص. عليه
ولو تدليني ع طريقه لكي كل اللى تطلبيه
وردشان….
لو ياسمين سمعتك كانت هى اللى خلصت. عليك
قولت له بس قمرالزمان اتخطفت’ وهى فى مكان ونجم الدين فى مكان ولازم تختار واحد من الاتنين
سرحان….
مكان الأميرة هو الأهم من غيرها مش هتوصل لحاجه وبعد كدا نجم الدين مسيره هيظهر ويبان يا أمير رسلان
رسلان…
تمام زى ما قال سرحان عرفيني فين قمرالزمان ومين اللى خطفها’ وعاوز منها إيه وياتري هو عارف هى مين
وردشان. …
اللى خطفها’ مش فارق معاه هى مين لأنها اطلبت من الجا’ن وهما اللى خطفو’ها هدلك ع المكان ولازم انت اللى تروح هناك لوحدك
وخدته وفضلت ماشيه معاه لحد ما وصلت ل بوابه جبل الظلام.
وقولت له إيدك ع الفلوس وأدخل البوابه هتلاقي الأميرة عند الجبل التالت وهتطلع قدامها بطل وانا هنا دوري أنتهي
ده كان اتفاقي مع ياسمين علشان تخلص. منه لكن لقيته قال…
صفوان….
من زمان وأنا أسمع عن جبل الظلام. أنه أرض الجا’ن هو أنا صحيح نفسي أخلص من رسلان لكن بعد ما اضمن حياة الأميرة الأول علشان كدا خدت الأمير ع جنب وقولت له الست دى بدلك ع الهلاك. جبل الظلام. ممنوع دخول فيه اى إنسان لازم اللى يدخله يكون من الجا’ن ولو لازم تدخل يبقي هى معاك
رسلان….
فكرت فى كلام صفوان الست دى هى اللى نادت عليا وهى اللى قالت أنها هتساعدنى يمكن تكون متسلطه’ من نجم الدين ويمكن بردو تكون صح علشان كدا قولتلها أنا هديكي فلوسك بزيادة بس بعد ما تجبيلي قمرالزمان أنا مش هتنقل ولا هروح فى اى مكان
وردشان….
إيه المصيبه’ اللى وقعتيني فيها دى يا ياسمين قولت له وأنا مالي هو أنا اللى عوزاها ولا انت ولو ع الفلوس خليهالك واختفيت’ من قدامه وروحت ع ياسمين حكيت لها اللى حصل وقولتلها أنا ماليش دعوة وهختفي من البيت كمان علشان ترتاحي عفان لو عرف مش هيرحمني. دماغك هتودينا فى دا’هيه ومشيت من قدامها وسيبتها
نجم الدين ….
طلعت ع الصخور وحاسس بسخونه كأن الحجارة من النا’ر وفجأة لقيت الحجارة بتوقع كلها مبقاش فاضل غير جسر رفيع فضلت أجري عليه واطلع لحد اخرحجر وببص لقيت نفسي ع فواهه بركان. وكنت خلاص هقع وفضلت ادور ع طريقه توصلني للجهه التانيه علشان أكمل
ياسمين….
طلعت البلورة وطلبت التنين وشوفته وشوفت قمرالزمان وكانت قاعدة تبكي وطلبت أشوف نجم الدين ولقيته قرب لها لآ مش بعد كل ده مش ممكن وطلبت من التنين ينقلها بس المرة دى لأرض الهلاك. أنا زهقت منها ولازم ارتاح وأخلص من وجودها والمرة دى مش هتقدر توصلها يا نجم الدين اة 😟
عفان….
كنت حاسس إنك وراء كل اللى بيحصل أنتي يا ياسمين ليه كل ده علشان ابن عمك أنتي عارفه أنه عمره ما هيتجوزك بسبب اعمالك دى ودلوقتي إنتي هتكونى سبب فى موته. مافيش حد رجع من جبل الظلام. ليه تعملي كدا هتستفادى إيه
قمرالزمان. …
كنت ببكي ع حالي ووحشني أوى السلطان ياتري عامل إيه فى بعدي وياتري يا نجم الدين بتدور عليا ولا خلاص زهقت وهتنساني 😔 وببص لقيت التنين وقف وقالي جاتلي أوامر جديدة استعدى يا أميرة ولقيته شالني برجله وفرد جناحه وبيطير فوق البركان. صر’خت ومسكت فى رجله وخو’فت ببص لقيت نجم الدين ناديت عليه….
نجم الدين….
وأنا واقف والحجارة مو’لعه نا’ر وأى حركه ممكن توقعني فى البركان. ببص لقيت التنين بيطير وشايل قمرالزمان وشافتني وفضلت تنادى عليا وقالتلي أعرف مين اللى سحرني وقتها هو هيرجعني أتصرف بسرعه قبل ما يمو’تني نزلت جري ع الحجارة وعديت الجسر وفضلت أنزل لحد ما لقيت نفسي واقف قدام الحيطه ومرة واحدة اتفتحت البوابه ولقيت الخادم بيقولى أنا شوفت التنين ومعاه الانسيه وطار هتعمل ايه قولت له رجعني لاصحابي عاوزين نخرج قوام لازم أرجع للغابه السودة عند عمي عفان
خادم الجا’ن. ..
هوصلك لأصحابك لكن عندى أمرمن عفان إنى احميك وفى ع بوابه الخروج ناس عاوزة تخلص’ عليك
نجم الدين ….
طب مينفعشي تخرجني من مكان تاني قالي ممكن اوديك ع سكه بس آخرتها بالقرب من شمال الغابه السودة عند الشط …
رسلان….
بعد اختفاء الساحرة وردشان شكرت صفوان قولت له لولاك كان زمانى انتهيت بس دلوقتي هنعمل إيه ولقيت سرحان قالي مش هنسيب نفسنا للساحرات يلعبوا بينا أكيد نجم الدين هيرجع لسفينته تعالى ندور عليها وننتظره هناك
ولقيت صفوان قالي فكر سليم ننتظره اليوم ولو مرجعش نرجع الجزيرة أكيد هو خاطفها’ علشان عاوز فديه.
وهنا افتكرت الرساله وقولت لهم يلا بينا وسألنا ع البحر منين وابتدينا نتجه لهناك وأنا عمال ارتب هعمل إيه مع السلطان.
سرحان….
كنت عاوز أبعد رسلان بأى شكل عن هناك وبالذات من بيت عم عفان مدام فى حمايه. حوالين البيت يبقي اكيد نجم الدين وقمرالزمان هناك وعلشان نوصل للشط فيها مشي لحد الليل يكون نجم الدين قدر يهر’ب لأي مكان
نجم الدين. …
لقيت خادم الجا’ن قالي يلا بسرعه واخدت البحارة وطلعنا عند البحر وقولت له ليا عندك طلب
خادم الجا’ن. …
لو طلبك إنى اوديك للتنين يبقي الطلب مرفوض
نجم الدين …
لآ أنارشامنصورعاوز منك تجيب ليا صديقي علاء الدين محتاجه معايا وقالي طلبك مجاب وفى أقل من دقيقه لقيت علاء قدامى وبعدها قالي أنا دورى هنا أنتهي وأختفي
طلبت من حمدان ياخد البحارة ويطلع بهم السفينة ولقيت سفروت وصابرينا قولتلهم يلا بسرعه اطلعوا من هنا وأنا هعرف اوصلكم
علاء الدين….
أنا إيه اللي جابني هنا مين نجم الدين هو إيه اللي حصل وأنا هنا بعمل إيه
نجم الدين ….
عاوز منك خدمه يا صاحبي الأول قولي فين البساط السحري ولقيته قالي أنا كنت نايم لقيت اللي شالني وجابني هنا بس سهل اجيبه لكن عاوز منه إيه قولى الأول وفهمني وابتديت أحكي له الموضوع
عفان…..
اتفضلي أمري الخادم بتاعك يجيب قمرالزمان هنا قبل ما نجم الدين ما يوصل ويعرف حاجه وأنا هعرفه انك ساعدتى فى انقا’ذها
ياسمين….
كنت عارفه ان كل اللى يهم أبويا حياة الأميرة لكن مش فارق معاه حبي ل نجم الدين وانى عوزاه ليا علشان كدا قولتله أنا عملت السحر ان هى بس اللى هتقدر تفكه وأنا ماليش سلطه. عليه كنت عامله حساب أنك ممكن تعرف الحقيقه وتحاول ترجعها لكن دلوقتي ولا انت ولا غيرك هيقدر يعمل لها حاجه
أنا أخري اراقبها وبس ومافيش فى أيدي حاجه تنقذ’ها.
عفان….
مكنتش عارف أنى مخلف شيطا’نه مش بتفكرغير فى نفسها وبس وفضلت اضر’ب فيها وقولت لها حتى لو نجم الدين طلب يتجوزك أنا اللى هرفض فاهمه تبقي خلي السحر بقي ينفعك واحدة غيرك كانت اتعلمت من اللى حصل ل امها لكن إنتي الغير’ة هد’مرك
ودخلت حجرتي ووقفت قدام المرآيا المسحورة كنت عاوز اطمن ع نجم الدين ولقيته واقف عند أول الغابه السودة اطمنت أنه خرج بسلام من جبل الظلام ‘
علاء الدين….أنا بردو مفهمتش إيه المطلوب مني
نجم الدين….
ابدا مش مطلوب منك غير أننا نطلع رحلة بسيطه بالبساط السحري وبما أنه مش بينفذ غير اوامرك انت وبس اتفضل بقي هاته عاوزين نلحق التنين بسرعه
علاء الدين ….
هو انت متخيل إنى هروح وراء التنين ليه هو أنا لقي عمري بص يا نجم الدين انت صاحبي وحبيبي ونفسي اخدمك لكن بعيد عن التنين واطلب
ده ممكن بنفخه واحده منه يحر’ق ليا البساط تقدر تقولي ساعتها هنرجع ازاى ده لو فضلت وقتها سليم وبدل ما تبقي واحدة بس اللي معاه هيبقي إحنا التلاته
رسلان….
فضلت ماشي السكه بعيدة قولت لهم مش قادر خلينا نرتاح ولقيت صفوان قالي الليل قرب تعالي نرجع لطريق أرض النعمان ومنه للجزيرة إحنا ممكن نكون هنا وهو سافر لهناك
فكرت فى كلامه وقولت عنده حقه الأيام عماله تعدى وقربت المدة تنتهي وأكيد هيروح للسلطان زى ما قال وهيطلب المال يبقي اكيد فعلا هو فى طريقه للجزيرة قولت لهم تمام نرتاح ومن أول النهار نرجع لأرض النعمان بس نسأل أكيد فى طريق تانى مختصر
نجم الدين ….
لقيت كلام علاء الدين منطقي وبدل ما ننقذ قمرالزمان نتحجز معاها وقعدت ع الشط وعلاء الدين قالي عاوزين نراجع كل حاجه حصلت معاك من أول ما وصلت للغابه السودة وقتها هنقدر نعرف مين اللى عمل السحر وأكيد ساعتها هنلاقي اللى يقدر يساعدنا
قمرالزمان. …
التنين فضل طاير بيا مسافة طويله وفجأة نزلني إيه ده اللى أنا شيفاه 😲
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أرض الهلاك)
