رواية أحلام الزين الفصل الأول 1 بقلم زهرة الربيع
رواية أحلام الزين الجزء الأول
رواية أحلام الزين البارت الأول
رواية أحلام الزين الحلقة الأولى
ابوها ضر،،بها قلم قوي وقال بغضب..اخرسي يا فاجره يا خاطيه..انا كنت عارف انك كيف امك ما انتي ربايتها مش كفايه هربت بيكي وفضحكتني في حياتها لا كمان حتى بعد مماتها دلتك على طريقي علشان تجرسني في مماتها كمان
البنت قالت ببكا يا بابا امي الله يرحمها دخلها ايه دلوقتي انا الي دورت عليك بعد ما هيه ماتت ..ولا عايز تسيب بنتك في الشارع
ابوها قال بغضب..لا متفضليش في الشارع ..تاجي تقرفيني وتجرسيني ..٣ سنين وانا حابسك وخايف لتعملي زي امك وبرضو فضحتيني و بعد ما خطيتي معاه وكل البلد عرفت بتقولي متجوزهوش بدل ما تحمدي ربنا انو وافق يتستر عليكي.
نزلت دموعها بحسره وقالت…امي كان معاها حق تهرب منك..كان معاها حق
ابوها لسه هيضربها تاني جريت عليها جدتها وقالت..بس يا عتمان همل البت..سيبها خلاص هيه هتتجوزو واكفياك فضايح عاد
بقلم…زهرة الربيع
ابوها قال بغضب…كتب كتابك على زين القاضي اليله..ورجلك فوق رقبتك
قال كده ومشي والبنت حضنت جدتها وبقت تبكي بقوه
جدتها قالت بدموع..بس يا احلام يا بتي بس استهدى بالله
بالليل احلام جهزت وبقت عروسه زي القمر وكانت قاعده بغضب وكل ما تفتكر انها هتتجوزو بعد الي عملو فيها تبقى هتتجنن اكتر
زين جيه ونزل بجلابيتو البيضه وعبايته وكان شاب في ال٢٧ بملامح رجوليه جذابه جدا طلع سلاحو وضرب في الهوا والرجاله بقت تحيه بنفس الطريقه ودخل بفخر ..وتم كتب الكتاب وانطلقت الزغاريد
بعد ما خلصو كتب الكتاب طلعت احلام وابتسم زين بمكر واخدها من ايدها وركب عربيتو وطلع بيها على البيت
بعد شويه كانو وصلو دوارالقاضي واستقبلوها اهلو بالترحيب والاحضان
وزين قال..بس كفايه اتعرفو عليها الصبح ..الليله مشغولين
واخدها من ايدها وطلع بيها تحت ضحكات اهلو وتحت انظارها الغاضبه جدا
وكمان انظار بنت واقفه عند السلم ومسلمتش عليهم ابدا وبقت تبصلهم بغضب شديد ودخلت اوضتها
اول ما دخلو اوضتهم زين قفل الباب وفرك ايده بحماس ورفع الطرحه من على وشها وقال..نورتي دارك يا عروسه
احلام بصتلو جامد وابتسمت بطريقه تخوف وسحبت سكين مخبياها في فستانها وفاجأتو لما ضربتو بيها بقوه في جمبو وقالت…بنورك يا عريس ووووو
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أحلام الزين)
