رواية أحفاد الطوبجي الفصل الرابع عشر 14 بقلم أميرة أسامة
رواية أحفاد الطوبجي الجزء الرابع عشر
رواية أحفاد الطوبجي البارت الرابع عشر
رواية أحفاد الطوبجي الحلقة الرابعة عشر
🔥إنقلاب🔥
أحياناً الصدمه بتكون كفيله انها تفقدنا النطق وتلغي تفكيرنا و كل انفعلاتنا وردود افعالنا بتكون غير مفهومه لغبطه و توتر حتى حركه أجسامنا بتتحول للغه غريبه حتى عيونا نظرتها بتتغير ومن دون قصد بتتحرك في كل الاتجاها الف مره في الدقيقه الصدمه كفيله تعمل ((إنقلاب))
في كيان أي بني ادم👌
…………..
حست زهره انها مش قادره تستوعب الصدمه الرقم طلع لفريده ومكانش مجرد اسم دي طلعت فريده نفسها اخر حاجه كانت ممكن تتوقع ان فريده بعد العمر ده كله تظهر من جديد في حياتها
اول ما حست ان قاسم خلاص هيخرج
بسرعه قفلت الموبايل وحطته جمبها وشدت البطانيه عليها وعملت نفسها نايمه نفسها كان بيعلى ويهبط بصوره مخيفه حركه عينها واضحه وهي مغمضه
خرج قاسم من الحمام وبعدين راح قعد على السرير بص على زهره وهو لسه مش قادر يصدق انها تكون وجعته بالشكل ده سند راسه على ضهر السرير
وغمض عينه وأفتكر لقائه مع فريده
فلاش باك.
فريده….خير يا قاسم في ايه تاني؟
قاسم…تعبان يافريده في وجـ ـع غريب جوايا يومين بالظبط حاسس ان حياتي اتحولت لجحيم
فريده….قولتلك بلاش تعرف يا قاسم
قاسم…مكانش ينفع مين فينا بيبقى عارف ان في حقيقه غايبه عنه بقالها عشرين سنه ومبيحاولش يعرفها
فريده….الفضول متعب يا قاسم انا حذرتك قولتلك ان مش كل الحقايق بتريح وسبق ودمرت حياتي💔
قاسم….طيب اعمل ايه يا فريده الغريب ان انا لما تعبت لقيت نفسي من غير ما احس بجيلك طول العمر اللي فات مكنتش بروح غير لزهره الوقت مش قادر
فريده….خلاص لو راحتك في الكلام معاها روحلها يا قاسم واتكلم معاها
قاسم….خايف يا فريده
فريده….من ايه خايف تأكدلك كلامي ولا خايف اكون انا بضحك عليك ولا خايف من رد فعلك
قاسم….خايف من كل حاجه من يوم ما زهره دخلت حياتي يا فريده وانا حياتي كانت هاديه وبسيطه اول مره احس اني خايف مش مرتاح فريده انا من امبارح مش في حالتي الطبيعيه عصبي زياده عن اللزوم وانهارده اول مره في حياتي اتعصب على حد من اخواتي اتعصبت على ياسين اخويا بخصوص حاجه في الشغل يعني غلط غلطه مش مقصوده وممكن تعدي بس انا معدتهاش والمشكله اني كلمته بالشكل ده قدام الكل وقدام مراته و وجعته بقيت خايف كمان علاقتي تتهز بأقرب ناس ليا
فريده….وليه كل ده يا قاسم انت طلبت تعرف حاجه حذرتك وانت صممت لازم تكون قد اللي حاولت تعرفه مش كل الحقايق هتكون على مزاجنا كمان مينفعش يا قاسم ان وجعك تطلعه على اقرب ما ليك في النهايه انت ملكش غيرهم حاول تهدأ يا قاسم
قاسم….اكتر من كده
فريده….وهو فين ده الهدوء انا شايفه قدامي واحد بيدمر نفسه حاسه اني شايفه نفسي لما كنت في مكانك قاسم انت واقف بين طريقين حيران وده مينفعش لازم تاخد خطوه يا تنسى وتعدي وتكمل يا تواجهه عشان ترتاح بس في كل الاحوال لو ناوي تواجهه حط في دماغك حاجه ملهاش تاني انك هتفضل مكمل عشان ولادك على الاقل
عشان العشره عشان حجات كتير اوي
انت تعبت يا قاسم زمان لما سيبتني وقررت تحرمني من الدفاع عن نفسي وتحرم نفسك من معرفه الحقيقه انا قولتلك بلاش تواجه زهره عشان مش هتستفاد حاجه وعشان خايفه منك يا قاسم وخايفه تاخد خطوه غلط تبوظ بيها حياتك بس لو سكوتك هيخليك بردوا تبوظ حياتك يبقى اتكلم يمكن اللي انا خايفه منه ميحصلش ويمكن زهره تقدر تدافع عن نفسها وتبرر اللي عملته اديها حق الرد اللي حرمتني منه يا قاسم💔
قاسم….انا اللي مخليني واقف و مش عايز أواجه اني محتاج افكر محتاج اكون اهدأ عشان لما اتكلم معاها اقدر اسمعها انا جوايا نار يا فريده وواثق اني لو اتكلمت معاها الوقت النار دي هتحرق الكل يمكن زمان غير الوقت زمان انا قررت ابعد من غير ما اسمع بس الوقت مش هينفع اعمل كده لازم اسمع ولازم أواجه انا اتغيرت يا فريده
فريده….يبقى من هنا لحد ما تقرر تتكلم يا قاسم لازم تكون هادي خصوصاً مع الاشخاص اللي ملهمش اي ذنب مشاكلنا مينفعش غيرنا يشيلها
قاسم….ليه بتدافعي عن زهره وهي اكتر حد اذاكي ؟
فريده….قولتلك عشان عمري ما كرهتها زهره وجعتني اوي واكتر وجـ ـع ممكن تحس بيه من الشخص اللي بتحبه قولتلك زهره مش طبعها الخيانه لكن لما جالها فرصه تاخد اللي بتحبه جات على اكتر حد كان بيحبها في حياته يمكن موجوعه منها بس مش بكرهها لكن كمان متمناش اني اشوفها لحد ما امـ ـوت عشان لو شوفتها مش هستحمل مش بتمنالها الاذى ولا بتمنى حياتها تدمر زي ما هي عملت لكن كمان زهره بالنسبالي صفحه واتقطعت من حياتي لاخر يوم في عمري متمناش ان طريق واحد يجمعنا💔
بصلها قاسم وسكت💔
باك…..
فاق قاسم من شروده وهو باصصلها واتنهد تنهيده طويله وبعدين نام واداها ضهره وحاول ينام💔
……………
في غرفه زيد وصبا
كان باين على صبا التعب وحاسه انها مش مرتاحه بتحاول تنام بس في ألم شديد في ضهرها قوي جداً
كل شويه تقوم تزود وراها مخدات وترجع تشيلها مكانتش مرتاحه
زيد….حس بحركتها فتح عينه وبصلها باستغراب صبا انتي بتعملي ايه يا حبيبي
صبا….هااا مفيش بس ضهري واجعني ومش مرتاحه في النوم انا اسفه صحيتك
زيد…لا يا حبيبي انا لسه مروحتش في النوم بس حاسس انك مش طبيعيه ضهرك ماله في ايه
صبا….مش عارفه وجـ ـع غريب اوي حاسه ان كل عضمي واجعني ممكن يكون من الحمل
زيد….تحبي طيب نروح لدكتور
صبا…لا لا مش مستاهله ده وجـ ـع كأني عامله مجهود او واخده بارد في عضمي و روح كمان قالتلي انه من الحمل متقلقش
زيد….بردوا لازم نطمن بكره ان شاء الله نروح ونشوف الدكتور هيقول ايه اهو على الاقل نطمن ومتبقيش تعبانه بالشكل ده
صبا….ماشي بس متقلقش كل الحكايه ان مفيش نومه مريحاني بس
ابتسم زيد بحب وقام من مكانه راح ناحيتها وشال المخدادت كلها
صبا….بتعمل ايه ده انا اللي حطاهم عشان ضهري يرتاح
زيد….انتي مش عايزه ترتاحي؟
صبا….اه
زيد…طيب انا هريحك😉
طلع زيد وراها فرد رجله وسحبها على صدره وبقت نايمه بين رجله
ابتسمت صبا بحب ورفعت راسها بصتله
صبا….يعني هتفضل نايم كده للصبح😂
زيد….والله لو النومه هتريحك انا مستعد انام كده لحد ما تولدي😉
صبا….بضحك طيب ونيتك سليمه ولا لا
زيد…بحب ضحك لا والله سليمه هو ميمنعش يعني ان النومه عجباني😉 بس المقصود بيها راحتك
لفت صبا وشها ونامت على بطنها وهي بتضحك وحضنته من وسطه
حضنها زيد من رقبتها وفضل يلعب في شعرها بحب لحد ما راحت في النوم قفل النور وسحب الغطاء عليها ونام هو كمان❣️
…………………
في تركيا
خرجت مريم من اوضتها تشوف نادر بيعمل ايه لمحته قاعد قدام التلفزيون ونايم كانت حاسه بملل
راحت قعدت جمبه بهدوء
مريم….نادر نادر حبيبي
نادر….امممم
مريم…ناااادر🤨
فتح نادر عينه ورجع غمضها
نادر….ايوه يا مريم في حاجه
مريم…اه قوم بسرعه الحقني
فتح نادر عينه بخـ ـوف ايه مالك انتي تعبانه ولا ايه
مريم…بإبتسامه جميله لا زهقانه🙈
نادر….انتي بتهرجي خضتيني والله
زهقانه من ايه
مريم….مش لاقيه حاجه اعملها وانت نايم وسايبني
نادر….بارهاق قام سند ضهره وعدل التيشرت وبصلها طيب عايزه ايه يا قلبي
مريم….ما تيجي نخرج نتمشى
نادر…الوقت يا مريم ده الوقت اتأخر ومش هنلاقي حاجه فاتحه وبعدين انتي متعبتيش من الخروج يا قلبي
مريم…..لا متعبتش 😞 وبعدين هو في حاجه نعملها غير اننا نخرج وانت من الصبح كل شويه تقوم وتنام ومش لاقيه حاجه اعملها ولا حد اكلمه😞
نادر…بابتسامه حب مد ايده ورجع شعرها وراء ودنها طيب يلا قومي البسي وهنخرج نتمشى
مريم….بجد😍
نادر….بجد❣️ بس البسي كويس الجو بره متغير
مريم…طيب هتقدر تخرج وانت تعبان
نادر….انا مش تعبان وبعدين اكيد مش هسيب حبيبي زهقان وانام يلا قومي
قربت منه مريم باسته في خده وطلعت جري تلبس
ابتسم نادر وحط ايده على خده وبعدين قام لبس
بعد وقت بسيط كانوا بره
مريم….هي الدنيا ساكته كده ليه
نادر….مش قولتلك هنلاقي كل حاجه قافله
مريم….بس الساعه لسه اتنين
نادر….هنا غير مصر يا قلبي
مسكها من أيدها وراح قعد بيها على البحر
مريم….البحر صوته حلو اوي
نادر….الجو كمان برد بس جميل
مريم….تعرف ان روح والبنات وكلهم وحشوني اوي
نادر….ايه لحقتي زهقتي مني يابت🤨
مريم….لا والله بس بجد هما وحشوني اوي عارف يا نادر انا عمري ما حسيت بالعيله و الدفا والامان غير لما بقيت وسطكم يمكن سبب دخولي وسطكم هو حبي ليك بس لما بقيت معاكم كلكم
حبيتهم بجد و حسيت اني منهم وانهم عيلتي كل واحد فيهم سواء اخواتك او البنات وحتى مراد وداوود كل واحد فيهم ليه شخصيه وطبع وطريقه عارف يعني ايه تبقى عايش مع ناس بتشوف الحب والحنيه والضحك والدلع والهزار العقل الجنان الحكمه الامان الراحه كل واحد فيهم واخد صفه احلى من التانيه
نادر…بحب طب وانا يابت واخد ايه😉
مريم…بحب انت واخد قلبي
نادر….ياسيدي على الكلام لف ايده على ضهرها وخدها في حضنه
مريم….ده مش كلام يا نادر والله دي حقيقه فاكر يا نادر لما كنا مع بعض هنا وعرفت انك رجل اعمال وقولتلك اني مش مصدقه انك رجل اعمال عشان معلوماتي عنهم غير اللي شيفاه
نادر….بضحك اه يومها قولتلك انك متأثره بالمسلسلات😂😂
مريم…..بس انا مكنتش متأثره بأي مسلسلات وكان في حياتي رجال اعمال دمروني اولهم بابي بس بجد لما عاشرتكم ودخلت حياتكم اتأكدت من كلامي رغم انكم من اكبر رجال الاعمال ألا اني بحسكم ناس طبيعيه وجميله قلبهم مفيش زيه فيكم كل الصفات الحلوه عمري ما حسيت فيكم بالغرور او التكبر
نادر…..ما انا قولتهالك يا مريم ابويا جابها من تحت اتربينا بالاصول اللي هو اتربى عليها كمان وجود روح في حياتنا ساعدنا كتير ان شخصيتنا تكون زي ما انتي شيفاها كده
مريم….روح دي مفيش منها بجد بحبها اوي ❣️
نادر….وهي كمان بتحبك اوي
فضلوا قاعدين فاتحين قلوبهم لبعض وبعدين بصتله مريم
نادر….بضحك خير عارفها البصه دي وراها حاجه🤨
مريم….انا جعانه🥺
نادر….بحب مش ملاحظه ان طلباتك كتير انهارده🤨😉
مريم….طيب اطلب من مين غيرك
نادر….مفيش طبعا تقدري تطلبي من غيري طيب عايزه تاكلي ايه
مريم…اي حاجه اصلاً مش هنلاقي حد فاتح نجيب منه
نادر….عادي نعمل احنا في البيت
مريم….نعمل🙄 يبقى هترسي على جبن😂😂🙈
نادر…مين ده يابت عيب عليكي انتي معاكي نادر الطوبجي
مريم…متفتحش صدرك اوي كده هتدبس في الاخر🙄
نادر….وانا موافق يا ستي يلا بينا هعملك احلى اكله😉
مريم….اما نشوف يلا😍
راحوا مع بعض على البيت
فتح نادر التلاجه لقى عجينه بيتزا جاهزه وجبن كتير بصلها بابتسامه
نادر….تاكلي بيتزا
مريم…..ماشي😍😍😍
نادر….يبقى بيتزا😉 وقف نادر قطع الخضار و بدأ يظبط البيتزا وبعدين حطها في الفرن وهي واقفه جمبه تتفرج عليه شويه والبيتزا خرجت
مريم…شكلها حلو اوي وريحتها جوعتني اكتر تسلم ايدك بجد😍
نادر…بألف هنا يا قلبي بس انا معملتش حاجه دي العجينه جاهزه 😉
مريم….بردوا تسلم ايدك وبما انك عملت الاكل بعد الاكل لو حابب تسهر يبقى السهره عليا😍
نادر….ياسلام طبعاً حابب نجيب فيلم حلو ونسهر سوا
مريم…ماشي😍
كلوا مع بعض وبعد الاكل قامت مريم شالت كل حاجه عملتله قهوه وبعدين رجعت على المطبخ طلعت فاكهه و عملت فشار وعصير وظبطت كل حاجه راحت حطتهم على التربيزه
نادر….ايه ده كله ❣️
مريم….اي خدمه❣️ هروح بقى اخد شاور واغير هدومي تكون شوفت فيلم حلو
نادر….تمام
طلعت مريم اوضتها حطت أيدها على قلبها بخـ ـوف جواها مشاعر كتير متلغبطه محتاجه تسعد نادر وفي نفس الوقت قلقانه متقدرش تتخطى خوفها لكن هي كانت مقرره تكسر الخـ ـوف وتكسر الوجـ ـع اللي عزيز سببهولها واكتر حاجه كانت كانت مخلياها تاخد القرارا ده هو صبر نادر وتحمله وتفهمه لحالتها اللي اظهرت حبه ليها بجد❣️
فتحت الدولاب طلعت منه لانچيري اسود قصير ابتسمت بهدوء وكانت واثقه ان نادر هيتفاجئ دخلت خدت شاور ولبست خرجت ظبطت شعرها وحطت برفيوم حلو وحطت ميكب بسيط جداً وهادي وبعدين خدت نفس طويل اوي وفتحت الباب ونزلت بهدوء
كان سرحان ومركز مع التلفزيون بيدور على فيلم.
نزلت وقفت قدامه ومشيت بخطوات بسيطه قلبها كان بيدق بعنف وشبح ابتسامه مخلوطه بالاحراج على وشها
نادر….بصلها وبعدين لف وشه للتلفزيون تعالي يامريم شوفي الفيلم ده هيعج😳
بصلها تاني بسرعه وهو مصدوم
ابتسمت بهدوء وراحت قعدت جمبه من غير ما تعلق على صدمته
مريم….فيلم ايه ده🙄
نادر….😳😳😳😳ها
مريم…بابتسامه بقولك فيلم ايه
بلع نادر ريقه بصعوبه وبص على التلفزيون اااا مش عارف اقصد حلو شوفته قبل كده مره و هيعجبك🙈
حاولت تركز مع الفيلم وهو كمان لكن مكانش قادر بصلها بطرف عينه وفضل باصصلها وساكت
بصت عليه مريم وأبتسمت بإحراج
نادر….بضحكه جميله طب ليه كده 🙈
مريم…هو ايه🙄🙈
نادر….شكلك حلو اوي
مريم….قول والله❣️
نادر….بصلها بحب والله❣️ بس يعني
مريم….بس ايه🥺
نادر….انتي عارفه انا هيحصل فيا ايه عشان اقدر اقاوم اللي انا شايفه ده😉 انا مش بأنب ضميرك على فكره انا بس بعرفك اني راجل بيستحمل😉😂😂
مريم….بس يعني انا ميهونش عليا تستحمل🙄🙈
نادر….🙄🙄😳تقصدي ايه؟
مريم….بإحراج ابتسمت وسكتت وبعدين رفعت ايده ودخلت جوه حضنه وغمضت عينها انا محتاجه اكون في حضنك اكتر ما انت محتاج كل الحكايه اني كنت محتاجه كام يوم احاول اتخلص حتى ولو من جزء بسيط من خوفي
نادر….رفع نادر وشها واتعدل وبصلها مريم انتي مش مضطره خالص انك تضغطي على نفسك عشان ترضيني
مريم…بحب مسكت وشه بايدها بس انا مقولتش اني بضغط على نفسي يا نادر
نادر…بإبتسامه جميله يعني افهم من كده ان انتي🤨😉
ابتسمت مريم وهزت راسها بهدوء
ابتسم نادر وضمها لصدره
نادر…وانا أوعدك اني انهارده هنسيكي الخـ ـوف والعقد وكل الكلاكيع اقولك انا هنسيكي جعفر اللي انتي متقمصه شخصيته قام نادر مره واحده وقرب منها شالها
مريم…انت بتعمل ايه يا مجنون🙈🙈
نادر….بعمل ايه انا هوريكي الوقت
مريم…طيب والفيلم😂😂😂🙈
نادر….ده فيلم للعيال التوتو انما انا هفرجك على فيلم تخرجي منه عارفه اول طريق للإنحراف
مريم…يا قليل الاددددددددب🙈🙈😂
…………………
في غرفه زيد و صبا
قام زيد من النوم دخل على الحمام ثواني وخرج مكانش عنده نوم راح على علبه السيجار بتاعته فتحها وخد واحده وخد ولاعته وخرج من الاوضه بهدوء عشان ميصحيش صبا
نزل على تحت وقرر انه يعمل قهوه ويخرج يشربها بره في الجنينه
خد الفنجان وخرج بره بهدوء وفجأه شاف واحد واقف بضهره في قلب الجنينه رغم ان زيد قلبه جامد لكن بمجرد ما شاف الشخص ده قلبه أتخطف البيت كله نايم وده شخص غريب دخل المكان مشي بهدوء وساب من ايده القهوه والسيجار وراح عليه براحه واول ما أقرب مسكه من كتفه ولفه ليه بسرعه وقبض على ايده عشان يضـ ـربه وفجأه😳😳😳
أيمن….بضحكه رايقه بس بس بس ده انا يا زيد انا أيمن انت على طول مستعد للضـ ـرب كده
زيد…بصدمه اااا أيمن أنت هنا ازاي
ايمن….زي الناس ايه ممنوع اقف في الجنينه بتاعت بيتي
وقف زيد يبص حواليه ويهز راسه وبعدين بصله وضحك لا لا انا اكيد بحلم انت مش حقيقه
أيمن….في ايه جرالك ايه يا زيد مالك انت سخن ولا ايه😂😂
زيد…😳😳😳 مصطفىىىىىى أميييييين شرررررريف
أيمن….اهدى يا زيد مالك انت خايف
زيد….انت مش حقيقي انا بحلم ولو انا صاحي اكيد بيتهيألي
أيمن….ايه يا زيد مكنتش عايز تشوفني ولا ايه؟موحشتكش يا زيد 🥺 لو انا موحشتكش انت وحشتني اوي💔
زيد….🥺 لا انت وحشتني يا أيمن بس ازاي انت هنا اصلا ازاي انت مش مـ ـوت يا ايمن
ايمن….بإبتسامه انا لا ديماً موجود انت اللي مبقاش موجود يا زيد🥺💔
زيد….لا لا انا اكيد بحلم انت مش حقيقي
ايمن….لو رافض تصدق اني موجود عشان خاطر خايف اني اخد منك صبا فا أطمن صبا ليك يا زيد صبا ام ابنك اللي جاي.
زيد….ابني ؟
ايمن….اه ابنك اوعى تفتكر اني زعلان يا زيد بالعكس يا اخويا انا فرحان عشانك وعشانها انتوا الاتنين تعبتوا اوي وتستاهلوا كل خير
زيد….فضل يبص حواليه وهو مصدوم نفسه يكون بيحلم انت ازاي هنا قولي
أيمن….كل اللي همك تعرف انا هنا ازاي انا هقولك انا ديماً هنا يا زيد وانت مش واخد بالك مني عارف انك مشغول وكالعادة عقلك مبيبطلش تفكير في الكل وانا كنت واحد من اللي بتفكر فيهم
زيد…كنت؟! يعني انت ميت صح 🥺
ايمن….وحشتني يا زيد🥺 وحشتني اوي يا حبيبي
زيد….بدموع انت وحشتني اكتر
ايمن….زيد انا مش جاي اوصيك على صبا عشان عارف انها في امان ولا جاي عشان افكرك ان سري امانه عندك انا جاي عشان اقولك حاجتين مهمين
زيد…..قول يا ايمن🥺
أيمن….اتبسط وافرح وبطل تعمل حساب ليا او لأي حد انا مبسوط عشان صبا وسري بقوا بين أيديك شايفك ديماً حاضنهم و محاوط عليهم بكل قوتك عارف انك راجل و جدع وعندك قلب مش عند اي حد عشان كده بقولك خليك على طبيعتك وتعالى ديماً اطمن عليا انا عارف انك مبتقدرش تحط عينك في عيني بس صدقني انا عارف انك معملتش حاجه غلط ومبسوط انها بقت من نصيبك بلاش تبعد انا محتاجك يا حبيبي🥺💔
زيد…بوجـ ـع🥺 حقك عليا انا اسف انا مقصر معاك اوي
ايمن….وانا مسامحك دي كانت اول حاجه انا جاي عشان اقولهالك
زيد….طيب وتاني حاجه هي ايه؟
أيمن…..خد بالك من نفسك يا زيد خد بالك من نفسك يا حبيبي
زيد….انا واخد بالي من نفسي متقلقش
أيمن….لا قلقان ولازم اقلق ركز يا زيد العيون عليك صبا محتجالك وابنك اللي في بطنها روح وبابا واخواتك كلهم محتاجينك ركز يا زيد ارجوك
زيد….انا مش فاهم حاجه انت تقصد ايه؟
ايمن….ركز يا زيد
زيد…اركز في ايه انت رايح فين
ايمن…ركز يا زيد.
زيد…ايمننننن استنى هنا متمشيش ايمنننن انت رايح فين انت مكانك هنا
ايمن….ركز يا زيد🥺✋🏻
زيد…..ايمننننننننن قام زيد من نومه مفزوع نص قومه عشان صبا كانت نايمه بين رجليه وحضناه
فضل يتنفس بسرعه ويمسح عرقه بص على الساعه لقاها7:45 دقيقه صباحا قبل معاد صحيانه بربع ساعه
خد نفسه وبص على صبا لقاها لسه نايمه على وشها وحضناه حط ايده على راسها وافتكر كلام ايمن.
انا مبسوط عشان صبا وسري بقوا بين أيديك شايفك ديماً حاضنهم و محاوط عليهم بكل قوتك.
زيد…..بنفس متقطع أيمن🥺💔
قام بهدوء وسحب نفسه من صبا عدلها بهدوء ورفعها على المخده باس راسها وبعدين دخل خد لبس ودخل على الحمام بسرعه خد شاور وخرج لبس ونزل على تحت كانت روح صاحيه هي وداده زينب
زيد…صباح الخير
روح…صباح النور يا حبيبي
زينب…صباح الخير
روح….الفطار هيجهز حالاً
زيد….لا يا حبيبتي خليكي براحتك انا لازم اخرج
روح…تخرج قبل ما تفطر وبعدين راجح واخواتك الوقت ينزلوا
زيد…مستعجل يا روح هبقى اكل اي حاجه عندي مشوار لازم اعمله وبعدين هطلع على الشركه
روح…مشوار ايه انت كويس
زيد…بإبتسامه زي الفل يا حبيبي بس مشوار شغل لازم اعمله متقلقيش
روح…طيب بس كل عشان خاطري
زيد…هخلص المشوار وبعدين هاكل قبل ما اروح الشركه تمام
روح…بحب تمام يا حبيبي❣️
زيد….يلا سلام
روح …سلام يا حبيبي.
………………
وصل زيد على المقابر ركن ونزل اول ما وقف قدام الباب قلبه فضل يدق جامد مسك المفتاح فتح بهدوء وبعدين دخل
ألقى السلام ووقف قرأ الفاتحه ودعى كتير بص حواليه في المكان وبعدين سحب كرسي حطوا قدام اسم ايمن
زيد….بإبتسامه وهو باصص لاسمه المكتوب على قبره وحشتني يا حبيبي
عارف اني مكانش ينفع استنى لما تطلبني وعارف كمان اني مقصر بس انت قولتها وعرفت سبب تقصيري يا حبيبي كنت خايف يا ايمن خايف تكون زعلان خايف تكون مش حابب زيارتي ليك🥺 خايف اكون خدت حاجه مش من حقي بس انت طمنتني وانا اوعدك اني عمري ما هقصر معاك تاني .
ابتسم زيد و هي دموعه نازله الحلم كان كأنه حقيقه لدرجه اني كنت بتمنى اصحى منه خوفتني يا ابن اللذينه 🥺كنت هضـ ـربك و أفتكرت اخر مره شوفتك فيها لما مديت ايدي عليك🥺 كانت اول واخر مره يا حبيبي💔
عارف يا ايمن طول عمري كنت بتمنى صبا تكون من نصيبي ولما بقت من نصيبك انت حاولت ابطل اتمنى حاجه مش من حقي بس كنت اوقات غصب عني بتمناها🥺 بس صدقني يا أيمن عمري ما اتمنيت ان يجرالك حاجه عشان افوز بصبا طيب انت عارف انا الوقت بتمنى تكون لسه عايش واكون بحلم اني بقيت مع صبا ولو في امنيه واحده ممكن اتمناها وتتحقق اني اكون بحلم انك مـ ـوت وان كل اللي فات ده محصلش حتى لو صبا مش هتكون ليا بس انت تفضل موجود💔🥺
صدقني عمر حبي لصبا ما خلاني كرهتك او اتمنتلك اي حاجه وحشه انت اخويا ياض و موتك وجعني اوي انا عارف انك مش زعلان و مطمن على صبا وانا جاي اقولك اطمن اكتر صبا في عيني وسرك هيفضل سر وهجيلك على طول ومش هتأخر عليك تاني وليك عليا اي حاجه هتحصل او اي حاجه هحب اقولها هجيلك وهحكيلك وانا متأكد انك هتكون حاسس بيا وسامعني
ابتسم زيد ومسح دموعه وقرب ايده من اسم ايمن فضل يمشيها بهدوء كأنه لامسه💔
وبعدين قام وقف ورجع قرأ الفاتحه تاني.
زيد…..سلام يا حبيبي مش هتأخر عليك وهستنى تجيلي تاني واشوفك🥺
………..
في القصر اتجمع الكل على الفطار
قاسم كان في دنيا تانيه بياكل لكن مش بيتكلم ولا موجود معاهم زهره عينها عليه وباين عليها التوتر
جلال….روح انهارده هشام عازمنا بره ومش هناكل هنا
روح…ليه بقى ان شاء الله
جلال…بيحتفل يا ستي😂😂
امير….والفضل يرجعلك طبعاً😂
روح….مش فاهمه بيحتفل بايه وفضل ايه اللي يرجعلي.
جلال…..اصل امه صرفت نظر عن العريس وقررت ان ميبقاش في حياتها غير هشام يظهر كلامك اثر فيها
روح….مسكينه رباب دي بجد ست طيبه اوي واللي بتظهره غير شخصيتها خالص
راجح…..مالها فيها ايه
روح….بتحاول ترجع طليقها اللي سابته من 15 سنه كانت فاكره انها لما تفضل تتجوز جوازات كتير ممكن يرجعلها
راجح….طيب وليه مش راضي يرجعلها
روح…لانه متجوز من بعد ما سابها بقى ليه حياه تانيه هي للاسف طبعها كان صعب وهو مقدرش يتحمل بس واضح ان هو كان سبب طبعها ده اصلا بخيل في مشاعره وهما الاتنين شخصيتين بعاد عن بعض تماماً وكان الانفصال شئ متوقع بس للاسف هي بتحبه جداً
راجح….بس لو كان نصيبها كان فضل
روح….بس هي للاسف قلبها مش مطاوعها ولا راضيه ترضى بالامر الواقع
امير….بس شكلها اقتنعت بكلامك
روح….ياريت تكون فعلا اقتنعت وياريت متكونش بتعمل كده بس عشان قولتلها هشام تعبان لازم تعمل كده عشان نفسها
جلال….شكلها اقتنعت لان هي فعلاً مش راضيه عن اللي بتعمله والمهم انها اخيراً أقتنعت تبطل تتعب نفسها
روح….والحمد لله ان هشام مبسوط ودي اهم حاجه ولو على رباب اكيد هفضل اتكلم معاها كتير لحد ما اطمن انها بقت احسن فعلاً
امير….ربنا يخليكي في حياتنا يا احلى روح
روح….ويخليكم ليا يا حبيبي
راجح…ما خلاص ياض كل وانت ساكت داهيه تسد نفسك😒
مرا….بضحك اهو قلب عليك ما قولنا روح ملكيه خاصه😂😂😂
مراد…..اسف يا باشا 😂😂😂✋🏻 المهم يعني متعملوش حسابنا على العشاء وهناخد يعني بعد اذنك البنات فرح وميار وجنه يا قاسم
راجح….خدهم بس عينك عليهم انت والواطي اللي جمبك
جلال….عيب عليك بقى ده انا الحته الشمال😉
راجح…اتلهي لا شمال ولا يمين😒
امير….قاسم ايه ياعم روحت فين
قاسم….ايه يا امير
امير….كنت بقولك هناخد جنه بليل و هنخرج
قاسم….تمام لو هي عايزه تروح انا مش بقول لا
امير….طيب اشطا❣️ هنخلص شغل وهنيجي ناخدكم
جلال…ياكش بس هما ميقفوش قدام المرايه ست شهور😒
ميار….لا متقلقوش هنخلص بسرعه❣️
ياسين….بجديه وملامح عابسه الحمد لله يلا انا همشي انا وملك عايزه حاجه ياروح
بصت روح على قاسم ورجعت بصتله
روح….لا يا حبيبي سلامتك❣️
راجح…جاي وراك يا ياسين
ياسين….براحتك يا باشا ❣️
مشي ياسين هو وملك وبعد وقت بسيط خرجوا كلهم وراء بعض.
خرج قاسم عشان يركب العربيه قامت زهره وراحت وراه بسرعه
زهره…قاسم
وقف قاسم بكل هدوء وبصلها ايوه يا زهره !!
زهره…انت كويس يا حبيبي
قاسم….تمام الحمد لله
زهره….طيب انا ليه مش حاسه بكده
قاسم….وانا بقولك مفيش اي حاجه يا زهره قولتلك اني مضغوط في الشغل مش اكتر
زهره….طيب يا حبيبي
قاسم….عايزه حاجه؟
زهره…لا سلامتك هو انت هتتأخر
قاسم….مش عارف والله بس هخلص وارجع واه لو جنه محتاجه فلوس ابقي خليها تعرفني وانا هحولها عشان نسيت اسألها
زهره….تمام يا حبيبي قربت منه و باسته في خده وبعدين بعدت تشوف رد فعله
ابتسم قاسم بهدوء وباسها من راسها وبعدين خرج
فضلت زهره واقفه باصه عليه لحد ما خرج 🥺
………………….
في مجموعه الطوبجي.
كل واحد كان على مكتبه وصل زيد رغم انه كان مضايق وحزين لكن كمان كان مبسوط جداً حس براحه كبيره بعد زيارته لايمن كل شويه يحصل حاجه تأكدله ان مفيش حد مضايق من جوازه من صبا اول مره يزوره ايمن في حلمه من فتره طويله كان حلم يشبه الحقيقه بشكل كبير وفجأه سرح في اخر كلمه لايمن (ركز يا زيد)
زيد….ياترى عايز تحذرني من ايه يا أيمن.
………..
في مكتب ملك وجلال
جلال…هو ابو لهب هيفضل لابس الوش المعرب ده
ملك….هو مضايق اوي من اللي حصل وبصراحه انا خايفه اقرب منه🙄
جلال….خايفه يا خوافه😂 وبعدين مصدقش انك تخافي يابنتي ده انتي الوحيده اللي عرفتي تقفي قصاده
ملك…ايوه ده لما كان بيسوق فيها وبيكون غلطان إنما هو الوقت مضايق وبعدين اخوك عليه قلبه اعوذ بالله منها
جلال….عارفها😂😂
ملك….بطل ضحك يارخم احنا هنسيبه كده🥺 مش عارفه اسكت وانا شيفاه مضايق ولما جيت احاول اتكلم معاه امبارح قاللي اقفلي الكلام في الحوار ده يا ملك
جلال….طيب بقولك ايه تيجي ندخله🙄
ملك….ندخله😳
جلال….ايه برقتي كده ليه خايفه😂😂
ملك…بضحك لا بس مش مستغنيه عن عمري😂😂
جلال…اجمدي كده أسد يالا في ايه😂
ملك…والنبي اتنيل ده لو قالك واحده جلاااال هلاقيك بتجري وبتسيبني
جلال….انا لو مكانك ادخل اعمل نفسي اتكعبلت و
اترمي في حضنه وهاتك يابوس هينسى قاسم وهينسى انه مضايق😂😂😂😂
ملك…بضحك و احراج ضـ ـربته على كتفه اتلم ياجزمه😂😂😂🙈
جلال…ايه وش كسوف اشحال ان مكنتوش مسجلين خطر عندي وماضيكم غير مشرف😂😂😂
ملك…والله هضـ ـربك يا جلال😂
جلال..هنفضل نضحك كده يالا تعالي
ملك….ربنا يستر
راحوا على الباب خبطوا ودخلول
كان مركز في الورق ومش باصص عليهم وهما واقفين جمب بعض
جلال…احمممم🙄
ياسين….انجز ياجلال قول عايز ايه عشان ورايا شغل
جلال….يعني هو الشغل هيطير ركز معايا انا جايلك في مصيبه😞
كتمت ملك ضحكها🙈
رفع ياسين وشه بقلق مصيبه ايه؟ في ايه يا جلال
جلال….عندي مشكله ومحدش هيساعدني غيرك انا قولت لملك قالتلي انها مش هتقدر تساعدني وان انت الوحيد اللي هتتصرف
ياسين….ما تنجز يا زفت وقعت قلبي في ايه😡
جلال…يعني مشكلتي اني مش عارف لامته هفضل كده
بصله ياسين بغضب وقام راح عليه
ياسين….انت هتنطق ولا انطقك بطريقتي🤨
جلال…الله يباركلك مش وقت ابو لهب خالص بقولك محتاجلك يا ياسين
ياسين…طيب في ايه قول
جلال….حاسس اني همـ ـوت من غير ما ابوس يا ياسين🥴
ملك مقدرتش تمسك نفسها وخرجت منها ضحكه كتمتها بسرعه
بصلها ياسين ورجع بص لجلال هتمـ ـوت من غير ما ايه🤨🤨
جلال ..بإبتسامه ما ابوس 🙄 كل شويه المح حد ماسك نصه التاني وبيبوس فيه وانا شكلي هقضيها فرجه ودي مش حلوه انا بردوا ليا مشاعر
ياسين….🤨🤨 عايز تبوس صح طب تعالى وراء المكتب كده وانا هظبطك مسكه من كتفه😡
جلال…بضحك لا عنف لا😂😂😂
ياسين…بإبتسامه انت جاي تستظرف صح وانتي جايه معاه
ملك…بضحك انا جيت بس معرفش هيقولك ايه والله😂😂🙈
جلال…اه يا بياعه الحق عليا ضحكتهولك😂😂😂
ياسين….انت عايز ايه انت وهي يلا على شغلكم
جلال…مش قبل ما تعرفني قواعد البوس😂😂😂
ياسين…ياض هضـ ـربك والله😂
جلال….ضحك😉 يعني قلبه مال وانا كده خلصت مهمتي😘 يلا بااااي
خرج جلال بسرعه وفضل ياسين وملك يضحكوا
ملك….ضحكتك وحشتني❣️
ياسين….بتمقلبوني ها😉
ملك…ما انت شكلك مش حلو وانت مضايق
ياسين….انا زي الفل بس كنت مضايق شويه
ملك….قاسم بيحبك وبعدين مش انا اللي هاجي اقولك كده يعني
ياسين…عارف يا ملك بس اضايقت عادي يعني
ملك….هو شكله مضايق وحتى زهره بتقول كده فا معلش جات فيك يا حبيبي
ياسين…بحب سيبك مني ومن قاسم ما تيجي نفتكر كده مع بعض قواعد البوس😉
ملك…بضحك احترم نفسك هيقفشنا والله وبعدين انت مصدقت
ياسين…حد يضيع الفرصه بردوا😂😂
شدها ليه وفضلت تضحك❣️
………………….
في مكتب زيد مراد وداوود وسالم كانوا معاه بيتكلموا في شغل وبعدين اتكلموا عن قاسم.
مراد….اكيد في حاجه مضيقاه ويمكن متخانق مع زهره
سالم…بس قاسم بطبعه هادي وحتى لما بيزعل مع زهره عمرهم الاتنين ما بينوا ده قدامنا انت شوفته لما اتكلم معاها على القهوه ولما اتعصب على ياسين ده مش قاسم
داوود…ياسين كمان شكله مضايق من وقتها
مراد…سيبك من ياسين انت عارف انه طيب ولو قاسم طيب خاطره هيعدي هما في الاخر اخوات بس قاسم اللي مش مظبوط ولا ايه يا زيد
زيد….يعني انا عندي احساس ان الموضوع فيه ست🤨
داوود…ياراجل ست وقاسم لا ميتهيأليش
زيد….والله انا شايف كده بس عادي هنعرف انهارده
مراد…انهارده اشمعنى؟
زيد…فاضين
مراد…انا تمام
سالم…وانا كمان
داوود….وانا بردوا فاضي
زيد…خلاص يبقى هنخلص شغل وهناخد معانا قاسم نطلع نقعد في مكان هيعجبكم ونتكلم معاه
مراد…تمام بس يارب يرضى
زيد…سيبه عليا ملكش دعوه
…………….
بعد كام ساعه خلصوا شغل وخرجوا كلهم مع بعض
قاسم….هتودينا فين ياعم زيد
زيد…تعالوا بس هوديكم مكان تعرفوا بس مرحتهوش قبل كده
داوود…عرفتوا العوامه😉
زيد…اهو قالكم😂 انا كلمت چورچ وبلغهم هناك ظبطولنا قاعده حلوه
مراد…طيب يلا بينا
ركبوا عربياتهم ومشيوا وراء بعض في الطريق زهره اتصلت على قاسم كانت بتحاول تلاقي اي حجه عشان تكلمه
قاسم….ايوه يا زهره
زهره…ايوه يا حبيبي اتصلت بيك من شويه بس مردتش
قاسم…معلش مسمعتش كنت لسه في الشركه
زهره…اه انت خلصت خلاص
قاسم…بس لسه مش راجع الوقت رايح مشوار
زهره…بلعت ريقها مشوار مشوار ايه؟
قاسم….مفيش يا زهره خارج شويه انا وزيد ومراد وداوود وسالم
زهره…اه طيب تمام يعني مش هتتغدوا هنا
قاسم…مش عارف بس غالباً لا
زهره…طيب يا حبيبي خلي بالك من نفسك
قاسم….عُدي وجنه كويسين
زهره…اه الحمد لله وجنه بتجهز عشان جلال وامير جايين ياخدوهم
قاسم…تمام يازهره عايزه حاجه
زهره…سلامتك يا حبيبي سلام
قاسم….سلام
…………….
وصلوا العوامه سلم چورچ عليهم ورحب بيهم ترحيب شديد قعد معاهم شويه صغيره وبعدين الغداء اتحطلهم كلوا مع بعض وبعدين جالهم چورچ تاني وهو معاه القهوه.
مسك مراد القهوه شرب منها وبعدين بص لچورچ
مراد…الللللللله ايه القهوه دي ياراجل يا طيب
زيد….بإبتسامه دي قهوه چورچ اللي مستحيل تشرب زيها في اي مكان تاني
قاسم….ده حقيقي بجد القهوه حلوه اوي
چورچ… بألف هنا دي قهوه الحبايب انا عشت عمري بحاله معرفش اعمل غير حاجتين اخد بالي من العوامه واعمل القهوه اصل عمايل القهوه دي فن ومزاج اعملها بحب هيطلع معاك احلى فنجان
مراد…تسلم ايدك والله يمكن انا عارف العوامه دي من زمان وعارف ان زيد ومنذر مبيخرجوش غير فيها بس اول مره اجي هنا وبجد ندمان اني عمري ما جيت المكان حلو اوي وروحه حلوه
زيد….بابتسامه لچورچ المكان ده انا ومنذر مسمينوا تعويذه چورچ اللي بيجي هنا وهو شايل هموم الدنيا بيخرج حد تاني العوامه دي تقدر تقول عليها مسحوره❣️
چورچ…بحب المكان بتاعكم وتنوروا اي وقت انا هنا ضيف وانتوا اصحاب المكان اي وقت تضيق بيكم الدنيا هتلاقوا العوامه فتحالكم دراعتها واكيد انتوا مش محتاجين عزومه اصحاب العوامه زيد ومنذر اخواتكم
زيد….بحب انت الاصل يا چورچ ربنا يخليك لينا يا حبيبي
چورچ…ويخليكم ليا يا زيد يلا انا هدخل ارتاح شويه وانت لو احتجتني نادي عليا نورتوا الدنيا يا ولاد الاصول
زيد….حبيبي يا چورچ❣️
ابتسموا كلهم لچورچ
داوود….ليك حق تحبه راجل طيب
سالم…فعلاً هو والمكان وكل حاجه في المكان يحسسوك بالراحه زي ما قال زيد المكان مسحور❣️
زيد…المكان ده هو الفجوه الزمنيه الخاصه بيا انا ومنذر لما بنحس ان الدنيا جايه علينا بنهرب وندخل جوه الفجوه دي بنخرج من هنا ناسيين الوجـ ـع والتعب وكل حاجه ومش بس احنا المكان ده ليه حكايات كتير اوي مفيش حد بيدخل العوامه غير وهو جاي شايف هموم كتير بس انا واثق ان اللي بيخرج بيبقى عارف هو عايز ايه وشايف الدنيا بشكل تاني خالص
داوود…..معنى كده ان الاخ اللي جمبي ده هيفك شويه لما يخرج من هنا 🤨
مراد….اه ياريت اصله بقاله كام يوم عليه تكشيره تقطع الخلف🤨
قاسم…بابتسامه هي الحفله معموله على شرفي ولا ايه🤨
سالم…..اه عندك مانع ويلا اتكلم
قاسم…اتكلم اقول ايه لو جايبني عشان كده فا انا معنديش حاجه اقولها ولو على عصبيتي على ياسين هو يستاهل بس عادي هبقى اراضيه
زيد…موضوعنا مش ياسين يا قاسم ولا حتى عصبيتك على زهره اللي عمرها ما حصلت بس احنا عايزين نعرف السبب ؟
قاسم….وحياة امك يا زيد بلاش أسئله ملهاش جواب عندي سيبوني انا هبقى كويس
سالم…ولما نسيبك يبقى لزمتنا ايه في حياه بعض
داوود….عنده حق وبعدين انت لو ده طبعك كنا سيبناك بس عشان ده مش طبعك لفت نظر الكل يا قاسم انك فيك حاجه وده مينفعش.
مراد…قول فيك ايه ياقاسم لو زعلان انت وزهره ومش حابب تتكلم خلاص دي حاجه خاصه بيكم بس بالهداوه لكن لو في حاجه منعرفهاش قولنا يمكن ترتاح ويمكن تلاقي عندنا الحل
قاسم….بص على النيل وملامحه كان باين عليها الحزن ورجع بصلهم انا حتى الكلام اللي عندي مش عارف اقوله ازاي يمكن محتاج اتكلم بس صدقوني مش عارف اقول ايه او ابدأ من امته
سالم…ابدأ من اي مكان يريحك المهم ان اللي مضايقك يوصلنا ونعرف نريحك
قاسم….تمام هحكيلكم بس انا مش عايز حد يقاطعني ومش عايز حد يجي عليا انا تعبان بما فيه الكفايه
سالم…مش عايزنا نمشي ونسيبك لوحدك بالمره ما تنجز يا عم🤨
ضحك مراد وداوود😂😂😂
مراد…عصبت الراجل
قاسم…بابتسامه ماشي هنجز
الحكايه بدأت من اكتر من عشرين سنه واتقفل عليها سنين كتير بس رجعت اتفتحت تاني يوم ما خرجنا نسهر قبل ليله فرح نادر بيوم لما روحت اكلم زهره ورجعت خبطت فيها💔
داوود….خبطت فيها!! ده على كده زيد مكشوف عنه الحجاب هو قال ان الموضوع فيه ست
ابتسم زيد وبص لقاسم كمل يا قاسم.
وبدأ قاسم يحكيلهم كل حاجه حصلت من البدايه لاخر مره شاف فيها فريده امبارح.
قاسم….بوجـ ـع بس هي دي كل الحكايه.
الكل كان مصدوم ومحدش مصدق ان زهره تعمل كده وفضل زيد ساكت
داوود….زهره؟ لا مستحيل انا مصدقش ابداً ان زهره تعمل كده
مراد…صراحه ولا انا يا قاسم زهره عشره سنين ولو كان ده طبعها كان بان عليها او احنا كنا حسينا
قاسم….عارف يا مراد وده اللي هيجنني بس جوايا في جزء كبير مصدق فريده
سالم….معلش ياقاسم بس انت مصدقتهاش زمان وشكيت فيها من غير ما تسمعها اشمعنى الوقت مصدقها
داوود…سالم بيتكلم صح مايمكن هي كدابه يمكن هي عملت كده زمان وراجعه الوقت عشان تبوظ حياتك وبعدين هي لو ست محترمه مكانتش خرجت معاك وانت راجل متجوز
قاسم….بعصبيه بسيطه داووود
داوود…بلا داوود بلا زفت ايه كلامي غلط مش يمكن بيتلعب عليك وهي راجعه مخصوص عشان كده
قاسم…لا يا داوود في كذا سبب يخليني اصدق فريده اولهم محدش كان عارف هنسهر فين ولا حتى هي كانت تعرف انا قابلتها صدفه وانا اللي عرفتها وناديت عليها انا اللي طلبت رقمها وانا اللي طلبت نتقابل وانا اللي روحتلها تاني يوم المقابله عشان اعرف حكايه الصوره وانا اللي شوفتها امبارح لما لاقيت نفسي عايز اتكلم
داوود….طب مانت كمان غلطان نسيت انك متجوز يا قاسم وحتى لو انت اللي عملت كل ده وهصدق ياسيدي انها مرتبتش لحاجه بس انا عند كلامي وارد جدا تكون بتكدب بتنتقم منك ومن زهره يمكن تكون حبيتك فعلا وحياتها باظت بسببك والدليل انها اتجوزت 3 مرات ومعرفتش تعيش بعدك مع اي راجل بس ممكن تكون راجعه مخصوص تبوظ حياتك اللي بوظتها زمان وكل ده حوار
قاسم…بس انا واثق انه مش حوار
مراد…تمام يا قاسم بس ايه دليلك
قاسم….صوره حاتم يا مراد حاتم كان بيشوه صوره فريده في عيني بأستماته وقف كتير قصادي وقالي يا انا صحوبيتك معايا يا فريده في حياتك قالي انه بيعمل كل ده عشان مصلحتي واني مش شايف فريده صح لعب في دماغي بمعنى اصح اه غلطت بس انتوا عارفين الزن والشك لما بيدخلوا في حياه اي بني ادم بيدمروا علاقته باقرب حد ليه وحاتم نجح في ده لحد ما خدني خلاني اشوفها واسمعها وانا مكنتش اعرف انها رايحه لسامح عشاني اصلا وقتها مكنتش طايق اسمع صوتها والزعل ديما بيكون على قد الحب كان ممكن بعد فتره اهدى واسمعها بس زهره مكانتش سيباني واللي حاتم كان بيقوله هي كمان كانت بتقوله لحد ما حسيت اني مستحيل اقرب من فريده تاني وخرجتها من حياتي ازاي بعد كل ده حاتم يختفي شويه شويه بكذا حجه من حياتي وازاي فجأه يبقى جوزها وازاي زهره تسحبني ليها بالشكل ده ولو زهره هنفرض انها كان بره الموضوع كله في حاجه غلط زهره وفريده كان بينهم صداقه قويه ديما مع بعض ديما بيخرجوا مع بعض طول الوقت بيتكلموا ده حتى لو فريده غلطت كانت زهره مش هتتخلى عنها بالسهوله دي هي مدتهاش فرصه وبعدها بيوم فاكر ان زهره جات قالتلي انها قطعت علاقتها بيها عشاني طب ازاي
داوود….معاك يا قاسم وياسيدي متزعلش فريده مش بتكدب بس مش يمكن اللي كدب وبوظ الدنيا هو حاتم وجاب اسم زهره في الحوار قصد
قاسم….ليه؟ واشمعنى زهره حاتم لو كان عايز يلعبها صح كان زي ما شككني في فريده وسامح زمان كان قال ان سامح هو اللي ساعده ودي كانت لعبه
مراد….طيب خليني اصدق ان كل ده صح بس زهره هقولها تاني عمرها ماكانت وحشه ولو ياسيدي غلطت بس هي عايشه معاك من عشرين سنه واظن شيلاك وشايله الكل مش يمكن عملت كده عشان حبيتك بجد
سالم…استنى بس يا مراد معلش زهره زي الفل وكل حاجه وانا لحد الوقت مش مصدق ان زهره تعمل كده بس لو زهره عملت كده معلش ده ميشفعلهاش السنين والحب ولا انها شايله قاسم او شيلانا اللي بيحب بجد مبيخونش يا مراد مبيعيش اللي بيحبه في كدبه عشرين سنه مبيخونش صاحبه ويدمر حياته ويتهمه بتهمه زي دي
داوود…انت بتسخنه يازفت😡
سالم…لا انا مش بسخنه وكلامي ده مش معناه انه يقلب على زهره او يسيبها قاسم مبقاش صغير عشان بعد العمر ده يخرب بيته ويدمر حياه ولاده بس كمان انا حطيت نفسي مكانه صعبه يا داوود خصوصا انا واثق ان قاسم بيحب زهره وزي ما قال انه زمان زعل من فريده على قد حبه ليها اكيد هو زعلان من زهره على قد حبه ليها ده في حال انها ظلمت بجد.
داوود….ايوه بس انا شايف بردوا ان لو فريده صادقه اكيد حاتم لو بالوساخه دي ضحك عليها ووقعها في زهره عشان تبعد عنها وكدبته متتكشفش
قاسم…يا داوود انت ليه مش قادر تفهم حاتم قال الكلام ده لفريده بعد جوازه منها قبل ما تولد في لحظه ضعف كان شارب وانتوا عارفين ان الراجل وهو شارب لو عقله غاب لسان قلبه هو اللي بيتكلم وبيقول الحقيقه وفي الوقت ده زهره وفريده كانوا بالفعل بعاد عن بعض بقولك زهره قطعت علاقتها بفريده بعد يومين من المشكله بتاعتنا يبقى هيعمل كده ليه وهو عارف انهم بعاد عن بعض اصلاً
مراد….في حاجه غريبه في الموضوع ده مش قادر اصدق ان زهره تعمل كده وفي نفس الوقت عندي احساس ان فريده صادقه في جزء كبير من كلامها
سالم…انا كمان زيك يا مراد بس اللي مستغربه حاجه واحده هي ليه سكتت عشرين سنه وهي عارفه الحقيقه ليه مجاتش قالت معقول زي ما قالت انها مش عايزه تبوظ حياتك انا يمكن عندي مشكله في النقطه دي اني مش بشوف حد مثالي للدرجه دي بس لو ده بجد يبقى فريده كانت بتحبك ولسه بتحبك وده خطر يا قاسم على حياتك
قاسم….عارف يا سالم ومتلغبط وغصب عني مش عارف اعمل ايه عايز اواجهه زهره عشان ارتاح وفي نفس الوقت محتاج اهدى عشان مبوظش الدنيا
مراد….ساكت ليه يازيد؟
زيد….بسمعكم .
داوود ..في كل الاحوال يا قاسم اللي حصل حصل ولازم تعرف ان زهره هي الحقيقه الوحيده اللي في حياتك وولادك بيثبتوا حقيقه وجودها.
قاسم….وانا اكيد مش هبوظ حياتي بس لو كل ده صح انا مش عارف ازاي هقدر اتخطاه ازاي هقدر اعيش طبيعي مع زهره و انا عارف انها كانت في يوم سبب تعبي
داوود….بص رغم ان انا كمان جوايا جزء صغير متعاطف مع فريده إلا اني شايف ان زهره مظلومه وميتهيأليش ان زهره تغلط .
بعد صمت دام كتير اوي لزيد اخيراً نطق
زيد…ليه يا داوود؟ هااااا ليه شايف ان زهره مستحيل تغلط وانها مظلومه
مراد….قصدك ايه؟
زيد….مين فينا مبيغلطش يا مراد
مراد…اكيد كلنا بنغلط يا زيد بس غلط عن غلط يفرق والغلطه الموجه لزهره كبيره ويمكن عشان كده احنا مش قادرين نصدق او نستوعب
داوود…المشكله كمان ان لو زهره عملت كده هي كانت واثقه ان قاسم ممكن يحبها ازاي بس هتبيع صاحبه عمرها وتجازف بعلاقتها وهي مش عارفه هتفوز بالحب ده ولا لأ ازاي حبها لقاسم
ممكن يعميها للدرجادي و تغلط غلطه تكون نقطه سوده في حياتها انت تصدق يا زيد ان زهره تعمل كده مصدق فريده
زيد….بصلهم وسكت شويه وبعدين رفع راسه اه مصدق فريده يا داوود واصدق ان زهره تعمل كده ليه يمكن عمري ما شوفت منها حاجه وحشه او طبع الخيانه ظهر عليها في معاملتها مع الكل بس ليه مصدقش انها تعمل كده
الحب يا داوود اقرب كتيررررر اوي للغلط مش للصح الحب غلطاته كتير عشان لما بنحب بجد من قلبنا وقتها العقل بيغيب والعقل هو الحاجه الوحيده المسؤوله عن الصح والغلط والتمييز بينهم الحب لعنه يا داوود بيخليك مش عارف انت بتعمل ايه المهم توصل لقلب اللي بتحبه
داوود…طيب ما انت حبيت صبا وعمرك ما غلطت يا زيد
زيد….مين قالك يا داوود اني عمري ما غلطت ومين قالك ان كلكم عمركم ما غلطوا تيجي كده نفتح قلبنا ونخليها قاعده صراحه ونقول لما حبينا غلطنا في حق اللي بنحبهم ازاي
وانا هبدأ باللي شايفه من وجهه نظري و خلينا بقى نتعرى قصاد بعض ونكشف غلطاتنا وهعرفكم انا ليه واثق ان زهره تعمل كده واني مصدق فريده
ويمكن انا اكتر حد هيحس بوجـ ـع فريده لاني اتوجعت كتير واكتر حد هيحس بغلطه زهره لاني غلطت زيها
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أحفاد الطوبجي)
