رواية أحفاد الطوبجي الفصل الحادي عشر 11 بقلم أميرة أسامة
رواية أحفاد الطوبجي الجزء الحادي عشر
رواية أحفاد الطوبجي البارت الحادي عشر
رواية أحفاد الطوبجي الحلقة الحادية عشر
💔من عشرين سنه💔
وصل قاسم السنتر عند فريده كان كل الفريق اللي بيشتغل معاها مشي ومفيش غيرها هي بس
كانت قاعده شارده تماماً بتشرب قهوه و بتاخد نفس من السجاير بتحاول تفكر بس سبب مكالمه قاسم ليها وسر عصبيته مكانش عندها تفسير خصوصاً انهم اتقابلوا مقابله واحده من عشرين سنه و مفيش حاجه حصلت تخليه يوصل للحاله دي و أثناء شرودها
دخل قاسم و هو شكله غريب
أبتسمت فريده بهدوء وقامت وقفت راحت عليه بخطوات بطيئه
فريده….قاسم قلقتني في ايه ومالك عامل كده ليه ؟
طلع قاسم الموبايل وجاب صوره حطها قدام عينها
قاسم…..ايه ده يا فريده ؟ تقدري تفهميني مين ده يمكن انا مش واخد بالي؟😡
بصت فريده على الموبايل اتصدمت🥺رجعت بصت في عينه وسكتت الكلام راح واللي كانت خايـ ـفه منه حصل ومتوقعتش ان قاسم يقابل يشوفها عشان كده.
قاسم…..ردي يا فريده ساكته ليه؟.
فريده……………
………………….
عند ميار وجلال.
ميار…..مفيش تسلم ايدك🤨
بصلها جلال وهو بياكل وضحك
جلال……على ايه يعني عشان حتت ساندوتش لا راح ولا جه
ميار….والله بقى كده طيب هات بقى الساندوتش اللي لا راح ولا جه ده
جلال….بس يابت سيبي
ميار…لا مش هسيب😂😂
فضل جلال يحاول ياخد منها الساندوتش وهي ترفع ايدها وتبعده عنه وهي بتضحك وفجأه وهو بيحاول ياخد الساندوتش قرب منها جداً ويكاد يكون مفيش فاصل بينهم
بصتله ميار و هي بتاخد نفسها بسرعه
فضل جلال باصص في عينها وساكت الأبتسامه لسه مرسومه على ملامحهم
حاولت ميار تمسك نفسها وتغير الموقف بسرعه من كتر إحراجها
ميار…ابتسمت وبعدت شويه احممم خلاص خلاص امسك الساندوتش اهو ومن غير ما تقول تسلم ايدك كمان يا طفس
فضل جلال باصصلها من غير ولا كلمه
ابتسمت ميار بإرتباك ورجعت شعرها وراء ودنها و بصت لبعيد.
جلال…بإبتسامه احممم ايوه كده ناس مبتجيش غير بالعين الحمراء🤨🙄
ابتسمت ميار وسكتت وكملت أكلها
جلال….تسلم ايدك يا ستي🤨
بصتله ميار وضحكت
جلال……ايه مستغربه ليه مستسلمتش على فكره🤨 بس كل حاجه بالأدب حلوه إنما تاخدي اكلي مش هيحصل كويس
ميار….ماشي ياعم الطفس المهم انك شبعت
جلال….الحمد لله بس قوليلي خلاص اتصالحنا صح😉
ميار…..يعني🙄🙄
جلال….بت 🤨 متسوقيش فيها انا عملت اللي عليا عايزه تتصالحي براحتك مش عايزه احسن بردوا🤪
ميار….اه ما انت خدت مصلحتك😡
جلال….بضحك لا والله وبعدين انا اقدر على زعل القمر
ميار…لا والله بعد ما زعلتني 😒 عرفت الوقت انك متقدرش على زعلي بعد ما جوعت يا طفس
جلال…..بجديه لا والله سيبنا من الهزار بقى خلينا في الجد يمكن انا زعلتك بس والله ما كنت اقصد وصدقيني انا لحد الوقت معرفش انتي زعلتي ليه
ميار….بابتسامه خلاص انسى محصلش حاجه.
جلال….لا مش هنسى وبعدين احنا مش بنتكلم بتقفلي على الكلام ليه
ميار…مش بقفل بس خلاص مش زعلانه يمكن كنت مضايقه شويه بس خلاص
جلال….ماهو انا عايز اعرف السبب يمكن فهمت انك مضايقه بحاجه بخصوص رهف بس والله ما فاهم السبب
ميار…..مش مضايقه من رهف على فكره انت فاهم غلط بس يمكن انا كمان فهمت غلط يعني بصراحه حسيت من اول ما رهف جات الفرح وعملتلكم المفجأه وكلكم بعدتوا عني خصوصاً انت 🥺🙄 كنا مع بعض من اول اليوم في الفرح ومبسوطين اول ما جات فضلت معاها حتى طول الفرح مفكرتش تشوفني فين و امبارح في السبوع كنت طول الوقت معاها كأنك متعرفنيش وبعدها خرجتوا حتى لما عرفت اني مش هخرج فرح وجنه وامير حاولوا يخلوني اوافق وحسيت انهم عايزني اكون معاهم بس انت
جلال…انا ايه ما انا قولتلك تيجي معانا انتي اللي مرضتيش
ميار…في العادي جلال اللي اعرفه مبيدنيش فرصه اقوله لا ولا حتى اعترض بس جلال اللي شوفته امبارح اول ما قولت مش قادره بص في موبايله وقال رهف بتتصل وفجأه جري وخدها ومشي
جلال…..🤨🤨🤨استني بس هنا هو انتي غيرانه عليا🤨🙄
ابتسمت ميار بإحراج وضـ ـربته على ايده
ميار….وانا هغير عليك ليه 🙄 كل الحكايه يعني اني يمكن انا معاكم بقالي فتره مش كبيره اوي ويمكن كمان كنت رافضه اعيش معاكم بس بجد من بعد ما وافقت و قربت منكم مبقتش استغنى عنكم وفنفس الوقت انت و أمير وفرح وجنه اقرب حد ليا هنا فا لما سبتوني حسيت اني لوحدي و يمكن غيرت عليكم مش عارفه🥺
ابتسم جلال ومسك ايدها بصت ميار على ايده وقلبها دق وبعدين بصتله
جلال….طيب بصي بقى يا ستي 🙂
اولاً انا اسف صدقيني انا مقصدتش خالص أضايقك ولا حتى خدت بالي اني سيبتك لوحدك انا في العادي يا ميار مبحبش أزعل أي حد مني خصوصاً لو غالي عندي وقريب مني يمكن لما شوفت رهف إتفاجئت ومتوقعتش خالص ان هي قدامي لان كنت مكلمها على الواتس اخر مره من حوالي عشر ايام و مجابتليش سيره انها جايه وهي قالت ان بقالها اسبوع يعني جات مصر بعد ما كلمتها بيومين تلاته رهف غاليه عندي اوي يا ميار احنا زمايل من زمان واصحاب وقريبين جدا من بعض ويمكن انا اعرف بنات صحابي كتير بس اقربهم ليا كانت رهف يعني بحس انها شبه شخصيتي كتير لما والد رهف قرر انه يسافر انا اكتر حد اتضايق من القرار ده وهي كمان بس مكانش في حاجه في ايدها تعملها لان مستحيل كانت تفضل لوحدها كنا ديما على تواصل مع بعض وبنتكلم في جروب عامله امير انا وهو ورهف ورامي اخوها وفرح موجودين فيه لما كانوا بيجوا اجازات كانت تقريبا بتقضي اجازتها كلها معايا انا وامير وفرح ولما بيجي وقت السفر كانت نفسيتها بتتعب جداً لحد ما ترجع باسبوع لان كل مره كانت بتسافر غصب عنها فا طبعا لما جات المرادي وعرفت انها هتفضل فرحت و بجد كانت مفجأه حلوه ويمكن هما بقالهم حوالي سنتين منزلوش مصر عشان كده كنت مبسوط ومش هنكر انا سيبتك اه بس من غير ما اقصد كل الحكايه اني كنت مبسوط مش اكتر فا متزعليش بقى وحقك عليا
ميار…..بإبتسامه خلاص مش زعلانه
جلال…انا نسيت اعرفك بيها من كتر ما انا كنت مش مصدق انها جات بس بجد لو اتعرفتي عليها هتحبيها اوي وهتعرفي اني كان معايا حق واكيد طبعا هعرفك عليها وانا واثق انكم هتبقوا صحاب❣️
ميار….ان شاء الله وعموماً انا مش زعلانه خلاص
جلال….يعني صافيه لبن🤨
ميار…..صافيه لبن خلاص😍
جلال….حيث كده بقى انا هقوم🧐
ميار….رايح فين🤨
جلال…..هطلع انام عندي شغل الصبح
ميار…..متخليك شويه لسه بدري
جلال….قومي يابت اتخمدي وخليني اتخمد
ميار…..متبقاش رخم بقى مش جايلي نوم🥺
مسك أيدها شدها
جلال….قومي يابت قومي ما انتي بتصحي براحتك يلا يا اختي على فوق🤨
ميار…..يا ساتر 😒
جلال….بضحك انا عاطل زيك انا رجل اعمال قد الدنيا
ميار….رجل اعمال😏
جلال…ايش فهمك انتي هي الشركه دي بيقوملها قومه من غيري😎
ميار….😂😂😂يخربيت الكدب
جلال…..حقك ما انتي مشوفتنيش وانا داخل الشركه وموقفها على رجل🥴
ميار….اكيد بيخافوا من مقالبك😂
جلال…ايه ده مين قالك🙄😂😂😂
ضحكت ميار ودخلوا مع بعض وطلعوا على اوضهم❣️
………………
في غرفه مراد وتقى
تقى كانت نايمه على صدره ودافنه وشها تحت كتفه ضهرها عريان ومتغطيه ومراد لافف ايده على رقبتها بيلعب في شعرها وشفايفه على جبهتها
مراد….حبيبي
تقى…امممم
مراد….يلا قومي خدي شاور والبسي عشان متبرديش
تقى…..لا❣️
مراد….لا ايه يلا قومي عشان متبرديش
تقى….خليني في حضنك شويه
مراد….بحب ابتسم طيب خدي شاور وبعدين ارجعي لحضني تاني
تقى….لا❣️
مراد….بلاش دلع يلا قومي وبعدين قومي بدل يروح علينا نومه واحنا كده😉😉
ابتسمت تقى بإحراج ودفنت وشها اكتر
ضحك مراد و مد ايده مسك دقنها رفع وشها ليه
مراد….لما انتي مكسوفه اوي كده ناميه في حضني ومش راضيه تقومي ليه😉
تقى….مراااااد
مراد….بضحك وهو بيقلدها مراااااد😉
تقى….بس بقى🙈
مراد….طيب اعترفي حضني حلو اوي كده
تقى…..بحب حلو بس مراد انا في حضنك بحس اني اسعد حد في الدنيا بحس اني مبسوطه قلبي بيضحك صدقني يا مراد انا عمري ما حسيت بالدفا والحب والامان غير وانا في حضنك
مراد…على كده طول ما انتي مش في حضني مش بتبقي في امان😉
تقى….وجودك في حياتي يا مراد كفيل يخليني احس بالامان بس وجودي في حضنك بيخيلني أملكه بايدي
مراد….الله الله ايه الكلام الكبير ده ❣️
تقى….بس ده مش كلام دي حقيقه وده اللي قلبي بيحس بيه
مراد…..ربنا يخليكي ليا ويقدرني اسعد قلبك يا احلى تقى في دنيتي كلها
تقى…..والاهم متبعدش عن حضني🥺
مراد….مقدرش لو انتي قدرتي انا مش هقدر عشان مبقتش الاقي راحتي غير في حضنك
تقى….بحب حضنته اوي وهي بتاخد نفس طويييييييل بحبك يا مراد
مراد…..وانا بحبك يا تقى ممكن بقى البنوته بتاعتي تسمع الكلام وتقوم تاخد شاور وتلبس عشان اوريكي انا جبتلك معايا ايه.
تقى….الشوكلاته صح😍
مراد….ايوه صح طلبتيها ومرضتيش تشوفيها ضحكتي عليا 😉
تقى…بس بقى 🙈
مراد….😂😂😂طيب خلاص هسكت يلا قومي وتعالي عشان افرجك جبتلك حجات قد ايه
تقى…..حاضر❣️
قامت تقى بعد ما لبست روب قصير خدت هدومها ودخلت على الحمام
فضل مراد قاعد مبتسم و باصص عليها بحب❣️
…………
عند سالم وشمس.
شمس…حبيبي مش يلا بقى نروح
سالم….ايه زهقتي🤨
شمس….لا بس تعبت وعايزه انام
سالم….وعامله فيها جامده وهخطفك سلمتي 😉
شمس…😂😂لا مسلمتش بس عادي ممكن اخطفك يوم تاني🙈
سالم….والله انتي خطفتيني وانا كنت مسالم معاكي وجيت معاكي من غير اعتراض عشان تفكي أسري بقى لازم يكون بمزاجي😉
شمس…اه ده انت عجبك الخطف بقى
سالم….😂اه عجبني ومش همشي غير بمزاجي
شمس….بحب طيب وشغلنا🙈
سالم…والله انا واحد صاحب شركه يعني ممكن لو مش قادر اروح اخد بكره اجازه واقضي اليوم نوم الدور والباقي على اللي شغاله في شركه ومتقدرش تاخد اجازه يلا اهو كل واحد بياخد نصيبه عشان لما تفكري تخطفيني بعد كده تعملي حسابك 😉
شمس….اه انت بتعاقبني بقى🤨
سالم…بحب اه عندك اعتراض😉
شمس….لا ياسيدي انا تحت أمرك المهم انك مبسوط❣️
سالم….بحب عشان الكلمتين الحلوين دول خلاص موافق نمشي
شمس….على فكره لو عايز نقعد خلينا عادي بجد كفايه انك مبسوط
سالم…لا يا حبيبي انا بهزر يلا عشان ترتاحي بس ابقي اخطفيني تاني لو حابه انا مش هعترض😉
شمس….بس كده اوامرك😍
سالم….احاسب
شمس….ماشي يلا ❣️
سالم….مصدقتي مش كنتي عزماني😒
شمس…..😂😂😂 والله عايزني احاسب معايا فلوس على فكره😎
سالم….😂😂😂لا خليها عليا المرادي عشان تعرفي بس اني بتخطف بسهوله وكمان بدفع الحساب يعني من الاخر زبون لقطه😉
شمس….صراحه في دي عندك حق😂❣️
دفع سالم الحساب ومسك ايدها وخرجوا مع بعض عشان يروحوا❣️
…………….
وصل امير عند فاطيما في المكان اللي قالتله عليه
دخل امير بسرعه واول ما لمحها راح عليها اول ما شافته اترمت في حضنه وهي بتعيط
امير….فاطيما في ايه ؟ فهميني ورجعتي امته
فاطيما….اسفه يا امير اني جبتك في الوقت ده وخضيتك اقعد
امير….مفيش حاجه يا فاطيما بس طمنيني حصل ايه وجيتي امته مصر اصلا.
فاطيما…..هفهمك بس اقعد
امير….واديني قعدت قوليلي في ايه بقى.
فاطيما….من حوالي اسبوع بابي قالي ان في شغل ضروري في مصر لازم حد فينا ينزل يخلصه بس هو واخويا صعب ينزلوا لان ده سيزون الشغل هناك في امريكا ومش هيقدروا ينزلوا فا قولتله تمام والمفروض اني كنت اوصل مصر انهارده بس من حوالي كام يوم الجو اتغير هناك اوي ومبقاش مستقر وكان في اخبار احتمال يكون في عاصفه في نفس الوقت اللي كنت هنزل فيه وبالتالي السفر هيتأجل وهيبقى ممنوع السفر كام يوم عشان سوء الاحوال بس الشغل اللي المفروض اعمله هنا كان لازم يخلص ومينفعش يتأجل فا بابي عرف ان في تيكيت موجوده من ثلاث ايام وفعلا حجزلي ونزلت كنت هنا اول امبارح وخلصت كل الشغل المطلوب مني
امير…..طيب حلو
فاطيما….المفروض اني ارجع على اخر الاسبوع فا قولت من هنا لحد ما ارجع اخلص كل حاجه تخص الشغل هنا وبابي كان معايا خطوه بخطوه بس انهارده من الصبح بحاول اوصلهم مش عارفه الشبكات كلها واقعه وعرفت بالصدفه ان العاصفه اللي الارصاد قالت عليها دمرت سان فرانسيسكو كلها الصور والڤديوهات وكل الاخبار بتقول ان العاصفه عملت كوارث هناك وانا مش عارفه ايه مش قادره اطمن عليهم من الصبح بحاول اوصل لحاجه ومش عارفه وكل ما ادخل على الجروبات الخاصه بالجلايات العربيه في امريكا الاقي صور ومناظر مرعبه وعدد الوفيات كبير اوي انا مش عارفه اتصرف يا امير وملاقتش غيرك قدامي🥺
امير….طيب اهدي يا فاطيما يمكن الخطوط مش مجمعه بسبب اللي حصل واكيد هما بخير
فاطيما…..مش عارفه يا امير انا هتجنن المشكله ان العاصفه مدمره الولايه كلها والمقاطعه اللي احنا موجودين فيها كل الصور اللي نازله في الجروبات من هناك انا مش مطمنه يا امير وقلبي بيقولي ان حصلهم حاجه🥺
امير…بلاش تشاؤوم ان شاء الله مفيش حاجه انا واثق ان الخطوط هي اللي بايظه وادام العاصفه حصلت انهارده فا طبيعي هيفضل التواصل كده على الاقل لحد بكره.
فاطيما….بكره انا من الصبح بمـ ـوت يا امير ودماغي هتنفـ ـجر مش قدرة اتحمل لحد بكره وبعدين افرض بكره مقدرتش اوصلهم هعمل ايه امير ارجوك لو تقدر تساعدني وتعرف توصلهم عن طريق حد من معارفكم ساعدني
امير….بتفكير طيب اهدي اكيد في حل متقلقيش بصي اللي هيعرف يخدمني في الحوار ده هو مراد ليه معارف كتير هناك انتي عارفه انه زمان قعد فتره ويعرف ناس كتير
فاطيما….مسكت ايده وهي منهاره طيب كلمه عشان خاطري قوله يمكن يقدر يعرف اي حاجه
امير….طيب ممكن تهدي شويه اهدي شويه يا فاطيما الانهيار اللي انتي فيه ده مش هيعمل حاجه هتتعبي على الفاضي خلينا نفكر بهدوء
فاطيما….انا بقولك مش قادره ودماغي واقفه من الصبح عايزه اطمن عليهم امير هما لو جرالهم حاجه انا همـ ـوت
امير….يا فاطيما اهدي بالله عليكي وترتيني والله ماهيطلع فيهم حاجه
فاطيما…طيب كلمه عشان خاطري
امير….حاضر مسك امير موبايله واتصل على مراد.
مراد…..الووو
امير….ايوه يا مراد انت صاحي
مراد….صاحي يا سيدي اللي يشوف كده يقول ان احنا ساكنين بعيد عن بعض
امير….انا مش في البيت يا مراد
مراد….بقلق في ايه يا امير وروحت فين
امير…متقلقش انا بخير بس اسمعني فاطيما كلمتني وجيت اشوفها واحنا عايزين منك خدمه
مراد….فاطيما هي مسافره وخدمه ايه دي
امير …هي نزلت مصر تخلص شغل بس المشكله ان في عاصفه في سان فرانسيسكو دمرتها وهي من الصبح بتحاول توصل لاهلها مفيش اي تواصل خالص وهي منهاره لو تعرف يا مراد توصل لاي حد هناك يطمنا بس انهم بخير انت ليك معارف هناك كتير واكيد مش هتغلب
مراد…..ايوه بس انت بتقول مفيش اتصال
امير….جرب يا مراد مش هنخسر اي حاجه حتى لو تعرف حد من ولايه تانيه يبلغك اللي حصل ويحاول يطمنا.
مراد….طيب اعرف منها العنوان بالتفصيل هناك وانا هحاول اوصل لاي حاجه وهبلغك
امير…..تمام يا مراد ولو وصلت لاي حاجه بلغني
مراد…طيب ابعت العنوان
امير….تمام يلا سلام
قفل معاه امير وبعتله العنوان بالتفصيل
امير…انتي قاعده في بيتكم
فاطيما…..لا انا مرضتش اروح هناك نزلت في فندق يعني كلها كام يوم والمفروض كنت هرجع
امير….طيب قومي يلا يا فاطيما هوصلك عشان ترتاحي
فاطيما…لا مش عايزه انا عايزه اطمن الاول
امير….اسمعي الكلام يا فاطيما اكيد مراد هياخد وقت لحد ما يجيب الرد وقعدتنا هنا ملهاش لازمه وانا هكون معاكي على الموبايل اي حاجه هعرفها هبلغك بيها
فاطيما…..طيب خلاص امشي انت ولو عرفت حاجه بلغني. انا مش هقدر اروح خالص
امير….فاطيما يلاااا مسكها من ايدها وقام بيها مشيت معاه وهي بتعيط
بعد وقت بسيط وصل بيها تحت الفندق
امير…متقلقيش ان شاء الله خير وانا معاكي مش هسيبك غير وانتي مطمنه عليهم
فاطيما….كلمني اي وقت ارجوك يا امير انا مش هنام لحد ما تقولي اي حاجه
امير….حاضر بس حاولي تهدي وتنامي شويه اللي بتعمليه ده مش حل يلا اطلعي وانا هفضل وراء مراد لحد ما يجبلي اي خبر
فاطيما…..ماشي انا اسفه يا امير تعبتك بس انا ملاقتش غيرك قدامي 🥺
امير….بابتسامه بلاش عبط انا جمبك اي وقت يلا اطلعي وهكلمك تاني
فاطيما….ماشي تصبح على خير.
امير….وانتي من اهله.
اول ما نزلت اتحرك امير واول حاجه عملها اتصل على فرح لكن مردتش عليه
…………..
في قصر الطوبجي
يوسف وخلود كانوا قاعدين جمب بعض على السرير هي بتظبط حجات لشغلها وهو كان بيتفرج على ڤديو على النت خاص بالعربيات بعد ما الڤديو خلص كان حاسس انه زهقان ونادر وحشه رغم انه مش بقاله غير يومين مسافر
بص على الوقت خاف يتصل يكون نايم فا بعتله ماسدچ
يوسف…..صاحي ولا نايم يا عريس؟
ثواني عدت وسمع يوسف موبايله بيرن
ضحك يوسف وفتح الخط
نادر….اول ما افتكرت يا واطي تسأل
يوسف….بضحكه هاديه والله عايز اكلمك من اول ما سافرت بس بصراحه خايـ ـف اخر مره كلمتك وانت مسافر سمعتك بترزعني واحده الله اكبر الله اكبر قولت أتلبست ولا شوفت عفريت بعدها عرفت ان حصل زلزال😂😂😂😂
نادر….ماعشان بومه ونيتك مش سالكه من ناحيتي😂😂😂
يوسف…ما انا اطمنت عليك من روح فا قولت اخدها من قاصرها والمرادي ابعتلك ماسدچ😂😂😂
نادر….عموماً لو حصل زلزال تاني يبقى العيب فيك😂😂
يوسف….لا ياعم بعد الشر 😂المهم طمني ايه الاخبار
نادر….تمام زي الفل
يوسف…مبسوطين ؟ ومريومه عامله ايه
نادر…زي القرده😂😂
مريم…قرده في عينك😂😂😂 ازيك يا چوو ولولو عامله ايه وحشاني اوي
نادر…يابت يابت ودني ايه سرينه😡
يوسف….الحمد لله بخير كويسه
خلود…سلملي عليها وقولها خلود بتقولك اتبسطي يا عروسه😍
مريم…..حبييتي يا لولو وحشتيني اوي
نادر…اوعي بقى سبيني اكلم اخويا خلاص الحب مقطع بعضه مكانوش يومين😡
مريم….ياساتر يارب خلاص يا اخويا كلمه انا رايحه اعمل نسكافيه
نادر…اعمليلي معاكي ياااابت😒
مريم…حاضر يا سي نادر😂
يوسف…والله جوز مجانين
نادر….سيبك مننا ايه اللي مصحيك لحد الوقت انتوا سهرانين مع بعض ولا ايه
يوسف….لا ده انا فوق في الاوضه بس مش جايلي نوم جيت من الشغل نمت شويه فا مش عارف انام وبصراحه وحشتني يا واطي البيت وحش من غيرك🥺
نادر….😂😂😂عشان تعرف بقيمتي ياكلب
يوسف….تصدق انا غلطان اني عبرتك🤨
نادر….لا والله انت كمان وحشتني اه مبقاليش كتير بس وحشتني يا چو
يوسف….متتأخرش بقى يا اخويا وتعمل فيها عريس 😒
نادر….ياض هو انا مراتك
يوسف…..😂😂😂ايوه شوف نفسك عليا بقى الحق عليا اني بجبر بخاطرك
نادر…حبيبي يا چو مش هنتأخر ان شاء الله يعني سنتين تلاته كده
يوسف….انت رايح تعمل شهر عسل ولا رايح تجيب عيال وتيجي بيهم وهما طولك😂😂😂😂
نادر…..لا والله هنخلص الوقت بتاعنا ونيجي متقلقش
يوسف…ماشي ياعم يلا روح لعروستك
نادر….ولا بقولك🧐🧐
يوسف….قول
نادر….إلهي ما يوقعك في ضيقه ماتعرفش فين بيت مهند🥴🥴
يوسف….بيت مين🤨 مين مهند ده
نادر….ياض مهند وسمر بتوع العشق الممنوع🥴
يوسف…..😂😂😂الله يخربيت عقلك كان عندك اخر ربع سليم واضح ان مريم قضت عليه
نادر….هي قضت عليه هو بس دي قضت عليه وعلى رجلي مقضيه اليومين لف على بيت مهند اللي منها لله😭😭😭😭
يوسف…..😂😂😂 طيب وهي عايزه تعمل ايه في بيت مهند
نادر….مشحططاني معاها عشان تتصور عنده
يوسف…..خلود متعرفيش فين بيت مهند
خلود…..😂😂😂😂قوله متتعبش نفسك بيدوروا في المكان الغلط
يوسف….سمعت
نادر……هي عارفه عنوانه ولا ايه🧐
يوسف…بيقولك انتي عارفه عنوانه😂
خلود….قوله على حد معلوماتي هما في المسلسل كانوا بيقولوا انهم في انقره😂 مش اسطنبول
نادر….احيه يعني كل المرمطه دي وبندور غلط😭 ربنا ينتقم منك يا مريم
يوسف….احسن البس يا معلم😂😂
نادر…..شمتان انت اوي بس عادي ليك يوم🤨🔪
يوسف….لا يا عم انا مراتي عاقله ربنا يكملها بعقلها ربنا يعينك على المجنونه اللي معاك😂😂😂
نادر….ادعيلي والنبي انا خايـ ـف تقولي تعالى نروح ندور على بيت الشيف بوراك😂😂😂😂
يوسف….الله معاك يا وحش😂😂
نادر….يارب ابقى سلملي على الكل
يوسف….حاضر يوصل يلا سلام
نادر…..سلام يا چو
قفل نادر في الوقت ده جات مريم بالنسكافيه
نادر…..بتخليني ادور على بيت مهند في اسطنبول والمسلسل كان في انقره🤨
مريم….مين قال لا كانوا في اسطنبول
نادر…..خلود اللي بتقول 😒
مريم…..لا ازاي هبص كده على المسلسل تاني واشوف كانوا فين🤔
نادر…احنا يابت سايبين مصر عشان نيجي نتفرج على العشق الممنوع😡
مريم….😂😂😂😂 سيبك من مهند هما صاحين ليه
نادر…لسه بدري اصلا بس يوسف مش جايله نوم وحشته واخد بالك يا جعفر وحشته😒🙄
مريم…..😂😂😂😂اه خدت بالي واضح ان يوسف متعلق بيك اوي
نادر….فعلاً طول عمري انا ويوسف قريبين لبعض اوي وهو بالذات متعلق بيا جداً
مريم….ربنا يخليكم لبعض يا حبيبي
نادر…..يارب يا قلبي😍
………………….
وصل امير البيت طلع على فوق وكان طول الطريق بيكلم فرح وهي مش بترد
طلع قدام اوضتها هيتجنن حس انها زعلانه كان عايز يفهمها اللي حصل باي طريقه قرب من اوضتها خبط بهدوء كذا مره مره مفتحتش
خد نفس طويل ودخل على اوضته.
………………….
عند قاسم وفريده.
فضلت فريده بصاله وباصه على الصوره وساكته
قاسم….فريده ردي عليا فهميني
فريده….بهدوء ابتسمت ابتسامه كلها ارتباك قاسم اااا
قاسم…..ردي عليااااا
فريده….ده حاتم
قاسم….وانا بقولك مين ده ما انا عارف انه حااااتم😡
فريده…طيب ممكن تهدأ شويه
قاسم…..اهدأ؟؟ اهدأ ايه فريده انا عفاريت الدنيا بتتنطت قدام عيني من وقت ما شوفت صورتك معاه حاتم بيعمل معاكي ايه في الصوره دي يا فررررريده😡
فريده…..بلعت ريقها بصعوبه حاتم كان جوزي يا قاسم!!
صدمه كبيره وقعت على قاسم وفضل باصصلها ومتنح😳
فريده…..ممكن تقعد اااا انا هعملك قهوه
مسك قاسم كوبايه كانت قدامها وحدفها اتكسرت في المكان كله
اتفزعت فريده وبصتله بصدمه وخـ ـوف
قاسم….مش عاااايز ززززفت انا عايز افهم😡
فريده…..بوجـ ـع تفهم ايه؟ وتفهم ليه؟💔
قاسم….افهم ليه؟ لو على افهم ليه فا أنا بس افهم وبعدين افهمك يا فريده
فريده…..لا يا قاسم انا مش محتاجه اني افهم اي حاجه انا فهمت كل حاجه من زمان من بعد ما اتجوزت حاتم ووقتها صدمتي مكانتش تقل عن صدمتك ويمكن اكتر بس انا وقتها شوفت ان الوقت عدى خلاص انت كنت اتجوزت ومهما جيت قولت اي حاجه فاهي مش من حقي
قاسم…..انا مش فاهم حاجه؟ وايه ده اللي مش من حقك ده لو اللي في دماغي صح يبقى الزباله ده اللي فرقنا عن بعض😡
فريده….بنبره وجـ ـع وصوت مهزوز من خنقه الدموع🥺 لو في حد كان سبب في اننا نبعد عن بعض يا قاسم فاهو انت
قاسم….انااااا؟
فريده….ومين غيرك 🥺💔 مين غيرك اللي صدق مين غيرك اللي بعد مين غيرك اللي كنت هبوس على رجليه عشان يصدق اني مظلومه🥺 مش انت
قاسم…انتي مش فاهمه حاجه ولا عارفه ايه اللي حصل وقتها
فريده….لا عرفت وفهمت يا قاسم كل حاجه
قاسم….عرفتي ايه؟ عرفتي ان الواطي اللي اتجوزتيه ده هو اللي جه قاللي انك على علاقه بواحد من دفعتنا عرفتي ان الواطي ده قاللي انك قربتي منه عشان بتحبيه.
فريده….وانت صدقت🥺
قاسم….مصدقتش غير لما شوفت بعيني وسمعت
فريده….شوفت ايه؟ وسمعت ايه؟
قاسم….شوفتك معاه وسمعتك وانتي بتقوليله انت غالي عندي يا سامح وانك مديوناله على اللي هو عمله معاكي وانك مستعده تقضي عمرك كله جمبه
صوتك وكلامك لسه بيرن في ودني وعمري ما نسيته
فريده….بوجـ ـع وانت مدتنيش فرصه اقولك قابلته ليه او قولتله ليه كده سامح عمره ما كان اكتر من صديق حاتم عرف يوقعكم في بعض وقدر يخليك تشك فيا كان صاحبكم وانا كنت حبيبتك بس اللي انت متعرفهوش ان حاتم اللي كان باعتني ليه من البدايه وقاللي محدش هيساعدك غيره والسبب اللي خلاني أروحله هو انت يا قاسم انت اكيد فاكر المشكله اللي حصلت بينكم اللي وصلت لي ان سامح يجبلك فصل من الجامعه اسبوع
قاسم….عشان كان وسخ وعمره ما كان صاحبي 😡😡
فريده….مش صحيح🥺 سامح كان ييحبك بجد وبعد اللي عرفته انا واثقه ان اي موقف بسيط حتى ولو كان صغير بينك انت وسامح حاتم كان السبب فيه عارف ليه عشان حاتم كان بيعشق التراب اللي بمشي عليه💔 كان مستعد انه يخسرك ويخسر الكل ويبوظ حياتي انا شخصياً بس المهم اكون معاه ويومها حاتم قاللي وقتها ان اللي هيساعدنا هو سامح روحيله انتي عشان مش هيسمع مني عشان انا في المشكله مع قاسم هو بيعزك وطول عمره بيقول عليكي جدعه روحيله عشان قاسم يقدر يدخل الامتحان ومتروحش عليه السنه كلميه وهو هيتنازل عن المحضر روحت وكلمته وقدرت اقنعه يومها قولتله انا مديونالك على اللي عملته قاللي قاسم وجعني اوي لما شك فيا وخوني وانا لو هتنازل فا هتنازل عشانك قولتله وانا ومستعده افضل جمبك طول العمر اردلك في جميلك ده بس للاسف انت خدت من كلامي اللي على مزاجك خدت اللي انت عايز تصدقه وبس مكنتش تعرف ولا كان حد يعرف وقتها ان سبب المشكله دي هو حاتم نفسه ومش حاتم بس يا قاسم كان في شخص تاني معاه بيجهزوا للعبه دي من بدري🥺💔
عشان يوقعونا كلنا في بعض ونجحوا يومها جيت قولتلك اسمعني رفضت وسمعتني اسوأ كلام اتوقع اني اسمعه من اي حد إلا انت
قررت وقتها اني اسيبك تهدأ كنت واثقه انك لما تهدأ وتسمعني هتفهم بس اللي متوقعتهوش هو قربك من زهره رغم وجعك ليا بس اديتك عذرك وقولت هو بيعمل كده عشان يضايقني بيحاول يردهالي لانه فاهم غلط بس وقتها اكتشفت يا قاسم ان حبك ليا مكانش حب قوي انت فعلا سيبتني وفي فتره بسيطه الكل عرف علاقتك بزهره صاحبت عمري يا قاسم💔🥺 زهره اللي عشان خاطرك سابتني وصدقت فيا الانت صدقته طول الوقت وانت بتوجع فيا وانا مستنياك تيجي تقولي يلا احكي اللي حصل بس كأنك مصدقت تبعد وكأن حبي ليك وحبك ليا كان حب وهم انا بس اللي عايشه فيه
قاسم…..حبي ليكي كان وهم طب ازاي؟ انا بحبك يا فريده من اول مره شوفتك فيها من واحنا في المدرسه وانا اعرفك بس من بعيد لبعيد طول عمري شايفك جدعه وتدخلي القلب من غير استاذان بس لما دخلتي شلتنا واحنا في اخر سنه في اعدادي بسرعه بقيتي واحده مننا شويه شويه لقيت نفسي بتعلق بيكي ومش بطيق حد يزعلك عرفت زهره عن طريقك كانت صحبتك وهي كمان دخلت شلتنا وبقينا صحاب كلنا يمكن وقتها مقولتش اني بحبك ولا ليكي ولا لأي حد بس حبي ليكي كان واضح وحبك ليا كمان كان واضح معترفتش بحبي ليكي غير في اخر سنه في ثانوي والكل كان عارف دخلنا الجامعه وانا ايدي في ايدك عمري ما سيبتك لحظه كنت بدور على اي حاجه تخليكي مبسوطه بس فجأه لقيت كل حاجه بتصدمني وسمعتك بنفسي واللي حذرني هو حاتم نفسه هو اللي جه قاللي بلاش فريده يومها اتخانقت معاه وقولتله مش عايز اعرفك قاللي خلاص هثبتلك ولو مشوفتش بعينك ان فريده متستاهلش حبك متعرفنيش تاني وروحت معاه شوفتك وسمعتك بنفسي يمكن وقتها مدتلكيش فرصه تدافعي عن نفسك بس الوجـ ـع اللي كان جوايا كان كبير كنت مصدوم بجد ويمكن وقتها كمان المحضر اتقفل وبعدت انا وسامح عن بعض بس من كتر وجعي انا مقدرتش اكتب حاجه في الامتحان وشلت السنه فضلت زهره هي اللي معايا كنت بعزها وكانت قريبه مني لدرجه ان هي كمان سابت امتحانتها عشاني عشان تفضل جمبي كانت موجوعه عشاني وموجوعه منك زهره ما باعتكيش يا فريده زهره اتوجعت منك ووقتها قالت انها اتصدمت فيكي لان اللي بينا كلنا كان سنين
فريده…بضحكه سخريه و بوجـ ـع اتصدمت فيا انا؟!💔
قاسم….اه يا فريده كلنا اتصدمنا وقتها لان بعد اللي حصل ده انتي فضلتي مع سامح وكأنك بتأكدي علاقتكم ببعض
فريده…..بس سامح اكتر حد شاف انا تعبت قد ايه هو وحاتم ويومها قاللي قاسم متغير مش هو ده قاسم اللي نعرفه قاللي شوفتي اني كان معايا حق اهو قلب عليكي انتي كمان وفي الاخر بيظلمني لتاني مره اني بخونه وبقرب منك
قاسم…..بس محدش فيكم انتوا الاتنين حاول يقولي الحقيقه حتى لو انا كنت رافض
فريده….ودي نعملها ازاي يا قاسم انت حتى مجتش قولتلي حاتم قالي عليكي كده يلا برأيي نفسك قدامي
قاسم…قولتلك اني كنت مصدوم وصدمتي الكبيره ان اللي وقع بينا هو نفسه اللي اتجوزك😡😡😡
فريده….انت مدتش نفسك فرصه تسمع الحقيقه ده اللي بيحب حد وبيشوفه بعينه بيغلط بيحاول يكدب على نفسه ويلتمس الف عذر و بيبقى عنده امل انه يسمع حاجه تخليه يكدب عينه بس انت عملت ايه انت بعتني يا قاسم
قاسم…بس انا عمري ما حسيت ان حاتم بيحبك💔
فريده…..عشان انت مبتحسش يا قاسم🥺🥺💔 انت لو كنت بتحس بجد مكنتش سيبتني من غير ما ادافع عن نفسي بس عادي يا قاسم هعذرك اصل الصاحب اللي بجد صعب تشك فيه وانا كمان كنت زيك اتخدعت
قاسم…..مين يافريده اللي كان بيساعد حاتم💔
فريده…..متأخر اوي السؤال ده يا قاسم متأخر عشرين سنه بحالهم عارف يا قاسم رغم ان اتوجعت كتير اوي بسببك ورغم ان حياتي بعدك كلها كانت بايظه بردوا بسببك إلا اني فرحت اوي لما شوفتك ومش هكدب عليك انا طول الوقت اللي فات كنت بحاول اعرف اخبارك من بعيد كل فتره 💔🥺 في اصعب اوقات مرت عليا كنت اول حد بيجي في بالي وببقى محتجاله انت يا قاسم ومع ذلك انا عمري ما سمحت لنفسي اني اقرب منك عشان مبوظش حياتك 🥺 بعد اللي حصل بينا قضيت دراستي بالطول والعرض وبعد ما خلصنا انت اتجوزت زهره وكان بالنسبالي الخبر ده هو موتي بالحياه🥺
سامح بعد عشان ظروف شغله وخطيبته بس اللي فضل معايا هو حاتم 🥺 قرب مني واعترفلي بحبه من سنين وانه كان بعيد بس عشانك حاول يكون معايا بكل الطرق ووقتها انا كنت زي الغرقانه اللي بتحاول تتمسك بالحياه لما اتقدملي مقدرتش اقول لا عشان هو عمل معايا حجات حلوه كتير وقولتهالك يا قاسم اللي تتحرم من حب عمرها مش هيفرق معاها اي راجل بعد كده اتجوزته و كان جايله شغل في امريكا ويمكن ده السبب اللي خلاني اوافق كنت عايزه ابعد وفضلنا هناك وجبت منه سليم وقتها كنت عارفه انه قطع علاقته بيك عشاني او هو فهمني كده بس اللي فهمته بعدين انه قطع علاقته بيك عشان متعرفش انه معايا حتى كان كتب كتاب من غير فرح وسافرنا بعد جوازنا بأربع ايام كنت لسه معرفش اي حاجه عن اللي عمله وحملت بعد شهرين من جوازنا وقبل ولادتي بحوالي اسبوعين حصل بينا خناقه كبيره يمكن كانت اكبر خناقه واول خناقه بينا وانت كنت سببها
لما غلطت و نادتله بأسمك يومها حاتم مكانش هو حاتم اتحول كاني شايفه شيطان ومن غير ما يحس قال حاتم نص الحقيقه في لحظه غضب قاللي انا عملت كل حاجه عشان تبقي بتاعتي بعدتكم عن بعض عشان تبقي ليا خسرت صاحبي عشانك عشان عمري ما حبيت غيرك عشان عمرك ما حسيتي بيا وقتها كنت مصدومه جالي انهيار وشوفت كل لحظه وجـ ـع بتعدي قدام عيني وانا مش معاك كنت همـ ـوت وفضلت راقده لحد معاد ولادتي ومش طيقاه ومش بقول اي حاجه غير طلقني يوم ما عرفت الحقيقه كامله حاتم كان شارب لدرجه انه مش شايف قعد تحت رجلي وهو بيعيط زي العيل الصغير عشان افضل معاه شرطت عليه يقولي باقي الحقيقه وعمل كده ازاي وانا اسامحه ويارتني ما سألته قاللي عمل ايه ومن أمته وهو بيخطط و مين ساعده قاللي كل حاجه و في نفس اليوم تعبت اكتر وروحت المستشفى وولدت كان فاكر ان سليم ممكن يخليني انسى واسامحه بس لا مقدرتش فضلت فتره مصممه على الطلاق وهو مصمم ميطلقنيش لحد ما اطلقنا فضل يحاول معايا كتير ولما ملقاش فايده قرر انه على الاقل ميبقاش بعيد عني عشان ابننا وافقت بس بحدود لدرجه ان لما سليم اتوفى ماما كانت واثقه انه هيرفع عليا قضيه إهمال ويتهمني بس هو معملش كده وفضل يحاول معايا اكتر وقرب مني عشان كنت متدمره بس لما فوقت بعدت عنه خالص وسيبت الولايه اللي كنت فيها وبعدها عرف اني اتجوزت الامريكي فقد فيا الامل وبعدها معرفتش عنه اي حاجه لا عارفه هو عايش ولا ميت بس كل اللي اعرفه ان انا اللي مـ ـوت الف مره طول الوقت كنت بحاول اعرف عنك كل حاجه بس من بعيد وعمري ما حاولت اقرب منك كنت عارفه انك نسيتني خلاص بس كنت واثقه ان حتى لو نسيتي قربي منك باي طريقه كان هيبوظ حياتك وانا مقدرتش اعمل كده عشان بنتك يا قاسم🥺💔
قاسم…..انا يمكن اول مره اسمع كل الكلام ده ويمكن كمان لما حاتم بعد زمان فكرت ان الدنيا خدتني بعد الجواز وخدته هو كمان معرفتش اي حاجه يا فريده غير الوقت ولو انا مكنتش شوفت الصوره مكنتش عرفت انا شكيت لما شوفت ليه صوره معاكي ازاي وهو اللي حذرني منك بس انا من حقي اعرف باقي الحقيقه واعرف مين اللي ساعده.
فريده…انت مش من حقك اي حاجه لو كنت عايز تعرف كنت سيبتلي فرصه ادافع عن نفسي مكانش كل ده حصل انت راجع ليه يا قاسم 🥺💔 هااا قولي راجع ليه راجع عشان توجعني اكتر راجع عشان تصحي الوجـ ـع اللي بحاول اسكته اكتر انا يمكن قلبي ردت فيه الروح من تاني يوم ما شوفتك يمكن نسيت وجعي منك بس اوعى تفتكر يا قاسم اني فرحتي برجوعك في حياتي هيخليني اسمحلك تبوظ حياتك
💔💔💔🥺
قاسم…وانا مقولتلكيش اني هبوظ حياتي انا كل اللي عايز اعرفه الحقيقه
فريده…..والحقيقه دي لو عرفتها هتبوظ حياتك زي ما بوظت حياتي🥺💔
اوعى تفتكر يا قاسم ان الحقيقه بتريح
ارجوك ابعد عني وانا بقولهالك اهو حتى لو كانت روحي رجعتلي يوم ماشوفتك فا انا مستغنيه عنها ابعد عني ارجوك وانسناني كأني مظهرتش في حياتك كفياني وجـ ـع بقى انا بتوجع بس بقالي 25 سنه اتجوعت اول مره يوم ما حاولت اقف جمبك وانت ظلمتني اتوجعت يوم ما ارتبطت بصاحبه عمري اتوجعت يوم ما صاحبت عمري بعدت عني وبقت معاك اتوجعت لما عرفت الحقيقه اتوجعت لما مقدرتش احقق حلمي اللي كنت حاسه ان هو طوق النجاه اللي هيرجعلي حياتي اتوجعت يوم ما اتخليت عنه وسيبت كل حاجه اتوجعت لما اختي وابني راحوا مني اتوجعت لما امي سابتني لوحدي وزياده على كل الوجـ ـع ده اتوجعت سنييييين وانا شايفه صورك وانا متابعه اخبارك وانا شيفاك عايش حياتك وسايبني ميته اتوجعت الف مره وانا شايفه معاك زهره واخده مكاني 🥺💔انا طول الوقت بتوجع بلاش توجع فيا اكتر وتصحي كل ده جوايا الوقت يا قاسم
قاسم…بوجـ ـع فريده اهدي انا مقصدش اوجعك انا بس عايز اعرف كل حاجه عايز اعرف مين عمل كده فينا
فريده…هيفيد بأيه يا قاسم بعد عشرين سنه هترجعلي عمري اللي راح وانا مش معاك هترجعلي ضحكتي هتشيل من قلبي الصخره التقيله اللي كاتمه على نفسي هترجعلي الرضا اصل طول السنين اللي فاتت مش راضيه ولا قادره اكون راضيه بحياتي وطول الوقت حاسه بالظلم وعمري ما قولت ان ده خير من ربنا لدرجه اني طول الوقت كنت بلوم ربنا وبقوله انت ليه بتظلمني 🥺 حتى علاقتي بربنا عمري ما حسيت انها كامله بسببك لاني عمري ما اذيت اي حد طول عمري بيتقال عني اني جدعه وبميت راجل طول عمري بيتقال عني اني بجبر بخاطر اي حد انا مستاهلش اتوجع كل الوجـ ـع ده يا قاسم
قاسم…ريحيني يا فريده وقوليلي ارجوكي 💔
فريده….مين قال انك هترتاح متقلبش في الماضي يا قاسم وعيش حياتك مع مراتك وولادك انساني زي ما اختفيت من حياتي كاحبيب انا هختفي من حياتك كا صديقه حتى لو اضطريت اني اسافر اي مكان بره البلد
مسكها قاسم من ايدها بعنف وقرب منها
قاسم…وانا مش هسيبك يا فريده حتى لو أضطريت اخدك أحبسك في مكان ومحدش يعرف يوصلك فيه مش هسيبك غير لما تقولي مين عمل فينا كده💔💔💔 فريده انا حبيتك من قلبي مش هنكر اني حبيت زهره وحبيتها فوق ما تتخيلي كمان زهره هي اللي عوضتني عنك هي اللي قفلت على جرحي منك بايدها
فريده…..يبقى كمل معاها وبلاش تخسرها
قاسم…..ومين قالك اني هسيبها بس لازم اعرف الحقيقه لازم تعرفي ان بعد كل اللي سمعته منك ده مش هسيبك يا فريده على الاقل اديني فرصه واحده اعمل بيها اي حاجه تعوضك عن وجعي ليكي
فريده…قولتلك يا قاسم هتقدر ترجعلي عمري وحياتي وقلبي لو هتقدر هقولك
قاسم…..هقدر يا فريده وحيات فريده عندي هقدر💔
فريده….امشي يا قاسم امشي💔🥺
قاسم….يعني ايه؟
فريده…يعني مش هقولك اي حاجه يا قاسم
قاسم…..صدقيني هعمل حاجه مش هتعجبك وهتزعلك يا فريده
فريده….اللي جرب الوجـ ـع الزعل مبيأثرش فيه يا قاسم من فضلك ابعد عني وسيبني يا اخي بقى 🥺💔
قاسم….تمام انتي اللي اخترتي يا فريده قرب منها بغضب مسك ايدها شدها وراه😡
فريده….قاسم قاسم استنى انت بتعمل ايه قاسم ارجوك
وقف قاسم وبصلها بغضب
قاسم…..اخر فرصه هدهالك يا تتكلمي يا قسماً بآيات الله هخدك من ايدك ومحدش هيعرف مكانك غير لما تتكلمي 😡😡😡 انتي عرفاني مش بحلف كدب وخدي بالك انا واصل لدرجه من الغضب ممكن تخليني اعمل اي تصرف يبوظ حياتي من غير ما احس
فريده….قاسم عشان خاطري🥺💔
قاسم…😡😡اخلصي يا فريده اتكلمي
فريده….بوجـ ـع انهارت وحيات اغلى حاجه عندك سيبني يا قاسم ورحمه اخوك ايمن ابعد عني وانساني بلاش توجـ ـع فيا يا اخي ده انا مصدقت شوفتك عشان احس ان لسه في حد في حياتي بلاش تخليني اكره الصدفه اللي جمعتني بيك بلاش والنبي يا قاسم💔🥺🥺
بصلها قاسم بوجـ ـع وقرب منها مسك وشها بأيده🥺💔
قاسم….فريده انا مش عايز اوجعك ولا قصدت زمان اوجعك يمكن وقتها كنت لسه طايش وواخد كل حاجه على كرامتي يمكن مكنتش مقدر حبي ليكي بشكل كافي يمكن كنت عيل قاسم بتاع زمان غير الوقت لو اللي حصل زمان ده كان حصل الوقت كنت سيبتك تتكلمي وتدافعي عن نفسك كنت خلقتلك الف عذر مكنتش سمحت لحد يدخل حياتنا بسهوله ويوبظها لو خايـ ـفه ان ظهروك في حياتي ومعرفتي للحقيقه هتخليني ابوظ حياتي اوعدك يا فريده اني مش هعمل كده لو خايـ ـفه اني اوجـ ـع زهره زي ما وجعتك زمان مش هيحصل بس عرفيني يا فريده عشان لو معرفتنيش مش هقدر اوفي بوعدي في كل اللي قولته واول حد هيتضر هي زهره لانها مش هتستحمل تغييري فريده انا كده كده عرفت ان في لعبه وسخه اتلعبت علينا عرفت ان حاتم ومعاه حد تاني كانوا سبب في بعدنا عن بعض يعني خلاص هي بايظه بايظه عقلي مش هيبطل تفكير خلاص فاقوليلي ارجوكي
فريده….اوعدني الاول يا قاسم
قاسم…اوعدك بايه
فريده…ان اللي هقوله ده بمجرد ما تخرج من الباب تنساه وكأني مقولتهوش اوعدني ان حياتك متتغيرش اوعدني ان الحقيقه متوجعكش زي ما وجعتني ودمرت حياتي اوعدني ان زهره وجنه وعُدي يفضلوا اهم حد عندك في الدنيا سليم لما راح مني اللي كان باقي من قلبي راح معاه ومش هيحس بقيمه العيله غير اللي خسرها زيي اوعدني يا قاسم
قاسم…..اوعدك يا فريده.
بصتله فريده بوجـ ـع🥺💔
فريده…..زهره !!💔 زهره يا قاسم اللي ساعدت حاتم زهره اللي اتفقت معاه على كل حاجه 🥺 زي ما كان حاتم بيحبني وانت محستش زهره كمان كانت بتحبك وانا معرفش حبيتك من غير ما تقولي ولا تحسسني بأي حاجه كنت بحكيلها كل حاجه عنك ويمكن هي حبيتك بسبب كلامي عليك زهره حبيتك لدرجه انها مقدرتش تستحمل انك تكون معايا حاتم حكالي كل حاجه من وقت ما حس بحبها ومعاملتها الخاصه ليك لحد ما اتكلم معاها بصراحه واتفقوا انهم يعملوا كل حاجه يقدروا عليها عشان يبعدونا عن بعض اتفقوا انهم بعد ما يبعدونا كل واحد فيهم يقرب بطريقته مننا🥺💔 هو استغل ضعفي بعدك ووجعي منك
وهي استغلت وجعك وصدمتك ومش بس كده بعدت عني وقتها بحجه اني خاينه وانك متستحقش مني كده وحاولت تدخلك من نقطه ضعفك وقتها وانت وقتها شوفت قربها منك وبعدها عنك بطوله شوفت انها أشتريتك في الوقت اللي انا بيعتك فيه🥺💔
يمكن زهره حقيقي بتحبك ويمكن قدرت تخليك تحبها يمكن عمرها ما عملت حاجه وحشه معاك وزي ما قولت انها بتتمنالك الرضا ترضا وصدقني عمرها ما هتفكر توجعك لو زهره وجعت حد فعلا فا هي وجعتني انا وجعتني فيك لما بعدتني عنك وجعتني فيها لما سابتني وغدرت بيا في اكتر وقت كنت اتمنى تكون معايا فيه💔🥺
قاسم…بصدمه فضل باصصلها ومش مصدق اي حاجه من اللي بتتقال سامعها بس عقله في مكان تاني بيفتكر الكلام اللي زهره كانت بتقوله وقتها
فريده….قاسم انت طلبت تعرف وانا مكنتش حابه اقولك مكنتش اعرف اني هشوفك صدفه ولا كنت اعرف انك ممكن تشوف صوره حاتم وتدور ورايا قاسم انا عمري ما توقعت انك تشوفني حتى لو صدفه وانت اللي تنادي عليا كنت واثقه انك هتفضل كارهني طول عمرك لو اعرف ان ممكن اشوفك وكل ده هيحصل صدقني مكنتش عمري فكرت ارجع مصر
قاسم…..زهره؟؟💔 طب ليه مستحيل يعني انا عايش طول السنين اللي فاتت في كدبه عايش مع اكتر حد كان شاهد على كل لحظه وجـ ـع بعدك يعني لما كانت بتقولي متستاهلكش ومتزعلش نفسك وهي الخسرانه كانت ظلماكي💔
قاسم بشرود بصلها عشان كده لما شوفتك امبارح مسألتنيش عن زهره سألتيني عامل ايه في الجواز سألتيني. عن ولادي وشغلي سألتيني عامل ايه في حياتك استغربت شويه انك مسألتيش على زهره استغربت انها موحشتكيش ونفسك تعرفي اخر اخبارها…..زهره زهره يا فريده انا هتجنن لا لا في حاجه غلط اكيد حاتم بيكدب عليكي💔🥺
فريده….يمكن اللي عمل كل حاجه كان حاتم هو اللي فكر و دبر هو كان السبب في كل حاجه زهره كانت مجرد عامل مساعد ليه بيشجعه زهره كانت فرحانه باللعبه يا قاسم من حبها ليك مفكرتش تعترض فكره انها في النهايه هتفوز بيك سيطرت عليها يمكن انا مفرقتش معاها وباعتني بالرخيص اوي بس فريده عملت كده عشان بتحبك حاتم استغل حبها ليك عشان شاف ان مش من مصلحته انه يحاول معايا بعد ما ابعد عنك كان شايف ان مصلحته الاكبر ان زهره تكون معاه عشان تقدر تبعدك عني اكتر كان شايف ان لما هلاقيكم مع بعض هكرهك وابعد عنك اكتر وهو هيقدر يقنعني بوجوده في حياتي يمكن وقتها كرهتك ويمكن اتوجعت منكم انتوا الاتنين وقدر يبعدني عنكم فعلا ولما نفذوا هما كمان بعدوا عن بعض لان كل واحد فيهم وصل للي هو عايزه وقدروا يدمروا حياتنا مع بعض💔🥺
قاسم…يعني طول السنين دي انا عايش في كدبه تحت مسمى الحب طب ازاي انا حياتي وحياتك مش لعبه يا فريده 😡😡😡😡
فريده….قاسم انت وعدتني🥺💔
قاسم….وعدتك بس لو ترضيلي اعيش باقي حياتي موجوع زي ما انتي عيشيتي موجوعه انا هسكت💔
فريده…..هتسكت وهترضى وهتكمل🥺 عشان ولادك وعشان فريده بتحبك زي ما حاتم حبني💔
قاسم….وليه مكملتيش معاه ادام انتي عارفه انه بيحبك
فريده…عشان انا اكتشفت من بدرررررري💔 انت جاي بعد عشرين سنه عايز تعمل زي ما انا عملت بالظبط مش هسمحلك ياقاسم
قاسم….فريده انا حاسس ان هيجرالي حاجه لو ما اتكلمتش
فريده…انت وعدتني 🥺💔 لو فعلا انا غاليه عندك بلاش تبوظ حياتك
بصلها قاسم بوجـ ـع ومن غير ما يحس شدها لحضنه انهارت فريده في اللحظه دي💔💔🥺
قاسم…..🥺💔💔💔💔
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أحفاد الطوبجي)
