رواية أحفاد الطوبجي الفصل الثاني عشر 12 بقلم أميرة أسامة
رواية أحفاد الطوبجي الجزء الثاني عشر
رواية أحفاد الطوبجي البارت الثاني عشر
رواية أحفاد الطوبجي الحلقة الثانية عشر
💔تشتت💔
خرجت فريده من حضن قاسم بكل وجـ ـع ودموعها نازله
بصلها قاسم وهو تايهه و مصدوم و موجوع و مضايق من نفسه حاسس ان كل مشاعره و افكاره مشتته قلبه واجعه على فريده وحاسس انه ظلمها متضايق من زهره ومش لاقي تفسير للي عملته فضل واقف ساكت باصص لفريده لكن عقله بيحاول يلاقي إجابه لكل الاسئله
مسحت فريده دموعها و بهدوء راحت على علبه السجاير بتاعتها قعدت على الكرسي ولعت سيجاره وفضلت باصه بعيد عنه.
راح قاسم عليها وسحب كرسي وقعد قدامها بصتله فريده
قاسم….عارف ان مفيش اي كلام ممكن اقوله يقدر يعوضك عن اي حاجه وحشه شوفتيها بسببي وعارف كمان انا لو فضلت اقولك اسف بعدد السنين اللي راحت مش هيفيد بأي حاجه بس حقيقي يا فريده انا اسف
فريده….اسف على ايه يا قاسم خلاص انسى اللي حصل حصل بمزاجنا او غصب عننا كنا هنعيش كل اللي حصل ده يعني انت ملكش ذنب
قاسم…لا ليا يا فريده يمكن في اطراف كتير غلطت في حقك قبل حقي بس انا كنت من ضمن الناس دي ويمكن لو انا مكنتش بعدت وقتها واديتك فرصه تتكلمي مكانش كل ده حصل
فريده…..كلمه ياريت عمرها ما بترجع اللي فات يا قاسم وانا عمري ما زعلت منك
قاسم…..بس اللي انا عملته في حقك يا فريده حقك تفضلي طول العمر كرهاني ومتسامحنيش انا مش عارف ازاي هقدر اسامح نفسي مش عارف ازاي هقدر اتعامل مع زهره مش عارف اصلاً المفروض اعمل ايه فريده انا تايهه يمكن زمان اللي حصل بينا انا غلطت فيه بس مش هدافع عن نفسي صدقيني يا فريده وقتها انا كنت موجوع حاتم فضل فتره يحاول يقنعني اني مينفعش اكون معاكي كان طول الوقت بيحاول يشككني فيكي عمري ما صدقت وكنت بقوله فريده مستحيل تكون كده وقتها انتي كنتي قريبه من سامح وسامح كان بيعزك اوي وكنتي البنت الوحيده اللي هو قريب منها وده اللي خلاني اصلا في يوم اتخانق مع سامح ووصلت المشكله بينا لوضع وحش حاتم قدر يوقعني فيه زي ما قولتي ولما حصل اللي حصل جه قاللي انك هتقابلي سامح وده وقتها اللي جنني مكنتش اعرف طبعا ان حاتم اللي قالك تروحي لسامح هو لعبها صح بس انا غلطت كان لازم اصدقك واسمعك بس وقتها مقدرتش اتحكم في نفسي كنت بقول لنفسي انا خسرت صاحبي واتخانقت معاه عشانك وفي الاخر انتي تبعيني كنت مصدوم فيكم انتوا الاتنين عارف انه مش مبرر بس ده اللي حصل كمان صدقيني يافريده انا مبعتكيش ولا ارتبطت بزهره على طول
كل الحكايه ان زهره بالفعل كانت قريبه مننا بحكم صداقتنا القويه كنت بحس انها بتهون عليا وهي وقتها مكانتش بتسيبني يمكن ارتباطي بيها جه بعد وقت مش بسيط لكن وقتها لاحبيتها ولا هي قالت انها بتحبني
فريده….كل ده انا عرفاه يا قاسم وصدقني انا مسمحاك يمكن وقتها اديتك الف عذر وكنت مستنيه اننا نتكلم بس حاتم وقتها بردوا قدر يخليني ابعد وانا ضميري مرتاح حتى اني اجي واحاول مره واتنين وتلاته وادافع عن نفسي مرضتش اعملها وقتها قولتله زهره متغيره معايا زهره بتتهمني انها اتخدعت فيا فاكره يوم ما روحتلها وانا منهاره بقولها الحقيني يا زهره قاسم فاهم غلط ساعديني هو حاليا في حاله مش هتسمحله يسمعني احكيله انتي يومها قالتلي انتي اللي عملتي كده ده شافك وسمعك بودنه عايزه ايه اكتر من كده كنت وقتها فكراها هي كمان مضايقه مني وشاكه اني ممكن اعمل كده بس مكنتش عارفه انها بتحبك بعد فتره لما بقيتوا قريبن اكتر لبعض حاتم مبطلش زن على وداني طول الوقت كان بيقولي انها بتحبك وبتقرب منك
كنت مصدومه وعشان كده قررت ابعد عنكم خالص
قاسم….ممكن أسالك سؤال
فريده…..اكيد
قاسم….انتي بعد طلاقك فضلتي قريبه من حاتم؟
فريده….في البدايه لأ أول ما عرفت كنت عامله زي المدبوحه يمكن اتوجعت منك اوي يا قاسم عشان مدتنيش فرصه ادافع عن نفسي و اتوجعت من صاحبه عمري انها موقفتش جمبي
بس لما عرفت الحكايه من حاتم كنت عامله زي اللي اتخبط على راسه ووجعي وقتها مكانش منك كان من زهره كنت شايفها موقفتش جمبي بس صدمتي لما عرفت انها كانت قاصده كل اللي حصل يمكن الوجـ ـع مكانش نام بس صحي اكتر وبقيت منهاره صممت اطلق مكانش راضي ابداً حاول معايا كتير بس في النهايه اتطلقت لان مكنتش هقدر اعيش معاه بعد ما عرفت اللي حصل وبعد الطلاق كنت لسه مش في حالتي الطبيعيه مكنتش طايقه اشوفه بس في النهايه احنا كان في بينا ولد لازم يكون جمبه في تعبه في مناسبه حلوه ليه في دراسته في تربيته وهو فضل يتكلم معايا وقالي حتى لو مش هنرجع بس خليني اكون جمبكم وافقت عشان ابني بس علاقتي بيه كانت بتقتصر على علاقتنا بسليم يكون معاه اول يوم دراسه يكون معاه في عيد ميلاده بس بعد فتره رجعت بعدت عنه تاني لما لاقيته بيتكلم في رجوع ورجع تاني قاللي خلاص مش هفتح الموضوع ده تاني بس تفضلي معايا وفي حياتي انتي وسليم ولما سليم اتوفى كان واقف جمبي جداً يمكن انا وامي توقعنا انه يستغل اللي حصل ويحاول ينتقم مني بس انا عارفه ان حاتم كان بيحبني ومعملش كده حتى لما سفرت امي كان واقف جمبي اوقات كتير لما كنت ابصله مكنتش ببقى طيقاه لان هو سبب كل حاجه وحشه في حياتي بس مع كل ده كنت بحتاجه مش هنكر وقف معايا كتير ساعدني اكتر في امريكا مكنتش اعرف غيره تخيل تضطر تلجأ لاكتر شخص انت مش طايق تبص في وشه
بس كنت بحاول لكن بعد امي ما اتوفت
بقيت ابعد عنه وبعد فتره اتجوزت وقتها حاول يمنع الجوازه دي بس مقدرش لانه صعب يعمل تصرف من تصرفاته دي في واحد امريكاني وكمان في بلده بعدت وروحت ولايه تانيه ومن وقتها اتقطعت كل اخباره
قاسم….بوجـ ـع انا لما شوفت صوره اتجننت ولما عرفت منك الوقت استغربت انك محتفظه بصوره عشان كده سألتك
فريده…..ليا صور معاه ومع الاتنين التانين اللي اتجوزتهم ليا صور معاه هو سليم عمري ما فكرت امسح اي ذكرى حتى لو كانت وحشه بس صدقني يا قاسم لو عندي شك واحد في المليون انك ممكن تدور في حسابي وتشوف صورته كنت مسحت كل حاجه ويمكن كمان انا متخيلتش انك تدور ورايا بالسرعه دي عشان كده لما كلمتني استغربت صوتك وعصبيتك ومجاش في بالي انك هتفاتحني في الموضوع ده
قاسم….فريده💔
فريده….قاااسم أرجوك انسى اللي حصل واللي اتقال انت اللي اضطرتني اني احكي
قاسم…ليه محكتيش يافريده من اول ما عرفتي
فريده….احكي ليه؟ عشان تسامحني ولا عشان ابرأ نفسي قدامك كان ممكن اعمل كده لو مكنتش اتجوزت يا قاسم بس كلامي مكانش هيفيد بحاجه لانك بقيت راجل متجوز وانا لايمكن ابوظ حياتك يا قاسم
قاسم…..بس اظن ده كان حقك على الاقل تاخدي حقك من زهره
فريده…بإبتسامه بسيطه انت عارفني كويس يا قاسم عمرك عرفت اني شخصيه أنتقاميه بص يا قاسم انا مش ملاك ولا انا بقول الكلام ده عشان تحس اني مظلومه وتتعاطف معايا مكانش ينفع اقول لاسباب كتير اولهم اني مبوظش حياتكم بس من غير ما تزعل مني إذا كان وقتها واحنا لسه مع بعض مسمعتنيش ولا خلتني ادافع عن نفسي يبقى ازاي هاجي اقولك الحقيقه بعد ما اتجوزت هستفاد ايه ما هو لو عملت كده ملهاش غير تفسير واحد اني ابوظ حياتكم زي ما حياتي باظت وانا مكنتش هعمل كده كمان انك تعرف وتتاكد اني مظلومه مش معناه اني هوافق على رجوعك في حياتي لاني كنت معاك يا قاسم ومحافظتش على وجودي يمكن اه تعبانه انك مكنتش معايا واننا بعدنا بس كمان لو كنت رجعتلي كنت هتعب اكتر يا قاسم وهفضل فاكره انك زمان شكيت فيا
قاسم….بس كنت عرفت حقيقه زهره فريده حتى لو انا غلطت معاكي بس انا كمان أتلعب عليا زيك واللي خدعني واحده حبيتها وعشت معاها عشرين سنه
فريده….بس متنكرش ان زهره بتحبك يا قاسم
قاسم…انتي ازاي قادره تدافعي عنها
فريده….سبق وسامحت حاتم نفسه ووافقت انه يفضل في حياتي انا وابني اه كنت كل ما اشوفه واسمع صوته افتكر اللي عمله فيا بس سيبته يمكن على قد ما انا مكنتش طيقاه من بعد ما عرفت بس مقدرتش اكرهه حب حاتم الجنوني ليا خلاني اسامحه مع ان مفيش حاجه تغفر غلطته بس سامحته هبل مني او سذاجه مش فارقه المهم اني سامحته زهره بالنسبالي هي كمان زيه مشكلتها انها حبت يمكن موجوعه منها لانها كانت صاحبتي ومتوقعتش منها كل ده يمكن كان هيبقى اهون عليا لو زهره حبتك وقررت انها تلفت نظرك وتاخدك مني لكن اللي كان صعب بالنسبالي انها توافق حاتم على اتهامه ليا ودي اكتر حاجه وجعاني بس في النهايه اللي خلاني اسامح حاتم مش هسامح زهره اللي كانت صاحبتي انت كمان يا قاسم لازم تنسى كل اللي اتقال وتسامح خلينا نقول ان الطريقه كانت غلط بس في النهايه كان في حد بيحبنا
قاسم….مش كلنا زي بعض يا فريده ويمكن انتي بتقولي كده عشان فات على معرفتك للحقيقه عمر بحاله لكن انا وجعي لسه صاحي ويمكن اكبر انتي اكتشفتي الحقيقه بدري لكن انا فضلت مخدوع عشرين سنه💔
فريده….بابتسامه وجـ ـع مش يمكن يكون ده عقاب من ربنا ليك عشان ظلمتني
قاسم…..يمكن بس كمان انا تايهه العقاب قوي يا فريده ومش عارف المفروض اعمل ايه💔
فريده…ولا حاجه اسأل نفسك سؤال واحد زهره ايه في حياتك هتلاقي الرد زهره عشره وحب وعيله وولاد يعني صعب تعمل زيي يا قاسم عشان وضعنا مختلف زي ما قولت انا اكتشفت الحقيقه بدري وكان عندي فرصه ابعد بس انت لا يا قاسم ووقتها كمان انا كنت لسه صغيره وببدأ حياتي انما انت حياتك بدأت من زمان مينفعش تيجي تبوظها الوقت
قاسم…بابتسامه بسيطه مش بقولك انك طول عمرك جدعه
فريده….مش جدعه يا قاسم صدقني بس يمكن مع الوقت ولما بنكبر تفكيرنا وقرارتنا بتكون مختلفه بننضج اكتر قاسم زهره غلطت بس غلطت في حقي انا اكتر يعني يمكن تكون معاك سخنتك عليا وده عشان توصلك لانها بتحبك يعني كانت بتحاول تشتري قربك لكن غلطها معايا انها باعتني يا قاسم باعت صحوبيتنا سوأت سلوكي قدامك خدتك مني وهي كانت عارفه انا بحبك قد ايه غلطها معايا مش مقبول لكن معاك يعدي على فكره زهره طول عمرها طيبه وعبيطه قبلك يا قاسم زهره لما كنت بحتاجها كنت بلاقيها وبالرغم من غلطها معايا كان قوي ومش متوقع لكن انا ليا نظره في الناس هي مش وحشه بس حبيتك واوقات يا قاسم الحب بيخلينا نغلط في حق ناس من غير ما نحس وحتى لو حسينا بنعمل نفسنا مش واخدين بالنا المهم نوصل للحب اللي قلبنا عايزه وزهره عملت كده انا واثقه ان زهره من جواها كانت مضايقه ويمكن اكون كنت صعبانه عليها كمان بس هي حبها ليك كان اقوى من صداقتها وحبها ليا واظن يا قاسم لو زهره ده كان طبعها كنت لمست اي حاجه من الطبع ده طول السنين اللي فاتت انت قولت انها بتحبك وبتحب عيلتك وعيلتك بتحبها والبني ادم الكداب والخاين مبيعرفش يمثل كتير
عشان كده بقولك زهره مش وحشه هي وحاشتها ظهرت في موقف واحد بس ويمكن هو اسوأ موقف في حياتها
كمان يا قاسم في حاجه مهمه انت قولت انك وقتها اتسرعت وكنت صغير وطباعك كانت مختلفه فا اوعى تنسى ان زهره كمان كانت صغيره وطباعها مختلفه يعني مينفعش تدي نفسك عذر وهي لا💔🥺 انتوا في بينكم ولاد يا قاسم صدقني لو حصل بينكم حاجه انا اول حد هيتأثر
قاسم…..فريده انتي ليه مش عايزاني اواجهه زهره؟
فريده….هتستفاد ايه ؟
قاسم…..اعرف الحقيقه
فريده…لوعندك شك واحد في المليون اني ممكن اكون بكدب عليك روح فاتحها يا قاسم لو شاكك اني قولت كل الحكايه دي عشان ابوظ حياتك زي ما حياتي ما باظت روح فاتحها لو شاكك اني مكنتش اعرف عنك حاجه طول العشرين سنه مستعده اقولك كل موقف وكل صوره وكل مناسبه حصلت في حياتك وحيات اخواتك باليوم انا قابلتك صدفه يا قاسم واظن مكنتش اعرف ان انت واخواتك خارجين تسهروا وتحتفلوا بفرح نادر اخوك مكنتش اعرف انك هتطلب رقمي وتطلب نتقابل لو شايف اني وافقت اقابلك عشان احكيلك تبقى غلطان والدليل اني مجبتلكش سيره حاتم في مقابلتنا امبارح عرفتك اني اتجوزت تلاته بس مذكرتش قدامك اسم حاتم لاني كنت واثقه انك هتتصدم وتقول ازاي اتجوزها وهو اللي بعدني عنها مش كدب عليك يا قاسم انا لما وافقت اقابلك وافقت عشان انت كنت واحشني اه مش هخبي كان نفسي اقعد معاك واتكلم واسمع صوتك واحس انك لسه معايا وده شعور غصب عني 💔🥺 لكن متوقعتش انك تاني يوم تفاتحني لو انت شاكك ان كل دي حجات مترتبلها روح قولها يا قاسم واجهها وأسالها
قاسم….فريده استني بس انتي فهمتيني غلط انا مقصدش بكلامي ده اني بشكك في كلامك بس حطي نفسك مكاني قام قاسم بغضب😡😡😡 انا عايش عشرين سنه مع واحده بحبها و واثق من حبها ليا اكتر حد وقف جمبي اكتر واحده اتحملتني في كل لحظات حياتي اكتر واحده وقفت مع اهلي علاقتها بأخواتي مفيش زيها اخواتي بيعتبروها اختهم صاحبه واخت لمراتهم بتقف مع الكبير والصغير عشرين سنه نايمه في حضنيييييي💔 عمرنا ما زعلنا من بعض ولا حصل بينا مشاكل غير حجات بسيطه ممكن مفتكرهاش من تفاهتها طول عمرها بتكرهه الخيانه والغدر كرهت الصداقه من بعدك وقالتلي بعد اللي عملته معاك بقيت أخاف أصاحب واكتفت بيا وبعيلتي بس وفي الاخر اكتشف اني كنت عايش في كدبه كبيره عايش مع اكتر واحده شافتني وانا تعبان بسببك شافتني وانا بحكيلها وبقولها قد ايه اتوجعت شافتني وانا بقولها مش قادر اشوفها قدامي واحنا مش بنتكلم شافتني وانا بقولها انهارده كان عيد ميلاد فريده وكان زماننا مع بعض💔 شافتني وانا ضعيف شافتني وانا بقاوم وبحاول انسى عشان ارجع اقف من تاني وهي كانت مصممه تقول انك مكمله مع سامح مصممه تخليني اكرهك كل ده ليه عشان بتحبني ده اللي بيحب حد بيتمنى يشوفه مبسوط انا لو عايز اقول لزهره يا فريده مش عشان شاكك فيكي عشان اعرف ازاي الملاك اللي عشت معاها دي هي نفسها اللي كانت مشاركه في وجـ ـع قلبي وقلبك💔🥺 فريده انا تعبان انتي اكيد حاسه بيا
مسك قاسم راسه بأيده الاتنين وهو بيغمض.
قامت فريده بسرعه ومسكت ايده
فريده…اهدى اهدى يا قاسم عشان خاطري تعالى اقعد
قعد قاسم وهو بيتنفس بسرعه من شده غضبه💔
فريده…..امسك اشرب مايه واهدى 🥺 انا حاسه بيك يا قاسم بس حتى وانت بتقول كل ده انت بتأكد كلامي زهره مش حد وحش هي غلطت و قربت منك بطريقه غلط بس حبها ليك يخليك تنسى وتسامح عايز تتكلم معاها اتكلم مش همنعك لو ده هيريحك اتكلم يا قاسم بس وانت بتتكلم تكون هادي تسمع منها تحاول تلتمسلها الف عذر عشان ولادكم افتكرها كل حاجه حلوه وحطها قدامك وانت بتتكلم عشان متعملش اي تصرف مش حلو بس قبل ما تروح تكلمها او تواجها اسأل نفسك هتطلع كسبان من المواجهه دي ولا خسران ولازم تعرف انك مش هتطلع خسران لوحدك انت وهي وولادكم وحتى عيلتك اللي متعلقين بيها وبقت جزء منهم متفكرش في نفسك بس يا قاسم فكر في كل اللي حواليك💔🥺
قاسم….انتي هتقوليلي تاني لو حابب تتأكد😡
فريده…بلاش تتأكد خليني اقول انك تسمعها زي ما سمعتني 🥺
قاسم….انا لو اتكلمت مش هبقى بتكلم عشان اسمع يافريده💔 زهره مهما كان ليها مواقف حلوه مهما كان حبها كبير فكره انها كانت سبب في بعدنا مش فكره تتسامح عليها
فريده…يبقى تسكت ومتتكلمش وانسى ومتبوظش حياتك انت زمان بوظت حياتنا بس كنا لسه على البر متخليش الغضب يعمي تفكيرك مع زهره🥺💔
قاسم…..حاسس ان دماغي بتتفرتك 💔
فريده….طيب اعملك قهوه🥺
قاسم…..فريده فين الحمام مش قادر 💔
فريده…..تعالى طيب بسرعه
راح قاسم وراها ودخل الحمام قفل على نفسه وفضل يرجع كتير وهي واقفه بره هتتجنن
فريده…قاسم في ايه قاسم مالك افتح الباب ده💔 قاسم افتح
بعد وقت بسيط فتح الباب شكله كان تعبان جداً
فريده…مسكت فوطه بسرعه و نشفتله وشه وخرجته بره انت كويس
قاسم…احسن متقلقيش
فريده…انت قولونك عصبي ؟
قاسم….مش عارف اول مره يحصلي كده
فريده….اكيد القولون من العصبيه لحظه واحده خليك مرتاح جريت فريده على الدور اللي فوق ورجعت نزلت بسرعه
فتحت برشامه بتاعت القولون وجابتله مايه
فريده….اشرب يا قاسم ده برشام بتاع القولون انا اوقات كتير لما بتعب او بضغط على نفسي بيحصلي كده هيريحك اوي
خد منها المايه وشرب وفضل ساند راسه على الكرسي.
فريده….قاسم انت معاك برفيوم في عربيتك
قاسم….تقريباً
فريده…طيب هات المفتاح
قاسم….ليه؟
فريده….هجيبلك برفيوم هيفوقك شويه
اللي موجود هنا عندي مش رجالي
بصلها قاسم وابتسم ايه عامله حساب انها تشم الريحه يا فريده😏💔
بصتله فريده وسكت فين المفتاح
طلع قاسم من جيبه المفاتيح خرجت بسرعه فتحت درج التابلوه لقتها قصادها خدتها ودخلت تاني بسرعه ادتله المفاتيح ورشتله من البرفيوم عشان يفوق شويه.
فريده….ايه احسن ؟
قاسم….متقلقيش احسن يلا يافريده عشان تروحي الوقت اتأخر وانا كمان هروح بس همشي وراكي الاول
فريده….لا تمشي ورايا ايه انت اصلا هتقدر تسوق
قاسم….ايوه يا فريده متقلقيش قولتلك يلا خليني امشي
فريده…قاسم🥺
قاسم…..متقلقيش يا فريده حتى لو هتكلم مش هتكلم الوقت انا بجد تعبان
فريده…..انت هتقلقني ليه؟
قاسم….مقصدش بس اقصد اني مش حمل كلام الوقت يلا هاتي حاجتك
فريده…طيب ممكن تديني ثواني بس اشيل الكوبايه اللي انت كسرتها دي🥺
البنات بيجوا بدري يفتحوا المكان مش هياخدوا بالهم وممكن يتعوروا
قاسم….حقك عليا يا فريده
فريده…ولا يهمك يا سيدي فداك❣️
راحت فريده نضفت المكان بسرعه وبعدين قفلت كل الانوار وخرجوا
فريده…قاسم خد بالك من الطريق من فضلك
قاسم….انا هوصلك يا فريده الاول
فريده….لا طبعاً مش هينفع انت امشي انا بعرف امشي لوحدي في اي وقت
قاسم….يلا يافريده اركبي و بلاش مناهده كتير عايز اروح ارتاح
فريده….ماشي امسك البرفيوم
قاسم….شكراً
فريده…بإبتسامه بسيطه سوق براحه
قاسم…حاضر
ركبت فريده واتحركت وهو فضل وراها
لحد ما وصلوا قدام الڤيلا بتاعتها نزل قاسم وقرب منها
فريده….تعبتك معايا يا قاسم
قاسم…بلاش عبط تعب ايه اكيد مش هسيبك تروحي لوحدك الساعه داخله على اربعه ❣️
فريده….هتقدر تروح لوحدك
قاسم…اه انا احسن كتير متقلقيش البرشام خلاني احسن
فريده….اااا لو عرفت يعني تطمني لما توصل عرفني حتى بماسدچ
قاسم….حاضر هطمنك يا فريده❣️
فريده…تمام
مسك قاسم ايدها بسرعه بصتله فريده من غير ولا كلمه
قرب قاسم ايدها من شفايفه بحب
قاسم…..سامحيني يافريده انا اسف اسف على اللي عملته وعلى اللي زهره عملته وعلى اللي حاتم عمله بجد انا اسف 💔❣️
ابتسمت فريده وحطت ايدها التانيه على كف ايده طبطبت عليه بهدوء
فريده…..كل اللي حصل وكل الوجـ ـع انا نسيته وكل حد غلط في حقي انا سامحته كفايه انك عرفت اني عمري ما كونت خاينه وكفايه اني شوفتك بخير يا قاسم ❣️
قاسم…..يلا ادخلي❣️
ابتسمت فريده وهزت راسها وسحبت ايدها من ايده بهدوء ودخلت على جوه وهو مشي.
………………..
بعد وقت بسيط وصل قاسم القصر فتحوله الجارد البوابه دخل ركن عربيته بص من شباك العربيه على فوق الاوضه كانت ضلمه حمد ربنا انها نايمه عشان كان واثق ان حتى لو مش هيقول حاجه اكيد هيبان عليه
طلع موبايله واتصل على فريده
فتحت الخط وردت.
فريده…الووو
قاسم…ايوه يا فريده اسف انتي نمتي
فريده….لا لا لسه انت روحت؟
قاسم…اه تمام
فريده…طيب تعبان ولا كويس؟
قاسم….اطمني انا بخير
فريده…طيب الحمد لله حمد الله على سلامتك
قاسم…الله يسلمك
فريده…..عايز حاجه؟
قاسم…..لا يا فريده سلامتك💔
فريده…..سلام يا قاسم
قاسم….سلام.
قفل معاها وفضل قاعد في العربيه سند راسه على الدركسيون و راح في دانيه بعيده يفكتر كل الاحداث اللي حصلت ويحاول يربط كل الاحداث ببعض بالرغم من ان قاسم اول ما شاف فريده فرح واتبسط لكن من جواه كان بيدعي زهره متكونش عملت كده.
فضل قاعد شويه لحد ما بدأ النهار يطلع طلع على اوضته فتح بهدوء الباب ودخل بص عليها كانت نايمه فضل واقف باصص عليها و سرحان بيسأل نفسه معقول انتي يازهره تعملي كده معقول اكون عايش معاكي في كدبه معقول تكوني أشتريتي راحت قلبك وتعبتيني انا وفريده 💔
راح بهدوء غير هدومه وبعدين رجع قعد على حرف السرير فضل باصصلها مش عارف ينام وبيتقلب مش قادر
قلقت زهره فتحت عينها وبصيتله
زهره…حبيبي انت لسه جاي
قاسم كان باصصلها لكن كأنه لا سامعها ولا شايفها تايهه
زهره….قاسم قاسم
قاسم…هاااا
زهره…قامت اتعدلت ايه ياحبيبي مالك
قاسم….مفيش يا زهره انا بخير
زهره….قاعد كده ليه وسرحان بقولك لسه جاي
قاسم….مفيش مرهق بس شويه اه لسه جاي يادوب غيرت بس
زهره…طيب تحب تاكل او اعملك حاجه
قاسم…لا لا مش جعان انا عايز بس انام
زهره…..طيب يا حبيبي انت كويس يا قاسم
قاسم….🥺💔💔💔اه بخير عُدي كويس
زهره…اه الحمد لله
قاسم…ماشي يا حبيبي تصبحي على خير يلا كملي نوم
زهره….وانت من اهله يا حبيبي
……………..
في صباح يوم جديد صحيت روح بدري تحضر الفطار بعد وقت بسيط بدأ الكل ينزل
خرج امير وراح على اوضه مراد خبط هو اللي فتحله
مراد….تعالى
امير….انت لسه مجهزتش
مراد….خلاص خلصت اهو
امير….عملت ايه؟
مراد…في ايه
امير….هو ايه اللي في ايه 😒موضوع فاطيما يا مراد
مراد…اااه كلمت ناس هناك قالولي ان فعلا الولايه اغلبها متدمره والمقاطعه اللي قاعدين فيها اغلبها خساير بس هو بيحاول يوصل بقى ليهم اول ما يوصل لاي اخبار هيقولي وان شاء الله خير
امير….ان شاء الله خلاص اول ما يبلغك عرفني
مراد….تمام بس يعني
امير….بس ايه😒
مراد….احتمال يكون في اخبار مش حلوه لان هو بيقولي الوضع سئ جداً ولازم هي نفسها تكون مؤهله لاي خبر وحش إلا لو ربنا نجاهم العاصفه وقعت بيوت كتير
امير…ربنا يستر المشكله ان ابوها وامها واخوها
مراد…ان شاء الله خير يلا ننزل
امير….يلا
خرجوا مع بعض وهما خارجين قابلوا فرح وجنه نازلين
مراد…صباح الفل على البنات القمرات
جنه…صباح الفل يا مودي
فرح…صباح الخير يا مراد
امير….بصلها صباح الخير
جنه….فرح صباح الخير
حط مراد ايده على كتف جنه ونزل معاها
قبل ما تنزل فرح وراه نادى عليها ووقفها
امير…..فرح
فرح….ايوه
امير….كلمتك كتير امبارح مردتيش
فرح…اه كنت نمت اكيد مسمعتش
امير….غريبه مع ان نومك خفيف انا حتى خبطت عليكي لما لقيتك مش بتردي
فرح…ما انا قولتلك يا امير اكيد كنت نايمه ومسمعتش
امير….تمام يافرح طيب حتى مش هتسألي ايه اللي حصل لفاطيما
فرح….لا عادي ها كان مالها
امير….بغضب بسيط الولايه اللي هما فيها حصل فيها عاصفه ومش قادره توصل لاي حد من اهلها والجروبات اللي خاصه بالجاليات العربيه منزلين صور وڤديوهات البلد متدمر وناس كتير اتوفت وطبعا هي منهاره ومش عارفه تعمل ايه
فرح….بطيبه يعني حد من اهلها حصله حاجه
امير….مش عارفين لسه ربنا يستر انا كلمت مراد عشان هو ليه معارف كتير هناك يمكن حد يقدر يقوله حاجه وفعلا كلم حد وقاله نفس الكلام ان الدنيا هناك بايظه وفي ناس كتير خسرت بيوتها وناس اتوفت
فرح…ان شاء الله خير
امير…يارب هي طبعا منهاره وكلمتني عشان عارفه اني ممكن اساعدها انا ومراد
فرح….🙄ماشي
امير….ماشي🤨
نزلوا مع بعض وقعدوا كلهم على السفره وصل في الوقت ده زيد وصبا
زيد….صباح الخير❣️
روح…..حبايبي ❣️😍 صباح النور
الجميع….صباح الخير
راجح….حماتك بتحبك انت وصبا
زيد….واحنا بنحبها😉 بس عموما انا عارف اني هلحقكم على الفطار
سلموا البنات على صبا وقعدوا كلهم تاني
ياسين…انا فكرتك هتيجوا بليل
زيد……ما انا قولت ادام كده كده جايين يبقى اعدي اجيب صبا بدل ما تفضل لوحدها وبدل ما ارجع على الڤيلا تاني
روح…احسن بردوا عشان تقعد معايا
صبا…وحشتوني 😍
روح…انتي اللي وحشتيني
فضلوا يتكلموا ويهزروا قاسم كان في دنيا تانيه ماسك بأيده حرف الكوبايه وقاعد يدور فيها
زهره…حبيبي مش بتاكل ليه
قاسم….لا باكل يا حبيبتي
زيد…..ايه ياعم ساكت على الصبح كده ليه
قاسم…ابداً مصدع بس شويه
داوود….انت جيت امته صحيح
قاسم….على خمسه تقريباً
داوود…ليه ده كله
مراد….ايه كان في قلق في الشغل ولا ايه
قاسم….لا كله تمام خلصنا كل حاجه بس على بال ما مشيت بقى
راجح….لو تعبان خليك يا قاسم
قاسم….لا لا يا باشا انا زي الفل الوقت هشرب قهوه وهفوق
روح….طيب خليك لو معندكش شغل
قاسم…لا يا حبيبتي في شغل كتير وبعدين انا بخير متقلقيش❣️
بعد وقت بسيط خرجوا كلهم على الشركه.
………………
في مكتب امير اتصل على فاطيما
امير….ايوه يا فاطيما
فاطيما….ايوه يا امير
امير….وصلتي لحاجه
فاطيما….باين على صوتها انها بتعيط لا يا امير لسه مفيش اي حاجه خالص
امير…مراد كلم واحد يعرفه وخد منه العنوان وكل التفاصيل وان شاء الله هيبلغه وانا هبلغك على طول
فاطيما….طيب هو انا المفروض اعمل ايه🥺 هفضل مستنيه كده
امير….مفيش حاجه في ايدنا الوقت نعملها غير اننا نستنى بس انتي ارجوكي بطلي عياط واهدي شويه انتي شكلك منمتيش صح
فاطيما….لا 🥺 مش عارفه انام كل الاحتمالات الوحشه قدام عيني ومرعوبه يا امير
امير…..يا حبيبتي متخافيش والله هيبقوا زي الفل يلا روحي افطري كده او نامي وانا لو اتصل هكلمك وانتي لو وصلتي لحاجه كلميني انا في الشركه
فاطيما…..تمام يا امير سلام
امير…..سلام.
……………..
بعد كام ساعه
اتصلت فيروز على كاريمان تطمن عليها
فيروز….الووو
كاريمان…بتعب ايوه يا حبييتي
فيروز…ايه ده صوتك ماله🙈
كاريمان….يظهر اني واخده دور برد شديد شويه
فيروز…..ده صوتك تعبان اوي مشوفتيش دكتور
كاريمان….لا انتي عارفه مش بحب الدكاتره بس عندي العلاج باخده
فيروز….علاج ايه بس انتي محتاجه دكتور
كاريمان….ماهو منذر قاللي لو فضلتي تعبانه وفضل صوتك كده هجيبلك الدكتور وانا جاي
فيروز….الف سلامه على حضرتك انا هجيلك الوقت
كاريمان….لا تيجي فين خليكي روح كانت بتقولي ان فيروز سخنه امبارح
فيروز…..ايوه هي كمان تعبانه اوي من امبارح بس انهارده احسن الحمد لله
كاريمان….من ايه السخونيه دي
فيروز….انا كلمت الدكتور بتاعها امبارح بس معرفتش اروح عشان هو كان اجازه بس عرفته فيها ايه وقاللي على علاج اديهولها والحمد لله احسن بكتير
كاريمان….الف سلامه عليها يا حبيبتي المهم متجيش خليكي معاها
فيروز…..ازاي بس هي بقت احسن وبعدين هسيبها مع مامي والبنات متقلقيش
كاريمان….اسمعي كلامي بس
فيروز…اسمعيني انتي بس محتاجه اي حاجه
كاريمان….سلامتك يا حبيبتي
فيروز…الله يسلمك يلا ارتاحي لحد ما اجيلك
كاريمان….ماشي يلا سلام يا حبيبتي
فيروز….سلام.
قامت فيروز اطمنت على فيروز الصغيره وادتها علاجها وبعدين دخلت لبست وبعدين نزلت على تحت
فيروز…مامي مامي ياروووووح
روح…ايه يا فيروز في ايه
فيروز….انا هخرج شويه
روح…رايحه فين
فيروز….بكلم طنط كاريمان لاقيت صوتها تعبان اوي فا كنت هروح اشوفها
روح…ايه ده مالها
فيروز….مش عارفه بس يظهر دور برد شديد ومنذر في الشغل ومفيش حد معاها
روح…طيب ما قولتليش ليه كنت جيت معاكي
فيروز….ماهو انا مش عايزه اسيب فيروز لوحدها خليكي معاها
روح….خلاص مش مشكله روحي انتي وانا هبقى اطمن عليها ولو كده اروحلها بكره
فيروز…تمام يا مامي
روح….فيروز
فيروز….نعم❣️
روح….يعني متأكده انك هتقدري تروحي
فيروز…بإبتسامه متقلقيش يا مامي انتي ناسيه اني روحت مره لما روحنا نعزي منذر
روح….بحب ماشي يا حبيبتي روحي وخلي بالك من نفسك
فيروز…..حاضر يلا سلام يا حبيبتي.
روح….بتنهيده سلام يا فيروز.
…………………..
في تركيا
نادر….مريم مريم انتي يا بتتتت
مريم….ايه بتزعق ليه
نادر….يمكن تسمعي😒 بقولك ايه انا مش لاقي ولا شراب في الشرابات
مريم….ماهي مغسوله😒
نادر….نعم انا لحقت اخرج بكل الشرابات دي🤨
مريم….ماهو انا بلبس معاك😁
نادر….منك لله يابت انا رجلي قد رجلك
مريم…بليل الجو بيبقى برد فا بلبس من بتوعك عشان شرباتي صغيره
نادر….طيب يبقى مفيش خروج نقعد نستنى الشرابات تنشف بقى😒
مريم…لا مفيش خروج ده ايه استنى كنت مخبيه واحد عشان البسه بليل حلال عليك😁
نادر…..قاعد مع نشال😒😒🔪🔪🔪عارفه يابت لو لمستي حاجتي تاني هنفخك🤨
مريم…اعوذ بالله كل ده عشان شراب
نادر….يلا يابت انجري هاتي الشراب
مريم…طيب بقولك ايه الاوت فيت بتاعي حلو😍
نادر…..عادي يا اختي
مريم…هو ايه اللي عادي🙄
نادر….يعني البنطلون والتيشرت الاوڤر سايز رايحه نادي
مريم….وده مش عاجبك في ايه ان شاء الله مش زي ما كله بيلبس ولا انا مختلفه
نادر….تقصدي مين البنات هنا
مريم….😒 اشمعنى هنا انا بقصد عموما هنا او في مصر
نادر….لو في مصر ماشي بس هنا حاسبي الله يباركلك🥴😍
مريم…نعممممممم😡
نادر….يخربيتك سرينه
مريم…مال عينك طلعت قلوب كده ليه ملهم البنات هنا وحشين على فكره
نادر…مين دول طب اقعدي على جنب الله يباركلك😍 دول وحشين يا مفتريه
مريم….🤨 اه وحشين فيهم ايه حلو
نادر….فيهم ايه حلو قولي فيهم ايه مش حلو يابت سيبك من الشكل مع دول محدش يختلف عليهم بس هما من الاخر نسووووووووووان مش جعفر😉
مريم…قصدك ايه🤨🔪
نادر…..قصدي فساتين وكعب وجو عالي
مريم….ما انا بلبس فساتين على فكره 😡
نادر…اتنيلي مشوفتلكيش فستان من يوم ما جينا على طول محسساني ان كان عندك تمرين يلا انجري هاتي الشراب
بصتله مريم بغيظ وراحت على الاوضه 😡😡😡😡
نادر….😂😂😂😂😉
في الاوضه عند مريم وقفت قدام المرايه
مريم…نسوااان انا بتقالي نسوان يا نادر طب وديني لا هوريك مين فيهم اللي جعفر😡
طلعت مريم فستان لونه ازرق فاتح غيرت هدومها وظبطت نفسها وشويه وخرجت
نادر…..😳🙄🙄🙄🙄
مريم…اتفضل الشراب😒
نادر….ايه يابت الحلاوه دي
مريم….نعم حضرتك بتكلمني🤨
نادر……بت اتعدلي بدل ما اديكي بوكس ارقدك😂
مريم…عايز ايه😏
نادر…..الفساتين طلعت اخيرا جعفر راح فين
مريم…تاني هتقولي جعفر🤨
نادر….ماهي جعفر دي اللي خليتك تغيري ام لبس التمارين ده😉
مريم….ماشي يا نادر واتفضل انجز بقى عشان نخرج اوريك مين جعفر🤨
نادر….طيب مفيش بوسه😉
مريم….ابقى روح يا اخويا للنسووووان يدولك😏
نادر…..نسوان مين هو في نسوان غيرك يا قمر استني يابت انتي يابت😂😂😂🏃🏃🏃🏃🏃
………………
وصلت فيروز عند كاريمان سلمت عليها كان باين عليها التعب جداً طلعتها فيروز ترتاح في اوضتها ونزلت عشان تعملها حاجه دافيه وتحضرلها اكل لان مكانش في شغاله.
نزلت فيروز بهدوء وهي باصه على المكان تحت بخـ ـوف يمكن مفرقش معاها ذكرياتها الوحشه في البيت وقدرت تتخطاها لكن كانت خايفه من فكره ان حسام اتقـ ـتل في البيت🙈
وقفت عملتلها يانسون وشافت فراخ كاريمان كانت مطلعاها بس من التعب سابتها ومقدرتش تعمل حاجه
مشيت بهدوء على فوق واول ما وصلت للاوضه اتشاهدت دخلت براحه حطت اليانسون جمبها
كاريمان….تعبتك يا فيروز
فيروز….تعب ايه بس يا طنط
كاريمان…..اكيد فيروز مسهراكي ومأريفه من التعب حقك عليا
فيروز…..خالص والله وبعدين انا مش لوحدي معايا الناني ومامي والبنات يعني مش تعبانه المهم انا شيفاكي مطلعه فراخ هتعملي ايه
كاريمان…لا لا سيبيها انا هخلي منذر يجيب اكل جاهز
فيروز…لا اكل جاهز ايه وبعدين انتي محتاجه فراخ وشوربه حاجه خفيفه
كاريمان….يابنتي انا مش عايزه اتعبك
فيروز….بلاش بقى الكلام ده متزعلنيش منك يلا انا هروح اعملك شوربه وهشوف حاجه اعملها لمنذر
كاريمان…بابتسامه حب ماشي يا حبيبتي روحي
فيروز….طيب اشربي اليانسون وريحي شويه
كاريمان…..ماشي يا حبييتي
نزلت فيروز بهدوء وعينها على الارض بخـ ـوف فضلت تقرأ قرآن ودخلت بسرعه قطعت الفراخ وظبطتها وبدأت تحط كل حاجه على النار وكل ثانيه تبص وراها بخـ ـوف🙄🥺
حطت اكل كاريمان على النار وفضلت تفكر تعمل ايه لمنذر لقت جمبري في الفريزر وهي عارفه ان منذر بيعشقه طلعته بسرعه وظبطتله كل حاجه لمحت في المكان بره زحمه وفي حجات محتاجه تترتب وتتنضف خرجت بهدوء وبدأت تظبط الكراسي وتلمع الارض والتربيزه خدت الطفايه عشان تنضفها في الوقت ده منذر كان وصل مشي بدري من الشغل عشان يبقى مع كاريمان لمح عربيه فيروز بص باستغراب الباب كان مفتوح شاف حركه بص من بره بهدوء واول ما شافها تلقائي ابتسم❣️😍
رجعت فيروز الطفايه مكانها ودخلت بسرعه على المطبخ وهي مرعوبه
وقفت تكمل تجهيز الاكل بتاع منذر وتشيل الاطباق وتنضف دخل منذر بهدوء وكل ما تبص وراها يستخبى لحد ما دخل بهدوء وقف وراها🙈
لفت فيروز عشان تحط الخضار على الترييزه وتعمل السلطه وفجأه خبطت في منذر صـ ـرخت ورمت من ايدها كل حاجه ودخلت في حضن منذر❣️😍
منذر….فيروز ده انا اهدي
اتعلقت فيروز في رقبته كان حاسس بضربات قلبها جوه صدره غمض منذر عينه ومن غير ما يحس ضمها ليه بأيد والايد التانيه رفعها على شعرها ضم راسها بقوه بين قبضته
منذر….وهو مغمض عينه اهدي اهدي يا حبيبتي ❣️
فضلت فيروز على نفس وضعها لسه تحت تأثير الخضه🥺
منذر….ايه اللي مخوفك كده ❣️
فيروز…..🥺 منذر في عفاريت هنا
منذر…بضحكه جميله عفاريت ؟ عفاريت ايه بس يا فيروز
فيروز…..اصل انا من ساعت ماجيت وانا مرعوبه كل ما افتكر ان حسام مات هنا بخـ ـاف من البيت اوي
ابتسم منذر بهدوء وفضل يمشي ايده على شعرها
منذر…..الله يرحمه بس متقلقيش مفيش يا ستي عفاريت وبعدين ممكن أسألك سؤال
فيروز…اممم
منذر ….هو انتي خوفتي مني؟
فيروز…انا افتكرتك عفريت🥺
منذر….بضحك يعني انتي لما بتخافي من العفريت بتحضنيه ياريتني كنت عفريت😉
فيروز….🙄😳 خرجت بهدوء من حضنه وفضلت باصه على صدره مش قادره ترفع عينها فيه
ابتسم منذر ورفع وشها بايده
فيروز….ااا انا اسفه يا منذر بس بجد اترعبت ومحستش بيك انا اصلا معرفش انك راجع الوقت
قرب منذر منها ومسك كف ايدها بايده وبصلها
فيروز كانت مصدومه والكلام رايح منها ايدها بتترعش ومتلجه
منذر….بحب باس ايدها وبصلها اهدي متخافيش خلاص انا منذر مش عفريت وبعدين انا راجع بدري عشان مسيبش ماما لوحدها انتي بقى جيتي امته
فيروز….ااااا انا كلمتها وعرفت انها تعبانه فا جيت اشوفها وبعملها الاكل وبعمل ليك كمان
منذر…..وبتعمليلي ايه بقى😉
ابتسمت فيروز وبصت على ايده بهدوء اللي لسه بين ايده ورجعت بصتله بتوتر
فيروز…بعملك جمبري 🙈
منذر….جمبري مره واحده انا جعان اوي على فكره وتعبان مش قادر وبما انك جيتي يعني هتأكليني انا مش هعمل اي حاجه
فيروز….خلاص هأكل طنط الاول تكون غيرت وخدت شاور والاكل هيكون جهز
منذر….اتفقنا وتسلم ايدك مقدماً يلا هطلع اشوفها وهروح اخد شاور واجيلك
قبل ما يسيب ايدها مسكت فيروز في ايده بسرعه وبصت على المكان بره بخـ ـوف
بصلها منذر كان باين عليها الخـ ـوف بجد
منذر…..فيروز انتي خايفه بجد
فيروز….خليك معايا والنبي يا منذر 🥺
قفل منذر على ايدها بقوه ورجعلها شعرها بهدوء وبكل حب
منذر…..حاضر انا معاكي اهو متخافيش فيروز انا كنت قاعد هنا لوحدي لما ماما كانت معاكي لما ولدتي يعني مفيش اي حاجه
فيروز….انا اسفه يا منذر بس غصب عني انا بخـ ـاف اوي🥺
منذر….عارف يا خوافه 😉 ومفيش اسف ولا حاجه انا بس بطمنك ان البيت زي الفل والقرآن بره مش بيتقفل
فيروز…طيب ممكن تفضل معايا شويه
منذر…حاضر انا هلم الحاجه اللي وقعت على الارض
فيروز….ماشي🥺
وقف منذر لم الحاجه وراح غسلها و قالها هو اللي هيعمل السلطه فكت شويه واطمنت وبعدين خلصوا كل حاجه
منذر….تيجي معايا نطمن على ماما
فيروز….اه يلا انا حطتلها الاكل كمان عشان تاكل
منذر…خلاص هسيبك معاها لحد ما تاكل وبعدين ننزل سوا
فيورز…ماشي
مسك منها منذر الاكل وخرج وفجأه حس بيها بتمسك بايدها الاتنين في كتفه بصلها وابتسم بحب ومدلها ايده مسكت فيه واول ما كفها لمس كفه قفل على ايدها بحب❣️
فضلت قاعده مع كاريمان لحد ما كلت وخدت علاجها
خرج منذر من اوضته اطمن عليها وبعدين خرج من عندها هو وفيروز واول ما قفل الباب مدلها ايده بصتله فيروز وهي قلبها بيدق مسكت ايده ونزلوا تحت جهزتله الاكل
منذر…يلا تعالي كله جاهز
فيروز….لا انا مش عايزه ده عشانك
منذر…وانا مش هاكل من غيرك
فيروز….مش جعانه صدقني وبعدين انا لازم امشي عشان فيروز
منذر….مش هتمشي غير لما تاكلي مسكها من ايدها وراحوا قعدوا جمب بعض
بصلها منذر🤨 انتي مش بتاكلي ليه
فيروز….هاكل اهو حاضر
ابتسم منذر وبصلها ايه لسه مش بتعرفي تقشري الجمبري
ضحكت فيروز وهزت راسها بلا🙈
منذر….انا عارف عارف😂😉 قشرلها الجمبري وحطه قدامها كان قلبه من جوه طاير من الفرحه❣️
كلت معاه وبعد ما خلصوا رجعت كل حاجه في مكانها نشفت ايدها في الفوطه ولفت مره واحده لاقيته واقف وراها ساند على التربيزه ومربع ايده وابتسامته ظاهره على وشه❣️
فيروز….🙈🙈🙈
منذر…مش قولنا نبطل خـ ـوف
فيروز….العيب فيا على فكره انا اللي بخـ ـاف اوي
منذر…بحب متخافيش انا معاكي
.فيروز…بإحراج اااا طيب انا همشي بقى طنط شكلها نامت ابقى سلملي عليها
منذر….انا هوصلك
فيروز…لا لا مفيش داعي النور لسه طالع وبعدين انا معايا عربيتي
منذر….عادي ولا مش عيزاني اجي اشوف بنتي😉❣️
ابتسمت فيروز بحب وقلبها دق بعنف
فيروز…اكيد لا خلاص تعالى❣️
منذر…يلا بينا خرجوا مع بعض وركب عربيتها وساق هو وراحوا على القصر.
وفجأه😳😳😳😳😳😳🏃🏃🏃🏃🏃🏃🏃🏃
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أحفاد الطوبجي)
