رواية أحفاد الطوبجي الفصل الثالث والعشرون 23 بقلم أميرة أسامة
رواية أحفاد الطوبجي البارت الثالث والعشرون
رواية أحفاد الطوبجي الجزء الثالث والعشرون
رواية أحفاد الطوبجي الحلقة الثالثة والعشرون
مملكه الطوبجي 1_ أحفاد الطوبجي 2 بقلم/ أميره_أسامه ألبومان
ShiMooo Novels الشيماء محمد
٢ س ·
#ملحمه
#مملكه_الطوبجي_1
#أحفاد_الطوبجي_2
#أميره_أسامه
#صاحبه_البطل_الواحد
🔥البارت الثالث والعشرين🔥
زهره…باستغراب هو احنا بنعمل ايه في الڤيلا بتاعت زيد؟
قاسم…الوقت تعرفي يا زهره يلا انزلي.
نزلت زهره بهدوء كانت حاسه ان خلاص مفيش مفر العشرين سنه مروا عليها في لحظه واللي خافت طول السنين منه جه الوقت اللي تحاسب عليه💔🥺
فتح قاسم الباب و وسعلها عشان تدخل اول ما دخلت دخل وراها وقفل الباب
مشيت بهدوء 🥺
حدف قاسم موبايله و مفاتيحه على اول كرسي قابله بإهمال.
لاول مره تحس زهره انها خايفه من وجودها مع قاسم في مكان واحد
خوفها سيطر عليها لدرجه انها مقدرتش حتى تقوله مالك او في ايه؟
شيفاه رايح جاي قدامها بيعض على شفايفه بغضب قابض على كفه وبيخبط بيه على كفه التاني 🤨
فضلت متبعاه بعينها وهو رايح جاي
عينها بتروح وتيجي معاه زي عقرب الساعه🥺
خدت نفس طويل وبصت في الارض حاولت تسيطر على خوفها شويه
وفجأه رجعت لوراء بصدمه اول ما شافت قاسم قرب منها وحط ايده الاتنين على ايد الكرسي🥺
كان موطي عليها و باصصلها ومحاوطها بأيده بين الكرسي😡
قاسم…..سؤال واحد بس هتجنن واعرف إجابته😡
بلعت زهره ريقها بصعوبه وكأن في صخره واقفه في حلقها
قاسم…عشرين سنه أزاي بتنامي في حضني وانتي بتخدعيني💔
بصتله زهره بخـ ـوف ووجـ ـع ومشاعر متخبطه كل المؤشرات الظاهره ليها بتقول إن الصدام ده آخرته النهايه
🥺💔
قاسم….رديييييييييي😡
زهره….اتنفض جسم زهره بخـ ـوف وقبل ما تتكلم كانت دموعها سبقت لسانها
🥺💔
قاسم….لا لا لا انا مش عايز دموع انا عايز رد واحد مقنع اوعي تفكري أن دموعك في الوقت ده ممكن تشفعلك يا زهره عارفه ليه ؟ لأن حتى دموعك دي خلتيني أشك في صدقها😡
زهره….بدموع حاولت تطلع صوتها أديني فرصه أشرحلك🥺💔
قاسم….تشرحيلي ايـــــــه😡 هااااا
تشرحيلي أيه تشرحيلي ازاي كدبتي عليا ولا ازاي خدعتيني ولا ازاي لعبتي لعبتك الوسخه انتي وحاتم عليا ولا تشرحيلي ازاي كنتوا بتستمتعوا وانا قلبي مكـ ـسور تشرحيلي ازاي خونتي أعز صحابك ازاي خدعتيها هي كمان ازاي دوستي على قلبها بأوسخ جزمه عندك😡
ازاي أستحليتي دموعها و وجعها ولا ازاي وافقتي على تشويه صورتها قدامي ولا الاحسن تشرحيلي لحظه النصر اللي فوزتي فيها بالمغفل اللي صدقكككككك😡
زهره…مسكت قلبها وهي منهاره كانت حاسه ان قلبها هيقف💔🥺
زهره…..بلاش تكون قاسي عليا كده يا قاسم🥺
قاسم….بوجـ ـع قرب منها وبصلها قااااسي
انا قاسي يا زهره ده انتي الوحيده اللي مينفعش تتكلمي عني قساوه القلب💔
لاني مشوفتش في حياتي حد قاسي قدك
زهره….اديني فرصه اقولك كل حاجه
ادي نفسك فرصه تسمعني ارجوك🥺💔
قاسم…..تفتكري يا زهره اللي هسمعه منك ممكن يبررلك اللي عملتيه
زهره…..حتى لو مبررش اللي عملته كفايه انك تسمعني يا قاسم انت زمان مسمعتش فريده وعشان كده احنا وصلنا لكل ده الوقت🥺💔
قاسم….يعني انا اللي طلعت غلطان حقك تقولي اكتر من كده فعلاً دي كانت غلطتي
زهره…انا مقولتش كده بس حتى لو دي غلطتك اتعلم منها يا قاسم وسيبني اتكلم💔🥺
قاسم…..وانا سامعك يا زهره وهديكي فرصه تتكلمي وهعمل معاكي اللي معملتوش مع فريده بس لازم تعرفي حاجه واحده بس انا لو هعمل كده مش هعمل كده عشانك انتي😡 انا هعمل كده عشان خاطر جنه وعدي💔
زهره….وانا موافقه بس اسمعني🥺
صدقني يا قاسم انا مخططتش لأي حاجه ولا كان في دماغي أي اذيه ليك او لفريده🥺 بس انا حبيتك يا قاسم حبيتك فوق ما اي بني ادم يتصور
لو في حد غلطان في كل ده هيبقى انت وفريده انتوا اللي ادتوني الفرصه امشي وراء كلام حاتم
قاسم…ازااااي ازاااااااااي عملنا ايه غلط خلاكي تنتهزي الفرصه دي
زهره….انتوا الاتنين اللي قربتوني منك اكتررررررر💔 فريده من غير ما تحس خلتني أتعلق بيك مكانتش بتبطل كلام عنك طول الوقت مكانش في بينا سيره غير قاسم بيعمل ايه بيقول ايه بيحب ايه و بيكره ايه بيضحك ازاي وبيتعصب ازاي وهو مبسوط نظرته بتبقى ازاي وهو رايق بيقول ايه🥺 حبيتك يا قاسم من كلامها عنك اتعلقت بيك غصب عني أتمنيتك ليا و معايا
كنت طول الوقت بتخيل كل اللي هي بتحكيه بس بتخيله ليا انا مش ليها هي🥺🥺🥺.
وانت رغم كل الحب اللي حبيتهولها ده بعدت عنها ومدتهاش فرصه تدافع عن نفسها انا لاخر لحظه مع اني كنت مبسوطه بس كان عندي امل تسمعها بس انت مسمعتهاش وده مش ذنبي وكأن القدر بيقرب بيني وبينك المسافات💔🥺
قاسم….انتي بتبرري ايه يا زهره للاسف انتي عايزه ضميرك يرتاح ومتحسيش بالذنب فريده لو كانت بتحكيلك حاجه فا دي مش غلطه دي اديتك الامان كانت فاكره نفسها بتحكي للشخص الصح كانت معتبراكي جزء منهااااااا
وانا يمكن غلطت لما مدتهاش فرصه تدافع عن نفسها بس افتكري كده يا زهره وارجعي بالعمر عشررررررين سنه
انتي فاكره كنتي بتقولي ايه بتعملي ايه عشان تبعدي المسافه بينا اكتر 😡
انتي عارفه يا زهره انتي كنتي عامله زي ايه زي الشيطااااااان اللي شايف الواحد مولع وبيرمي عليه بنزين اكتر
فريده دي اول حب في حياتي اول دقه قلب طلعت من قلب صافي حبيتها حب الكل كان شاهد عليه💔
في البدايه كنت بقول مع الوقت الحب ده هيختفي لانه حب طفولي اتعلقت بيها من واحنا في اعدادي بس مع الوقت حبي ليها كان بيقوى اتعلمت ابقى راجل بجد بسببها سن المراهقه دي مفتكرهوش لان حبي ليها خلاني اكبر قبل الاوان لما امي ماتت يا زهره كان عمري وقتها حوالي عشر سنين مش هنكر اني حبيت روح بس في البدايه لما شوفتها بتاخد مكان امي على قد ما انا مقدرتش اعترض و عيشت حياتي على قد ما انا مكنتش لسه قابلها في حياتي 🥺💔 فضلت عايش تايهه شويه لحد ما شوفت فريده ولما حبيتها خلتني اشوف كل حاجه في حياتي حلوه بقيت احب الكل من غير مقابل عمري ما كنت بزعل اي حد بسببها كان جواها كميه حب وطيبه تكفي العالم وتفيض🥺 كنت بشوفها جدعنه مشوفتهاش في رجاله بشنبات وهي في سنها الصغير ده كنت بشوف حبها ليكي وكنت اوقات بغير منك بس مع الوقت حبيتك انتي كمان عشان خاطر حبها ليكي حتى انتي يا زهره فريده عملت معاكي اللي محدش عمله قضينا مع بعض فتره طويله والكل كان شاهد وعارف ان قاسم لفريده وفريده لقاسم
ومع اول سنه لينا في الجامعه مقدرتوش تستنوا قولتوا نفرقهم بدري
منكرش اني كنت بثق فيها اكتر من نفسي بس الشيطان لما بيدخل عقل بني ادم بيدمره وانا معترف ان الشيطان ده دخل عقلي ودمره وانتي وحاتم كنتوا الشيطان ده😡
هو فضل اكتر من شهر يخليني اشك فيها وفسامح كان بيلعبها صح وكان بيقدر يجمعهم بكل الطرق مع بعض ويخليني اشوف مكنتش بصدقه بس غصب عني عشان انا بني ادم كنت بقعد مع نفسي وافكر😡 الشهر ده انا وفريده فاكره كأنه امبارح كان شهر اسود حصل بينا مشاكل كتير كنت كل ما احاول ابعد زن حاتم عني يجيلي بحاجه جديده لحد ما خلاني اتلككت لسامح ومسكت فيه من غير سبب المشكله كبرت وكنت هتفصل من الجامعه واتعملي محضر
بس مستسلمتوش لحد كده رتبتوا مقابله بين سامح وفريده حاتم اقنعها انه مش هيقدر يكلم سامح عشان هو كان معايا في المشكله وراحت فريده وهو خدني اشوفها و اشوفه💔
كنت غبي ترجمت اللي سمعته على مزاجي وصدقت انها على علاقه بسامح
وقتها اتجننت وقبل ما اواجهمم خلاني امشي بالعافيه وقتها كل اللي كنت شايفه اني عملت كل ده عشان فريده وهي متستاهلش ريحاله بنفسها
مشوفتش قدامي مبقتش قادر اسمعها ولا اخليها تدافع عن نفسها قررت ابعد عشان شوفتها متستاهلش حبي ولا تستاهل غيرتي عليها ولا تستاهل اني كنت هضيع مستقبلي بسببها
اه كنت حماااااااار بس غصب عني الغضب كان عاميني💔 بتحاسبيني على ايه انتي بقى قوليلي اسمعها ازاي وانتي وهو مش سايبين لعقلي فرصه يقتنع اسمعها ازاي ومحدش فيكم فكر يهديني سامح وخسرته حاتم مش ساكت انتي زيه بالظبط مكنتيش ساكته في أتهامك لفريده متخيله انك تكوني صاحبتها وعشره عمرها وانتي اللي بتسخنيني عليها طيب فين الفرصه اللي تهديني هاااااا قولي فين يا زهره فضلتي تقربي مني طول التلات سنين بعد المشكله مش هنكر اني اتعلقت بيكي مش هنكر اني شوفتك حد صافي ومفيش في نضافة قلبك كنت فاكر ان ربنا بعتك عوض ليا و لقلبي اللي اتكسر على ايد فريده حبيتك 💔🥺
وصدقت قلبك النضيف و دوست على فريده وانا معرفش ان مفيش اوسخ من قلبكككككك💔
زهره….لااااااا انا عمري ما كنت بالبشاعه دي انا حبيتك وكل مشاعري كانت صادقه انا مخططتش حاجه يا قاسم
وحاولت على قد ما قدرت اني مظهرش حبي ده ولا ليك ولا ليها كان كفايه عليا اكون بس قريبه منك وحبي جوه قلبي محدش حاسس بيه
بس حاتم قدر يحس بحبي ده وجالي اتكلم معايا بعد ما كان راسم خطته
قالي انه عارف اني بحبك وقالي انه بيحب فريده في الاول مكنتش موافقه واللي خلاني اوافق انه هددني قالي هيقول لفريده اني بحبك🥺💔
سكت وسيبته يعمل اللي هو عايزه انا معملتش اي حاجه غير بعد ما انتوا سيبتوا بعض كل اللي عملته كان كلام عشان ابعدك عنها اكتر لان كده كده كانت المشكله حصلت🥺 وانا مش هنكر يا قاسم اني لقيتها فرصه اكون معاك
قاسم…..حتى لو اللي بتقوليه صح مش هيغير حاجه من الحقيقه انتي زيك زيه اشتركتي معاه في لعبته الوسخه هو خطط وانتي نفذتي معاه💔
نيمتي ضميرك يا زهره عشان توصلي لهدفك يا شيخه ده كان اهون يروح يقول لفريده انه حاسس انك بتحبيني
ولا انك تشتركي معاه هانت عليكي فريده وهي مقهوره والكل ظالمها هانت عليكي تشوفيها طالعه قدام الكل واحده وووووسخه💔 طيب انا وفستييييييين داهيه صدقت وهانت عليا لكن انتي ازاي هانت عليكي ازاي قدرتي تظلميها وتوجعيها وتشوفيها بتمـ ـوت ازاي طول التلات سنين كنتي بتمشي جمبي قدامها وانتي شايفه نظره القهر في عينها وهي شيفانا سوا
طيب انا كنت قاصد ياستي اوجعـ ـها لاني كنت متخيل انها وجعتني وكسرت قلبي طيب انتي قدرتي ازاي يا ظااااالمه😡
زهره…..مين قالك اني قدررررررت🥺مين قالك اني كنت متحمله اشوفها كده
انا كل مره كنت بشوف فيها فريده كنت بحس اني بتقـ ـتل 💔 نظرتها كانت بتمـ ـوتني دموعها اللي كنت بشوفها متحجره في عينها كانت بتدبحني🥺
بس مكنتش اقدر ارجع خطوه واحده ولا كنت اقدر استغني عن حبي ليك
انا معترفه يا قاسم ان حبي ليك كان اقوى من اي مشاعر تجاه فريده بس والله انا عمري ما كرهتها🥺💔
قاسم…ده بأماره ايه هاااا بأماره ما روحتي بعد العمر ده بدل ما تقوليلها اسفه قولتيلها راجعه ليه؟
زهره….كنت عايزني اعمل ايه وانا شايفه رقمها في موبايل جوزي انا من اول ما شوفت رقمها وانا حاسه اني بمـ ـوت عارفه ان ظهورها مكانش هيعدي على خير مش هنكر يا قاسم ايوه انا خوفت منها لما روحتلها مكنتش اعرف ان هي كمان عرفت الحقيقه كنت رايحه ادافع عن جوزي وبيتي بس اتفاجئت انها عارفه كل حاجه من اول سنه جواز
على قد ما كنت خايفه منها وشايفه انها راجعه تاخدك مني على قد ما اتوجعت اكتر لما عرفت انها عارفه وساكته طول السنين دي.
قاسم…..اوعي تفكري ان فريده زيك يا زهره راجعه عشان تخرب بيتك او ترجعني ليها انا شوفت فريده بالصدفه ومفيش حاجه كانت مترتبه يوم حنه نادر لما خرجت وسهرت انا واخواتي
زهره…..بوجـ ـع ولما هي كانت صدفه🥺 قابلتها تاني ليه خدت رقمها ليه انت وقتها مكنتش تعرف حاجه ليه كلمتها وانت كنت مش طايق تشوفها حنيت ليها ياقاسم اول ما شوفتها💔
قاسم…..ده كل اللي فارق معاكي بتحاسبيني يا زهره اني شوفتها وخدت رقمها بتحاسبيني ان ناري اللي كانت مولعه من عشرين سنه إتطفت
طيب انا هرد عليكي يا زهره اه ناري إتطفت الوقت والسنين قدرت تعمل اللي انتي وحاتم معملتهوش قدروا ينسوني الغضب وقدروا يطفوا ناري السنين اللي عدت علينا واحنا بعيد عن بعض كانت احن منك نستني قساوتي عليها في الوقت اللي انتوا كنتوا مولعين في قلبي من ناحيتها اكتر من كتر زنكم😡
لما شوفتها وشوفت نظره الكسره اللي في عينها اللي متغيرتش من عشرين سنه قلبي حن ليها يا زهره💔
بس اوعي تفتكري ان دي كانت خيانه ليكي لأ يازهره انا حنيت للايام والسنين والعشره والمواقف قلبي حن مش عشان اخونك يا زهره بس انتي كان ليكي رصيد من الستر عشرين سنه وربنا قرر انه يرفع الستر عنك وخلاني اشوفها واكلمها واخد رقمها عشان اعرف الحقيقه اللي استخبت السنين دي كلها
خلاني دورت وراها لحد ما شوفت صوره حاتم معاها😡 ووقتها اتصدمت ازاي حاتم معاها وهو اكتر حد قالي عليها اسوأ كلام كان لازم اشك وادور وافتش في الماضي😡
وعرفت وقتها اني محنتش بمزاجي يا زهره انا حنيت عشان ربنا عايزني ادور في الماضي عشان يبرأ واحده اتظلمت واتقهرت وحياتها كلها باظت وبسبب مين بسبب اللي انا نايم في حضنها عشررررررين سنه وبتمنالها الرضا ترضى وهي عمرها ما حست بالندم💔🥺
زهره….مش صح يا قاسم وتشهد عليا روح اني كنت هقولك وهي اللي قالتلي بلاش🥺💔
صدمه اصابت قاسم حس وقتها ان قلبه هيقف فضل باصصلها ثواني مش مستوعب الاسم اللي نطقته (رووووح)
قاسم…..انتي بتقولي روح؟ روح كانت عارفه؟
حطت زهره ايدها على وشها وفضلت تعيط بإنهيار ذله لسان معملتش حسابها💔💔💔🥺
قاسم…بوجـ ـع وإنهيار انطقييييييييي😡
روح كانت عارفه
زهره….بعد ما اتجوزنا بكام شهر عرفت ان حاتم اتجوز فريده روحت اليوم ده كان كتب كتابهم وقفت من بعيد اشوفها الذنب اللي كنت عايشه بيه كان مموتني
يومها شوفت في عينها نظره مش قادره انساها لحد الوقت رجعت في اليوم ده منهاره وروح شافتني واول ما قالتلي مالك كأنها داست على الوجـ ـع مقدرتش اسكت و اعترفتلها بكل حاجه وقولتلها اني عايزه اعترفلك عشان ارتاح من عـ ـذاب الضمير يومها روح قالتلي اسكت لان كلامي فات وقته ومش هيغير حاجه انا اتجوزت و هي كمان اتجوزت واللي حصل حصل مش هنقدر نرجع اللي راح طلبت مني انسى واعيش بس في المقابل أعوضك على قد ما اقدر و مقصرش معاك قالتلي قاسم لو عرف هيسيبك و بيتكم هيتدمر وطلبت مني احافظ على البيت وعلى حبك اللي حاربت لحد ما و صلتله🥺
قاسم…..بوجـ ـع قعد علي الكرسي بإهمال روح ؟ حتى روح خلتيها وقفت في صفك البني ادمه الوحيده اللي عمري ما شوفتلها غلطه واحده وكنت بحسها ملاك حتى دي استخسرتوها فيا💔
روح…لااااا روح ملهاش ذنب روح مكانتش تعرف اي حاجه انا اللي حكيت لها بعد جوازنا هي معملتش حاجه غير انها حبت تحافظ على بيتنا🥺
قاسم…..مش هتفرق كتير يا زهره تعرف قبل او بعد جوازنا كلكم بالنسبالي واحد
كلكم خبيتوا عني الحقيقه و خدعتوني
كلكم اشتركتوا في ظلم فريده💔
اثناء مواجهتهم دي كلها كان زيد وصل من البدايه فضل واقف بره في الجنينه
ساند ضهره على عمود من الرخام ومربع ايده كل شويه يقرب من الباب واول ما يسمعهم بيتكلموا يبعد اول ما قاسم صوته يعلى يرجع كان خايف المواجهه بينهم تطور لكن هو كمان اتصدم بمجرد ما سمع اسم روح💔 وعرف ان اللي هيحصل في قلب قاسم اكبر بكتير ما توقع.
عند قاسم وزهره.
زهره…..لا يا قاسم روح ملهاش ذنب صدقني واوعى علاقتك بيها تتهز روح مبتحبش حد في حياتها قدكم مكانش في ايدها تعمل اي حاجه🥺
قاسم…..لا يا زهره كان في ايدها وفي ايدك كان في ايدكم تقولوا الحقيقه وانا اقرر براحتي اللي عايز اعمله مش هنكر يا زهره اني حبيتك بس لازم تعرفي على قد ما حبي ليكي كان صادق على قد ما انتي اللي اجبرتيني على الحب ده لانه مكانش بمزاجي انا كنت مضطر مشيت وراء كدبه وخدعه كبيره صدقت انك بتحبيني و شوفت فيكي عوض ربنا
زهره…..انا فعلا بحبك واوعى تشكك في حبي ليك ده يا قاسم اوعىىىىى ده انا معملتش حاجه في حياتي غير اني احبك وبس انا عارفه اني غلطت ومعترفه بده🥺 بس افتكرلي اي حاجه حلوه معقول يا قاسم مش فاكرلي اي حاجه حلوه
قاسم….هتفرق في ايه يا زهره يمكن كل حاجه عشتها معاكي كانت حلوه بس بعد كل ده مستحيل اصدق انها كانت مشاعر صادقه
زهره…..ولو هي مش صادقه انا عملت ليه ده كله من الاول لو محبتكش من قلبي ليه هاجي على صاحبه عمري💔
انا حبيتك يا قاسم و متخيلتش حياتي من غيرك صدقني يا قاسم انا مستعده لأي عقاب منك بس تسامحني
قاسم…..هتقدري على عقابي يا زهره؟
زهره…..بوجـ ـع🥺💔💔اي عقاب راضيه بيه إلا انك تبعد عني عشان لو اختارت العقاب ده انا همـ ـوت💔
بصلها قاسم بوجـ ـع محدش بيمـ ـوت عشان حد يا زهره الكل بيكمل بس بيفضل جواه جـ ـرح بينـ ـزف واظن انتي شوفتي بعينك فريده كملت بس كملت وهي ميته
زهره…..بس انا مش فريده يا قاسم انا لو بعدت عنك همـ ـوت بجد🥺🥺💔
اختار اي عقاب تاني وانا مستعده اعمله اروح اعتذر لفريده افضل واقفه جنبها واعوضها اعمل كل حاجه لحد ما تسمع بودنك انها سامحتني بس تفضل معايا
قاسم….تفتكري هي هتوافق يا زهره؟
زهره….هتوافق انا عارفه فريده قلبها طيب و هتسامحني و هتعذرني
قاسم…..يعني عارفه انها قلبها طيب و هتسامحك وتعملي فيها كده انا مش قادر اصدقك يا زهره و المشكله اني مش عارف اكرهك كمان مش عارف اقسى عليكي ولا اسامحك مش عارف اصدق حبك ده ولا اكدبه
زهره…..أسال قلبك يا قاسم هو هيقولك
قاسم….بلاااااش قلبي عشان انا قلبي الوقت بيتعصر و رافض انك تفضلي جواه قلبي بيقولي انك كدابه و عمرك ما حبيتي حد غير نفسك عندك استعداد تدوسي على الكل بس تعيشي انتي مبسوطه وواصله لهدفك😡
زهره….وحيات جنه وعدي تسامحني وبلاش تموتني بايدك
قاسم…..جنه وعدي دووووول هما الحاجه الوحيده اللي ممكن تشفعلك عندي هما اللي مخليني لحد الوقت مش عايز اقسى عليكي😡
زهره….وانا موافقه انهم يشفعولي عندك بس متسبنيش و تسامحني🥺
قاسم….مش قادر اسامحك يا زهره ولاول مره في حياتي احس انك غريبه عني ولاول مره احس اني كارهه نفسي وحاسس اني كنت ظالم ظلمت نفسي وظلمت فريده وقبل ما افكر هسامحك ولا لا لازم اخلي فريده تسامحني وبالطريقه اللي ترضيها💔
زهره…..فريده مش هينفع تاخدك مني يا قاسم🥺
قاسم…..بضحكه سخريه مش قولتلك انك انانيه يا زهره
زهره…..انت ليا انا بسسسس مبقاش في حد ليه مكان في قلبك غيري انا اللي عيشت معاك اكتر ما هي عاشت انا اللي بنيت بيت وجبت ولاد انا كل حياتك هي مبقاش ليها وجود هي مجرد ماضي
قاسم…..انتوا اللي خليتوها ماضي ولولا وجودكم في حياتنا كان زمانها هي مكانك يا زهره كان زمانها هي ام ولادي سرقتوا منها حياتها وحبها وسنين عمرها عيشتي مكانها وخدتي كل حاجه كانت في الاساس ليها💔
زهره….يعني انت عايز تروحلها و تسيبني يا قاسم؟💔🥺
قاسم….هز راسه بيأس يمكن تكوني حبتيني يا زهره ومش هنكر اني حبيتك يمكن يكون كل حياتك معايا كانت جميله وشبه الحلم مواقف معايا ومع اهلي كانت مواقف متتنسيش وتشفعلك اي حاجه بس صدقيني كنت بتمنى اشوف في عينك نظره ندم يمكن مع الوقت كنت هديت وقدرت اسامحك بس انا مشوفتش نظره ندم وواثق ان لو الزمن إتعاد هتكرري نفس اللي عملتيه تاني
اسمعيني💔💔🥺
لو كل خوفك من اني أطلقك يا زهره فا ارتاحي مش هعمل كده لكن مش عشانك انتي عشان جنه ((بنتي)) متتكسرش ولا اشوف في عينها نظره وجـ ـع بس لازم تعرفي حاجه مهمه جداً
من اللحظه دي كل حاجه بينا انتهت
قدام بنتنا والناس انتي مراتي لكن بيني وبينك احنا إنتهينا يا زهره وده موضوع مفيش فيه نقاش و أوعي تحاولي يا زهره انك تقربي مني او تغيري حاجه من اتفاقنا لان وقتها محدش غيرك هيندم واوعي تفكري ان الوقت ممكن يغير حاجه انا كلامي واضح انا وانتي أنتهت حياتنا لحد كده 💔
زهره…بأنهيار لا لا متعملش فيا كده انا حبيتك يا قاسم اوعى توجعني بالشكل ده🥺 ارجوك يا قاسم بلاش تقسى عليا
قاسم…..بنظره وجـ ـع خلصت يا زهره واتمنى من ربنا ان هو ده يكون عقابك في الدنيا و ميكونش في عقاب تاني ربنا مخبيه أسوء من كده يوجعك ويوجعني💔
سابها وراح على الكرسي خد موبايله ومفاتيحه وخرج زي ألاعصار
وهي بتجري وراه منهاره وبتنادي عليه.
فتح قاسم الباب لمح زيد واقف ساند على العمود ومربع ايده و باصصله بحزن
بصله قاسم بوجـ ـع و خانته دمعه غصب عنه مشي من جنب زيد من غير ولا كلمه
مسكه زيد من كتفه وقرب منه
زيد….انا مش هلحقك تاني و هسيبك تروح اي مكان تحبه بس ورحمه امي وامك سوق براحه وحاول تهدى لاني مش هتحمل يجرالك حاجه زي ايمن بلاش توجـ ـع قلبي عليك💔
بصله قاسم بحزن وهز راسه براحه وبعدين راح على عربيته شغلها بسرعه وثواني كان خرج من الڤيلا
بص زيد على زهره لقاها واقفه على الباب دموعها نازله بتبص عليه بصدمه من وجوده وبتبص على قاسم بوجـ ـع💔
زهره…..سيبته ليه يمشي يا زيد ليه ممنعتوش وفي اللحظه دي اطلقت العنان لوجـ ـع قلبها 💔 ااااااااااااااه
اااااااااااااااه💔
قرب منها زيد بسرعه مسكها من ايدها
سندت زهره راسها على صدره وهي بتصـ ـرخ مش قادره تتخيل اي كلمه من اللي قاسم قالها
زيد…..زهره اهدي يا زهر اهدي عشان خاطري هيرجع والله هيرجع
زهره…..حتى لو رجع مستحيل يرجع زي الاول عمره ما هيسامحني يا زيد
زيد…..هيرجع وهيسامحك بس اديله وقته انا كنت متوقع اسوأ بكتير من كده في المواجهه دي بس اللي حصل ده في حد ذاته يطمن متقلقيش
زهره…..انت كنت عارف🥺 طيب ليه مقولتليش💔🥺 والله ما قصدت اي حاجه والله انا مش وحشه انا حبيته وهو ده كل ذنبي🥺
زيد….بوجـ ـع ابتسم بهدوء وهو بيطبطب عليها عارف يا زهره ومصدق واه كنت عارف قاسم اللي حكالي وانا شوفت فريده روحتلها عشان كنت خايف لا تحاول تبعدكم عن بعض وشوفتك يومها هناك فضلت واقف لحد ما انتي مشيتي ودخلت وراكي لاقيت فريده واقعه من طولها ودتها المستشفى كان عندها انهيار عصبي
زهره….بس انا معملتش حاجه معاها انا بس اتكلمت صدقني🥺
زيد…عارف وهي قالت كده كمان انا اتكلمت مع قاسم يا زهره دافعت عن غلطك اللي اتعمل باسم الحب و دافعت عن فريده لانها اتظلمت مش هقولك انك غلطانه لان ده شئ مفروغ منه يا زهره بس اللي انا واثق منه ومقدرش اشكك فيه هو حبك لقاسم وحبك لينا
زهره…..والله العظيم كان غصب عني حسيت انها فرصه اقرب من البني ادم اللي قلبي اختاره وقتها مشوفتش نفسي غلطانه 🥺💔كنت ببرر اي فعل ليا عشان احافظ على قاسم ارجوك يا زيد كلمه عشان خاطري وحياة صبا عندك قوله اي حاجه خليه يسامحني ارجوك🥺 والله همـ ـوت لو بعد عني وكرهني 💔
زيد…..هكلمه بس نسيبه يهدأ يا زهره قاسم الوقت تعبان بس هو عمره ما هيكرهك صدقيني قاسم اللي تاعبه اوي كده انه حبك بجد وانه حاسس انه ظلم فريده ده اخويا وانا حافظه
زهره…..هيروحلها وهيبعد عني وانا عارفه انه لو عمل كده هيبقى حقه ولو هي رجعته ليها هيبقى حقها بس صدقني انا مش هتحمل🥺💔
زيد…وانا واثق ان فريده مش هتبقى ليه كلامي معاها اكدلي ده فريده اللي فارق معاها مكانش قاسم حتى لو كانت بتحبه بس اللي فرق معاها بجد هو انتي يا زهره💔
زهره….وانا قولتله مستعده اعمل اي حاجه لفيريده بس يفضل معايا ويسامحني
زيد….لازم نستني يا زهره خلينا نسيبه يواجهه نفسه ويقعد مع نفسه شويه وانا عارف ان الوقت هيخليه يهدأ يلا ادخلي اغسلي وشك عشان ارجعك مش هينفع ترجعي وانتي كده والاهم حاولي الفتره دي متحتكيش بيه خالص سيبيه يهدأ بس كمان اوعي تبعدي عنه احتويه حتى لو من بعيد لبعيد ماشي يا زهره
بصتله زهره بوجـ ـع هزت راسها بسرعه زي اللي متعلق بقشايه🥺💔
دخلت غسلت وشها وحاولت تهدأ وبعد كده خرجت لزيد تاني
خدها وركبوا العربيه عشان يرجعها.
…………..
خرج قاسم من الڤيلا بتاعت زيد وهو مش شايف قدامه مكانش عارف المفروض يروح فين ويعمل ايه بس اول حد جه في باله هي روح ذِكر زهره لأسمها في موضوعهم كانت بمسابه صدمه ليه غير متوقعه كان لازم يخرج من جواه الضغط بأي طريقه وعشان كده قرر يروح لروح.
وصل قاسم قدام القصر ومسك موبايله كلمها.
روح….ايوه يا حبيبي.
قاسم….روح من فضلك انزلي تحت في الجنينه شويه من غير ما حد ياخد باله
روح…..حاضر يا قاسم بس في ايه؟
قاسم…..مفيش بس لما تنزلي هتعرفي
روح….طيب يا حبيبي نزلالك حالاً
قفل معاها قاسم ونزل من العربيه دخل من البوابه على رجله و ساب عربيته بره
وقف ثواني و لمح روح جايه من بعيد عليه.
روح….ايه يا قاسم خير يا حبيبي وفين زهره هي قالتلي انها رايحه معاك مشوار
قاسم….بحزن ليه خبيتي عني يا روح
بصتله روح باستغراب وهي مش فاهمه حاجه
روح….خبيت عليك ايه يا قاسم؟
قاسم…فريده ياروح و لعبه زهره اللي عرفتيها منها قدرتي يا روح تشتركي معاها في كدبتها طيب بلاش قدرتي أنا هونت عليكي يا روح؟ طيب بلاش قدرتي تشتركي معاها في كدبتها وبلاش هونت عليكي ولا لأ
انتي ياروح ؟ ده انتي عمرك ما ظلمتي حد عمرك ما وجعتي حد طول عمري بشوفك ملاك بيطيب خاطر القريب والغريب 🥺 طول عمري بشوفك الدواء لأي موجوع ازاي قدرتي توجعيني ده انتي كنتي بتقوليلي انك اول ما عينك شافتني واني ابنك البكري ليه ياروح ده انا مفيش حاجه وجعتني وكسرتني في الحقيقه دي غير لما عرفت انك انتي كمان خدعتيني
روح…بدموع🥺 اسكتتتتت متقولش كده انا عمري ما اقدر اشوفك موجـ ـوع او مكـ ـسور وعمري ما اقدر اجي عليك او اخدعك ده انت فرحة عمري يا قاسم
قاسم…..وليه وجعتيني ادام انا فرحة عمرك💔
روح…..لأ يا قاسم افهمني انت فاهم غلط يا حبيبي🥺
قاسم….بوجـ ـع طيب فهمينى الصح يا أمي💔🥺
روح….بوجـ ـع مكنتش أعرف حاجه وقتها صدقني انت طول عمرك كتوم عمرك ما قولتلي حاجه عن فريده ولما كنت بسألك كنت بتقولي انك مستني تخلص جامعتك و هتحكيلي كل حاجه كل اللي أعرفه عنها كان اسمها بس بعد كده اتفاجئت بوجودك مع زهره وقتها قولت اكيد حبك ليها مكانش قوي حب مراهقه ولقيتك بعد كده بتعرفني على زهره حبيتها وكنت مبسوطه من وجودك معاها وقولت ربنا اكيد عوضك بالأحسن بعدها أتجوزتوا و عاشت وسطنا كلنا حبيناها و اتعلقنا بيها وكل ده انا مكنتش اعرف اي حاجه عن فريده لحد ما لاقيت زهره في يوم منهاره حاولت افهم منها مالها كنت فكراكم زعلانين من بعض اتفاجئت باللي حكيتهولي مش هكدب عليك أتصدمت بس مكانش في حاجه في ايدي أعملها الوقت كان راح يا قاسم
قاسم…..بس كان ممكن تحكيلي حتى لو زي ما بتقولي الوقت راح على الاقل مكنتش فضلت عايش شايف فريده حد وحش و ظالمها كنت روحت طلبت منها تسامحني واعتذرتلها💔🥺
كان لازم تقوليلي ياروح على الاقل متبقيش عملتي زيهم💔
قربت منه روح حطت ايدها على خده وهي دموعها نازله و بتمسح دموع قاسم اللي اول مره تشوفها🥺💔
روح……مكانش ينفع يا حبيبي 🥺
والله ما كان ينفع اليوم اللي زهره حكتلي فيه قالتلي انه كان كتب كتاب فريده وانت بالفعل كنت متجوز اجي اقولك ايه ؟
كنت عايزني اخرب عليكم حياتكم طيب تفتكر لو كنت جيت قولتلك وقتها موقفك من زهره كان هيبقى ايه كنت هتقدر تكمل معاها🥺
قاسم…..وهو انا كده هعرف اكمل معاها ياروح هقدر اعيش حياتي عادي زي ما كانت💔
روح….اه يا قاسم هتقدر و هتعرف لو مش عشان اي حاجه في الدنيا عشان جنه عدي عشان حبك لزهره اللي انا متأكده انه مكانش سد خانه ولا كان مجرد هروب من اللي فريده عملته وحتى لو كان كده في بدايه جوازكم بس العشره والسنين اللي عشتوها مع بعض حبكم كان ظاهر للصغير قبل الكبير هتنسى كل ده يا قاسم عشان غلطه صدقني يا حبيبي لو مكنتش حسيت ان زهره بتحبك بجد وقتها كنت قولتلك بس هي بتحبك بجد وكانت مستعده تعمل اي حاجه عشان تسعدك وده اللي طمني عليك كنت واثقه انك هتعيش مبسوط وكمان مقدرتش اقولك عشان مكانتش حياتك بس اللي هتبوظ فريده كمان كانت حياتها ممكن تبوظ
قاسم…..و هو انتي فاكره ان فريده حياتها مباظتش ياروح ده انا تعبي كله بسبب اللي حصلها 🥺💔 فريده معاشتش طول العشرين سنه حياتها عادي زي ما انتي فاكره كلنا دمرناها ياروح
روح…..لا ياقاسم بلاش تشيل ذنب مش بتاعك يا حبيبي ده نصيبها وكل واحد فينا المكتوب ليه في حياته لازم هيشوفه🥺
قاسم…..بيتهيألك يا روح اللي فريده مرت بيه لو حد فينا عاشه مكانش قدر يكمل يوم واحد 💔
روح….بس ربنا مش بيدي اي أبتلاء لبني ادم غير لو عارف ان طاقته تسمح انه يشيل الابتلاء ده
قاسم….عن اي ابتلاء فيهم بتتكلمي يا روح عن ظلم زهره ليها لما خانتها و باعتها ولا لما سوء سمعتها ولا عني انا لما ادتها ضهري ومحاولتش اسمعها واخليها تدافع عن نفسها ولا عن حاتم اللي خططت لعبته الوسخه مع زهره وانا بكل وقاحه ادتها ضهري بدل ما اكون انا ضهرها ولا لما عرفت منه الحقيقه في اول سنه جواز واطلقت منه وهي معاها ابنها ولا عن مـ ـوت ابنها واختها وامها في حادثه وهي لوحدها وبطولها🥺💔 ولا لما كانت عامله زي المدبـ ـوحه بتحاول تعافر في الدنيا وتمسك في اي حد عشان تقدر تكمل حياتها معاه ومتبقاش وحيده ولما مسكت في جوازتين بعد صدمتها في حاتم كانوا اسوء منه ولا عن حلمها اللي ضاع ولا عن ايه بالظبط يا روح صدقيني فريده ذنبها في رقبتنا كلنا🥺
بس مكنتش اتمنى الذنب ده يكون في رقبتك انتي كمان
في الوقت ده كان وصل زيد وزهره
واول ما قاسم شافها خرج بسرعه من القصر
روح…..قاسم قاسم استنى متوجعش قلبي🥺 قااااااسم
زيد….سيبيه ياروح
بصت زهره لروح وانهارت من العياط خدتها روح في حضنها🥺
روح…..بس يا زهره بس عشان محدش يشوفك🥺 فهموني ايه اللي حصل و ازاي قاسم عرف
زهره……قاسم هيروح مني يا روح🥺💔
روح….بس بس اسكتي ومتقوليش كده انتي عارفه ان قاسم بيحبك يا عبيطه
زيد….اطلعي يا زهره يلا على اوضتك قبل ما جنه او اي حد يشوفك في الحاله دي
روح….اطلعي وانا هاجي وراكي🥺
سابتهم زهره وراحت على القصر.
فضل زيد باصص لروح بحزن
بصتله روح لاقيته باصصلها
روح…..ايه اللي حصل يا زيد انا مش فاهمه حاجه🥺
زيد….اللي حصل يا روح زي ما كنتي ديماً تقوليلنا واحنا صغيرين بلاش تخبوا اي حاجه بلاش يكون في سر في حياتكم عشان مهما طال الزمن السر هيجي عليه يوم ويتكشف اهو اتكشف ياروح بس
روح….طيب وايه اللي فتح الموضوع وعرف ازاي؟💔
زيد…..مش مهم عرف ازاي المهم انه عرف بس عارفه ياروح اكتر حاجه مضيقاني هو معرفتك بالموضوع ده من زمان الفتره اللي فاتت دي كلها اكتشفت ان كل واحد في البيت ده ليه غلطه غلطها زمان حتى انا كمان بس لما كنت ابص عليكي اقول الحمد لله روح الوحيده اللي زي ما هي ملهاش غلطات ولا عمرها ظلمت حد بس اتصدمت ياروح لما عرفت ان انتي كمان كان ليكي غلطه وشاركتي في ظلم بني ادمه معملتش اي حاجه في حياتها غير انها حبت ابنك💔
روح….كنت عايزني اعمل ايه انت كمان خلاص كلكم الوقت جايين تحاسبوني
زيد….العفو ياروح محدش فينا يقدر يحاسبك ولو على عصبيه قاسم وغضبه معلش استحمليه
روح….صدقني يا زيد مكنتش اعرف اي حاجه انا عرفت بعد جوازهم كنت عايزني اعمل ايه اخرب بيته واروح اقوله مراتك كانت سبب في تفرقتك عن البنت اللي حبيتها تفتكر قاسم كان هيكمل مع زهره لو عرف الحقيقه انا موقفي كان صعب زيي زي اي ام بتحافظ على بيت ابنها🥺💔
زيد….على قد ما اتصدمت على قد ما انا مقدرش الومك ومقدر موقفك ده كويس بس اعذري قاسم ياروح الصدمه كانت قويه عليه وهو حالياً تايه خصوصاً بعد ظهور فريده
روح….بس مينفعش يفضل في التوهه دي كتير يا زيد خلاص اللي حصل حصل هنصلح غلطه بعد عشرين سنه بعد ما بقى عنده ولاد وبعدين مش فاهمه هي راجعه يعني عشان تبوظ حياته
زيد….لا يا روح قاسم شافها صدفه يوم حنه نادر ومريم قابلها لما كنا سهرانين وبعدها شاف صوره حاتم معاها وراح وواجهها وعرف منها كل حاجه الشخص اللي فرقهم عن بعض فجأه كده صورته تبقى معاها وكمان طلع متجوزها كان لازم يثور حس ان في حاجه غلط وعرف منها كل حاجه
روح….طيب هنعمل ايه يا زيد اكيد مش هنسيبه يدمر حياته 💔🥺
زيد…..متقلقيش ياروح ولا في تدمير ولا حاجه قاسم محتاج وقت مش اكتر سيبيه هو هيهدأ واحده واحده
روح….طيب روح وراء اخوك متسيبهوش يا زيد عشان خاطري🥺 انا مش حمل وجـ ـع قلب تاني قاسم شكله تعبان
زيد….حاضر يا روح اطمني ومتقلقيش انا هفضل جنبه وانتي اطلعي هدي زهره عشان هي كمان تعبانه ومحتاجه تطمن مش عايز اي حد من البنات يحس بحاجه
روح….ماشي يازيد وابقى طمني عليه🥺
زيد….حاضر يا حبيبتي❣️
خرج زيد بسرعه من القصر
وطلعت روح على فوق تشوف زهره اللي حالتها كانت وحشه جداً
………………
حاول زيد يتصل بقاسم لكن مكانش بيرد
فضل قاسم يلف بالعربيه كتير مش عارف يعمل ايه ولا يروح فين حزين ومكـ ـسور في وجـ ـع في قلبه حاسس انه مقسوم نصين مش عارف زعله من ايه بالظبط على فريده اللي اتظلمت من الكل ولا على زهره اللي خدعته ولا على روح اللي خبت عليه مكانش عارف يزعل من زهره ولا يزعل عليها
بعد لف كتير راح قاسم على فريده
في السنتر بتاعها واول ما وصل كلمها
اول ما لمحت أسمه فضلت باصه على الموبايل ومش عارفه ترد ولا متردش
لكن في النهايه ردت
فريده…..ايوه يا قاسم
قاسم…..انا واقف قدام السنتر اطلعيلي يافريده
فريده…..طيب تعالى انا فاضيه يا قاسم
قاسم….لا معلش انا مش هقدر ادخل اخرجي انتي محتاج اتكلم معاكي
فريده….طيب يا قاسم خارجه حالاً
قفل قاسم وبعدها قفل موبايله وحدفه بإهمال على تابلوه العربيه وسند راسه على الكرسي
دقيقتين وخرجت فريده من السنتر لمحته وكان باين عليه انه تعبان اوي
مشيت بهدوء لحد العربيه فتحت الباب ودخلت
فريده…..انت كويس؟
قاسم…..بحزن💔لأ يا فريده
فريده…..يبقى اتكلمت مع زهره صح
قاسم…..انتي وراكي حاجه
فريده…..لا انا فاضيه
من غير ما يتكلم دور العربيه وطلع بيها
فضل طول الطريق ساكت وسايق بسرعه مرعبه وفريده جمبه بتحاول تتلم على اعصابها بس من غير ما تنطق عشان كان باين عليه انه على اخره
فريده….بهدوء رغم الخـ ـوف اللي جواها
قاسم من فضلك هدي السرعه شويه
قاسم…………..
فريده….قاسم ارجوك هدي السرعه احنا كده هنعمل حادثه🥺
فرمل قاسم العربيه ووقف على جنب في طريق هادي
فريده…..خدت نفس طويل وبصتله في ايه يا قاسم
قاسم…..بصلها بحزن سامحيني يا فريده💔
فريده….بشبه إبتسامه بسيطه وانا مين عشان أسامح يا قاسم
قاسم…..انتي اكتر حد اتظلم مني🥺
فريده…..وانا قولتلك اني سامحتك ونسيت
قاسم…..بس انا مش هقدر انسى مبقاش ينفع يافريده بعد ما عرفت كل حاجه من زهره لا هقدر اسامحها ولا هقدر اسامح نفسي حتى روح يافريده روح اللي عمري ما توقعت انها توجعني طلعت عارفه الحكايه من زهره من زمان اوي زهره حكتلها بعد ما اتجوزنا وخبت هي كمان عليا لا يمكن اسامحهم
فريده….بس اللي بيحب بيسامح
قاسم…..وليه اللي المفروض انهم بيحبونا بيوجعونا💔
فريده…..اوقات الوجـ ـع بيبقى على قد المحبه🥺
قاسم……بس اللي بيحب عمره ما بيوجـ ـع ده ميبقاش اسمه حب
فريده….بابتسامه حزن وسخريه لو كلامك صح يبقى انت بتعترف انك عمرك ما حبتني زمان🥺
قاسم…..لا يا فريده انا حبيتك وانتي عارفه ومتأكده اني حبيتك انا بس اتصدمت و اتلعب بيا
فريده…..بس انت قولت اللي بيحب عمره ما بيوجـ ـع
قاسم….كان غصب عني صدقيني🥺
فريده….مينفعش أبداً تلتمس لنفسك العذر ومتلتمسهوش لغيرك لو وجـ ـعك ليا هتسميه حب يبقى وجعهم ليك لازم تسميه حب
قاسم….بس انا لما وجعتك يا فريده مكنتش عارف الحقيقه فين لكن هما لما وجعوني كانوا عارفين الحقيقه وكملوا
فريده….كلها مسميات يا قاسم بتنتهي تحت مسمى الحب انت حبتني و وجعتني ومدتنيش الحق اثبت عكس اللي وصلك زهره وجعتك عشان تحافظ على حبها ليك وروح وجعتك عشان كانت مضطره ويمكن وجـ ـع روح ليك مينفعش نسميه وجـ ـع لان هي الوحيده اللي حاولت تحافظ على حياتك🥺
قاسم…..طيب وحياتك انتي ليه وافقت انها تظلمك ليه محاولتش ترجع الحق لصحابه
فريده….مينفعش تلوم روح يا قاسم اللي مكانتش تعرفني انا عن نفسي مش زعلانه منها ومسامحها لانها مأذتنيش
هي حاولت تحافظ على حياتك اللي كانت لسه بتبدأ مينفعش تحاسبها على حاجه انت اللي بدأتها من الاول
قاسم….قصدك ان الذنب كان بتاعي انا من البدايه
فريده…..لا يا قاسم قصدي ان لا بقى ينفع لوم ولا عتاب اللي حصل حصل ومينفعش بعد العمر ده كله اطلع الدفاتر القديمه واحاسب اللي غلط خصوصاً لو في حد غلط بهدف انه ميخربش💔 زي ما روح عملت انسى يا قاسم وعيش حياتك انت حاولت تعرف الحقيقه وأديك عرفتها حقك تضايق تزعل خد وقتك بس في النهايه لازم تعرف ان فات على زعلك ده عشرين سنه🥺
قاسم…..بس انا تعبان يا فريده والعشرين سنه اللي بتتكلمي عليهم دول فجأه بقيت حاسس كأنهم أمبارح
فريده….هو كده ديماً الوجـ ـع في أوله بيبقى فوق احتمالنا بياخد وقت وبيروح
قاسم…..عايزه تقنعيني ان وجعك راح يا فريده؟
فريده…..البشر نوعين يا قاسم نوع فيهم الوجـ ـع بيأثر فيه شويه وبعدين الوقت بيبقى كفيل انه يداوي الوجـ ـع ده ويمحيه ونوع تاني الوجـ ـع بيعلم فيه يمكن الوقت مش بيداويه لكن بيخليه يتأقلم معاه🥺 وانا الوقت لا داوى جرحي ولا محاه بس قدر يخليني أتأقلم معاه
قاسم…..هو انتي فاكره ان وجعي يا فريده الوقت ممكن يداويه💔
فريده….اه يا قاسم الوقت هيداوي وجعك كل ما تبص في عين جنه وعُدي هتقدر تتعافى بسرعه كل ما تفتكر لحظه حلوه قضيتها مع زهره هتنسى
قاسم…بيتهيألك 🥺
فريده….لا يا قاسم أسألني انا ده انا بقيت خبيره في الوجـ ـع لما بتاخد الوجـ ـع من اوله بيفضل عايش معاك زي الزرعه اللي بتكبر بس انت وصلت للوجـ ـع متأخر بعد ما الزرعه كبرت وبقى ليها غصون وفروع (جنه وعُدي) ودول بالذات هيخلوا وجعك يكون اخف
قاسم….حتى لو زي ما بتقولي هكمل ازاي مع زهره وانا بقيت شاكك في حبها أصلاً
فريده….هتكمل يا قاسم وحتى لو شاكك في حبها الوقت لازم تعرف ان شكك مش في محله لانك موجوع ومينفعش نحاسب حد موجوع على سوء فهمه زي ما انا زمان يا قاسم محاسبتكش على سوء فهمك وشكك فيا
قاسم…..بس رغم كل ده انتي مكملتيش معايا يبقى ازاي شايفه اني هقدر اكمل
فريده….بغضب بسيط عشان مبقاش بمزاجك يا قاسم 🥺زمان انت كنت حر نفسك مكانش في حد مسؤول منك زعلت وغضبت واتعصبت وشوفت انك تبعد هيكون افضل بس الوقت مينفعش انت مش حر نفسك انت وراك بيت وولاد وعيله لو كنت زمان متهور في ردود افعالك فجالك الوقت يا قاسم اللي تكون فيه شخص هادي بيحسب كل خطوه بيخطيها بياخد باله من رد فعله وقت الغضب🥺💔
قاسم…..انتي عايزه تجننيني انتي ليه بتدافعي عنها😡😡
فريده…..عشان ده الصح انا زمان ملاقتش اللي يدافع عني 🥺 اوعى تفكر زعلي من زهره ممكن يخليني اقف قصادها وادمر حياتها هي وولادك لا يا قاسم لو زمان مقدرتش اقف قصادك واقولك انك غلط فا جه الوقت اللي اقف قدامك ومش عشانك ولا حتى عشان زهره ولا عشان اظهر ادامك اني شخص مثالي 🥺💔 بس وجود ولادك في حياتك انت وهي يديني الحق اني افوقك لانك للاسف غضبك مخليك مش حاسس بالنعمه اللي عندك🥺
قاسم…..مين قالك كده دول كل حياتي
فريده….مش بالكلام يا قاسم اثبت بالأفعال انهم كل حياتك و حافظ عليهم
قاسم….وانا عملت ايه يقول اني محافظتش عليهم هو انا اللي غلطت ولا امهم
فريده…..انتوا الاتنين وجه الوقت اللي تصلحوا غلطكم عشان ولادكم انت عرفت الحقيقه وهي اعترفت بالسر اللي خيبته عنك وكل حاجه بقت واضحه خلاص يبقى الوقت يجي دور السماح عشان الحياه تكمل
قاسم…..وانتي💔🥺
فريده…..انا ارتاحت يا قاسم صدقني يمكن مكنتش عارفه ان المواجهه دي هتحصل ولا كنت عارفه اني ممكن اقابلكم تاني بس صدقني لما قابلتك و اتكلمت حسيت لاول مره اني مرتاحه حسيت اني ربنا رجعلي حقي مش حقي منكم ولا من زعلكم من بعض لكن حقي اني انام على مخدتي وانا مش مظلومه حقي فأنك تعرف اني عمري ما كنت حد وحش حقي في انك تبطل تكرهني وتشوفني خاينه 🥺
صدقني يا قاسم انا الوقت بقيت افضل كتير من الاول
قاسم…..طيب لو انتي شايفه انك مرتاحه وربنا رجعلك حقك مش شايفه ان جه الوقت اللي انا كمان أرجعلك حقك🥺💔
بصتله فريده بترقب وشك في كلامه
قاسم…..تتجوزيني يا فريده💔🥺
فريده…..🥺💔
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أحفاد الطوبجي)
