رواية أحفاد البارون الجزء الثاني الفصل السابع 7 بقلم إيمان جمال
رواية أحفاد البارون الجزء الثاني الجزء السابع
رواية أحفاد البارون الجزء الثاني البارت السابع
رواية أحفاد البارون الجزء الثاني الحلقة السابعة
ليث واقف يبص علي البنت اللي بتتخانق مع سواق التاكسي ومبتسم
ليث: باردوا لسة فيكي الحركات دي
علا بصت على صاحب الصوت اللي اتفاجأت اول ماشافته: مش معقول ليث البارون
ليث قرب منها وبص لسواق التاكسي: حسابك كام ياعم
سواق التاكسي: 50
علا بعصبية: هما 30 جنيه مافيش غيرهم
ليث خرج من جيبه الفلوس وعطاها للسواق: معلش حقك عليا انا
ليث مسك علا من هدومها: ادامي يافضحاني في القاهرة وهنا
علا بتحاول تهرب من تحت ايديه: طب بس سبني
ليث: ادامي على جوا بدل ما اسيب ماكس عليكي
علا دخلت معاه لجوا الفندق وقعدوا في المطعم وماكس قعد جمب الكرسي على الارض ودماغه على الارض
ليث: لازم خناقة التاكسي دي
علا: ماهو اللي راجل نصاب
ليث غصب عنه ضحك: والله انتي اللي نصابة يابت بطلي حركات العيال دي بقى
علا: دا يدوبك وصلني بس من مكان السوبر چيت لحد هنا
ليث: قوليلي بقى جايا شرم ليه؟
علا: انا ليا شاليه أصلا هنا وباجي اقضي فيه وقت لوحدي
ليث: وفين عربيتك ياهانم؟
علا ضحكت: بخاف اسوقها على الطريق السريع فباجي بالباص
ليث: يعني الشاليه جمب الفندق؟
علا: ايوا
ليث: طب كويس
علا: انت هنا كام يوم ولا ايه؟
ليث: ايوا
علا: امال فين أيهم وتوأمك أكمل
ليث: في القاهرة انا هنا لوحدي
علا بإستغراب: ازاي؟
(استووووووب قبل مانكمل علا كانت معاهم في الجامعة بنت شقية وبتحب الهزار والضحك ودمها خفيف ومش محجبة، ملامحها جميلة وبشرتها خمرية)
ليث بهدوء: حبيت اغير جو بعيد عن القصر شوية
علا بتبصله بشك: ليه هو في حاجة حصلت؟
ليث اتنهد تنهيدة حيرة: لا
علا: والله انت نصاب وبتكدب واتفضل احكي
ليث: روحي ارتاحي وبكرة نتقابل واوعدك ان هحكيلك
ليث وعلا لسة قايمين بس احمد عامل الريسيبشن جه عليهم
احمد: مستر ليث عم حضرتك اتصل وبلغنا بإنه هيجي هو ومستر أكمل يعني ممكن يوصلوا بكرة
ليث: تمام يا احمد انا دلوقتي هطلع انام ومش عاوز ازعاج
احمد: تحت امرك تحب ناخد الكلب؟
ليث ابتسم: لا ماكس يفضل معايا دا ملك الفهد
احمد: تمام
احمد رجع على مكانه وليث وعلا خرجوا لقدام باب المدخل
علا: نتقابل الصبح
ليث: تمام بس اياكي تعملي مقالب
علا ضحكت: لا ياعم انت شكلك تعبان وفي حاجة محيراك فهسيبك ترتاح ونتكلم لما تصحى
ليث: تمام
علا سابته وراحت الشاليه بتاعها وليث طلع الجناح عشان يقدر ينام وقافل تليفونه من ساعة ماوصل بس الريسيبشن بلغه بإن ليل عاوزة تكلمه وكلمته على تليفون الغرفة
ليل: حبيبي مش تطمني عليك
ليث: انا كويس ياماما حتى انا رايح انام
فهد اتكلم بغضب: وحياة امك لما ترجع هعرفك ازاي تاخد ماكس
ليث ابتسم: معلش يابابا انا كنت محتاجه معايا وماتقلقش
فهد: تمام اعمامك جايين
ليث: طب ليه؟
ليل: من غير ليه ياليث اكمل وجاسر طلبوا انهم يكونوا معاك يبقى مافيش حاجة اسمها لا
ليث: حاضر يا امي ممكن بقى تسيبوني انام عشان محتاج انام
ليل: حاضر ياحبيبي
ليل قفلت مع ابنها وفهد قاعد يبصلها برفع حاجب
ليل: في ايه؟
فهد: هو انا مش قولت بلاش كلمة حبيبي دي لحد غيري
ليل ضحكت: بطل غييرة بقى
فهد قرب منها: عمري
ليل بحب: بحبك يافهدي
فهد اخد بوسة طويلة وبصلها: انا بقول ننام عشان انا عندي شغل بدري وابنك ساب كل حاجة ومشي
ليل اتعلقت في رقبته: طب مابلاش شغل بكرة
فهد ضحك اوي: كدا ادهم هينفخني
ليل: تؤتؤ محدش يقدر على حبيبي
فهد: تصدقي صح
ليل بحب: طبعاً
نسيبهم بقى لوحدهم 😂
تاني يوم الصبح في القصر اكمل وجاسر كانوا مشيوا من حوالي ساعتين
ادهم صحي وآيه مش عاوزاه يروح الشركة
آيه: حبيبي خليك معايا النهاردة كمان
ادهم: فهد هيضايق يا آيه وكمان ليث مش موجود ولازم كلنا نشوف الشغل وبعدين بابا وعمي نسيبهم يرتاحوا شوية
آيه: طيب يا ادهم
الباب خبط ودخل أيهم
آيه مسكته من خدوده: حبيب أمه ياناس
أيهم ضحك: ياماما انتي كدا بضيعي هيبتي
أدهم: عمك صحي؟
أيهم ضحك أوي: احب أبلغك يا والدي ان الفهد باشا معلق ورقة على باب الجناح وكاتب عليها ممنوع الازعاج انا مش رايح الشغل
ادهم بصدمة: نعمممم
آيه: شفت يا اخويا وانت اللي قاعد تقولي فهد هيضايق
ادهم بغضب: والله مايحصل
ادهم خرج متعصب ورايح لجناح فهد واول ماخبط على الباب اتكهرب، ادهم بغضب: وكمان مكهرب الباب والله ماهسيبك
ادهم راح عمل ذي ما ليث عمل بس باردوا فهد ماخرجش من الجناح وفضل جوا
ليل: هو احنا كل يوم نصحى والماية فوقينا
فهد ضحك: ادهم هيتجنن
ليل: قوم ياحبيبي روح الشركة عشان الجناح مش ناقص انه يغرق تاني يلا قوم
فهد: زهقتي من حضني ولا ايه
ليل بحب: عمري ياحبيبي دا حضنك هو آماني
فهد بيقرب منها وهي بتبعده: قوم يافهد ادهم مش هيسكت غير لو انت طلعت
فهد بصلها بغضب ونسى انه مكهرب الباب وراح يفتحه، فهد اتكهرب وليل ضحكت عليه
ليل: من حفر حفرة لأخيه وقع فيها
فهد بغضب: ماااااااشي
فهد راح فصل كهرباء الباب وخرج وأدهم واقف متعصب
ادهم: ادامك ربع ساعة الاقيك تحت
فهد: مش ملاحظ انك بتديني اوامر
ادهم قرب منه بعصبية: لما ابقى اشوف ادامي واحد عاقل مش مراهق هبطل اوامر
فهد: امشي من ادامي يا ادهم احسن
ادهم بصله بغضب وراح يكمل لبس وفهد دخل لليل تاني
فهد: كله بسببك
ليل ضحكت: ما انت سمعت كلامي وفضلت
فهد بيقرب منها: يعني مش بسببك
ليل بترجع لورا: اهدي ياحبيبي وروح الشغل عشان ادهم شوية وهيكسر علينا الباب
فهد بصلها بغضب ودخل ياخد دش وهي واقفة تضحك عليه
كارما خرجت من ڤيلتها وقررت تروح تصالح أكمل وهو كان في الوقت دا قاعد في الجنينة بيراجع شوية ورق واتفاجئ بيها داخلة من بوابة القصر، كارما ركنت عربيتها وراحتله
كارما: صباح الخير
اكمل وقف: صباح النور
كارما: انا عارفة انك مضايق مني
اكمل: لا ياكارما انا مش مضايق منك انا مضايق من تصرفاتك
كارما: انا عارفة انك بتتكلم صح ومعاك حق في كل حاجة وانا موافقة
اكمل: يعني موافقة تلبسي الحجاب؟
كارما: ايوا بس ممكن بعد جوازنا
اكمل بفرحة: موافق
كارما: طب ممكن بقى نكتب الكتاب ونحدد معاد الفرح
اكمل بحب: ماشي ياريت
كارما: ممكن بقي حبيبي يسمحلي اروح عند اخوالي يومين عشان اعرفهم بإننا خلاص هنحدد كل حاجة
اكمل: ماشي وخلي بالك من نفسك
كارما: حاضر ياحبيبي
اكمل وجاسر كانوا وصلوا وناموا يرتاحو وليث عرف من الريسيبشن انهم وصلوا
ليث لأحمد: لو حد فيهم صحي عرفهم يا احمد ان انا على البول
احمد: تمام يافندم
ليث خرج قعد عند حمام السباحة وساند ضهره على الكرسي ومادد رجله ولابس نضارة الشمس بتاعته وبيستجم، علا في اللحظة دي وصلت الفندق وعرفت من احمد ان ليث قاعد عند حمام السباحة وراحتله
علا واقفة ادامه لابسة مايوه اسلامي وسايبة شعرها: هو انت جاي تنام
ليث كان مغمض عنيه تحت النضارة وفتحها وبصلها: انا جاي استجم ياختي
علا قعدت على الكرسي: انت جاي هربان من إيه
ليث قام عدل نفسه وشال النضارة: انا من امتى بهرب
علا: دا اللي انا حساه ياليث حاسة ان انت جاي هربان من حد
ليث دور وشه: انا مش بهرب ولا دا طبعي
علا: لا ياليث والدليل على كدا انك بدور وشك وبتهرب من عنيا
ليث بعصبية: علا انا مش بحب الطريقة دي وبلاش كدا
في الفندق، اكمل وجاسر كانوا مع بعض في نفس الأوضة وطبعا دا ذي زمان كانوا دايما سوا
اكمل صحي وبيصحي جاسر: اصحى ياجاسر يلا عشان نشوف ابن الكلب دا
جاسر فتح عنيه وبصله بغضب: طب والله لهقوله
اكمل ضحك: ياعم اتنيل ويلا قوم
جاسر قام دخل اخد دش وغير هدومه واكمل نفس الكلام وراحوا لأوضة ليث بس مكانش موجود وعرفوا من تحت انه عند حمام السباحة وراحوا هناك
جاسر بيدور بعينه على ليث وشافه: اهو قاعد هناك اهو بس مين اللي معاه
اكمل بص لمكان ليث: تعالى نشوف
جاسر واكمل قربوا منهم وليث وقف احتراما ليهم
ليث: صباح الخير
جاسر: صباح الخير
اكمل بيبص لعلا: مين البنوتة
ليث: دي علا كانت زميلتي أيام الجامعة
علا سلمت عليهم وسابتهم لوحدهم ومشيت
جاسر: ممكن بقى نفهم انت ليه جيت هنا
ليث: مافيش
اكمل: طب ينفع تسيب أمير في يوم ذي دا
ليث: عمي انا محتاج اغير جو ولو كنت فضلت هناك حقيقي ماكنتش هخرج من الجناح فبلاش اي كلام
جاسر: طب مش هتحكي ايه اللي مضايقك ومخليك متعصب
ليث: مافيش ياعمي انا دلوقتي بقيت أحسن
أكمل بغضب: انت يلا بصلي
ليث بصله: نعم
اكمل: هو سؤال واحد وعاوز اجابته وبعدها محدش فينا هيتكلم معاك في الموضوع دا
ليث: سؤال إيه؟
اكمل: بتحب بنتي ولا لا
ليث اتفاجئ ان عمه اكمل سأله السؤال دا ومعرفش يرد
اكمل بعصبية: رد
ليث بص لعمه جاسر اللي باردوا مستني رده
جاسر: اخلص ياليث
ليث مكانش فعلاً عارف يرد يقولهم إيه واللي انقذه منهم هو أحمد اللي شغال في الريسييشن
أحمد: مستر فهد بيرن على ارقامكم بس مش لاقي رد
ليث قام: انا نسيت تليفوني فوق
جاسر بصوت عالي: ليث
ليث بصله بتوتر: نعم
جاسر: اقعد
جاسر بص لأحمد: بلغه اننا قاعدين هنا وشوية وهنكلمه
ليث: لا ماينفعش ياعمي دا الفهد
أكمل: سيبه ياجاسر يروح يكلمه، انا خلاص عرفت رده
ليث بصله ومشي مع أحمد
جاسر: عرفت إيه؟
أكمل: ليث بيكابر يعني احنا بنتعامل مع نسخة تانية من الفهد
جاسر: ما احنا عارفين كدا من زمان
اكمل: بص ياجاسر سيبه بقى يا إما يفوق لنفسه يا إما هيفوق بعد فوات الآوان
في القصر في القاهرة فهد قاعد يكلم ليث
فهد: احنا كلها كام يوم وجايين
ليث: تيجوا بالسلامة يابابا
فهد: انت ليه مارحتش تقعد في الڤيلا؟
ليث: عادي يابابا انا حابب أكون في الفندق أحسن وإعمامي كمان موجودين في الفندق
فهد: تمام
ليل بتاخد التليفون من فهد: هات بقى اكلم حبيبي اللي وحشني
فهد: نعم ياختي حبيبك مين
ليل ضحكت: ايه بس ياحبيبي دا ابنك باردوا
فهد بيقرب منها بحب: مافيش حبيب غيري أنا
ليل بدلع: بحبك
ليث ببرود: طب انا هقفل انا بقى عشان المحن اللي شغال دا
فهد بغضب: انت بارد يلا، اقفل
ليث قفل معاهم وطلع بارة الفندق يدور على علا وشافها قاعدة على البحر وراح قعد جمبها
علا بإستغراب: سبتهم وجيت ليه؟!
ليث: مافيش انا مش عاوز أي حد يسألني في أي حاجة
علا: إحكي بقى
ليث: مافيش حاجة ياعلا عشان أحكيها وبلاش تبقي ذيهم عشان انا هربت منهم من مصر ولاقيتهم ورايا حتى كل العيلة كلها كام يوم ويكونوا هنا
علا: شفت عشان تعرف انك جاي هربان منهم وانت اللي قولت بنفسك
ليث بعصبية: يعني عاوزاني اقوم واسيبك ذيهم
علا: خلاص ياليث مش هتكلم معاك في حاجة تاني
اكمل كان فرحان بكلام كارما وأخيرا حس إن الامور هتمشي تمام ونزل الشركة مع أيهم بيباشروا الشغل وكل حاجة تمام
أيهم قاعد في المكتب وتليفونه رن وكان عمر صاحبه
أيهم رد: ياااه أخيرا شفتك بترن
عمر: معلش ياصاحبي انت عارف الشغل
أيهم: ماشي ياعم انت عامل إيه
عمر: الحمدلله، بقولك يا أيهم
أيهم: ايه ياحبيبي
عمر بتوتر: هو أكمل إبن عمك لسة خاطب مش كدا؟
أيهم بإستغراب: أيوا اشمعنا؟!
عمر: انا هبعتلك صورة دلوقتي وقولي هي دي خطيبته ولا لا
عمر بعت الصورة على الواتس وأيهم شافها وكانت عبارة عن كارما ومعاها واحد: ايوا هي دي بس مين اللي معاها
عمر بتوتر: بص يا أيهم انا لازم اقولك ان البنت دي هنا من ساعتين واللي باين عليهم إنهم اتنين عشاق
أيهم بصدمة: انت بتقول ايه؟!
عمر: انا لما شفتها عرفتها وطبعا بحكم إن مدير الفندق فعارف كمان رقم الغرفة اللي هما فيها
أيهم: مسافة السكة وهنكون عندك
أيهم قفل معاه وراح مكتب أكمل
أكمل: ايه لحقت خلصت الورق
أيهم فتح التليفون على صورة كارما وحطه على المكتب ادام عين اكمل، اكمل مسك التليفون وبص لأيهم: مين مصورهم؟
أيهم: هو انت عارف مين اللي معاها دا؟
أكمل: أيوا دا حاتم إبن خالتها
أيهم كان خايف يقوله بس معندوش حل غير كدا: قوم معايا
أكمل بإستغراب: في ايه يا ابني فهمني؟
أيهم بعصبية: الهانم بتخونك وانت قاعد ولا على بالك
أكمل بيسمع الكلام وهو مش مستوعب اللي حصل: لا يا أيهم أكيد في حاجة غلط
أيهم بحزن: ياريت فعلاً كان غلط بس تعالى معايا وانت تتأكد
أكمل نزل مع أيهم وهو ذي المضروب على دماغه وتايه، أيهم زعلان عشانه لأن أكمل مايستهلش كدا أبداً، بعد دقايق وصلوا عند الفندق وعمر كان مستنيهم وعرفهم رقم الغرفة، أكمل بيقدم رجل وبيرجع عشرة
أيهم: يلا يا اكمل
اكمل بحزن: مش قادر يا أيهم
أيهم بحزن: تعالى على نفسك عشان نخلص من الموضوع دا النهاردة
أيهم مسك دراعه وشده وطلعوا سوا ووصلوا عند باب الغرفة اللي اخدوا كمان مفتاحها من عمر ودخلوا من غير أي صوت وأكمل انصدم أول ماشاف كارما في حضن حاتم وواقف مصدوم مش قادر يتحرك ولا حتى يتكلم
أيهم قرب من حاتم ضربه لحد ماوشه كله دم والامن طلع اخد حاتم وكارما واقفة في ركن في الغرفة ولفة نفسها بالملايا عشان تغطي جسمها وبتبص لأكمل برعب
أيهم قرب منها ومسك شعرها: وحياته عندي ماهرحمك
أيهم بص للأمن: إياك تهرب منكم
الأمن أخد كارما ونزلوا وأيهم قرب من أكمل اللي واقف مش مستوعب اللي حصل حواليه ومش قادر اصلا يمشي خطوة
أيهم بقلق: اكمل مالك؟
اكمل بصله واتكلم: مش قادر اتحرك يا أيهم
أيهم انصدم لما شاف أكمل وقع على الأرض مش قادر يقف وعمر طلع شاف الموقف
عمر بحزن: انا متأسف
أيهم: ساعدني ياعمر بسرعة ننقل أكمل لأي مستشفى
أكمل: وديني عند ليث
أيهم: لازم اطمن عليك استحالة اسيبك كدا
عمر: طب تعالى ننقله غرفة تانية ونطلب دكتور الفندق
وفعلا أكمل اتنقل لغرفة تانية والدكتور طلع كشف عليه وعرف اللي حصل: دا للأسف شلل مؤقت
أيهم بصدمة: شلل؟
الدكتور: ايوا بسبب الصدمة اللي حصلت دا شلل مؤقت وطبعا نفسي فهو يحتاج دكتور نفسي
أكمل بيسمع الكلام ودمعة من عنيه نزلت غصب عنه ومسحها بسرعة بس أيهم شافه
الدكتور: هو يقدر يحرك ايديه عادي جداً بس للأسف مش هيقدر يمشي
الدكتور مشي وسابهم في صدمتهم
عمر: انا هنزل تحت ولو في اي حاجة كلموني
عمر نزل وساب أكمل وأيهم لوحدهم
أيهم قعد جمب أكمل: انا آسف
اكمل بدموع: وانت ذنبك إيه، انت كشفتهالي
أيهم: هتعمل ايه؟
أكمل: هروح لليث وعشان خاطري محدش يعرف وخصوصا ماما يا أيهم
أيهم: حاضر بس هطلب عمو ناجي يجي يوصلك
اكمل: مش عاوز حد يعرف
أيهم: ماتقلقش دا عمو ناجي مش حد غريب ومش هيقول لأي حد نهائي
ليث قاعد مع علا وحاسس ان قلبه بيوجعه
ليث بقلق: اكمل فيه حاجة
علا: في ايه؟
ليث: انا قلبي بيوجعني اوي واكيد اكمل مضايق من حاجة انا لازم اكلمه
ليث مسك تليفونه ورن على أكمل بس أيهم اللي رد
ليث بقلق: فين اكمل؟
أيهم بتوتر: جمبي اهو
ليث: خليه يكلمني
أكمل أخد التليفون: ايوا ياليث
ليث: انت كويس يا اكمل؟
اكمل بحزن: لا ياليث وانا كلها كام ساعة واكون عندك
ليث بقلق: في ايه مالك حصل ايه؟
اكمل عطى التليفون لأيهم يتكلم هو: خلاص ياليث اكمل جايلك
ليث بعصبية: ماتفهمني يا أيهم في ايه
أيهم: لما يجي هيفهمك ياليث
ليث: تمام يا أيهم
أيهم قفل مع ليث وبعد شوية وصل ناجي
ناجي بقلق: إيه اللي حصل؟
أيهم اخده وطلعوا البلكونة وبلغه باللي حصل
ناجي بصدمة: شلل؟
أيهم: بلاش الفهد يعرف ولا حتى طنط ليل
ناجي: اكيد مش هقولهم يا أيهم بس الزفتة دي ليه عملت كدا
أيهم: مش عارف انا هتجنن دا بيحبها وعشان كدا الصدمة عملت فيه كدا
ناجي دخل لأكمل تاني: هوصلك ومش هعرف أي حد
اكمل بحزن: ربنا يخليك ليا ياعمو
ناجي قعد جمبه: بلاش اي حاجة تأثر عليك بالشكل دا
اكمل بدموع: انا خلاص مبقاش في اي حاجة تفرق معايا
ناجي بيحاول مايتكلمش عشان اكمل ماينفعلش: طب يلا وانا هشيلك
اكمل: لا اطلبولي كرسي
ناجي بعصبية: كلمة ذيادة وهتعصب عليك
اكمل: عشان خاطري
ناجي: يعني مش عاوزني اشيلك
اكمل دموعه نزلت: صعبان عليا نفسي
ناجي حضنه: مش الاكمل اللي يقول كدا انت اقوى من كدا
ناجي بص لأيهم: اطلب كرسي من المستشفى عند شريف بس محدش يحس بيك
ليث قاعد مخنوق وحاسس ان في مصيبة
علا: اهدي ياليث
ليث: اهدى ازاي ياعلا دا توأمي انا قلبي مش راضي يبطل وجع حاسس ان في مصيبة حصلت
علا: مايمكن بس متخانق مع خطيبته
ليث: يارب يطلع بس كدا ومايحصلش اي حاجة تانية
ليث كان قلقان ومتأكد ان حصل حاجة وكبيرة كمان بس هيستنى يعرف
الكرسي وصل وناجي وأيهم ساعدوا أكمل يقعد عليه ونزلوا بيه في الاسانسير وخرجوا بارة الفندق وأيهم شال أكمل عشان يقعدوا جوا العربية وناجي قفل الكرسي على بعضه وفتح شنطة العربية وحطه فيها وركب واتحرك
أيهم رجع الشركة اللي اول ماوصل عرف ان الفهد مستنيه في المكتب
أيهم خبط على باب المكتب ودخل بتوتر من غير مايقول اي كلمة
فهد بغضب: ياترى حضرتك كنت فين انت والباشا التاني
أيهم بتوتر: كان في مشوار مهم ولازم نروحوا
فهد قام من مكانه ومشي خطوتين تجاه أيهم: مشوار ايه اللي يعطلكم عن الشغل ويمنعكم من حضور الاجتماع
أيهم بحزن: ولا حاجة ياعمي انا بتعذرلك
فهد بعصبية: ايه اللي حصل يا أيهم؟
أيهم بصله وقعد على اقرب كرسي ودموعه نزلت وبصله وفهد قلق أوي، أيهم حكاله كل اللي حصل لحد اللي حصل لأكمل
فهد بصدمة: إبني إتشل؟
ايهم وقف: دا مؤقت ياعمي بسبب اللي حصل
فهد: البت دي فين
أيهم: ماتقلقش انا طلبت من أمن الفندق يتحفظ عليها عشان هنرفع عليها قضية
فهد بعصبية: لا يا أيهم انا اللي هتصرف في الموضوع دا
فهد مسك تليفونه ورن على أكمل إبنه بس ماردش ورن على ناجي
ناجي شايف التليفون وبيبص لأكمل اللي نايم من التعب ورد: ايوا يافهد
فهد: اكمل مش بيرد ليه؟
ناجي: اكمل نايم
فهد: هو كويس؟
ناجي: ايهم قالك صح؟
فهد: ايوا ياناجي قالي، خلي بالك منه ولما توصلوا طمنوني
ناجي: حاضر، بس هتعمل إيه مع ليل؟
فهد اتنهد: مش لازم تعرف حاجة ياناجي غير لما نروح شرم
ناجي: تمام
قاعدة مع هدى ورنا في الجامعة ودا اول يوم امتحان ليهم
رنا: الحمدلله عدا على خير
هدى: عقبال الباقي عشان نخلص وكمان دي أجازة نص السنة لسة
رنا: هانت ونتخرج بقى
سامر وعمر قعدوا معاهم وطبعا كان عندهم امتحانات
رنا ضحكت: والله لولا الامتحانات ماكنتوا خرجتوا
عمر بغضب: مالكيش دعوة يارخمة
سامر: والله احنا خلاص حرمنا ومش هنكرر اللي عملناه تاني
هدى بترن على أيهم بس مش بيرد بس رد في تاني رنة
هدى: مش بترد ليه؟
أيهم: معلش ياحبيبتي كنت في اجتماع
هدى: طب هتيجي تاخدني؟
أيهم: ايوا نص ساعة وهكون عندك
أيهم قفل مع هدي وبص للفهد اللي لسة قاعد ادامه: عمي انا هنزل اروح لهدى بس ممكن تسمحلي اسافرلهم
فهد: بلاش النهاردة يا أيهم عشان ليل ماتحسش بحاجة وانت حاول تبقى طبيعي عشان هدى
أيهم: حاضر عن اذنك
أيهم نزل وساب فهد قاعد حزين على إبنه، أدهم في الفرع التاني واستغرب غياب فهد وعشان كدا راح يشوف في إيه
ادهم دخل المكتب: ايه يافهد اللي أخرك
فهد بصله ودموعه على وشه، ادهم جري عليه: في ايه مالك؟
فهد حكاله كل اللي حصل وادهم بيسمع وحاسس ان كل دا فيلم ومش حقيقة
أدهم: ازاي دا حصل
فهد: انا اللي واجعني هو أكمل، دا مقدرش يستحمل الصدمة يا أدهم
ادهم: طب فين الزفتة دي والزفت اللي كان معاها
فهد: في الفندق مع الامن تعالى نروح
أمير المفروض ان النهاردة هيروح يطلب ايدين شهد وكان زعلان بإن جاسر أبوه مش موجود بس كفاية الفهد والأدهم
امير قاعد في العيادة بيخلص الحالات اللي عنده عشان يروح يجهز واتفاجئ بنور أمه داخلة عليه وشايلة مالك إبنه
امير قام بفرحة: ايه المفاجأة الحلوة دي
نور: كنت بطعم مالك وقولت نعدي عليك نشوفك ياعريس
امير شال إبنه: حبيبتي ياماما والله
نور: انت خلصت ولا لسة؟
امير: لسة فاضل حالة بس لسة ماوصلتش
الممرضة دخلت: دكتور امير الحالة اتصلت وقالت مش هتقدر تيجي السيشن النهاردة
أمير: تمام
نور: يلا بقى عشان تروح معانا وتجهز ياحبيبي
أمير: حاضر
باسم وأسيل رجعوا من الجامعة بعد الامتحان وطلعوا ناموا على طول
هدى في عربية أيهم ومعاهم سامر وعمر ورنا وطبعا سامر وعمر ممنوعين من عربياتهم
هدى حاسة إن أيهم مضايق: انت كويس؟
أيهم بصلها وابتسم نص ابتسامة: ايوا ياحبيبتي
رنا برخامة: ياختي هيكون ماله ماهو كويس ادامك اهو
هدي: انت رخمة والله
أيهم طول ماهو سايق بيفكر في اللي حصل ومضايق بس بيحاول يبان هادي وطبيعي بس غصب عنه، بعد شوية وصلوا القصر والكل نزل من العربية ماعدا هدى
هدى: مش هتقولي مالك
أيهم: مافيش ياهدى انا كويس
هدى: حاسة ان انت مضايق من حاجة وبتفكر
أيهم إبتسم: ماتقلقيش انا كويس
هدى: يارب دايما ياحبيبي
أيهم: قولتي ايه؟
هدى ابتسمت: انسى
أيهم إبتسم: انزلي يارخمة
هدى نزلت وهو فضل قاعد شوية في العربية لحد ما لمح عربية الفهد والأدهم داخلة من بوابة القصر ونزل من عربيته
أدهم وفهد نزلوا وكل واحد فيهم باين انه مضايق جداً طبعاً
أيهم: عملتوا ايه؟
فهد: طلبت انهم يتنقلوا المخزن
أيهم: حضرتك ناوي تعمل ايه؟
أدهم بغضب: هنعلمهم ازاي لعبوا مع حد من عيلة البارون
ليث انشغل عن ماكس خالص وراح اخده من حديقة الفندق وطلع يتمشي بيه شوية
اما بالنسبة لجاسر واكمل فقاعدين في مطعم الفندق
أكمل: انا هتفق مع سليم ان اول ما مروان ينزل هنعمل الخطوبة
جاسر: مستعجل على ايه يا اكمل ماتصبر شوية
اكمل: لا ياجاسر مش عشان هو ابن الفهد يبقى يعمل اللي هو عاوزه لا
جاسر ضحك: دا انت شكلك ناويله
اكمل: ايوا
بعد كام ساعة وصل ناجي واكمل وجاسر واكمل كانوا في الوقت دا في مدخل الفندق واقفين يتكلموا مع احمد وانصدموا اول ماشافوا اكمل على كرسي متحرك وجريوا عليه
جاسر: في ايه مالك؟
اكمل(الكبير): ايه اللي حصل؟
اكمل مش قادر يرد عليهم فبص لناجي يتكلم
ناجي: ممكن تهدوا وبعدين هفهمكم
جاسر بعصبية: مافيش بعدين يلا دلوقتي
اكمل(الصغير) بتعب: معلش ياعمي بلاش كلام دلوقتي عشان خاطري أنا
في اللحظة دي كان ليث داخل بماكس ووقف مكانه من الصدمة: اكمل؟!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أحفاد البارون الجزء الثاني)
