رواية أحفاد البارون الجزء الثاني الفصل الخامس والثلاثون 35 بقلم إيمان جمال
رواية أحفاد البارون الجزء الثاني الجزء الخامس والثلاثون
رواية أحفاد البارون الجزء الثاني البارت الخامس والثلاثون
رواية أحفاد البارون الجزء الثاني الحلقة الخامسة والثلاثون
بعد حوالي ساعتين سيد رجع القصر وقاعد في الجنينة سرحان وبيفكر ومش عارف ايه اللي بيحصل حواليه، فهد واقف في بلكونة اوضته عينه عليه وبيكلم نفسه من غير صوت: معقولة كلنا اتخدعنا فيك؟ طب ليه وازاي
فهد فجأة اخد باله ان تليفونه بيرن وكان سيد بس هو ما اخدش باله انه واقف فوق
فهد رد: الو
سيد: عايز اتكلم مع حضرتك في حاجة مهمة
فهد: تمام ادخل استناني
سيد: لا معلش خلينا بارة
فهد: تمام
فهد قفل معاه ونزلوا قعدوا في الجنينة وفهد مستنيه يتكلم…..سيد بصله: انا كنت عند كرم
فهد بهدوء: ليه؟
سيد: كان عايز يشوفني
فهد: وبعدين؟
سيد بتوتر: قبل ما ابدأ كلامي انا رحتله عشان كنت عايز اعرف هو عايز ايه عشان كنت خايف وقلقان يعمل حاجة تانية تأذينا وخصوصا ان سلمى باقت مراتي
فهد: كمل
سيد: طلب مني اني اقتلك
فهد بصله أوي: وانت رديت قولتله ايه؟
سيد خرج تليفونه من جيبه وشغله على تسجيل بينه وبين كرم
كرم: انا عايزك تموتلي راس الافعة
سيد بإستغراب: قصدك مين؟
كرم: اقصد الفهد هو في غيره
سيد بعصبية: انت اتجننت ولا ايه هو انت فاكر ان جيت عشان انفذ كلامك لا تبقى غلطان انا جيت عشان خايف على العيلة دي وانا خلاص بقيت واحد منهم
كرم: اه ناسبت الجاسر
سيد بإستغراب: انت عرفت منين؟
كرم: قولتلك انا كرم الصياد اللي لما بيحب يعرف حاجة بيعرفها
سيد وقف وبصله بغضب: انا همشي ويارتني ماجيت
كرم: بس خليك عارف ان انت لو ماقومتش بالمهمة دي هجيب حد تاني يخلص عليه
سيد بعصبية وبغضب: لا انت ولا عشرة ذيك يقدروا عليه دا الفهد
كرم ضحك بسخرية: تمام ابقى اقف اتفرج بقى
سيد بصله وسابه ومشي وهنا بقى التسجيل كان خلص وقبل ما فهد يرد عليه كان ليث جاي عليهم ومتعصب
ليث بص لسيد وبص لأبوه ومسك سيد من هدومه: حضرتك قاعد معاه ازاي دا كان لسة عند كرم كنا لازم نعرف من الاول ان ديل الكلب عمره مايتعدل
فهد بغضب: نزل ايدك ياليث هو معملش حاجة
ليث: ايه لحق يكدب عليك
فهد قام بغضب وبعد ليث عن سيد وبصله: اهدى ياليث هو فعلاً معملش حاجة
سيد بص لليث وبص لفهد بحزن: مش قولت لحضرتك ان غلطتي هتفضل نقطة سودا في حياتي……وبص لليث: اتفضل تليفوني معاك وانت تعرف اذا كنت فعلاً كلب ولا فعلاً اتغيرت
سيد سابله التليفون وأخد عربية وخرج بارة القصر مخنوق ومضايق من اللي بيحصل معاه
فهد واقف ادام ابنه: عاجبك كدا
ليث: اعمل ايه يعني يابابا لما اكون بكلم معاذ والاقيه بيقولي انه كان عنده عايزني اتصرف ازاي
فهد بغضب: عشان سيد مش غبي لانه عارف ان معاذ هناك وعمره اصلا ماهيتصرف غلط هو فعلاً كان غصب عنه لما سرق ليه نفضل نحاسبه طول حياته على غلطة كان مجبور عليها
ليث: طب اعمل ايه؟؟
فهد: اما يبقى يرجع نبقى نشوف وانا داخل عشان سلمى مش مبطلة رن عليه
فهد سابه ودخل وليل قابلته
ليل: جيت بدري ليه مش ناوي تقولي حصل ايه؟
فهد ابتسم: هقولك بعدين
ليل: اعرف دلوقتي ها
فهد قرب منها بحب: لما نطلع اوضتنا هقولك
ادهم جه عليهم: عرفت ان سيد كان عند كرم
فهد بصله بغضب: نفسي مرة ياشيخ تاخد بالك من كلامك
ليل بصت لأدهم بتريقة: ايوا يا ادهم خد بالك عشان انا واقفة
ليل بصت لفهد بغضب وسابتهم وطلعت
ادهم ضحك: اعمل ايه حظك كدا
جاسر كان بارة وجه: انا بقلق من وقفتكم دي
فهد بصله: انت جاي بدري ليه
جاسر: لا بقولك ايه بلاش السؤال دا انا جاي عشان وحشني قعدتي مع اكمل وكمان هاخده ونروح للدكتور النهاردة ففكك مني النهاردة
ادهم بصله برفع حاجب: فكك مني؟ انا كدا عرفت العيال جايبة كلامهم من مين
عمر وسامر رجعوا من الجامعة ودا طبعاً راجعين بدري
ادهم: راجعين بدري ليه؟
سامر: أبداً المحاضرات ملغية بسبب الندوة اللي في الجامعة فقولنا نيجي نذاكر
فهد: ربنا يهديكم
عمر ضحك: لازم ياعمو تطمن والله اننا كويسين
جاسر: ماشي ياشقي انت وهو يلا اطلعوا ذاكروا وانا هخليهم يجهزوا ليكم اكل وحاجات تتسلوا بيها
عمر وسامر طلعوا على فوق وفهد طلع هو كمان عشان يلحق يصالح ليل وقابل سلمى وهي نازلة
فهد: تليفون سيد معايا
سلمى بإستغراب: ليه هو فين؟!
فهد محبش يقلقها: نساه ياستي في العربية تقريباً اتعدى منك
سلمى ضحكت: طب هاتوا بقى وانا هديهوله
فهد: ماشي بس هو خرج لما يجي بقى
سلمى: ماشي
سلمى اخدت منه التليفون وهو طلع لليل اللي كانت في البلكونة
فهد دخل ووقف جمبها: انا قولتلك ان هقولك بعدين
ليل بصتله ببرود: عادي ما أنا خلاص اتعودت بقى ايه الجديد
فهد بغضب: انا مبحبش البرود دا وبعدين انتي ليه مش قادرة تفهمي ان في كل مرة مش بحب اقلقك بحب ان اتصرف من غير ما اشيل اي حد فيكم هم حاجة، ليه دايما شايفاني غلطان عشان خبيت ليه ماتقوليش ان مش عايز اخوفكم
ليل لسة هترد بس هو وقفها بإشارة منه: ولا كلمة ذيادة ياليل لحد كدا وخلص الكلام انا داخل اخد دش
فهد سابها ودخل الحمام وهي واقفة زعلانة ومكانتش تتوقع انه هيرد عليها كدا المرادي
وفضلت قاعدة مستنياه لحد ماخرج ليها
ليل قربت منه: انا اسفه يافهد
فهد شدها عليه بحب: انا مش بحب اسمع منك كلمة اسف انا عارف انك مش بتحبي اخبي عنك حاجة بس بجد انا مش عايز اقلقك معايا
ليل اتعلقت قي رقبته بحبك
فهد باسها برقة وبحب ونسوا نفسهم😂
جاسر كان دخل اخد دش وراح لجناح اكمل وخبط ودخل وملك فتحتله
ملك: تعالى ياحبيبي
جاسر دخل وقعد ادام اكمل: يلا؟
اكمل: اه يلا واهو بالمرة نغير جو ونتغدا سوا
ملك: وانا بقى عايزة اروح معاكم
جاسر ضحك: دي خروجة رجالة خليكي هنا
ملك بصتلهم بتكشيرة: هو انتوا راحين تعملوا إيه
اكمل ضحك وبص لجاسر: جبتلنا الكلام يا اخويا اتفضل بقى اتصرف
جاسر ضحك: والله يالوكا خروجة عادية وبعدين يعني هو قادر يعمل حاجة ياشيخة اتنيلي
اكمل بصله بغضب: انا شايفك فرحان فيا
جاسر ابتسم: عمري
سلمى منتظرة سيد يرجع ومش بس لوحدها دا ليث كمان لانه عايز يعتذر منه على تصرعه في الكلام، وبعد حوالي ساعة وصل سيد القصر وسيد نزلت جري تقابله
سيد شافها جايا عليه ابتسم ونسى أي حاجة في الوقت دا…..سلمى: وحشتني
سيد بحب: وحشتيني أكتر
سلمى: اه عشان كدا نسيت تاخد تليفونك وسايبني قلقانة عليك
سيد: معلش ياقلبي نسيته غصب عني
ليث جه وهما واقفين وبص لسيد: بما انك جيت اتفضل ادامي
سيد بصله بشك: خير يارب؟
ليث: انا عايز اتمرن شوية ومحدش راضي يتمرن معايا
سلمى: نعم ياحبيبي تتمرن مع مين يعني كلهم هربوا منك وجاي على خطيبي لا الا كدا
ليث ضحك: البت اتحولت كدا ليه
سيد بتحدي: انا موافق اتمرن معاك بس هتقدر تقاوم لحد الآخر؟
ليث بثقة: اكيد
سيد بص لسلمى: انا بقول تروحي تعرفي الفهد والأدهم عشان يجوا يتفرجوا
سلمى: مابلاش
سيد: لا روحي عرفيهم
سيد بص لليث: ثواني بقى اغير هدومي
سيد دخل غير هدومه لترنج رياضي وخرج لليث اللي مستنيه في اوضة التمارين وطبعا الفهد والأدهم قعدوا
فهد بص لسيد: شكلك واثق انك هتقدر عليه
سيد بصله وبص لليث بثقة: هفاجئكم
سيد وليث وقفوا قصاد بعض وكل واحد بقى جاهز وبدأوا يلعبوا وكل واحد فيهم احسن من التاني لدرجة ان نفس الضربات بتاعتهم ذي بعض وكلهم اتفاجئوا بإن سيد كويس جداً في الرياضة بالشكل دا وهوبا سيد جات من ضربة بوكس في وش ليث وادهم غصب عنه ضحك
ليث بصله بغضب: ماصدقت انت صح
ادهم بيتكلم بصعوبة: بصراحة اه
ليث بص لسيد بغضب: انت اتعلمتها فين دي
سيد بثقة: في النادي
فهد قاعد بهدوء وبيبصلهم وبص لإبنه: شكلك حلو
ليث غصب عنه ضحك: ابوس ايدك استر عليا
أيهم دخله: ابقى قابلني انت نسيت كاميرات المراقبة البنات قاعدين ياحبيبي في اوضة الشاشة الخاصة بالكاميرات
ليث بغضب: يعني انا كدا اتفضحت
اكمل اخوه دخل: اي نعم ياحبيبي
فهد بص لسيد: بس اهنيك انت الوحيد اللي قدرت تكسبه انا نفسي ماكنتش بعرف
ليث بص لسيد: بص انا مبحبش الف وادور فانا عايز اعتذرلك اللي حصل مني وكانت فكرة منيلة بستين نيلة ان فكرت اصالحك بإننا نلعب سوا
ليل دخلت ليهم وبتبص لليث: ياعيني يا ابني خسرت
ليث بصلهم كلهم وضحك: انتوا كلكم ماصدقتوا تفرحوا فيا ولا ايه
ليل راحت وقفت جمبه وحضنته بس هي اصلا اقصر منه وهو طويل فبصتله: بقولك ايه بعد كدا اما اجي احضنك ابقى وطي شوية عشان شكلي وحش اوي جمبكم
اكمل ضحك وقرب عليهم: ياماما دا انتي بتقفي جمبنا بيقولوا عليكي اختنا
فهد بصلهم بغييرة: وايه كمان يا باشا
اكمل بصله وحضن امه وغمزله: كفاية الحضن دا بس
فهد قام وشد ليل من حضن اكمل: طب عدي يومك عشان والله هتغابى عليك
ادهم: ايه يافهد ياحبيبي ماتقولش على نفسك غبي
فهد غصب عنه ضحك: يا ابني بقى
ليل: على فكرة يعني انا عايزة احضن ولادي
فهد بصلهم وقرب من ودنها واتكلم بصوت واطي: دا حضني انا وبس
ليث سمعه: لا ياباشا مش لوحدك
فهد بصله بغضب: يعني كمان مش مكسوف من نفسك وانت خسران لا وكمان رامي ودنك معانا
مهاب دخل وهما واقفين كدا: الكلام على إيه
أيهم بصله واتكلم: بيقولك يامهاب مرة واحد كان قوي وبيكسبنا في البوكس بس خلاص جاله اليوم اللي يخسر
مهاب بص لليث بصدمة: معقولة ياليث خسرت؟ وياترى مين اللي كسبك
سيد رد بثقة: انا
مهاب بصدمة: ولسة واقف مكانك كدا مش خايف
سيد ضحك: ما انا خلاص كسبت فمش هيقدر يعملي حاجة
ليث بعصبية: طب حاسب على كلامك بقى عشان انت اصلا اخدتني على خوانة
فهد ضحك اوي: اول مرة اشوفك كدا
ليل بزعل: انتوا كلكم على إبني ولا ايه هو في حد ذي ليث وفي قوة ليث
اكمل ضحك: مابلاش قوة دي ياماما
البنات دخلوا وواقفين مصدومين في ليث
ليث بص لچويرية: شوفتيني ياختي وانا بنضرب
چويرية غصب عنها ضحكت: كان حتة بوكس انما ايه
سلمى: يعيش حبيبي يعيش
ادهم ضحك: دا انت هيتحفل عليك تحفيل عنب ياليث
جاسر واكمل عند الدكتور والحمدلله الدكتور طمنهم شوية ان اكمل هيقدر يمشي بس بعد جلسات علاج طبيعي طبعاً وكل دا مترتب على نفسيته وهو قوي وقادر يكمل فهيقدر يبقى كويس في فترة بسيطة بإذن الله
جاسر اخده وراحوا قعدوا في مطعم عشان يتغدوا سوا
جاسر: وحشتني قاعدتنا دي والله
اكمل: وانا كمان الواحد فعلاً كان محتاج يخرج يغير جو بدل القاعدة دي
جاسر ضحك: ياسيدي بكرة تبقى تمام وترجع تخرج بمزاجك وتروح الشركة
اكمل: يامسهل بقى
عدوا يومين وكل العيلة بيتريقوا على ليث من يوم ماسيد قدر يكسبه وكأن سيد عمل انجاز كبير اوي وبيشجعوه وليث على أخره وعايز ينتقم منه وفي يوم قال هيكتفوا ويضربه😂 بمساعدة أيهم وأكمل اخوه
أيهم طلب من سيد انه يجي يقعد معاه في الجنينة وفعلا قعدوا واكمل جه هو كمان وفجأة كل واحد فيهم واقف من جهة وسيد بينهم في النص
سيد بإستغراب: ايه دا في ايه
ليث جه وقرب عليه: انت فاكر انك هتعدي كدا من غير ما ارد حقي
سيد بعصبية: هو اخد الحق بالتكتيفة دي ياليث
ليث بصله ورفع إيده وهوبا ضرب البوكس بس سيد نزل راسه فالبوكس جه في وش أيهم😂 ورايح يضرب البوكس التاني سيد باردوا نزل راسه والبوكس جه في اكمل وسيد مش قادر يتحرك من الضحك
اكمل بغضب: ايه ياغبي انت مش تفتح
أيهم بعصبية: يعني حتى مش عارف تاخد حقك انت احوليت
سيد بيضحك جامد وبص لليث: منور
ليث غصب عنه ضحك وبص لأيهم ولأكمل: والله انا محسود
مرام وسمير قاعدين سوا بيختاروا كام حاجة لشقتهم ومرام محتارة مابين الصور وكل مابتشوف حاجة بتلاقيها احلى من اللي قبلها
سمير بصلها: ابوس ايدك انجزي مكانتش قاعدة حمام دي
مرام ضحكت: سبني اركز
سمير بصلها بصدمة: تركزي ايه بس ياقلبي دا انتي بقالك ساعة بتختاري امال هتعملي ايه لما تختاري تصاميم الاوض
مرام: سبني اركز بس عشان اشوف هثبت على انهي
مرام قاعدة بتتفرج وبصتله: اه هي دي…..ورجعت شافت صورة تانية: ولا اقولك دي
سمير مسك التليفون وبصلها: والله ماهكسرلك كلمة حلوة دي بس كدا بقى
الايام بتعدي والبنات حامل ذي ما احنا عارفين وفرحوا جداً بخبر حمل رنا
چويرية بحماس: كلنا هنبقى مامي
هدى لسة هتتكلم بس اخدت بالها من أسيل راجعة وزعلانة وقعدت معاهم
هدى: في ايه مالك؟!
أسيل بصتلهم بحزن: انا حامل
حور بفرحة: ياقلبي مبروك
رنا: مش فرحانة ولا ايه
اسيل: ماكنتش عايزة دلوقتي كنت حابة بعد ما اخلص الترم دا وباسم يخلص جيشه
شهد: ليه يا اسيل؟ ربنا بيحبك وهيرزقك بطفل مهما كان الوقت وانتي الوحيدة اللي شايفة ان الاحسن بعد ماتخلصي وبعد جيش باسم طب ماسألتيش باسم هو حابب كدا ولا لا
اسيل: هو موافقني
چويرية لمحت باسم نازل من فوق: طب استنوا هو نازل اهو
باسم واقف ادامهم: بتعملوا ايه
هدى: مراتك حامل
باسم بص لأسيل بفرحة: بجد يا اسيل؟
اسيل بصتله بإستغراب: انت فرحان؟
باسم مسك ايديها ووقفها ادامه: انا مش بس فرحان انا طاير من الفرحة وبعدين انتي فاكرة ان كنت موافق يعني وانتي بتقرري تأجيل الخلفة
حور ضحكت: قولها ياسيدي عشان تصدق
باسم حضنها بحب: انا بجد مبسوط اوي وعايز ارقص من الفرحة، ايوا كدا ياشيخة رقبتي طولت بدل ماكنت في وسط العيال الرخمة دول رقبتي اد السمسمة يرضيكي كدا
اسيل ضحكت: لا ياحبيبي مايرضنيش
چويرية ابتسمت: ربنا يكملك على خير ياحبيبتي ونبطل جنان شوية ونعقل وعمو اسلام وطنط مي هيفرحوا جدااا والواد سامر هيبقى خالو
حور ضحكت: يااه معقول هنكون امهات
عدا شهر ورا التاني وجه الشهر اللي في الفرح والكل مستعد للحفلة دي أوي دي باردوا بنت الجاسر وكمان مرام وسمير هيكون فرحهم في نفس اليوم وفرحانين اوي وليث مرخم عليه جامد ومش عايزه يشوف سلمى لحد ماجه اليوم الموعود اللي الكل منتظره وطبعا باردوا الشباب هما اللي كانوا مسؤولين عن تنظيم الحفل وكان أحلى وأحلى كمان
جاسر نزل بسلمى وسيد منتظره في اخر السلم تحت وسلمهاله
جاسر: تحطها في عينك
سيد ابتسم: دي جوا القلب وجوا العين
ناجي نزل بمرام وسلمها لسمير
ناجي: حافظ عليها دي حبيبة قلب أبوها
مروان بصلها وابتسم: ماتقلقش ياعمي دي في عنيا
كل عريس اخد عروسته وقعدوا سوا والكل حواليهم وطبعا الحفلة ماينفعش من غير الرقص والجنان بتاعهم بس البنات مكانوش واخدين راحتهم عشان الحمل، وبعد ساعتين الحفلة خلصت وجه وقت توديع العرايس
سيد وسلمى دخلوا الڤيلا مع الشباب والبنات
ليث بص لسيد: بقولك ايه يا ابو السيد
سيد بصله بشك: خير ياليث؟
ليث: احنا عايزين ناكل عيش وملح مع بعض
سيد: يعني انت مكفكش الاكل اللي اكلناه الشهور اللي فاتت جاي دلوقتي وتقول ناكل؟
ليث: اه امال ايه وبعدين اكل الفرح دا حلو اوي وعايز لمة
أيهم بصله واتكلم بتريقة: ياعيني عاللمة اه فاكر انت عملت ايه دا انت اول مادخلت من باب الڤيلا ماشفنكش غير تاني يوم احنا هنستعبط ياليث ولا ايه
هدى ضحكت أوي: خلاص ياليث بقى سيبهم يطلعوا اوضتهم
ليث واقف بيعاند باردوا: لا انا عايز ناكل كلنا سوا
سيد بصله وقرب منه واتكلم بتحدي: طب انا هاخدها واطلع شوف هتمنعني ازاي بقى
ليث بتحدي: تمام وريني
فهد جه ليهم لان حس ان ليث مش هيعديها: سيبه يطلع ياليث
ليث: لا
فهد بغضب: سيبه يطلع ياليث وبلاش كدا
سيد اخد سلمى وطلعوا اوضتهم وليث على أخره وعايز باردوا ينتقم منه
سيد وسلمى طلعوا اوضتهم عشان يبدأوا حياتهم
سيد واقف ادامها وماسك ايديها: معقول حلمي من احلامي اتحقق
سلمى قربت منه بحب واتعلقت في رقبته: اه ياحبيبي وخلاص بقيت معاك
سيد قرب منها وباسها بوسة رقيقة وبصلها: يلا نصلي
سمير ومرام وصلوا شقتهم اللي اختاروا فيها كل حاجة على زوقهم في وقت قصير
سمير واقف قصادها وبيبصلها
مرام: بتبصلي كدا ليه؟
سمير: انا حاسس ان بحلم ومش مصدق انك معايا عارفة انا حاسس بإيه كمان
مرام: بإيه؟
سمير: بإن معايا حاجة كبيرة اوي وغالية اوووي وخايف حتى المسها، عايز احافظ عليها، عايز اخبيها بعيد عن عيون أي حد
مرام ابتسمت بفرحة: بحبك
سمير قرب منها وخطف بوسة وبصلها بكل حب: انا اللي بحبك اكتر، يلا بينا نبدأ حياتنا بركعتين
عدت الايام وعدا كمان كام شهر والبنات في الشهر السابع ومرام وسلمى في حملهم في الشهر التاني
في يوم فهد رجع من الشركة وانصدم اول مادخل من باب القصر، البنات كانوا قاعدين واحدة جمب التانية وكل واحدة فيهم ماسكة طبق مانجا وحطاه على بطنها تخيلوا معايا المنظر كدا هما قاعدين ساندين ضهرهم وبطنهم كبيرة والطبق عليها😂 وبياكلوا مانجا بطريقة مش طبيعية
فهد واقف قصادهم: انتوا بتعملوا ايه
سارة جات وقفت جمبه وضحكت: بيتوحموا على مانجا
ليل ضحكت: الحمدلله اختاروا حاجة حلوة مش ذي آيه فاكر
فهد غصب عنه ضحك: هي دي حاجة تتنسي امال فين مرام وسلمى يجوا ينضموا ليهم
هدى ردت عليه وهي بتاكل: تلاقيهم نازلين دلوقتي
فهد بيبص لبنته: بقى دي هدى النسمة يالهوي عالمنظر فينك يا أيهم تيجي تشوف
ادهم كان فوق ونزل وبيضحك: مش أيهم بس دا الشباب كلهم هيغيروا فكرتهم عنهم
سلمى ومرام نزلوا وباين عليهم التوتر وواقفين
فهد بصلهم بشك: ايه ياحلوين اتوحمتوا على ايه
سلمى: عرفت ازاي ياعمو
فهد بص لأدهم وضحك: اصل منظركم دا بيفكرني بمنظر آيه لما قالت لأدهم انها بتتوحم على فسيخ
مرام بتوتر: ماهو احنا شكلنا طالعين ذيها
ادهم بصدمة: هي شوطا وجات فيكوا ولا ايه
سلمى ضحكت: شكلها كدا المهم دلوقتي انا عايزة فسيخ
نور امها جات وقفت جمبها: عنيا ليكي ياقلب أمك بس كدا عيوني
مرام: وانا كمان
سارة بصتلها: عيوني ياقلبي
ديما وريما وصلوا ودخلوا وطبعا ديما سابقة ريما بشهر يعني ريما في السادس وديما في السابع ذي البنات
ديما: ايه يابنات المنظر دا
اسلام نزل وشافهم وبيضحك: هما فين الشباب
چويرية بصتله بغضب: في ايه ياعمو هو عيب ناكل مانجا
ملك خرجت من المطبخ وشافتهم: لا ياحبيبة ماما مش عيب بس انتوا بتاكلوها كأنكم ما اكلتهاش خالص
أسيل: عادي يالوكا بقى
طبعاً اسيل ورنا في الشهر السادس
رنا بصت لأدهم: بقولك ايه يا ابو الاداهيم
ادهم بصلها برفع حاجب: خير ياختي
رنا ضحكت: انا عايزة همبورجر يابابي
فهد مقدرش يمسك نفسه من الضحك: يلا يابت انتي وهي على ڤيلتكم
حور: كدا باردوا يافهد
فهد بصلها بصدمة: نعم يابنت شريف
حور قامت براحة ووقفت ادامه ببطنها اللي ذي البطيخة: طب ايه رأيك لو قولتلك ان عايزة سوشي
فهد بصلها بأرف: الله يقرفك عايزة تاكلي اكل ني
حور ضحكت: ماهي مش دي المشكلة
فهد بتريقة: امال ايه ياختي هي المشكلة
حور: ان ما اكلتهوش قبل كدا فعايزة اجربه
فهد بصلها وبص لباقي البنات: وانتوا ياهوانم في حد عنده طلبات تانية
چويرية بصتله: ايدك معايا بس كدا وقومني
ادهم ضحك بصوته كله وبص لفهد: قابل يامعلم
فهد بص لچويرية بغضب ومسك ايديها قومها: خير يابنت اكمل
چويرية: بص بقى احنا بنتوحم كمان على أكلة جمبري
فهد: وانا مالي قولي ياختي لجوزك
هدى قامت هي كمان وقربت من ابوها وفهد بصلها وضحك: قومتي ليه انتي كمان
هدى: بص ياوالدي ماهو لو احنا عارفين ان البشاوات التانيين هيسمعوا كلامنا في طلباتنا دي كنا قولنالهم لكن ازاي مش هيرضوا ان كل شوية بنطلب طلب
اكمل كان بيتمشى في الجنينة على عصايا عشان رجله ودخلهم وشايفهم واقفين: الكلام على مين
چويرية قربت عليه: يرضيك يابابا بنقول لعمو فهد اننا عايزين اكل ومش راضي
اكمل: ليه كدا يافهد خلاص ياحبايبي عايزين ايه وانا هجيبه
ادهم: ايوا جدع يلا شوف هما عايزين ايه
حور: طلبات بسيطة خالص بص ياعمو اكمل ياحلو انت
اكمل ضحك: بعد حلو دي انا مش مطمن
رنا: اسمع بس شوف هنقولك ايه، اكتب ياسيدي عندك عايزين اكلة جمبري چامبو ذود مايهمكش، عايزين اكلة سوشي باردوا زود وعايزين كمان شجرة مانجا وعايزين خمسة ستة كيلو فسيخ
اكمل من صدمته واقف مش عارف يرد
ليل ضحكت: ايه يا اكمل مالك
اكمل بص للبنات بغضب: الجمبري وقولنا ماشي لكن السوشي لا يعني لا انتوا ناقصين يجيلكوا عفانة والعيال يجرالها حاجة
فهد بصلها: طب وبالنسبة للفسيخ
اكمل: ما انا جايلك اهو في الكلام، والمانجا هجيبها عادي لكن سوشي والفسيخ لا
حور شافت اكمل جوزها داخل: طب احنا هنطلب من اكمل حبيبي
اكمل دخل: ايه الواقفة دي
حور قربت منه: بص ياحبيبي
اكمل بصلها برفع حاجب: خير يارب
حور لسة هترد بس اكمل(الكبير) سبقها وقاله على كل اللي هما عايزينه
اكمل بص لأبوه: وايه رأي الفهد
فهد ضحك: انا ماليش دعوة بيهم
هدى: كدا يابابي طب انا زعلانة
فهد: مقدرش على زعل نبض قلبي
ليل ضربته في دراعه: بس يا اخويا انت وهي ماتبطلوا بقى
فهد قرب منها وباسها من خدودها: بعشق غيرتك
اكمل(الكبير): ماتكبر بقى ياعم المراهق
عدت الايام والشهور والبنات ولدت
چويرية وليث ربنا رزقهم بولد وليث صمم انه يتسمى فهد
حور وأكمل ربنا رزقهم بولد باردوا وسموه قصي
رنا ومهاب ربنا رزقهم ببنت وولد سموهم كارمن وكريم
هدى وأيهم ربنا رزقهم ببنت وسموها كيان
اسيل وباسم ربنا رزقهم ببنت سموها خديجة
سلمى وسيد ربنا رزقهم بولدين توأم سموهم ماجد وأمجد
معاذ وريما ربنا رزقهم ببنت سموها مكة
ديما ومروان ربنا رزقهم بولد وسموه سليم
مرام وسمير ربنا رزقهم بولد وسموه مراد
شهد وأمير ربنا رزقهم ببنت ذي القمر وسموها فيروز كدا بقى عندهم فيروز ومالك
وعشان محدش يفكر كتير فيروز اكبر من الولاد طبعاً 😂
روايتنا خلصت
لقراءة الرواية كاملة اضغط على : (رواية أحفاد البارون الجزء الثاني)
