رواية أحببت وصية رسول الله الفصل الرابع 4 بقلم نورهان محمد
رواية أحببت وصية رسول الله الجزء الرابع
رواية أحببت وصية رسول الله البارت الرابع
رواية أحببت وصية رسول الله الحلقة الرابعة
ولكن محمد كان شارد تمام والحزن يملى وجهه ومن الواضح أن أمر ما ازعجه
ليقطع شروده دخول عربيه إلي داخل الجنينه
وقف الجميع بصدمه ……..
الجد حامد مش معقول انت خرجت أمته
حسن بابتسامه من كام يوم بس طبعا علشان مش فارق معاكم خروجي مفكرتوش حتي تسألوا عليا
الجد حامد بتبرير والله احنا حصلنا ظروف الكام يوم دول
حسن مقاطعا عادي ياعمي مش هنختلف
ليكمل وهو يجلس مالك يااحمد ايه اللي حصلك
احمد عملت حادثه إمبارح وانا راجع
حسن بلهفه وانت كويس دلوقتي
احمد متقلقش ياعمي عدت بخير الحمد لله
ليكمل الجد حامد بتعجب بس انت خرجت ازاي وامته
حسن وهو يرجع رأسه للخلف خرجت من يومين
لكن ازاي انا لحد دلوقتي مش فاهمها
انا لقيت الظابط بيقولي ان في شخص اعترف هو بالجريمه كلها
محمد باستغراب مين دا
حسن مش عارفه لحد دلوقتي أهم حاجه اني خرجت والباقي مش لازم
ليقطع حديثه رنات هاتفه
حسن بقلق تمام مسافه الطريق واكون عندك
الجد حامد بقلق في ايه
حسن بتوتر مفيش ياعمي في موضوع كده هخلصه وهطمنك
ليستأذن منهم ويغادر إلي خارج الفيلا
الجد حامد تعالي يابني معايا دخلني اوضتي
محمد حاضر ياحج
فاطمه بتفهم روحي ارتاحي يازينب شويه انتي اكيد تعبانه
زينب انا فعلا عايزه ارتاح شويه وانتي كمان يلا قومي علشان ترتاحي
وأثناء توجهم للداخل
زينب بحنان لا يااحمد انت كمان تعالي ارتاح شويه
احمد حاضر ياامي انا فعلا عايز انام
وتوجه معهم إلي الداخل
♥︎♥︎♥︎♥︎♥︎♥︎♥︎♥︎♥︎♥︎♥︎
تعريف سريع
حسن عزت العمري ابن اخو حامد ويعمل مع ابن عمه محمد في الشركه
♥︎♥︎♥︎♥︎♥︎♥︎♥︎♥︎♥︎♥︎♥︎
كانت جالسه بشرود تام حتي انها لم تنتبه ان من حولها كل منهما اتجه الي مكان ما
خديجه بحب مالك ياعائشه انتي بقالك كام يوم مش علي بعضك
عائشه بابتسامه انا بخير الحمد لله
خديجه بارتباك وتردد عائشه عمر مش واحشك
صدمه عائشه من سؤاله لتنظر إليها بحزن طبعا دا بردو مهما كان
ليقطع حديثها احمد بصوت شبه مرتفع
هاتفا عائشه ممكن تجبيلي تليفوني من جانبك
عائشه توجهت إلي اخيها الذي يقف ينتظرها
عائشه تحركت عدة خطوات واعطته اياه
احمد شكرا ياحبيبتي تعبتك
عائشه بطيبه تعبك راحه ياحبيبي
لتعود إلي مكانها مره اخري هاتفه بهدوء
يلا ياخديجه نقوم نذاكر شويه علشان مش باقي كتير علي الامتحانات ولازم نشد حيلنا
خديجه عندك حق اه وكمان البنات بعتوا المحاضرات انهارده علي الجروب
عائشه طيب كده تماام الحمد لله يلا بينا
خديجه يلا ياعائشه هعمل بس حاجه نشربها وانتي جهزي كل حاجه وانا هحصلك
عائشه تمام
♥︎♥︎♥︎♥︎♥︎♥︎♥︎♥︎♥︎♥︎
في بريطانيا
كان يجلس امامه في نقط وهميه وبشرود تام قطعه رنين هاتفه
عمر الوووو
الطرف الآخر عمر في مشكله
عمر بتعجب خير
الطرف الآخر الطياره بتاعتك بعد ساعتين من دلوقتي
كان في مقعد فاضي في الطياره انهارده واتحجز اسمك بالغلط
عمر بغضب يعني ايه تتحجز بالغلط مش كانت بكره الصبح
الطرف الآخر المفروض كده بس شركه الطيران كلمتني وبلغتني بالخطأ دا وكانت بتعتذر جدا
وقالوا انهم ممكن يلغوا الحجز او يتأجل بس انا قولت اشوفك الاول
عمر طيب والميعاد التاني ايه
الطرف الآخر بعد يومين
عمر بضيق يومين ايه لا طبعا خلاص تماام انا هحضر نفسي علي طياره انهارده
الطرف الآخر تماام
أغلق عمر معه الهاتف وحادث ميار ولكن لم تجيبه
عمر بنفاذ صبر ردي ياميار ردي بقا
ليتجه نحو غرفته ومن حسن حظه انه حضر شنطه علي اساس انه مسافر غدا
ليحملهم ويتجه بهم نحو الاسفل ويوقف تاكسي ويتجه نحو المطار
وطوال الطريق كان يحادث ميار ولكن لم تاتيه اجابه منها
ليغلق الهاتف هاتفا بضيق براحتك بقا
في الطرف الآخر كانت تجلس في بيوتي سنتر تحضر نفسها لمقابله عمر مساء وكانت تاركه هاتفها بداخل الشنطه
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في اوضه الجد حامد
محمد انت عايز تقول حاجه ياحج
الجد حامد ايوه يابني
محمد اتفضل ياحج اتكلم وانا سامعك
الجد حامد بعد تفكير لعدة ثواني كلمت عمر
محمد بحزن ايوه ويااريت ماكلمته
الجد حامد بحزن ايه اللي حصل
محمد …..
فلاش باك
محمد بحزن السلام عليكم
عمر وعليكم السلام
مكملا عامل ايه يا بابا
محمد الحمد لله يابني
مكملا لكلامه انت اللي عامل ايه
عمر انا بخير
محمد حجزت علشان تنزل ولا لسه
عمر بعدما أخذ نفسا عميقا هتف بكل شجاعه انا بفكر استقر هنا
محمد بغضب انت اكيد اتجننت يعني ابن عمك رجع واستقر في اسكندريه علشان يكون وسطينا
وانت تقولي هستقر هنا انت بتفكر ازاي مش بتحن لاهلك
طيب سيبك من دا كلو واهلك بالنسبه…..
ليعود من تذكره علي صوت والده هاتفا في ايه يا محمد بتفكر في ايه
محمد انا تعبت والله ياحج وبندم علي كل لحظه خليت عمر يسافر يكمل تعليمه بره دي غلطتي وهتحاسب عليها
الجد حامد بقلق طمني في ايه قالك ايه
محمد عمر بيكلمني وبيقولي مش عايز يرجع وعايز يستقر هناك
الجد حامد وبدأ يشعر بالدوار وامسك بقلبه
ليتجه إليه محمد مسرعا بلهفه ايه اللي حصل ياحج اطلب الدكتور حاسس بايه
الجد حامد بتعب انا انا بتلجلج وعدم القدره علي إخراج الكلام
ليهتف اخيرا بخير الحمد لله دي حاجه بسيطه
ليكمل بتعب كلم الأستاذ ينزل مصر مش هيهرب من مسؤولياته زي الاطفال هو بقا شاب ودكتور واعي بدل والله ماهتصرف معاه تصرف مش هيعجبه
ليكمل بغضب يرجع بقا ويركز لحياته مع اهله
محمد بتفهم عندك حق ياحج هو بيهرب وانا هادبه بطريقتي
ليكمل محمد انا هكلمه تاني وهيكون أمر مني انو ينزل
ليستأذن محمد ويخرج وهو يشعر بتعب وحزن شديد
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
عائشه كده ذاكرنا شويه حلوين يلا نقوم نصلي وبعدين نرجع نكمل
خديجه تمام
بعد دقائق كانوا يقفان يصليان بخشوع
لينتهوا من صلاتهم ويعودوا إلي مذاكرتهم من جديد
بعد مده من الوقت عائشه بتعب انا فصلت
خديجه وهي تلقي بظهرها علي الحائط وانا كمان مش قادره فصلت
ليقطع حديثهم صوت آذان العشاء
عائشه احنا بقا نكافء نفسنا
خديجه ازاي
عائشه أولا كده احنا نصلي
وثانيا نروح نطمن علي احمد
ثالثا نعمل حاجه نشربها
رابعا نطلع الجنينه
خامسه نقرأ شويه في كتاب
خديجه بمرح ايوه كده هو دا الكلام يلا بينا نبدأ
وقفوا وصلوا فرضهم بخشوع وتضرع ودعوا الله ان يشفي احمد شفاءأ لا يغادر سقما وان يديم الله تجمع عائلتهم
وبعد ذلك توجهوا نحو غرفه احمد ولكن كانت فارغه
لتنظر عائشه من النافذه لتجده جالسا في الجنينه بصحبه زينب وفاطمه والجد حامد
عائشه بابتسامه ياااه احنا غبنا كتير ولا ايه
خديجه بسعاده شكلنا كده
لتكمل عائشه احنا نعمل حاجه لينا كلنا ونشربها في الجنينه
وبعدين بقا نقرأ كتاب جديد هيعجبك جدا
خديجه بحب انا واثقه في اختيارك يارفيقتي
تمام يلا بينا
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في مطار اسكندريه
كان ينهي اجراءات الوصول الي ارض الوطن
الموظف كده تمام تقدر تتفضل
عمر بهدوء تمام شكرا
ليخرج عمر من المطار وحيدا فهو لم يخبر احد بميعاد وصوله
ليوقف تاكسي ويضع شنطه ويتوجه نحو الفيلا في مفاجأه غريبه
عمر طوال الطريق كان شارد الذهن يفكر هل أخذ خطوه صحيحه
وهل رجوعه إلي مصر هي الخطوه الصحيحه ام لا
ليظل يفكر طوال الطريق بحزن وشرود تام
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في الجنينه
عائشه بمرح كده قاعدين من غيرنا
احمد بمرح قولنا نرتاح منكم شويه
خديجه بغضب مصطنع كده يااحمد بردو
زينب لا طبعا ياحبيبة خالتو القاعده مش حلوه من غيركم
لتكمل بس احنا مش حابين نعطلكم عن مذاكرتكم
خديجه لا يا خالتو ما احنا خلصنا وقولنا نطلع نغير جو
عائشه متممه لكلام خديجه ايوه وكمان عملنا عصير وجبنا شويه تسالي علشان نتجمع شويه بقا ويكون جو اسري ممتع
فاطمه القاعده دي ناقصه عمر
زينب هانت ان شاء الله ويرجع بالسلامه ويكمل لمتنا
فاطمه ياارب يازينب وحشني جدا
لتكمل بهدوء انا هقوم اقول لمحمد ياجي يقعد معانا
محمد وهو يخرج من الداخل انا جيت اهو يافاطمه
جلسوا في جو عائلي ملي بالبهجه والحب
كانت زينب وفاطمه جالسان مع بعضهما يتحدثان عن حايتهم واولادهم
وكان الجد حامد ومحمد واحمد يتناقشان في أمور عدة منها الانتهاء من مستشفي عمر
وعن مساعده احمد عمه محمد في الشركه بجانب شغله في الجامعه
نروح بقا لعائشه وخديجه
خديجه ايه بقا الكتاب اللي هنقرأ فيه انا متحمسه جدا
عائشه بابتسامه مفأجاه حلوه
لتكمل بتشويق كتاب مائة من عظماء أمة الإسلام غيروا مجرى التاريخ
خديجه بدهشه الله اخيرا انا مش مصدقه نفسي جبتيه امته
عائشه بابتسامه جبته من كام يوم وحبيت اعملهالك مفاجأه
خديجه وهي تحتضنها احلي مفاجأه
لتكمل خديجه وهي تبتسم يلا بقا نروح نقعد علي المرجيحه بتاعتنا ونقرأ بهدوء
عائشه يلا
توجهوا إلي ارجوحتهم وبدأت عائشه بابتسامه انا عملت بحث عن الكتاب وهقولك فكره عامه عنه
خديجه تمام ابدأي
كانت تجلس وتقص عليها نبذه مختصره
التعريف بصاحب الكتاب هو جهاد الترباني
المؤلف كتاب مائة من عظماء أمة الإسلام غيروا مجرى التاريخ والمؤلف لـ 7 كتب أخرى.
جهاد الترباني كاتب وشاعر فلسطيني، أشتهر بشعره الداعم للثورة السورية
كتب قصائد شعرية تم إنشادها من عدة منشدين منهم فضل شاكر ونايف الشرهان
مائة من عظماء أمة الإسلام
1 – “العظيم الأول في أمة الإسلام” أبو بكر الصديق
هنتكلم عنه
كانت تقرأ
في ترتيب العظماء بما أراه مناسبًا لإنجاز هذا العمل الأدبي، حتى وإن تأخر ذكر أحد العظماء المائة الذي يفوق من قبله فضلًا ومكانة في الإسلام.
إلّا أن القلم يخجل قبل صاحبه أن يكون على رأس أول كتابٍ من نوعه عن عظماء أمة الإسلام مخلوقٌ غير أبي بكر الصديق رضي اللَّه عنه وأرضاه، وكأني برسول اللَّه -صلى اللَّه عليه وسلم- في فراشه الأخير وهو يأمر المسلمين أن يكون أبو بكر هو الإمام المقدَّم قائلًا: “ويأبى اللَّه والمؤمنون إلا أبا بكر”، لذلك أصبح لزامًا علي أن أضع استثناءً وحيدًا في ترتيب المائة في هذا الكتاب بحيث يكون أولهم هو أعظمهم في نفس الوقت، بل هو الإنسان الأعظم بعد الأنبياء، فهو أول من سيدخل الجنة من البشر بعد الأنبياء، بعد أن كان أول إنسان حمل شعلة التوحيد التي تركها الأنبياء لينير بها ظلام الدنيا في مشارق الأرض ومغاربها، ليكون هذا الرجل صاحب السبق في تحمل عبء الدعوة التي أوكلت لأول مرة في التاريخ إلى البشر العاديين دون الأنبياء.
وأبو بكر الصديق هو صاحب رسول اللَّه -صلى اللَّه عليه وسلم- قبل الإسلام وبعده، والإنسان الوحيد الذي اختاره اللَّه من فوق سبع سماوات ليصحب رسوله في الهجرة،
خديجه بعد عدة دقائق من القراءه هاتفه لعائشه الله ياعائشه الكتاب حلو اوي انا فرحانه اوي
عائشه لا دا لسه اللي جاي احسن وهيعجبك جدا جدا هيكون مفأجاة
خديجه بحب بتتكلمي بجد طيب هتكون ايه ياعائشه
عائشه لو قولتلك مش هتكون مفأجاة
لتمر الدقائق وهما في صمت كل منهما شارده في ما تقرأ
ليقطع هذا الصمت
دلوف تاكسي إلي الداخل
محمد وهو ينظر في اتجاه الداخل مين اللي جاي
ليسودهم صدمه نزول عمر من التاكسي
ومساعده السائق في تنزيل الشنط
فاطمه بصدمه ممزوجه بفرح عمر ابني
ليقترب منهم عمر ويحتضن والدته بشده ويقبل راسها وايديها
فاطمه بدموع وحشتني اوي ياحبيبي
عمر بحب وانتي كمان ياامي
ليترك والدته ويتجه إلي جده ويقبل رأسه وايديه
ثم من بعده والده محمد وسلام حار
محمد حمدلله على السلامة ياحبيبي
عمر الله يسلمك يابابا
خديجه وهي تقترب منه وتملس علي جسده بصدمه وتتعلق في رقبته وتبكي بشده عمر حبيبي انت رجعت وحشتني اوي اوي
عمر وهو يربط علي ظهرها ويحتضنها بشده وانتي كمان وحشتيني ياحبيبة اخوك
بعد عده ثواني من هذا العناق يتركها
ويذهب نحو خالته ليقبل رأسه وايديها أيضا
لتهتف بحب الحمد لله انك رجعت بالسلامة
عمر بصدمه وهو ينظر إليها خالتو انتي رجعتي تتكلمي
زينب ايوه ياحبيبي من كام شهر
ليعود عمر إلي احتضانها مره اخري فرحتيني يا خالتو ربنا يتمم شفاك علي خير
ليتجه الي رفيقه
احمد وهو يحتضنه وحشتني يا عمر
عمر بعناق شديد وانت كمان ايه اللي حصلك دا
احمد بمزاح حاجه بسيطه حدثه بس الحمد لله مرت بخير
عمر بلهفه حادثه ومحدش يقولي
احمد بمغايرة الكلام يادكتور منا قدامك زي الأسد اهو
ليقطع ذلك العناق الجد حامد هاتفا بهدوء عمر
ليلتفت إليه عمر
الجد حامد ايه يا عمر مش تسلم علي مراتك
عمر في نفسه مراتي …….
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أحببت وصية رسول الله)
