رواية أحببت وصية رسول الله الفصل الثاني 2 بقلم نورهان محمد

رواية أحببت وصية رسول الله الجزء الثاني

رواية أحببت وصية رسول الله البارت الثاني

رواية أحببت وصية رسول الله الحلقة الثانية

ليقطع حديثهم صوت في الخارج
خرج محمد مسرعا إلي اتجاه الصوت
ووقف مصدوما مما رأي
محمد بصدمه انت وبدأ الكلام يخرج بصعوبة
بعد ثواني اتجه إليه وهو ينزف من وجهه
محمد بخوف في ايه ايه الدم دا يا احمد ايه اللي حصلك
احمد بتعب واضح وهو مستند علي السائق متقلقش ياعمي انا عملت حادثه وانا راجع بس جات سليمه
محمد لا يلا بينا علي المستشفي انا لا يمكن اسيبك بتنزف كده واقف اتفرج
هم احمد بالاعتراض ولكن قاطعته….
زينب بدموع علشان خاطري يا احمد متعترضش اسمع كلام عمك ويلا بينا علي المستشفي
ليخرج الجد حامد بخوف احممممممممممد
التفت احمد ناحيه الصوت ليهتف بتعب واضح ياجماعه انا بخير متقلقش ياجدي
ليكمل بابتسامه هو دا الاستقبال اللي المفروض تستقبلوني بيه
الجد حامد ل احمد بدون نقاش وكلام خد ابن اخوك يامحمد وعلي اقرب مستشفي
زينب يلا ياابني بقا متعترضش
كانت عائشه تستند اخوها لتجلسه علي الاريكه
فاطمه بخوف اسمع الكلام بقا يا احمد ومتقلقناش عليك اكتر
لتكمل بحزن وبعدين انت باين عليك التعب
احمد بهدوء وبعد تفكير لبعض الثواني حاضر يا خالتو يلا بينا ياعمي
عائشه وخديجه واحنا كمان هناجي معاكم
احمد باعتراض لا خليكم انتم وانا ان شاء الله مش هاخد وقت وهكون في البيت لتصدر منه بعد الآهات ولكن يخفيها بالم
وقد كان علي وشك السقوط ارضا فهو تحمل كثيرا ولكن قد فاض به والألم الان هو من يسود ويتحكم
فاطمه وزينب هما الآخران تحركوا ليذهبوا معه
وفي هذه اللحظات قد بدأ الجميع يلاحظ تعب احمد الذي بقي شبه واضحا
لتمر دقائق واحمد بداخل العربيه متجهين إلي المستشفي
وبعد دقائق كانت يقفون أمام باب المستشفي
♥︎♥︎♥︎♥︎♥︎♥︎♥︎♥︎♥︎♥︎♥︎
تعريف بالبطل الآخر
احمد محمود العمري اخو عائشه في عمره السادس والعشرون تخرج من كليه العلوم وهو حاليا دكتور في الجامعه يمتاز بالذكاء والوسامه والاخلاق التي تميزه بالإضافه الي أنه علي قدر كبير من التدين حافظا للقرآن مهتم بالتعليم جدا فهو لاسره معروفه بعلمهم ومعرفتهم
♥︎♥︎♥︎♥︎♥︎♥︎♥︎♥︎♥︎♥︎♥︎
كانت تجلس علي الاريكه والدموع تسيل من عينها مثل الشلالت
خديجه بدموع هي الاخري اهدي ياعائشه ان شاء الله هيكون كويس
وبعدين قل لن يصيبنا إلا ما كتب الله لنا كل شيء مقدر و مكتوب
عائشه بتلجلج وعدم القدره علي إخراج الكلام الحمد لله علي كل حال
لتكمل بدموع كثيفه احمد فكرني ليقف الكلام عند هذا الحد وترتمي في أحضان ابنة عمها وتبكي بشده
خديجه محاوله للتهدأ من روعها اهدي ياحبيبتي كل حاجه هتكون بخير واحمد هيكون بخير ان شاء الله
ليقطع حديثهم الجد بصوت شبه مسموع خديجه عائشه تعالوا هنا
اتجهت عائشه وخديجه نحو جدهم والدموع مازالت عالقه في جفونهم
لتهتف خديجه نعم يا جدي
الجد حامد اقعدوا ياحبايبي
جلست عائشه وخديجه امامه بصمت لبعض الدقايق ولكن الدموع هي من تتكلم
ليقطع ذلك الصمت الجد بكلمات مسموعه بتعيطوا ليه كده
هو دا الصبر علي الابتلاء وبعدين مش نقول الحمد لله انها مرت بخير وانو لسه معانا بدل مانحمد ربنا علي انو سالم وقادر يتحرك نقعد نعيط
عايز اقولكم حاجه صبر المسلم على قضاء الله وقدره، وصبره على الابتلاء والشدائد هو اختبار من الله، ليرى قوة إيمانه ويجازيه على إحسانه ويعاقبه على إساءته.
ودا المفروض اختبار لمدي الإيمان والمجازاه علي الاعمال
و الصبر من الإيمان ولا إيمان لمن لا صبر له
وربنا قال ايه في كتابه العزيز ﴿ إِنِّي جَزَيْتُهُمُ الْيَوْمَ بِمَا صَبَرُوا أَنَّهُمْ هُمُ الْفَائِزُونَ ﴾
فلازم تفوضوا امركم لله وتدعولوا ان ربنا يتمم شفاه علي خير بدل الدموع دي
عائشه وهي تمسح دموعها عندك حق يا جدي العياط مش هيفيد بحاجه احنا لازم ندعيله هو حاليا محتاج الدعاء يلا بينا ياخديجه علشان نلحق الصلاة
خديجه بعدما مسحت دموعها هي الاخري ربنا يباركلنا فيك ياجدي لتكمل كلامها يلا ياعائشه
وقبلوا ايدي جدهم واستاذنوا في المغادره لاداء صلاة العشاء
الجد حامد ربنا يحفظكم ويبارك فيكم يااحفادي
♥︎♥︎♥︎♥︎♥︎♥︎♥︎♥︎♥︎♥︎♥︎
في المستشفي
ترجل محمد إلي الداخل بقلق وهو يستند احمد الذي بدأ في الاستسلام للالم اخيرا
لتستقبلهوا احدي الممرضات وتحاول مساعدته ايه اللي حصل
محمد بخوف هو عمل حادثه وبينزف
في الاستقبال
بدأ احمد في فقد الوعي فهو نزف كثيرا وتحمل الما اكثر فقد كان كل الذي يشغل تفكيره هو عدم إثارة قلقهم فتحمل ذلك في سبيل عدم اخافتهم عليه
الممرضه بعمليه هو حاليا يا دكتور فقد الوعي ونازف كتير
الدكتور بتفهم طيب جهزوا اوضه العمليات ممكن يكون في نزيف داخلي ولم يكن مع الدكتور في هذه اللحظات من اهل احمد سوي محمد ف فاطمه اخذت زينب لتنتظر في الخارج لعدم معرفتها بحالته لكي لا تزداد قلقا
محمد بخوف في ايه يا دكتور طمني
الدكتور بعمليه حضرتك والده
محمد لا والده متوفي انا عمه زي والده بالظبط
الدكتور اعراضه دي بتقول ان في نزيف داخلي احنا هننقلوا العمليات وهنعمل اللازم وان شاء الله خير
مكملا يااريت حضرتك تنزل الاستقبال تكمل الإجراءات
محمد بهمه حاضر يا دكتور
توجه محمد إلي الخارج ليجد زينب تبكي وبجوارها فاطمه الحزينه أيضا لكن تحاول ان تهدأ فيها
محمد بحزن ان شاء الله خير هيقوم بالسلامه
زينب اعمل اي حاجه يا محمد أهم حاجه ابني يقوم بالسلامه انا مش هقدر استحمل أي صدمه تانيه
محمد متقلقيش يا زينب ربنا مش هيخذلنا وهيطمنا عليه خلي ثقتكم في ربنا كبيره
زينب ونعم بالله ياارب يقوم بالسلامه
انتهي محمد من كافه الإجراءات وكانوا في انتظار الدكتور للخروج من اوضه العمليات للاطمئنان علي حاله احمد
فاطمه ترجلت لتقف بجوار زوجها هاتفه هو الدكتور قالك ايه
محمد بحزن عندو نزيف داخلي ونزف كتير ربنا يستر يافاطمه
فاطمه ايه ….
♥︎♥︎♥︎♥︎♥︎♥︎♥︎♥︎♥︎♥︎♥︎
في الفيلا
كانت تجلس عائشه بجوار خديجه يقرأن ما ترتل من ايات القرآن
عائشه بصوت عذب كانت ترتل القرآن بصوت يريح القلب وكانت تختم القراءه بآيات سورة يس
إِنَّمَا أَمْرُهُ إِذَا أَرَادَ شَيْئًا أَنْ يَقُولَ لَهُ كُنْ فَيَكُونُ
فَسُبْحَانَ الَّذِي بِيَدِهِ مَلَكُوتُ كُلِّ شَيْءٍ وَإِلَيْهِ تُرْجَعُونَ
صدقت عائشه وخديجه
لتهتف خديجه حقيقي صوتك في القرآن بيحسسني باستمتاع وتفائل وراحه
ربنا يبارك فيك ويزيدك ياعائشه
عائشه بدموع ولكي بالمثل يا حبيبتي
خديجه بتعيطي ليه ياعائشه
عائشه وهي تمسح دموعها مش عارفه من غيرك كنت هعمل ايه في الظروف دي
اقتربت خديجه منها ومسحت لها الدموع وقبلت اعلي رأسها
لتكمل احنا قبل أي حاجه احنا اخوات ودي اقل حاجه بين الاخوات
ويلا بينا بقا نكلمهم علشان يطمنونا علي احمد
عائشه بابتسامه يلا بينا
♥︎♥︎♥︎♥︎♥︎♥︎♥︎♥︎♥︎♥︎♥︎
فاطمه السلام عليكم
عائشه وعليكم السلام ورحمة الله وبركاته
عائشه بلهفة احمد عامل ايه يا خالتو
فاطمه مغيره للواقع لعدم اخافتهم هو بخير بس هو حاليا في الاستقبال علشان يخيطوا الجرح ويطمنوا عليه
عائشه بابتسامه الحمد لله يا خالتو طمنتينا
لتكمل بقلق هي ماما كويسه
فاطمه بارتباك ايوه ايوه بخير الحمد لله ياحبيبتي بس هي راحت الحمام تغسل وشها
عائشه تمام يا خالتو الحمد لله انا هاروح اطمن جدو علي احمد
فاطمه طيب ياحبيبتي خلي بالكم من نفسكم ومن جدكم
لا اله الا الله
عائشه محمد رسول الله
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
فلاش باك
في المستشفي
وقبل أن تكمل حديثها وجدت زينب تستقر ارضا
فاطمه بلهفة زينب فوقي يازينببب
محمد أسرع باتجاه احدي الممرضات هاتفا عايز دكتور بسرعه
توجهت معه احدي الممرضات نحو تلك الراقده ارضا وبجوارها اختها
مصدومه من حالتها
استندتها الممرضه بمساعده فاطمه وبعد دقائق من الكشف خرجت الدكتوره هاتفا بهدوء ضغطها نزل والسكر مرتفع احنا هنظبطلها كل حاجه بس أهم حاجه متتعرضش لاي ضغط
فاطمه بدموع ازاي بس دا ابنها عمل حادثه وفي العمليات
الدكتوره بمواساه ان شاء الله خير وربنا يطمنكم عليهم
لتكمل الدكتوره وانا هتابع حالتها وهي كلها دقايق وتفوق
فاطمه تمام يا دكتوره وشكرا لحضرتك
الدكتوره الشكر لله دا واجبي
خرجت الدكتوره وجدت محمد في استقبالها
لتقص عليه نفس الكلام الذي قالته لزوجته
محمد ربنا يعديها علي خير
الدكتوره ربنا يقومهم بالسلامه بعد اذن حضرتك
محمد شكرا يا دكتوره اتفضلي
في الداخل
محمد طرق عدة طرقات علي باب الغرفه
قامت فاطمه لتفتح الباب
محمد عامله ايه دلوقتي
فاطمه بدموع لسه غايبه عن الوعي
محمد متقلقيش ان شاء الله هتفوق
ليكمل محمد خليك انتي معاها وانا هستني عند اوضه العمليات اللي فيها احمد
فاطمه تمام ابقا طمني عليه لما يخرج
محمد حاضر ان شاء الله
ترجلت زينب إلي الداخل
كانت تجلس بجوار اختها بخوف من ان يصيبها مكروه
زينب بتعب وهي تحاول فتح اعينها ابن..ي احم..د ابني
فاطمه متقلقيش يازينب هيكون بخير ان شاء الله
زينب بدموع انا عايزه اشوفه
فاطمه اهدي يازينب مينفعش تتحركي اللي لما تفوقي
زينب لا انا لازم اشوف ابني
فاطمه هو لسه في العمليات ومحمد معاه أول مايخرج محمد هيطمنا ارتاحي بقا يازينب كده هتتعبي اكتر
لتغفو زينب مره اخري
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في بريطانيا
يجلس عمر علي الاريكه بشرود يفكر في مستقبله
فهل الافضل له الرجوع إلي بلده وبدأ مهنته وسط اهله وبلده
او الإكمال في بريطانيا في ظل كل هذه العروض المقدمه له للاستمرارا معهم هنا
ليتذكر حديث ميار ليهاتفها
عمر الووووو
ميار بهدوء ازيك ياموري
عمر الحمد لله انتي عامله ايه
ميار انا كويسه
عمر لو فاضيه دلوقتي نتقابل
ميار Sure
عمر ok
وتقابلوا في مكانهم المعتاد
كان يجلس في انتظارها شارد الذهن تماما
لتأتي إليه ميار بمرح Hello
عمر بابتسامه Hello mayyar
ميار بدلع How are you moray
عمر Am fine
ليكمل بملل مش نتكلم عربي شويه دي حتي لغتنا اللي قربنا ننساها
ميار تمام ياموري
عمر بنفاذ صبر ايه موري دي ياميار خليتي عمر بقا موري
ميار لا بقا لحد الاسم ولا
أكملت بدلع انا بحب اسم موري اكتر ولا ايه مش حلو
عمر بتغيير للموضوع ما علينا كنتي عايزه ايه
ميار ايه صح فكرتني عايز تنزل ايجبت ليه
عمر انا كنت جاي هنا للدراسه فقط والمستشفي الخاصه بيا بقت جاهزه ناقصها الافتتاح فقط
مكملا للحديث وبردو انا بقالي فتره بعيد عن اهلي حان الوقت اللي ارجع واكمل حياتي هناك
ميار بس انت هتواجه صعوبه وخصوصا انك هتلقي عادات وتقاليد وجو كده غريب وأوامر ونواهي دوشه بالمعني الأصح
عمر هي في دي عندك حق بس هحاول بردو انا مش هكمل عمري هنا
وكمان بابا وجدي مش هيسمحوا بكده
ميار يعني بردو مصمم علي رائيك
عمر ايوه
ميار برقه طيب وانا
عمر وانتي ايه مش فاهم
ميار هتسيبني وتسافر
عمر والله حابه تيجي معايا وتساعديني في المستشفي تمام
ميار لا انزل مصر لا هنا احسن
عمر تمام براحتك انا هستأذن
ميار باي ياموري
عمر بابتسامه باي
♥︎♥︎♥︎♥︎♥︎♥︎♥︎♥︎♥︎♥︎
تعريف بميار
ميار محسن الغزالي تنتمي لاب مصري وام بريطانيا تختلف كثيرا عن مصر رغم الفتره الكبيره التي قضتها في مصر لكن بريطانيا سيطرت عليها واخيرا استقرت في بريطانيا مع والدتها
تعرفت علي عمر في الجامعه وايضا دكتوره مثل عمر
♥︎♥︎♥︎♥︎♥︎♥︎♥︎♥︎♥︎♥︎♥︎♥︎
خديجه بلهفه ايه بقا كويس صح
عائشه ايوه خالتو طمنتني عليه بس انا مش مرتاحه
خديجه ليه بتقولي كده
عائشه مش عارفه بس خالتو صوتها غريب
خديجه لا ان شاء الله خير تلقيها بس من الصدمه لما شوفناه أول مره
لتكمل يلا بينا نطمن جدو
عائشه يلا ياخديجه
♥︎♥︎♥︎♥︎♥︎♥︎♥︎♥︎♥︎♥︎♥︎
فاقت زينب مره اخري لتهتف بخوف فاطمه وديني عند ابني
فاطمه لسه والله مخرجش
زينب طيب انا هقعد استناه قدام العمليات
فاطمه بس كده هتتعبي خلينا هنا واول مايخرج من العمليات نروحله علي طول حتي تكوني فوقتي شويه
زينب بدموع لا يافاطمه علشان خاطري
وبعد محاولات عديده من زينب استجابه فاطمه أخير
لتستعين بإحدى الممرضات لمساعدتها
وبعد دقائق كانت تستند اختها لتذهب بها إلي غرفه العمليات
♥︎♥︎♥︎♥︎♥︎♥︎♥︎♥︎♥︎♥︎♥︎
كان يجلس امام الغرفه بترقب وخوف واضح
ليري الدكتور خارج من العمليات
ليتجه إليه محمد بلهفه طمني يادكتور
الدكتور بحزن البقاء لله ربنا يصبركم
محمد بصدمه كاد ان يسقط ارضا لكن الدكتور استنده بتقول ايه لا اكيد في حاجه غلط
كان الصوت حوله مزعج لدرجته أنه لم يستوعب الكلام
لينظر حوله بتشتت لتقع عيناه علي زينب
زينب بدموع وصراخ لالالالالالالالالا
♥︎♥︎♥︎♥︎♥︎♥︎♥︎♥︎♥︎