رواية أحببت ملتزمة الفصل الحادي والعشرون 21 بقلم ملك أحمد
رواية أحببت ملتزمة البارت الحادي والعشرون
رواية أحببت ملتزمة الجزء الحادي والعشرون
رواية أحببت ملتزمة الجزء الحادية والعشرون
“”تلفون اميرة بيرن”””
اميرة بنوم_الو م مين م معايا
زين _الجميل لسه نايم؟ ولا مش مسجلة رقمي
اميرة_مين معايا
زين_ هو انتي نسيتي ان انتي مخطوبة ولا اي
اميرة_زيني
زين ابتسم_ اي زينك دي جديدة!
اميرة_ ولاااا يا زين بتصحيني م النوم ليه انطق؟
زين_انا كنت عارف دبش مبتتغيريش
اميرة_ اه دبش قلنا مترنش غير ف الضرورة.
زين_ والله فيه ضرورة
اميرة_انطق!
زين_ عيد ميلادي النهارده!
اميرة_ازغرط؟
زين_ لا صوتي عليا
اميرة_ايوه اي المهم في كدا؟
زين_ عيد ميلادي يا اميرة؟!
اميرة_عيد ميلاد اي ؟ انت فرحان ان كل ما بتعيش يوم بتقرب لموتك بتقرب للقبر وانت لسه معملتش اعمال تقابل بيها ربنا ؟
زين_انتي بتحسسيني اني تبع داعش
اميرة_مش شرط كلنا عايزين الهداية دايما ده رسول الله كان بيدعي بالثبات وبيقول يا مثبت القلوب ثبت قلبي على دينك ! .
زين_عليه افضل الصلاه والسلام
اميرة_ وانت متعرفش انه حرام تحتفل بيه!
زين_لا بس ليه؟
اميرة_احنا عندنا في الاسلام عيدين عيد الفطر وعيد الاضحى انما عيد الفلانتين والام والاب البتنجان وعيد البطاطس معندناش وضحت والاعياد دي تشبه بالكفار .
زين_انا فعلا مكنتش اعرف بس بس يعني هما عاملين لي حفلة في الشركة وكده
اميرة_ الغيها كمان حفلة واغاني وذنوب يعني بتستقبل ان ربنا اداك ان انت تعيش ٢٨سنه بمعصية!
زين_ انا فعلا هلغيها جزاك الله خير انك فوقتيني بقولك بلغي اهلك ان احنا جايين انا ويوسف عشان نطلب ايد ملك اختك ليوسف
اميرة بفرحة_احلف؟
زين_,والله
اميرة_ طب سلام انت دلوقتي
__________________🦋🤍
“”في منزل زين محمد””
يوسف_زين البدلة دي حلوة ولا اروح بي اي؟
زين_حلوة البدلة
يوسف_يعني هعجبهم؟.
زين غمز_قصدك هعجبها؟
يوسف ابتسم_ يا ززين انجز يا اخي
زين_هتعجبها متخافش
يوسف_طيب يلا
زين_يوسف متنساش اللي اتفقنا عليه ملك لازم تعرف ماضيك
يوسف_حاضر
__________________🦋🤍
“””في المستشفى””
مهند_لا مش عايز اكل فعلا يا امي
تهاني_ لا هتاكل عشان خاطري
مهند_ يلا بس روحي عشان عايز انام جامد
“”مهند بيحاول يمشي امه لانه عارف ان رحاب اكيد هتيجي”””
تهاني_ طيب كل وهسيبك تنام
مهند_ رحاب
تهاني_نعم
مهند_رحاب رحاب جات ال ال
رحاب_الممرضة الخاصة بيه
تهاني_اه اتفضلي يا بنتي انا كنت طالعة
رحاب_لا خليكي عادي يا طنط
مهند_لا اطلعي يا طنط
تهاني_ اخس على ترتبيتك عايز تطلعني!؟
مهند لاحظ هو قال اي_ انا مقولتش كده
تهاني_ اخس عليك
“” وطلعت م الاوضة””
“”رحاب واقفة بتضحك””
مهند_فرحانة انتي؟
رحاب_جدا
مهند_ طب بطلي شماته وقربي عايزك
رحاب_انا لو قربت هفتح دماغك
مهند_ما هي مفتوحة منك هتفتحي اي تاني هما عشر غرز مش مكفينك
رحاب_هخليهم ٢٠ ما تتكلم من بعيد
مهند_لا مبعرفش غير من قريب
رحاب_ولااااااااه
مهند_بعرف من بعيد برضوا انتي عاملة اي؟
رحاب_الحمدلله انجز
مهند_هو انا بشحت منك الكلام
رحاب_ايوه انجز
مهند_ لا ده انتي عايزة يتبلغ عنك يا دكـ
رحاب_خلاص ما الطيب احسن انت عامل اي؟.
__________________🦋🤍
“”في منزل اميرة احمد””
اميرة_ملكك!
ملك_نعم
اميرة_عندي خبر ليكي بكذا جنية
ملك_ياااه ده مهم اوي على كده قولي
اميرة_ تدفعي كام وانا اقولك
ملك_مش عايزة اعرف
اميرة_طب براحتك انا قولت برضوا يوسف….
ملك_يوسف ماله انطقي يبت
اميرة_هتدفعي كام
ملك_٢٠ج انطقي بقى
اميرة_خلاص حيلك كمان شوبة هتلاقي يوسف عندنا هو وزين
ملك_ليه!.
اميرة_ يوسف جاي يطلب ايدك
“””ملك قامت اتنططت على السرير”””
ملك_وفى باللي قاله
اميرة_يعني كنت عارفة
ملك_لا انا قولت عارفة
اميرة_يبت هتروحي النار
ملك_اه كنت عارفة وـ..
“””يقطع كلامهم صوت رنين جرس الباب””
ملك_ده ده ده شكلهم جم وسعي البس بسرعة اطلعي كده
اميرة_يبت حيلك هتوقعيني
“”احمد راح يفتح الباب””
احمد اتفأجئ_اتفضلوا نورتونا
زين_ده نورك يا عمي
احمد_ بس مقولتيلش اي سبب الزيارة يا زين يا ابني
“”زين بص لاميرة'”
اميرة_متبصليش كده كنت هقوله والله
زين_حصل خير احنا جايين يا عمي عشان نطلب ايد بنتك ملك لاخويا يوسف
بسمة زغرطت _ يا الف نهار ابيض نورتونا ده احنا لينا الشرف ننسابكم “””.
احمد_ بس يا بني انا مش شايف اهلك !
زين حاول يتهرب _ الحقيقة اهلي اهلي يعني عندهم مشاغل شوية المرة الجاية يبقوا معانا ان شاء الله
احمد_ لا يا بني الامور متمشيش كدا لازم وجود اهلك لازم اتفق مع والدك والاهم اشوفهم راضيين عن بنتي وله لا
زين_ بس يا عمي …انا موجود وله انت مش بتعملي اعتبار
احمد_ لا يا بني مقصدش والله بس
زين_بس اي بقى
احمد_خلاص بس المرة الجاية اهلك يبقوا موجودين
زين_ بأذن الله احنا بس ناخد الموافقة وهجيبهم المرة الجاية
احمد_تنورونا يا ابني
يوسف_اومال فين ملك
زين غمزله_حيلك من اولها!؟.
“”العيلة كلها ضحكت”””
بسمة_انا قايمة اجبها يا بني
“”في اوضة ملك”””
بسمة_انتي يا بت يلا الناس قاعدة برا مستنينك انجزي
ملك _ حاضر جايا اهو روحي انتي
“””في الصالون ملك طلعت كانت لابسة خمار بينك وعليه دريس طويل سادة باللون الابيض “”
“””يوسف اول ما شافها انبهر بجمالها “””
زين غمزله_ يبختك!
يوسف_زين متبصلهااش
زين بضحك_وكمان بتغييير اوعى يا بني تقطعني بعد الجواز اخوك زين هاا ابقى افتكرني
يوسف_بطل رخامه
‘””ملك قعدت على الكنبة اللي قدام يوسف “”
احمد_طب نسيب العرسان لوحدهم شوية
“” احمد قعد من بعيد عشان يبقى موجود محرم”””
يوسف_احم انا عارف ان سجاد بيتكم حلو بس مش للدرجة دي يعني
ملك ابتسمت بكسوف_ اومال ابص فين يعني
يوسف_بصيلي الله
“”ملك بصت له واتكسفت ف رجعت بصت للأرض تاني””
يوسف_انتي اكيد عارفة انا مين بس متعرفيش عني حاجة تاني فا حابه تسألي
ملك_عندك كام سنه؟,
يوسف_ عندي ٢٤
ملك_امم كويس وانا ٢٠
تمام بتصلي؟.
يوسف_لا بصراحة بقطع
ملك_ يبقى من دلوقتي لكتب
الكتاب تلتزم بالصلاة انا مش هكتب المتاب قبل ما اعرف انك ملتزم بصلاتك وقريب من ربنا ! وقدوتك رسول الله وحافظ القرآن كامل بالعشر تلاوات
يوسف_باذن الله ربنا يقدرني واحفظه بالعشر تلاوات ادعيلي يا ملك …
ملك_هدعيلك … اي هواياتك المفضلة؟
يوسف_ لعب الرياضة ، والقرآءة
ملك_بجد يعني بتحب تقرأ؟
يوسف_جدا
ملك_ خلاص محضرالك مفاجاة بس مش دلوقتي هدهالك يوم كتب الكتاب تقرآها
يوسف-مستني بفارغ الصبر انتي اي هواياتك
ملك_الكتابة والرسم
يوسف_حلو اوي ملك انا في حاجة كمان حابب تعرفيها عني
ملك_قول انا سامعه
يوسف_ بصراحة انا من فترة يعني حاولي ٦شهور كده مكنتش يوسف اللي تعرفيه يعني كنت بشرب خمور وبروح كبريهات وكنت بكلم بنات كثير وبخرج معاهم..و….. وكانت حياة مقرفة يعني انا بقولك عشان خايف تعرفي بعد كده تقولي اني مقولتلكيش واني خبيت عليكي انا عايزكي مسامحني على اللي فات
ملك_اكيد مسامحك على اللي فات اذا كان ربنا بيعفو وبيسامح انا مين عشان مسامحش! طالما توبت وعرفت غلطك خلاص مسامحة
يوسف ابتسم وفرح جدا من كلامها وعرف انه اختار صح
“احمد_طيب اي يجماعة. اتفقتوا
يوسف _ انا عن نفسي رايدها وشاريها من قبل ما اجي
احمد_والجميل؟
ملك بكسوف_ هصلي استخارة الاول
يوسف_براحتك
زين_هاا نجيب الشربات ونيجي
يوسف بضحك_لسه
اميرة_ده انا عملت الشربات خلاص
ملك_يبت انتي مستعجلة ليه
________________🤍🦋
“”فـي بيت رضـوى”””
… رضــوى لـبـسـت ادنـاء فـضفـاض و الـخـمـار ونظــرت الى نفسهـا وكانها حورية كانها مختـلفة عـن الفـتيـات الاخـريات جميعهم متشابهون بملابسـهم الضيـقة باظهار مفاتـنهـم … لا يـستـحون من ملابسـهم
ولأول مرة رضوى هتنزل الشارع بهذا الحجاب الشرعي ! لانها نزلت من قبل بالملابس الفضفاض لكن هذه اول مرة ترتدي الخمار او بمعنى اخرى لاول مرة ستكون حورية غالية
رضوى_ انا نازلة يا مروان
مروان_يلا مستنيكي
“”رضوى اول ما نزلت ومروان شافها اتصدم””
مروان_رضوى انتي؟
رضوى بابتسامة_بـقـيـت ذات الخمــار
مروان _واجمل واحلى ذات الخمار في الدنيا اي الجمال ده اللهم بارك, انا خايف تتحسدي دلوقتي
رضوى_اتحسد اي بس وانا مش حاطه ميك اب ولا لابـ….
مروان قاطعها_ واجمل واحلى من غير ميك زفت ما شاء الله تبارك الرحمن تجنني.
“””رضوى اتكسفت جدا وبصت في الارض وكانت فرحانة اوي”””
رضوى كانت واقفة مع مروان بس هو دخل يشتري حاجة مـن السوبر ماركت سمعت حد بينادي عليها””
_بسس بسس يا انسه معلش هتعب حضرتك
رضوى_لا اتفضلي انتي زي امي
_ اللي هناك دي بنتي اسمها نسرين عايزاكي تقنعيها تلبس زيك وتختمر لما شوفتك بكيت واتمنيت لو بناتي كلهم يطلعوا زيك
رضوى فور سمعاها هذا الكلام بكت بكاء شديد وظلت تشهق من البكاء
_ انا اسفة يا بنتي مقصدش اضايقك طيب بتعيطي ليه دلوقتي؟
رضوى ببكاء_تعرفي ان دي اول انزل باللبس ده وبالخمار وكأن ربنا باعتك ليا عشان يعرفني قيمة اللبس الساتر
_الستر ده نعمة يا بنتي اللهم بارك انتي زي الحوريات بالظبط
رضوى ببكاء_ انا جايا معاكي تعالي اقنع نسرين بنتك هعرفها قيمة الستر والعفة هعرفها ان الجنة غالية وتستاهل وان كلمة انتي “”معقدة”” اهون بكثير جنب كلمة “”اهلها مربوهاش””
________________🦋🤍
صلوا على من ڪـان لا يرد سائلاً.. وإن لم يعطه حاجته جبر بخاطره.
صلى الله عليه وسلم 🦋🤍
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أحببت ملتزمة)
