رواية أحببت مدمنا الفصل الثاني 2 بقلم فونا
رواية أحببت مدمنا الجزء الثاني
رواية أحببت مدمنا البارت الثاني
رواية أحببت مدمنا الحلقة الثانية
أول م فتحت عيني لقيت غيث في وشي ووشه باهت
أتكلمت بصوت ضعيف_جدو فين
بصلي بحزن ومتكلمش قلبي اتقبض ساعتها ومكنتش قادره أخد نفسي _جدو فين جدو فيييين
=سارة أهدي ارجوكي هو كويس متخافيش بس تعبان شوية
بدموع_ماله
اتنهد بحزن_بعد اخر نقاش بينا فقدتي الوعي
فلاش باك
غيث بقلق_سارة سارة أنتِ سمعاني
جدو_خدها علي المستشفي بسرعه يا غيث
بالفعل شلتك ونزلت بيكي جري وحطيتك في عربيتي وروحت علي المستشفي وكان معايا جدو وماما
روحنا المستشفي ودخلتي الطوارئ
واكتشفنا أن جالك إنهيار عصبي ومن شدته دخلتي غيبوبة بقالك شهر
كمل بحزن_وجدو لما عرف تعب جامد ومن كتر الزعل جاله جلطه بس الحمدلله اتلحقت
كنت بسمع كل ده وأنا مصدومه مش عارفه أتكلم أو أنطق ودموعي نزلت ومش بتقف
غيث أتكلم بحنان_سارة أنا آسف صدقيني أنا بطلت القرف ده أنا مش عارف مخي كان فين وأنا بشرب القرف ده أنا آسف بجد من ساعه اللي حصل وأنا مبطل وعارف أن كل اللي حصلكم بسببي
سارة لو حصلك حاجه أنتِ وجدو أنا ممكن أمو**ت نفسي
قاطعته بلهفه_بعد الشر
ابتسم بحزن_لسه بعد كل اللي عملته خايفه عليا
أتكلمت بحزن_ أنتِ ابن خالتي يا غيث وصديقي الوحيد في الدنيا دي أنا كنت مصدومه من كلامك أنت حسستني ب حاجات كتير أوي وحشه يا غيث كملت بعياط_حاجات كتير أنا مستاهلهاش
مسك ايدي بحنيه_حقك علي عيني يا نور عيني أنا آسف استاهل اي حاجه تحصلي بس عشان خاطري سامحيني أنتِ وجدو أنا مليش غيركم في الدنيا دي يا سارة صدقيني أنا قربت من ربنا أكتر وكنت بدعيلكم في صلاتي
كمل بدموع_عشان خاطري
حقيقي مكنتش عارفه أتصرف إزاي أو اعمل ايه مهما كان ده ابن خالتي صديقي الصدوق وحب حياتي الأول والأخير وهو غلط وعرف غلطه وصلح من نفسه
_مش بعرف أزعل منك يا غيث
حضني جامد لدرجة حسيت ضلوعي هتتكسر فجأة سمعنا صوت
_يعني أنا تعبان يا ولاد ستين في سابعين وأنتم مقضينها أحضان هنا
بصينا لمصدر الصوت لقيته جدو
قولت بلهفة_جدو حبيبي وحشتني أوي أنتَ كويس يا حبيبي
حضني_ بخير طول م أنتِ بخير يا حبيبتي
وجه كلامه لغيث_الواد المعفن ده لسه مزعلك قوليلي ابهدله
ضحكت_لا يا حبيبي هو عرف غلطه خلاص
كملت كلامي بتسليه_وبعدين ميمنعش أنك تأدبه شوية
بصلي غيث بغيظ وخالتو قعدت تضحك علينا
مر كذا يوم بسلام وروحنا البيت أنا وجدو بعد م حالتنا أتحسنت والدكتور كتبلنا علي خروج
جدو حالته اتحسنت شوية وغيث بقي يتعامل معايا حلو جدا
_سارة
=نعم
_م تيجي ننزل نتمشي
_الساعه ١ الفجر؟!! أنتَ مجنون
أتكلم بخبث_مجنون وأعجبك
ضحكت_بس عبدو(جدو) مش هيوافق
_سيبيلي الراجل ده وروحي اجهزي
ضحكت_ماشي
دخل غيث علي عبدو الاوضه
_عبوودي
=متتلم يا واد أنتَ
_احم احم
=اتنيل عايز ايه أنا مش فاضي عايز أنام
_عالدوغري أنا واخد سارة وهننزل نتمشي
بصلي بخبث مش معقول العيله كلها خبيثه كده وأنا أقول طالع لمين
غمزلي_ يعني هتتمشو بس
أتكلمت بخبث أكتر=أنتَ تعرف عني كدا
ضحك_هو ده ابن بنتي…خلاص موافق بس لو رجعت لقيتها مضايقه هزعلك
_روح نام أنتَ بس ومتشغلش بالك
خرج غيث وجالي الاوضه خبط عليا
_يلا بينا يا آنسه
=اصبرررر
_يا ساتر بلاعه اتفتحت
عدي دقايق وخرجت كنت لابسه لبس واسع ومريح وفردت شعري
بصلي بحب_يلا يا آنسه
=يلا يا أستاذ
نزلنا ولقيته مسك أيدي فجأة وحاجة في قمة الفراشات بصيتله لقيته بيضحك بخبث
_إيه ده
=إيه ده
_ أنتَ ماسك ايدي ليه
=أنتِ مالك هي كانت اشتكت
بصيت له وضحكت
_تحبي ندخل كافيه؟
=لا مش بحب الجو بتاعهم نقعد في الهواء أحسن
روحنا قعدنا علي البحر وراح جاب اتنين آيس كريم وعطاني واحد
اتنهدت بحب وأنا بسند علي كتفه
فضل الصمت بينا بس قلوبنا كانت بتتكلم
اتنهد وحسيته عايز يتكلم بس خايف
_مالَك
اتنهد ومسك ايدي ويااه يا جدع ده ايدي طلعت صغيره أوي وايه ده؟!دي عروق ده ايه الجمال ده يختاااي
_سارة أنا مش عايز أتكلم كتير بس أنا بحبك
بصيت له بصدمة بس من جوايا حقيقي كنت فرحانه جداً أنه أخيراً قالها
_انا مش عارف أمتي وازاي بس اكتشفت إني مش قادره أكمل يومي من غيرك تفاصيلك الصغننه حتي لو محدش واخد باله منها أنا حاببها ومش قادر حقيقي غرقان في كل حاجه تخصك أنا مش عارف كنت بقسي عليكي إزاي لكن حالياً أنا بحبك جدا حقيقي ونفسي نكمل باقي حياتنا سوا
بصيت له وحقيقي كنت فرحانه أوي معقول! معقول غيث حب الطفوله هيبقي حبيبي وجوزي وأبو عيالي
رديت عليه بفرحه ممزوجه بدموع_ وأنا بحبك يا غيث
حضني جامد أوي أنا تبت علي حضه
وبعد مرور ٣سنوات
موجودين في بيتنا بس مش أنا وابن خالتي لاء أنا وجوزي قرة عيني ومعانا غيث الصغنن
والحمدلله أقدر أقول بفخر إن دبلته مدفيانيي♥️
لقراءة الرواية كاملة اضغط على : (رواية أحببت مدمنا)
