رواية أحببت مجهولة الفصل السادس 6 بقلم زينب رضا
رواية أحببت مجهولة الجزء السادس
رواية أحببت مجهولة البارت السادس
رواية أحببت مجهولة الحلقة السادسة
عمر وصل امه البيت وهينزل امه وقفته
-انت رايح فين يابني
عمر : عندي شغل ضروري ي ماما عن اذنك ونزل
سميره : ربنا يحفظك يابني
~~~~~~~~~~~~~~~~~~~~~~~~~~~~~~~~
سعيد : ها يابنتي اي رأيك
محمد : سيبها تاخد وقتها ف التفكير
ريم بتأييد ع كلام عمها : اه يا بابا هفكر وارد عليك عن اذنكوا
محمد : هنطلع احنا بقا
سعيد : استني ناكل سوا
محمد : معلش مره تانيه، ووجه كلامه لمراته وبنته يلا
ام ريم : تعبتك معايا ي ام ساره
ناديه : ولا يهمك يحبيبتي ربنا يتمملها ع خير
ام ريم : يارب، وبعدين طلعوا
ريم دخلت اوضتها قلعت الدريس ورمته ع السرير وفتحت فونها لاقت مسدجات كتير مبعوتالها
-اي يابني كل ده.. بعد دقيقه
=ممكن اعرف انتي فين ومبترديش ليه
-كان عندنا ضيوف اكيد مش هشوف المسدجات ومش هرد يعني
=ماشي يريم، امها دخل عليها قفلت الفون بسرعه وسابته
امها : فكرتي
ريم : اه فكرت
امها بفرحه : هاا قولي اي رأيك
ريم بلا مبالاه : مش موافقه
امها وشها اتغير : نعم ياختي
ريم : اظن انك سمعتي رأيي
امها بعصبيه : يعني اي اللي بتقوليه ده
ريم بعصبية اكتر : اجبرتيني اقعد وانا مش عاوزه واجبرتيني البس دريس بنت عمي وده مش لبسي اصلا قولتيلي متحطيش ميكب لا وكمان عاوزاني اتجوزه دي حياتي انا فين رأيي ف ده كله انا اللي هتجوز مش انتي
امها تجاهلت كل كلامها ولا اكنها سمعت حاجه : هتوافقي ياريم عارفه ليه لان كل ده عملته عشان تعجبي امه، امه اصلا سالتني انا ع بنت عمك وكانت عاوزاها هي لابنها وانا عملت كل ده عشانك انتي
ريم بصدمه من اللي امها بتحكيه : عشان كده جيبتي دريس بنت عمي
امها ببرود : اه شوفتي تعبت ازاي، ظابط وحليوه وهخليكي ملكه
ريم : المفروض اوافق بقا عشان تعبك صح
امها وهي قايمه : هتوافقي ياريم برضاكي غصب عنك هتوافقي يحبيبتي وقفلت الباب وخرجت
وسابت ريم قاعده متعصبه
~~~~~~~~~~~~~~~~~~~~~~~~~~~~~~~~صلوا ع من اختصر الحب بقوله لا تؤذوني في عائشة
❤️
،~~~~~~~~~~~~~~~~~~~~~~~~~~~~~~~~
مريم : ماما هما هياكلوا كل الاكل ده لوحدهم
سميره ضحكت : بالهنا يابنتي
مريم : اومال احنا هناكل اي
سميره : هنعمل اي حاجه خفيفه، وبطلي رغي بقا وروحي شوفي اختك
مريم لنفسها*احنا ناكل حاجه خفيفه وهما ياكلوا الجلاش والبشاميل يلا بالف هنا لعمي بس* : حاضر يماما
خبطت ع اوضه ساره مفيش رد فتحت ودخلت لاقتها نايمه قعدت ع طرف السرير وبتلعب ف شعرها : ياتري فيكي اي يحبيبتي مش متعوده اشوفك كده حساكي فيكي حاجه وبتهربي منها بحبك اوي ع فكره، تخيلي مرات عمك وبنتها هياكلوا كل الاكل ده لوحدهم وماما هتعملنا حاجه خفيفه متخيله شوفتي انا ساكته ازاي دي ف حد ذاتها معجزه والله ضحكت وباست راسها ربنا يريح بالك وقلبك وخرجت وقفلت الباب
نزلت دمعه من عيون ساره وهي بتضحك ع كلام اختها ورجعت تعيط تاني ” اختك قلبها واجعها اوي يمريم تعبانه اوي يارب عارفه اني كنت غلط من البدايه انا اسفه والله خليك معايا متسيبنيش يارب وفضلت تعيط لحد ما نامت ”
مريم خلصت الاكل هي وامها وحطوه
محمد : مش هتصحوا ساره تاكل
مريم : لا ي بابا هي قالتلي مش هتاكل
محمد : ماشي بس هي كويسه يا مريم
مريم : اه ي حبيبي كويسه
مريم ف نفسها’والله يا حج ما اعرف فيها اي’
خلصوا اكل وناموا
~~~~~~~~~~~~~~~~~~~~~~~~~~~~~~~~
عمر قاعد ف مكتبه مش قادر يستوعب ان ملك تبقا ريم
بيفتكر لما طلعت الفون من جيبها”يعني واحده لابسه لبس زي ده ازاي تعمل كده قدامي كان ممكن تستاذن وتخرج فين الاحترام للبسها” طلع فونه وحاول يرن عليها بس مقفول رمي الفون ع المكتب
عمر ف نفسه :-
” قلبي كان بيدق وانا بكلمها او اسمع ريكورد ليها ولما بشوف مسدج منها كان بيدق جامد من ورا شاشه تليفون ازاااي تبقا قاعده قدامي مفيش اي حاجه من ناحيتها ازاااي”افتكر البنت اللي قابلها ف الشارع وضحك ده حتي البنت اللي اتكلمت معاها كلمتين كنت فرحان وقلبي فرحان “فاق من تفكيره وهو بيقول : فيه حاجه غلط ولازم اعرفها، اخد مفاتيح عربيته وخرج فضل يلف بعربيته شويه وبعدين روح البيت، دخل لاقي مامته قاعده
عمر : اي يماما اللي مصحيكي لحد دلوقتي
سميره بحزن : مستنيه اطمن عليك يابني
عمر : انا كويس يا حبيبتي مالك بس
سميره وخلاص هتعيط : انت خرجت وسيبتني وشكلك مضايق البنت لو مش عجباك مش مهم انا بس نفسي افرح بيك مش اجبرك يابني
عمر : اي الكلام ده بس يست الكل وباس ايدها، مفيش اي حاجه صدقيني قومي بس انتي ارتاحي ونتكلم الصبح عشان الوقت اتاخر
سميره : مش زعلان مني
عمر بضحك : بذمتك حد يزعل من القمر ده وباس راسها
سميره : ربنا يخليك ليا يابني ويسعدك يارب
عمر : ويخليكي ليا يست الكل، سميره دخلت تنام
عمر اخد نفسه بحزن ودخل ينام
~~~~~~~~~~~~~~~~~~~~~~~~~~~~~~~~
_صباح تاني يوم_
الكل صحي ماعدا ساره
ناديه : مريم روحي شوفي اختك صحيت ولا لسه
مريم بقلق : هي مصحيتش من امبارح
ناديه : دخلت ليها من شويه لاقيتها نايمه سيبتها
مريم : طب هدخل اشوفها
ساره ساره ي ساره داخله وهي بتلحن اسمها
مريم : قومي ي بت يلا بطلي دلع كل ده نوم
ساره مش بتصحي
مريم قربت منها وبتهز وشها : ساره اصحي، برضو مفيش رد
مريم بتعيط ي ساره اصحي بقا ي بابا ي ماما الحقوني
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أحببت مجهولة)
