رواية أحببت مجنونة 4 (أحببت أخي) الفصل الثامن 8 بقلم نجمة براقة
رواية أحببت مجنونة 4 (أحببت أخي) الجزء الثامن
رواية أحببت مجنونة 4 (أحببت أخي) البارت الثامن
رواية أحببت مجنونة 4 (أحببت أخي) الحلقة الثامنة
تانى يوم روحت النادي عشان اشوف رد فعلا مريم لما تشوفني بعد ما قولتلها مسافر، كنت متخيلها هتزعل لاني كدبت عليها بس بالعكس قابلتني بإبتسامة.. جه على بالي انها تكون بتعرف تمثل وتكدب، ازاي مش باين عليها كده،
مريم _ صباح الخير
علي _ صباح الورد ، عامله ايه
مريم _ بخير.. جيت اهو
على بإبتسامة _ ودا تعطف على حال المسكين إلى هو انا ولا لسبب تاني
مريم _ مريم متروحش لحد، كله يجيلها
على بإبتسامة _ ودا غرور ولا ثقه
مريم _ ثقه.. ايه خطتك لنهارده
علي _ علي طول كده، تعالي اعزمك على نسكافيه الاول
مريم بإبتسامة _ يلا
خدتها وقعدنا نشرب نسكافيه، وانا قعدت علي كرسي وهي علي الكرسي التاني في الجهه التانيه من التربيزه،، ف حبيت اشوف شكلها لما ابعتلها من حساب لوسيفر هتتصرف ازاي.. طلعت تليفوني وفتحت الانستجرام وبعتلها
لوسيفر _ مقدرتش امشي من غير ما اسلم عليكي
بعت كده ستنيتها تطلع تليفونها علشان ترد لكن هي كانت ماسكه النسكافيه وبتشرب وبتبص الجهه التانيه علي اتنين بيبلعبو مع بعض .. جه على بالي انها مش فاتحه الداتا دلوقتي وكنت خلاص هدخل التليفون في جيبي وفجاه يوصلني إشعار من ملاك،، فتحت بسرعه وانا تايهه ومش فاهم ايه الحكاية، وابص لتليفون مره لمريم مره اللي قاعده قدامي ومبتعملش حآجه
جميله بإبتسامة _ صباح الورد
لوسيفر بذهول _ انتي مين
جميله بارتباك _ بتهزر صح.. انا مريم
لوسيفر _ اه ما انا عارفه، بس بسأل عشان صباح الورد دي مقولتهاش قبل كده
جميله _ اديني قولتها يا سيدي
لوسيفر _ خليكي معايا شويه وهبعتلك اوعي تقفلي
جميله _ اوك
علي _ مريم
مريم _ ايه
على _ حسابك علي الانستجرام اسمه ايه
مريم بزهق _ مش عندي اي حسابات علي مواقع التواصل الاجتماعي.. ليه بتسال
علي بلخبطه _ انتي مش عندك حساب اسمه ملاك؟
مريم _ لا دا حساب جميله
حسيت للحظه اني عبيط وسهل يضحك عليه وقفت وانا مش عارف اتصرف ازاي.. اقولها اني عرفت وازعلها ولا ابعد واتجاهلها ولا اخدعها زي ما عملت معايا.. وفضلت اسأل نفسي هي عملت معايا كده لية وملقتش سبب غير انها بتستغفلني.. استاذنت من مريم وطلعت اجري في النادي علشان اعرف افكر وميظهرش عليه حآجه، وانا بجري بتوصلني رسالة منها
جميله _ ايه ياعمي كل ده شويه
علي _ سوري بس كنت بجهز نفسي، ولسه ملبستش
جميله _ طيب خد راحتك سلام
على _هو انا بغير قدامك خليكي
جميله _ مش عاوزة اعطلك
على _ ياريت كل العطله كدة
جميله بارتباك _ لوسيفر هو في حآجه
على _ في انك وحشاني، بقولك ايه ما تسيبك من الضيف ده وتفكري فيه انا
جميله بارتباك _ وانا اعرفك منين علشان افكر فيك
علي _ عرفتيني على طبيعتي انا قدامك كتاب مفتوح، ولما توافقي هتشوفي شكلي
جميله _ انت صديق بس مش هشوفك غير كده
علي _ والضيف بتشوفيه ازاى، ايه اللى بيميزو
جميله بلخبطه _ معرفش القلب وما يريد بقا
على _ وانا قلبي عاوزك انتي ومش عاوز غيرك
جميله _ انت باين عليك شارب حآجه ايه اللي بتقولو علي الصبح ده
علي _ بقول اني بحبك وعاوزك، بحبك يا ملاك وحبيتك اكتر لما كلمتك كتابه
جميله تزيد ضربات قلبها وتقفل معاه
ملقتش طريقة اخلص منها غير اني اعلقها بيه وتشوفني مع أختها، ده احسن انتقام ليها مع اني حاسس اني حبيتها هي، مش مريم
#جميله
فضلت طول اليوم مخنوقه ومش طايقه نفسي بسبب الاحساس اللي حسيته تجاهه، انا غلطت من الاول، وكلامه اللى قالوه من حق مريم مش انا،.. ف قررت اني مش هفتح حساب ملاك تانى وهكلم البنات على حساب الفيسبوك واقفل اي باب للغلط ودا كان اكبر تحدي بيني وبين نفسي واتمنا اقدر انجح فيه
#عبقرينو
كنا بنصور مع ميادة وزين
وانا واقف ورا الكاميرات وبتفرج مع مسك علي الشاشة، وكالعاده شكل ميادة خد تركيزي، وهو كانت بتسترق النظر ليه من حين لاخر.. فكرت اكلمها بعد التصوير بس محبتش اتسرع يمكن اطلع منبهر وبس، ف قولت ادي لنفسي فرصه الاول
خلص التصوير وهي جت عندي وبابتسامه
ميادة _ ايه رأيك
عبقرينو بتأمل _ نجمه كالعاده
ميادة بخجل _ شكرا
عبقرينو _ طيب هتروحي تغيري ولا ايه
ميادة بارتباك _ مش عاوز تقول حآجه
عبقرينو _ عاوز اقول انك شكلك حلو النهارده
ميادة بإبتسامة _ غير كده
عبقرينو _ تؤتؤ
ميادة بخنقه_ اممم رايحه اغير
وبتمشي وهي مضايقه مني ضحكت بيني وبين نفسي لاني عارفها عاوزة تسمعها وانا مقولتهاش.. وببص ورايا الاقي بنت شكلها حلو جداً بتبصلي باصتلها باستغراب، ف رفعت ايدها بتحيه، بصيت حولية اشوف تقصدني انا ولا لاء وطلعت تقصدني شاورتلها بمعني انا هزت رأسها بمعني ايوه
روحت عندها واتعرفت عليها وطلعت بتتكلم عربي
عبقرينو _ Hi
جوليا _ كلمني عربى هفهمك
عبقرينو _ انتي شكلك مش عربية
جوليا_ مامي مصريه وانا اتعلمت العربي منها
عبقرينو _ تشرفنا
جوليا بإبتسامة _Tanks ،
عبقرينو _ اقدر اساعدك ازاي
جوليا_ تكون البوي فريند بتاعي
عبقرينو _ ههههههه انا، اشمعنا
جوليا _ شكلك عاجبني I like you
عبقرينو بلخبطه _ حضرتك تعرفيني قبل كده
جوليا _ متبعاك من اول ما جيت ، انا بشتغل هنا
عبقرينو_ الحقيقه مخدتش بالي قبل كده
جوليا_ موافق ولا لأ
عبقرينو _ Sorry انا مليش في الموضوع دة
جوليا_ نكون فريند وبعدين شوف هقدر اقنعك بيه ولا لا
عبقرينو_ اسف مش هينفع، عن اذنك
جوليا_wait دا رقمى فكر ورد عليه
عبقرينو_ اوك
خدت منها الرقم وحطيته في جيبي ومشيت، وفي طريقي ل اوضتي شوفت ميادة واقفه مع زين وبيهزرو برغمي اني قولتلها تخف هزار مع زين وغيره، لانها بتهزر بعفويه زيادة وبيحصل هزار بالايدين أحيانا ودا ميصحش
وقفت عندهم وبصتله بصه هى بتفهمها ولكنها تجاهلتني وكملت هزار وصوت ضحكتها على،، حسيت انى عاوزة امسكها اضربها،، قربت منها ومسكت ايده
عبقرينو_ اذنك يا زين
ميادة_ سيب ايدي
عبقرينو بغيظ _ تعالي عاوزك
شدتها وروحت بعيد عن نظر زين
مياده بانفعال_ انت اتجننت يا معتز
عبقرينو بغيظ_ اسمي عبقرينو، وانا مش قولتلك نخف هزار شويه
ميادة_ وانت مالك، تكونلي ايه انت عشان تقولي اعمل ومعملش
عبقرينو يضم ايده ويضربها ضربه خفيفه في كتفها وبحده_ اكونلك ابن بلدك وجاين مع بعض مش فضينلك لما نجيبك من اوضة واحد فهم هزار غلط
ميادة _ انت ازاي تتكلم معايا كده
عبقرينو_ عاوزاني اكلمك ازاي وانتي متهوره ومفكيش عقل
ميادة بدموع_ كفاية يا معتز ولا كلمه تاني وبتمشي خطوه وهو بيمسكها من ايدها
عبقرينو_ ميادة انا اسف
ميادة تشد ايدها منه وبحده_ اخر مره تلمسني تانى وتمشي وتسيبوه
#مياده
غلط معايا اوي، ايوه انا بهزر بس ده ميلدهوش الحق يغلط فيه، احنا مفيش بينا حآجه تخليه يكلمني بالطريقة دي
مشيت وسيبته وقررت اني هضايقه واعرفه اني حره وبعدين روحت عند زين تاني واعتذرتله وكملت هزار وعبقرينو شافني تاني وبان علي وشه الغضب، ومشي وهو شايط
#سيف
صحيت متاخر وقومت من مكاني روحت خدت دوش ولبست طقم كله اسود مع جاكت طويل بنفس الون، وبعدين مسكت تليفوني واتصلت علي مسك لكن اداني مغلق، طلعت من الاوضه ودورت عليها في الاوتيل كله ملقتهاش، ركبت العربيه وبقيت الف في الشوارع عليها، واخر ما زهقت رجعت تاني وقعدت علي مقعد قريب من الاوتيل، وافكاري خدتني لعند مسك وعن اللي ممكن تعمله علشان تساعدني، وعن الحلم اللي شوفته امبارح،.. كل موقف وكل كلمه اتقالت من يوم ما قابلتها جت علي بالى، وفجاه حسيت بحد قعد جمبي، التفت ليه، لقيتها مسك
لاول مره افرح بشوفتها كده،
سيف_ انتي
مسك بحزن_ لو هضايقك ممكن امشي
سيف_ مالك
مسك بحزن _ مفيش
سيف باهتمام_ اتكلمي، حد عملك حآجه؟
مسك بدموع_ مقدرتش اوصل لاخويا، عملت كل حآجه بس من غير فايده، انا تعبت
سيف_ طيب اهدي
مسك بدموع_ وبعد ما اهدا.. كان نفسي افرح بابا وانا داخله وهو معايا
سيف _ انا هساعدك
مسك تمسح دموعها وتبصله باهتمام_ تقدر
سيف_ اه
مسك_ بجد ياسيف
سيف_ ايوه، لو كان عايش هرجعهولك قبل ما تمشي بس اديني اسمه بالكامل
مسك_ مش هتعرف توصل لحاجه باسمه، انا هديك اسم الراجل اللي خطفه
سيف_ اوك بس عاوز مقابل
مسك تقوم من جمبه _ وايه هو
سيف _ نكون صحاب
مسك بانفعال _ جيرل فريند اظن.. لا شكرا مش عاوزة منك مساعدة عن اذنك
سيف_ وقفي مكانك، في ايه مش تفهمي كويس
مسك_ وايه اللي انا مش فهماه يا استاذ
سيف بتنهيده_ مسك اناا محتاجلك
مسك _ يعنى ايه
نسيت نفسي وتنازلت عن كبريائي وقولتلها اللي حصل، وطلبت منها تساعدني،، انا مش عارف ممكن تساعدني ازاي، بس كنت متاكد ان بأيدها تغير حياتي .. في الاول مصدقتش موضوع الحلم، ولكن بعد كلام كتير اقنعتها ان مش عاوز منها حآجه اكتر من الصداقه
مسك بلخبطه _ يعني انت بتحلم بيه انا تحديدا وبعد سنين لقيتني صدفة، مش غريبه دي شويه
سيف _ فعلاً غريبه، بس لو فكرتي شويه هتلاقي ان في حاجات حصلت معايا بسببك، اولها سعادتيني وشيلتي الرصاصه، وتاني حآجه خلتيني اقدر انام واخر حآجه بسببك شوفت صاحبة الايد اللي بتتمدلي في كل. مره.. مسك انا مش طالب اكتر من اننا نكون صحاب لغيت ما تمشي وبس، وفي المقابل هرجعلك اخوكي
مسك بعد تفكير _ موافقه يا سيف
سيف بإبتسامة _ متشكر بجد
مسك _ انا متلخبطه بس لو بايدي اي حآجه اعملها مش هتأخر
سيف بإبتسامة _ تاكلي ايس كريم
مسك_ مش عامله حسابي بفلوس
سيف_ انا عازمك
مسك_ ههههه واضح فعلا اني بساعدك، بدليل انك بطلت بخل اهو
سيف بإبتسامة _ هصفيكي
مسك _ ههههه خلاص متزعلش، يلا روح ولا غيرت رأيك
سيف _ لا.. مش هتأخر
#مسك
لو فضلت سنه اوصف احساسي دلوقتي مش هعرف، معقول واحد زيه يطلب منى انا اكون جمبه لاعتقاده اني هطلعه من اللي هو فيه .. واللي حيرني اكتر موضوع الحلم.. هو معقول يكون مكتوب اننا نتقابل فعلاً.. يمكن ليه …
مشي وانا فضلت باصالو ومش مصدقه ان واحد في هيبة سيف وعصبيته على اتفهه الاسباب يتنازل ويجبلي ايس كريم
في اللحظة دي كل حآجه اتغيرت، انا مبقتش انا، بقا قدامي امل جديد اني الاقي سفيان، وامل تاني بان ممكن سيف يتوب عن اللي بيعمله
بعد شويه شوفته جاي وفي ايده الايس كريم والابتسامه علي وشه
سيف_ اتفضلي
مسك_ شكرآ شكراً
سيف_ قوليلي بقا اسمه اية الراجل ده وخطف اخوكي ليه
مسك _ المره الجايه خليني دلوقتي استمتع بالايس كريم اللي ببلاش ده ههههه
سيف بإبتسامة_ عندك حق
مسك _ نمت كويس امبارح
سيف _ اوي.. هو ايه السر الي في المصحف ده صحيح
مسك بابتسامه _ مش سر ولا حاجه بس هو كده القران قادر يمنع عننا الكوابيس والتوتر، مش بس المصحف ده انت لو جبت اي مصحف تاني هتلاقي نفس النتيجه
سيف _ تصدقي اني معرفش اي حاجه من القران، فاكر زمان وانا صغير كان بابا يحفظني بس نسيتهم بقا
مسك_ طيب ما تحفظ تاني
سيف _ معنديش وقت ولا طاقه
مسك بابتسامه _ انت لو قريت شويه هتحس بالفرق، اقولك انا هبعتلك ابليكشن قران، خليه علي تليفونك احتمااال تقدر تقرا شويه
سيف _ ابعتي مش هنخسر حاجه
مسك بابتسامه _ اوك، استقبل، وبالمناسبه دي هسمعك اكتر صوت بحب اسمعه في القران
سيف بزهق _ مسك انا مش بتعامل مع داعيه
مسك _ هههه ومين قالك اني داعيه، انا بس وحشني صوته من ساعة ما جيت مسمعتش.. متركزش انت
شغلت القران بصوت فارس عباد وهو بيتمشا قصادي ويسمع الصوت وبعدين يبصلي بزهق_ صوته حلو فعلا، ممكن نمشي بقا
مسك _ هههههه يلا يابي الحكم
#علي
قبل ما امشي من النادي قولت ل مريم اني مسافر يومين، علشان ابعد واعرف هعمل ايه، وكالعاده قعدت على الاب توب بتاعي وفتحت حساب لوسيفر، بعد ما لغيت النشط عشان جميله متعرفش اني فتحت، وكنت فاكر اني هلاقي رسالة منها، لكن ملقتش ايه رسالة وحتي مردتش علي اخر رسالة مني
بعد شويه بتيجي ايمي وتفتح الباب زي البوليس
ايمي_ انت يا زفت مش بننده عليك… اه قولي انك قاعد علي المخروب ده
على بخنقه_ ايمي بطلي زن مش فضيلك
ايمي_ ايه دا بقا مالك
على _ شورتك المهببه قلبت عك
ايمي_ شورت ايه ما تتكلم على طول
علي_ مريم مطلعتش مريم
ايمي_ يعني ايه
علي _ يعني اللي كانت بتكلمني علي حساب لوسيفر طلعت جميله اختها ومفهماني انها مريم
ايمي_ احيييه يعني انقلب السحر علي الساحر وبدل ما نوقع مريم اختها وقعتك
علي_ يعني ايه، تقصدي ان غلطي زي غلطها
ايمي_ تقريبا،
علي بانفعال_ انا مكدبتش عليها، دخلت وقولتلها اني بحب مريم ومقولتلهاش اي اسم تانى غير اسمي، انما هي فهمتني انها مريم، وقعدت تقولي بتحب كذا وكذا وانا زي العبيط صدقت وغيرت نفسي عشان أعجب مريم
ايمي _ يعني كانت بتساعدك اهو انت زعلان ليه، المفروض متزعلش منها
علي بخنقه _ مزعلش ازاي، انا دلوقتي مبقتش عارف انا بحب مين فيهم
ايمي _ يعني ايه مش عارف، انت مش بتقول بتحب مريم
علي _ دول تؤم، يعني معرفش انا حبيت مين فيهم
ايمي _ يادي النيله عليك
على _ شوفتي بقا
ايمي _ انت قولتلي قبل كده انك بتر تاح للي بتكلمك اكتر
علي _ بعد ما عرفت حسيت ان اللي كنت بحبها هي جميله مش مريم، انا كنت دايما كاره غرورها ولكن بحبها من ساعة ما شوفتها في الحفله وبتغاضا عن الغرور ده
ايمي _ وليه متكونش جميله اللي قابلتها في الحفلة مش مريم
علي _ الظاهر ان هي فعلاً
ايمي _ خلاص يبقا انت بتحب جميله مش مريم
علي بخنقه _ انا مبقتش فاهم حآجه، حتي لو هي جميله، انا زعلان منها بسبب كدبها عليه
ايمي_ غلطت بس انت كمان غلطت، متنساش انك كلمتها باسم مستعار اعتبر دي بدل دي
على بخنقه _ وبعدين استفدت ايه انا كده، ما انا اتنيلت وقولت لمريم انى بحبها ، يعني توريطه، وهي كمان ساعدتني عشان اوصل لاختها، مفتكرش انها ممكن تفكر فيه … انتي السبب متبقيش تفكريلي تانى
ايمي _ ههههه خلاص اخر أقتراح، ابعتلها وقولها اللي حصل واحساسك نحيتها
علي _ انتي تخرسي، لا مش هقول حآجه غير لو حسيت انها بتحبني غير كده هعمل اني معرفتش ان هي اللي بتكلمني
ايمي _ يا سلام، لغيت امتي، افرض محبتكش، تقوم تتورط في اختها
علي _ لو محبتنيش انا هبعد عنهم خالص لا هي ولا اختها
ايمي _ طيب وانت ناوي تعمل ايه
على _ هكمل علي اني لوسيفر،
ايمي _ طيب وبعدين هتعمل ايه بردو
علي _ معرفش يا ايمي، هسييها لظروفها
ايمي _ تحب ادخلك في حياتها
علي _ تقدري؟
ايمي_ اوي، بس انت تدبر لينا مقابلة باي حجه
على _ هحاول
#سلمي
انا سلمي 23 سنه بنت عم مياده
مياده اللي بابا طردها من البيت بعد ما رفضت العريس، .. كنا قاعدين قدام التليفزيون، بنسمع مسلسل وبيجي اعلان، ف بنشوف مياده في الاعلان وشكلها اتغير بقت حلوه اوي زي نجمات السينما،
فؤاد بذهول _ مش دي مياده
مالك _ اه والله هي، ايه اللي بتعملو دة
سلمي بإبتسامة _ يالهوي شوف البت بقت حلو ازاي، دي غطت علي ياسمين صبري
فؤاد _ وبقت كده ازاي، احنا لازم نعرف
مالك _ تلاقيها بقا علي قلبها فلوس قد كده من الشغل ده،،، بقولك ايه يابا البت دي لازم تيجي تقعد وسطنا
فؤاد _ هيحصل، دي عرضنا ولازم ترجع بيتها
سلمي _ دلوقتي بقا بيتها، مش هي دي اللي طردتها عشان رفضت العريس
مالك _ اتلمي يابت لا اقوملك، دا الحمدلله انها رفضته، ابا انا عاوز اتجوزها
فؤاد _ بنت عمك وانت اوله بيها بردك، نقرا الفاتحه
سلمي _ فاتحه … مش لما توافق الاول، هي مستحيل توافق علي الطربش ده هتعمل بيه ايه وهو عاطل
مالك _ لو مسكتيش هكسر رقبـ.ـتك قدام ابوكي، غوري ادخلي جوه
سلمي _ شوفت ابنك
فؤاد _ غوري يابت مشوفش وشك النهارده، داكي الهم وانتي شبه البومه كده، زي المرحومة كانت فقر
سلمي _ داخله بس ادي دقني لو عبرت ابنك الصايع ده
مالك يقلع الشبشب ويرميه عليها _ ما تغوري
دخلت جوه وانا متغاظه منهم، بقا بعد ما يرميها عاوز يرجعها بعد ما حس ان بقا معاها فلوس
#مياده
طلعت من اوضتي علي مكان التصوير، وانا في طريقي شوفت عبقرينو واقف مع بنت أجنبية وبيتكلمو مع بعض ،، مشيت جمبهم وحاولت اسمع بيقولو ايه من غير ما ابان اني مهتمه
عبقرينو _ ههههه عسل يا جوليا،
جوليا _ تانكس بيبي
حسيت بنا*ر والعه جوايا، ولكن معملتش ايه ردت فعل ومشيت وروحت عند مسك، و وقفت قدام الكاميرا، وبعد شويه بيجي هو وجوليا ويوقفو ورا الكاميرات، وكل شويه يميلو علي بعض يقولو حآجه ويضحكو، حسيت اني هتشل ومبقتش مركزه في التصوير، ومسك عماله تقولي اعملي كده و وريني الاحساس، وانا مش قادره اركز، اخر ما تعبت، مشيت خطوتين
مسك _ في ايه، معقول مش عارفه تعملي المشهد
ميادة بخنقه _ انا تعبانه خليها وقت تاني
مسك_ سلامتك مالك
مياده _ صداع عادي، هروح ارتاح ونكمل بكره
مسك_ اوك خلاص يا شباب النهارده فركشه، عبقرينو وصل ميادة لاوضتها
عبقرينو_ سوري مسك مش فاضي، زيين وصلها انت لو تقدر
ميادة بنرفزه _ مش صغيرة علشان حد يوصلني عن اذنكم وبمشي وانا مش طايقه حد في وشي…
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أحببت مجنونة 4 (أحببت أخي))
