رواية أحببت مجنونة 4 (أحببت أخي) الفصل الخامس 5 بقلم نجمة براقة

رواية أحببت مجنونة 4 (أحببت أخي) الجزء الخامس

رواية أحببت مجنونة 4 (أحببت أخي) البارت الخامس

رواية أحببت مجنونة 4 (أحببت أخي) الحلقة الخامسة

صحيت الصبح وجهزت نفسي واول حآجه عملتها اني رميت النضاره ايوه مش بشوف كويس اوي من غيرها بس ماشي الحال وغيرت طريقة لبسي، ولبست تيشيرت شتوي لونه اسود بطقيه و بنطلون جنز، يعني اطلاله شبابيه كامله من الشباب اللي عايشين حياتهم برافهيه، وكل ده علشان الفت انتباه مريم، وقررت انفذ كلامها بس بطريقة تانيه علشان متشكش ان لوسيفر هو انا،
نزلت بسرعه. وقابلت بابا في وشي
ياسين _ ياصباح الوك الجديد، ايه اللي حصل فين الحمالات والنضاره
على _ ههههه رميتهم، صباح الورد يابوب
ياسين باستغراب _ بوب.. ايه الحكاية جني الحقي ابنك
جني_ الله ايه الشياكه دي يا على، ايوة كده احلي من الاول
علي بإبتسامة _ يعني أعجب البنات
ياسين _ طبعا انت ابن ياسين
جنى _ ههههه خلاص بقا راحت عليك، جه دور علي،… بجد شكلك احلي كده وتعجب اي بنت.. بس خير مش بعاده يعني
على بإبتسامة _ حبيت اغيير شويه
ياسين _ اهاا حلو التغيير،،، بس ايه السبب
على بكسوف_ مفيش يابابا، عادى يعني..، يلا عن اذنكم مروان مستنيني
جني_ ماشي ياحبيبي، متتاخرش علي الغدا
على هو وماشي_اووكي.. بحبكم
ياسين _ ههههه طيب اقطع دراعي من الكتف لو ما كان في واحده ورا التغيير ده
جني _ طيب ما انا عارفه، انت مش بتشوفه وهو قاعد وسرحان والابتسامه علي وشه من الودن للودن، وغير التليفون اللي مش بيسيبو من ايده
ياسين _ حبيبي ابني، كنت قلقان عليها لا يطلع لخمه وميطلعش زي ابوه البنات بيترمو عليه
جني_ كان زمان بقا انت دلوقتي عجزت خلاص
ياسين _ بقا انا عجزت يا جنى، ماشي بكره اتجوز عيله في العشرين، وهتكون بتموت فيا لا تقولي راحت عليك ولا عجزت
جنى _ طيب اعملها يا ياسين ، اعملها علشان يكون نهايتك على ايدي
ياسين يقرب منها _ ههههه بتغيري عليه يا جنجون
جنى _ لا
ياسين بإبتسامة _ طيب والله بتغيري، باين عليكي
جنى بإبتسامة _ بيتهيالك
ياسين _ ياوليه بلاش كدب
جنى _ ماشي، انا بغير عليك في حآجه
ياسين _ لا مفهاش حآجه بقولك ايه ما تيجي تجيبيلي قميص من الدولاب، فاكره الدولاب
جنى _ ههههه ياراجل اتلم احنا كبرنا علي الكلام ده
ياسين _ انتي لوحدك اللي كبرتي انا لسه شباب
#مريم
خرجت الصبح روحت النادي واول ما دخلت شاب اصتدم بيه غمضت عيني بغيظ ولسه هتخانق، الا ولقيته “علي” بس مغير الاستايل بتاعه، وشكله شيك.. فضلت واقفه ابصله شويه وانا مش مصدقه نفسي
على _ سوري.. ايه ده مريم، انتى هنا؟
مريم بإبتسامة _ اه انا مشتركة هنا، بس اول مره اشوفك،.. وايه التغير ده
على _ اه الحقيقه انا مشترك جديد، وبنسبه للوك، عادي قولت اغير، بس ايه رأيك
مريم بإبتسامة _ حلو اوي، احسن كدا
علي يقطع ورده من شجرة قريبه ويدهالها بإبتسامة _ متشكر يامريم، اتفضلي
مريم بانبهار_ ميرسي
على _ اوك، عن اذنك
مريم بإبتسامة _ اتفضل
مشي بسرعه وركب العربيه مع صاحبه، وانا فضلت واقفه مسهمه ومش مصدقه ان ده علي.. بعدين فضلت ابص للورده وبسال نفسي ازاى بقا كده
#جميله
كنت قاعده زي كل يوم وماسكه الاب توب وبراسل البنات، وفجاه بالاقي رسالة من لوسيفر
لوسيفر _ هاا اي الاخبار انتي فين
جميله بإبتسامة _ بتسأل لية
لوسيفر _ عادي حابب اعرف
جه على بالي انه ممكن يكون عارف مريم فين ف قولتله اني في النادي
لوسيفر _ كويس اوي، في جديد؟
جميله _ لا خالص
لوسيفر _ خالص خالص
جميله _ لا زي كل يوم
لوسيفر بخيبه _ مفيش حآجه حصلت معاكى كدا ولا كده
جميله _ لا مفيش حآجه مهمه يعنى
لوسيفر بزهق_ اه طيب كويس
جميله _ مالك في ايه
لوسيفر _ مفيش حآجه
جميله _ انت فين دلوقتي
لوسيفر _ قاعد في كافية مع واحد صاحبي
جميله _ طيب عيش حياتك اسيبك معاه
لوسيفر _ مفيش حآجه مميزه حصلت معاكى أبداً أبداً يعني
جميله _ ههههه مفيييش، ايه حكايتك النهارده
لوسيفر _ ماشي يلا روحي
جميله _ لا لازم اعرف في ايه
لوسيفر _ مفيش ، هكلمك بعدين .. وبيقفل
استغربت اسلوبه النهاردة، شككني في نفسي ف بعت ل مريم بسرعه اشوف في حآجه حصلت معاها ولا لا
جميله _ مريم انتي فين
مريم _ في النادي، خير في ايه
جميله _ بطمن عليكي بس.. اي الاخبار
مريم _ تمام
جميله _ في حآجه حصلت معاكي النهارده
مريم باستغراب _ لا حآجه ايه مثلا
جميله _ خلاص ماشي انا بس قلقت فجاه ف جيتي علي بالي
مريم _ مفيش حآجه… اه اسكوتي علي اللي انا شوفته
جميله _ شوفتي ايه
مريم _ عارفة علي اللي كان عندنا امبارح
جميله باهتمام _ مالووو
مريم _ قابلته في النادي، اه لو تشوفي شكله والتغير اللي حصله، بعد ما كان لابس استايل إبراهيم عيسي بقا يلبس كجول وقلع النضاره،.. اتحول يابنتي
جميله بإبتسامة _ وبعدين كملي
مريم بإبتسامة_ اداني وردة، وبعدها مشي وسابني، ونط في العربية بشكل يهبل، انا مش مصدقه بجد ههههه
جميله بإبتسامة _ ولما اداكي وردة قالك ايه
مريم _ ولا حآجه ادهاني عادي ومشي
جميله بإبتسامة _ عجبك يعني
مريم _ بصراحه اه ولا طريقته هو وبيديني الورده، كلاسيكي خالص
جميله بإبتسامة _ كويس اوي، يلا كملي اللي كنتي بتعمليه
مريم _ اوك… هرجع ونتكلم
جميله _ ماشي حبيبتي يلا باى
فهمت هو كان بيسأل لية باهتمام كده ف بعتله تانى
جميله _ لوسيفر
لوسيفر _ عاوزة ايه
جميله _ بصراحه حصلت حآجه بس محبتش اقولك لا تضايق
لوسيفر بإبتسامة _ لا قولي
جميله _ اول حآجه لازم تعرف اني بعاملك ك صديق، ولسه محستش نحيتك بحاجه، واتمنا انك تعاملني كده بردو
لوسيفر _ اخلصي
جميله _ ههههه حاضر الله بتزعق ليه
لوسيفر _ مبحبش المقدمات بتقلقني
جميله _ اوكي، الي حصل اني لما روحت النادي قابلت الضيف اللي كان عندنا امبارح
لوسيفر بإبتسامة _ وبعدين
جميله _ بص انا كنت بكرهو، او مبقبلهوش، بس لو انت شوفته النهارده وشوفت التحول اللي حصل كنت انبهرت زي بظبط
لوسيفر بإبتسامة _ كان عامل ازاي يعنى، ايه التحول اللي حصله
جميله بإبتسامة _ كان بيلبس زي إبراهيم عيسى ودلوقتي غير اللوك بتاعه ههههه
لوسيفر بفرحه _ يعني عجبك
جميله _ لا مش كده بس انا بصراحه انبهرت مش اكتر
لوسيفر متصنع الغضب _ ما دي حآجه تقلق، طيب وانا وضعي ايه دلوقتي
جميله _ صديق، ايه مش عاجبك
لوسيفر _ خسارة كان نفسي تحبيني، بس خلاص اتمنالك الافضل، وهنفضل صحاب
جميله بإبتسامة _ كويس اوي
لوسيفر _ طيب لو في جديد هتقوليلي اول بأول اوكي
جميله بإبتسامة _ اكيد يا صديقي
لوسيفر بإبتسامة _ اوك ياصديقتي العزيزة
هو وافق على موضوع نكون صحاب علشان يقدر يلفت انتباه مريم بشخصيته الحقيقيه، ودا اللي كنت عاوزاه .. لكن انا قلقانه من اللي جاي اكيد هيشك في حآجه.. بس ربنا يستر بقا
#ايمي
صحيت الصبح وجهزت نفسي بسرعه وروحت بيت عمتي عشان اقابل عليوه.. اقصد علي بس بدلعه بكده،
ولما روحت ملقتهوش، خساره كان نفسي اغلس عليه واعرف اخر اخبار البنت بتاعته
ايمي _ايه يا وليه ازاي يعني ابنك يتاخر كل ده ومتقلقيش عليه
جني_ هو عيل علشان اقلق عليه وبعدين انتي مالك بيه طول الوقت راسك في راسه دا انتي اقرب مني ليه
ايمي_ جرا ايه ياست انتي.. انتى بتغيري علي ابنك، مني.. متخافيش يختي احنا صحاب وبس.. ابنك بيحب اصلا
جني_ انتي تعرفي اللي بيحبها
ايمي تقرب منها وتكلمها بوشوشه _ هو قالي مقولكش، ولا اقول لحد، بس انتي حبيبتي واكيد مش هتفضحيني
جني_ متخافيش، قولي بس
ايمي_ بيحب بنت الراجل صاحب عمي ياسين الي اسمه انور واسمها مريم وعندها 24 سنه، وبيضا وطويله شويه يعني 170سم و وزنها حوالي 60 كيلو و عيونها رمادي، وليها خدود، وهي مش معبراه بس ونبي ما تقوليلوه اني قولتلك
جني بغيظ_ اه يابنت الفتانه، ياسوسه
وفجاه الباب بيتفتح و علي بيدخل
ايمي بانبهار_ اوباااا مين الموز ده، عمتي الحقي
علي بغرور مصتنع_ اششش اش امنع الصوت
ايمي_ يخربيتك ياعلي، ايه يا واد الحلاوة دي، هيريثك روشان عندنا
جني تحط ايديها في وسطها _ بتحب مريم ومتقوليش يا علي..
علي يبص ل ايمي بغيظ_ انتي قولتيلها؟
ايمي _ لا مش انا، جرا ايه يا وليه مش تحددي عرفتي منين، وتغمزلها
جنى_ هى اللى قالتلي
علي يجري وراها وهي تجري منه وتصرخ
على_ هطلع عينك انا غلطان اني مصاحب عيله، ياعيله
ايمي تستخبي ورا جني_ انت هتخلي الولية دي توقع بينا متصدقهاش
جنى_ وربنا هي قيلالي، وبالمناسبه انها مش معبراك
علي يحاول يمسكها _ وسعي يا ماما خليني امو.تها واخلص منها
ايمي ببكاء طفولي_ خلاص ياعليوه انا اختك حبيبتك، والله مش هقولها تاني
علي بنرفزه_ تصدقي انا غلطان ، وبيمشي ويسيبهم
ايمي_ ايه ده، هو زعل
جنى_ ملوش حق
ايمي بنرفزه_ كله بسببك ارتحتي، خربتيها وقعدتي علي تلها ياشيخه ربنا يسامحك، وسعي اما اشوفه وبتمشي وتسيبها
جنى_ طيب والله لا اقول ليوسف عشان يربيكي من اول وجديد
روحتله في اوضته ولقيته قاعد بيراسلها من الحساب اللي انا قولتله يعمله،
ايمي_ وحيات امك.. انت نشفت دمي وقولت هاجي الاقيك شا.نق نفسك، اقوم الاقيكي بتتسهوك
على بإبتسامة_ اسكوتي شكلي كده بدأت انجح واخليها تاخد بالها مني
ايمي_ ياخيبتك، كل ده ولسه مخدتش بالها منك
علي_ لا اصلك مش فاهمه، انا وبكلمها من حساب لوسيفر بقينا صحاب اوي بس بنسبه ل علي، يدوب بدأت تعجب بيه
ايمي_ طيب ما تقولها انك انت لوسيفر
على بتنهيده_ لا مش عاوز اقولها دلوقتى لغيت ما تحبني،… تعرفي
ايمي_ ايه
لوسيفر_ شخصيتها في الكتابه تختلف عن شخصيتها العادية
ايمي_ ازاي، منافقه يعني
لوسيفر_ مش قصدي، بس في الكتابه بتكون لطيفه وبحسها فهماني من غير كلام، عكس شخصيتها العادية، مبحسش انها لطيفه كده، غالب عليها الغرور شويه
ايمي_ يمكن من النوع اللي بيتكسف يتكلم في العادي وبيرتاح في الكتابه ورا الاسم المستعار، زيك كده
علي_ جايز
#مسك
صحيت في حدود الساعة تلاته صباحا، وبحاول اسمع صوت اذان الفجر، لكن مفيش،.. استنيت شويه يمكن يأذن لكن عدت الساعة خمسه ومفيش اذان قريب، اخر ما زهقت طلعت من الغرفه عشان اسأل اي حد علي مواعيد الصلاة، وبصدفه بشوف سيف طالع من غرفته، اول ما شافني بصلي بحده
سيف_ رايحه فين في الوقت ده
مسك_ هو الفجر هنا بيأذن الساعة كام
سيف باستغراب_ الفجر؟
مسك_ ايوه مالك مستغرب كده ليه، اااه اسفه كنت فكراك مسلم
سيف _ انا مسلم فعلاً، بس هنا وخصوصا المنطقه دي مفيش اذان فجر، انا مسمعش عنه غير في الافلام العربي
مسك بصدمه_ امال بتصلو ازاي
سيف_ مبنصليش معندناش وقت
مسك _ معندكش وقت خمس دقايق لصلاه
سيف_ الصلاة دي لناس اللي محتاجه حآجه وبتصلي علشانها، مش للي زي
مسك بتركيز_ تفكير غريب، تلاقيك متعرفش حآجه عن دينك
سيف_ مش محتاج اعرف
مسك_ ممكن سؤال
سيف _ اها
مسك_ مبسوط في حياتك
سيف يشرد شويه وميردش عليها
مسك _ الرد وصل، وبتمشي وتتقدم خطوات للخارج
سيف_ استني
مسكتوقف وهو يروح عندها _ ايه الرد اللي وصلك انا مردتش اصلا
مسك _ طالما شردت ومكنش ردك جاهز يبقا الاجابة لا
سيف بتريقه_ هو انتي بتشتغلي مخرجه ولا دكتوره نفسيه
مسك بإبتسامة_ مخرجه.. صباح الخير، وبتمشي وتسيبه
سيف يبصلها وهي ماشيه_ هه فلسفة الافلام المصريه القديمه طلعت علينا..
وبيمشي هو كمان ويركب عربيته وبيشوفها ماشيه ومكتفه نفسها من البرد، بيهدي عندها وبتريقه
سيف_ لما تعرفي معاد الصلاة وتصلي، ابقي اطلبي من ربنا معطف شتوي بدال مانتي ماشيه بتكتكي كده من البرد
مسك بإبتسامة_ تحب اطلبلك حآجه معايا من ربنا
سيف يضايقه برودها _ ابقي اطلبي طولت بال ليه علشان مخلصش عليكي بسبب برودك ده
مسك بإبتسامة_ حاضر،.. في عاية الله
قولتله كده وحسيت لهب بيخرج من عينه، كان هاين عليه ينزل يمو.تني، وبصراحه عجبني اني احر.ق دمه بذوق، وبعدين خبط بايده في العربيه بغيظ ومشي
#سيف
فورت دمي باسلوبها البارد، مشيت بالعربية وبصيت عليها في المرايا، لقيتها بتضحك وكأنها عرفت انها نجحت في انها تستفزني،
روحت بعدين عند بابا، ولقيته نايم، جيت جمبه وصحيته براحة
سيف_ بابا
عاصم _ سيف، انت جيت امتي
سيف _ لسة حالا.. عامل اية
عاصم _ كويس، ايه فين اخوك مجاش معاك بردو
سيف_ لا قاعد لسه في الاوتيل
عاصم _ الولد ده هيجنني بجد،
سيف _ زين لسه صغير وبيدلع، طول بالك عليه
عاصم _ لامتي بس، انا لو حصلي حآجه مش هيعرف ياخد باله من نفسه
سيف_ بعد الشر عنك متقولش كده
عاصم _ شر أيه بقا هو في اكتر من خلفته شر، لو مش أبني كنت خلصت عليه
سيف بإبتسامة _ انت طيب يا عصوم، ما انا مش ابنك اهو وبتعاملني احسن من زين
عاصم _ طيب انت جدع وفالح، مش زيه
سيف _ اه لو تعرف الفالح ده كان هيحصله ايه امبارح.. بيقلع قميصه و يوريلو الرصاصه _ شوف كده
عاصم _ رصاصه؟ مين عمل فيك كده
سيف _ معرفش تبع مين بس اكيد حد من المنافسين
عاصم _ طيب وعملت ايه، مين كوالك الجرح كده
سيف بخنقه _ بنت كده كنت واخدها في الكوخ، ولسوء الحظ هي اللي ساعدتني، تصور.. وانا اللي كنت عاوز اكسر.ها دلوقتي مبقليش عين،
عاصم _ بنت مين دي، تعرفها؟!
سيف _ بنت مصريه قاعده في الفندق اللي قاعد فيه زين
عاصم _ سبحان الله، بنت بلدك تنقذك من الموت،..بس وايه يعني ما تكمل الي كنت ناوي عليه
سيف بتنهيده _ مينفعش، انت عارفني، مقدرش ائذيها بعد اللي عملته
عاصم _ انت كنت ناوي تعمل ايه معاها بظبط
سيف _ كنت هغتـ.صبها اصلها مسترجله والطريقه دي هتخليها تتهد شويه
عاصم _ ههههه بسيطه الي مجاش بالعنف يجي بالين، متخليش لنفسك نقطة ضعف واعمل اللي كنت ناوي عليه، مش هتخسر حآجه لما تشاغلها شويه، وهو يبقا بمزاجها وتبقا خدت اللي عاوزة ومأذتهاش
سيف _ ههههه اي التفكير ده يا عصوم
عاصم_فكرتني بشبابي مكنتش اسيب حآجه نفسي فيها ومعملهاش
سيف _ حتى الا.غتصاب
عاصم بشرود_ حتى دي عملتها
سيف يشرد شويه وبعدين يرد _ ما انت عارف مليش في الكلام الناعم والجو ده، مبعرفش امثل
عاصم _ مش محتاجه تمثيل، هما شوية هدايه علي كام مفاجأة علي تسبيلت العينين وهي هطب، وانت حلو واي واحده تعجب بيك وتحبك
سيف _ ههههه والله احاول وهو تجربة جديدة من نوعها،
كلام بابا دخل دماغي، وبصراحه انا حابب اكسرها ولكن حكاية انها ساعدتني دي معجزاني، لكن وجهة نظر بابا صح ميه لميه، .. وفعلا بقيت افكر ابتدي ازاي معاها
في موقع التصوير
#عبقرينو
دورت كتير على حساب حمزة وملقتش حاجه حتي حساب اخته ملقتهوش، يمكن عشان كل حآجه ع الاب توب اللي في مصر، وهنا صعب اوصلهم… اخر ما زهقت روحت لمسك وهي بتبتدي تصوير
عبقرينو _ مسك
مسك _ في ايه ياعبقرينو
عبقرينو بأسف_ معرفتش اوصل لحساب حمزة ولا اخته انا اسف
مسك بخيبه _ وبعدين طيب، انا لازم اوصلهم قبل ما امشي، دي مسألة حياه او موت بنسبالي
عبقرينو _ مش عارف والله يامسك، حاولت كتير،
مسك بحزن_ خسارة كان نفسي اعمل حآجه لبابا
عبقرينو _ ان شاءلله انا هلاقي حل تاني، بس انتي متزعليش
مسك بخنقه _ انت مش عارف مهم عندي ازاي اني الاقيهم ياعبقرينو
عبقرينو _ ان شاءلله هنلاقيهم واخوكي هيرجع معاكي
مسك بخنقه _ ان شاءلله.. خلاص روح استعجل مياده
عبقرينو _ خلي حد غيري يستعجلها
مسك بحده _ عبقرينو، احنا هنا في شغل، افصل اي مشاكل شخصية عن الشغل لو سمحت،
عبقرينو بزهق _ حاضر، عن اذنك
مسك_ عبقرينو استنا
عبقرينو _ نعم
مسك _ مياده بتحبك يا عبقرينو
عبقرينو _ مياااده بتحبني انا
مسك _ ايوه
عبقرينو _ ههههه ودا مين اللي قالك المعلومة دي
مسك _ انا عرفت مش محتاجه حد يقولي، ولو مش مصدق ركز في تصرفاتها وبصاتها ليك
عبقرينو بتريقه_ ههههه عبقرينو و مياااده.. لا مش ظابطين مع بعض، حتي لو بتحبني، انا مبحبهاش، لانها اكيد هترجع لنفس الاستايل القديم ولسانها مش هيتلم غير بقصه
مسك_ ههههه مش هترجع لاستايلها وكمان هي زعلانه من نفسها انها زعلتك
عبقرينو_ دي هبله مش بتحرم،
مسك_ هنتكلم بعدين.. بس روح استعجلها، وخليها تعمل حسابها عشان هنصور الجزء اللي بتقابل فيه حبيبها
عبقرينو _ ههههههههههههههه وهيسنتشق عطرها وكده،، دي ترفصه
مسك _ ملكش دعوه أنت
عبقرينو _ ههههه انا مستنيني شوية ضحك حلوين النهارده، متنسيش الكواليس، اصلها تلزمني. ههههه
#مسك
قعدت مستنيه مياده و زين يجهزو عشان هما اللي هيعملو الاعلان، وطبعا لجأت لزين بعد ما احترت ممكن نكلم مين وهيلحق يجي ولا لا، وكمان حسيت ان زين مناسب للاعلان، وده غير انه بيحب المجال بتاعنا ونفسه يمثل مع فرقته
مسك _ جاهز يا زين
زين _ اه تمام، ايه رأيك في البدله
مسك بإبتسامة _ تحفه، بس الكرفته عاوزة تتظبط شويه، وبتبتدي تعدلهالو، وبيجي واحد من فرقته اسمه جاك، بيكلمهم بالانجليزي
جاك_ زين انا جيت
زين بنفس الغه_ تعاله، أحب اعرفك دا جاك صحبي
مسك بنفس اللغه_ تشرفنا
جاك بإبتسامة _ دي اختك؟
زين_ ههههه لا مش اختي
جاك_ تشبهك بشكل كبير ظننتها اختك
مسك _ ههههه مش اول حد يقولي كده ع فكره يازين، حتي مياده قالتلي انك شبهي
زين _ ممكن ليه لا
مسك _ اوك يلا روح مكانك، وانت يا جاك خليك هناك علشان هنبدا
وبعد شويه بتيجي ميادة وهي ترتدي فستان بالون الاسود وتوقف جمب زين قدام الكاميرا
مسك_ زين اسمعني،، هتوقف وراها وتحط ايدك علي خصرها وتستنشق عطرها وتغمض عينيك اوك
ميادة _ يستنشق عطر مين يامسك مش كده ياحبيبتي
مسك _ ميادة اخلصي، انتي تميلي رقبتك شويه وتغمضي عينيكي وبس مش عايزة جدال
عبقرينو _ ههههه هتبقا نكتة الموسم
مسك بحده_ ولا نفس، يلا نبدا
زين معرفش يمثل كويس ولخبط الدنيا خالص، وكان لازم يشوف قدامه الدور هيتعمل ازاي، وطبعا استغليت الفرصه دي وخليت عبقرينو يكون مكانه ويريلو ازاي.
مسك_ عبقرينو، عاوزاك تعمل المشهد عشان زين يفهم المطلوب
عبقرينو _ نااعم لا يمكن طبعا
ميادة _ طيب ايه رأيك مفيش حد غيرك اللي هيعمل كدا، بعوضك انا ولا بعوضك
مسك_ هدوووء.. عبقرينو اخلص نفذ الي بقوله
عبقرينو _ يامسك ماهو
مسك بحده_ وبعدين
عبقرينو بزهق _ طيب هتنيل اهو
#ميادة
لقيته جاي وهو مش طايقني، وبيجي ورايه ويلف ايديه حولين وسطي بغيظ
عبقرينو _ كده كويس
مسك بإبتسامة _ امسك ايديها برقمه
عبقرينو بزهق _ تمام، ويمسك ايديها برومانسيه
عبقرينو _ ايوه كده خلاص ؟
مسك_ خلاص ايه، غمض عينيك واستنشق عطرها وعاوزه احساس العاشق يوصل ل زين علشان يفهم
عبقرينو بزهق _ ماشي
مِسك ايديه واحتضني من الخلف، مقدرتش مبصش عليه ، وانا ايدي بتترعش،
عبقرينو يبادلها النظرات وبهمس_ بصي قدامك خلينا نخلص
ميادة بهمس _ اسفه علي اللي قولته
عبقرينو _ مش هقبل اي اعتذار
ميادة _ طيب اعمل ايه علشان تسامحني
عبقرينو _ تسكوتي وبس، يلا علشان نخلص من الربطه السوده دي
غمضت عنيه ومسكت ايديه وميلت رقبتي شويه،.. كل ده باين انه تمثيل، لكن الحقيقة اني مكنتش بمثل، حتي هو حس بلمست ايدي، ليه،…. توتر شويه، وبعدين غمض عينيه واقترب مني بهدوء وهو يستنشق العطر .. واستمرت واقفتنا بشكل ده لوقت انا مش عارفه كبير ولا صغير…
وبعد شويه فتحت عينيه علي صوت مسك
مسك _ كفااايه ايه اطرشتو
عبقرينو بارتباك _ علشان مطرش أعيد تانى
ميادة بهمس _ مسامحني ولا لا
عبقرينو بلخبطه _ لا ومش هسامحك.. يلا يا زين
سابني وراح وقف جمب مسك وفضل يبص عليه بتركيز
#سيف
رجعت تاني الاوتيل ف لقيت زين بيعمل الاعلان ،
وقفت اتفرج عليه وانا مبتسم علي شكله وهو ملخوم ومش عارف يمثل
مسك _ في ايه يازين.. مش معقول كده، مش عارف تستنشق عطرها بشوية احساس
ميادة بزهق_ ماتستنشق ياخويا خلينا نخلص انا تعبت
سيف بيوقف جمب مسك وهي تتفاجاء بيه لما بتشوفه واقف ومبتسم
سيف _ زين متكسفناش، مثل كويس
مسك _ ايه رايك تيجي تقعد مكاني
سيف _ لا خليكي، وبيروح عند زين
مسك تبصله بقرف بس سكتت تشوف هيعمل ايه
سيف يحط ايديه علي اكتاف زين _ بص عيش الدور واكنها حبيبتك، تخيل حبيبتك قدامك، وانسي كل اللي هنا
زين _ متوتر ياسيف مش قادر
سيف _ دا اعلان ياحبيبي مش فيلم، خد نفس وطلعو براحه وخليك ريلااااكس اوكي
مسك بصالو وبتضحك وهو ياخد باله منها
سيف _ زي ما قولتلك، يلا اسيبك وبيروح عند مسك
مسك _ برافو يوسف جاهين بيتكلم ههههه
سيف بحده _ انا بطول بالي عليكي متزودهاش
مسك _ انا اللي بزعق هنا، اياك صوتك يعلا عليه تانى
سيف يطلع المسد.س ويصوبه على را.سها بغيظ _ اخرسي
مسك ببرود _ مسدس تانى خلاص عرفنا انك دون كبير كفاية بقا خايلتنا
سيف بغيظ _ دا انتي مستغنيه عن عمرك بقا
عبقرينو _ نزل المسد.س يا شاطر
سيف يوجه المسد.س ليه وبحده _ مسمعش صوتك
مسك_ عبقرينو . تابع الشغل وملكش دعوه
عبقرينو _ انتي مش شيفاه
مسك _ خلاص ياعبقرينو، هو مش هيعمل حآجه، بس روح انت
عبقرينو بخنقه _ ماااشي
سيف بغيظ _ جايبه منين الثقه دي باني مش هعملك حآجه
مسك ببرود _ الي بيقول مبيعملش
سيف بانفعال _ مش كده خالص، انا مش عاوز اموتك من غير ما اتلذذ بقهرك وابطلك برودك ده انتي وبتكلميني
مسك _ ههههه زين يلا هنبداء. اتفضل اقعد اتفرج… فايف فور ههههه ثري تو وان
سيف بغيظ _ انتي انسانة مستفزه، حسابك معايا بعدين
مسك_ استني.. مش هتتفرج علي التصوير
سيف _ لاا
مسك بإبتسامة _ اوك، يلا لا اله الا الله
سيف _ زيدي في استفزازي كله هيطلع عليكي
مسك _ الله وانا اتكلمت
سيف يبصلها بغيظ ويمشي
مسك _ ههههه اكشششن