رواية أحببت مجنونة 4 (أحببت أخي) الفصل الثاني والثلاثون 32 بقلم نجمة براقة
رواية أحببت مجنونة 4 (أحببت أخي) الجزء الثاني والثلاثون
رواية أحببت مجنونة 4 (أحببت أخي) البارت الثاني والثلاثون
رواية أحببت مجنونة 4 (أحببت أخي) الحلقة الثانية والثلاثون
#مسك
طلعنا برا الاوضه علشان اشوف ايه هي الحاجه اللي هتفرحني اللي بيقول عليها سيف،
بقيت ادور علي حآجه واحده ملقتش غير زمايلي في الشغل وبابا وزين وماما.و مفيش حآجه جديده
مسك _ بتكدب عليه علشان تطلعني من الاوضه
سيف يشاور على مراد _ بصي
بصيت علي بابا للحظه مخدتش بالي بس بعد شويه ركزت لقيته واقف ومفيش معاه عكاز، قربت منه وبقيت ابصله شويه _ بابا
مراد بدموع وفرحه _ هو اللي عمل كده
مسك بإبتسامة _ مبروك، ازاي كانت تايهه عننا الفكره دي
مراد بإبتسامة _ مش عارف. بس كده احسن تصدقي، بصي اقدر امشي من غير العكاز
يبتدي يتمشا قدامي وهو بيبكي من غير صوت
رودينا بدموع _ رجعت تمشي تاني اهو
مراد بصعوبه في الكلام _ اه شوفتي
مسك _ دلوقتي تقدر تخرج لوحدك من غير عكاز مبروك ياحبيبي
مراد _ الله يبارك فيكي
سيف _ معرفتوش طبعا ايه خلاه يغما عليه
رودينا _ اه صحيح هو ايه اللي حصل
مراد _ الولد ده خدرني
سيف بضحك _ نفذت نصيحتك
مراد ببكاء _ استغلتها ضدي يابن الكلب بس متشكر، انا مش عارف اوصف احساسي دلوقتي
سيف _ مش. محتاج توصف انا
فاهم.
ميادة _ ايوه يا واد يامارو نشوفلك عروسه بقا
عبقرينو _ ابقي نقي كلامك
ميادة بزهق _ ما تروح قاعد ليه
مراد _ انا ناقصني عروسه صح يابت يا مياده
رودينا _ دوريلو يا ميادة
سيف بخبث _ ايه ياحبيبي تعمل بيها ايه ده حتي حرام علينا نجيب ونركن
مراد _ اتلم ياولد هضربك
سيف _ مااشي يارب منتحججش كتير بعد كده
زين _ بيتحجج عشان ايه
مراد _ ملكش دعوه بيه ده واد قليل الادب
مسك _ في ايه يا بابا
سيف بضحك _ استني انتي هفهمك بعدين
مراد _ متكلميش الواد ده انتي فاهمه
سيف _ طيب ليه ده احنا ستر وغطا
على بعض
مراد _ حسابي معاك بعدين ياندل يا واطي
عبقرينو _ طالما كده انا بقول نسيبكم مع بعض يلا بينا يا شباب
ميادة_ روحو انتو
عبقرينو _ قداامي وانتي نافعه لوحدك لما نسيبك
مسك_ خليكم رايحين فين
عبقرينو _ كفايه كده، وياريت ترجعي الشغل كفاية عطله
مسك _ البركة فيكم انتو
سيف _ بكره هتكون عندكم
مسك _ لا مش رايحه
سيف _ زي ما بقولك بكره هتيجي
عبقرينو _ ايه يامسك
مسك _ لما اشوف
عبقرينو _ طيب ابقي كلميني
مشيو كلهم وبعدين بابا راح اوضته وماما راحت وراه وزين خد الدوا ودخل يرتاح وانا جيت ادخل اوضتي سيف وقفني
سيف _ رايحه فين
مسك _ داخله اوضتي
سيف _ ما تيجي نتمشا شويه السما كلها غيوم وشكلها هتمطر
مسك _ انت مبتحبش المطر
سيف _ حبيتها.. وحبيت الايس كريم في الشتا كمان
مسك بإبتسامة _ عظيم.. طيب هغير واجي
سيف _ مستنيكي
غيرت ورجعتله، وطلعنا نتمشا في الشوارع. كانت السما كلها غيوم وفي نسمة هوا باردة وشكلها فعلاً بيدل انها هتمطر
سيف _ يختلف الشتا هنا عن امريكا
مسك _ فعلا، الشتا شديد هناك عن هنا
سيف _ صح
بعد لحظات صمت مسك _ انا متشكره على اللي عملته معايا
سيف _ معملتش حآجه تشكريني عليها
مسك _ بالعكس، عملت كتير
سيف _ اخوات بقا
مسك بإبتسامة _ صح
سيف _ عجباكي انتي حكاية الاخوات دي
مسك _ اكيد، كنت هلاقي فين اخ زيك
سيف _ عندك حق مكنتيش هتلاقي،، سيف واحد مفيش غيره.. انفع اخ.. بلطجي.. مجرم.. دون… حبيب
مسك بإبتسامة _ دكتور بيدي حقن
سيف _ دكتور صح.. اي اكتر دور لايق عليه من وجهه نظرك
مسك _ كلهم
سيف _ انتي متناقضه ع فكره
مسك _ متناقضة في ايه
سيف يستدير بكامل جسده _ من ضمن الخيارت اخ وحبيب، منين كلهم بقا
مسك _ ايوه يعني تمشي في اي
دور.. ليكره بتمط ههههه
سيف_ الكلام ده مينفعش معايا ماهو لأما اخ لاما حبيب
مسك_ انت محيرني معاك ليه وانا مالي
سيف_ مالك يامسك، عاوز اعرف انتي معتبراني ايه
مسك بإبتسامة_ تصدق مش عارفه. انا حتي متلخبطه ومش عارفه احدد انت اخ ولا حآجه تانيه، اخاف اقولك حآجه تطلع عكسها
سيف_ خلصنا من موضوع الاخوات، انا دلوقتي مش اخوكي ولا اعرفك، هاا قولي انا ايه
مسك_ معرفش
سيف _ اووف هتتعبيني انا عارف، كان لازم اسمع كلام بابا
مسك_ قالك ايه
سيف_ مقالش، عارفه انا وقاعد في بيت جدو لقيت حآجه غريبه جداً،
مسك_ هي ايه
سيف_ معرفش بقولك غريبه، يمكن انتي تقدري تعرفيها بحكم انك عايشه هنا من زمان
مسك_ عبارة عن ايه طيب
سيف_ بصي هي حآجه كده بتلمع اووي كل ما أقرب منها تبعد تبعد. بصراحه انا خايف اعيش طول عمري اقرب منها وهي تبعد
مسك بحيرة_ ايه هي الحاجة دي كمان، ليكون البيت اتسكن
سيف_ اه ما انا ساكنه
مسك_ قصدي مسكون عفاريت
سيف بخوف مصتنع _ لا ارجوكي انا بخاف
مسك_ متخافش مفيش حآجه.. طيب انا هاجي معاك ونشوف ايه الحاجه دي
سيف_ ماشي يلا بينا
روحنا البيت وانا دخلت جوه
مسك_ هي فين
سيف_ ف الاوضه اللي هناك دي
مسك_ طيب
بتدخل جوه وتدور مبتلقيش بتيجي تطلع تلاقيه جمبها
مسك_ ملقتش حآجه
سيف_ ماهي قدامي اهي
مسك باستغراب_ هي فين مش شايفه حآجه
سيف_ انتي هي الحاجة دي
مسك تبص للباب تلاقيه مقفول_ انت قافل الباب ليه
سيف_ كده
مسك_ طيب وسع كده علشان انت بتهرج. وسع
سيف _ انتي مش هتمشي من هنا غير لما تقوليلي انا بنسبالك ايه
مسك بنرفزه_ جايبني هنا وقافل علينا الاوضه عشان تسأل سؤال زي ده
سيف_ اه. جاوبي بقا
مسك _ طيب انت اخ حلوه الاجابة دي
سيف _ كده خدي وقتك معانا لعشر سنين تفكري انا اكون ايه وبعدها نطلع
مسك _ قولتلك اخ ولأخر عمري هقولك انت اخويا
سيف_ انا مش اخوكي ولا عمرنا هنكون اخوات. انتي بتحبيني وانا بحبك وهنتجوز ونخلف
مسك _ انت ضايعه منك خالص، خليني امشي علشان هنزعل بجد
سيف _ ااازعلي وانا ارضيكي بس انتي مش هتمشي من هنا غير لما تقولي انا اكون ايه
مسك تذوقه بغيظ _ وانت فاكر مقدرش امشي يعني
سيف يرجع قدامها تاني_ لا مش هتقدري تمشي غير لما انا اخليكي تمشي
مسك _ هصرخ
سيف_ صرخي
مسك_ هصرخ بجد
سيف_ ما تصرخي
مسك تيجي تصرخ وهو يمسكها ويحط ايده علي فمها والايد التانيه خلف رأسها
سيف_ مجنونه وصدقت انك تعمليها بس ااهدي، هتمشي بس بعد ما تقولي انا اكون ايه
مسك تشد في ايده عشان تتكلم وهو مستمر
سيف ينظر لعينيها بتأمل _ مسك احنا مننفعش اخوات، انا وانتى مخلوقين عشان نكون لبعض، ونكمل بعض،.. من اول ما اتقابلنا واحنا بنكمل اللي ناقص عندنا، انتي طلعتيني من الحياة اللي كنت عايشها، وانا كنت سبب في انك تعرفي انتي مين، تخيلي مكناش اتقابلنا كنا عيشنا طول عمرنا مخدوعين… وانا عارف انك بتحبيني، وخايفه تحصل حآجه جديده، بس اوعدك مفيش اي مشاكل هتواجهنا تاني صدقيني
مسك تشيل ايده _ وانا اضمن منين
سيف _ انا اضمنلك
مسك بدموع _ مش بعيد يطلعلنا مشكله جديده مكناش نتخيلها زي ما حصل قبل كده
سيف _ مفيش حآجه ممكن تحصل اصعب من اللي عدا، وياستي يحصل اللي يحصل، المهم اننا مش هنطلع اخوات، وبعد كده اي حآجه ساهله
مسك بدموع _ اتمنا ان مفيش حآجه جديده تحصل.. مش هستحملها بجد
سيف وهو يلمس وجهها بحب _ اوعدك مفيش حآجه وحشه هتحصل، غير لو فضلتي بعيدة عني وقتها ممكن امشي ومرجعش تاني
مسك تنظر له والدموع في عينيها _ مقدرش تبعد عني تاني
سيف _ لو فضلتي جمبي عمري ما هبعد مهما يحصل
مسك والكلام يخرج بصعوبه _ هفضل جمبك.. انا.. انا
سيف _ ها كملي
مسك بدموع _ انا عاوزة اروح
سيف _ مستني اسمعها منك وبعدين هنمشي
مسك _ انا بحبك
سيف بإبتسامة _ وانا.. وانا كمان بحبك
مسك _ نمشي
سيف بإبتسامة _ ولو اني مكنتش ناوي اعدي الليله دي من غير حاجه بس ماشي يلا
مسك _ حاجه زي ايه
سيف يلمس شفاها برقه لتفهم ما يقصد.
مسك _ اها.. ثم تقترب منه وتقبله ثم تبتعد عنه مره أخرى
سيف بإبتسامة _ هووف ههههه خلينا نمشي
مسك بإبتسامة_ هنكمل مشي حابه اشوف المطر
( لا تقلدو تلك المشاهد في المنزل يا اطفال) انا بنبهكم اهو وبخلي مسؤليتي🥹
#ميادة
مشينا من عند مسك والفريق تفرق كل واحد راح مكان وكملنا انا وعبقرينو مشي في الشارع، وكان منظر السما يدل انها هتمطر
عبقرينو_ كفايه كده خلينا نروح
ميادة _ هنروح نعمل ايه خلينا نتمشا شويه
عبقرينو_ خلينا، بس شكل المطره هتمطر
ميادة_ فعلاً.. تعرف المنظر ده قادر يطلعني من حزني بسهوله
عبقرينو_ وانتي تحزني ليه، طول الوقت بتهزري وبتضحكي
ميادة_ دي مشكلتي، الكل فاكر عشان بهزر ومروشه شويه اني مبسوطه ومعنديش مشاكل
عبقرينو_ مشاكل ايه يا مياده، ماحنا مع بعض بقالنا اكتر من سنتين عمري ما شوفتك زعلانه ولا بتشتكي من مشكله تستاهل،.. اكبر مشاكلك اني بتخانق معاكي لما تهزري مع حد
ميادة بضحكة غلب _ ههههه صح.. بس في شويه مشاكل من ضمن الهايفه اللي انت متعرفهاش، اني يتيمه من صغري، عشت مع عمي كام سنه ومستحملنيش، وكان جايبلي عريس عجوز، ف اطريت اعمل استايل هبه رجل الغراب اللي انت طلعته عليه وبعدين عمي يرميني في الشارع، واعيش كذا سنه تاني بنفس الاستايل، والناس يتنمرو عليه.. واتبهدل لغيت ما الاقي شغل ومكان يلمني، دا غير المضايقات والتحرش اللي شوفته برغم منظري. ولما ارتحت شويه ولقيت بيت يلمني، بقيت قاعده لوحدي مع العلم اني اصلا بخاف بالليل ما بصدق النهار يطلع علشان اخلص من الافكار اللي بتيجي في دماغي، اللي انت زودتها لما كنا في امريكا، شوفت انا مبسوطه ازاي
عبقرينو بتنهيده_ اه، انا عارف انك يتيمه بس مكنتش اعرف انك شايله ده كله جواكي، يمكن علشان انتي مديه الناس انطباع عنك انك دايما مبسوطه، وبتعرفي تقنعي الناس بكده،.. يعني انا ولا مره شوفتك منعزله وزعلانه زي الناس العاديه، بس هقولك حآجه، انتي Strong woman بجد برافو
ميادة بقرف _ سترونج ومن. كتر خيرك بجد مش عارفه من غير مدحك كنت عيشت ازاي يا معتز، انت ازاي عظيم كده.. معتز انا بدأت أفقد الشغف تجاهك ودي حآجه خطر بنسبه لعلاقتنا اللي مبدأتش اصلا، يابني انطق يابني اتكلم
عبقرينو بضحك _ عاوزاني اقول ايه طيب وانا اقوله
ميادة _ انا سترونج فعلاً انت مكدبتش.. عارف سترونج ليه. علشان مستحملاك
عبقرينو يوقفها ويحط ايدو علي دراعتها ويجمع الكلام بالعافيه_ ااحم، انا مليش في الجو ده والرومنسيه، مبحبهاش،.. انتي عارفه فيلم تيتانيك اللي الناس كلها بتحبه، انا بذات مبحبهوش، ولا بحب الكلام بتاع الشعر والروايات، ولا عمري صدقت واحد بيقول لواحده انا بحبك ومقدرش اعيش من غيرك، هو عاوز يصاحبها بس تحت مسما الحب، لغيت ما شوفتك كويس وقربنا
ميادة بنفاذ_ ها ها كمل
عبقرينو_ استني عليه انا في معركه انتي لا تعلمي عنها شيء، ف اديني فرصتي
مياده_ مديهالك بس قول
عبقرينو_ لغيت ما عرفتك كويس،
مياده_ قصدك لما غيرت شكلي
عبقرينو_ انا فهمت مشاعري لما غيرتي شكلك، بس الحكاية بداتي معايا من اول ما بدأنا نتخانق كل يوم، كل يوم، بقيتي روتين يومي مقدرش اعدي يوم من غير ما اعمله
بقيتي حآجه أساسية في شغلي.. في حياتي.. بقيتي اهم حد عندي،
مياده بإبتسامة مختلطه بدموع_ وبعدين كمل
عبقرينو _ بحبك
ميادة تاخد نفسها بصعوبه_ لحظه واحدة وتدخل صوبعها في ودنها وتنضفها وترجع تكلمه_ قول تاني كده
عبقرينو بضحك_ زي ما سمعتي
ميادة_ وحيات ابوك قولها تاني
عبقرينو بضحك_ بحبك
مياده تمسح دموعها وترجع تبكي_ عبقرينو انا كنت حاسه اني هموت قبل ما تقولها
عبقرينو بضحك_ ما انا قولتلك مليش في الكلام ده. بس والله بحبك. وعاوز اتجوزك
مياده_ كمان لا مش كده واحده واحده استوعب بحبك الاول وبعدين ندخل في الجواز الله يباركلك
عبقرينو_ انتي هتخديني في دوكه انا قولت انتي لسه
ميادة _ استنا اعذبك شويه
عبقرينو _ وحيات امك…. مانتي مش هتمشي قبل ما تقوليها، وقدامها مقدمه طويلة زي ما عملت انا
مياده بإبتسامه_ اممم طيب ماشي، شوف هو انا مش معقده زيك ولا صعب اني اعبر عن مشاعري، بس انااا والله والله والله حبيتك من اول ما بدا شعرك يظهر قدامي، هو معفن، بس انا بحبه اوعا تحلقه
عبقرينو بحده_ شعري معفن
مياده_ مش معفن اوي يعنى
عبقرينو_ انا غلطان اني بتعامل مع واحده زيك
ميادة_ ههههههههههههههه انا اسفه مش قصدي، استنا علشان خاطري
عبقرينو يشيل ايدها ويكمل مشي_ ارجعي احسنلك
ميادة تجري قدامه وتحضنه وتخبي وشها في حضنه، وهو يوقف ويزفر بزهق وبعدين يضمها
مياده _ انا اسفه،
عبقرينو _ ع فكره احنا في الشارع
ميادة_ عبقرينو، سيبني متتكلمش يولع الشارع علي الناس كلها
عبقرينو يداري وشه في شعرها ويضمها بشغف
( تحذير تاني.. بلاش نقلد المشهد ده في الشارع علشان عيييب ولا في البيت حتى)🥹
#مراد
بعد السنين دي كلها، عرفت ان الحب الحقيقي بيكون بتضحيه واني اقبل الي بحبه بكل عيوبه، وضعفه واستحمله وبردو مكونش عاوز غيره برغم وجود البديل، وده اللي كانت بتعمله معايا رودينا، عمرها ما ملت مني بالعكس، كانت دايما واقفه معايا، و بتهون عليه غياب سفيان وعجزي برغم ان اللي كانت حاسه بيه هي اصعب بكتير من احساسي وقتها… كملت معايا للأخر ونسيت نفسها وشبابها واكتر سن الست بتكون عاوزة تعيش مع شخص يحبها ويديها اهتمام. هي ضحت بده في سبيل انها تكون جمبي. جمب الراجل الوحيد اللي حبته لغيت ما كبرنا ومبقتش انفعها خلاص،.. دخلنا الاوضه ولاول مره تنام جمبي، حطت رأسها في حضني ونامت نوم عميق، لتصبح رودينا برغم اللي حصلها، عذراء الربيع…
( ههههه حلوه عذراء الربيع دي)😂♥
#جميله
فضلت قاعدة في اوضتي ومستنيه مريم تيجى وبعد انتظار طويل جت و وجهها عابس
جميله _ حصل ايه يامريم
مريم _ انا اسفة يا جميلة
جميله بحزن _ خلاص متقوليش انا فهمت
مريم بضحك _ وافقو، انا مريم يابنتي مش هتصعب عليه حآجه صغيره كده
جميله بفرحه _ مريم متهزريش وقولي حصل ايه
مريم _ وافقو بقولك. انا روحت قولتلهم اني موافقه عليه وهما وافقو هيرفضو ليه
جميله بفرحه _ مش مصدقه ان الموضوع مشي بسهوله كده، كنت فاكره انه عمره ما هيتحل
مريم _ طالما انا رضيت عنك يبقا لازم يتحل
جميله بدموع _ مش عارفه اقولك ايه، الغلط غلطي من الاول كان لازم اقول اني جميله، مكنش كل ده حصل
مريم بدموع _ انا عمري ما كرهتك بس منكرش ان نفسي صعبت عليه لما عرفت ان احساسي لعبة عندكم، يعني خلتوني انشغل بيه وجاين بسهوله تخططو انكم تخلوني اسيبه. طيب ليه ما انا اصلا عمري ما كنت مركزه معاه ولا شغلني قبل كده. لغيت ما انتي بنفسك قولتيلوه يعرف يوصلي ازاي.. طبعا مفيش مبرر للي عملته معاكي، بس بجد صعبت عليه نفسي
جميله ببكاء _ انتي لسه عاوزاه يعني، طيب مقولتيش ليه.. خلاص انا هنزل اقولهم مش عاوزاه
مريم _ مين قالك اني عاوزاه، انا بقولك احساسي وقتها عشان مبقاش شايله منك، انما علي ده مش استايلي خالص، انا عجبني الواد الروش مش ابو نضاره ده، وبعدين طلع بيمثل يعني مش طبيعته وانا لا يمكن اوافق علي حد غير اللي رسماه في خيالي حتي لو مش هتجوز.. يعني اشبعو ببعض
جميله تحضنها بفرحه _ حبيبتي ربنا يخليكي ليا وتلاقي الامير اللي ياخدك على حصانه
مريم _ لا انا عاوزاه علي رينج روفر ههههه
جميله _ ههههه يارب يارب
مريم _ طيب المسهوك مستنيكي بره وبيقولك اتسرسبي وتعالي شكل المطر هيمطر وعاوز يعمل شاروخان وانتي كاجول
جميله بضحك _ اتسرسب ازاي مش هعرف
مريم _ يختي اتصرفي قبل ما يقولو يلا مروحين
جميله _ مش هقدر اكيد هيشوفوني
مريم _ طالما هتعملو فيلم هندي، تعالي اما نعمل طريقتهم في الهروب، هاتي الملايات هنربطهم وتنزلي
جميله بضحك _ يلا بسرعه
#مريم
ربطنا الملايات ونزلت وهو كان مستنيها تحت، فرحتلهم بجد. جميله طيبه والمسهوك رحيم كمان طيب لسه شيفاه بيتسهوك للبت ايمي، وبابا بيتسهوك لماما وعمي ياسين بيتسهوك لمراته، وانا قاعده بتفرج ومبتسمه وبجد مبسوطه علشانهم، مع يقيني التام ان اميري الغائب في غابات الامازون اللي اشتعلت فيها الحرئق مأخرآ بانه هيجي، بس محروق او مشوي دي حآجه في علم الغيب، لكن هيجي
#ايمي
طقس النهارده كان خيالي جو مناسب لتفريغ المشاعر المكبوته والحب والرومانسيه، والركض تحت رخات المطر، بس مكنتش لسة مطرت لكن منظر السما يدل انها هتمطر، ومع تأملي لتلك الغيوم فأذا بي اسمع حسين رياض بتاع صدأني يابني، بيهمس في ودني من الخلف ويقولي بحبك،
ايمي بخجل _ ع فكره انت زودتها
رحيم بإبتسامة _ وربنا بحبك
ايمي _ لحقت تحبني امتي
رحيم _ معرفش اهو حبيتك وخلاص، وعاوز اطلب ايدك
ايمي بخجل _ طيب مش احبك انا كمان وبعدين نشوف
رحيم _ ايمي انا اقدر افهم انتي حاسه بأه من نحيتي من غير ما تقولي، هنضحك علي بعض ولا ايه انتي بتحبيني
ايمي _ انت مغرور علي فكره مين قالك اني بحبك
رحيم _انا قولت واعترفي بدال ما ارميكي في حمام السباحه
ايمي بإبتسامة _ مش هعترف بحاجة محستهاش
رحيم يذقها علي طرف حمام السباحه ويمسك ايدها وهي مايله علي الحمام ولو سابها هتوقع
ايمي_ لا يارحيم، اوعا الله يخليك
رحيم _ انتي لو منطقتيش هغرقك
ايمي _ يارحيم بطل لعب عيال هتعب بجد
رحيم _ ابدآ
ايمي _ طيب شدني وانا هقولك
رحيم _ تؤ تؤ
ايمي بحده _ اتعلمت ان لو روحي بأيد حد اقتله علشان مبقاش خايفه منه
رحيم _ هاهاهاها حلوه يلا بقا مستني
زودها اوي وبعدين قررت ارمي نفسي وارميه معايا وبالفعل شديته و وقعنا في الميه وبقينا نتكتك احنا الاتنين وكنا هنتجمد
رحيم _ هنموت يخربيتك
ايمي _ انت اللي اطرتني اعمل كده، يلا خلينا نطلع
رحيم يمسكها وبحده _ عارفه لو هتجمد مش هنطلع غير لما تعترفي
ايمي تذق فيه _ ياعم ابعد يخربيتك
رحيم _ قولت اللي عندي
ايمي وهي ترتجف من شدة البرد_ بحبك بس يلا هتجمد
رحيم يقبلها بقوه، ويسقط بها تحت الماء
( تحذير شديد الهجه، هنتغابا في الشتا وننزل في الميه وكده، لا يا حبايبي ناخد برد ونزله شعبيه ونعيا .. وانا بحذركم ليه صحيح اكيد معندكمش حمام سباحه)😂😂
#علي
نزلت من الشباك زي الافلام وخدتها وطلعنا بالعربية، وروحنا جنينه عامه وقعدنا هناك في انتظار هطول المطر
على _ جميله انتي مستوعبة اللي حصل ده
جميله _ لا حاسه اني هصحا دلوقتي
علي بإبتسامة _ ان شاءلله هيكون حقيقه
جميله _ ان شاءلله،، بس حلو الجو ده، شايف الغيوم لونها قاتم ازاي، الظاهر انها محمله مطر كتير
على يتامل الغيوم _ فعلاً، بس برغم كترها وشكلها اللي يخوف، بس انا بحب المنظر ده، وحبيته اكتر النهارده
جميله بتأمل_ وانا كمان، .. كنا احنا وصغيرين انا ومريم ورحيم، كنا بنخلي بابا يخرجنا لما يكون المنظر بشكل ده، وكنا بنلعب تحت المطر ونصرخ ونقول هييييي. معرفش ايه علاقه الصويت بالمطر، كانت طفوله متشرده ههههه
علي _ وانا كمان كنا انا وايمي نلعب في الجنينة بتاعتنا، ونصوت بردو ونقول هييييي، مطري يامطره وكنا بنقول كلام غريب كده، كان في كل مره تمطر نقوله، كأنها طقوس للمطر
جميله بإبتسامة _ بس احنا. كبرنا دلوقتي اكيد لو عملنا كده الناس هتقول علينا مجانين
علي _ هما فين الناس دول. وحتي لو فيه، هنتجنن ملناش دعوة بحد
جميله بضحك _ موافقه، بس هي تمطر
على يصرخ فجاه _ مطرة والله شوفي نزلت نقطة علي ايدي
جميله بفرحه _ اه وانا كمان نقطة جت علي وشي ههههه مطري يا مطره
بدأ المطر يمطر بشده وهما يجرو في المكان ويصوتو ويغنو الاغنيه الخاصة بالمطر
عند رحيم وايمي
بيطلعو من حمام السباحه ويتكتكو من البرد
ايمي _ مش انا هتجمد بس مش هضيع الحظه دي
رحيم بضحك_ ولا انا بيمسك ايديها ويلف بيها
ايمي وهي تدور مع رحيم_ مطري يامطره. ااااه برررد
رحيم_ خلينا ندخل طيب
ايمي _ لا لا خلينا
رحيم بضحك_ وربنا مش حاسس برجليه
عند عبقرينو ومياده
عبقرينو_ يلا نمشي المطر هيغرقنا
ميادة بفرحه_ عيش الحظه يا معتز، واستمتع بالجو ده،
عبقرينو بإبتسامة_ استمتعي وانا هتفرج عليكي
ميادة _ طيب براحتك.. بتسيبه وتتنطط زي الاطفال وتصرخ وتفتح بوقها لتدخل قطرات المطر
عبقرينو_ هتتعبي بلاش عبط
ميادة_ جرب مش هتندم
عبقرينو_ لا كفاية عبيط واحد
ميادة تجري عليه وتمسك ايده وتشده وتجري معاه وهو يستجيب ويجري معاها، ليبلل شعره المطره ويمشي ايده عليه ليصبح مظهره اكثر جذبيه
ميادة بإبتسامة_ ياريت في مرايا كنت شوفت شكلك ازاي دلوقتي وانت شعرك نايم
عبقرينو_ ههههه بشوفه لما بستحما
ميادة بإبتسامة حالمه _ بحبك
عبقرينو بخجل_ يلا نشرب مطر
ميادة_ ههههه
عند سيف ومسك
مسك بفرحه _ المطرررر، هييييي
سيف يبصلها بإبتسامة _ جميل المطر
مسك بفرحه _ تسابقني في الجري
سيف بضحك _ يلا بس ولو خسرتي هحكم عليكي حكم زي اللي حصل هناك من شويه
مسك بابتسامه_ عرفاه، ولو خسرت انت بردو هتنفذو
سيف بضحك_ ههههه ماشي. يلا وان تو ثري بيمشي خطوه ويوقف _ لا كفاية تعبت تعالى نفذي الحكم
مسك بضحك_ بلاش غش، يلا هنجري، يلااا وبتمسك ايده ويجرو سوا تحت المطر…..
لقراءة الرواية كاملة اضغط على : (رواية أحببت مجنونة 4 (أحببت أخي))
