رواية أحببت مجنونة 4 (أحببت أخي) الفصل الحادي والثلاثون 31 بقلم نجمة براقة
رواية أحببت مجنونة 4 (أحببت أخي) الجزء الحادي والثلاثون
رواية أحببت مجنونة 4 (أحببت أخي) البارت الحادي والثلاثون
رواية أحببت مجنونة 4 (أحببت أخي) الحلقة الحادية والثلاثون
#علي
بقينا نلف عليها انا ورحيم، وكل شويه اتصل بيها وابعتلها وتليفونها يديني مغلق،
على _ هتكون راحت فين دي
رحيم _ معرفش، دي لا بتعرف تروح ولا تيجي لوحدها
على _ طيب وبعدين هنعمل ايه ندور عليها فين تانى
رحيم _ نبلغ البوليس
على _ بوليس ايه دول هيقولوك بعد كذا ساعه علشان يدورو، احنا ندور في المستشفيات واقسام البوليس
رحيم _ يلا طيب خلينا ندور في اي حته
كنت همشي فجاه جه على بالي انها عملت كده وقررت تمشي وتختفي ف اكيد هتروح مكان بعيد منلقهاش فيه، ليه متكونش راحت موقف
او محطة قطر او اي حآجه فيها سفر
علي _ اقولك انت دور في مكان وانا في مكان عشان نستغل الوقت
رحيم _ ماشي يلا
سبته وروحت علي الموقف سألت كل اللي هناك وكل السواقين، كلهم قالولي مشوفنهاش. بعدين قولت خليني اشوفها في سكة القطر يمكن راحت اي مكان من هناك..
روحت وفي طريقي قابلت مريم
مريم _ في جديد
علي _ خليكي برا الموضوع انتي
مريم _ انت اللي تخليك برا الموضوع جميله اختي
على _ بمناسبه انك كنتي عاوزة تولعي فيها
مريم _ ملكش دعوه هي اللي تزعل او ترضا،، انت السبب اصلا قبل ما
نشوفك كنا مرتاحين
على _ انتي جتلك الفرصة تطلعي الحقد اللي جواكي، محدش السبب غيرك انتي
مريم بزهق _ طيب بطل رغي ولما نلاقيها ابقا اتكلم
علي بغيظ _ ماشي، قدامي
روحنا سكة القطر، وبقينا ندور هنا وهناك وبعدين روحنا عند الموظف
علي _ لو سمحت، شوفت واحده
شبه دي كده جت هنا
الموظف _ اه هي دي جت عطلتنا وهي بتهته بالكلام وفي الاخر طلع مش معاها فلوس
مريم _ وراحت فين
الموظف _ قدامي اهي
علي وهو ينظر حوله_ فين فين
الموظف _ لا دا انتو كلكم كده مشاكل في السمع والنطق والبصر كمان، يا استاذ اهي. ويشاور على مريم
مريم _ ما تحترم نفسك، مجانين احنا يعنى جايين ندور عليه… احنا بنسال علي اختي التؤام
الموظف _ اااه. لا مشيت من هنا ومنعرفش راحت فين
علي _ طيب شكرا يلا بينا
طلعنا من هناك واحنا مش عارفين ممكن نلاقيها فين
مريم _ طالما مسافرتش يبقا سهل نلاقيها
علي _ احنا دورنا في اماكن كتير وملقنهاش،
مريم _ خلينا ندور قريب من هنا
اكيد حد هيكون شافها
#جميله
الموظف والناس اللي واقفين بقو ياتريقو علي طريقه كلامي واني رايحه اقطع تذكره من غير فلوس، سبتهم وطلعت وانا ابكي علي الموقف الزبالة اللي حصلي، وبعد لف في الشوارع وتفكير قررت اني ارجع البيت ومليش دعوه بحد، اول ما وصلت لقيت ماما قلقانه ولما شافتني جريت عليه
صبا _ كنتي فين كل ده
جميله _ توهت في الطريق
صبا بذهول _ جميله انتي بتتكلمي
جميله بارتباك _ اااه اصل اصل كلب خضني و هجم عليه ف انا صرخت وصوتي طلع
صبا تحضنها بفرحه _ الحمدلله يارب
جميله _ فين رحيم
صبا _ قالبين عليكي البلد هما و علي ومريم
جميله _ كلميهم خليهم يجو
صبا بفرحه _ طبعا هكلمهم لازم. كلهم يجو ويعرفو انك رجعتي وكمان بتتكلمي
جميله _ طيب انا داخله جوه عشان تعبانه
صبا بأستغراب _ صوتك شبه صوت مريم بعد ما اتخضت ليه
جميله _ معرفش
صبا بشك _ متعرفيش
جميله _ ايوه
صبا _ ايه الحكاية ياجميله
جميله _ مفيش ياماما
جني بتيجي من جوه _ ايه يامريم لقتوها ولا لأ
صبا _ دي جميله مش مريم
جني بفرحه _ حمدالله على السلامه حبيبتي
جميله بإبتسامه _ الله يسلمك
جني باستغراب _ ياصبا دي مريم مش. جميله
صبا _ جميلة بس رجعت تتكلم، انما من امتي بقا الله واعلم
جميله _ النهارده ، الخضه كانت صعبه عليه واتكلمت
صبا _ والحريقه كانت سهلة عليكي، انتو بتخدعونا يا جميلة، ايه اللي حصل يخليكم تبدلو
جميله _ ياماما مفيش حآجه من دي انا اتخضيت من الكلب من شويه واتكلمت مبدلناش ولا حآجه
صبا _ هنشوف لما تيجي التانيه
#مريم
اخر ما تعبنا روحنا البيت واول ما دخلنا لقينا جميله هناك وماما بتستجوبها
مريم _ هنعمل ايه
على _ معرفش اتصرفي انتي
مريم _ اقول اللي حصل
على _ لا اوعي فكري في حآجه تانيه
روحت عندها وحضنتها
مريم _ كنتي فين
جميله باستغراب _ كنت تايهه في الشوارع
مريم _ وخرجتي لوحدك ليه من الاول
صبا بشك_ يعني مستغربتيش ان اختك رجعت تتكلم يامريم
مريم _ انا عارفه من الاول
جميله _ ايييه يا مرييم
مريم _ انا هقولها اللي حصل
جميله _ انا هقولها
صبا بعصبيه_ واحدة فيكم تتكلم وخلاص
مريم _ ياماما اللي حصل ان
جميله بمقاطعه_ اللي حصل ان مريم شافتني داخله جوه البيت و بعد ما فاقت وملقتنيش افتكرتني موت ف قالت تقولكم انها جميله علشان متزعلوش لانها عارفه انكم بتحبوني اكتر منها
صبا بدموع _ لا يامريم حرام عليكي، يعني لو انتي كنتي موتي كان هيكون سهل علينا
مريم بدموع _ اللي حصل
صبا _ اخص عليكي دا ظنك فينا، اننا بنحب اختك اكتر منك
مريم _ بيتهيالي كده
صبا تحضنها _ انتو الاتنين واحد، جيتو في نفس الوقت وليكم نفس الشكل اذا انا مقدرتش افرق بينكم وقتها هفرق بينكم في المحبة
مريم بدموع _ انا اسفه
بعد اسبوع
#سيف
عدا اسبوع وزين اتحسن ورجع معانا البيت اخيرآ، ومسك طول الاسبوع ده فى اوضتها وقافله علي نفسها، لغيت ما عرفت انه رجع وطلعت علشانه
زين بإبتسامه _ وحشتيني يامسك
مسك بدموع _ حمدالله على سلامتك
زين _ شوفتي طلعتي اختي انا مش اخته هو ، اياك تكلمها قبل ما تسألني
مسك بدموع _ فرحان اننا طلعنا اخوات
زين _ اوي اوي، فجاه كده يطلع عندي اخت وتطلعي انتي بذات
مسك _ اه
زين _ انا عارف انه مش سهل عليكي اللي حصل، بس يمكن من حظي انا علشان مقعدش في الدنيا لوحدي
مسك تمد ايدها في محاولة لاحتضانه وترجعها تاني وبعدين توقف مكانها وتبكي _ مش سهل فعلاً بس انا بحبك من قبل ما اعرف انك… انك يعني . اخويا
رودينا تحط ايدها علي كتفها _ انا اسفة حبيبتي مقدرتش اقولك الحقيقه بس انتي تقدري تحسي بيه
مسك بدموع _ حاسه بيكي، بس مش قادره اصدق لغيت دلوقتي، التحول اللي حصل في حياتي فجأه كده
مراد _ مفيش حآجه هتتغير، هنرجع زي الأول واكتر
مسك _ ياريت بسهوله دي، انا دلوقتي مش عارفه اتعامل معاك علي انك بابا ولا جوز امي
سيف بهمس _ عامليه علي انه حماكي
مراد _ اااهو انت، محدش كسبان في الليله دي غيرك انت
مسك تبصله والدموع في عينيها _ انت خليك على جمب يمكن تطلع اخويا تانى
سيف بضحك _ اخر كلام متقلقيش
قعدنا مع بعض وقت طويل، وهي بدأت تخرج من اللي هي فيه شويه، لكن صداني انا ومش حابه تبصلي، لغيت ما بابا خدني على جمب
سيف _ ايه يا بابا
مراد _ انت عمال تحوم حوليها ليه
سيف _ بابااا انت عارف ليه، اوعا تقولي مش هينفع تاني، هي عارفه اننا مش اخوات
مراد _ عاوز تجوزها يعني
سيف _ ايوه
مراد _ حمار، هي اسمها مسك مراد مين المأذون ده اللي هيكتب كتابكم
سيف _ وانا اسمي سيف عاصم ، اي لخبطه وخلاص المهم اتجوزها
مراد _ لا ياشيخ
سيف _ ايوه،،، بس قول يارب تروق من نحيتي عشان محسساني انا اللي لخبطت حياتها
مراد _ ما دا اللي حصل فعلاً، وهي لو ملقتكش كان هيحصل ده كله
سيف _ طيب وبعدين
مراد يبصله بصه غريبه
سيف _ مالك
مراد _ حل واحد اللي لجأناله انا وجدك عشان نتجوز
سيف_ هو ايه
مراد _ بيت البحر
سيف باستغراب _ مالو ده
مراد _ خطفناهم فيه.. البيت ده عنده القدرة يظبط اي حآجه
سيف بضحك _ اديني العنوان
مراد_ لا ماهو المفتاح ضاع للأسف
سيف _ امال بتقولي ليه من الاول
مراد_ بسترجع الذكريات عادي
سيف _ ودا وقت استرجاع ذكريات
مراد _ طيب وهنروح بعيد ليه ماهو بيت جدك موجود وانت معاك المفتاح
سيف بضحك_ ااه منك انت مش سهل .. قولي صحيح عملت ايه مع الست اللي انت رابطها جمبك لغيت ما ريحتها طلعت
مراد_ زي ماهي هعملها ايه
سيف _ كتر خيرك ياعاصم لولاك الست كانت ..
مراد يضربه بالقلم _ ما تحترم نفسك لا اخليك تحصله
سيف _ خلاص مش متكلم قلبي معاكي يا رودينا
مراد_ هضربك تاني
سيف _ خلاص انت حر، انا ماشي
مراد_ تعاله هنا
سيف _ نعم
مراد _ اصل انا زي ما انت شايف رجلي راحت هعملها ايه يعنى
سيف بضحك _ هي المشكله في الرجل بردو
مراد _ ايوه ياواطي
سيف _ بسيطة دلوقتي في اطراف صناعيه نروح نركبلك رجل جديدة ولا تزعل
مراد بشرود _ ودي هقدر امشي بيها عادي بدال العكاز ده
سيف _ اه طبعاً
مراد _ لا لا انا كويس كده
سيف بهمس _ طيب … انت قولتلي انك انت وجدي كنتو تحلو مشاكلكم بالخطف
مراد بإبتسامه _ اه كنا بنخدرهم ونخدهم هناك
سيف يبصله بتركيز _ طيب نص ساعة وراجعلك
مراد _ رايح فين
سيف _ هقولك بعدين
سبته وروحت المستشفي، اسأل علي التفاصيل لتركيب طرف صناعي، وبعد ما عرفت كل التفاصيل والمبلغ المطلوب واتفقت مع الدكتور اني هجيبه واجي، روحت جبت اكل جاهز و منوم ورجعت البيت
سيف _ مفيش داعي تطبخي النهارده يا رودينا جبت اكل معايا
رودينا _ ربنا يكرمك
سيف _ يلا اندهي علي بابا والباقين يكون جهزت
جهزت الاكل، وحطيت في طبق بابا المنوم، وبعد كده الكل اتجمع علي السفرة الا مسك مرضتش تيجي، .. انا اسيبها؟ لا طبعاً دا انا بتلككلها علشان ادخل عندها كل شويه.. روحت عندها وفتحت الباب
مسك_ ابقا خبط قبل ما تدخل
سيف _ اختي وداخل عندها من غير تخبيط
مسك_ دا كان زمان دلوقتي تحترم نفسك وتخبط
سيف _ ، هدخل بطريقة دي واذا كان عاجبك وقومي علشان تاكلي
مسك _ مش طافحه
سيف _ محدش هيتعب غيرك،
مسك_ خليني اموت ميخصكش
سيف يقعد جمبها على السرير وبهدوء_ هتفضلي كده لامتي ، انتي بقالك قد ايه مشوفتيش شغلك
مسك _ مش عاوزة اشتغل ولا عايزة اشوف حد
سيف_ وانا عاوزك تشتغلي وترجعي لحياتك كفايه الوقت اللي ضاع
مسك بدموع _ مبقتش حآجه تفرق معايا لا شغل ولا الناس، اطلع وسيبني لوحدي
سيف _ مسك عشان خاطري متستسلميش لحزنك، انا بحس براحه لما اشوفك متحمس لحاجه وبتنطلقي لقدام
مسك _ مبقتش قادره اعمل حآجه، ده كان زمان قبل ما حياتي تتبدل
سيف يمسك ايديها _ يعني انتي مش. مبسوط اننا هنكون مع بعض
مسك تشد ايدها منه وتبكي_ انا مش عارفه اتعامل معاك علي انك اخويا ولا ابن جوز امي ولا ايه بظبط
سيف _ حبيبك تنفع
مسك _ انت فااضي ومبتفكرش غير في نفسك
سيف _ انتي نفسي، ومبفكرش غير فيكى انتي.. انا بحبك يا مسك حتي الفتره اللي كنا فيها اخوات مقدرتش انسا احساسي نحيتك. وافتكر انك كنتي زيي
مسك بدموع _ مش عارفه افكر في حآجه دلوقتي، لسه محتاجه وقت عشان اظبط نفسي واعرف انا مين.. اديني فرصه ممكن
سيف _ خدي وقتك انا مش همل وهفضل مستنيكي
مسك _ متشكره
سيف _ طيب ممكن تيجى تاكلي
مسك _ ماشي
#جميله
عدا اسبوع ولسه زي ما احنا، كل ما علي يقولي اتكلم مع اهلي ارفض، ومريم نفسها قالتلي انها مش عاوزاه ومش هتزعل لو اتجوزتوه، بس كنت خايفه من رد فعل بابا وماما وجه اليوم اللي هنمشي فيه وكنا خلاص جهزنا نفسنا وانا ف الاوضه، بلم الحاجات اللي تخصني ومنستش اخد صوره ل علي وسطهم، وقبل ما امشي دخل عليه رحيم
رحيم _ اختك عكتها تحت
جميله _ عملت اية
رحيم _ قالت ان على كان متلخبط بينكم وعاوزك انتي وانها مش عاوزاه
جميله بصدمه _ وبابا قال ايه
رحيم _ جاي ورايا، استلقي بقا، انا ماشي
سابني ومشي وانا جريت على الحمام وقفلت على نفسي وبعد شويه حد فتح الباب ودخل
صبا _ جميله
جميله من داخل الحمام _ نعم يا ماما
صبا _ اطلعي عاوزاكي
جميله _ بستحما اطلع ازاي
صبا _ طيب من عندك كده، قال علي كان متلخبط بينك وبين اختك، كنتي تعرفي
جميله _ لا مين قال
صبا _ مريم بتقول وعلى بيأكد علي كلامها
جميله _ وانتو قولتو ايه
صبا _ احنا مبقناش عارفين نقول حآجه اطلعي خلينا نتكلم ابوكي عاوزك
جميله _ طيب ساعتين كده وجيالك اطلعي واقفلي الباب وراكي
صبا _ ربع ساعة وتكوني تحت
جميله _ حاضر
بتخرج صبا وبعد شويه بتفتح الباب وتطلع رأسها تبص متلقيش حد ف تطلع جري تقفل الباب وتسند عليه وتغمض عينيها وتحدث نفسها _ نهار اسود، اكيد قالولهم على موضوع لوسيفر .
على _ لا مقولناش
جميله تفتح عينيها بفزع_ انت ايييه
علي بإبتسامه _ علوشي، يلا اطلعي وقولي انك عاوزاني
جميله _ يانهار اسود مقدرش يخربيتك اجري صلح العك اللي عملتوه بسرعه
علي بتحذير_ جميله لو مطلعتيش وقولتي انك عاوزاني، هرمي نفسي من البلكونة وهتبقي انتي السبب
جميله _ يابني مقدرش انا خايفه
علي يروح عند البلكونة وهي تجري وراه _ مش هفكر مرتين قبل ما ارمي نفسي
جميله تشده من علي الحاجز _ الله يخربيتك انا ناقصه
على _ انتي خايفه من ايه شيلنا الصعب من عليكي مش فاضل غير انك تقولي موافقه
جميله بدموع _ خااايفه ياعلي بجد
علي _ بس روحي قولي انك موافقه وانا هطمنك بعدين، يلا علشان خاطري، مش هنلاقي فرصه تانيه
جميله برجفه_ هيقولو عليه ايه
على _ مش هيقولو حآجه يلا يا جميلة
جميله _ ماشي، طيب متجيش ورايا
على _ حاضر
جميله _ ولا اقولك تعاله
علي _ ماشي بس يلا
جميله بلخبطه _ ايييه رايح فين ولما يشوفونا طالعين مع بعض هيقولو ايه
على يمسك ايدها ويعمل شهيق وزفير _ خدي نفس وطلعيه. واحد اتنين
جميله تعمل زيه_ هوووف تمام انا طالعه اهو
علي _ برافو يلا
جميله ببكاء _ لا انا خايفه
علي بزهق _ وبعدين طيب
جميله تحضنه فجأه _ لحظه وهروح حاضر
على يضمها _ انتي لازم تطلعي وتقولي انك عاوزاني يا جميلة، ولا انتي مش عاوزاني
جميله _ عاوزاك طبعا بس متوتره
شويه وخايفه من المواجهة
علي يبعدها عنه ويبصلها _ خايفة وانا معاكى يا جميله.. انتى لازم تنزلي وتقولي انااا عاااوزه على بس كده
جميله بتوتر_ انااا عاااوزه على. تمام انا هقول كده،
علي_ ايوه كده برافو جميلة قويه
جميلة بوجه عابس _ لااا مش هقدر
مريم تخبط عليهم
جميله بفزع_ نهار اسود بابا
علي _ طيب روحي افتحي وانا هستخبا
مريم _ افتحي انا مريم
جميلة _ حاضر جيت اهو… خليك هنا اوعا تشوفك
طلعت فتحتلها
مريم _ مجتيش لية
جميلة _ خايفة يا مريم
على يطلع من جوه _ كلميها انتي انا تعبت
مريم _ ايه دخل الواد ده هنا
جميله _ خطا من الشباك
علي _ انا دخلت من الباب عادي
مريم _ انتو يتفتلكم بلاد اخلصي قبل ما تفضحونا بابا مستني يعرف رايك
جميله_ مش هااااقدر
مريم بغيظ_ اقعلي طيب
جميله_ ايييه
مريم_ اقعلي هدومك
على _ ههههه لا عيب مش دلوقتي
مريم_ اتلم وشوفلك مكان اتخبا فيه
جميله_ هتعملي اية
مريم_ هروح اقول الكلمتين بدالك
جميله_ هيعرفوكي
مريم_ اخلصي بس وملكيش دعوه
… انت بتبص على ايه، اتفضل برا
على_ طول عمرك ظالمه ما أقعد معاكم
مريم بعصبيه_ ولاااا وربنا اروح اقولهم عاوزاك و اورطك بيه بقيت عمرك
على بقرف _ خلاص طااالع
بدلنا هدومنا و مريم راحت بدالي وانا كنت مرعوبه وحاسه انهم هيعرفوها
#مياده
روحنا انا والفريق كله نزور زين ومسك في البيت، وملقيناش غير رودينا وزين وقالولنا ان مراد تعب شويه و سيف راح يوديه لدكتور وبعد ما سلمنا عليهم دخلت عند مسك اللي محدش بقا يشوفها والشغل واقف بسببها
مياده _ حالنا وقف ياحبيبتي
هتفضلي قايمه الميتم ده لامتي
مسك _ تعالي اقعدي
مياده _ قعدت اهو، ايه بقا مش هتقومي تشوفي شغلك وحياتك
مسك_ انتى باردة يا ميادة مفيش دم خالص
ميادة _ احمدك يارب اني معنديش دم علي الاقل شايفه نفسي وحياتي مش عاملاها محزنه في الاوضه
مسك _ انتو ليه مش حاسين بيه، المفروض اني انسا بسرعه كده واعيش حياتي عادي وكأن مفيش حآجه حصلت
ميادة _ لا مقولناش كده بس منوقفش حياتنا عشان حآجه ملناش يد فيها
مسك _ ياريت كانت بالبساطه دي
ميادة _ انا لو مكانك كنت نسيت اي حآجه وفرحت ان سيف مطلعش اخويا، بصي لجانب الايجابي في الموضوع، يعني تفتكري كنتى هتقدري تعيشي وانتي خايفة تقابلي اخوكي علشان حبتيه قبل كده
مسك بشرود _ انتي عارفه لولا النقطة دي كنت انتحرت،
مياده _ قصدك انه مطلعش اخوكي
مسك _ اه علي قد صعوبة اللي حصل بس بصراحه ارتحت من عذاب الضمير وكسوفي من نفسي،
ميادة بإبتسامة _ وهو عمل معاكي ايه بعد ما عرفتو الحقيقة
مسك بإبتسامة _ عمال يتنطط قدامي
مياده _ ههههه رغم انه بلطجي بس عسل تصدقي.. فاكره لما وداكي الدكتور، كنا هنموت بسببه، ورغم حياته الغبية بس كان حنين عليكي. ومش انتي بس، دا انقذني من عمي كمان لولاه كنت اتجوزت مالك الفاشل
مسك_ هو صح حنين ومتخلف، اسكوتي دا باسني وانا عرفاه اخويا، كنت هموت بسببه
مياده _ ههههه اه ياوسخ.. بس احسن من ابو فروه ده اللي واقف زي التمثال، مبيحسش يابت، مش فالح غير يزعقلي لما اهزر، ابو شكله
مسك بضحك_ قوليلوه انتي
ميادة _ كل ما اجي اقول حآجه تعطلني
مسك _ يابجحه، كنتي هتقوليلوه قبل ما يقول هو
مياده _ بيتكسف ياحبيبتي، انا هتشل بسببه، مسك انا بسببه مبنامش
مسك _ لدرجة دي بتحبيه
مياده _ مش من الحب من الكوابيس اللي سببهالي
مسك _ ههههههههههههههه
سيف بيفتح الباب فجاه يلاقيها بتضحك _ لو كنت اعرف ان ميادة هتضحكك. كنت جبتها من زمان
مسك تبصله بإبتسامة ومتردش
مياده _ اي خدمه
سيف _ قولتيلها ايه علشان تضحك
مياده _ احييه وانت مالك اما حشري بصحيح
سيف _ ماااشي شكرا، علي العموم متشكرين على الانجاز ده،.. عبقرينو بيسال عليكي
ميادة _ بيسااال عليااا، تيب. هروح اشوفه، وانتي فرفشي وبصي لجانب الايجابي، الجانب الموز
سيف باستغراب _ جانب ايه
مسك بضحك _ طيب روحي
#مسك
بتمشى ميادة وهو بيقعد جمبي
سيف _ قصدها ايه
مسك بإبتسامة _ بتقولي اجي الشغل
سيف _ الشغل موز
مسك _ ههههه اه
سيف _ جديدة دي. بس ما علينا قومي معايا
مسك_ لا مش هروح مكان
سيف _ هوريكي حآجه متاكد انها هتبسطك. يلااا
مسك _ هي ايه
سيف _ تعالي وهتشوفي بنفسك
#رحيم
سبتهم وطلعت الجنينة عشان اقابل ايمي اللي بتيجي في الوقت ده كل يوم من وقت ما جينا وانا عارف انها هتيجي عشان تشوفني قبل ما نمشي، وفعلا شوفتها جايه، ف استخبيت عند مدخل الفيلا، ولما دخلت مشيت وراها من غير ما تحس، ولقيتها رايحه للمكان اللي بقعد فيه في الجنينة ولما ملقتش حد استدارت وخبطت فيه
رحيم _ مش تفتحي
ايمي بارتباك _ انت ماشي ورايا من امتي
رحيم _ اتلككي وانا شوفتك اصلا
ايمي _ ممشيتوش ليه انا كنت جايه وبقول يارب ما الاقيه
رحيم بخبث _ اه ما انا عارف، بأمارة ما جايه هنا تدوري عليه
ايمي _ مش بدور عليك ولا حآجه وهدور عليك ليه
رحيم _ انا اللي اسأل السؤال ده، بتدوري عليه ليه ها
ايمي _ أنت هتكدب الكدبه وتصدقها
رحيم _ ماااشي هعمل مصدقك
ايمي _ شاطر
رحيم بإبتسامة _ وحشتيني
ايمي بخجل _ شكراً
رحيم _ استني اجبلك الفكه من جوه، هو انا بشحتك
ايمي _ عاوزني اقولك ايه يعني
رحيم بأسلوب الأبيض والاسود _ قوليلي اشتاق الفؤاد اليك، ارحم حبي
ايمي بقرف _ ارحمني انت و وسع من وشي
رحيم _ عاوزة تفهميني انه لم ينبض الفؤاد
ايمي بإبتسامة _ منبضش الفؤاد
رحيم _ امال انا ليه حاسس انه نبض الفؤاد..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أحببت مجنونة 4 (أحببت أخي))
