رواية أحببت مجنونة 4 (أحببت أخي) الفصل الثامن والعشرون 28 بقلم نجمة براقة
رواية أحببت مجنونة 4 (أحببت أخي) الجزء الثامن والعشرون
رواية أحببت مجنونة 4 (أحببت أخي) البارت الثامن والعشرون
رواية أحببت مجنونة 4 (أحببت أخي) الحلقة الثامنة والعشرون
#على
عرفنا ان بيت عمي انور ولعت فيه. حريقه ومكناش نعرف حصلهم ايه.. انا كنت مرعوب علي. جميله لانها بتخاف من النار ودايما بتقعد في اوضتها.. خوفت يكون حصلها حآجه..
روحنا انا وبابا ولقيناهم كلهم في الشارع.. وجميله واقفه جمب امها وبتبكي ومريم قاعده بعيد ومبتتكلمش.. مقدرتش اروح اطمن علي جميله. بس كان لازم اروح لمريم واول ما وصلت عندها وكلمتها مردتش عليه وبقت تعملي اشارات بأيدها.. للحظه اتلخبطت وسألتها انتي مين . بقت تعملي إشارات بردو مفهمتهاش… مش ممكن اكون اتلخبطت بينهم.. يعنى دي جميله والتانيه مريم. بقيت باصصلها شويه وانا مش. مستوعب. هما اه نفس الشكل بس اقدر اعرفهم من بعض..
بعد شويه جت البنت التانيه وكلمتني بتلعثم ونظرة طمئنينه علي وشها
جميله _ انا مريم ودي جميله. يمكن متلخبط بينا
بقيت ابصلها وابص لتانيه شويه
على بلخبطه _ انا اسف اتلخبطت بجد
جميله _ ولا يهمك. … إيه يا جميلة يا حبيبتى ممكن تروحي عند ماما تهوني عليها علشان اتكلم مع خطيبي شويه.
مريم تبصلها بغيظ وتمشي
جميله _ معقول معرفتناش من بعض
علي بلخبطه _ انتي بتتكلمي. كده ليه
جميله بتلعثم _ اصلي اتخضيت
على يبصلها بتركيز ويسكت
جميله _ مالك
على _ مفيش، هو انتو شبه بعض فعلا بس انا. كنت اقدر اعرفكم من بعض
جميله _ يمكن عشان البس
على _ ممكن
جميله _ بدلنا مع بعض قبل الحريقه
علي بعدم راحه _ صوتك فيه حآجه غريبه.
جميله _ زي ايه
علي _ كانك بتتعلمي الكلام جديد
جميله _ من الخضه ده كويس اني محصليش زي جميله . الخضه كانت قويه عليه
على بشك _ اه ملاحظ
جميله _ وحشتني أوى
على بلخبطه _ ع فكره لولا الحريق مكنتش جيت تاني
جميله _ ليه
علي _ يعني مش عارفه قولتي ايه اخر مره
جميله بارتباك _ مش فاكره.. قولت ايه
علي يبصلها بشك ويسكت شويه وبعدين يتكلم _ قولتيلي انك عاوزاني احضنك وانا رفضت علشان مش هلمسك قبل الجواز
جميله بلخبطه _ اه ااا اصل كنت كنت وحشني. انا اسفه
علي _ بعد ايه ما انتي حضنتيني غصب
جميله تبص لمريم باحتقار وترجع تبص لعلي _ ما انا قولتلك كنت وحشني. بس مش هتتكرر تاني
علي _ خلاص مش مشكله المهم.. قولتي ايه في المشروع اللي قولتلك عليه انا عارف انه مش وقته بس انا بدأت اعمل دراسة.جدو
جميله بلخبطه _ مشروع ايه
علي _لا متهزريش انا مش كنت قايلك اننا هنعمل مشروع مع بعض وانتي بالاماره اقترحتي انه يكون مشروع ملابس
جميله بارتباك _ اه انا افتكرت . اه هو مشروع الملابس احسن حآجه
علي بإبتسامه _ كويييس اوي… بقولك ايه هو ينفع اقولك اني. مبسوط بالحريقه اللي حصلت
جميله _ ليه بقا
على _ علشان هتيجو معانا البيت
جميله بغيظ_ من الواضح انك نفسك تقعد معايا وشكلك بتحبني
علي _ بعشقك
جميله بغيظ _ متشكره اوى. كلك ذوق
علي بإبتسامة _ مش خطيبتي.. بحبك يا مريم
جميله باستحقار _ متشكره اووي. هروح اشوف ماما اه وبالمناسبه انا مش هروح بيتكم
على _ مش بمزاجك. انا ممكن اكتب كتابنا حالا علشان تيجي
جميله بنرفزه _ لا ما انا غيرت رايي مش هتجوز
علي بصدمه مصتنعه _ ليه.. اوعي انا اموت من غيرك
جميله بكره _ اسكووت مش جميله قالتلي انك بتحبها وعاوز تسيبني علشانها
على _ كدااابه محصلش دي هي اللي دايما بتقربلي لما بنكون لوحدنا وكلمتني علي الانستجرام وقالتلي بحبك ياعلي، ومره جيت وكانت لوحدها ف حضنتني اووي
جميله بنرفزه _ هي اللي حضنتك وعملت كل ده
على _ ايوة بس انا ياما صديتها عشان بحبك انتي وبس
جميله بدموع _ مبسوطه بجد . متشكره
وبتمشي وتسيبه
معرفش ليه الخبطه دي وليه مبدلين الادوار بس مهما كان السبب انا مبسوط جداً اول سبب اني قدرت اتكلم معاها عادي وتاني سبب اني سمعت صوتها.. ايوه كان شبه صوت الطفل اللي لسه بيتعلم بس كان احلي حآجه اسمعها.. بقت واقفه بعيد وبتبكي . وانا عارف انها بتبكي لانها شيفاني كدبت عليها واتخدعت فيه ، وانا وقفت ابص عليها وانا بضحك بيني وبين نفسي . على اللي بيحصل
وبعدين روحت عند بابا وقولتله يخليهم يجو معانا البيت. وفعلا كلمهم وبعد كلام كتير ورفض. وافقو وراحو معانا البيت
#جميله
قلبي انفطر من صدمتي في علي.. كان لازم اسكوت واسيبه يتجوز مريم هما شبه بعض ويستاهلو بعض.. عمري ما كنت اتخيل انه شاطر اوي كده وقدر يقنعني انه بيحبني وفي نفس الوقت يقنع مريم انه بيحبها…
خلانا نروح معاهم البيت علشان يتسلا معانا احنا الاتنين، انا رفضت كتير بس بابا قالي مفيش مكان تاني وطلب مني اروح وهنقعد كام يوم لغيت ما نلاقي شقه تانيه . واطريت اروح معاهم . وفضل طول الطريق قاعد جمبي بحجة انه خطيبي ومحدش منعه.. تمنيت اني اقول اني انا جميله واحكي كل حآجه عشان ابعد عنه
وصلنا البيت وكنت اول مره اشوفه، وبداؤ يورونا الاوض اللي هنقعد فيها، والاستاذ اصر اني اقعد في اوضته وهو هيبات عند صاحبه،، وافقت وفعلا قعدت في اوضته، كانت اوضه اطفالي شويه .. معلق صور سوبر مان وهاري بوتر مع الة جيتار وصور فرقة BTS
والاب توب بتاعه على الكوميدينو.. قعدت على السرير ومسكت الاب توب لقيت عليه صورة الصفحة الشخصيه لحساب ملاك،، وكان مقفول ب باسورد. حاولت اخمن اي اسم.. كتبت اسمه مره ومره تاريخ ميلاده ومره اسم فريقه. وبردو معرفتش اخمنها وبعد شويه سمعت تخبيط بسيط علي الباب . روحت افتح لقيته هو وبعدين دخل وقفل الباب من جوه
جميله بتلعثم _ يخربيتك انت بتعمل ايه اطلع بره
علي بإبتسامه _ وحشتيني اوي اوووي
جميله بغيظ _ اطلع بره لحسن اصرخ والمهم عليك
على _ انا خطيبك وهكون جوزك متعصبه ليه
جميله _ انا خلاص هرفضك ابقا روح اخطب جميله
على _ يعععع اي جميله الي اخطبها دي، انا عاوزك انتي وبحبك انتي
جميله بغيظ _ طيب والله لو ما مشيت لا امشي انا ..
على يوقف قدام الباب _ مش هتمشي غير لما نتكلم مع بعض شويه
جميله _ مفيش كلام بيني وبينك، كل اللى بينا انتها وسع كده
بشد من ايده علشان يبعد عن الباب وفجاه الاقيه بيشدني لحضنه ويغمرني بقوة
علي _ وحشتيني
جميله بدموع _ وانت موحشتنيش. ابعد بقا مش طيقاك
علي وهو مازال محتضنها _ اهدي ممكن وبعدين نتكلم
غمضت عيوني وريحت راسي على كتفه
علي _ كنتى هتقوليلي امتى
جميله _ اقولك ايه
علي يبعد عنها ويبصلها _ انك جميله مش مريم
جميله بصدمه _ انت بتقول ايه
على برومانسيه وهو يتحسس وجهها برقه ويركز النظر في عينيها _ بقول انك جميلة، ولو في مليون تانى بنفس الشكل انا مستحيل اتلخبط بينكم
جميله بلخبطه _ عرفت ازاي
على _ من غير ازاي، عرفتك.. مفيش مقارنه بينكم علشان مقدرش اعرفك،، وانبسط جدا لما عرفت انك اتكلمتي
جميله بدموع _ طيب ممكن متقولش لحد علشان خاطري
علي _ طيب افهم ليه بدلتو الادوار كده
بقيت أبكى وهو يحاول يهديني ويسأل علي اللي حصل. وبالفعل قولتله كل حآجه
علي باحتقار _ هي وصلت لكده، لا دي لازم تتفضح، انتي لازم تقوليلهم اللي حصل لازم يعرفوها علي حقيقتها
جميله _ كفايه العقاب اللى هى عملته لنفسها، هي كده هتعيش خرسه وهتخسرك، وادتني كل حآجه كانت ليها
على _ بس دي اكيد هتفكر تأذيكي تاني
جميله بدموع _ معرفش بقا،
على _ طيب ايه رأيك نتجوز واخدك ونسافر
جميله _ تجوزني بأسم مين
علي _ اي اسم المهم انك تكوني معايا
جميله بتنهيده _ لأ مش موافقه، انا مش هتجوز
علي _ ليه بقا
جميله _ هو كده
على _ لا يا جميله الله يخليكي انا ما صدقت بدأت تتحل
جميله بإبتسامة باهته_ اتحلت ازاي دي اتعقدت اكتر، مبقاش ينفع خلاص
علي _ انتي بتهزري صح قولي انك بتهزري
جميله _ مبهزرش، الحقيقه اني انا مش مريم ولو اتجوزت اسم مريم هو اللي هيتكتب مش جميله
علي _ يتكتب اللي يتكتب انتي تسكوتي من وقت ما عرفتك بتحطي عقد وبس، احنا هنتجوز وخلاص
جميله _ العقد محطوطه لوحدها
علي بزهق _ جميله خلاص لاما تجوزيني وانتي كده لاما تروحي تقولي لاهلك اللي حصل و وقتها اطلبك انتي
جميله بإبتسامة _ طيب روح بس دلوقتي وانا هفكر وارد عليك
علي _ امممم
جميله _ في ايه
على بإبتسامة _ ايه رأيك في اوضتي
جميله _ جميله بس هايفه شويه
على _انا كده بتشدني الحاجات الجميله والهايفه
جميله _ هو انا ليه حاسه بمعني تانى في كلامك
على _ هو انتي بتحسي اصلا
جميله _ قصدك اني معنديش احساس
علي _ ايووووه
جميله _ ليه بقا
على _ عشان اتكلمتي ومقولتيش بحبك يا علي
جميله بإبتسامة _ ايوة بس انا مش بحبك ياعلي. اطلع برا
على _ لو مقولتيش هفضل قاعد هنا لصبح
جميله _ هطلع انا
على _ لا انا ولا انت هنطلع قبل ما تقوليها
جميله بإبتسامة _ ماشي .. انا
صبا برا الباب _ افتحي يامريم
جميله بصدمه _ ماما
على بارتباك _ يادي المصيبه.. قوليلها اي حآجه خليها تمشي
جميله _ اقولها ايه
على _ قوليلها اي حآجه
جميله _ احم.. بغير يا ماما
صبا_ بتغيري بهدوم مين عندك
جميله تعض لسانها وتبرق بعنيها _ لسه هدور على حآجه. روحي انتي دلوقتي هخلص واجيلك
صبا _ طيب خلصي وتعاليلي ضروري
جميله _ حاضر
على بضحك_ ورطه كبيرة مش هتعرفي تطلعي منها
جميله _ الله يقطعك ياشيخ اعمل ايه دلوقتي
على _ بصي انا لما حبيت اغير الوك جبت شوية هدوم قالبين علي بناتي كدا ينفعو تلبسيهم
جميله _ وانت فاكرني هغير عادى كده
علي بضحك _ هغمض عينيا اهو
جميلة _ اطلع برا ياعلي قبل اضربك في وشك
على بضحك _ طيب شوفي في حد برا ولا لأ
جميله _ طيب وسع كده … بتفتح الباب براحة تلاقى جني واقفه بره وترجع تقفله تاني
علي _ مين
جميله بغيظ_ امك يا روح امك عاجبك كده
علي _ طيب خلاص روحي غيري في الحمام وانا هقعد هنا يكون مشيت
جميله _انا مش هغير كويسه كده.. هروح اقولها اني ملقتش ف لبستهم تاني
على بخبث _ لا والله ما ينفع تشك فيكى كده غيري احنا في حكم المتجوزين
جميله تشده من كتفه وتذقه لجوه وتطلع وتقفل الباب .. ابوشكلك عيل قليل الادب
روحت عند ماما وبقت تستجوبني
صبا_ قولتي انك بتغيري
جميله بتلعثم_ مااا انا ملقتش حآجه البسها ف لبستهم تانى
صبا _ طيب ايه اللي حصل خلا النار تمسك في البيت
جميله _ الانبوبه بتاعت البتوجاز ولعت
صبا _ وايه السبب ما انا كنت قفلاها كويس
جميله _ اصل اصل انا روحت اعمل شاي ف ف قماشة المطبخ كانت في ايدي وانا بشيل الكنكه مسكت فيها النار وهوب وقعت علي سجادة المطبخ وانا خوفت وسبتها ف ولعت
صبا بشك_ انتي لسه قايله الانبوبه ولعت
جميله بارتباك _ ايوة ماهي ولعت بسبب الحرارة والنار اللي جمبها
صبا _ طيب ومال كلامك مش مظبوط كده
جميله _ مالو كلامي
صبا_ بتمتمي وحروفك ضايعه زي العيل اللي بيتعلم
جميله _ دا كويس اني لسه بتكلم انا كان ممكن يحصلي زي اللي حصل لجميله لولا ستر ربنا
صبا_ طيب وهدومكم اللي اتبدلت انتي لابسة هدومها وهي لابسة هدومك،
جميله بارتباك _ أبداً حبينا نبدل بس
صبا بشك_ بدلتو وانتو متخانقين وضاربين بعض
جميله _ عادي ما احنا اصتلحنا بعد ما مشيتو
صبا _ اه طيب ،، خلاص روحي .. بس حسك عينك الاقيكي بتتعاملي مع علي بطريقة مش تمام احنا في بيتهم وانتي في اوضته لو جه عندك متفتحيش
جميله تبتسم بلخبطه _ لو شوفته هرميه من علي السلم لا طبعا انا لا يمكن اتعدا حدودي
سبتها ورجعت الأوضة وانا مش عارفه اذا كان هناك ولا لأ، وبمجرد ما دخلت شدني وقفل الباب من جوه تاني
جميله _ انت لسه هنا يخربيتك هنتفضح
علي يقترب منها بإبتسامة وهي ترجع للخلف بلخبطه لغيت ما بترتطم بالحائط
على برومانسيه _ وحشتيني الشويه دول
جميله بلخبطه _ طيب ابعد عيب كده
علي _ العيب اني اشوفك قدامي ومعملش كده وفجاه يلاقي قلم نازل علي وشه
جميله بغيظ _ متعملش ايه؟
علي بإبتسامه _ وجعتيني طيب يا ملاك
جميله بلخبطه _ لو مبعدتش هضربك في ف ف عينك
علي يحاويطها ويقترب منها اكثر ويتامل ملامحها بتركيز _ انتي خايفة ليه انا مش هأذيكي ولا هعوضك
جميله تبعد نظرها عنه بارتباك _ امال ده ايه
علي _ ده حب.. انا بحبك
جميله _ حبني بس من بعيد
علي _ ويحصل ايه لو حبيتك من قريب هنا الشبكه اسرع
جميله تجز علي سنانها وتضربه بركبتها تحت الحزام ليقع علي الارض ويتلوا من الوجع
جميله _ انت مش كويس وقليل الادب
على بألم _ اااه هروح فيكى داهيه
جميله _ عشان تقل ادبك مره تانيه
على بألم _ سعديني اقف طيب مش قادر
بتمدله ايده بقرف وهو بيشدها يجيبها جمبه
جميله _ يخربيتك وسع بقا. والله هصوت بجد
علي بإبتسامة وتأمل _ صوتي. ثم يقترب منها ويقبلها قبله رقيقه… وبس كده
#مريم
بقيت قاعده في اوضه لوحدي ومش قادره اتكلم بالغلط حتى ورحيم قاعد جمبي وعمال يرغي ويطمني وانا مش طيقاه ومشغوله بالتفكير في حل للورطه اللي حطيت نفسي فيها.. بقيت اكلم نفسي وارد عليها… انا لو قولتلهم دلوقتي هيحصل ايه… لا ماهي ممكن تقولهم اني انا السبب في الحريقه وكنت هموتها… طيب ما انا ارجع مريم عادي واكدبها… لا يا فالحه كده هي هتقولهم بردو واكيد هيصدقوها… وبعدين
#خالد
بعد ما مراد فقد الثقة في سيف وبقا شايف انه بيعمل مشاكل بس مش بيحل، انا قولت استغل الفرصه واخلي عاصم يجيبلي مسك وارجعها وبكده هقدر اتجوزها وسيف مش هيقددر يعمل حآجه وخصوصا بعد ما الكل عرف انه بيبص لاخته علي انها حبيبه وعاوزها لنفسه…
طلعت من عندهم وروحت علي طول علي فيلا عاصم
خالد _ كفاية كده ورجعلي مسك
عاصم ببرود _ فجاه كده
خالد _ ايوه انت مش قولتلي انك هترجعهالي وابان انا اللي انقذتها
عاصم _ وقولتلك. كمان لما اقرص ودن سيف
خالد _ هي اتقرصت فعلاً وهناك عرفو انه نيته وسخه تجاه اخته مفيش قرص اكتر من كرههم ليه
عاصم بضحك _ وانا هستفاد ايه بكرههم ليه
خالد _ طيب وانت عاوز تعمل ايه تاني
عاصم _ اقتله هو وعيلته
خالد بذهول _ احنا متفقناش علي كده
عاصم _ لا اتفقنا انت قولتلي ياريت تقتلو
خالد _ دي كانت. كلمه قولتلها في لحظة غضب انما انا مرضاش بالقتل. اعمل اي حآجه غير كده
عاصم ببرود _ بدات تجيب ورا وانا مبحبش اللي يتعامل معايا يكون قلبه ضعيف
خالد _ بقولك ايه انا كان اتفاقي انك تساعدني اتجوز مسك مليش دعوه بحاجه بعد كده ومن فضلك يلا هاتهالي
عاصم _ مش لازم مقابل الاول
خالد _ انت بتساومني ولا إيه
عاصم _ بظبط
خالد_ وايه المطلوب
عاصم_ لو عاوز مسك تجبلي بدالها رودينا
خالد ل _ وانت مالك برودينا هتعمل بيها ايه
عاصم_ ملكش دعوه انا قولت اللي عندي عاوز مسك هاتلي رودينا.. معاك لبكره وبعد كده مش هتشوفها تاني
خالد بغضب_ انت مش عارف انت بتلعب مع مين.. انا اوديك في داهيه لو مرجعتهاش ودلوقتي حالا
عاصم_ عارف كويس اوي انا بتعامل مع مين وكمان عارف الست الكبيره اللي اتجوزها وخدت فلوسها،
خالد بذهول_ انت بتقول ايه
عاصم ببرود_ زي ما سمعت بس متخافش مسك مش هتعرف حآجه
خالد باستحقار_ انت راجل واطي
عاصم_ وندل وساعات بقتل كمان
خالد _ والمطلوب دلوقتي
عاصم_ تجبلي رودينا لغيت هنا
خالد _ طيب سيبني افكر
عاصم_ فكر براحتك معاك النهارده وبكره بعد كده مش هتشوف مسك تانى
خالد بغيظ_ ماشي هجبها وحسابي معاك بعدين
طلعت من عنده وانا حاسس انى ورطت نفسي في دايره سوده مش هعرف اخرج منها. انا سلمتله مسك بأيدي والا كان ممكن بلغت عنه وخلصت… ورودينا دي كمان اللي انا مش عارف هسلمهالو ازاي وايه مصيرها لو خدها . دا غير اني مش واثق انه هيرجعهالي
#رودينا
في وسط القلق والخوف اللي كنا فيه جه خالد عندنا و وشه ملون وبيعرج هو وماشي.. شكله حد ضاربه علقه،
رودينا _ مين عمل فيك كده
خالد_ حادثة بسيطه ماتشغليش بالك
مراد_ حادثك ايه انت شكلك مضروب
خالد_ ومين هيضربني يعنى متقلقوش انا تمام.
مراد_ اوعى يكون الواد ده اتعرضلك تانى
خالد_ مقابلتهوش اصلا
رودينا_ طيب طمني في اخبار عن مسك
خالد_ قربت اوصلها متقلقيش
مراد_ وصلت لأيه
خالد_ خليت ناس يراقبو عاصم ده واكيد هنوصلها قريب
رودينا ببكاء_ ربنا ينتقم منه البعيد
خالد_ اطمني كله هيكون تمام
رودينا_ يارب يابني يارب
خالد_ كنت عاوز حضرتك تيجي معايا مشوار ضروري
رودينا_ مشوار ايه
خالد_ عارف انه مش وقته بس ريم انتي عرفاها
رودينا_ مالها
خالد_ النهارده هترجع لجوزها وخالتي وجوزها مسافرين وهي قلقانه كنت اتمنا انك تيجي تطمنيها انتي ست زيها وهتفهمي حالتها
رودينا بتنهيده_ حاضر انت مسبتناش دقيقه لازم اجي
مراد_ ودا وقته كانت استنت
رودينا _ خلاص يا مراد مش هنقول لصلح لأ، هروح ومش هتأخر
مراد بقلق _ طيب خلي بالك من نفسك وارجعي بسرعه
رودينا _ حاضر، عاوز حآجه اعملهالك قبل ما امشي
مراد _ لا بس خدي تليفونك. معاكي وابقي كلميني
رودينا توطي لمستواه_ القلق الزيادة ده علشان لو حصلي حآجه مش هتلاقي حد تعقده في حياته من بعدي صح
مراد بتنهيده _ مش هلاقي حد يستحملني طول العمر زيك.. متتاخريش ها
رودينا بإبتسامة _ حاضر .. عاوز حآجه اعملهالك
مراد _ لا متشكر
سبته وروحت مع خالد العربيه وطلعنا وبعدين طلع سلسلة صغيره وادهاني
رودينا_ مالها دي
خالد _ كنت جايبها لمسك قبل ما تتخطف، البسيها وخليها معاكي يكون رجعت ادهالها
رودينا_ طيب ما تخليها معاك ولما ترجع ادهالها
خالد_ ممكن تضيع مني. معلش خليها معاكي يكون رجعت
رودينا_ حاضر
لبستها علشان متوقعش، وبعدين ببص عليه الاقيه بيرش حآجه في وشي وبعدها محستش بنفسي…
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أحببت مجنونة 4 (أحببت أخي))
