رواية أحببت مجنونة 4 (أحببت أخي) الفصل السادس والعشرون 26 بقلم نجمة براقة
رواية أحببت مجنونة 4 (أحببت أخي) الجزء السادس والعشرون
رواية أحببت مجنونة 4 (أحببت أخي) البارت السادس والعشرون
رواية أحببت مجنونة 4 (أحببت أخي) الحلقة السادسة والعشرون
#سيف
عبقرينو حدد مكان الرقم بتاع عاصم وانا سبتهم واتصلت بكردي وسرور وروحنا للمكان المحدد. كانت فيلا كبيره الظاهر ان دي بتاعت اخته اللي كان بيقولي عليها.. بقينا واقفين بعيد مستنين حد يظهّر او يخرجوها لاي سبب بس ده محصلش.. ومرضتش ادخل وانا مش متأكد انها جوه. او لأ وبقيت مستنيه يطلع او يرجع البيت علشان اتابع خطواته بعد كده …
و بقيت مشغول بأني الاقيها وأني اشوفها بعد ما عرفت اننا مش أخوات.. و عاوز اعرف رد فعلها هتفرح ولا الصدمه هتفضل مأثره عليها وهتاخد وقت علشان تقدر تعديها. بس مهما كانت قوة الصدمه انا هكون جمبها وهساعدها تمر منها
#رحيم
بقينا في نص الليل وانا قاعد لوحدي ومش عارف اهلي عاملين ايه من غيري . كنت بفكر امشي وروحت للباب عشان افتحه لقيته مقفول من بره.. اتعصبت جداً وكان نفسي تكون قدامي علشان اقتلها مسكت التليفون وفتحته علشان كان مقفول واتصلت بيها وبعد شويه ردت وهي نعسانه
ايمي _ مين
رحيم بعصبيه _ انتي ازاي تقفلي عليه تاني
ايمي _ هو انت .. متصل ليه دلوقتي
رحيم بعصبيه _ فوقي وركزي معايا
ايمي تقوم وتفرك عينيها _ ايوه سمعاك
رحيم _ قفلتي عليه ليه
ايمي _ عشان متهربش
رحيم بغضب_ وانا لو ههرب كنت خليتك تمشي سليمه من هنا . دلوقتي تيجي تفتحيلي
ايمي _ اجي فين دلوقتي انت اتجننت
رحيم _ مليش فيه هتيجي ولا انط من الشباك
ايمي_ نهار اسود عليه انت عارف الساعه كام ..
رحيم _ انا زهقت لوحدي وعاوزة اطلع
ايمي _ خلاص يعني مش هتقدر تستنا لصبح
رحيم بزهق_ انا متعودتش اقعد لوحدي كل ده
ايمي _ انا هتكلم معاك لغيت ما يطلع الصبح
رحيم بزهق _ يادين النبي انا غلطان بمشي ورا كلام الحريم
ايمي _ رحيييم الحريم دي خطفتك وكتفتك اتعدل وانت بتقول الحريم . اسمهم ستات
رحيم _ ستااات وانتي معتبره نفسك تبع الستات
ايمي بغيظ _ هشتمك
رحيم _ انتي كلك على بعضك. مفكيش غير لسان
ايمي _ انا مش هضايق علشان بابا وماما ممكن يصحو. ف اتلم احسنلك
رحيم _ هتعملي ايه يعنى غير هتفضلي تسرسعي بصوتك وخلاص انتي هوااا انفخك تطيري
ايمي بغيظ _ ماااشي الصبح مبقلهوش كتير.. هجيلك وهعرفك الهوا ده هيعمل فيك ايه
رحيم _ مستني هموت واعرف
ايمي _ هقتلك متستهونش بيه
رحيم بإبتسامه _ هتبصيلي بعنيكي الحلوين يعني ماابموتش
ايمي بخجل _ انت انت قليل الادب
رحيم بإبتسامه _ متشكر يا ذوق. غلطان اني برفع معنوياتك عشان متبقاش تحت زي صحبتها
ايمي بإبتسامة _ ع فكره انتي بتحاول تضايقني بس مش هتقدر
رحيم _ لا خالص مبحاوش اضايقك انتي اللي قلبك اسود
ايمي _ امممم طيب اقفل هتخمد
رحيم _لو قفلتي هصوت والم عليكي الناس
ايمي بضحك _ هتعمل ايه. بزمه مش مكسوف من نفسك
رحيم _ ماهو انتي بدلتي الايه مش ناقص غير اصوت
ايمي بضحك _ ههههه انا حاسه اني هتقفش وهتباع في سوق النخاثه بسببك
رحيم _ صحيح هي ايه النخاثه دي دايما بسمعها ومعرفش معناها
ايمي _ يابني النخاثه اللي هي لونها اصفر ده
رحيم _ ايوه يعني ايه بردو
ايمي _ وربنا ماعرف انا بسمعها كده في المسلسلات الدينيّة بتاعت ويحك يا ابا الحكم
رحيم بضحك _ ههههه ويحك و ويح اللي يعرفوكي ياشيخه انا زهقت ما تيجي تقعدي معايا الساعتين دول
ايمي بقرف_ انت صايع يلااا. مش انا يا حبيبي
رحيم _ يابنتي خافي علي نفسك انا هقابلك تاني وممكن اتاويكي
ايمي _ ياشيخ اتلهي وانا خطفاك. كده وربنا لو ما خايفه اتسجن لا كنت قولتها لناس كلها. انااا خطفت ابو طويله رحيم الهايف
رحيم _ مسيري اخطفك علي حصان اسود زي ايامك اللي جاية معايا واروح بيكي على جزيرة خضره فيها بركان وارميكي فيه واعملك باي وارجع تاني
ايمي بضحك _ مش بقول هايف
رحيم بإبتسامه _ قوليلي صحيح عمرك حبيبتي . هل دق العشق باب قلبك من قبل
ايمي _ دق ايه ياخويا
رحيم _ باب قلبك
ايمي بإبتسامة _ دق بس انا كنت نايمه ومسمعتهوش
رحيم _ هاهاهاها بتكلم جد
ايمي بإبتسامة _ لا خالص مجربتش قبل كده
رحيم _ خالص خالص
ايمي _ خالص
رحيم _ طيب ليه
ايمي _ مقابلتش الشخص اللي يشدني ليه
رحيم _ قصدك يرفعك ليه
ايمي بضحك _ ما تتلم كرهتني في نفسي
رحيم بإبتسامه _ ع فكره انتي اه قصيره ومسلوعه بس حلوه يعني زي الطفلة كده
ايمي بخجل _ اه ماهما بيقولولي كده
رحيم _ قالولك انك. جميله
ايمي _ اااه كلام نص الليل ده انا مبحبهوش.. روح نام والصبح هاجي افتحلك
رحيم بإبتسامه _ استني ردي عليه الاول
ايمي _ في ايه
رحيم _ حد قالك انك جميله قبل كده
ايمي بخجل _ انت اول واحد
رحيم _ لا انا مقولتش انا بسأل بس ههههه
ايمي _ ياخي دا انت رزل
رحيم بضحك _ بهزر . انتي فعلاً جميله
ايمي بإبتسامة _ طيب طيب غور وبتقفل في وشه
اتكسفت مني و كنت قادر اتخيل شكلها وهي مكسوفه. النوع ده شاطر في طول السان انما الكلام الحلو ملوش فيه .. بس بجد هي جميله شكلها صغير بنسبه لسنها. عيونها صغيره بلون الأخضر وبتضيق لما تضحك وتقاطيع وشها رقيقه اقرب لشكل الاطفال ولسه البرائه موجوده في ملامحها
#ايمي
صحاني من النوم وهو بيزعق وبعدين قلبها سهوكه وانا بتكسف ومليش في الجو ده. وترني جداً ومقدرتش انام تانى وبقيت غصب عني افتكر كلامه واضحك لغيت الصبح.. وبعد ما طلع النهار طلعت من اوضتي وصبحت علي ماما وبابا وقولتلهم اني رايحه النادي واتجهت فوراً علي بيت جدو
وفتحت الباب وبقيت انده عليه قبل ما ادخل
ايمي_ رحيم… انت يابني.. دخلت جوه وبقيت ادور عليه وفجاه طلع من ورا الباب وقالي بخ بهبل
ايمي بفزع_ يخربيتك
رحيم وهو بيدور حوليها _ جتيلي بقا
ايمي_ اقعد خايلتيني
رحيم يوقف قدامها وينزل لمستواها ويسند ايديه علي ركبتيه هو واقف _ لو تفتكري ف انتي غلطتي فيه كتير الليله دي
ايمي_ ما انت اللي.مصحيني من النوم عشان تقل ادبك
رحيم_ دا غير انك قفلتي في وشي لو تفتكري
ايمي_ ماهو انت اللي اتسهوكت
رحيم_ وقفلتي عليه الباب لو تفتكري
ايمي_ ما انا خوفت لا تهرب
رحيم_ وخطفتيني لو تفتكري
ايمي بلخبطه_ ايه كمية لو تفتكري دي في ايه
رحيم_ سيبك من ده كلو انا مسامح بس انتي سرقتي مني حآجه مهمه جدا لو تفتكري
ايمي بارتباك_ وربنا ما سرقت حآجه
رحيم_ لا سرقتي
ايمي_ سرقت ايه
رحيم يمسك ايدها ويبصلها بحده ويحط ايدها على قلبه _ سرقتي قلبي
ايمي تشد ايدها_ انت انت مش.متربي. يلا هنمشي
رحيم بإبتسامه_ ببساطة كده
ايمي_ امال ايه
رحيم_ اختاري عقاب من تلاته
ايمي بتركيز_ اللي هما
رحيم وهو بيعد على صوابعه ومغمض عينيه وبيتكلم بأسلوب افلام الابيض واسود _ زي ما خدتي قلبي تديني قلبك… او تقعدي معايا ساعتين كمان… او تخلصيني من عذابي وتقتليني عشان انا مش هقدر اعيش وانا متعذب في حبك كده وفجاه يلاقي شنطتها خبطه في وشه وطلعت تجري
رحيم يفرك في وشه بوجع _ ردي قلبي يا جزمه مش هسيبك ويطلع يجري وراها لغيت ما بيلحقها في الشارع
رحيم_ وقفي عندك الناس تقول ايه
ايمي بلخبطه_ انت انتااا استغلالي ومش كويس
رحيم بإبتسامه_ وانتي لسانك وأيدك سابقين مخك
ايمي بقرف_ طيب امشي قدامي اهلك زمانهم هيتجننو عليك
بيمشو قبال بعض ويتكلمو
رحيم_ ع فكره انا اول واحد يكون مبسوط هو ومخطوف
ايمي_ ما خلاص ياعم العندليب في يومك اللي مش بينلو ملامح ده
رحيم_ ههههه اين قلبي طيب
ايمي بضحك_ انت غاوي افلام ابيض واسود
رحيم_ اوووي وحافظ كام كلمه هموت واطبقهم
ايمي_ سهوكه طبعا
رحيم_ اسمها رومانسيه مش سهوكه
ايمي_ طيب بلاش احنا ماشين بالعلاج والمراره واحده
رحيم بإبتسامه_ بالمناسبة هو انتي ايه حكايتك ليه اغمي عليكي امبارح
ايمي بزهق _ عندي انيميا وفقر دم وضعف وبيكتريا ودايما بدوخ والدنيا تقلب اسود واقع وقرف بعيد عنك
رحيم_ علشان كده سوفيفه
ايمي_ اه اصلي كده من وانا صغيره
رحيم بإبتسامه_ بس بجد يعنى شكلك زي الاطفال ودي ميزة التعب اللي عندك
ايمي بخجل_ اه بيقولولي
بقينا نتكلم مسافه كبيره وقريب ما هنوصل سبته ومشيت وهو.كمل للبيت. بصراحه قلقت ومكنتش عارفه هو هيقولهم ايه ويبرر غيابه ازاي..
#جميله
بعد ما اتأخر بزياده بابا قرر انه هيبلغ وقبل ما يطلع، الباب خبط وبابا بيروح يفتح ويطلع هو
انور يحضنه بقلق_ كنت فين
رحيم_ وحشتني يا بابا
صبا تشده من انور وتاخده في حضنها ودموعها تنزل على خدها _ اخص عليك كده تقلقني عليك يا رحيم
رحيم بأسف_ سامحوني غصب عني
انور_ كنت فين
رحيم بلخبطه_ كنت عند قبر ماما روحت اقرالها الفاتحه وزي مانتو عارفين بكون عامل ازاي لما اروح
صبا_ بقا كده طيب مقولتش ليه كنا روحنا معاك وحد كان جمبك في اللحظة دي
رحيم_ محبتش ابوظ فرحتكم بخطوبة مريم
مريم بقرف_ هه خطوبه ما خلاص بقا وقفناها علشانك واديك راجع سليم
انور بحده _ ادخلي اوضتك
مريم بقرف _ حمدالله علي السلامه . وبتمشي
رحيم شافني واقفه وببص عليه بفرحه ف جه وحضني بحب
رحيم _ عامله ايه يا ملاك
رديت عليه بإبتسامة عشان مكنش معايا الوحه
رحيم _ انا اسف يا جماعه مكنتش عارف ان ممكن تلغو الخطوبه علشاني
انور_ زعلان منك اوي. ازاي تغيب يومين ومتقولش انت فين وكمان قافل تليفونك
رحيم _ انا اسف لما روحت هناك مقدرتش اتحكم في نفسي
صبا _ ولا يهمك ياحبيبي المهم انك بخير
رحيم _ ربنا يخليكي ليا يا ماما
شديته من ايده وخدته جوه ومسكت الوحه وكتبتله
جميله _ انت مكنتش في المقابر
رحيم _ مين قالك
جميله _ انا عرفاك. قول كنت فين
رحيم بإبتسامه _ كنت مخطوف
جميله بقلق _ بتهزر صح
رحيم _ والله زي ما بقولك كنت مخطوف
جميله _ وبعدين فلت منهم ازاي
رحيم بإبتسامه _ هما اللي سابوني
جميله _ طيب وخطفوك ليه
رحيم _ علشان نوقف الخطوبه ياستي كله يهون فداكي انتي وسي علي
جميله _ مين اللي عمل كده وازاي تتصرفو من دماغكم انا مش قولتلك اني. مش عاوزاه
رحيم _ جميله انا عارف انك عاوزاه
جميله بدموع _ انتو بتستهبلو والله . يعني مش عارفين صعوبة الموضوع
رحيم _ لو على مريم فاهي تقدر تلاقي غيره بس انتي لأ
جميله بحزن _ ليه انا لأ . عشان خرسه يعنى
رحيم _ لأ مش قصدي كده أبداً. انتي مش بتخرجي زيها ومش هتحبي حد تاني ده قصدي
جميله _ لا يا رحيم انا مش عاوزاه ، لا انا ولا. مريم. لازم يمشي
رحيم _ ليه
جميله بدموع _ مريم واخده الموضوع تحدي واتاريها عرفت ف عملت كده علشان تضايقني.. وانا مش هتضايق لو اتجوزته بس هو ميستاهلش
رحيم_ يعني هي ورطته في الخطوبه لمجرد انها تضايقك. طيب قبلت علي نفسها ازاي وهو مش عاوزها
جميله_ معرفش اهو اللى حصل.. انا هقول لبابا على الموضوع خليه يقول يمشي احسن
رحيم_ مينفعش هيزعلو منك
جميله_ يزعلو منى احسن ما تجوزه عِند
رحيم_ براحتك. بس انا من راي انك تستني يكون ارتاحو من خضتهم عليه
جميله_ ماشي خليني لبكره حتي
رحيم يقبلها فوق جبينها _ ان شاءلله هيكون من نصيبك بردو
جميله تشرد ومتردش عليه
انا مبفكرش اني اخده كده كده بقا مستحيل نكون لبعض ولو حصل هيكون في عداوه معاها طول عمرى، وانا مش عاوزة كده. يمكن لو هي نيتها صافية ومتمسكه بيه عشان عاوزاه وبتحبه مكنتش حاولت ادخل بس هي لا بتحبه ولا عاوزاه كل الحكاية انها عاوزة تضايقني. وهو مش ذنبه حآجه يستحمل علشان يكون معايا. اروح في داهيه انا مش مهم. اللى زي مينفعش معاهم الارتباط ولا الجواز… ملاك بقا. ارتبط في الجنه
#عاصم
لقيت زين جايلي وهو مضروب و وشه الوان وبيبكي
عاصم بصدمه_ زين ابني. مين عمل فيك.كده
زين ببكاء_ سيف يا بابا. عاوز ينتقم منك فيه انا ولو مهربتش كان موتني
عاصم بغضب _ سيف عمل فيك كده
زين ببكاء _ ايوه
عاصم بغضب _ هجبلك حقك من عينه بس الصبر . تعاله معايا
زين _ انا عاوز حقي يا بابا لازم تندمه وتعرفه هو. عمل كده في ابن مين
عاصم _ هنعمل كده تعاله معايا بس
خدته ورحنا في الاوضه اللي فيها مسك وفتحت الباب لقيتها قاعده ومسهمه
زين يبصلها بكره _ هي دي اللي عذبني علشانها انا هقتلها بأيدي خليني اندمه عليها
عاصم _ ولا تزعل نفسك كله هيخلص
زين _ قال بيقولو انها اختي تصور.
عاصم _ اه قالولي بس ده مستحيل
زين_ طيب ما تيجي نروح نعملها تحليل مستني ايه لا يمكن دي تكون اختي
عاصم _ ههههههههههههههه
زين باستغراب_ بتضحك ليه
عاصم يلعب في صوابعه ويوريلوه الالوان _ اه يا خايب مين اللي عملك المكياج ده
زين بلخبطه _ مكياج اي
عاصم ببرود _ انت فاكرني ممكن اصدق ان سيف يعمل فيك كده . طول عمرك فاشل. طلع الموبايل
زين بلخبطه _ مش معايا موبايل
عاصم بحده _ هطلع ولا انده سلفستر يطلعه بمعرفته
زين يطلع الموبايل ويدهولو
عاصم يطبط على خده ببرود_ هه فاااشل… وبيطلع ويقفل الباب
#زين
اتفقت مع سيف اني اروح هناك وامثل عليه علشان اعرف مسك فين بظبط وفعلا عرفت طريقها بس هو طلع فالح وكشفني وخد الموبايل لكن ميعرفش اننا عملنا حسابنا وكان معايا موبايل تانى مخبيه.
حبسني معاها في الاوضه
وكانت قاعده ومتكتفه و مسهمه ومفيش تعبير علي وشها قربت منها وفكيت الحبل
لتقع على الأرض
زين بقلق _ مسك .. مسك انتي كويسه ..
بقيت اكلمها وهي مفتحه ومبتردش واكنها متخدره بعدت شويه علشان محدش يسمعني وكلمت سيف
زين _ ايوه ياسيف
سيف_ ها عملت ايه
زين بقلق _ وصلت وهو كشفني وحبسني معاها بس هي تعبانه اوي ومش بتتكلم
سيف _ اديهاني
زين _ بقولك مش بتتكلم وتايهه خالص مش هتقدر تكلمك
سيف _ حط التليفون علي ودنها بس
رجعتلها تاني وحطيت التليفون على ودنها
سيف _ مسك… وحشتيني.. متخافيش هخرجك من عندك .. مسك انتي سمعاني ردي عليه انا سيف
مسك بدموع وتعب_ سيف اخويا
سيف بفرحه _ مش اخوكي عمرنا ما كنا اخوات. انا جايلك يا مسك
مسك بدموع _ متجيش سيبوني لنصيبي
سيف _ مش هسيبك انا نصيبك يامسك
مسك تشيل التليفون من علي ودنها وتضم نفسها وتشرد بتوهان
زين بدموع _ اتصرف ياسيف لازم تخرجنا من هنا هي تعبانه اوي
سيف بقلق _ خليني اكلمها
زين _ مش وقته خلينا نطلع الأول
سيف _ طيب خلي بالك منها يكون لقيت طريقة ادخل بيها في حرس كتير هنا
زين _ طيب متتأخرش علينا
سيف _ طيب طيب .. اقولك
زين _ ايه
سيف _ صورها وابعتلي صورتها
زين _ ودا وقته يا سيف
سيف _ اسمع الكلام
زين بزهق _ حاضر
صورتها وبعتله صورتها وهي تعبانه وضامه نفسها ونايمه علي الارض وباصه للاشئ ودموعها علي خدها
#سيف
وصلتني الصوره وكان شكلها تعبانه جداً زي الورده الدبلانه ودا زاد رغبتي في الانتقام من عاصم وبقيت الف حولين نفسي زي المجانين وعاوز اكسر اي حد الاقيه في وشي ، مسكت المسدس وكنت هدخل واللي يحصل يحصل بس كردي وقفني
كردي_ لا يا باشا مش هينفع دلوقتي مش شايف الحرس قد ايه
سيف بغضب _ سيبني هروح اموتهم واحد واحد
سرور_ يا عمنا مش هنقدر عليهم استني يكون لقينا فرصه
كردي _ زي ما قال سرور احنا لو دخلنا دلوقتي هنموت واخواتك كمان هيموتو معانا
سيف بقهر _ طيب طيب خلاص خليكم هنا انا هروح مشوار ولو حآجه حصلت كلموني مفهوم
سبتهم ومشيت وانا مش عارف ممكن اعمل ايه.. روحت البيت اسأل بابا يمكن يلاقي حل ولما وصلت لقيت خالد هناك
سيف بغيظ _ ده بيعمل ايه هنا
خالد يوقف قباله وبتعند _ خطيبتي فين
سيف _ مش خطيبتك معندناش بنات لجواز
خالد بحده _ مش هسمع منك كلمه لغيت ما ترجع وهي تقول بنفسها
سيف بغضب _ وانا اللي بقول مش هي اطلع برااا
مراد _ سيف اسكوت. خالد هيتصرف ويرجعها
سيف بغضب _ وهيرجعها ازاي ان شاءلله ، وانت ازاي تقوله انا مش قولتلك اني هتصرف
مراد _ انت مش هتعرف تتصرف مصر غير امريكا
خالد بحده _ زي ما قالك عمي هنا مش كل حآجه بتتحل بالمسدس. خليك على جمب
سيف بغيظ _ كلمه تانيه وهضربك بالرصاص
خالد يفتحله درعاته _ انا قدامك
سيف يصوب المسدس عليه وقبل ما يضرب رودينا بتذق ايده بعيد
رودينا _ سيف ايه اللي بتعمله ده . مش لما نطمن علي مسك الاول ابقا اتخانق
سيف _ انا مش بتخانق انا هقتله لو مبعدش عننا
مراد _ يابني خالد ليه معارف كتير هنا وهيقدر يجيبها بسهوله
تليفون خالد يرن
خالد _ ايوه سيادة الواء… ايوه يافندم عارفين فين مكانها بظبط
سيف بغيظ _ وانت عرفت مكانها منين
خالد _ ماشي يافندم هجيلك حالا مع السلامه
سيف _ بصلي هنا وقولي عرفت هي فين ازاي
خالد _ هنا ملعبي انا وبعرف كل حآجه بسهوله انت تلعب هناك في امريكا . انا رايح اجيبها وجاي ياعمي
سيف _ انا جاي معاك
خالد _ تعاله بس ياريت تسيب المسدس ده علشان متتحبسش معاهم
سيف بغضب _ هستحملك بس يكون رجعت
خالد _ يكون اتجوزتها كمان
سيف يبص لمراد _ بيقول ايه ده
مراد بزهق _ خلينا نطمن عليها وبعدين نتكلم
سيف _ قدااامي اما نشوف اخرتها….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أحببت مجنونة 4 (أحببت أخي))
