رواية أحببت مجنونة 4 (أحببت أخي) الفصل الرابع والعشرون 24 بقلم نجمة براقة

رواية أحببت مجنونة 4 (أحببت أخي) الجزء الرابع والعشرون

رواية أحببت مجنونة 4 (أحببت أخي) البارت الرابع والعشرون

رواية أحببت مجنونة 4 (أحببت أخي) الحلقة الرابعة والعشرون

#سيف
محبتش امشي قبل ما اطمن انها اتجوزت وعلي امل ان بابا يحن عليه ويقولها. ف خدت زين وروحنا اوتيل وغيرنا الخطوط واكتفيت بمراقبتهم من بعيد بمساعدة كردي وسرور.. بس مخلصتش من أسئلة زين عن السبب اللي خلاني ازعل مع بابا وامشي . مرضتش اقوله قبل ما اعرف ايه اللي هيحصل. مش عاوز اقول ان مسك اختك ف يتهور ويقولها او يقول لمياده ماهي صحبته
زين _ انت مش قولت هنسافر امريكا ليه جايبنا هنا
سيف _ هنمشي بس بعد كام يوم
زين _ عاوز تطمن علي مسك
سيف _ لا انا مليش دعوه بيهم تاني
زين _ انا عارف انك ماشي غصب عنك.. ايه اللي حصل يخليك تسيب باباك بعد ما لقيته
سيف _ مفيش يا زين متشغلش بالك انت
زين _ مشغلش بالي ازاي ما انا معاك
سيف_ او مش عاوز تكمل معايا براحتك.
زين _ مقدرش اسيبك بس مسك ومياده وعبقرينو هيوحشوني
سيف _ معلش كلها كام يوم وهنقرر نعمل ايه
#مسك
صحيت بعد ساعات وفضلت نايمه مكاني وحاضنه المخده ومش قادره امنع دموعي انها تنزل ولا اشيل اللي حصل من تفكيري. كله اتجمع في دماغي من وقت ما قابلته لغيت اللي عمله .. مش قادره اتصور انه يعمل. كده بعد ما عرف اننا اخوات. طيب ماقرفش من نفسه. محسش ان كده غلط … بقيت خايفه اطلع علشان مشفهوش.. لغيت ما دخل عليه بابا وهو زعلان وقعد جمبي وانا قومت واترميت في حضنه وبقيت أبكى من غير صوت
مراد يربت علي كتفها _ متزعليش يابنتي. دموعك غاليه ميستهلش تنزل علشان واحد نجس زيه
مسك _ الظاهر انك عرفت اللي حصل
مراد _ عرفت كل حآجه وياريته كان كدب عليه
مسك ببكاء _ انا اسفه يا بابا. مكنتش اعرف انه اخويا. بس انا مش. مستوعبه انه يعمل كده معايا بعد. ما عرف
مراد _ غلطان وانتي كمان غلطانه انا وصيتك قبل ما تروحي امريكا وفهمتك ان الحريه اللي ادتهالك مينفعش تستغليها غلط. وانتي روحتي تحبي وتتحبي. شوفتي لما مسمعتيش كلامي حصل ايه
مسك ببكاء _ انا اسفه سامحني
مراد_ مش زعلان منك . بس انتي لازم تنسي وتخرجي اي حآجه من دماغك متفكريش غير في. جوازك. من خالد
مسك ببكاء _ انسا ازاي وهو قاعد معايا في نفس البيت
مراد بحزن _ طردته ورجع امريكا
مسك تبعد عنه وتبصله بذهول _ بتتكلم جد.. طيب ليه
مراد بقهر_ علشان مبقاش ابني دا ابن حمزه انا معرفهوش
مسك بذهول _ ده سفيان اللي فضلت مستنيه طول عمرك قدرت تطرده.. بتقوم فجاه _ انا هلحقه
مراد بحده _ اقعدي مش هتلحقيه
مسك بترجي_ علشان خاطري خليني الحقه مش هينفع يمشي بعد ما لقيناه
مراد _ وينفع يعمل اللي عمله معاكي
مسك _ انا هتجوز بعد كام يوم ومش هقابله تانى .. علشان خاطري خليني الحقه قبل
مراد _ قولت لأ
مسك ببكاء _ دا ميجيش عياطك عليه كل ليلة قدرت تخليه يمشي بيساطه كده
مراد بقهر _ هو راجل وقدر يعيش لوحده وانا مش مستعد اخسرك علشان تهوره حتى لو هعيش طول عمري ابكي عليه
مسك ببكاء _ هو مغلطش لوحده . المشكله انه مقدرش ينسا بس ده ميوصلش انك تخليه يسافر تاني . انت متعرفش كام مره اتعرض للقتل في شهر واحد
مراد ببكاء _ اسكوتي
مسك بترجي_ علشان خاطري يا بابا… يعني هيهون عليك تشوفه ميت
مراد ببكاء _ لأ مش هبهون بس مش هينفع يرجع تاني علي الاقل لغيت ما تجوزي
مسك _ وهتجيبه منين بعد ما يمشي.. وافق الله يخليك وخليه يقعد بيت جدو هشام وهو بيت مامته وهيكون بعيد عني
مراد ببكاء _ خلاص روحي بس يارب تلحقيه
مجرد ما قالي روحي. طلعت بسرعه ركبت العربيه وروحت علي المطار وانا بدعي ربنا ميكونش لحق يسافر او ملقاش طياره … وبعد وقت وصلت وبقيت ادور عليه هنا وهناك ملقتهوش ف سألت الموظف اذا في رحلات طالعه امريكا ولا لأ. قالي لسه طالعه من نص ساعه.. سبته وطلعت وانا مقهوره. معقول بعد ما لقيناه يمشي تانى . وهيحصله ايه هناك… مهما كان غلطو كان في مليون حل غير انه يخليه يمشي
روحت البيت وبابا اول ماشافني بصلي باهتمام ولهفه
مراد _ لحقتيه
مسك بدموع _ لأ. الطيار طارت قبل ما اوصل
مراد قواه تخونه ويترمي علي الكنبة وبدموع _ مش مكتوبلنا نعيش مع بعض.. الظاهر اني هموت وهو بعيد عني . ياريتك كنت فكرت فيه يا سفيان
مسك ببكاء _ هرجعهولك تانى
مراد بقهر _ انتي متعمليش حآجه تاني .. انتي تجوزي وبس كفاية اللي حصل لحد دلوقتي
مسك ببكاء _ خلاص انا مش هتجوز . مش هسيبك لوحدك
مراد بانفعال_ اه كمليها ماهي ناقصه. انتي هتجوزي في معادك مش عاوز اسمع كلام تاني وسفيان تنسوه كانه مجاش.. وبيسند علي العكاز ويدخل جوه
. مسك ببكاء _ اعمل ايه بس ياربي اعمل ايه.. تعبت علشان اوصله ورايح يمشي تانى عادى كده .
#سيف
كردي اتصل بيه وبلغني ان مسك راحت المطار . عرفت انها راحت علشاني. بس ازاي قدرت تروح تدور عليه تاني بعد اللي. حصل.. انا فكرت ان عمرها ما هتفتكرني تانى طالما شايفه اني اخوها وعملت كدة معاها…. اتمنا بابا يقولها الحقيقة قبل الفرح علشان اقدر اقابلها تانى ومتبقاش عايشه طول عمرها وشايف ان اخوها غلط معاها
#رحيم
روحت البيت ودخلت عند جميله وبصتلها بعتاب
رحيم _ هتفهميني معانا اللي عملتيه ولا هتخبي عليه تاني
جميله تمسك الوحه بلخبطه _ مش فاهمه
رحيم _ لا فاهمه . ازاي دا يحصل ومتقوليليش احنا مش صحاب وبنتكلم في كل حآجه
جميله ببكاء _ خوفت اتفهم غلط
رحيم _ وكده فهمناكي صح يعني . انتي كلمتي واحد من ورانا ودلوقتي هو خطيب اختك ومكتفتيش لا دا انتي وهو علي علاقه ببعض وبتخوني اختك. بقا كده يا جميله
جميله ببكاء _ مش بظبط . انت مفهمتش الموضوع كويس
رحيم _ فهمت وبردو مش. مديلك عزر… انتي تعملي كده يا جميله
جميله ببكاء _ مكنش قصدي . هي جت كده صدقني
رحيم بتنهيده _ بتعيطي ليه هيفيد بأيه عياطك دلوقتي . احنا في مشكله بسببك
جميله _ مشكله ايه
رحيم _ لازم مريم تسيب علي مينفعش يتجوزو
جميله _ ليه مينفعش
رحيم _ عشانك وهو. كمان. مش عاوزها
جميله _ انا برا الموضوع متسبهوش علشاني بعيد عني ويعملو اللي عاوزينه
رحيم _ عاوزة تفهميني انك. مش عاوزاه
جميله بدموع _ لأ مش عاوزاه حتى لو مريم سابته
رحيم _ مش باين
جميله _ مش عاوزاه يا رحيم. علشان خاطري خليه يكمل معاها ويسيبه منى
رحيم _ هجبره عليها يعني ما كفاية هي ورطته في الخطوبه
جميله _ هي دي فيها ورطه بردو هو عمل كده بمزاجه..
رحيم _ طيب وبعدين ايه الحل
جميله_ معرفش
رحيم _ صرحيني ومتخافيش من حآجه.. انتي عاوزاه
جميله بدموع_ لأ.. اصلا انا منفعش مع حد لا هو ولا غيره
رحيم_ محدش غيرك ينفع انتي مفيش زيك. لكن المشكله دلوقتي ان دا خطيب اختك مش عارف ازاي ممكن نخليه يسيبها علشانك
جميله _ انا مش عاوزاه . هو مش اكتر من صديق عرفته من الانترنت
رحيم_ امال بيقولو انك بتحبيه علي اي اساس
جميله_ معرفش انا مقولتلهوش كده. دي مشكلته لوحده محدش قالو يفكر فيه
رحيم_ طيب كنتي زعلانه ليه من امبارح
جميله تسكت ومتردش
رحيم بإبتسامة_ ماشي يا جميلة.. طالما انتي مش عاوزاه مبروك علي مريم
جميله _ مبروك
فهمت انها بتحبه بس بتعمل كده علشان مريم.. بقيت مش عارف اعمل اني مصدقها ونكمل الخطوبه ولا افكر في حل.. بس اي حل ينفع في الحاله دي انا لو عملت حآجه ونجحت مثلا هكون ربيت عداوه بين مريم وجميله وهطلع انا الوحش ابن مرات الاب
اخر ما زهقت من التفكير. كلمت ايمي يمكن تساعدني الاقي الحل
رحيم_ اسمعي يابتاعه انتي انا مخي عجز عن التفكير
ايمي_قال جبتك ياعبد المعين تعيني انا اللي غلطانه علشان لجأتلك
رحيم_ غلطانه واوي كمان.. كل اللي خدته منك هي الحيرة وبس
ايمي_ طيب بطل لت وعجن وقولي هنعمل ايه
رحيم_ مخ اللي في راسك ولا دومه بقولك مخي عجز عن التفكير
ايمي_ يييييه، فكر تانى متبقاش غبي
رحيم_ احسن حل ان هو يقول مش عاوز مريم ونخلص
ايمي_ طيب ما كده هتزعلو ومستحيل حد يوافق علي جوازه من جميله
رحيم_ هي قالت انها مش عاوزاه
ايمي_ هي مين
رحيم_ جميله
ايمي _ يخربيتك انت قولتلها اني قولتلك
رحيم_ لا بس قولتلها علي اللي اتقال
ايمي_ لا فااالح الله يخربيتك اللي يقولك حآجه. دلوقتي هتزعل مني
رحيم_ عاوزاني اعمل ايه يعني بعد اللي سمعته
ايمي_ مالقتش حل تانى غير انك تحرجني معاها يعني دا انتي غبي
رحيم _ بت انتي انا مش ناقصك مش من حقك تغلطي فيه
ايمي_ اغلط بس دا انا المفروض اموتك ياغبي
رحيم بانفعال_ عارفه ما امسكك دلوقتي لا ادوس علي رقبتك برجلي ما تتلمي
ايمي_ طيب راجل اعملها. انا هستناك عند **** تعاله لو راجل
رحيم بغيظ_ فكراني مش هاجي. انا جاي لو جدعه استني
قفلت معاها وانا ناوي اروح اساوي وشها بالاسفلت
وصلت عند المكان اللي قالتلي عليه وكان مكان مقطوع بقيت ابص حوليه ومش شايف حد لغيت ما حد خبطتني فوق راسي ومحستش بنفسي بعدها
#ايمي
انا وبكلمه جاتني فكرة اوقف بيها الخطوبه دي. وهي اني اخطفه وهما مستحيل يحتفلو وابنهم مختفي..
ضربته وخدته بمساعدة صحبتي في بيت جدي سليم الله يرحمه وانا عارفه ان مفيش حد بيروح هناك غير مره في الصيف عشان البيت بيطول علي البحر.
وصلنا هناك وربطته في السرير وبعد شويه فاق وبقا يبص حوليه باستغراب لغيت ما شافني
رحيم بانفعال_ ايه اللي انتي عملتيه ده فوكيني احسنلك
ايمي_ بقولك ايه انا حيلي اتهد وانا شيلاك مضيعليش تعبي
رحيم بغضب_ وانتي شيلتيني ازاي وبتعملي كده ليه
ايمي_ بخطفك ايه عمرك ما سمعت ان حد اتخطف قبل كده
رحيم_ وخطفاني ليه يعنى..فوكي الزفت ده لا اقوملك
ايمي ببرود_ بس ياحبيبي الحبل مش هيتفك قبل يوم الاحد
رحيم بنفاذ صبر_ فوووكيني يا ايمي بدال ما صوتي يعلي والناس تتلم
ايمي_ ههههه هتبقا عيبه في حقك يقولو عليك ايه لما الشبر ونص تخطفك. فاكر الشبر ونص يا متر و80
رحيم _ اوووف. طيب وبعدين انتي عاوزة ايه من الاخر
ايمي_ عاوزة الخطوبه تتلغي. اكيد اهلك مش هيعملو خطوبه ويفرحو وانت مختفي من قبلها بيوم ولا ايه
رحيم_ طيب وبعد كده هنقولهم كنت فين يا ناصحه
ايمي_ اممم تصدق مفكرتش فيها. ابقا شوفلها حل انت
رحيم _ طيب فوكيني وانا مش همشي ونكمل الخطه عادي
ايمي_ يا ولاااا عبيطه انا علشان اصدقك
رحيم_ وانا هكدب ليه
ايمي_ اهو كده انا مش واثقه فيك وخلاص. ويلا خليني اساعدك تطفح عشان مش هتاكول تاني النهارده
رحيم_ كمان.. لا مش عاوز شكرا
ايمي_ متحملنيش ذنبك انا هسيبك وحدك طول الليل واكيد هتجوع
رحيم محدث نفسه_ ماشي ياشبر ونص اما قعدتك.مكاني هنا مبقاش انا رحيم
ايمي تجيب الاكل وتقعد جمبه وتغرف الرز بالمعلقه _ هم يا جمل. الطيارة دي رايحه فين
رحيم ياكول وهو بيفكر يخليها تفكه ازاي
ايمي_ بص متفكرش ملهاش حل انت هتفضل كده ليوم الاحد وانا هروح واجيلك الصبح.. يلا هممم
رحيم _ خليكي فاكره اللي بيحصل دلوقتي كويس علشان مش هعدهالك
ايمي بضحك_ وانت متبقاش تستهون بالقصيرين تانى
بقا ياكول وهو باصصلي بقرف ونفسه يموتني وانا عامله زي اللي بتاكل ابنها العنيد. وبعد ما خلص اكل شربته وضحكت عليه شويه ودا زاد غيظه مني وبعدين سيبته ياكول في نفسه ومشيت
#جميله
رحيم خرج من قبل مغرب اليوم اللي فات ومرجعش وبقينا نتصل عليه تليفونه مغلق البيت كله قلقان ومش عارفين نوصله ازاي ومريم الوحيد اللي قلقانه هنعمل الخطوبه ولا لأ
عدا الوقت والضهر اذن ومفيش اخبار عنه. لغيت ما عمي ياسين اتصل يطمن اذا رجع ولا لأ وهنعمل ايه في الخطوبه
انور _ مفيش اي حآجه هتحصل غير لو رحيم رجع
ياسين _ ماشي براحتها المهم نطمن عليه
مريم _ يعني ايه . هنوقف خطوبتي عشان رحيم صاييع مع صحابه
صبا بحده _اخوكي مش بيصيع مع حد وعمره ما بات برا البيت خلي عندك شوية احساس
مريم _ وانتو فين احساسكم لما تكسرو فرحتي
صبا _ ولا حرف وامشي ادخلي اوضتك مشوفش وشك قبل ما اخوكي يرجع
بتبصلها بغيظ وتمشي وتقابل جميله في وشها ف تشدها للاوضه وتذقها قدامها_ فرحانه طبعا . بس الخطوبه هتم وهتجوزه
جميله بالكتابة _ وافرح ليه انا مالي بيكي اصلا
مريم _ اسألي لوسيفر وهو يقولك
جميله بصدمه _ انا مش فاهمه حآجه
مريم _ استعبطي. صحيح تحت السواهي دواهي.. انا مش هفضحك قدامهم عشان اكيد هيرفضو «علي» بس اوعدك هتجوزه واخليكي تشوفينا مع بعض وتتحشي من جوه
جميله بدموع _ انا عرفت علي من قبلك
مريم _ بس هو كان يقصدني انا انتي اللي بقيتي تدحلبي لغيت ما شغلتيه بيكي بسهتنتك ومكرك
جميله بدموع _ انتي شيفاني كده
مريم _ ايوه .. محدش يعرفك زي. طول عمرك جميله الملاك الطيبه وانا الشريرة و واقفين ضدي انتي ورحيم اللي موروطين بيه من صغره
جميله _ انتي ازاي كده . هو احنا مش اخواتك. جايبه الحقد ده منين
مريم _ الحقوده اللي توقع خطيب أختها وعاوزه تاخده مش انا
جميله _ لا انا ولا انتي . لو مش هيكون ليه مش هيكون لوحده سوده زيك
مريم _ هتعملي ايه
جميله _ هطلع اقولهم اللي حصل وبابا لما يعرف هيرفضه. يبقا لا انا ولا انتي وابقي دوري علي حد شبهك. من الاول مش واحد يغير نفسه عشان يعجبك
مريم _ لو واقفتي الجوازة بأي شكل.. هقتلك يا جميلة
جميلة _ تعمليها يا مريم؟
مريم _ جربي وهتشوفي
بتمشي وانا بفضل افكر اعمل ايه .. كلامي معاها كان مجرد تهديد عشان تهدا وتبطل الحقد اللي جواها. بس بعد ما هددتني بالقتل اصريت اني هفشكل الجوازة . مش علشان اتجوزه لازم. عشان هي متستاهلش واحد زي علي..
بس مرضتش اعمل حآجه قبل ما اطمن علي رحيم ويرجع البيت وبعدين احكي لبابا اللي حصل ويعمل اللي يعملو معايا عادي. متفرقش
#مسك
خالد. جه تاني يوم عشان يعرف اذا هنكمل ولا سيف قدر يقنعنا نسيبه
انا كنت هقوله خلاص مش هتجوزك. عشان السبب اللي خلاني اوفق مبقاش موجود وقبل ما اتكلم بابا رد عليه
مراد _ الفرح في معاده
مسك _ بابا
مراد بمقاطعه_ جهز كل حآجه
خالد _ لما اشوف رايي مسك الاول عاوزة تكمل ولا لأ
مراد _ وهي مسك ليها رايي بعد رايي
خالد _ ايه يامسك ما تتكلمي
مسك بقلة. حيله _ زي ماقال بابا… اذنكم اشوف ماما
سبتهم ودخلت اوضتي وبقيت اتصل برقم سيف القديم بيديني مغلق. جه علي بالي انه غيره . جربت اتصل على زين . نفس النتيجة . لغيت ما خلاص فقدت الامل اني اوصلهم تانى . سبت التليفون ونومت على السرير وبقيت أبكى لغيت ما دخلت عليه ماما وقعدت جمبي
رودينا_ بتبكي ليه
مسك _ موقفتهوش ليه يا ماما. يعني انا اسافر وكنت هدفع حياتي تمن لاني ارجعه وتخلوه يمشي بسهوله كده
رودينا _ وانتي كنتي عاوزانا نعمل ايه وهو تصرف معاكي بشكل ده
مسك بعصبيه _ في مليون حل غير انه يمشي . بزمتك لو امه كانت عايشه كانت سابته يمشي ويروح مكان كله قتل وجرايم. حتى بابا اللي هو ابوه قسي عليه ومحنش لحظه و وقفه
رودينا بدموع _ هو عمل كده علشانك مكنش عاوزك تتعبي
مسك بدموع _ مفيش مبرر للي عمله. بابا عمره ما كان قاسي. ليه هان عليه ابنه يسيبوه بعد ما اتعذب عشان يلاقيه
مراد بيدخل ويسمعها _ عشان كان عاوز يتجوزك.. دا سبب كفايه بنسبالك
مسك بذهول _ يتجوزني.. اكيد فهمت غلط . ايوه هو غلط بس مش لدرجة يعوز يتجوزني
مراد _ يعني انا بكدب عليكي
مسك بلخبطه _ مقصدش بس ازاي يعني اخويا يعوز يتجوزني..
رودينا _ في ايه يا مراد ايه اللي بتقوله ده
مراد _ عشان تفهم عملت كده ليه ومتتهمنيش بالقسوه تاني . انا ضحيت بأبني عشان احميها وهي بتقول اني قاسي
مسك ببكاء _ انا مبقتش فاهمه حآجه
رودينا تقوم وتاخد مراد بره الاوضه
رودينا _ ايه اللي انت قولته ده.
مراد _ مش شيفاها زعلانه عليه ازاي. حلو لو كان قالها الحقيقه
رودينا بنرفزه _ بعد اللى وصلنالوه ده احنا اللي لازم نقولها
مراد بحده _ يبقا اخر ما بيني وبينك
رودينا _ بتتكلم جد
مراد _ اه. مسك بنتي انا وانا اللي مربيها. والاب اللى بيربي مش اللي بيخلف. خلي سفيان مع ابوه هناك وانا سيبولي بنتي وبعد كده اعملو اللى عاوزينه
رودينا _ بس مسك مش بنتك عشان تقول كده
مراد _ قولتلك لو مسك عرفت حآجه هيكون اخر ما بينا. وانتي حره
رودينا بانفعال _ وهو كان في بينا حآجه عشان يكونلها اخر. تقدر تقولي انت مين بنسبالي.. كل اللي بيجمعنا حتة ورقه مركونه في الدولاب من 25 سنه
مراد _ انا قولتلك قبل كده اني مش عاوز اظلمك معايا وتقدري تسيبيني وتشوفي حد يحبك انتي موافقتيش
رودينا بدموع_ الظاهر اني كنت غلطانه فعلاً.. انا ماشيه وهاخد بنتي معايا
مسك من الخلف _ امال مين بابا
مراد بصدمه_ انتي هنا من امتي وازاي تتسنطي علينا
مسك برجفه _ مين ابويا
رودينا تروح عندها وتحاول تحضنها وهي تبعدها عندها وتبكي _ فهموني انا بنت مين.
مراد _ انتي فهمتي غلط ايه الهبل اللي بتقولي ده
مسك بانهيار_ مش هبل انا سمعتكم بودني. اتكلمو. ساكتين ليه
رودينا ببكاء _ اهدى عشان خاطري انتي فهمتي غلط
مسك بانهيار_ انا مش مجنونه عشان مفهمش معنا اللي سمعته. وسعي.
انت! قولي انا جيت هنا ازاي وازاي بقيت ابويا
مراد ببكاء_ انتي بنتي انا مش حد تاني
مسك ببكاء_ بتكدبو تانى. انا طول عمري مستغربه جبتوني ازاي وليه مخلفتوش غيري.. طيب فهميني ومش هزعل. انتي غلطتي مع حد وهو ستر عليكي ولا لقيتوني في الشارع
رودينا ببكاء _ لا ده ولا ده علشان خاطري اهدي وانا هفهمك
مراد بغضب_ تفهميها ايه. مسك بنتي واي كلام مش هيغير الحقيقه..تعالي ياحبيبتي. انا ابوكي
مسك بانهيار_ متقولش ابويا، انا سمعتكم. طلعتو بتكدبو عليه كل السنين دي
رودينا تحاول تحضنها وهي تذقها وتطلع جري برا البيت لشارع وفجاه بترتطم بسلفستر وتبصله بصدمه وقبل ما تجري بيمسكها وتصرخه صرخه واحده وبيحط منديل على فمها لتفقد الوعي.
بتطلع رودينا عشان تلحقها ف بتشوفه شايلها وبيدخلها العربيه. بتجري وراه لغيت ما بيبعد وبترجع تاني لمراد وهي مرعوبه وبتبكي
رودينا _ مسك اتخطفت يا مراااد. انت السبب.. هيحصلها زي ما حصلي بسببك ربنا ينتقم منك
مراد يترمي على الكرسي ويبكي بسبب احساسه بالعجز وقلت الحيله _ انت فين يا سفيان…