رواية أحببت مجرمة الفصل الثامن 8 بقلم جهاد محمد
رواية أحببت مجرمة الجزء الثامن
رواية أحببت مجرمة البارت الثامن
رواية أحببت مجرمة الحلقة الثامنة
وكان يا مكان يا سادة يا كرام ولا يحلى الكلام إلا بذكر النبي عليه أفضل الصلاة والسلام
محمود: وعد مهما كان دي مامتك إياكِ تعلي صوتك عليها
وعد بلا مبالاة وكملت أكلها
صفاء بحرج: أنا خارجه
وعد باستهزاء في نفسها كالعادة عند صحابها
ستوووب تعالوا اقولكم مين دول محمود الصياد سبق وعرفناه هو وامرأته
وعد الصياد: بنت عندها ٢٠ سنة عيونها بني زي القهوة بتحب أخوها مؤمن جدا في كلية حقوق شعرها لونه أسود
مؤمن هو اللي مربيها لأنه عارف ان مامته كل همها منظرها وبس

____________________________
نرجع وعد قامت وطلعت لأوضتها رنت على مؤمن وعند مؤمن كان قاعد في المحل وفجأة رن موبايله
مؤمن: هرد ع التليفون وجاي
مؤمن بعد ما بعد عن المحل : ايوة يا حبيبتي
وعد: عامل ايه يا أبيه وحشتني اوي
مؤمن بحب لأخته: وأنتِ كمان وحشتني
وعد: هو أنت مطول في المهمة ولا ايه
مؤمن: ليه بتسألي
وعد: لا عادي يا حبيبي أنت بس وحشتني
مؤمن: معرفش يا وعد
وعد قفلت مع مؤمن
ورجع المحل بس لقى ست واقفه هناك (دي نفس الست اللي ظهرت في أول الرواية مع رزان)
___________________________
رزان مسكت يدها ودخلتها المخزن بسرعة
رزان بغضب: أنتِ بتعملي ايه هنا
الست بحزن: أرجوكِ يا بنتي كفاية كده أنا مش هستحمل ان أخسرك
رزان وهي بتحاول انها تهدى: طيب أنتِ بتعملي ايه لو حد شافك مش هيبقى خير خالص
الست: إياد
رزان: إياد ؟ماله
الست: عايزة يمسك المهمة دي
رزان بصدمة: ايه…..
الست: هو مُصّر جدا على رأيه ومضايق منك جدا
رزان وهي بتقعد على الكرسي بصدمة: يارب بقى هو أنا كل ما أقرب لهدفي لازم تحصل حاجه
الست وهي بتحط يدها على كتف رزان بحنان: تعالي تعالي معايا يا رزان واحنا هنمشي من البلد دي خالص
رزان: أنتِ بتقولي ايه انا مستحيل بعد كل ده امشي لا
بصي روحي دلوقتي وأنا هتصرف مع إياد بس خدي بالك محدش يشوفك
الست بعد ما مشيت
___________________________
رزان وهي بتحط يدها على رأسها بتعب بعدها قامت أنا طالعة الشقة مسبتش ليهم فرصة انهم يتكلموا وسابت الشباب اللي مش فاهمين اي حاجه
___________________________
رزان وهي بتدخل اوضتها وبتقعد تمسك نفس الصورة وبتقول
رزان: أنا مش هسمح ان حاجه تبوظ كل اللي عملته طول السنين دي
ملك وهي بتكلمها: رزان أنا خايفه عليكِ امشي امشي يا رزان
رزان: تفتكري ان لازم اسيب كل اللي بنيته طول السنين دي لا مستحيل يا ملك وقامت تأخد شاور عشان تهدي
___________________________
ملك وهي بتبص بحزن على صاحبة عمرها أنا خايفة انك تندمي اوي يا رزان على اللي أنتِ بتعمله ده………
يا ترى مين الست دي وايه اللي تقصده ملك بأن خايفه ان رزان تندم على اللي بتعمله 🥰
أحببت مجرمة
رزان&مؤمن
___________________________
رزان خرجت من الحمام وفي الوقت ده كانت ملك خرجت قالت لمامتها تعمل كوباية عصير لرزان دخلت ملك لقيت رزان قاعدة بهدوء تام وماسكة نفس الصورة
ملك بتنهيدة:- رزان يا حبيبتي كفاية اللي أنتِ بتعملي في نفسك ده
رزان:-بعمل ايه يعني
ملك:- انسي انسي يا رزان
رزان:- هه انسي انسي ايه أنا مستحيل انسي
ملك اخدتها في حضنها
___________________________
دخلت مامت ملك بصت لهم بحب حطت كوبايات العصير وقعدت جنب رزان
زينب:- رزان يا بنتي يعلم ربنا محبتك في قلبي وإني بخاف عليكِ زي ملك بالظبط
رزان:- وانا كمان والله بأعتبرك زي أمي
___________________________
زينب:- يا بنتي أنت باللي بتعمليه ده بدمري حياتك بايدك انسي يا بنتي وارجعي لمامتك وأهلك وكفاية وجع وبُعد لحد كده
رزان:- صعب صعب اوي انسي
زينب:- يا بنتي انا نفسي اشوف رزان بتاعت زمان الفراشة اللي بتضحك وبضحك اللي حواليها
رزان:- أنا آسفة بس مش هقدر ارجعلكم البنت دي لأنها خلاص ماتت
رزان نزلت واتصلت على شخصرزان:-إياد لازم يشتغل بأي حاجه اليومين دول
الشخص:………..
رزان:- اعمل اللي تشوفه صح أهم حاجه يتشغل شوية عن الموضوع ده
رزان قفلت ولفت لقيت قدامها………
____________________________
وعند وعد كانت قاعده سرحانه بتفكر في حاجه و فاقت على رنت الموبايل بتاعها ولقيت المتصل يبقى حازم
وعد:- السلام عليكم
حازم:- وعليكم السلام عامله ايه يا وعد
وعد:- الحمدلله يا أستاذ حازم
حازم:- استاذ ايه بس انا مش كبير اوي انا عندي ٣٠ سنة بس
وعد بحرج:- تمام يا… يا حازم
حازم:- طيب بصي في قضية هنشتغل عليها مع شخص
وعد: تمام معنديش مشكلة
___________________________
حازم محامي شاطر باباه صاحب بابا وعد هي بتشتغل معاه يعني بتدخل المحكمة كمساعدة لأنها لسه ما تخرجتش هو متزوج وعنده بنت صغيرة وبيعتبر وعد أخته الصغيرة…..
____________________________
أحببت مجرمة
بقلمي/جهاد محمد
*<<أحببت مجرمة>>*
مؤمن&رزان
___________________________________
وعد جهزت وراحت لحازم في مكتبه عشان يشتغلوا على القضية
وعد بالتعب:- ايه القضية المعقدة دي متعرفش مين الظالم ومين المظلوم
حازم:- عندك حق بس اهو احنا هنروح المكان ونتأكد بنفسنا (القضية كانت عبارة عن شخص متهم بقتل أخوه واللي رافع القضية هو ابن أخوه، الأخوات كانت حصلت بينهم مشاكل قبل كده بسبب الورث وفي يوم الابن جاله اتصال بيقول ان جثة باباه مرمية على الطريق وهو راح واتأكد فعلا ان الجثة جثة باباه وأول شخص شك فيه هو عمه ورفع عليه قضية هما والمكان اللي بيتكلموا عنه هو مكان الجثة )
_________________________________
وعند رزان لفت وشه ولقيت قدامها مؤمن هي متنكرش انها اتصدمت وتوترت من وجوده ولكن قدرت تخفي ده بكل سهولة
مؤمن:- هو مين إياد ده
رزان:- نعم
مؤمن وهو بيحاول انه يهدى:- مين إياد ده
رزان:- وأنت مالك
مؤمن في الوقت ده مقدرش يمسك نفسه ومسكها من ايدها بغضب وهنا اتحولت عينه للون الأسود
مؤمن بغضب :- قلت مين إياد ده
رزان واللي أقسمت ان عينه قادرة إنها تحرق الكل:- وأنت عايز تعرف ليه
مؤمن:- رزان قالها وهو بيصرخ فيها قلت مين إياد ده
رزان بعد ما ايدها وجعتها جامد:- أخويا أخويا
مؤمن حس ولو بشوية هدوء بعد ما قالت كده…..
رزان واللي كادت ايدها إنها تتكسر في ايده:- سيب ايدي بقا
مؤمن ساب ايدها واللي بدأت تفركها بوجع كان لسه هيتكلم شاورت له بيدها بأنه يسكت و وصلت للمحل وهو وراها
ملك بشهقة :- هيهه اي ده ايدك مالها
رزان: أنا كويسة مفيش حاجه
مؤمن بعد ما شاف ايدها ازرقت :- لا مش كويسة دي زرقة تعالي هأوديكي المستشفى
رزان باستهزاء: هه البركة فيك
ملك وهي مش فاهمه حاجه: البركة فيه هو أنت اللي عملت فيها كده
ولكن محدش رد عليها
مؤمن:- تعالي ايدك مزرقة اوي
رزان بعند:- لا انا كويسة مش عايزة منك حاجه
مؤمن:- بطلي عناد زي الأطفال وتعالي اوديكِ المستشفى
رزان بغضب زي الأطفال:- أنا مش طفلة على فكرة
مؤمن وهو بيحاول يستفزها:- اومال اللي بتعملي ده ايه اه فهمت أنت اكيد بتخافي من المستشفيات
رزان:- بخاف ايه بخاف من المستشفيات طب بس يا بابا
مؤمن:- طب لو مش بتخافي تعالي اخدك للمستشفى
رزان:- أنت بتتحداني ماشي يلا عشان تعرف بس اني مش بخاف…………..
________________________________
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أحببت مجرمة)
