رواية أحببت قمر الصعيد الفصل الرابع عشر 14 بقلم غادة رضا
رواية أحببت قمر الصعيد الجزء الرابع عشر
رواية أحببت قمر الصعيد البارت الرابع عشر
رواية أحببت قمر الصعيد الحلقة الرابعة عشر
ملحوظة قبل البدأ (حلقة النهاردة فيها محن ورومانسية فهي خطر على السناجل 😂😂 زى ماهى كانت خطر علياوأنا بكتبها كدة🙂بس الحمدلله قدرت أكتبها ونفدت بأعجوبة😌😂❤)
اسر بعصبية : مش عيب واحده تقول لجوزها دكتور اسر…..
قمر بسخرية : جوزها قصدك طليقي…..
اسر : هو انتي ما تعرفيش اني رديتك من ساعه ماطلقتك ولا ايه يا حبيبتي…..
وبعدين مسك ايديها وماشي بها وهي بتحاول تبعد ايديها وفي نفس الوقت مش عايزه تعلي صوتها علشان ماتبوظش فرحة ريان…..
ريان لاحظ واتعصب ولسه قايم راح لؤي راحله وقال بصوت منخفض :سيبهم ما تخافش هو ردها يعني مراته هما محتاجين يتكلموا مع بعض شويه هما الاتنين متدمرين من الفراق….لازم يتعاتبوا….
ريان : بس مش ممكن ياذيها…
لؤي : مستحيل اسر بيحبها زي روحه…..
ريان : فعلا قمر متدمره ولازم يتعاتبوا
لؤي : يلا يا عريس افرح انت بقى…..
*على الجانب الآخر*
اسر خد قمر بالعافيه لحد ما وصلوا شقته ودخلها….
قمر : انت ازاي تتجرأ يا دكتور اسر….
اسر ساكت وباصص بس في عيون قمر….
نظرات عشق اشتياق وعتاب وحب بس اكيد مش كره….
قمر سكتت وفضلت هي كمان بصاله….ونبضها بدأ يعلااا
اسر بصوت مبحوح ومليان اشتياق: وحشتيني….
قمر دقات قلبها عليت جامد بس قالت :
لا يا قمر اجمدي كده ما بيثقش فيكي…..وردت بقوة وقالت :
وحشتك انت كذاب انت حتى ما بتثقش فيا وفوق كل ده بتخوني…..
اسر : انا بثق فيكي بس صدقيني الدم غلي في عروقي يوم ما شوفتك واقفه مع ريان….
مقدرتش امسك نفسي وكمان حتي انتي مرضتيش تسمعيني حتي انتي مبتثقيش فيا….
قمر بعصبية : اثق فيك اثق فيك ايه بعد الصور اللي انا شوفتها ده انت بتخوني و عايزني ارجعلك
لأ يا اسر فوق انت دلوقتي بتكلم قمر صاحبة شركه KM يعني مش قمر العبيطه اللي هتضحك عليها هو انت…….
اسر حط ايده على بوقها وماخليهاش تكمل كلامها….
اسر : اسمعيني وانا هقولك كل حاجه ارجوكي لاخر مره وحكالها حكاية الصور….
اسر : والله صدقيني انا عمري ما خونتك ولا هخونك…..
قمر بسخرية : وانت طالب مني بقى اني اصدق الكلام ده انا مش عبيطه يا اسر…..
اسر : قمر بصى فى عيونى يا قمر انا بكذب؟!…..قمر بصي….
ورفعلها وشها بايده لحد ما عيونهم التقت
قمر فضلت بصاله نظرات حب و اشتياق وعتاب وهو كذلك….
لحد ما فاقوا من شرودهم على صوت جرس الباب…
اسر راح يفتح لقى تارا….
اسر بعصبية :
انتي يا حيوانة ايه اللي جابك هنا…
امشي يلا غوري….
تارا دخلت برضه من غير كلام…. لقت قمر…..
اسر بعصبية : قولتلك امشي غوري من هنا يلا ….
تارا بهدوء : قمر… اسر…. ممكن تسمعوني….
اسر : مش عايز اسمع من خلقتك ولا كلمة…. يلا امشي من هنا يلا….
تارا بترجي : اسر ارجوك…. قمر من فضلك…. هتكلم معاكم بس 5 دقايق…. 5 دقايق بس…
اسر مسكها بعصبية وبيرميها برة…..
قمر : استني سيبها تتكلم….
اسر سابها….
تارا : شكرا انا كنت عايزة اقولكم انا واكملت بدموع
انا والدتي اتوفيت من أسبوع واتحرمت منها جايز ربنا حرمني منها بسبب اللي انا عملته وفرقتكم عن بعض
وبعدتكم عن بعض…. سامحوني….
قمر صدقيني اسر بيحبك وعمره ما خانك والصور دي اسر جالي لانه هو شهم ويومها قولتله ان في حرامي و والدي و والدتي كانوا مسافرين وساعتها جابلي جاردات وروح على طول….
قمر اسر بيحبك بجد ومن ساعة ما سبتيه وهو متدمر
وبقي بيسهر ويشرب وحالته متدهورة يا قمر…. صدقيني…. انا اسفة يا اسر…. انا اسفة يا قمر…
سامحوني…. انا فعلا غلطت… معلش يا جماعة…
انا اسفة بس ربنا عاقبني وحرمني من والدتي سامحوني….
قمر مش مصدقة وبتلوم نفسها ازاي عملت كدة في اسر…. بعدين قمر بصت لاسر بمعني سامح تارا خلاص…
وقمر قربت من تارا…. وقالت :
خلاص مسامحينك يا تارا…. البقاء لله….
تارا : حياتك الباقية بجد سامحتوني….
قمر : ايوة…
اسر : ايوة خلاص يا تارا…. امشى من هنا
تارا : بجد مش عارفة اقولكم ايه ربنا يسعدكم يا رب….
وبعدين تارا مشيت….
اسر وقمر فضلوا باصين لبعض وبس والدموع مالية عيونهم هما الاتنين….(لكن اسر عيونه كانت حمرة زي عيون شاروخان بالظبط فى فيلم dilwale لما بص لحبيبته بعتاب)
لحظات من الصمت…..
من العتاب بنظرات العيون….
لحد ما قطع الصمت ده اسر وهو بيفتح دراعته لقمر (موسيقي هادية جدا في الخلفية)
وبالتصوير البطئ
قمر جريت عليه حضنته…..
وهما الاتنين انفجروا في العياط….
اسر : وحشتيني يا روحي…. وحشتيني …..
قمر : وانت كمان يا حبيبي وحشتني أوي يا اسر اوي..😭
اسر : اسف يا قمري اسف يا روحي لو كنت زعلتك…
قمر : انا اللي اسفة يا حبيبي…. اسفة لو زعلتك….
اسر : بحبك….
قمر : بعشقك….
قمر بحزن : اسر هو انت فعلا بقيت بتشرب
اسر خرج من حضنها بحزن وقال :
مكنتش بقدر اتحمل الم الاشتياق يا قمر كنت بموت الف مرة من الاحساس ده فكنت بحاول انساه….
قمر : اسر حبيبي اوعدني انك خلاص هتبطل كل ده يا روحي…. انا خلاص معاك هنا..ومش هسيبك مهما حصل
اسر حضنها : اوعدك يا قمري اوعدك
اهم حاجة انتي تبقي جنبي وبس يا روحي
تبقي جنبي وبس….
قمر : وانا عمري ما هسيبك يا حبيبي…. عمري….
أسر : بس ايه الجمدان ده يا قمري بقيتي سيدة اعمال
جامدة….
قمر : اه شفت بقى مش انت لوحدك اللي دكتور مشهور انا كمان سيده اعمال…..
اسر بضحك : وحد يقدر يقول حاجه برضه…..
قمر : وحشتني ضحكتك يا آسر🥺…
اسر بحب : انتي كلك وحشتيني يا قمري ضحكتك وهدوئك وحتى طبخك…..
قمر بضحك : طبخي ؟؟… بقي هو ده اللي فاكره…
اسر : انتي الشيف بتاعي…..
قمر بغرور : طبعا
وقعدوا يضحكوا مع بعض لحد ما الجرس رن
قام اسر يفتح لقي لؤي وريان….
لؤي : ايه يا برو هو من لقى احبابه نسي اصحابه ولا ايه….
وبعدين ريان دخل شاف قمر :
ايوه ولا ايه يا ست قمر….
قمر : عيب يا زميكس هو انا اقدر انساك برده……
اسر بغيرة : نعم يا اختي انتي وهو؟!
قمر بضحك على غيرته :
صح يا اسر نسيت اقولك ريان هو اللي وقف جنبي الشهر دا ريان اخويا و انسان بجد كويس جدا وعمره ما سابني لحظة…..
ريان : اكيد مش هسيبك مش اختي بقى……
اسر بامتنان وحزن :
شكرا بجد يا ريان انا اللي كنت المفروض ابقى معاها بس ما كنتش جنبها شكرا لانك كنت معاها…..
ريان : دي اختي يا اسر
وعلى الله تفكر تزعل اختي تاني واحب اقولك بقى انها بتحبك لا لا بتموت فيك صدقني خدها كلمه مني….
اسر وهو موجه نظره لقمر : ما انا عارف….
لؤي : انا من رايي بقى نسيبهم يا اما اسر هيطردنا دلوقتي وانا حاسه عايز يقول اطلعوا بره…..🙂
ريان : وانا كمان حاسس….. 🙂
اسر : بتفهموا اهو يلا سكه السلامه وخدوا الباب فى ايديكم…..
لؤي : بقي تطردنا بس ماشي يا عم همشي علشان خاطر قمر بس…..
ومشيوا 🚶 🚶
قمر : اسر…..
اسر بحب : وحشني اسمي و انتي بتقوليه
قمر بدموع : انا لازم اقولك اني حقيقي عرفت قد ايه بحبك لما بعدنا….
اسربدموع على دموع قمر :
وانا يا روحي عرفت اني مش بحبك…
انا بموت فيكي يا قمري…
بعشقك يا عيون اسر….
قمر :بحبك….
اسر : لا لا انا كدة اتعود على الرومانسية دي بقي….
قمر : قصدك يعني اني مش رومانسية يا اسر….
اسر: هو انا اقدر اقول حاجة بس يا عيون اسر….
وبعدين باس ايديها وقال :
ربنا يخليكي ليا يا قمري ….
قمر : ويخليك ليا يا روحي….
بعد مرور 5 سنوات….. ❤❤❤❤❤❤❤❤
قمر : زين…. زين تعالي هنا….. وبتجرى وراه راحت واقعه
قمر : اه…..
اسر طلع يجري اول ما سمع صوت قمر:
قمر يا روحي مالك؟؟؟
قمر : مفيش كنت بجري ورا زين مش عايز ياكل….
اسر :زين انت يا ولد….
زين بطفولية : نعم يا بابي….
اسر : معذب مامي ليه يا هه.
زين: انا مش عايت اتل ده انا عايت تبتى
(مش عايز اكل ده انا عايز شيبس)
اسر : انت بتتكلم هيروغليفي ولا ايه يالا ابنك بيقول ايه يا قمر…
قمر بضحك : بيقول مش عايز ياكل الاكل ده وعايز ياكل شيبس
اسر مسكه من التيشرت بتاعه وقال :
بقي ابوك دكتور وعايز تاكل حاجات مش صحية
انت ابن مين يا ولد؟؟
زين: ابنك انت ومامي يا بابي انت نسيت ولا ايه
اسر : غاده الهي تقعي من فوق الكنبة ياغادة يا بت ام غاده دمرت حياتنا في البداية بس حبنا كان اقوي ورجعنا بقي بس انت ازاي عرفت….
زين: وانت مالك وكمان انت بتستم (بتشتم) غادة ليه ؟!
اسر : دمرت حياتنا يا عم يالهوي لو اطولها بس..
قمر : خلاص بقي يا اسر مهما كان غاده هى الكاتبة برضه…🌚
اسر : ما هو ده اللي مصبرني عليها لولا كدة كنت قتلتها….
انا بقي لازم اتكلم مش هسكت على اهانتي من اسر 😂
انا: استنوا كدة يا جماعة سيبوني عليه يقتل مين
المجنون ده طب ورحمة تيتة لأقتلك وامحيك من الرواية يا اسر يا ابن ام اسر ده بيتحدي غاده قال…😌
طبعاً ياصحابى هتقولولى انتى ليه حاشرة نفسك فالرواية😒
هقولكو: أنا حرة دى روايتى وأحشر نفسي براحتى😌
المهم خليني اختم بقا ام الرواية اللى مش بتخلص دى😂
اسر :يلا كول وبطل غلبة… وتعالوا نتفرج على فيلم….
واسر اخد زين وقعده في حضنه وقمر قعدت في حضنه بيتفرجوا على فيلم
اسر : قمري
قمر : اممم.
اسر : بحبك يا قمر الصعيد.
قمر بضحك : انت لسه فاكر حكاية الصعيد دي
اسر :دي كانت اجمل حاجة حصلتلي
قمر بحب : بعشقك يا عيون قمر الصعيد🥺
وهنااااااا انتهت روايتى وأتمنى تعجبكو بجد..
لقراءة الرواية كاملة اضغط على : (رواية أحببت قمر الصعيد)
