رواية أحببت قمر الصعيد الفصل الثاني عشر 12 بقلم غادة رضا
رواية أحببت قمر الصعيد الجزء الثاني عشر
رواية أحببت قمر الصعيد البارت الثاني عشر
رواية أحببت قمر الصعيد الحلقة الثانية عشر
ريان واقف مصدوم من اللي حصل واسر فضل باصص لقمر ودمعة من عيونه خانته ونزلت وبصلها بصة عتاب ومشي وسابها…..
وقمر مقدرتش تمسك نفسها وهي كمان دموعها نزلت….
ريان واقف جنبها :
اهدي يا قمر….اهدي طيب تعالي…
وركبها العربية وقعد يهدي فيها شوية….
ويشربها ماية….
ريان : اهدي يا قمر ارجوكي بلاش دموع من فضلك…
طب انتي ليه عملتي كده وقولتي كده يا قمر مع اني عارف كويس انك بتحبيه ليه كده يا قمر؟!!
قمر : ماشفتهوش يا ريان كلمني ازاي ماعندهوش ثقة فيا يا ريان بيحاول يبرر غلطه ويعديه بانه يطلعني انا اللي غلطانه ده مد ايده عليا حتى قبل ما اتكلم انا صحيح جايز اكون بحبه بس كفايه ظلم واهانه فيا لحد كده هفضل لحد امتي كده
خلاص ..آسر طلع خالص من حياتي 😭
وكده كل حاجه بينا انتهت فعلا انا هبدا حياه جديده بدايه جديده وقمر جديده……
ريان : بس انا عايز اقولك حاجه يا قمر
زي ما انتي زعلانه عشان هو ماسمعكيش انتي كمان ماحاولتيش تسمعيه لما كان هيقولك سبب الصور دي ايه ولا ايه؟!
قمر : جايز عندك حق بس خلاص جايز علاقتنا من البدايه اساسا كانت غلط ودلوقتي كل شيء انتهي خلاص…..
ريان : خلاص يا قمر اهدي وانا معاكي ومش هسيب اختي وصديقتي اوكي….
قمر : مش عارفه اقولك ايه بجد يا ريان انت انسان كويس جدا انت ليه بتعمل معايا كل ده؟!
ريان بهزار : خلاص يا ستي هي سيره قولتلك علشان بعتبرك اختي وصديقتي مابحبش شغل العواطف ده علشان بضعف قدامه…😂
قمر ابتسمت بدموع: انت مبتعرفش تتكلم جد خالص…
ريان : هي الضحكه دي هي اللي مخلياني ماعرفش اتكلم جد يلا بقى علشان اروح اوريكي شقتك بقى…
قمر : يلا….وشت وكميه حزن جواها ماتتوصفش
ريان بدا يسوق العربيه وقال في نفسه :
باين عليها مكسوره جامد لانها حبت جامد وهي انسانه طيبه انا هفضل معها لحد ما تبقى قويه كده وتقدر تتجاوز كسرتها ومفيش حد هيعرف وجع الفراق قدي..
امي سابتني ومشيت وفارقتها فانا عارف احساس انك تفارق شخص انت بتحبه جامد….
ريان بيسوق وقمر طول الطريق سرحانه والدموع ف عينها لحد ما وصلوا الشقه
ريان : يلا بقى يا قمر وصلنا….
قمر : يلا
وطلعها فرجها علي الشقه….
ريان : ها ايه رايك؟!
قمر : جميله جدا…
ريان بغرور مصطنع :
عارف عارف علشان ذوقي بس…
قمر : متواضع…😏
ريان : جدا يا اسطا…
يلا اطير انا بقى علشان لسه هبدا الشغل مع بابا زي ما انتي عارفه هاروح اشوفه….
قمر : ماشي يا ريان بالتوفيق….
ريان : شكرا يا زميلي باي …..
قمر : .باي ……
قمر دخلت خدت شاور وكانها نفسها الميه
وهي بتنزل عليها تمحي معها كل حاجه حصلت
تمحي كل حبها لاسر …..كل الماضي ….
وكل حاجه
بس ازاى هي ماتعرفش ان قلبها هو اللي بيفكر مش عقلها
خلصت شاور و غيرت هدومها وحتى ماكلتش وراحت فردت جسمها على السرير على اساس انها تنام
بس ازاي اسر والحب والاشتياق في دماغها وقلبها
مش قادره تمسح حاجه ومش عارفه ازاي هتبدا حياة جديده من غير اسر اللي هو اول واحد خد بيديها لطريق تحقيق حلمها ….
ايوه بس هاتحاول علشان نفسها بقى
هتحاول وهتقاوم شعور الاشتياق والحب مش سهل
بس هاتحاول تدوس عليه علشان حلمها وفضلت تفكر برضه…..بدموع…كانت فيها كميه حزن ماتتوصفش وقالت بينها وبين نفسها:كدة..تطلقي انا؟!! دا انا ماحبتش فى حياتى زيك… هنت عليك بالسهولة دى 🥲وعينيها احمرو من كتر العياط
❤❤❤❤❤❤❤❤❤❤❤
على الجانب الاخر….
اسر تايه عن العالم سايق عربيته لحد ما وصل البيت
وصل لقي لؤي هناك قدام البيت……
لؤي : ايه يا زميكس فين قمر مرات اخويا انا مستنيكم علشان اعملكم استقبال بقى….
اسر من غير ما يرد فتح باب الشقه ودخل
لؤي دخل وراه وقفل الباب……..
لؤي : اسر فهمني ايه اللي حصل….
اسر : طلقتها….
لؤي بصدمة : نعم!!!!! انت اكيد بتهزر….(ياعيني يالؤى مابتلحقش تفرح أبدا ياضنايا🙂😂😂😂)
اسر: لا مش بهزر دي خاينه وبتحب غيري انا طلقتها خلاص خلصنا…..
لؤي : انت بتقول ايه اكيد قمر مش كده انت مجنون يا اسر…..
اسر : لا مش مجنون وهي قالتها بنفسها انا مش بحبك وبتحب ريان…
وحكي للؤي اللي حصل…..
لؤي : وانت بقى صدقتها ممكن تكون عملت كده وقالت كده لما شافتك ما عندكش ثقه فيها…..
اسر : عملت او ما عملتش انا خلاص طلقتها
وطلعت من حياتى يلا بقى يا لؤي علشان هدخل اخد شاور واشوف كده شغلي بقى اللي انا سايبه ده و ارجع لحياتي بقي…..
لؤي : اسر انت مجنون انت طلقت قمر و بالنسبه لك عادي كده……
اسر ببرود : ايوه يعني اعمل ايه يعني واحده مش بتحبني وكمان كده كده جوازنا كان غلط من البدايه….
لؤي : اسر بطل هبل بقى اسر صوّت او عيط اعمل اي حاجه اسر ما تقلقنيش عليك ماتفضلش كاتم كل حاجه جواك كده…..
اسر : وانا هكتم ليه جوايا ما فيش حاجه…
لؤي بزعيق : اسر انت شكلك اتجننت….
اسر بعصبية : اتجننت ولا لأ حاجه متخصكش يا لؤي يلا بقى اتفضل امشي علشان اخذ شاور و اشوف شغلي
لؤي بزعيق : مش ماشي يا اسر مش ماشي…..
.
اسر بعصبية : لؤي امشي قبل ما افقد عصابي….
لؤي بزعيق : افقدها يا اسر يلا….ولؤي ضرب اسر في كتفه وقال : تعال اضربني يلا تعال يا اسر….
اسر فقد اعصابه وراح ضرب لؤي بوكس
ولؤي هو كمان ردلوا البوكس
وفضلوا يضربوا في بعض
ولؤي بالزعيق بيقول:
اعمل اي رد فعل يا ابني ما تقلقنيش عليك….
لحد ما هما الاتنين سابوا بعض بعد ما تعبوا
واسر قعد على ركبتيه على الارض وقال بدموع و كسره:
بحبها يا لؤي اعمل ايه يعني وجع قلبي اللي انا حاسس به دلوقتي ماحدش هيحس بيه ابدا………..
لما اللي انا بحبها تقولي بحب حد غيرك لما مراتي تبقي مش بتحبني……. مش قادر يا لؤي مش قادر…
لؤي نزل على الارض قعد جنبه وبعدين اخده في حضنه
وقال :
اهدي كدة يا صاحبي اهدي…..دا اللى كنت عايزه منك.. الحمدلله ماتجننتش لسة
اسر : اعمل ايه طيب بس هحاول انساها خالص هحاول واركز في شغلي و بس…..
قمر : خلاص هنساه واركز في شغلي وبس…….
————————————————————
بعد مرور شهر…. ❤❤❤❤❤❤
قمر اجتهدت جدا فى شغلها
وفي شهر واحد بس بقت سيده اعمال
والحمد لله ناجحه و بقى عندها شركه خاصه بها…..
في شركة قمر اللي هي اسمها KM ….
قمر مديرة الشركة قاعدة في مكتبها وبتشوف الاوراق…
(هتقولولى ازاى ياغادة قدرت تعمل كل دا فى شهر؟! 🤔 هقولكو هو كدة😒أنا المؤلفة وبراحتى أعمل اللى أنا عايزاه😌)
دخل ريان
(صح صح ريان وقمر بقوا اصحاب اوي)
ريان : مسا مسا على اجمل سيده اعمال في المجرة….
قمر : مسا مسا يا زميلي….
ريان : اوعى بقى انا خليتك تبقى منحرفه وتقولي
يا زميلي و يا اسطا ومسا مسا …
انا جامد بقى….
قمر بضحك : يا عم هو ده الحاجه الوحيده اللي انت علمتهالي….
ريان : والله يا اختي طب والله انتي زي القطط تاكلي جمبري وتنكري … هتقوليلي اشمعني جمبري هقولك هو ده جه في دماغي وخلاص….
طب بذمتك ماعلمتكيش ازاي تلعبي بابجي قولي اعترفي…
قمر بضحك : لا الواحد يقول اللي ليه و يقول اللي عليه برده….لا علمتني….
ريان : ما تيجي نتغدى بره النهارده في مطعم فتح جديد بس ايه حاجه اخر فخامه تيجي نجربه النهاردة
قمر : ودي حاجه تفوتنا برده احنا اي مطعم جديد راشقين فيه يلا….😂
ريان : بقى في سيده اعمال تقول راشقين؟؟؟
ايوه بقى تربيتي…..
قمر : اومال…..
ريان : طب يلا يا اختي انا في عصافير في بطني بتسوسو من الجوع…..
قمر : يلا….
وخرجوا من الشركه يتغدوا في المطعم……
على الجانب الآخر….
اسر كل يوم بيخلص شغل في المستشفى وبعدين بيروح للؤي
اسر : لؤي….
لؤي : ايه يا صاحبي!!!
اسر : يلا علشان نسهر النهاردة…..
لؤي : اسر يا صاحبي انت بقالك شهر علي الحال ده
انت عمرك ما كنت بتسهر ولا بتعمل الكلام ده يا اسر….
بس دلوقتي بقي لازم كل يوم سهر وشرب….
اسر يا صاحبي كدة مينفعش….
اسر : لؤي فكك بقي من البوقين دول ويلا….
لؤي في نفسه :
امتي ترجع زي ما كنت يا صاحبي امتي؟؟؟
وراحوا هما الاتنين…..
لؤي : خلاص يا اسر كفاية كدة بقي….
اسر بتوهان وعدم وعي:
ملكش دعوة انت يا لؤي… يلا يا ابني هات كوباية تاني….
لؤي : يا اسر خلاص بقي انت كل يوم بتشرب كدة لحد ما بتقدرش حتي تروح….
اسر بتوهان : سيبني بقي يا لؤي انت مش حاسس بحاجة انا كل يوم يا لؤي كل يوم لازم افكر فيها قبل ما انام مبعرفش مبقدرش استحمل الذكريات
مبقدرش مش عايز افتكر…
مش عايز….
لؤي : طب خلاص كده بقى انت كترت قوي كفايه كده علشان تعرف على الاقل تطلع شقتك…..
اسر بتوهان : وانت مفكرني اني سكرت ولا ايه
لا تبقى غلطان انا اقدر اقف اهو واسر بيحاول يقف ولكن بيقع (اللي هو كل ما اجي اقف اقع اقف اقع اقف اقع 🙂😂)
وكالعادة لؤي بيوصله لشقته وهو ينظر نظرة شفقة وحزن على حال صديقه :
مش عارف اعملك ايه يا صاحبي مش عارف
مش قادر اشوفك في الحالة دي…
محدش هيقدر يرجعك غير قمر….
بس هعمل ايه…
وهترجع ازاي بس….وبعدين مشي……. 🚶 🚶
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية أحببت قمر الصعيد)
