رواية أحببت قمر الصعيد الفصل الثالث عشر 13 بقلم غادة رضا
رواية أحببت قمر الصعيد الجزء الثالث عشر
رواية أحببت قمر الصعيد البارت الثالث عشر
رواية أحببت قمر الصعيد الحلقة الثالثة عشر
جاء صباح يوم جديد و كالعاده قمر صحيت خدت شاور ولبست بدله فورمال لونها ازرق وشميز ابيض وطرحة زرقا وهيلز بيضا وكانت من الاخر سيدة اعمال جامدة يعني …
(متاخدوش في بالكم بعاكس قمر🙂 😂😂)
ونزلت ركبت عربيتها علشان تروح الشركة وصلت الشركة ودخلت بهيبة وسط كل موظفينها اللي بيشتغلوا عندها ودخلت مكتبها وقعدت على الكرسي بتاعها بكل فخامة كدة وبعدين اتصلت على السكرتيرة…..
قمر : الو. …..
=ايوة استاذة قمر
قمر : قهوة بسرعة من فضلك وهاتي ملف الثفقة مع شركة *** علشان عايزين نناقشه اوكي
=تحت امرك استاذة قمر…. وقمر قفلت
ولقت ريان بيرن….
قمر : صباح الخير….
ريان: صباح النور يا قمر…. قمر في حاجة كده عايز اتكلم معاكي فيها….
قمر بقلق : في ايه يا ريان انت كويس ؟
ريان : اه بس محتاج اتكلم معاكي….
قمر : طب تعالى حالا على الشركه وانت رايح على شغلك عدي على الشركه نتكلم وانت روح على شغلك…
ريان : ماشي يا روري انا جاي…
قمر : طب بذمتك ده منظر دلع….
ريان : ايوة والله حلو…..
قمر : اقفل يا ريان يلا اقفل….
وقفل…
وبعد شوية وصل الشركة عند قمر……
ريان : هالو….
قمر : هالو يا اخويا تعالي اقعد…. وقعد…
قمر : ها قولي في ايه ؟!
ريان بضيق : مخنوق اوي اوي يا قمر فاكره البنت اللي كنت قايلك اني معجب بها….
قمر : ايوه؟!
ريان بحزن : خطوبتها النهارده؟!
قمر : ايه؟!!!!! ازاي ده حصل!!!!! مش كنت بتقول انها بتحبك هي كمان وخلاص رايح تتقدم…..
ريان : ايوه بس مش عارف ايه اللي حصل؟!!!
ومخنوق جامد
قمر : خلاص يا ريان صدقني (لو كان خيرا لبقى)
اكيد هي مش من نصيبك….
ريان : بس دي هي كانت قايلالي انها بتحبني انا خايف مثلا تكون مغصوبه او حاجه…..
قمر : طب انت سألتها….
ريان : لا مسألتهاش وهي بترن عليا بس انا مابردش مش عايز اسمعها الخاينه دي…..
قمر بحزن : لا اسمعها يا ريان اسمع اسبابها جايز فعلا تكون مغصوبه لازم تسمعها
لو كل حد في الدنيا دي سمع الانسان اللي بيحبه جايز يكون عنده اسباب قويه بجد ما كانش حصل فراق كتير في حياتنا…..
ريان حس بحزنهاو انها رجعت تاني لذكرياتها: لسه برده يا قمر بتحبيه…
قمر : اكدب يا ريان لو قلت لا….
بحاول اشغل نفسي بالشغل يا ريان بس مش عارفه مهما بشتغل مجرد ما احط دماغي على المخده بالليل بفتكر كل حاجه و كانها لسه امبارح…..
ريان : ومين قالك انك مطلوب منك تنسى اللي بيحب بجد بيحب بقلبه اللي عمره ما بينسي يا قمر
وده دليل على انك حبتيه بجد….
حبتيه بروحك وقلبك قبل عقلك….
وانا هقوم ارن عليها واشوفها واسمعها زي ما قولتي لي….
قمر بابتسامة : يلا…..
وقام رن عليها وسمعها واتكلم معها وبعدين رجع لقمر
ريان بفرحة : قمر الحمد لله اني سمعت كلامك بجد وكلمتها…. رحمة فعلا مغصوبة والدها بيحب الفلوس
جامد زي ما قولتلك والدتها متوفية….
والعريس اللي جاه ده عطاله فلوس وباع بنته
وغصبها على الجوازة دي بس انا مش هسمحله يعمل كدة انا هروحلها يا قمر….
ياااااا لو مكنتش سمعت كلامك كان زمانها ضاعت مني لبقية عمري….
انا هروحلها…..
قمر : روح يا ريان يلا الحق حبك….
ريان بفرحة : بجد شكرا يا قمر شكرا انتي احلى صديقه واخت دخلت حياتي….
وراح مشي قمر ابتسمت لفرحته وقالت:
ربنا يسعد قلبك يا ريان
انت وقفت جنبي كتير اوي ودايما
بتساعدني ربنا يسعدك انت وحبيبتك يا رب.. وصمتت قليلا وتذكرت آسر وبكت
❤❤
*على الجانب الآخر*
اسر صحي مصدع جدا طبعا دخل عمل كوبايه قهوه واخذ شاور ومافطرش و لبس بدله سوداء ونزل راح الجامعه وبعدين اتجه للمستشفى يشوف شغله
وبعدين كالعاده راح يشوف لؤي علشان يسهروا……
*على الجانب الآخر*
قمر بتتصل بريان….
قمر : ها يا ريان عملت ايه؟؟؟
ريان : خلاص يا قمر روحت لها وكمان كلمت بابا راح معايا وحددنا الخطوبه بكره….
قمر بصدمة : بكرة ؟!!!
ريان : ايوه يا قمر انا مش هخليها تقعد مع والدها ده اكتر من كده الخطوبه بكره والفرح بعد شهر…..
قمر : عندك حق في دي مبروك يا عريس……
ريان : الله يبارك فيكي يا اختي زغرطي بقى كده…..
قمر ضحكت : بقي يا متخلف انا في الشركة دلوقتي انت مجنون… ؟!!
ريان : انا مش مجنون انتي اللي عاقلة زياده عن اللزوم يا بنت افرحي كده وزغرطي وهيصي….
قمر : والله انا حاسه اني بكلم واحده صاحبتي…..
ريان : بقى كده انا شبه واحده صاحبتك ماشي
ورحمة خالي حسن لاوريكي… 😂
قمر : هتوريني ايه بقى يا عم انت هتبقى مشغول مع حبيبه القلب بقى….
ريان : اه يا اختي حبيية قلبي دي عقلي دي روحي قلبي بصي حته مولتن كيك كده…..
قمر : خلاص يا عم انت هتعاكس البنت قدامي ولا ايه
لا يا حبيبي احنا بنتنا بنت ناس انت فاهم لو فكرت بس فكرت في يوم تزعلها هتلاقيني في وشك…..
ريان : يا سلام يا اختي وانتي بقى اختها ولا اختي؟؟؟
قمر : هي دي محتاجه سؤال اختها طبعا…😂
ريان : صح هتعبك معايا تروحوا تجيبوا فساتين مع بعض انتوا الاتنين… وتتقابلوا بالمرة
بصي هتحبيها اوي….
قمر : اكيد طبعا من غير ما تقول كلنا هنروح اتصل بيها وهاتها هنا ونروح انا وهي دلوقتي يلا….
ريان: ماشي يا قمر يلا باي….. وقفل
قمر ضحكت وقالت :
شوف الولا قفل معايا ازاي اول ما قولتله يكلمها بس…
ربنا يسعدهم يا رب….
ريان اتصل ب أروى خطيبته واخدها ووصلوا الشركة
قمر نزلت سلمت عليها وراحوا مع بعض اشتروا فساتين ورجعوا
قمر اختارت فستان ازرق بكوم وحجاب ابيض وهيلز بيضاء…..
وأروى خطيبه ريان دلوقتي اختارت فستان اوف وايت عليه ورد احمر بكوم وطرحه حمراء وهيلز باللون الاحمر….
المهم اليوم خلص…..
وكالعاده اسر راح شرب وسكر و رجع البيت…..
جاء صباح اليوم التالي
اسر قام اخذ شاور….
ولبس و نزل ….
وقمر اخذت شاور ولبست بس ماراحتش الشركه راحت على فيلا ريان….
قمر : صباح الخير….
ريان : صباح النور يا قمر….
قمر : يلا انا هجهز الڤلة علشان الحفلة….
ريان : ايوه ما احنا هنعمل الخطوبه هنا وأروى كمان هتيجي تلبس هنا…..
قمر : ماشي يا ريان يلا روح انت شوف هتعمل ايه عقبال ما اشوف شغلي بقى وابدا ازين الفيلا….
ريان بامتنان : بجد شكرا يا قمر….
قمر وهي بتقلده : ما فيش شكر بين الصحاب ولا ايه يا زميكس …
ريان : ولا ايه ؟!
قمر : ولا اه…
وهما الاتنين ضحكوا….
قمر : وكمان اساسا انا هقف معاك نستقبل المعازيم مش اخويا….
ريان : ربنا يخليكي ليا يا اجمل اخت في مجرة درب التبانة….
وبدات قمر تزيين الفيلا
وفعلا زينتها وكانت حلوه جدا
وكانت أروى بتلبس وقمر معاها
قمر خلصت قبلها وقالت:
هروح انا ابدا استقبل الضيوف يا عروسه ماشي…..
أروى: ماشي…..
قمر كانت في غايه الجمال
وخرجت لقيت ريان لبس هو و والده واقفين بيستقبلوا الضيوف راحت عليهم…..
ريان : ايه العسل ده….
قمر : الهي تنستر يا ابني وانت كمان طالع اجمد عريس…..
ريان وهو بيقلدها : الهي تنستري يا بنتي…
وضحكوا وكملوا استقبال الضيوف….
عند اسر……
اسر : يلا يا برو علشان نسهر…..
لؤي : ايه رايك يا اسر بلاش سهر النهارده و تعال نروح خطوبه كده نفك عن نفسنا….
اسر : خطوبه مين؟!
لؤي : خطوبه ابن رجل اعمال اعرفه اتصل بيا
وطلب مني احضر يلا تعالي معايا واهو نغير مود
يلا روح اجهز وتعالي…..
اسر : اشطا
اسر راح لبس بدله لونها كافيه راقيه جدا وقميص ابيض
ونزل هو ولؤي
لؤي اللي كان لابس بدله سوداء وقميص ابيض واساسا اساسا لؤي عسل في اي حاجة يلبسها 😂😂 (طب تتوقعوا انا في مخيلتي كدة متخيلة لؤي مين من الممثلين ؟! )
راحوا الخطوبة….
ريان : قمر تعال نسيب بابا يستقبل باقي الضيوف ونقعد احنا شويه انا تعبت….
قمر : وانا كمان الصراحه….
ريان : طب يلا….
وراحوا هما الاتنين قعدوا
اسر ولؤي وصلوا الخطوبه اللي هي طلعت خطوبة ريان….
اسر ولؤي سلموا على والد ريان وبعدين دخلوا وقاعدوا …..
آسر للؤى: حاسس ان نبضى زاد و…
لؤي : تنسيق الحفله والترتيب حلو؟
اسر : اه جدا بس…..
لؤي : بس ايه سكت ليه؟؟!
لؤي لقي اسر مبحلق ما بيتكلمش بص مكان ما اسر بيبص لقي ريان قاعد مع قمر بيضحكوا مع بعض….
اسر الدم غلي في عروقه و كان ماسك في ايده كاس اتكسر في ايده….
لؤي مسكه قال: اهدي يا اسر….. اهدي….
اسر : هو انا مالي انا هادي اهو عادي….
وبعدين لقي رجل الاعمال اللي هو والد ريان
وقف وقال:
اولا حابب ارحب بكم و اشكركم كلكم على حضوركم
ثانيا حابب اقول مبروك لابني وحبيب قلبي ريان اللي هيخطب النهارده وريان راح لوالده ووقف جنبه….
اسر اتصدم يعني ريان هو العريس يبقى اكيد قمر العروسه لا مستحيل…….
وافتكر ان هو ردها اول ما طلقها على طول لانه قال لو هي مش ليه يبقى مش هيسيبها لغيره……
قمر كانت واقفه وشافت اسر واتصدمت:
أسر…. وبصتله
ولسه اسر رايح بعصبيه ناحيه قمر…..
لقي أروى اللي نازله من على السلم
وريان ماسك ايديها ووالده قال: دي تبقى خطيبه ابني.
الكل سقف ورحب بها…..
وقمر راحت وقفت جمب ريان و أروى..
اسر بتفاجئ : يعني مش هي العروسه يعني هي مش بتحبه…..
وراح لها
اسر بصوت عصبي و في نفس الوقت في نبره اشتياق:
قمر….
قمر غمضت عيناها اول ما سمعت صوته اول ما سمعت اسمها طالع منه كانها بتقوله:
عيد تانى وتالت وحشني جمال اسمي و انت بتقوله….وردت ببرود :أيوه دكتور اسر اهلا بحضرتك..
اسر بعصبية : مش عيب واحده تقول لجوزها دكتور اسر…..
قمر بسخرية : جوزها قصدك طليقي…..
اسر : هو انتي ما تعرفيش اني رديتك من يوم ماطلقتك ولا ايه يا حبيبتي…..
وبعدين مسك ايديها ومشي بيها وهي بتحاول تبعد ايديها وفي نفس الوقت مش عايزه تعلي صوتها علشان ماتبوظش فرحة ريان…….
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية أحببت قمر الصعيد)
