رواية أحببت قاصرا الفصل الثامن والثلاثون 38 بقلم شيماء الديب
رواية أحببت قاصرا الجزء الثامن والثلاثون
رواية أحببت قاصرا البارت الثامن والثلاثون
رواية أحببت قاصرا الحلقة الثامنة والثلاثون
بعد وقت من الخوف والقلق علي صاحب عمره قرر انه يكسر باب الشقه ويدخل يشوف يوسف مش بيرد ليه
سيف كسر الباب ودخل لقي يوسف مرمي في الارض ومش بينطق
سيف بخوف وقلق رفع راس يوسف علي رجليه وقعد ف الارض // يوسف يوسف رد يايوسف يوسف
وصلت اميره بسرعه رهيبه للعماره وطلعت لقت باب الشقه سيف كسره دخلت بسرعه لقت يوسف مرمي علي الارض
اميره بلهفه // يوسف مالك يايوسف
سيف واختنق بالعياط // مش عارف يوسف ماله يااميره مش انتي دكتوره اكشفي عليه خلصي
اميره بعدم تركيز // اه اه نسيت استنا هجيب الشنطه من العربيه بسرعه ونزلت جرررري علي عربيتها واخدت الشنطه وطلعت
كان سيف شاله ودخله علي سريره
اميره طلع السماعه وكشفت عليه وراحت مطلعه بسرعه حقنه من شنطتها وعطتها ليوسف
سيف بقلق // هو ماله يااميره وعطيتيه ايه ردي عليا
اميره // الظاهر ان بقاله كتير مأكلتش وشربط دخان كتير عمله هبوط حاد في الدوره الدمويه خد بسرعه الروشته دي وهات المحاليل دي بسرعه ياسيف بسرعه
سيف شد الروشته وطار علي اقرب صيدليه ورجع عطاها المحاليل واميره علقتهاله
سيف // طمنيني ونبي يوسف هيبقي كويس ولا اخده علي المستشفي
اميره // اتطمن ياسيف هيبقي كويس انا هدخل المطبخ كده ادور علي اكل جوه وشوف اقدر احضرله ايه عشان اول مايفوق ياكل لقمه
سيف هز راسه بالموافقه وبص لصاحبه وهو في عالم تاني ومش حاسس بحد مسك ايده ومحسش غير بدموعه وهي نازله علي وشه
سيف // سامحني يايوسف انا اسف اني اتعصبت عليك بس فوق ابوس جزمتك متسبنيش لوحدي في الدنيا دي
انا مليش غيرك انت اخويا وصاحبي وسندي وشهري وكل حاجه ف الدنيا سامحني ياصاحبي
سيف سند راسه علي ايد يوسف وهو ماسكها فجأه لقي اللي بيحسس علي شعره رفع راسه لقاه يوسف فاق
سيف بلهفة وحب // يوسف حمدالله علي سلامتك ياصاحبي بقي كده تفجعني وتخوفني عليك
يوسف بصوت مرهق // متخافش ياصاحبي صاحبك زي القط بسبع ارواح
سيف // سامحني يايوسف
يوسف // بس ياض بلاش هبل
سيف بفرحه // اميره اميره تعالي بسرعه
اميره اتفجعت فكرت يوسف جراله حاجه جت جري بصت لقته مفتح عيونه وبيبصلها
اميره بدموع // يوسف انت كويس حاسس بحاجه طب ايه اللي بيوجعك طمني يايوسف اتكلم
يوسف رفع ايده مسحلها دموعها // اهدي انا كويس وبقيت احسن
سيف // سيبك منه ده بيدلع عشان يعرف غلاوته عندنا ازاي
اميره // مكنتش اعرف اني بحبك اوي كده يايوسف
يوسف // وانا كمان بحبك اوي يااميرتي
سيف // جوز عصافير ياخواتي طب امتي هنفرح بيكم بقي
يوسف // مش هتجوز غير معاك
سيف // ههههه يبقي كده مش هتتجوز هتعنس 🤪
اميره // اه صحيح ياسيف امتي هتعترفلها بحبك بقي وترتاح
سيف بتنهيده حزينه // مش باينلها يااميره دي جالها عريس
يوسف بدا يتعصب // يعني ايه هتسيب حب عمرك يروح لغيرك وهتقف تتفرج 😡😡
اميره // اهدا يايوسف انا ماصدقت انك فوقت
سيف حب يغير الموضوع // اي ياست الدكتوره مش كنتي بتحضري اكل للراجل الغلبان ده
اميره // اه والله صح انا من فرحتي بيوسف نسيت
دقيقه والاكل يكون عندك وجريت علي المطبخ
يوسف // خليك اتهرب لما تتضيع منك 😡
سيف بحزن // اللي له نصيب في حاجه هيشوفها ياصاحبي
اميره جابت الاكل وقعدت جمب يوسف واكلته وعطتله شوية فيتامينات واهتمت بيه
سيف جاله اتصال من المحامي بتاعه // الو ايوه يااستاذنا
المحامي // تامر بلغ المحامي بتاعه انه يبلغك انه موافق علي العرض بتاعك
سيف بابتسامه خبيثه // هه حلووو اوي طب شوف شغلك بقي يااستاذنا ونفذ اللي اتفقنا عليه 😉
المحامي // علم وينفذ 🏃♂️🏃♂️
يوسف // خير ياسيف في جديد
سيف // الفار دخل المصيده ياصاحبي وهيبدا اللعب الصح 🤌
عدي اليوم وسيف واميره قاعدين مع يوسف في بيته
سيف //يلا يايوسف عشان نروح
يوسف // نروح فين انا هفضل في بيتي
سيف // مفيش الكلام ده رجلي علي رجلك مش هسيبك لوحدك
اميره // روح يايوسف معاه عشان ابقي متطمنه عليك ونبي
سيف // اسمع الكلام ويلا بقي
قام يوسف نزل وركب مع يوسف واميره ركبت عربيتها وروحت
سيف لقي العيله كلها متجمعه مرضاش يدخل عند جده ولسه هيطلع علي فوق شافه جده
خالد // سيف تعالي هنا
سيف وقف تنح عشان زعلان من جده ومش عاوز حتي يلف وشه ويبصله
يوسف // عيب ياسيف ادخل شوف جدك
يوسف سحبه من ايده ودخل لقي الكل متجمع
سيف // نعم ياجدي
خالد // اومال مالك مش مهتم بالموضوع اللي احنا اتكلمنا فيه
سيف // دي حاجه متخصنيش وانتم قررتم ورايي ملوش لازمه
خالد // لا انت ابن عمها الكبير ولازم تقول رايك
سيف // رايي انا قولته بالاذن منك
قامت ملك وقفت وقدام الكل // انا موافقه ياجدو علي العريس
سيف لسه هيمشي وقف فجأه واتصدم من رأيها
لف وشه بغضب وبصلها // انتي قولتي ايه ??
ملك بخوف // ايه ?? انا قولت موافقه
سيف // راح عليها بكل غضبه وقوته وراح ساحبها من ايديها وطلع بيها علي شقتهم فوق
مني بخوف علي ملك وهو بيجرها علي السلم طلعت جري وراه راح قفل باب الشقه عليهم
ومني وقف قدام الباب هي ويوسف وبتخبط وهو مش راضي يفتح
يوسف // متخافيش ياطنط مني سيف بيحبها ومش هيئذيها
مني // انا اتأكدت دلوقتي يايوسف
سيف // انتي بتوافقي علي ايه يابت ها ومين عطاكي الحق توافقي او ترفضي
ملك بخوف جامد // ماهو ماهو اصل ياابيه جدو ………
سيف // انتي ملكي انا بتاعتي انا ومحدش غيري هيلمسك واللي خيقرب منك هشرب من دمه فهمتي
ملك بتحاول تبلع ريقها وتتكلم بغرور شويه // وانت مين انت ان شاءالله عشان تتحكم فيا كده
سيف راح عليها ومسكها من دراعها جامد //انتي بتاعتي سمعتي بتاعتي وبس
ملك وهي موجوعه اوي ودموعها بتنزل // اه اه حرام عليك انت بتعمل فيا كده ليه
سيف // عشان بحبك وراح كاتم شفايفها ببوسه قويه
ملك متنحه وراح زقته بعيد عنها وراحت ضرباه بالقلم // وانا بكرهك ياسيف بكرهك
وجريت علي اوضتها وقفلت الباب
سيف اتصدم من اللي عمله وازاي عمل كده وواقف حاطك ايده علي خده مكان القلم واتضايق من نفسه
قرب علي باب اوضتها وخبط براحه // ملك افتحي انا اسف معرفش عملت كده ازاي
ملك مش بترد ولا بتتكلم وهو سامع صوتها بتعيط
سيف // طب متعيطيش انا عارف انك بتكرهيني وانا مستاهلش واحده زيك انا حيوان وهيريحك مني ومش هتشوفيني تاني
طلع سيف بسرعه وفتح باب الشقه لقاهم قدامه مسمحش لحد يتكلم ونزل بسرعه وركب عربيته ونزل وراه يوسف
مني دخلت بسرعه تخبط علي ملك //افتحي ياحبيبة ماما طب طمنيني عنك عملك ايه سيف
ملك سمعت صوت امها زادت في العياط وهي قاعده ورا باب اوضتها وضامه نفسها بنفسها وبتعيط
مني // طب انا هسيبك شويه وهروح احضرلك لقمه تكوني هديتي ياقلبي
يوسف // طب هتروح فين دلوقتي ياسيف
سيف مش بيرد عليه وسايق بسرعه رهيبه
يوسف // طب انت قولتلها انك بتحبها
طب حصل ايه ياسيف احكيلي
سيف فجاه ضرب فرامل يوسف خاف
سيف // اعترفتلها يايوسف للاسف بس خربت الدنيا وبوستها ومعرفش عملت كده ازاي والله
يوسف // يانهارك اسود دا انت عمرك ماعملتها دا النسوان كان بتترمي تحت رجليك وعمرك ماعملت كده
سيف // اووووووف معرفش بقي
يوسف // طب اهدا اهدا
سيف // مش هينفع ارجع البيت الفتره دي
يوسف // خلاص تعالي نقعد في شقتي لحد مالامور تهدا
رواحو شقة يوسف ومر الوقت والوضع زي ماهو يذاكرو ويروحو يمتحنو ويرجعو علي شقة يوسف
يوسف // انت بتلبس ليه ياسيف رايح فين
سيف // هنروح ناخد المئذون ونروح لمنه عشان الزفت ده يكتب عليها ونسترها ونخلص بقي من القصه دي
جهزو وراحو علي منه وحضر المئذون وكتبو الكتاب
منه // مش عارفه اشكرك ازاي ياسيف انت ويوسف بالرغم من اللي عملته معاك ساعدتني وسترتوا عليا
سيف // كل واحد بيعمل بأصله واللي اتربي عليه يامنه
تامر // سيف مش انا نفذت اللي طلبته هات الوصلات والفيديوهات اللي معاك
سيف بضحكة سخريه // ههههه ليه حد قالك عني اهبل
بص ياتامر انا هوعدك وعد شرف طول ماانت صاين البت دي
هتفضل الوصلات في الحفظ والصون
وسابهم ومشي هو ويوسف
يوسف // انت ناوي تعمل حاجه في الوصلات دي ياسيف ??
سيف // لا انا بس هحتفظ بيهم عشان انا عارف ان ديل الكلب عمره ماهيتعدل
فات شهر واكتر وسيف مش بيروح البيت بيتطمن علي امه وابوه وخلاص كده
فات الوقت وملك كل يوم بتستناه وللاسف بيعدي اليوم وهو ميجيش
مني دخلت لقت ملك قاعده في البلكونه ومنتظراه
مني بزعل// هتفضلي تقهري في نفسك كل يوم كده ياملك
ملك بدموع // وحشني اوي ياماما وقلقانه عليه اوي
مني // حاسه بيكي يابنتي بس مفيش في ايدينا غير اننا نصبر وانا ياستي معايا رقم يوسف الصبح هكلمه واتطمن عليه
ملك باابتسامه // ربنا مايحرمني منك ياماما وراحت حضنتها
عدي الليل بهمه وغمه وتفكيره
وتاني يوم اتصلت مني بيوسف وسالته عن سيف واتطمنت عنه وعرفت انه بيتهرب من ملك
سمر دخلت علي ملك لقت وشها بقي اصفر ومش بتاكل وحالتها بقت وحشه صعبت عليها اوي قعدت معاها شويه وفضلت تتحايل عليها عشان تاكل وهي رفضت
سمر بتكلم نفسها // انا لازم اتصرف واساعدها
استئذنت منها ونزلت شقتهم دخلت اوضتها واتصلت بسيف
سيف // خير ياسمر في حاجه
سمر // بابا تعبان اوي ياسيف ولازم تيجي تشوفه
سيف بخوف // تعبان ماله ياسمر
سمر // تعالي وانت تعرف ياسيف ابوك عاوز يشوفك
سيف // خمس دقايق واكون عندكم ياسمر
ولبس بسرعه ونزل ركب عربيته وطار علي البيت
ملك قاعده في البلكونه كالعاده وشافت عربية سيف قامت وقفت وقلبها بقي يدق بسرعه رهيبه من الفرحه
نزلت جرررري علي السلم وقابلها سيف وحس انه مكسوف منها وباصص في الارض
ملك // ازيك ياابيه سيف
سيف بيرفع وشه وبيبصلها لقي وشها اصفر وخست وباين عليها التعب // ملك انتي كويسه
ملك // انا انا بحبك ياابيه سيف وفقدت الوعي 😱
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أحببت قاصرا)
