رواية أحببت طبيب أبي الفصل الرابع 4 بقلم ذات الخمار

جه بابا من بره وقالي أنه دكتور محمد متقدم لكِ ايه رايك؟!

نهال في نفسها :مكنتش عارفه ارد من الصدمه هكون زوجه تانيه أو هخرب بيت حد تاني اكيد لا

فوقت من السرحان علي صوت بابا بيقول ها ايه رأيك

نهال:قولته بابا انا معرفش غير شكل دكتور محمد معرفش هو مين ومن عائلة ايه نظام حياته اي علشان اقول رائي

معرفش ليه قولت كده بس الي تأكد منه اني لو قولت غير كده بابا هيكون محتاج يعرف السبب.

بابا:بصي الدكتور محمد اسمه محمد طارق الحافي حد من عائلة محترمه وانسان كويس اتزوج سنه وكانت بنت عمه ونصيبهم مع بعض خلص عند السنه ديه انا مش هقولك وافقي انا عارفه انها هتكون صعبه عليكي لكن اشهدلك أنه شخص قد الثقه وهيكون كويس صلي استخاره يا بنتي ومستني رأيك ماشي.

نهال:ماشي يا بابا عن اذنك وقومت من مكاني دخلت اوضتي وانا عاوزه اعيط ومش عارفه اعمل ايه يارب مش عارفه مش عارفه اااااااااه توهت من شده التفكير والضغط النفسي

حتى الشخص الي حبيته في تعب كل حاجه فيها تعب

يارب اختارلي ولا تخيرني فإني لا أحسن الاختيار.

نمت وصحيت تاني يوم وانا حاسه اني مرتاحه وأنه مناسب

بس قولت هقول رائي لما ارجع صليت وعملت الفطار ونزلت روحت الشغل قعدت مع الاولاد وحاولنا نحل مشاكلهم ونخلص الحصه بعددددها روحت وانا داخله بابا نده عليا

بابا:يا نهال حمدا لله على السلامه تعالي يا بنتي

نهال:حاضر يا حبيبي جاي اهو،بوسه علي خده عامل ايه يا بابا.

بابا: الحمدلله يا بنتي تعالي اقعدي

نهال:خير يا بابا

بابا:الدكتور محمد عاوز ردك ها موافقه ولا لا

نهال:لا يا بابا مش موافقه

بابا:ليه يا بنتي هو في حاجه حصلت

نهال: ليه بتقول كده يا بابا

بابا:اصلك نازله الصبح وانتي مبسوطه وحاسس انك مرتاحه فجاه تراجعي تقولي لا

نهال:لا يا بابا انا فعلا مش مرتاحه وكل شئ قسمه ونصيب

مكنتش برفع عيوني من علي الارض علشان هيعرف اني بكدب عليه.

دخلت الاوضه بتاعتي وعيطت من قلبي وافتكرت

فلاش باك

ميار:اهلا بحضرتك يا مس نهال

نهال:اهلا وسهلا بك حضرتك تعرفني

ميار:اه طبعا حضرتك بتدي طارق محمد طارق الحافي

نهال:ايوه حضرتك تقريب له

ميار:اه انا أمه وكنت محتاجه منك شوية وقت اتكلم معاكي

نهال:اه تمام هخلص الحصه واجي لحضرتك بره

ميار:تمام

خلصت الحصه وخرجت نهال:حضرتك تشربي ايه

ميار:ولا حاجه انا محتاجه اقولك كلمتين انا عاوزكي متوافقيش علي محمد

نهال:ليه

ميار:علشان المفروض نرجع لبعض المفروض ابننا يكون وسطنا ويتربى معانا سوا انا نفسي ارجعهم انا فعلا ندامه أننا نسيب بعض بس اعمل ايه

نهال:مش فاهمه وحضرتك طالما بتحبي راجعه سبيته ليه من الاول؟!

ميار:محمد عصبي اووووي وانا مكنتش مستحمله ومامته علي طول كانت بتقومه عليا ويضربني تعبت بس عاوزه ارجع علشان ابني اتمني انك متحرمنيش من الإحساس ده من فضلك ده اول واخر طلب مني لك وابني هيفضل معاكي طبعا فالدرس

نهال:انا مش بحب اخرب بيت حد اتمني لك حياه سعيده

نهاية الفلاش باك

بعدها نمت وانا دموعي علي خدي وبابا كلمه وقاله الرد

بابا:السلام عليكم ورحمه الله وبركاته

محمد: وعليكم السلام ورحمه الله وبركاته،ازيك يا عمي

بابا: الحمدلله يا ابني،انت عامل ايه

محمد: الحمدلله بخير ها ايه رأيها

بابا:والله يا ابني مش عارف اقول ايه بس هي قالت كل شيء قسمه ونصيب ربنا يرزقك الخير

محمد:مقلتش الأسباب ايه يا عمي محتاج اعرف ليه

بابا: والله يابني مش عارف السبب لحد دلوقتي بس أن شاء الله خير وانا حاسس انها نصيبك

محمد:خير يا عمي واسف اني حطيت حضرتك فالموقف ده

بابا:ولا يهمك يابني انا فعلا بعاملك زي ابني وهتفضل ابني

محمد:ربنا يبارك لنا فيك يا عمي سلام عليكم

بابا:عليكم السلام

ليه يا بنتي بتعملي في نفسك كده يا ترى ايه الي حصل معاكي غير رأيك.

وندخل اوضه نهال وأخوها بيحاول يصحبها

زياد:يا نهال يا بنتي قووووومي بقي ويضرب بالمخده فيها

نهال:يا بني سبيني عاوزه انام

زياد:يا بنتي انا مسافر شغل سيناء قومي اشوف شكلك قبل ما امشي

نهال:تروح وتيجي بالسلامه قومت اهو

زياد:خمس دقائق وتكوني قدامي لابسه علشان نخرج ناكل بره واجيبلك حاجه حلوه

نهال:ايه ده بجد انت سخن شكلك سخن وحطت أيدها علي دماغه تشوف الحراره

زياد:ضربها علي أيدها وقال ايديك بقي ويلا عاوز ابسط اختي يلا بسرعه هرجع في كلامي

نهال:وعلي ايه انا اصلا لبست وجريت علي الحمام تلبس

زياد افتكر كلام مامته

فلاش باك:

زياد:ماما أنا رجعت

الأم:حمدا لله على السلامه كل ده سفر يا ابني

زياد :معلش يا ماما شغلنا كده

الام:عملتك الاكل الي بتحبه قلبي قالي انك جاي

زياد:تسلم ايدك يا ست الكل احكيلي بقي ايه الي حصل فالاسبوع ده

الأم:حكت له كل ما حدث من أحداث وعلي نهال

زياد:طب هي زعلانه ليه طالما مش عاوزه الجوازه ديه

الأم:مش عارفه يابني ومش عاوزه تقول كل الي بتقوله كل شيء قسمه ونصيب.

زياد: خلاص سببها وانا هتصرف معاها انا داخل لها.

نهاية الفلاش باك:

بيفوق علي صوت نهال انا خلصت خلاص

زياد بابتسامه:انتِ رايحه فين كده

نهال بتعجب:انا قولت هو سخن

ضحك زياد لا ياختي مش سخن يلا بينا نزلنا سوا واتفسحنا واشتري ليا لبس وقعدنا في كافيه

زياد:اااااااه انا تعبت ايه يا بنتي كل ده مشي

نهال:انت مفرهوده اوووي ده عشر محلات بس الي روحنا لهم مش كتير يعني

زياد:انتي ست مفتريه وقعدنا نضحك لحد ما قالي ممكن اعرف رفضتي العريس ليه بصيت فالارض وانا بحاول مبينش اني زعلانه اهو يا عم رفضته

زياد بضحك:يا وليه يا فقر حد يرفض دكتور برضو

نهال:اهو ممكن يبقي دكتور بس مش كويس بالنسبالي ولا اقولك انا الي فقر يابني انت ناسي المهندس صاحبك عملته ايه. ضحك زياد:وقال يالهووووي انا لحد النهارده بعتذر له واحده عريس متقدم لها تخرج بعبايه سودا وكمان تتكلم بقرف واضح عليها يا نهار ابيض

هههههههههههه

نهال:مهو مستفز وفاكر نفسه علشان مهندس من كوكب تاني ويسألني جبت كام فالثانويه العامه ده مقياس للجواز الثانويه العامه ههههههههه

خلصنا كلام ومشينا وروحنا ننام وتأتي يوم سلمت عليه وهو ماشي رايح شغله شغله معتمد علي أنه يسافر دايما سيناء مهندس بترول هناك

بعد ما مشي نزلت الشغل ولما رجعت بابا طلب مني اروح معاه عند الدكتور بتاعه

روحت معاه وطول الطريق بنضحك فعلا احلى حاجه فالدنيا هم أهلك مش مهم يبقول علي طول حلوين بس واقفين معاك وقت تعبك سندك في ازمتك نرجع القصه

دخلنا العياده واتفاجات أن محمد كان هناك فاتح معمل تحاليل هناك برضو بابا سلم عليه وانا روحت اقعدت

بابا دخل للدكتور لوحده وسبني قدامه لوحدي شوفت نظرات تساول في عينه ليه قولتي لا

تجاهلت نظراته وفضلت باصه فالفون لحد ما بابا خرج وقالي يلا وسلم عليه وخرجنا ركبنا العربيه ومشينا بابا كان شكله مضايق

نهال:بابا في حاجه الدكتور قالك ايه عادي شويه تعب بس فالقلب بسيط

نهال بخضه: طب يا بابا علاجه ايه

الاب:عادي شوية راحه بس

نهال: خلاص يا بابا ارتاح شويه من الشغل

وانا بكلمه فجاه لاقيته بيفك زرار القميص بتاعه ومش قادر ياخد نفسه ووقف بالعربيه نزلت جري وانا بحاول اخليه ياخد نفسه بابا

يا بابا رد عليا علشان خاطر بنتك نهال رد علشان خاطري انا

اعمل ايه يا رب يارب محدش واقف فالطريق والساعه ١بليل واخويا مسافر اعمل ايه فكري بسرعه وووووووو

يارب البارت يعجبكم وعاوزه اعرف توقعاتكم هتعمل ايه نهال