رواية أحببت ضابط غيور الفصل العاشر 10 بقلم ياسمين أشرف
رواية أحببت ضابط غيور البارت العاشر
رواية أحببت ضابط غيور الجزء العاشر
رواية أحببت ضابط غيور الحلقة العاشرة
رنا: الجميل سرحان في اي
مها: لا مفيش مش سرحانه
رنا: انا مش عبيطه عنك مالك يا مها
مها: امبارح اما روحت من الفرح لقيت احلام اختي بتقول لي انها شافت عربيه ماشيه ورايا بتراقبني
رنا: عادي يا مها ممكن يكون صدفه
مها: لا يا رنا انا عمري ما حسيت احساس وطلع غلط انا حاسه ان العربيه دي كانت ماشيه ورايا بتراقبني فعلا
رنا: طيب خدتي نمره العربيه
مها: اه
رنا: طيب وهتعملي ايه
مها: مش عارفه
رنا: مها
مها: نعم
رنا: ما تدي رقم العربيه لفارس الضابط
مها: ليه
رنا: ايه اللي ليه ده ظابط يعني على الاقل يعرف مين صاحب العربيه ومين ده
مها بتفكير: انت رايك كده
رنا: ايوه
مها: خلاص هقوم استاذن سعيد بيه اروح بدري النهارده واروحله القسم
رنا: اشطا احنا اصلا ما عندناش مواعيد كتير النهارده وانا هظبط الدنيا
مها: خلاص ماشي
_انسه مها
مها بصت لمصدر الصوت وراها
مها بذهول: فارس؟!
فارس: ازيك اي اخبارك
مها بتوتر: انا الحمدلله حضرتك عامل اي
رنا: احم طيب يامها انا راحه اشوف سعيد بيه وجايه
مها: طيب يارنا
فارس: طيب انا كنت داخل لسعيد
مها: طيب ثانيه واحده هشوفو وجايه
فارس: تمام
*مها دخلت لسعيد وقالتله ان فارس برا وقالها تدخله مها خرجت
مها: اتفضل بافارس بيه
فارس: ممكن تستنيني متروحيش ف اي حته
مها: حاضر انا هنا مش همشي وكنت عاوزه حضرتك ف حاجه
فارس ابتسم: تمام
*بعد نص ساعه فارس خرج من عند سعيد
فارس: اؤمريني كنتي عوزاني ف اي
مها: امبارح بعد ماطلعت البيت احلام اختي قالتلي ان ف عربيه كانت ماشيه ورايا وخرجت اشوفها لقيت فعلا ف عربيه لونها ازرق واقفه تحت البيت وبعد ماخرجت البكونه العربيه مشيت
فارس: طيب معرفتيش تاخدي نمرتها
مها: اه عرفت اخد النمره
فارس: طيب حلو اوي هاتيها
*مها طلعت ورقه وكتبتلو النمره واديتهالو
فارس: طيب انا كنت عاوز رقم فونك عشان ابلغك باللي هيحصل
*مها فرحت جدا وحاولت متبينش فرحتها
مها: حاضر اتفصل الرقم بتاعي اهو
فاوس: تمام ودا الكارت بتاعي
مها: تمام يافارس بيه
فارس: ممكن اطلب طلب منك
مها: اتفضل
فارس: ممكن بلاش القاب
مها ابتسمت: حاضر
فارس ابتسم: تمام هروح انا دلوقتي لو عوزاني ف اي حاجه كلميني
مها: حاضر
*فارس مشي ورنا شافته نزل طلعت لمها
رنا: اي ياجميل وغمزتلها
مها ضحكت: اي؟!!
رنا: انتي اللي اي
مها: علي فكره اديتو نمره العربيه ومشي وبس
رنا: وبس!!!؟
مها: اه وبس
رنا: انتي هتشليني يامها والله
مها ضحكت: لا بعيد الشر عنك يقمر
*مها خلصت شغلها وروحت البيت
احلام: اي ياقلبي حمدلله علي سلامتك تعالي يلا عشان تاكلي
مها: حاضر هغير هدومي وجايه علي طول
احلام: ماشي
مها: امال فين كرم وهنا
احلام: راحوا عند ستهم مع حربي
مها: طيب ياقلبي هغير وجايه
*مها دخلت غيرت هدومها وكانت هتخرج فونها رن
مها: الو
فارس: ازيك يامها انا فارس
مها: ازيك يافارس انا الحمدلله
فارس: الحمدلله انا عرفت العربيه بتاعت مين
مها: مين!!؟
فارس: واحد اسمه تامر سامي
مها: تامر سامي؟!!!!
فارس: اه انتي تعرفيه
مها: اه اعرفه دا زميلي ف الشغل
فارس: طيب لي كان ماشي وراكي وبيراقبك
مها: دا موضوع طويل شويه واكيد انت مش فاضي
فارس: لا فاضي قولي وبعدين لو مش فاضي افضالك والله
مها ابتسمت بحب واكسفت: بص تامر دا زميلي ف الشغل وطلب ايدي كتير اوي وانا برفضه
فارس: طيب لي بترفضيه
مها: اولا انا مش شيفاه غير زميلي وبس ثانيا انا ف واحده زميلتي ف الشغل اسمها علا بتحبه وحصلت بينا مشكله لان هي فاكره ان انا بحبه وببعده عنها بس انا مش بحبه والله ومش شيفاه غير تامر زميلي ف الشغل وبس
فارس فرح جدا: امممم طيب تفتكري كان بيراقبك لي
مها: مش عارفه يمكن عشان كان عاوز يوصلني وكدا وانا رفضت فاحب يطمن عليا
فارس بعدم فهم: يوصلك ازاي مش فاهم
مها: ايوا وانت كمان قولتله لا
فارس: هو انا اعرفه؟!
مها: ايوا تامر اللي كان واقف معانا ف الفرح
فارس: اهااا انا كنت فاكر حد تاني غيرو
مها: ايوا انا اسفه مفهمتكش من الاول ان هو
فارس: ولا يهمك وبعدين اي انا اسفه دي
مها: اي يعني
فارس: لا طبعا انا مس بحب ان يكون حد غالي عليا يتأسف خالص
مها ابتمست واتكسفت: حد غالي عليك!!؟
فارس انتبه هو قال اي: اه اه مش بحب كدا خالص بقولك اي صح سيببك من الموضوع دا دلوقتي ف موضوع تاني انا عاوز اقولك عليه
مها: اتفضل معاك اهو
فارس: هو انا ممكن اشوفك
مها:…………
فرس بتسرع: عاوز اكلم معاكي ف موضوع مهم والله
مها بتوتر: هو ممكن تقولهولي هنا
فارس: ماهو مش هينفع لازم اشوفك واكلم وانا شايفك
مها: تمام هشوف احلام اختي الاول وهرد عليك
فارس: تمام وانا ممكن اجي واخدك بالعربية
مها: لا انا اسفه مش هقدر اركب عربيه حد غريب
فارس بتفهم: خلاص ماشي اللي تشوفيه انا فاهم
مها: ممكن متزعلش مني
فارس: لا طبعا انا مش زعلان بالعكس انا فرحان جدا انتي حد محترم جدا
مها اتكسفت: شكرا وانا هشوف احلام وهرد عليك
فارس: هتردي عليا امتي
مها: ربنا يسهل هسأل بس اختي الاول
فارس: خلاص ماشي
مها: تمام سلملي علي مامتك كتير
فارس: يوصل حاضر اسف لو طولت عليكي
مها: لا لا خالص بالعكس
فارس: بالعكس اي؟!!!
مها بتوتر: احم ا ا…
*احلام انقذت مها وندهت عليها من برا
احلام: يامها يلا كل دا بتغيري هدومك
مها: حاضر جايه اهو
فاوس: طيب روحي شوفيها
مها: حاضر
فارس: باي
مها: باي
*مها قفلت وابتسمت بحب وسرحت فيه وف جماله وكل تفاصيله
احلام: يا بنتي يلا كل دا بتغيري
مها: انا جايه اهو بس عاوزه اكلم معاكي
احلام: قولي ف اي
*مها قالتلها انها عاوزه تشوف فارس وان هو طلب منها كدا كمان
احلام: ماشي يامها بس سيبيه هو اللي يرن عليكي ويسألك
مها: حاضر
احلام: حضرلك الخير يلا ناكل الاكل برد
مها حضنت احلام وقامت معاها
*بعد3 ايام مها كانت ف شغلها وفونها رن
مها: الو
فارس: عامله اي
مها: الحمدلله انت اي اخبارك
فارس: الحمدلله انتي كنتي فين مختفيه فين بقالك 3 ايام مختفيه
مها فرحت ان هو مهتم ب اختفائها عنو: متقلقش انا بس كان عندي شغل كتير وكنت بروح مع سعيد بيه مقابلات شغل برا وكدا فاكنت بروح البيت مهدوده وبنام
فاوس: اهااا ربنا معاكي يارب
مها: يارب
فارس: مها انتي مردتيش عليا ف اللي قولتهولك
مها: اسفه بس كان غصب عني بس عموما انا موافقه واحلام موافقه كمان
فارس بفرحه: بجد طيب هنتقابل فين
مها: في كافيه*****انهارده هخلص شغل واروح
فارس: هتخلصي امتي
مها: علي الساعه٥كدا
فارس: تمام هستناكي هناك
مها: ماشي باي
فارس: باي
*فارس كان فرحان اخيرا انو هيشوفها وقام غير هدومه ونزل يستناها ف الكافيه وبعد نص ساعه مها جت
مها: مساء الخير
فارس: مساء النور
مها: هاا ياسيدي كنت عاوزني ف اي
فارس: تشربي اي الاول
مها: اطلبلي علي زوقك
فارس كان فرحان جدا و ابتسم بحب وطلبلها عصير ليها وليه
مها: هااا قولي بقا عاوزني ف اي
فارس: بصي يامها انا مش عاوزك تزعلي مني ف اللي هقوله بس انا مش قادر اتجاهل مشاعري واحساسي نحيتك اكتر من كدا مها انا بحبك بحبك من اول مره شوفتك فيها بحبك من اول نطره يعتبر انا مش عارف افسر مشاعري واحساسي نحيتك غير اني بحبك ومش شايف غيرك ولا عارف اشوف وبس… مها تتجوزيني
*مها اتصدمت من كلامه وجالها حاله ذهول
فارس بتوتر من ملامح وشها: هاا يامها؟!!
مها اخيرا اتكلمت: انا مش عارفه اقولك اي بس…………..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أحببت ضابط غيور)
