رواية أحببت حبك لي الفصل العاشر 10 بقلم ريهام رفاعي
رواية أحببت حبك لي البارت العاشر
رواية أحببت حبك لي الجزء العاشر
رواية أحببت حبك لي الحلقة العاشرة
خالد دخل خد دش ساقع وخرج لقتها بتعمل الشوربه وكان داخل علي الاوضه
ريم:استني استني رايح فين
خالد : اييه يا ست فيه ايه خضتيني
ريم :متخشش دلوقتي لحد ما أبدل الملايه والمخدات
خالد : ااه طب استني سيبيهم وأنا هفوق واعملهم روحي انتي بس جامعتك يالا عشان مفيش حاجه تفوتك
ريم : ليه مش ست أنا يعني ولا ايه عشان اسيب جوزي و وهو تعبان وكمان اخليه يبدل الملايات ، جوزي علي الورق يعني
خالد : لا ياسطا ده انتي ست الستات
ريم : تمام اقعد بقي وأنا هجبلك طبق شوربه تشربه لحد ما اخلص أنا تمام
خالد : حاضر اباشا أي أوامر تانيه
ريم : اه تسكت حتي وأنت تعبان بتهزر
خالد : الله أنا بني آدم فرفوش
ريم : يعني قصدك ان انا الي كئيبه
خالد : اااااه مش قادر حاسس اني دايخ
ريم : استعبط استعبط ماشي وربنا لما تخف
خالد : تلاقيكي انتي كنتي بتدعي عليا أصلا
ريم : اه صليت الفجر وقعدت ادعي وبعدين حسيت بالذنب ف قولت اعالجك انت عندك خال اهبل ياسطا
خالد : لا عمتي كانت سمينه شويه
ريم : هاهاهاهاها (ريم بصوت واطي ) مش كنت سيبتك تفطس وخلصت
خالد : بتقولي ايه
ريم : بقول ربنا يقومك بالسلامه يارب
خالد : ااه بحسب
دخلت غيرت الملايات و طلعت لقته نايم علي الكنبه ف غطته و فضلت قاعده جنبه لحد ما صحي ولقاها مريحه علي الكرسي الي جنبه
خالد بصوت هادي : ريم حبيبي قومي نامي جوا
ريم : لا انا مش نايمه أصلا أنا ريحت بس لحد ما تفوق
خالد : طب قومي ريحي شويه انتي تعبتي معايا
ريم : لا متقلقش أنا معملتش حاجه أصلا
خالد : لا وقفتي معايا وقفه رجاله بصراحه
ريم : عيب عليك ياجدع متقولش كده
خالد : طب سالتي صحابك خدوا ايه وكده عشان مفيش حاجة تفوتك
ريم : لا لسه بس هسالهم حاضر
خالد : تمام و بكره اجازه عندي وعندك الحمد لله
ريم : اه يا عم الحمد ده انا متراكم عليا حاجات كتير
خالد : حاجات ايه وانا هحاول اساعدك فيها
ريم : لا مش مذاكره
خالد : اومال ايه
ريم : مسلسلات
خالد : ياراااجل والحمد لله ومتراكم عليا حاجات كتير وبتاع
ريم : انت متعرفش انت أهمية المسلسلات ديه ف حياتي
خالد : عارف عارف زي اهميتك عندي كده
ريم : احم احم بطل عشان منزعلش مع بعض
خالد : ابطل أحبك يعني ولا اعمل ايه
ريم : اعمل الي تعمله
سابته وقامت وبعدين سمعت صوت تليفون بيرن
خالد : ده تليفوني ده
ريم : خليك قاعد أنا هروح أجيبه
خالد : تمام
ريم : دكتور ياسمين
خالد :هاتيها تلاقيها عرفت اني مروحتش النهارده ف عايزه تطمن
ريم : تطمن عليك ده بتاع ايه يعني
خالد: زمايل ف الشغل عادي يعني ممكن ارد بقي
ريم : اتفضل
خالد ل ياسمين : ياسمين ازيك عامله ايه
ياسمين : تمام الحمد لله انت كويس أنا لاحظت انك مجتش قولت اطمن
خالد : لا انا تمام متقلقيش هما شوية برد كده وراحوا لحالهم
ياسمين : ألف سلامه عليك لو احتجت حاجه
خالد : لا ربنا يخليكي ريم موجوده اهيه ومش مخلياني محتاج حاجه
ياسمين : تمام عمتا أنا هبقي اتصل اطمن عليك بليل
خالد : تمام شكرا علي اتصالك ده والله
ياسمين : العفو يا بني علي ايه
خالد قفل خلاص مع ياسمين
ريم : عايزك تقولي قالتلك ايه بالتفصيل
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أحببت حبك لي)
