رواية أحببت حبك لي الفصل الثالث عشر 13 بقلم ريهام رفاعي
رواية أحببت حبك لي البارت الثالث عشر
رواية أحببت حبك لي الجزء الثالث عشر
رواية أحببت حبك لي الحلقة الثالثة عشر
كلوا و اليوم خلص واليوم الي بعده جيه و لبسوا و راحوا الجامعه ف سلام و من غير اي خناق وكل واحد راح يشوف حاله
ريم لصحابها : صباح الخير عاملين ايه ياشباب
نور : روحي انتي الي عامله ايه
ريم : تمام اوي اوي الحمد لله
نور : أنا حاسه بانبساط و ضحكة غريبه عرفاها كويس أنا الضحكه ديه
ريم : يا ست مفيش حاجه بضحك عادي زي أي يوم
نور : يا راااجل والنعمه لأعرف فيه ايه
ريم : خلاص بقي هبقي احكيلك
ملك صاحبتها : ايه ده ايه ده فيه حاجات بتستخبي عننا بقي
ريم : يا بنتي مفيش حاجه بجد انا بهديها بس
ملك : اشطا يا عم هصدقك واكدب عنيا حاضر
ريم : سيبكوا مني تيجوا نبقي نخرج نقعد ف اي كافيه بعد المحاضره أو حتي الكافتريه بتاعت الجامعه
نور : ياريت جدا بقالنا فتره اصلا مشربناش كوباية شاي حتي سوا
بقيت أصحابها كمان وافقوا و المحاضره خلصت ورايحين يشربوا القهوه ف الكافيتريه وهما رايحين ريم شافت خالد واقف مع دكتور ياسمين وبيضحكوا
ريم : ثواني يا شباب معلش اسبقوني انتوا
نور : رايحه فين يا ست هتعملي ايه
ريم : مش هعمل حاجه هروح أسلم علي دكتور ياسمين بس
نور : ااااه طب يا شباب اسبقونا انتوا واحنا جايين
أصحابها : اشطا متتاخرووووش
ريم : مروحتيش معاهم ليه
نور : معرفش بس عشان عرفاكي هبله وممكن تعملي مشكله لو اتسابتي لوحدك
ريم : ليه يابنتي هو أنا عيله صغيره
نور : لا لا استغفر الله متقوليش كده
ريم : هتخانق معاكي بعدين بس لما اشوف الحوار الي هناك ده
راحوا عند خالد وياسمين و ريم قامت ماسكه ف ايد خالد
ريم : حبيبي عامل ايه دلوقتي أحسن
خالد بتوتر شويه : اه يا حبيبي أنا زي الفل متقلقيش ، مش هتسلمي علي دكتور ياسمين
ريم : ايه ده اسفه جدا يا دكتور مخدتش بالي ، ازي حضرتك وأولاد حضرتك عاملين ايه
ياسمين بغيظ: أنا تمام الحمد لله بس انا معنديش أولاد لأني متجوزتش اصلا
ريم : ايه ده بجد انا اسفه جدا أنا كنت فاكره حضرتك كبيره ومتجوزه يعني
ياسمين وهي متضايقه جدا :أنا 29 سنه و متجوزتش لحد دلوقتي عشان لسه ملقتش الشخص المناسب
نور وهي بتحاول تلحق الموقف: طب يالا ياريم نمشي عشان العيال مستنيانا
ريم : عادي ممكن تتأخر شويه مش حوار
خالد : ايه ده انتوا هتروحوا فين
ريم : هنقعد ف كافيترية الجامعه شويه
خالد : طب يالا روحي الحقي اقعدي معاهم شويه عقبال ما اعمل حاجه وهعدي أخدك ونمشي
ريم : تمام يا حبيبي متتاخرش
مشيوا وريم عماله تبص عليهم
نور : يا بنتي اخلصي أمشي بقي
ريم : ما أنا ماشيه اهه
راحوا وقعدوا مع اصحابهم وكل واحد طلب الي هو عايزه
نور : ايه بقي الي انتي عملتيه ده
ملك : ايه ده هو فيه ايه الي حصل بسرعه
نور لريم: احكي ؟؟
ريم : احكي الي انتي عايزاه أنا معملتش حاجه انتي الي أوفر
نور حكتلهم كل الي حصل
ملك : ايه ده ايه ده عملتي كده ليه ياريم اكيد زعلت
ريم : أنا معملتش حاجه انا مكنتش اعرف فعلا أنها مش متجوزه
نور : ياسلااام يا بنتي ما احنا عارفين من زمان هي قالت قبل كده أنها متجوزتش
ريم : عادي يبقي نسيت
ملك : اطلعي من الشويتين دول يا ريم
ريم : و هي كان حد قالها تقف مع جوزي وتقعد تهزر معاه
ملك : اوعاااا ده انتي الغيره هتموتك
ريم : غيرة ايه مفيش حاجه زي كده
خالد جيه و ريم كانت قاعده وضهرها ناحية الباب ف اتسحب براحه وشاورلهم عشان يكملوا
نور : يعني انتي مبتحبيهوش
ريم قعدت تفكر شويه
ريم : لا مبحبوش أنا بس اتضايقت ازاي تقف مع جوزي كده يعني
ملك : بصراحه حقك تغيري عليه هو عسول أنا قولتلك قبل كده
ريم : وأنا قولتلك قبل كده اتلمي صح ؟
ملك : الله مش قولتي مش بتحبيه خلاص بقي متعصبه ليه
ريم : يا ست أنا بحبه تمام هديتي كده ، أو بدأت احبه يعني
خالد راح مره واحده و با*سها من خدها
خالد : وأنا كمان بحبك اوي والله العظيم
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أحببت حبك لي)
