رواية أحببت حبك لي الفصل التاسع 9 بقلم ريهام رفاعي
رواية أحببت حبك لي البارت التاسع
رواية أحببت حبك لي الجزء التاسع
رواية أحببت حبك لي الحلقة التاسعة
خالد خرج عشان ياخدها ويروح لقاها واقفه مع زياد أتضايق جدا وعمال يضغط علي ايده راحلهم علي طول وأتكلم معاهم بكل هدوء عشان ميكسفهاش
خالد : ايه يازياد فيه حاجه حصلت
زياد : لا يا دكتور مفيش حاجه انا كنت بسالها علي حاجه ف المحاضرة الي فاتت
خالد : تمام وخلصتوا خلاص عشان اخدها ونمشي
زياد : اه يا دكتور اتفضلوا شكرا جدا يا ريم
زياد مشي وخالد خد ريم وركبوا العربيه
ريم : أنا مكنتش عايزه أقف معاه والله وهو إلي أصر
خالد مردش عليها خالص
ريم : ممكن ترد عليا
خالد : نعم عايزه ايه
ريم :عايزه اقولك اني مكنتش عايزه أقف معاه أنا وقفت اتكلمت معاه بعد ما أصر والله
خالد : تمام
ريم : يعني انت مش زعلان صح
خالد مردش عليها خالد برضه
ريم : يا خالد رد
خالد : نعم يا استاذه ريم
ريم : ده الدور بتاعي أنا علي فكره
خالد : طيب
ريم : طب يا دكتور خالد هو حضرتك زعلان
خالد : مفيش حاجه
ريم : طب لو لسه عرض الأكل بره موجود ممكن نخرج ناكل بره عادي
خالد : عرض ايه مش فاكر اني قولت حاجه زي كده
ريم : هو بقاله فتره اينعم بس عادي اعتبره عرض مني أنا هعزمك
خالد : لا ميرسي مش قادر
ريم : ميرسي !!! انت زعلان مني صح
خالد : لا وأنا هزعل منك ليه
ريم : عشان وقفت مع زياد يعني
خالد : لا مفيش حاجة
ريم : طب أحلف
خالد : خلاص دماغنا بقي يا ريم
ريم : خلاص اتفلق بقي براحتك
خالد : طيب شكرا
وصلوا البيت وكل واحد دخل اوضته ومحدش اتكلم مع التاني
وبعد شويه خالد خرج لقاها محضره بانيه و مكرونه
ريم : كويس انك خرجت أنا كنت جايه اناديلك
خالد : لا شكرا مليش نفس
ريم : طب ولو قولتلك اني مش هاكل
خالد : براحتك عنك ما كلتي
ريم : ايه التناحه ديه ياسطا فيه ايه
خالد كان هيسيبها وهيخش اوضته تاني
ريم : طب طب استني
خالد : نعم
ريم : أنا اسفه
خالد : تمام محصلش حاجه
ريم : يعني خلاص بجد
خالد : بس قسما بالله لو شوفتك واقفه مع الواد ده تاني ما هيحصل كويس ، أنا مش متضايق عشاني قد ما متضايق انك سمحتي لنفسك تقفي مع واحد زباله زيه يا ريم
ريم : ما أنا والله بقولك أنا مكنتش عايزه أقف هو قعد يتحايل عليا ف اتحرجت
خالد : اشطا خلاص يا عم ولا يهمك
ريم : طب مش هتاكل بقي
خالد : وريني اكلك يا عم
ريم : بص هو أنا عملت بانيه ومكرونه بس عشان بصراحه مبعرفش اعمل غيرهم
خالد : عارف عارف طنط قالتلي
ريم : طيب
خالد : طب انا عارف انك مش عايزه تسمعي حاجه عن…
ريم : بس يا خالد لو سمحت
خالد : يا ريم
ريم : خالد والله هسيبك واخش انام
خالد : لا لا خلاص تعالا هسميك سيد القماص
ريم : ده انا برضه ،المهم ايه رأيك ف اكلي
خالد : جامد والله تسلم ايدك يا حبيبي
ريم : ايه ده فيه
خالد : ايه
ريم : ايه حبيبي ديه متخدش عليا اوي كده
خالد : ليه يا عم مش مراتي وابتدينا ناخد علي بعض
ريم : لا انا مش مراتك ومش هاخد عليك أنا بعدي الدنيا بس لحد ما نشوف ايه الي هيحصل بعدين
سابته ودخلت اوضتها
وتاني يوم جيه وصحيت لقيته لسه مصحيش مع أنه عمره ما أتأخر ف الصحيان كده لحد ما قلقت ودخلت الاوضه عشان تصحيه ونادته من بعيد
ريم : خالد يالا قوم يا بني انت اتأخرت اوي
راحت جنبه لقته بيترعش وحطت ايدها علي راسه لقيته سخن جدا
ريم بخوف : خالد خالد انت سامعني صح استني أنا هروح اجيبلك البرشام انا معايا برشام للسخونيه وهجيبلك الكمادات وكل حاجه تمام متقلقش تمام
جريت وجابت كل حاجه وادته البرشام وبدأت تعمله الكمادات
ريم: خالد بدأت تتحسن صح
خالد بتعب : أنا تمام متقلقيش
ريم : طب بص قوم خد دش ساقع وأنا هعملك شربة فراخ تمام
خالد : ساقع ازاي يا بنتي انتي عايزه تخلصي مني
ريم : بعد الشر متخافش والله انا شوفتها ف كذا مسلسل تركي قبل كده و بحثت كمان علي النت
خالد : لا إذا كانوا قالوها ف مسلسل تركي يبقي خلصانه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أحببت حبك لي)
