رواية أحببت جميلة الفصل الرابع 4 بقلم أماني عبدالجليل
رواية أحببت جميلة الجزء الرابع
رواية أحببت جميلة البارت الرابع
رواية أحببت جميلة الحلقة الرابعة
القى يوسف هاتفه بقوه على السرير وهو يبغض تصرف أبيه ولكن لا يوجد أمامه سوى أنه يلبى طلب والده وأخذ بتحضيرات شنطة سفره و اوراقه
بعد يومين وصل يوسف المطار واستقبله والده وعادوا معاً للبيت
عنده وصله المنزل
جميلة ذهبت إليه مسرعة ورحبت به قائلة : نورت البيت يا جو كان ليك وحشة والله
يوسف : منور بناسه يا حبيبتي
جميلة : طمني عليك بقا عامل اى
يوسف : كويس والله بس مرهق من السفر ومحتاج انام شويه
جميلة : نوم الهنا يارب ، بابا انا طالعة مع جاسر نشتري لوازم الفرح
عزيز : ماشي بس اوعي تتأخري
جميلة : حاضر يا بابا باي
عزيز : في رعاية الله يا بنتي
خرجت جميلة وكان جاسر في انتظارها داخل سيارته
جميلة : جاسر انا جيت
جاسر : اهلا يروحي
جميلة : ها هنروح المول الاول ولا اى
جاسر : ايوا يروحي هنروح المول الاول
توجهوا سوياً للمول وقاموا باختيار وشراء كل لوازم الفرح معا
ثم ذهبوا للغذاء بأحد المطاعم
جميلة : تعرف جو نزل انهاردة عشان يحضر فرحنا
جاسر : حلو دا مع اني كنت شاكك أنه مش هينزل
جميلة : انا بتمنى يوسف ميسافرش تاني هو بجد بيوحشني
جاسر : بيوحشك ازاي يعني انا بس اللي اوحشك يا حبيبي ماشي !
جميلة : دا اخويا ع فكره
جاسر : عارف ولو حتى باباكي تمام ؟
جميلة : مجنون رسمي
جاسر : بيكي يا عيوني مجنون بيكي
أنهوا الطعام ثم أوصل جاسر جميلة لمنزلها وتوجه هو لمنزله أيضاً
جميلة في منزلها ..
جميلة : بابا هو جو لسه نايم دا كله !
عزيز : ايوا يا حبيبتي لسه نايم
جميلة : طب انا هصحيه
صعدت جميلة لغرفة أخيها وطرقت على باب الغرفة مرتين لكن دون رد فقامت بفتح الباب ودلفت داخلها وتوجهت ليوسف وقامت بفتح النافذة
جميلة : قوم يا يوسف دا كله نوم
يوسف : مش عايز اقوم سبيني انام
جميلة : اى يا حبيبي مش عايز تقعد معايا ونحكي زي زمان
يوسف : مش فايق يا جميلة دلوقتي
جميلة بحزن مصطنع : طب انا اسفه ع الازعاج
يوسف : استني يا جميلة
جميلة بفرحه : هتصحى ونتكلم
يوسف : ايوا تعالي .. متزعليش انا بس مضايق عشان مش حابب وجودي هنا وكنت راسم كل حياتي برا في لندن لكن بابا لغبط كل مخططاتي
جميلة : صدقني يا جو العيشة هنا احسن بكتير كفاية انك هتكون مطمن وانت جمب اهلك وهتربي ولادك ع عاداتنا وتقاليدنا وتعاليم دينا الصحيحة
يوسف : لكن هنا مفيش مستقبل
جميلة : مفيش مستقبل ازاي انت ناسي شركات بابا ! .. اشتغل معاه مش انت دارس بيزنس ؟!
يوسف : ايوا دارس بس مش عارف هفكر
جميلة : ماشي يا حبيبي
بعد مرور عدة أيام وجاء يوم الزفاف
حضر جميع المعازيم في حديقة ڤيلا نعمان الشوري وتزين العريس والعروس
بجانب طاولة المأذون : هل تقبل بالزواج من جميلة ؟
جاسر : ايوا اقبل
المأذون : هل تقبلين الزواج من جاسر ؟
جميلة : نعم اقبل
علت أصوات الزعاريط والاغاني
اخذ جاسر جميلة ليرقص معها على انغام اغنية
** وعد مني تعيش حياة معشتش زيها
احلامك اللي حلمتها مكتوبة ليك
انسى اللي فات وتعالي نعمل زيهم
مبقتش عايز ناس خلاص جالي اللي بيهم كلهم **
انتهت مراسم الزفاف وذهب العروسين لغرفتهم بمنزل نعمان الشوري
حمل جاسر جميلة بين يديه متوجهاً لغرفته ثم اغلق الباب بقدميه ووضع جميلة ع السرير قائلا : اخيراً بقيتي معايا وف بيتي ومقفول علينا باب واحد
جميلة : انا فرحانة اوي
جاسر : انا كمان حاسس كأن قلبي طاير من الفرحة
ذهبت للدريسنج رووم .. ثم خرجت
جاسر بصدمة : اى اللي انتي لابساه دا يا جميلة !
جميلة : ملقتش حاجه مريحة غير دا
جاسر : ملقتيش حاجه مريحة غير هدومي !
جميلة : ايوا عادي يا جاسر هو انت مضايق ليه !
جاسر : حبيبي انهارده فرحنا انتي فاهمه حاجه ولا بتستعبطي ولا اى دنيتك
جميلة : انا فاهمه ايوا لكن يعني
جاسر : ايوا لكن يعني اى بقا
جميلة : الحقيقة كدا انا عندي عذر يمنع اللي انت عاوزه دا
جاسر : نعم ياختي لا قولي انك بتهزري
جميلة : لا ابدا يا حبيبي
جاسر : يا شيخة انتي خليتي فيها حبيبي ومقولتيش ليه كنا أجلنا شويه
جميلة : اتكسفت اقول حاجه زي دي
جاسر : طيب تعالي نامي جمبي
جميلة توجهت إليه ونامت بإحضانه وغطوا في نوم عميق
اليوم الثاني : استيقط جاسر وجد جميلة نائمة على صدره ابتسم ووضع قبلة على جبينها ف استيقظت جميلة قائلة : صباح الخير يروحي
جاسر : صباح النور يا عمري ، نمتي كويس
جميلة : انا اول مره انام كويس اوي كدا كنت مطمنة بيك
جاسر : ربنا يخليكي ليا ، يلا نصلي وننزل عشان نفطر
جميلة : حاضر
بعد وقت قليل على مائدة الإفطار
نعمان : صباحية مباركة يا عريس
جاسر : الله يبارك فيك يا حبيبي
والدة جاسر : طمني يا حبيبي اى الاخبار
جاسر : اخبار اى يا ماما مش وقته الكلام دا !!… انا حجزت شهر عسل في ڤيينا
جميلة : بجد يا جاسر ومقولتليش ليه بقا ؟
جاسر : كنت عاملك مفاجأة ها عاجبتك ؟
جميلة بفرحة : جداً يا حبيبي ربنا يخليك ليا
جاسر : ويخليكي ليا يا حبيبتي
في ڤيلا عزيز الهواري..
يوسف : يا ماما حاولي تقنعي بابا بحكاية سفري انا بجد عايز اسافر مبحبش الجو هنا انا تعودت ع هناك خلاص
والدة يوسف : يعني اى اتعودت ع هناك احنا هنا اهلك وعارفين مصلحتك كويس ثم إن باباك عايز يجوزك
يوسف بدهشة : نعم يا ماما ! انتي بتهزري صح !
والدة يوسف : لا والله ابدا
هنا دخل عزيز الهواري والد يوسف
عزيز : في اى صوتكم عالي ليه
يوسف : في إن ماما بتقول إن حضرتك عاوز تجوزني دا صحيح !
عزيز : اه صحيح انا كنت لسه جاي اقولك
يوسف : تقولي اى يا بابا اى شغل الجنان دا
عزيز صفع يوسف بيده وقال له : الظاهر إن عيشة برا خلتك تبقى قليل الادب ونستك ازاي تتكلم مع والدك ، جهز نفسك بكره
عندنا ميعاد مع والد البنت ومش عايز اسمع صوتك تاني انت فاهم ؟!
يوسف : دا قرار مصيري ازاي حضرتك تقرره لوحدك من غير ما حتى تاخد رأيي
عزيز عشان انا عارف مصلحتك كويس ومش عايز نقاش تاني
صعد يوسف لغرفته واغلق الباب خلفه بقوة ثم …
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أحببت جميلة)
