رواية أحببت تلك السمراء الفصل الثاني والعشرون 22 بقلم حورية مصطفى
رواية أحببت تلك السمراء الجزء الثاني والعشرون
رواية أحببت تلك السمراء البارت الثاني والعشرون
رواية أحببت تلك السمراء الحلقة الثانية والعشرون
_في منتصف الحفله الانوار كلها اتقفلت وكان فيه ضوء خافت بس اللي ظاهر وفجاه ظهر بنت في غايه الجمال..
براء: بصدمه: نورا..
يوسف بحب: حلوه المفاجاه يا براء..
براء بصدمه: حلوه اووي يا جو..
يوسف بحب: لسه المفاجاه الاكبر…
وهم بيتكلموا ظهر قاسم و فاطمه اهل براء..
قاسم بحب: اتوحشتك جوي يا ولدي..
براء بعيون دامعه: وانت كومان اتوحشتني جوي يـا ابوي..
فاطمه بحنان: كده يا ولدي متسالش عليا طول الفتره دي..
براء بحب: اسف ياما متزعليش مني..
فاطمه بحنان: مش زعلانه يا حبيبي..
نورا بخجل: اذيك يـا براء..
براء بعيون تشع حب: بخير الحمدلله يــا نورا.. وانتي اخبارك ايه طمنيني..
نورا بخجل: ديما يارب.. وانا الحمدلله بخير..
براء بحب: ديما يارب..
يوسف بمقاطعه: اتفضل يا عمي انت وخالتي عشان اعرفكم علي اهلي..
قاسم وفاطمه بحب: اتفضل يا ولدي..
وفعلا يوسف اخدهم عشان يتعرفوا علي اهله..
يوسف بحب: اعرفك يـ بابا علي اهل براء..
احمد بصدمه: قاسم..
قاسم بنفس الصدمه:احمد..
فاطمه بعيون دامعه: احمد..
احمد بعصبيه:- انتوا ايه اللي جابكم هنا..
يوسف بصدمه: في ايه يـ بابا انت تعرف عمي قاسم وخالتي فاطمه منين..
احمد بجمود: فاطمه بتكون خالتك..
يوسف بصدمه: ايه..
ادهم بهدوء: نتكلم بعدين يا جماعه لان الناس ببتفرج علينا مينفعش كده عشان الصحافه..
احمد ببرود: تمام وسابهم ومشي..
ادهم بهدوء: انا ادهم حما يوسف..
قاسم بود: تشرفت بمعرفتك يا ادهم بيه..
ادهم: ياريت نشيل الالقاب يا قاسم..
قاسم: تمام يا ادهم..
عند يوسف وفرح..♡
فرح: في ايه يا يوسف ليه بابا اضايق لما شاف اهل براء..
يوسف بصدمه: مش عارف يا فرح غير ام براء طلعت خالتي..
فرح بصدمه هي الاخري: ازاي ده..
يوسف: مش عارف..
عند ميرنا وحمزه..♥
ميرنا: هو الجو اتكهرب فجاه كده ليه..
حمزه بهدوء: اكيد في حاجه مستخبيه..
ميرنا بصراخ: عااااا اخيرا وقت الرقصه السلو جيت..
حمزه بغيظ: حرا’م عليكي ودني يا شيخه..
ميرنا: مش مهم يلا نرقص..
حمزه بغيظ: مش مهم ايه..
ميرنا بابتسامة: ودنك يا حبيبي وشدته عشان يرقصوا..
حمزه بصدمه: هااا..
وفعلا كل كابلز رقصوا علي اغنيه علي بالي لشيرين.. ♥”
بعد فتره انتهت الحفله.. ♡
✰ــــــــــــــــــــــــــــــــــــ✰
في فيلا البحيري..♡
كان الجو متكهرب بسب اللي حصل في الحفله حاله من الصمت تعم المكان..
يوسف قاطع الصمت الرهيب ده واتكلم بعصبيه: انا عايز اعرف ازاي مامت براء بتكون خالتي..
نورا وبراء بصدمه: ايههههه..
فرح: اهدي يـا يوسف مش كده..
احمد بغضب: وطي صوتك وانت بتتكلم..
يوسف ببرود: انا اسف يا بابا بس انا عايز افهم..
احمد بهدوء: انا كنت في اخر سنه في الكليه وقتها الدكتور بتاعتنا طلب مننا نعمل بحث عن الصعيد واهم المناطق فيها.. وفعلا روحت انا واصحابي اللي مطلبين بالبحث.. وقتها اتعرفت علي خديجه مامتك وحبيبنا بعض.. بس كان هناك في الصعيد البنت ل ابن عمها والمفروض كانت تتجوز ابن عمها اللي هو قاسم بس هي رفضت لانها كانت بتحبني.. حاولت تقنع اهلها اننا نتجوز بس روفضوا وحبسوها في اوضتها عشان مش تهرب يووم الفرح بس يوم الفرح هربت وجيتلي عشان نتجوز.. وفعلا اتجوزنا واهلها اتبروا منها وطلبوا منها تسيب الصعيد وفعلا سبتها وجينا هنا.. خديجه حاولت كتير تكلم اهلها بس هم رفضوا وقتها حالتها النفسية اتدهورت وبعد شهر عرفت انها حامل فيك وفرحنا اوووي وبدات تهتم في نفسها عشانك ومرت شهور الحمل وانت نورت الدنيا.. طلبت مني اخدها عند اهلها يمكن لما يشوفوا حفيدهم يسماحوها بس حصل العكس والكل سمعها كلام زي الس’م و طردوها.. وبعد سنتين خديجه عرفت ان اهلها مات’وا وقتها دخلت في حاله نفسيه صعبه وامتنعت عن الاكل وحالتها كانت بتسوء يوم عن يوم.. طلبت مني ان نروح لاخواتها اخر مره وفعلا روحنا عشان نصلح علاقتها مع اخواتها بس قالوا ان اختهم ماتت لما اتجوزت ابن البندر.. رجعنا في نفس اليوم القاهره وقالتلي انها هتدخل تنام وهتصحي تجهز الاكل بس مصحتيش من زعلها وحزنها مات’ت..
_ حاله من الحزن سيطرت علي الجميع صوت شهقاتهم اللي كان مسموع..
براء بدموع: ليه كده للدرجادي قلبكم قاسي حرا’م عليكم.. وبعدين قال يوسف صدقني مكنتش اعرف حاجه من دي..
يوسف بدموع: انت مالكش ذنب يا براء هتفضل طول عمري اخويا وصحبي.. وسابهم وطلع فوق..
فرح بدموع لميرنا وساره: خلوا بالكوا من الاولاد هطلع اشوف يوسف..
✰ــــــــــــــــــــــــــــــــــــــــ✰
في جناح يوسف وفرح.. ♡”
فرح طلعت لقت يوسف بيكسر في الجناح بعصبيه..
فرح بدموع: يوسف اهدي..
يوسف بعصبيه: ليه يا فرح يعملوا كده بسبهم اتحر’مت من امي وحنانها..
فرح بدموع: اهدي يا حبيبي ده نصيبها يا يوسف ومحدش بياخد اكتر من نصيبه..
يوسف بدموع: خديني في حضنك يا فرح..
فرح بحب قعدت علي السرير وقالت: تعالي يا حبيبي..
يوسف راح نام علي رجلها وفرح بقت تلعب في شعره لحد ما نااام..
_ فرح سابت يوسف نايم ونزلت لقت اهل براء مشيوا..
احمد بحزن: يوسف عامل دلوقتى ايه يا فرح..
فرح بحزن: الحمدلله كويس يا بابا هو نايم دلوقتي..
احمد بتعب: تمام تصبحوا علي خير..
الكل: وانت من اهل الخير..♡”
ساره بحزن: ربنا يكون في عونهم..
الكل: امين ياارب..
فرح: هاتي ياسين وانتي يا ميرنا هاتي وتين وقوموا عشان تروحوا الوقت اتاخر..
ميرنا بخبث: لا انا و ساره قرارنا نام هنا في الفيلا التانيه..
محمد وحمزه في نفس الوقت: نعاااااام يا عنيا..
ساره وميرنا بضحك: هههههه بنهزر والله..
محمد لساره: قومي يا اخره صبري عشان نمشي..
وكذلك حمزه مع ميرنا..
✰ـــــــــــــــــــــــــــــــــــــــ✰
مر اسبوع بدون احداث تذكر…
في منزل الدمنهوري..
_شيمااااااااااااء شيمااااااااااء…
محمد بعصبيه: ايه التلوث السمعي اللي علي الصبح ده..
ساره بصراخ: مسمحلكش يا محمد تقول علي شيماااااااء كده..
محمد بدون فهم: شيماء مين..
ساره بصدمه: انت مش عارف ترند شيماء يا محمد..
محمد بهدوء : لا..
ساره بصدمه: ينهار اسوح انت مش عايش معانا علي الكوكب بقاا..
محمد بزعيق: اخلصي شيمااااء مين..
ساره بفخر: البطه..
محمد بصدمه: بطه..
ساره بغرور: ايوه البطه هي شيماااااء وشيمااااء هي البطه…
محمد بصراخ: يا حلاوه يا ولاد ده اللي فالحه فيه خدي هنا يا بنت**..
ساره بصدمه: خلي بالك انت بتشتم هبه خالتك و انا لا يمكن اسمح بهذا..
محمد بقا يجري ورا ساره وبعدين قال بتعب: خلاص معتش قادر..
ساره بضحك: شكلك عجزت يا محمد..
محمد: بقا انا عجزت تعالي بقا ورجع يجري وراها تاني لحد ما مسكها..
ساره بضحك: بهزر يا رمضان ايه انت مبتهزرش..
محمد بضحك: لا بهزر ياختي.. وبعدين قال شكرا انك في حياتي يا ساره حياتي بقا لها طعم بوجودك..
ساره بغرور: عارفه..
محمد بحب: بحبك يلي مطلعه عيني..♥
ساره بحب: وساره بتحبك وبعدين قالت اعيش واطلع عينك يا حبيبي..
✰ــــــــــــــــــــــــــــــــــــ✰
بعد مرور اربع سنين..🤎”
ياسين و وتين عمرهم 4 سنين..
ميرنا وحمزه جابوا بنت سموها فريده علي اسم مامت فرح عمرها سنتين..
ساره وحمزه جابوا ميرا و ادهم عمرهم 3 سنوات..
فرح بحب: كتاكيتي يلا بلاش كسل هتتاخروا علي الروضه «رياض الاطفال»
ياسين ببراءه: مش عاوز اروح…
وتين: وانا كماان..
فرح بخبث: طيب براحتكم بس ميرا وادهم هيرحوا..
وتين: هو ادهم يروح بجد ولا بتضحكي عليا..
فرح بضحك: ايوه وبعدين انتي اكبر منه يا حبيبتي..
وتين بخجل: الحب ميعرفش سن يا مامي..
فرح بضحك: قومي يا لمضه.. وبعدين قالت بصراخ.. هصحي اخوكم عشان المدرسه ايجي القيكم مخلصين انتوا فاهمين..
ياسين و وتين بخوف: فاهمين..
وفعلا راحت تصحي سيف..
فرح بحب: حبيب مامي يلا اصحي عشان باص المدرسه علي وصول..
سيف بنعاس: حاضر يا مامي..
في جناح يوسف وفرح..♡
يوسف بحب: وحشتيني يا فرحتي في الخمس دقايق دول..
فرح بحب : وانت كمااان يا قلب فرحتك..
يوسف لسه هيبو’س فرح لقي ياسين وتين واقفين..
يوسف: انتوا واقفين كده ليه..
ياسين : بنشوفك بتعمل ايه عسان ابقا اعمل زيك مع ميرا..
يوسف بصدمه: هااا..
فرح بضحك: عيب كده يا حبيبي..
يوسف: بلاش تقعدوا مع براء كتير لان فسد اخلاقكوا..
بعد مرور 6 ساعات..
فرح بقلق: السواق اتاخر كده ليه يا يوسف المفروض الولاد يكونوا وصلوا من ساعه..
يوسف: اهدي يا حبيبتي زمانهم علي وصول يمكن في زحمه في الطريق ولا حاجه..
احمد بخوف: كلم السواق يا يوسف..
ادهم بتاكيد علي كلام احمد: فعلا يا يوسف كلم السواق عشان نطمن..
يوسف لسه هيكلم السواق كان دخل عليه بتعب وهدومه كلها د’م..
السواق بتعب: الحقني يا يوسف بيه في عصابه هجمت علينا واحنا راجعين وخطفوا الاطفال..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أحببت تلك السمراء)
