رواية أرض الهلاك الفصل السابع 7 بقلم رشا منصور

رواية أرض الهلاك الجزء السابع

رواية أرض الهلاك البارت السابع

رواية أرض الهلاك الحلقة السابعة

كهرمان…..
بقي كدا يا رسلان تخليني اغد’ر ب قمرالزمان وانت ناوى تبعد عني وتعيش معاها هي ياريتني ما سمعت كلامك 😓
سرحان….
كنت ماشي وراء رسلان وعمال أفكر في الكلام أنا اشتغلت فى القصر ده من حوالى خمس سنوات كنت مجرد حار’س شخصي للأمير قبل ما ابقي دراعه اليمين وكنت بلاحظ عطف السلطان لقمان عليه وعمره ما حرمه من حاجه بالعكس ده كان بيعطيه بزيادة وحتى ملابسه كانت بتتزين بالمجوهرات يبقي ازاى يكون ق’تل أبوه وطمع أنه يكون سلطان
قمرالزمان. …
اكلت ودخلت حجرة ياسمين وجابتلي من عندها فستان شكله جميل واخيرا لقيت عطور وأدوات تجميل وجهزت وطلعت لهم
وشوفت الكل بصلي بانبهار بس لقيت نفسي بدور ع نجم الدين اللى أول ما دخل ومعاه حمدان فضل واقف يبصلي بأعجاب لدرجه حسيت بالخجل وببص لقيت ياسمين بتبص ل نجم الدين
ياسمين….
هو أنا كنت بديكي فستاني علشان تتزوقي وتعجبي نجم الدين ماشي يا بنت السلطان هسيبك تتمتعي بالكام ساعه اللي فضلين
يلا يا جماعه عملت لكم الشاى بزهرة الياسمين هيعجبكم أوى
عفان…
تعالي يا نجم الدين أنا عامل فى آخر البستان مكان علشان استقبل فيه اى حد من زبايني بعيد عن البيت انت عارف ياسمين كبرت ومينفعشي أدخل حد غريب البيت هو صحيح مش مفروش لكن ع الأقل أحسن من النوم فى الجبال واخدته ووريته المكان وعجبه وقال كويس ع الأقل نكون جنب الأميرة
قولتله هجيبلك فرش من البيت وخلي الرجاله ترتاح وتنام زمانهم تعبانين إنما انت بقي هتنام معايا فى غرفتي
نجم الدين…..
متشكر اوى يا عمي بس لازم ع بكره تشوف لنا مكان لحد ما يمشي رسلان وبعدين نرجع تانى
أنا لحد دلوقتي مش عارف مين اللى دله وعرفه مكاني
عفان….
بسيطه تعالي معايا واكشفلك كل حاجه واخدت نجم الدين عند المرآيا المسحورة وقولت لها اكشفي ليا ع اللي حصل وكان وظهر لنا رسلان ومعاه سرحان والعراف عدنان وعرفنا أنه دلهم ع طريق الجبال وده معناه أنهم هيوصلوا بكره أخر النهار هنا عند البيت بصيت ل نجم الدين وقولت له لازم مع أول شروق الشمس تاخد رجالتك والاميرة وتطلع ع جبل الظلام وأول ما يمشي رسلان هبعتلك رساله مع الغراب
نجم الدين….
جبل الظلام بس دي أرض الجان ازاى هندخلها من غير استئذان
عفان….
متحملش هم حاجه هبعت معاك أحد حر’اس الجان. هيدخلك هناك بأمان. لحد ما نخلص من رسلان
نجم الدين….
رجعت للرجاله والاميرة وقولت لهم لازم نرتاح دلوقتى علشان مع شروق الشمس هنمشي رسلان فى الطريق وهيكون هنا بكره يلا يا أميرة خليكي مع ياسمين وحاولى تنامى علشان اليوم بكره طويل
واخدت الرجاله ووريتهم المكان
ولقيت حمدان بيقولى مدام عارف طريق رسلان ما نرجع للسفينه ونرجع تانى الجزيرة ونسلمها للسلطان قولت له وتضمن منين عند وصولنا لحدو’د الجزيرة. متقومش الحر’ب علينا أنا نفسي أرجع هناك ومعايا رسلان علشان اكشف خيا’نته ونكون فى أمان
حمدان….
فوق يا نجم الدين انت معجب بالاميرة وانت عارف أنها مش لك
انهي المهمه. اوام علشان تفوق لنفسك ولقيته بيقولى
نجم الدين….
هى فعلا عجباني علشان كدا عاوز أوفر لها الأمان وابعد عنها رسلان افرض أنى رجعتها للسلطان تفتكر أنه هيصدقني أنا ويكد’ب إبن أخته رسلان
ياسمين….
أول ما سمعت نجم الدين بيطلب من الكل يرتاح علشان هيرحلوا فى الصباح خرجت بحجه إنى هجيب أكل وحاجات تنفعهم فى الطريق وروحت ل خالتي وردشان وحكيت لها كل اللى حصل وقولت لها
أنا مفر’ وسه من قمرالزمان علشان كدا عوزاكى تنفيها وتوديها ع أرض الجان لحد ما يوصل رسلان
ونلعب عليه لعبه ونخلص منه هو كمان وقتها مبقاش لنجم الدين غير أنه يتجوزنى علشان أرجع الأميرة ويضمن رقبته’ من السلطان
بس لقيتها بتقولى ما يمكن نجم الدين يرجعها للسلطان وتبقي خلصتي منها من غير اى آذيه’
مشيت من عند خالتي بس وأنا ناويه أشتغل لوحدى شكلها خا’يفه من أبويا عفان
السلطان لقمان…..
فضلت طول اليوم منتظر اى رساله توصلني من صفوان
لكن خلص اليوم من غير اى نتيجه بس هو كان قالي أنهم فى طريقهم ل الغابه السوداء وياخدوا طريق الجبال يمكن ده السبب
انا فاكر ان عفان الحكيم كان عايش هناك ياتري عامله إيه يا قمرالزمان يارب تكونى فى اما’ن
ياسمين…..
مش قادرة أسمع كلام خالتي بس لازم اجيب الموضوع بعيد عني أنا عاوزة أكسب قلب نجم الدين مش اخسره
رجعت البيت ومعايا أكل وفاكهه كتير ودخلت أوضتي لقيت قمرالزمان نايمه وقررت اخد اى حاجه تخصها لقيت شعرها فى المشط بتاعي ولقيت ذشريط ستان كانت حطاه ع شعرها اخدته هو كمان وقررت أرجع لشغل السحر اللى مانعني عنه ولدى
وقررت أحضر اللى يشفي غيظي’ واخلي الموضوع بعيد عني
صفوان….
كنت ماشي مع الجنو’د وملاحظ ان سرحان زى ما يكون تايهه وقررت أسأله بالليل بعيد عن رسلان وفضلت منتظر بعد ما نصبنا’ الخيام ودخل رسلان خيمته وروحت ل سرحان وقولت له مالك شايفك حيران إيه اللي شاغل بالك ولقيته قالي
سرحان….
طول فترة وجودى فى القصر وأنا شايف بنفسي حب السلطان ل الامير رسلان لكن ….
هو انت يا صفوان تعرف حاجه عن أبوه الأمير رسلان يعني قصدى هو يعني كان السلطان
صفوان. …
أنا متربي فى القصر من زمان لأن أبويا كان حار’س الشخصي للسلطان أبو السلطان لقمان واللى مات فجأة وكان وقتها السلطان لقمان موصلش لسن الرشد والكل قرر ان روهان أبو رسلان يكون السلطان لحد ما السلطان لقمان يوصل للسن القانو’ني يعني لفترة مؤقته واتزوج بعدها من الأميرة جيهان وفضل السلطان روهان فى السلطه’ حتى بعد مكبر السلطان لقمان واتزوج وبعد سنه زوجته ماتت وبعد كدا اكتشفوا عن طريق الصدفه ان روهان هو اللى قتل’ السلطان لأنه كان عاوز ياخد الحكم’
وهر’ب روهان فى سفينه وبعد كدا عرفنا ان فى عاصفه قامت وأنه غر’ق وكل اللى كان فى السفينه مات.
سرحان….
انت متأكد من كلامك ده بس ازاى رسلان فاهم ان السلطان هو اللى قتل’ أبوه روهان وازاى محدش يعرف حاجه عن الكلام ده
صفوان. …
السلطان لقمان قرر تكتم الأمر وقال ان روهان مات. وهو فى المعر’كة علشان ابنه رسلان يفتكروا بطل وكمان مكنش عاوز الأميرة جيهان تعرف حاجه لأنه كان جوزها
بس غريبه انك بتسأل عن الموضوع قديم من سنين ياتري ايه السبب اللى خلاك تسال
سرحان….
بسأل لأن بسبب الموضوع ده الأميرة اتخطفت’ رسلان فاهم ان السلطان هو اللى قتل’ أبوه وهو السبب أنه يعيش يتيم
ياريت السلطان كان قال للأميرة جيهان الحقيقه 😔
صفوان….
حسيت ان سرحان عنده حق بس الأهم دلوقتي ازاى ننقذ الأميرة
علشان كدا سألته وقولت له عاوزين طريقة ننقذ قمرالزمان من القرصا’ن يمكن يطلع زى رسلان ويفكر يعمل حاجه فيها
سرحان. …
لآ من الناحيه دى اطمن أنا كنت شاكك. فى رسلان علشان كدا خليت واحد صاحبي يعمل دور قرصا’ن ووصيته يحافظ عليها ويحميها. منه كمان المهم أننا نوصل لهم لأن رسلان ناوى يخلص’ عليه هو كمان
صفوان. ..
متخا’فش ع صاحبك المهم عندى أوصل للأميرة قمرالزمان وبعد كدا سيب الباقي عليا ودلوقتي روح نام واوعى رسلان يحس إنى عرفت اى حاجه وسيبته روحت قعدت بعيد أفكر فى الكلام
ياسمين….
مقدرتش أنام من التفكير وجهزت الفطار وكل لوازم السفر وحضرت كمان هديه ل قمرالزمان علشان تفتكرني دايما
ومع أول شروق الشمس لقيت نجم الدين خارج من حجرة ولدى
نجم الدين….
صحيت من النوم وخرجت من حجرة عمي عفان لقيت ياسمين بتجهز الفطار ومجهزة سله مليانه فاكهه كتير قولتلها اتغيرتي يا ياسمين عن زمان ولقيتها قالتلي أنا كبرت يا نجم الدين وأكيد عقلي بيكبر معايا المهم أكون تغيرت للأحسن
قولتلها أكيد للأحسن وأنا لو كنت أعرف كدا كنت جيت من زمان أول ما اوصل بنت السلطان هرجع اقضي معاكم فترة هنا ارتاح شويه من البحر
ياسمين…..
كنت مبسوطه من كلامه وحسيت أن فى أمل يحبني بس ده ميمنعش إنى خا’يفه يحب قمرالزمان ويفضلها عليا
وقولت له يلا صحي رجالتك تفطر وأنا هدخل الفطار للأميرة علشان تكون ع راحتها ولقيته لأول مرة بيبتسم وبيقولي صباحك جميل زى جمال عيونك يا ياسمين
ياااااه مكنتش متخيله أسمي بالحلاوة دى ❤
قمرالزمان. …
صحيت ع صوت ياسمين وهى بتقولى قومى يا أميرة الفطار جاهز بسرعه كلي واجهزى كلهم منتظرينك
قومت غسلت وشي واكلت ولبست الفستان بتاعي وشكرتها ع ضيافتها ليا وخرجت من الحجره لقيت كل البحارة مجمعه شكرت عمو عفان وسلمت ع ياسمين ولقيتها بتديني عقد جميل وقالتلي سهرت اعمله طول الليل علشان تفتكريني به اوعى تقلعيه من رقبتك يا أميرة 😙حضنتها وشكرتها وأنا مبسوطة آوى
نجم الدين….
كنت ملاحظ التغيير ومستغرب حتى عمي عفان كان بيبصلي وبيبص ل ياسمين ومش مصدق
وخرجنا من البيت ومعايا عمى عشان يوصلني لأول طريق جبل الظلام ويحضر خادم من الجان يكون معانا
ومشيت ومعايا عمي والرجاله ورايا وحمدان كان مع الأميرة فجأة سمعت صر’يخ ولقيت حمدان وياسمين بيقولوا الحق الأميرة
ببص لقيت 😲