رواية أحببته رغما عني الفصل السابع 7 بقلم شيماء محمد
رواية أحببته رغما عني الجزء السابع
رواية أحببته رغما عني البارت السابع
رواية أحببته رغما عني الحلقة السابعة
البارت السابع 💙🌹
شكراً على التفاعل ياقمرات 🌹❤️
مضمون الرسالة :
( ”حبيب القلب اللى انتى متجوزاه بيكتب كتابة دلوقتى على حبيبته وام ابنه ،سيبكم فى المستشفى وقاعد مبسوط مع عروسته “)
أشرف _مالك يا هاجر
هاجر (بصدمة)_ها…..لا ما …مافيش
روما_ايه مالك يا هاجر وشك شحب كدا ليه
رونق بدأت تفوق _با…بابا …..أنا فين
أشرف (بلهفة )_بنتى حبيبتى
روما(بدموع)_ايه ياحبيبتى مالك ايه اللى جرالك
رونق(بدموع)_مفيش حاجة أنا كويسة بس شوية هبوط ،بس معرفش مالى أنا لقيت نفسى مش شايفة حاجة
أشرف_الحمد لله يابنتى جات سليمة ،الحمد لله انك بخير
رونق_الحمد لله يابابا
هاجر _يلا يا رورو اتشجعى علشان تقومى بقا وتخرجى من هنا
رونق_إن شاء الله
…..فى العناية المركزة عند والد هاجر…..
سما_خير يادكتور عمو عامل ايه ؟
الدكتور _بص يابنتى ماخبيش عليكى حالته صعبة اوى
سما_يعنى ايه يادكتور خلاص هو بيضيع منى
الدكتور_ادعيله يابنتى ،ادعيله ربنا ياخد بإيده إحنا عملنا اللى علينا والباقى على ربنا
سما(ببكاء)_حاول يادكتور ،بالله عليك حاول
الدكتور_حاضر يابنتى هنحاول بعد إذنك
……فى مكان تانى ……..
¹_ عملت ايه
²_عملت اللى إحنا اتفقنا عليه وزمانها متجوزة الأه*بل دا
¹_أنا مش عايزة أى غلطة إنت فاهم
²(بخوف)_حاضر …حاضر ياماما
¹(بعصبية وتحذير)_ أنا مئة مرة أقولك متقوليش ياماما الا لما نأخد حقنا منهم إنت فاهم
²_خلينا نبعد عنهم أنا ماعدتش عايز حاجة من حد
¹_لا بقولك ايه انت هتنخ ورا ليه إحنا ماصدقنا
²_ما أنا ماعدتش عايز منهم حاجة أنا عايز اعيش بعيد عنهم كفاية الأذية اللى هما عملوها فينا ماعدتش عايز منهم حاجة وكفاية الفترة اللى بعدونا عن بعض فيها
¹_وأنا مش هرجع الا لما أخد حقى منهم واحد واحد إنت فاهم حتى البنت اللى هو متجوزة أنا ليا مع ابوها حساب طويل اوى
²(بعصبية)_قصدك على مين هاجر ؟!
¹_ايه مالك بصيت كدا انت بتحب ولا ايه يابن بطنى
²_اللى هيلمس شعره من هاجر أنا همسح من على وش الدنيا حتى لو كان الشخص دا انتى
¹(بعصبية)_انت قصدك ايه ،أنا ليا حساب معاهم واحد واحد وعايزة اى حد يتكلم أنا لازم أخلص الحساب القديم
²(بخبث)_ما انتى ماسبتنيش اكمل أنا اللى هأخد حقى منها هى بالخصوص ولازم احرق قلبهم على بعض زى ماحرقوا قلبى
¹_انت كدا تبقى ابن بطنى يلا أنا لازم إمشى
²_طريقك اخضر مع السلامة
…..فى فيلا السيوطى …بقلم شيماء محمد (زهرة الجناين)
…عدى كان يوم وخالد لسا ماظهرش ورونق خرجت من المستشفى بس خرجت جسم بلا روح بسبب كل اللى حصلها دا …..
أشرف _نورتى بيتك يابنتى
رونق(بتوهان)_أنا عايزة اطلع اوضتى عايزة انام
هاجر_تعالى يارونق …تعالى أما أطلعك
أشرف_ خدى بالك منها يابنتى
روما_امال خالد فين يابابا
أشرف _والله يابنتى أنا ما عارف هو قال إن جاله مكالمة شغل
…هاجر وهى واخدة رونق علشان تطلعها فوق دخل خالد وسوزى …..
أشرف_كنت فين يابنى كل دا
خالد _شوية شغل يابابا
روما_شوية شغل واختك كانت فى المستشفى مش عارفين مالها
رونق _كدا ياخالد وتسبنى فى المستشفى وتكون مع دى
أشرف بص على سوزى وقال_طالما هو شوية شغل اللى جانبك دى بتعمل ايه
هاجر (بحزن)_ومايبقاش معاه ليه ماهى مراته ،مبروك ياخالد
…الكل وقتها ردوا فى صدمة _انتى بتقولى ايه ؟!
هاجر_زى ما سمعتوا وكمان حامل منه
أشرف (بعصبية)_صحيح اللى هى قالته دا ياخالد
خالد_ايوا يابابا صحيح أنا اتجوزت سوزى وبحبها
أشرف(بعصبية)_وبنت الناس اللى معانا دى واللى إنت اتجوزتها
خالد(ببرود)_أنتم اللى جوزتوها ليا وانا ما كنتش عايزها فخلوها عندكم بقا
هاجر(بسخرية)_ليقين على بعض اوى جز*مة ولقت فردتها انتم الإتنين أح*قر من بعض
خالد(بعصبية)_انتى بتقولى ايه يابنى أدمة انتى ….ولسا رايح يمد أيده عليها ….
أشرف_ لو مديت ايدك عليها لا إنت ابنى ولا أعرفك
خالد_عايز تتبرى منى علشان دى
أشرف_اه وكفاية اللى انت عملته
روما_ايوا ياخالد كفاية لحد كدا
هاجر _تعالى يارونق علشان أطلعك فوق
خالد_استنى ايه تعالى مش انتى ولعتيها ….ومسكها من شعرها ……
أشرف(بعصبية وتحذير)_لأخر مرة بقولك سيبها ..
سوزى (بتمثيل)_الحقنى يا حبيبى مش قادرة اقف على رجلى
خالد(بخوف)_ايه مالك فيكى ايه تعالى وأنا أطلعك فوق وهجبلك دكتور
….وشالها علشان يطلعها فوق كل دا تحت أنظار هاجر اللى حاسة إن قلبها اتكسر قدامها مع انها ما حبتش خالد ولا حتى استلطفت تعامله معاها بس هى فى الاول والأخر مراته واول واحد يدخل حياتها وحتى ما راعاش مشاعرها …
..دخلت هاجر ورونق الأوضة ..بقلم شيماء محمد (زهرة الجناين)
هاجر_ايه مالك بقا يارونق أنا مش مصدقة موضوع أنه هبوط وبس
رونق(بدموع)_شوية هبوط والله وتعب بس من الدراسة انتى عارفة انى ثانوية عامة
هاجر _أنا هعمل نفسى مصدقة وقت ماتحبى تحكى أنا موجودة ومش عايزاكى تشيل هم حاجة
رونق _بس ايه القوة اللى انتى فيها دى اخويا اتجوز عليكى وانتى واقفة جامدة كدا ومتهز فيكى شعره
هاجر _أنا صحيح إتجوزت خالد صالونات واتجوزته وانا حتى متعرفش شكله وكنت فى الاول مفكرة إن والدك هو اللى كان العريس
رونق_ازاى يابنتى ليه ماشوفتيش خالد يوم كتب الكتاب ولا ايه
هاجر _عايزة اقولك إن والدى حدد اليوم ،يوم ما قالى ،أنا اه فعلا كنت رافضة الفكرة بس لما عرفت إن اتجوزت قولت بقا هشيل المسؤولية واللى ربنا كتبه ليا
رونق_انتى ازاى كدا وازاى فيكى كمية الإيمان دى
هاجر(بإبتسامة)_اهو الحمد لله من يوم وفاة والدتى وانا الحمد لله كدا ووالدى زرع فيا دا
….وقتها دخل أشرف فجأة رونق وهاجر …
رونق _ فى ايه يابابا مالك كدا
هاجر _مالك ياعمو فى ايه
أشرف(بصدمة)_والدك…….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أحببته رغما عني)
