رواية أحببتها صدفة الفصل الثالث عشر 13 بقلم رحمة محمد
رواية أحببتها صدفة الجزء الثالث عشر
رواية أحببتها صدفة البارت الثالث عشر
رواية أحببتها صدفة الحلقة الثالثة عشر
هنا استغربت من شعور ليان وكانت هترد عليها بس قاطعها صوت تليفونها بيرن وكان والدها العميد محمود
هنا : الو ي حبيبي
الشخص : صاحب التليفون دا عمل حادثه
هنا بصدمه : بابا
ليان ورغد خرجو من الخيمه بسرعه
رغد : في اي
هنا بصت ليها بدموع وعيطت
ليان خدت منها التليفون : الو
الشخص : هو عمل حادثه وهو دلوقتى في مستشفي *……….
ليان بقلق : طيب احنا جيين
وقفلت معاه وبصت لهنا ورغد : يلا نجهز بسرعه
هنا بعياط : بابا
ليان عيونها دمعت : هيبقا كويس والله (بصت لرغد) انتي عربيتك موجوده هنا صح
رغد بدون فهم : ايوا بس هو انكل محمود مالو
ليان بحزن : عمل حادثه
رغد بصدمه : اي
ليان : يلا نجهز
وقامو جهزو ونزلو لعربية رغد… رغد ساقت العربيه
ليان وهي بترن علي اسر : ودا مش بيرود لي دلوقتي
رغد : هنا اهدي والله هيكون كويس
وبعد فتره وصلو المستشفي.. ونزلو من العربيه بسرعه واتجهو للاستقبال
ليان شافت ممرضه : لو سمحتي فين اوضه الى عمل حادثه من شويه
الممرضه : قصدك العميد محمود
هنا بخوف : ايوا هو بابا حصلو حاجه
الممرضه ببتسامه عشان تطمنها : لا هو كويس
رغد : فين الاوضه
الممرضه : الدور التالت الاوضه رقم 400
وسبوها وركبو الاسانسير بسرعه وطلعو للاوضه
شافو واحد واقف قصاد الاوضه… بس تجهلو
كانت هنا هتدخل الاوضه بس الشخص وقفها
الشخص : لو سمحتي
هنا : نعم
الشخص : انا الى كلمت حضرتك وعرفتك
رغد : شكرا جدا (سكتت شويه وفكرت) بس انت اشمعنا رنيت علي الرقم دا
الشخص اتوتر : هاا.. دا كان اول رقم ظهر ليا
هنا : تمام شكرا ليك تقدر تمشي
الشخص : العفو علي اي.. باي
ومشي الشخص وليان لسه بصه نحيتو
ليان بتفكير : حسه اني شفتو قبل كدا
رغد : ممكن في اي مكان يلا ندخل
ودخلو البنات… وكان محمود قاعد علي السرير ورجلو وايدو متجبسين
هنا بدموع : بابا حبيبي
وجريت حضنتو
ليان ورغد : الف سلامه عليك ي انكل محمود
العميد محمود : الله يسلمكو ي بنات… وحضن هنا اهدي ي حبيبتي انا كويس دي حاجه بسيطه
ليان تليفونها رن وكان ادهم
ليان بستغراب : بعد اذنكو
وطلعت برا الاوضه
ليان : الوقت اتاخر اوي لي بيرن عليا
وردت علي الرنه لما انتهت ورن تاني
ليان : الو
ادهم بحزن : الو ي ليان… عارف انك مستغربه اني رنيت بس كنت عايز اقولك حاجه ضروري
ليان : اتفضل
ادهم كان هيتكلم بس سمع صوت دوشه
ادهم بستغراب : انتي فين
ليان : في المستشفي
ادهم بخوف : لي في اي انتي كويسه اجيلك
ليان ابتسمت : انا كويسه هو بس انكل محمود عمل حادثه بسيطه واحنا عندو
ادهم : اي.. طب سلام انا جاي
ليان : مفيش داعي هو بقا كويس دلوقتي بكرا الصبح ابقي تعالي
ادهم : طب اي الى حصل لي
ليان : ايدو ورجعلو متجبسين
ادهم بحزن : ربنا يقومو بالسلامه
ليان سمعت صوت رغد بتنادي عليها
ليان : طب سلام عشان رغد بتنادي
ادهم : تمام
وقفل معاها وليان رجعت الاوضه
ادهم بحزن : مش عارفه اقولك ازاى الى شوفتو ي ليان
*فلاش باك
ادهم وحمزه وعمرو خرجو مع بعض بعد خطوبة عمرو وهنا
ادهم : انا هروح
حمزه : اقعد شويه كمان
ادهم : لا هروح بقا انت ناسي ان عندنا شغل الصبح
عمرو : وانا هروح انام عشان الجامعه
حمزه : عيال قفيله اوي يلا نغور كلنا ي فقر
ادهم وعمرو ضحكو
وادهم سابهم وساق عربيتو وبعد فتره وصل قدام العماره
ونزل منها بيبص علي بلكونت ليان وابتسم بس لاحظ خيال شخصين
استغرب لانو عارف ان ليان مع هنا ورغد
ادهم : يمكن رجعت
ودخل العماره وركب الاسانسير
وطلع لشقتو… وبعد ما غير هدومو طلع للبلكونه شويه
وافتكر ليان وهزرهم ولما جابتلو الاكل الى هي عملاه…بس سمع صوت اصوات بتتكلم وبتضحك
ولما انتبه كانت طالعه من شقة ليان وكان صوت اسر وواحده بتضحك
ادهم بصدمه : دا مش صوت ليان
فضل منتبه شويه لكلامهم واتاكد ان دي مش ليان وان اسر جايب بنت تانيه
ادهم اتعصب ودخل الشقه وشاف فازه راح كسرها
ادهم بعصبيه : ميستاهلش حبها ولا يستاهلها اصلا بيخونها كمان لي
وقرر بعد تفكير انو يعرفها
*بااك
ادهم : لازم اعرفك
عمرو بعد ما رجع بيتو حب يكلم هنا يطمن عليها ورن عليها
عمرو : اي ي حبيبتي
هنا بدموع : الو
عمرو قلق من صوتها : هنا مالك بتعيطي لي
هنا بدموع : بابا عمل حادثه
عمرو : انتي فين انا جايلك
هنا : لا ي حبيبي هو بقا كويس
عمرو : لا قوليلي اسم المستشفي وانتي ازاى متعرفنيش من الاول اصلا
هنا : محبتش اقلق
عمرو بغضب : قوليلي عنوان المستشفي ي هنا
هنا : حاضر مستشفي *……….
عمرو : تمام انا جايلك باي
قفل عمرو مع هنا ونزل من بيتو بسرعه ركب العربيه بتاعتو ومشي
رغد وهنا وليان سابو العميد محمود يرتاح شويه وطلعو قعدو برا الاوضه
ليان : الحمدلله انو كويس….. بس افتكرت شوفت الشاب الى جاب انكل محمود هنا
هنا : فين
ليان : في فرحي انا واسر شوفتو بيسلم على اسر وقتها
رغد : مش عارفه لي حسه انها مكنتش حادثه عاديه
هنا بستغراب : ازاى يعنى… محدش هيستفاد انو يعمل كدا في بابا
رغد : هنا متنسيش ان باباكي عميد وله في مسك المجرمين والقواضي الكبيره سلاح مثلا او مخدرات فا طبيعي انو يكون لي اعداء
هنا بتفكير : ايوا سمعت بابا بيتكلم مع ادهم وحمزه عن قضيه كبيره سلاح باين
رغد : يبقا لو كانت حادثه مش عاديه يبقا هما
ليان : وممكن تكون حادثه عاديه ي رغد
رغد : اهه ممكن بس انكل محمود قال العربيه ظهرت قدامو فجاه ومعرفش يتحكم في العربيه بتاعتو وكمان مشفش الشخص الى خبطو
ليان بتفكير : مش عارفه
بعد فتره جه عمرو وقرب منهم
هنا اول ما شفتو جريت حضنتو بخوف
عمرو : دلوقتي جايه تحضنيني ما هو مكنش لي لازمه انك تعرفيني من شويه
هنا ضحكت : والله مش حبيت اقلقك ي حبيبي
عمرو : الضحكه وحبيبي بتضعفني خلاص عفوت عنك
هنا ضحكت جامد : الله يكرمك
عمرو : خلاص هتفرجي علينا المستشفى والناس ما بتصدق
هنا كتمت ضحكتها : اهو
عمرو : شطوره ي حبيبي
وقربو من رغد وليان
رغد غمزة : اي ي عم الرومانسي
عمرو : عايزه اي ي بت
رغد ضحكت : ولا حاجه ي عم بحسدكو بس
عمرو : الله اكبر في عينك
ليان بضحك : ازيك ي واد ي عمرو
عمرو ضحك : ازيك ي بت ي ليان
ليان كانت هترد بس عمرو رد : مبحبش حد يقولي بت
ليان ضحكت : لا شاطر اوي الواد دا ي هنا بيحفظ
هنا ضحكت : حبيبي ذكي
عمرو : ونبي انتي الى حبيبي
ضحكو كلهم عليه
ليان : اجمد شويه كدا هتعرنا يخربيتك
عمرو : هنا عارفه عني كل قذوراتي صح ي قلبي
هنا ضحكت جامد : صح
رغد بضحك : يخربيتك
فضلو قاعدين مع بعض يضحكو… وبعد ساعه
ليان : اسر برن عليه مش بيرد.. هاتي ي رغد مفاتيح العربيه اطمن عليه واجي
رغد : الوقت اتاخر ي ليان بكرا ابقي روحي
ليان : لا عايزه اطمن عليه
عمرو : طب خلاص تعالي اوصلك واجيبك تاني
ليان : لا انا هروح بسرعه وارجع
رغد : تمام
ودتها مفاتيح العربيه… وليان خدتها وسبتهم وطلعت برا المستشفى راحت علي عربية رغد وساقتها وبعد فتره وصلت قدام العماره
ليان : مش عارفه لي خايفه
وشافت عربيتها قدام العماره افتكرت باباها
ليان ابتسمت : هجيلك ي بابا بكرا اطمن عليك
ونزلت من العربيه وركبت الاسانسير
ووقفت قدام الشقه
ليان : هو زمانو نايم لو خبطت هقلقو… انا هفتح بالمفتاح اطمن عليه وامشي
وفتحت الشقه ودخلت شمت ريحت برفيوم نسائي بس تجهلتو ودخلت اوضه النوم بتاعت اسر واتصدمت
كان اسر صاحي ونايمه في حضنو اسماء وبيضحكو
اسماء اول ما شافت ليان اتخضت وحولت تغطي نفسها بالملايه واسر اتصدم لما شفها
ليان بصدمه : لا اكيد لا الى بيحصل دا
اسر : اهدي ي ليان
ليان بصوت عالي : اهدي اهدي اي شايفه واحده مع جوزي نايمه في حضنو بالوضع دا وتقولي اهدي بكرهك ي اسر بكرهك… وانا الى جايه في نص الليل عشان اطمن عليك منك لله طلقني بكرهك
وسبتو وجريت طلعت من الاوضه
اسر قام من جنب اسماء ولبس هدومو وطلع جري وراها لقاها طلعت من الشقه ومشيت
رجع تاني لاسماء وقعد علي السرير
اسماء قربت منو واتكلمت بدلع : ولا تزعل نفسك ي اسر انت كدا كدا كنت هطلقها
اسر : اطلعي برا
اسماء : اطلع برا ازاى
اسر بزعيق : اي متعرفيش مكان الباب
اسماء قربت منو اكتر : اهون عليك تسبني اطلع في نص الليل كدا دا انا لسه كنت في حضنك من شويه
اسر بصلها بقرف وطلع من الاوضه
اسماء بخبث : كويس اوي وادي الخطه نجحت واسر يطلقها ويتجوزني بس حرام صعبتي عليا اوي ي ليلو
ادهم كان مش عارف ينام وطلع البلكونه سمع صوت ليان
ادهم : ليان
سمعها كانت بتزعق وبتقول بكرهك ي اسر وسمع صوت باب الشقه اتفتح وتقفل
ادهم : اكيد عرفت
وجري فتح باب شقتو.. شاف ليان ركبت الاسانسير واتقفل….. بس ادهم نزل جري علي السلالم يلحقها
الاسانسير اتفتح قبل ما ادهم ينزل وليان جريت علي عربيتها ونسيت انها معاها عربيت رغد
ركبت العربيه بتاعتها وساقت باقصي سرعه
ادهم شافها ركبت العربيه بتاعتها وندا عليها بصوت عالي بس كانت مشيت… جري علي عربيتو وساقها بسرعه عشان يلحقها
ليان بدموع : لي ي اسر عملت كدا
وكل ما تفتكر منظرهم تعيط اكتر… فجاه ظهرت قدامها عربيه… ولسه هتتفاداها
العربيه بتاعتها خرجت عن سيطرتها ووقعت في البحر
ادهم شاف الى حصل للعربيه وشافها وهي بتقع في البحر
ادهم وقف العربيه وجري علي البحر الى وقعت في ليان هي وعربيتها
عيونو دمعت وندا عليها بصوت عالي : ليااااااان
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أحببتها صدفة)
