رواية أحببتها رغما عني الفصل الثامن 8 بقلم هالة علي
رواية أحببتها رغما عني الجزء الثامن
رواية أحببتها رغما عني البارت الثامن
رواية أحببتها رغما عني الحلقة الثامنة
برة البيت
أمنية : اسر شوفت شكلها
اسر : أيوة …
أمنية : واااااااااااو قدرت عليها …. انا فرحانة اوي اوي اوي يا اسر … انت اجمل اسر في الدنيا …
اسر : هههههه … وانت اجمل أمنية في حياتي …
أمنية : ربنا يديمك ليا يارب
اسر : ويديمك ليا …
أمنية : ممكن اشوف خالتو زينب … كانت بتحبني اوي
اسر : يلا يا حبيبتي …………
أمنية : بتقول يا ايه …
اسر بهمس : يا حبيبتي …
أمنية بخجل : حبيتها دي ….
اسر لنفسه : وانا حبيتك …..
أمنية : يلا يا اسر سرحان في ايه ….
اسر : فيكي ….
أمنية : ايييييه ….
اسر : بقول يلا على بيت طنط زينب
أمنية : اه اصلي سمعت كلمة تانية ….
اسر : لا مفيش حاجة
أمنية : طيب بس الكلمة التانية عجبتني
اسر : بجد
أمنية : بجد
اسر : هههههههههههههه طب يلا يا شقية قدامي
أمنية : يلا يا بابا اسر …..
اسر : خلاص بقيت مجنون بيها … صبري يارب …
______________________
في بيت زينب
زينب : مين
أمنية : افتحي يا خالتو انا امنية
زينب : موني …. وحشتيني يا نور عيون خالتك
أمنية : وانت كمان يا خالتو وحشتيني مووووت
اسر : واضح اني جيت هنا غلط
أمنية : ههههه … اسر يا خالتو …. جوزي
” جوزي ! ايوة اسر جوزي … طب ليه استغربت الكلمة لما نطقتها … لا انا مش استغربتها انا حبتها … وحبيت اني اكون مراته … وحبيت اني اكون بنته. …. وحبيت كل حاجة تربطني بأسر …. ”
زينب : اوك يا حبيبي ….
اسر : الحمد لله يا طنط …. انت اخبارك ايه … أمنية حكت لي عنك كتير ….
” حكيتله عن خالتو زينب !! لا مش حكيت … لما حكيت كان نايم … وعلى الاكيد مش سمعني … طب ليه قال كدا … ممكن يكون كلام عادي “
زينب : الحمد لله يا حبيبي … أمنية كانت بتهتم بيا دايما … بس دلوقتي محدش بيسال عني …
أمنية: انا اسفة يا خالتو
زينب : لا يا حبيبتي ربنا يسعدك ….
اسر : بالله عليكي يا خالتو وصيها عليا … اصل أمنية تعباني خالص ….
أمنية : انا يا اسر …
اسر : أيوة انت … تنكري انك بتخليني اتفرج على كرتون
أمنية : مانت دخلتني بيت الرعب
اسر : طب مانت عملتيلي بيض مش بيض خالص …
أمنية : مانت…..
زينب : بس بس بس … اهدوا يا ولاد ….
أمنية : شوفتي يا خالتو …
اسر : أيوة شوفتي يا خالتو …
أمنية : مش تقلدني يا اسر ….
اسر : اعرفي اتكلمي الاول وبعدين تعالي كلميني….
أمنية : اسرررررررررررر
اسر : امنيااااااااااااة….
زينب : بااااااااااااس … ايه اللي بيحصل …. أمنية يا حبيبتي وحشتني القهوة بتاعتك … ممكن تعمليلي …
أمنية : عيوني يا خالتو …
اسر : وانا مش هتعمليلي
أمنية : لااااااا ….
اسر : علشان خاطري
أمنية : ولو … ولو
اسر : ماشي يا أمنية …
زينب : هههههه … انتم مشكلة يا اسر يا ابني
اسر : عايز اعودها تقاوح وتعاند … بدل الخوف اللي كانت حابسة نفسها فيه ….
زينب : ربنا يخليك يا ابني … امنية دي طيبة الدنيا فيها … انت عارف يتترعب من القطط ويوم شوفتها بترمي الاكل بتاعها للقط من البلكونة ولما سالتها قالتلي انها مش جعانة اهم حاجة القطط هى جعانة … وانا عارفة أنها كانت جعانة اكتر من القطط دي … اللي ينتقم منها متكون الا كريمة على اللي عملته في أمنية …. انا كنت بسمع صراخها كل يوم. .. البنت دي شافت كتير اوي يا ابني …. خليك معاها … انا عارفة أن المعاملة معاها صعبة شوية …
بس انت شايفة في عنيك صبر هيخليك تتحمل …. أمنية كانت بتحكيلي كتير على مامتها وأنها نفسها تزورها بس طبعا كريمة كانت بترفض. .. لو تعرف توديها هتفرح اوي …. حاول تحبها يا ابني ….أمنية تستاهل كل خير والله
اسر : يااااااااه يا امي …. احاول احبها … انا بقيت عشقها بس عايزها تعتمد على نفسها الاول…. عايزها تكون قوية تعرف تاخد حقها من اي حد …. وحاضر عيوني … هخلي بالي منها … ونروح نزور عمتو ….
زينب : ربنا يخليك يا ابني….
اسر : ويخليكي لينا يا طنط ….
أمنية : انا عملت قهوة …. وعملتلك انت كمان يا استاذ اسر …
اسر : تسلميلي يا حبيبتي
أمنية : ملكش دعوة بيا ماشي ….
اسر : ماشي …. انا نازل استناكي تحت … يلا
أمنية : والقهوة
اسر : مش عايز …
أمنية : شوفتي يا خالتو … مين غلطان دلوقتي
زينب : ههههه … والله والفرحة رجعتلك يا نور عيوني
أمنية : اسر هو السبب يا خالتو … بيهتم بكل حاجة تخصني … اوقات كتير بخاف يكون اسر مجرد حلم جميل … وهصحى منه على كبوس ايامي في بيت كريمة … انا خايفة اوي ….
زينب : اطمني يا حبيبتي … مش اسر اللي ممكن يسيبك … باين في عنيه انه بيحبك …
أمنية بسعادة : بجد …
زينب : انت بتحبيه يا أمنية ….
أمنية : بحبه ايه بس دا انا بموت فيه …
زينب : ربنا يسعدك يا حبيبتي
أمنية : ربنا يخليكي ليا يارب … انا هنزل بقى لأسر …
زينب : ربنا يسعدكم يا حبيبتي … انزلي لجوزك
أمنية: أيوة هو فعلا جوزي … يلا بااااااي
زينب : هههههههه …. مجنونة فعلا زي ماسر قال …أمنية بعند : يلا يا استاذ اسر انا جيت ….
طفلة : أمنية ….أمنية ….
أمنية : ميرو حياتي … اخبارك ايه …
اميرة : انا الحمد لله كويسة … بس انت مشيتي ليه … من يوم ممشيتي ومش حد بيجبلي شيكولا ….
أمنية : يا حبيبتي … لا انا كدا وحشة
اميرة : لا أمنية جميلة وانا بحبها … بس هاتيلي شيكولا
أمنية : شايفة عمو الطويل اللي واقف دا …
اميرة : أيوة …
أمنية : هو دا معاه شيكولا كتير … تعالي قوليله يجبلك
اميرة : طب اسمه ايه ….
أمنية : اسمه اسر ….
اميرة : اممممم … طب تعالي
أمنية : يلا .
اميرة : انت يا عمو يا مكشر
اسر : نعم يا حبيبتي
أمنية بهمس : مش تقول الكلمة دي لحد غيري يا اسر …
اسر : لا هقولها … ايه يا حبيبتي
أمنية بدموع : ماشي …
اميرة : انت اسمك اسر صح
اسر: أيوة صح …
اميرة : طب انا عايزة شيكولا … أمنية كانت بتجبلي الاول بس انت اخدتها مننا … يبقى انت تجبلي
اسر : بس كدا … حاضر … تيجي معانا يا أمنية …
أمنية : لا …
اسر : احسن بردو …
أمنية : بااااارد ….
اميرة : اسر انت مزعل أمنية ليه … انا بحبها وهى بتحبني اوي … انا ماما ماتت من سنتين وأمنية هى اللي بتهتم بيا وبابا كان عايز يتجوز بس هى اتكلمت معاه وهو رفض … مش تزعلها تاني
اسر : حاضر يا ميرو … مش هزعلها … اتفضلي الشيكولا
اميرة : شكرا … يلا. بقى باي ….
اسر : باااااي….
” حسيت اني زودتها معها … بس حبيت أمنية العندية فيها … حبيت شقوتها … جبتها شيبس وايس كريم وشيكولا وحاجات كتير ”
اسر : اتفضلي
أمنية : مش عايزة …
اسر : يا حبيبتي كلي مش انت بتحبيهم
أمنية : لا مش بحبهم … ويلا عايزة اروح
اسر : طب انت زعلانة مني …
أمنية : أيوة كتير خالص
اسر : طب انا اسف …
أمنية : لا انت زعلتني عند خالتو زينب وكمان قولت لاميرة يا حبيبتي … وخدتها معاك السوبر ماركت وانا لا
اسر : ياااااه كل دا …. دا انا وحش كبير
أمنية : أيوة وحش كبير خالص …
اسر : طب مانت كمان زعلتيني عند خالتو زينب … ومش رضيتي تيجي معانا السوبرماركت …
أمنية : لا بس انا زعلت منك اكتر …
اسر : عرفت أن مامت اميرة ماتت
امنية بحزن : أيوة …
اسر : وانت……
أمنية بدموع : روحت لباباها واترجيته أنه مش يتجوز … كفايا اللي حصل معايا …. خوفت اميرة تبقى زيي … خوفت عليها … قولتله لو بتحبها بلاش … قولتله الكل هيسمع صراخها زيي وانت مش هتصدق حد غير مراتك … هو وافق … هو بابا مكنش بيحب ماما يا اسر…..
اسر : ليه بتقولي كدا
أمنية : علشان لما هى ماتت هو اتجوز عليها …. هو لو انا موت انت هتتجوز عليا يا اسر ….
” اول مقولت كدا وقف العربية مرة واحدة … وبصلي جامد بعدين حضني … حسيت بوجع من حضنه ليا. .. بس فرحت … حسيت أن في حد متمسك بيا … حسيت اني مهمة عند حد …”
اسر : اياكي تقولي كدا تاني … اخر مرة اسمع منك الكلام دا مفهوم … انت هتفضلي معايا … انت بنتي انا … مينفعش تبعدي … مينفعش …
أمنية : انا اسفة … انا خايفة اني اتنسى … انت اللي هتفضل فاكرني صح … مش هتنساني …
اسر : بس بس … متقوليش كدا …
أمنية : انا كل مشوف اميرة افتكر نفسي … بس الفرق بيني وبنها مرات الاب … حسيت انها بنتي
اسر : انت هتكوني اجمل ام يا حبيبتي …
أمنية : ام !! لا … لا
اسر : ليه بتقولي كدا …
أمنية : ممكن تروحني
اسر : لما تجاوبي على سؤالي …
أمنية : من الافضل ليا وليك انك مش تعرف … روحني
اسر : لما نروح مكان مهم الاول
أمنية : هنروح فين …
اسر : هتعرفي ….
” سكت … سكت تماما … وانا قاعدة بفكر رايحين فين … مش جاوبت على سؤاله أيوة … اجاوب اقوله ايه … أنه مش بيحبني … علشان كدا عمرنا مهنكون زي اي زوج وزوجة …. واخاف … اخاف اجيب ولاد واموت وهو يتجوز … طبعا هيتجوز …مهو اصلا مش بيحبني ….. فوقت على صوت فرامل العربية … وقف قدام المقابر ”
أمنية بخوف : انت وقفت هنا ليه يا اسر ….
اسر : جاي ازور حد …
أمنية : طب انا هفضل هنا …
اسر : لا انت جاية معايا …
أمنية : ايه …
اسر : يلا ….
أمنية بدموع : دا دا .. دا قبر ماما ….
اسر : أيوة … عمتو وحشتني جبت ازورها … هى وحشتك
أمنية بدموع : وحشتني دي اقل كلمة في الدنيا … ماما … عاملة ايه …انا امنية … شوفتي كبرت ازاي …. كبرت اوي يا ماما … كبرت اليوم اللي سبتيني فيه….. كبرت واتحولت من طفلة المفروض تلعب وترجع اخر اليوم تنام في حضنك لخدامة تشتغل واخر اليوم تنام من الوجع … ااااااااااه يا ماما … كتير كنت بتمنى اجي اشوفك بس مانا كريمة كانت بترفض … وحشتيني … وحشتيني اوي…. بيقولوا انك كنت جميلة وانا فيا شبه منك … انا بشوفك في الصور بس … نفسي اسم ريحتك … نفسي انام في حضنك لو يوم … ليه سبتيني … هو انا وحشة للدرجة دي … طب انا زعلتك … انا طلعت عقاب كبير في حياة اي حد ادخلها يا ماما … بنتك عالة على الكل … خديني عنك بقى … عندك احلى صح … عندك جنة … مش زي هنا نار …. انت عارفة ايه اجمل حاجة في حياتي … هى اسر … اسر اهو يا ماما ابن خالو خالد … أجبره أنه يتجوزني …بس اسر بيعاملني حلو اوي … بيخاف عليا زي متكون بنته … ااااااااااه يا امي لو تعرفي اللي في قلبي …
” فضلت تعيط وتحكي عن كل اللي مرت بيه …. قعدت على الأرض وسندت بضهرها على باب المقبرة …
وفضلت تعيط … حسيت أن قلبي بيتقطع … بينكوي بنار دموعها … غمضت عيونها من الحزن …. لازم اقولها الحقيقة …. ”
اسر : أمنية : انت مش عالة على حد … انا … انا بحبك … لا بعشقك … انت كل حياتي … مقدرش اعيش من غيرك … يومي وحش من غير أمنية … انا مش هقدر اسيب ايدك …. مش هقدر اعيش يوم واحد في بعدك … انت امي وبنتي ومراتي وحبيبتي … انا بحبك اوي … أمنية …. أمنية …. امنييييييييييية
يتبع…
لقراءة الفصل التالي : اضغط هنا
الرواية كاملة اضغط على : (رواية أحببتها رغما عني)
