رواية أجمل صدفة الفصل الاول 1 بقلم توتا أبو الغيط
رواية أجمل صدفة البارت الاول
رواية أجمل صدفة الجزء الاول
رواية أجمل صدفة الحلقة الاولى
_ الجميل قاعد وحده ليه ؟
بصيت بصدمة وانا في البلكونة الساعة ٣ الفجر لقيت شاب بيتكلم ..
ركنت القهوة ورحتله بغضب : بتقول يا متحرش يا متخلف ..
برقلي بصدمة : بتقولي ايه يا حمارة انتي .
_ ينهار ابوك اسود انت بتشتم تاني !
_ هو انا كنت شتمت اولاني .
_ ايوة صح عندك حق .. لا لا لا لا استني انت هتوهني ولا ايه ..انت كنت بتعاكسني ليه ؟ وازاي قاعد في الشارع في الوقت ده ؟
ضحك وضحكته خطفت قلبي مش عارفة ازاي : عشان انتي حلوة .
_ لا والله ؟
_ امال اكذب عليكي يعني .
_ لا تصدق اقنعتني .. تحب ابلغ البوليس ..
اتكأ علي العربية وبصلي بثقة : هتقوليله ايه ؟
_ واحد بيعاكسني ياشرطااااه الحقونيييي .
_ هو صباعك الصغير اتخبط في المكتب ولا ايه .. مش بعيد لو صرختي كدة يقفلوا السكة في وشك اللي زي القمر ده ..
ايه ده انت هتثبتني ولا ايه .. لا اوعي ده انا اللي قادرة ع التحدي والمواجهة ..
_ بقلك ايه ياض اخلع ..
_ أخلع ..
_ أه اخلع بما يرضي الله بدال ما أخليك تخلع بما لا يرضي الله .
_ هتعملي ايه يعني ؟
بصتله بغيظ مش عارفة اطوله الجزمة ده يخربيت جمال أمه .. ايه اللي انا بقوله ده ..
مسكت الشبشب ومن غير وعي مني رميته عليه ..
_ يبنت المجنونة ..
مسكت الفردة التانية وقمت حادفاها عليه ..
_ الاه .. متحاسبي يا حجة شايفاني صرصار يبنت الهبلة ..
_ أمك هي اللي هبلة يبن الهبلة ..
_ طيييييب .. شايفة دقني .
_ شايفة سكسوكة عاوزة الحرق .
_ احلقها لو اخدتي مني الشبشب ده .
_ ما تاخده يعن.. ينهار أسود الشبشب ..
_ لا .
_ خلاص والله يا عمو مش هعمل كدة تاني ..
_ عمو ؟
_ خلاص يا أبيه .
_ أبيه .. أنتي مواليد كام يا شاطرة .
_ بقلك يلا متصعش وهات الشبشب .
_ مش ده اللي كنتي عمالة تحدفيه .. اهو راح يا انشراح .. انا ماشي .
_ لاااااااا ضنايااااا ياني ياماااااا
_ ههههههههه انا شمتان ..
_ الشبشب يبو الكباااااتييين .. خد رايح فين يا حرااااامي الشباشب ..
اخد الشبشب ومشي ابن اللذينا رحت بسرعة طلبت الشرطة ..
_ ألو ..
_ ألو لو سمحت عاوزة ابلغ عن سرقة ..
_ تمام اسمك ورقمك القومي ..
_ اقوم فين سعادتك ..
_ تقومي ايه بقلك اسمك ورقمك القومي ..
_ اه الرقم القومي اه .. انا اسمي ريم ..
_ ..
_ حضرتك لسة معايا ..
_ ايوة انا مستني تكلمي هو انتي الوحيدة اللي اسمك ريم هنا ..
_ أه سوري .. ريم كمال عبد الحميد الشهيرة بريم شطة ..
_ ريم مين ؟
_ ريم شطة .. متاخدش في بالك ..
_ هو انتي نازلة انتخابات مهرجانات ولا ايه .
_ يا مستر ظابط خلينا في المحضر .
_ مستر ظابط..
_ وبعدين بقي في الليلة السودة دي .. كان مالي انا مش كان زماني سمعت كلام هند الكلب ونمت ..
_ حضرتك بتقولي حاجة ..
_ بقلك ركز في المحضر اللي في ايدك ..
_ آه تمام .. ساكنة فين ..
_ المعادي ..
_ ايه اللي حصل ؟
_ واحد عاكسني ..
_ عاكسك الساعة ٣ الفجر !
_ أيوة مهو صايع واهله مربهوش ..
_ تمام كملي ..
_ رحت حدفت عليه الشبشب ..
_ تمام ..
_ تمام ايه بقلك حدفت عليه الشبشب ..
_ ايوة يعني فين المشكلة ..
_ و بعدين في الظابط النرم ده ..
_ بت ..
_ اسفة .. قصدي انه اخد الشبشب ومشي ..
_ هو سرق الشبشب .. ده قصدك ..
_ اخيرا ..
_ يعني سابك حافية ..
_ حافية ايه حضرتك انا في بيتي ..
_ وهو عاكسك وانتي في بيتك ..
_ اه ..
_ وحدفتي عليه الشبشب..
_ اه ..
_ طيب بصي خلاص ربنا يعوض عليكي وهاتي واحد غيره ..
_ واحد غيره ايه هو شبشب ..
_ !!
_ اسفة مهو شبشب فعلا ..
_ طيب مع السلامة وربنا يعوضك ..
_ لااااا استننننننيييي ..
_ ودني حراااام ودني .
_ اسفة .. بس انا مش هتنازل عن المحضر ..
_ محضر ايه اللي عايزاني اعمله .. سرقة شبشب .. وياتري عليه صور بيهددك بيها عشان نعمله محضر ابتزاز بالمرة ..
_ ياريت والله ..
_ ياريت ايه انتي هبلة يبت ..
_ انت كمان ..
_ انا كمان ايه ..
_ لا متخدش في بالك
_ طيب مع السلامة ..
_ طبعا منتا لو مهتم .. الو .. الو .. قفل ابن ال.. لا بلاش اشتم ده ظابط والظبابيط بيظبطوا اللي بيشتموهم ..
قفلت ولا اراديا دمعة نزلت من علي خدي .. انا ريم مليش اهل مكنش ليا غير امي اللي اتوفت من سنتين .. والشبشب ده كان بتاعها هي اللي اخده ابن الوارمة ده ..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أجمل صدفة)
